Langagerði 1, Langholtsvegur 115, Lágholtsvegur 13 , Brekkubær 19, Grænlandsleið 2-20, Naustabryggja 21-29, Spöngin 33-37, heilsugæslustöð, Stórhöfði 37,

Embættisafgreiðslufundur skipulagsstjóra Reykjavíkur samkvæmt samþykkt nr. 627/2000.

24. fundur 2001
Ár 2001, mánudaginn 16. júlí kl. 11:20 var haldinn 24. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 3. 3. hæð. Viðstaddir voru: Þorvaldur S. Þorvaldsson og Þórarinn Þórarinsson
Þetta gerðist:

1.01 Langagerði 1,
Lagt fram bréf Pálmars Harðarsonar, dags. 07.07.01, ásamt þrem tillögum rissuðum á mæliblað ódags.
Frestað.
2.01 Langholtsvegur 115, nýting á lóð
Lagt fram bréf Fasteignarsölunnar Kjöreign ehf, dags. 10.01.01, varðandi fyrirspurn um lóð og byggingar að Langholtsvegi 115. Einnig lagt fram bréf Gunnars Rósinkranz arkitekts, f.h. Gerpis ehf, dags. 08.07.01 ásamt uppdr. dags. 08.07.01.
Jákvætt gagnvart því að breyta landnotkun á lóðinni og byggja þar upp og miða við nýtingu allt að 0,7. Vinna þarf tillögu nánar í samráði við Borgarskipulag og kynna fyrir skipulags- og byggingarnefnd.
3.01 Lágholtsvegur 13 , Viðbygging
Lögð fram tillaga Gunnlaugs Ó. Johnson arkitekts, dags. 02.07.01, að breytingu á deiliskipulagi Bráðræðisholts. Einnig lagt fram bréf frá afgreiðslufundi byggingarfulltrúa, dags. 23.05.01, þar sem sótt er um leyfi til þess að byggja vinnustofu að suðausturgafli fyrstu hæðar, byggja kvist á norðausturhlið, setja svalahurð á hjónaherbergi og breyta herbergi á fyrstu hæð í geymslu í húsinu á lóðinni nr. 13 við Lágholtsveg. Einnig er sótt um leyfi til þess að koma fyrir bílastæði framan við norðausturhlið hússins, samkv. uppdr. Gunnlaugs Ó. Johnson arkitekts, dags. 02.04.01.
Stærð: Stækkun 25,9 ferm. og 57,3 rúmm.
Gjald kr. 4.100 + 2.349
Samþykkt að grenndarkynna breytinguna fyrir hagsmunaaðilum að Lágholtsvegi 3, 4, 6, 7, 8, 9, 10, 11, 12, 15 og 17.
4.01 Brekkubær 19,
Lagt fram bréf eigenda Brekkubæjar 19, dags. 04.07.01, varðandi umráðarétt (fósturlóð) yfir 3,5 metra skika við enda raðhúss. Samþykki meðlóðarhafa er meðfylgjandi. Einnig lögð fram gögn varðandi afgreiðslu sambærilegs máls varðandi Brekkubæ 1-11.
Jákvætt með vísun til afgreiðslu málsins Brekkubær 1-11. Leggja fyrir skipulags- og byggingarnefnd 25.07.01.
5.01 Grænlandsleið 2-20, niðurfelling göngustígs
Lögð fram tillaga gatnamálastjóra, dags. 21.06.01, að niðurfellingu göngustígs Grænlandsleiðar 2-20.
Gatnamálastjóra og hverfisstjóra falið að vinna tillögu að breytingu á deiliskipulagi, sem gerir ráð fyrir að fella göngustíg niður. Skoða þarf hvort fella beri niður sambærilega stíga í hverfinu.
6.01 Naustabryggja 21-29, bílastæði
Lagt fram bréf Björns Ólafs arkitekts, dags. 11.07.01, varðandi fyrirkomulag bílastæða á lóðunum Naustabryggja 21-29, ásamt tillögu Péturs Jónssonar landslagsarkitekts.
Jákvætt. Vinna þarf tillögu á kostnað umsækjanda sem tekur einnig á bílastæðafyrirkomulagi húss nr. 12 samkv. skipulagi (nr. 31-33 við Naustabryggju) að höfðu samráði við lóðarhafa og Borgarskipulag.
7.01 Spöngin 33-37, heilsugæslustöð, breyting á deiliskipulagi
Lagt fram bréf Hrafnkels Thorlacius arkitekts, dags. 07.06.01 ásamt tillögu dags. 29.06.01, að breytingu á deiliskipulagi í Spönginni.
Frestað. Lagfæra þarf uppdrátt í samræmi við athugasemdir á uppdrætti. Sýna þarf göngutengsl frá Borgaskóla og tengsl við megin gönguleið til sjávar.
8.01 Stórhöfði 37,
Lögð fram tillaga ARKÍS, dags. 29.10.00, breytt 27.06.01, ásamt tillögu umferðardeildar borgarverkfræðings, dags. 27.06.01, að hringtorgi.
Óskað er eftir betri tillögu frá umferðardeild sem sýnir lausn á aðkomu og bílastæðum á lóðinni nr.37 og aðkomu að nærliggjandi lóðum og annarri útfærslu á gatnamótum t.d. ljósastýrðum gatnamótum.