Barðastaðir 61, Ystasel 37, Frostaskjól 2-6, Reitur 1.134.6 - Holtsgötureitur, Bústaðavegur 151, Grensásvegur 11, Geldinganes, Kjalarnes, Álfsnes, Öskjuhlíð, Tjarnargata 35, Reitur 1.172.2, Afgreiðslufundur byggingarfulltrúa, Hlyngerði 6, Hörgshlíð 26, Klettháls 7, Norðurfell 15, Öldugata 2, Fiskislóð 3, Gnoðarvogur 44-46, Borgartún 17, Byggingarlistastefna, Engjavegur 6, Kirkjuteigur 24, Laugarnesskóli, Klettasvæði, Kringlumýrarbraut 100, Esso, Ofanleiti 17, Strætó bs, Vesturbæjarsundlaug, Yfirlit um byggingarframkvæmdir í Reykjavík 2003, Stekkjarbakki 2, Staldrið,

Skipulags- og byggingarnefnd

157. fundur 2004
Ár 2004, miðvikudaginn 5. maí kl. 09:00, var haldinn 157. fundur skipulags- og byggingarnefndar Reykjavíkur. Fundurinn var haldinn að Borgartúni 3, 4. hæð. Viðstaddir voru: Steinunn Valdís Óskarsdóttir, Anna Kristinsdóttir, Óskar Dýrmundur Ólafsson, Hanna Birna Kristjánsdóttir og Kristján Guðmundsson. Eftirtaldir embættismenn sátu fundinn: Salvör Jónsdóttir, Helga Bragadóttir, Magnús Sædal Svavarsson, Björn Ingi Sveinsson, Þórhildur Lilja Ólafsdóttir, Ólafur Bjarnason, Bjarnfríður Vilhjálmsdóttir og Sigríður Kristín Þórisdóttir. Auk þess gerðu eftirtaldir embættismenn grein fyrir einstökum málum: Margrét Þormar, Ívar Pálsson, Björn Axelsson og Helga Guðmundsdóttir. Fundarritari var Helga Björk Laxdal.
Þetta gerðist:

Umsókn nr. 40124 (02.40.43)
501193-2409 ALARK arkitektar ehf
Dalvegi 18 201 Kópavogur
1. Barðastaðir 61, deiliskipulag
Að lokinni grenndarkynningu er lögð fram að nýju tillaga ALARK arkitekta ehf, að breytingu á deiliskipulagi vegna lóðar nr. 61 við Barðastaði, dags. 17.03.04. Málið var í kynningu frá 26. mars til 26. apríl. Athugasemdabréf barst frá Jóni Ólafssyni og Kristínu Elfu Bragadóttur, Barðastöðum 63, dags. 18.04.04. Einnig lögð fram umsögn skipulagsfulltrúa, dags. 3. maí 2004.
Samþykkt, sbr. 4. gr. samþykktar fyrir skipulags- og byggingarnefnd.
Umsókn nr. 40093 (04.93.03)
571284-0149 Teiknistofa Guðr/Kn J arkit sf
Tjarnargötu 4 101 Reykjavík
2. Ystasel 37, deiliskipulag
Að lokinni grenndarkynningu er lögð fram að nýju tillaga Teiknistofu Guðrúnar Jónsdóttur, dags. 23.03.04, að breytingu á deiliskipulagi lóðar nr. 37 við Ystasel. Málið var í kynningu frá 26. mars til 26. apríl 2004. Engar athugasemdir bárust.
Samþykkt, sbr. 4. gr. samþykktar fyrir skipulags- og byggingarnefnd.
Umsókn nr. 40088 (01.51.69)
710178-0119 Teiknistofan ehf
Brautarholti 6 105 Reykjavík
3. Frostaskjól 2-6, hækkun girðingar
Að lokinni grenndarkynningu er lögð fram að nýju tillaga T.ark. dags. 13.01.03, breytt 09.03.04, að breytingu á deiliskipulagi á lóðinni nr. 2-6 við Frostaskjól vegna hækkunar girðingar við gervigrasvöll. Einnig lagt fram bréf T.ark. f.h. Knattspyrnufélags Reykjavíkur, dags. 18.02.04. Málið var í kynningu frá 24. mars til 21. apríl 2004. Athugasemdabréf barst frá húseigendum að Boðagranda 14, 16, 18, 20 og 22, dags. 19.04.04. Einnig lagður fram tölvupóstur frá Ingólfi Guðmundssyni, dags. 30.04.04 og viðbrögð við athugasemdum, dags. 29.04.04. Einnig lögð fram umsögn skipulagsfulltrúa, dags. 30. apríl 2004.
Samþykkt, sbr. 4. gr. samþykktar fyrir skipulags- og byggingarnefnd.

Salvör Jónsdóttir vék af fundi við afgreiðslu málsins.
Umsókn nr. 40253 (01.13.46)
4. Reitur 1.134.6 - Holtsgötureitur, skipulagsforsögn
Lögð fram forsögn skipulagsfulltrúa, dags. í apríl 2004, að deiliskipulagi reits 1.134.6 - Holtsgötureit, sem markast af Holtsgötu, Bræðraborgarstíg, Sólvallagötu og Vesturvallagötu.
Forsögn samþykkt.
Umsókn nr. 40240 (01.88)
5. Bústaðavegur 151, breyting á aðalskipulagi
Að lokinni auglýsingu er lögð fram að nýju tillaga að breytingu á Aðalskipulagi Reykjavíkur 2001-2004, hvað varðar Bústaðaveg 151. Tillagan var í auglýsingu frá 7. til 30. apríl 2004. Athugasemdabréf barst frá LEX ehf, lögmannsstofu f.h. Þyrpingar hf, dags. 26.04.04. Einnig lögð fram umsögn skipulags- og byggingarsviðs, dags. 3. maí 2004.
Frestað á milli funda.
Umsókn nr. 40116 (01.46.110.2)
440703-2590 Teiknistofa Halldórs Guðm ehf
Skúlatúni 6 105 Reykjavík
6. Grensásvegur 11, breyting á deiliskipulagi
Lagt fram bréf Teiknistofu Halldórs Guðmundssonar, dags. 19.04.04, ásamt tillögu að breytingu á deiliskipulagi á lóðinni nr. 11 við Grensásveg, dags. 19.04.04, breytt 29.04.04. Einnig lögð fram umsögn skipulagsfulltrúa, dags. 11. mars 2004.
Samþykkt að auglýsa framlagða tillögu.
Vísað til borgarráðs.

Fulltrúar Sjálfstæðisflokks óskuðu bókað:
Fulltrúar Sjálfstæðisflokks samþykkja að senda tillöguna í auglýsingu með öllum hefðbundnum fyrirvörum um endanlega afstöðu.
Umsókn nr. 40203 (02.1)
410493-2099 Kajak-klúbburinn
Álfhólsvegi 106 200 Kópavogur
7. Geldinganes, Kayakklúbburinn, lóðarumsókn
Lagt fram bréf Kayakklúbbsins, dags. 14. apríl 2004, varðandi umsókn um lóð og byggingu á eiðinu úti í Geldinganes. Einnig lögð fram tillaga pk-hönnunar, dags. 10.01.04.
Kynnt.
Málinu vísað til umsagnar ÍTR.
Umsókn nr. 40211
510588-1189 Sorpeyðing höfuðborgarsvæðis bs
Vesturlandsv Gufunesi 112 Reykjavík
8. Kjalarnes, Álfsnes, breyting á deiliskipulagi
Lögð fram tillaga Stuðuls, dags. 6. apríl 2004, að breytingu á deiliskipulagi við urðunarstað Sorpu í Álfsnesi, ásamt greinargerð, dags. í mars 2004. Einnig lagt fram bréf Sorpu, dags. 13. apríl 2004.
Samþykkt að auglýsa framlagða tillögu að breytingu á deiliskipulagi.
Vísað til borgarráðs.

Fulltrúar Sjálfstæðisflokks óskuðu bókað:
Fulltrúar Sjálfstæðisflokks samþykkja að senda tillöguna í auglýsingu með öllum hefðbundnum fyrirvörum um endanlega afstöðu.
Umsókn nr. 40150 (01.76)
9. Öskjuhlíð, Leynimýri, breyting á deiliskipulagi
Lögð fram tillaga að breytingu á deiliskipulagi í Leynimýri, Öskjuhlíð, dags. 19.03.04. Sbr. uppdrætti Landmótunar. Einnig lögð fram til kynningar tillaga að duftgarði sbr. tillögu Teiknistofunnar Traðar, dags. 15.12.03.
Samþykkt að auglýsa framlagða tillögu að breytingu á deiliskipulagi.
Vísað til borgarráðs.
Vísað til kynningar í umhverfis- og heilbrigðisnefnd.

Fulltrúar Sjálfstæðisflokks óskuðu bókað:
Fulltrúar Sjálfstæðisflokks samþykkja að senda tillöguna í auglýsingu með öllum hefðbundnum fyrirvörum um endanlega afstöðu.
Umsókn nr. 40255 (01.14.23)
480190-1069 Fasteignastofa Reykjavíkurborg
Skúlatúni 2 105 Reykjavík
10. Tjarnargata 35, lóðarbreyting
Lagt fram bréf Fasteignastofu Reykjavíkurborgar, dags. 4. maí 2004, ásamt tillögu að lóðarbreytingu á lóðinni nr. 35 við Tjarnargötu, dags. 4. maí 2004.
Framlögð tillaga að lóðabreytingu samþykkt.
Umsókn nr. 30564 (01.17.22)
710178-0119 Teiknistofan ehf
Brautarholti 6 105 Reykjavík
11. Reitur 1.172.2, breyting á deiliskipulagi, v/Laugav. 34a og Grettisgötu 17
Á fundi nefndarinnar þann 28. apríl 2004 var erindið samþykkt og því vísað til afgreiðslu borgarráðs með svohljóðandi bókun: "Auglýst tillaga samþykkt.
Vísað til borgarráðs".
Þar sem tillagan var grenndarkynnt var framangreind bókun ekki rétt og ekki þörf á staðfestingu borgarráðs. Bókunin átti að hljóða svo: Kynnt breyting samþykkt sbr. 4. gr. samþykktar fyrir skipulags- og byggingarnefnd. Leiðréttist það hér með.
Samþykkt.
Umsókn nr. 29339
12. Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 296 frá 4. maí 2004, án liðar nr. 39.

Umsókn nr. 29040 (01.80.620.6)
060969-5589 Anna Lísa Sigurjónsdóttir
Hlyngerði 6 108 Reykjavík
191170-5719 Hreiðar Már Sigurðsson
Hlyngerði 6 108 Reykjavík
13. Hlyngerði 6, bílskúr
Að lokinni grenndarkynningu er lagt fram að nýju bréf byggingarfulltrúa, dags. 31. mars 2004, þar sem sótt er um leyfi til þess að byggja steinsteyptan bílskúr með geymslukjallara sunnan við einbýlishúsið á lóð nr. 6 við Hlyngerði, samkv. uppdr. Arnar Baldurssonar arkitekts, dags. 22.03.04. Engar athugasemdir bárust að lokinni kynningu. Samþykki nágranna árituð á teikningu.
Bréf hönnuðar dags. 9. og 22. mars 2004 fylgja erindinu.
Stærð: Bílskúr 32,2 ferm., geymslukjallari 32,2 ferm., samtals 64,4 ferm., 185,6 rúmm.
Gjald kr. 5.400 + 10.022
Samþykkt.
Samræmist ákvæðum laga nr. 73/1997.
Með vísan til samþykktar borgarráðs frá 1. september 1998 skal utanhúss- og lóðarfrágangi vera lokið eigi síðar en innan tveggja ára frá útgáfu byggingarleyfis að viðlögðum dagsektarákvæðum 57. gr. skipulags- og byggingarlaga nr. 73/1997.
Umsókn nr. 29151 (01.73.030.5)
020855-5849 Hildur Petersen
Hörgshlíð 26 105 Reykjavík
14. Hörgshlíð 26, Garðskáli
Að lokinni grenndarkynningu er lagt fram að nýju bréf byggingarfulltrúa, dags. 7. apríl 2004, þar sem sótt er um leyfi til þess að byggja garðskála við suðurhlið 1. hæðar einbýlishússins á lóð nr. 26 við Hörgshlíð, samkv. uppdr. Teiknistofunnar Óðinstorgi, dags. í mars 2004. Engar athugasemdir bárust að lokinni kynningu. Lagt fram samþykki þeirra sem grenndarkynnt var fyrir, mótt. 27. apríl 2004.
Stærð: Garðskáli 13,8 ferm., 34,8 rúmm.
Gjald kr. 5.400 + 1.879
Samþykkt.
Samræmist ákvæðum laga nr. 73/1997.
Með vísan til samþykktar borgarráðs frá 1. september 1998 skal utanhúss- og lóðarfrágangi vera lokið eigi síðar en innan tveggja ára frá útgáfu byggingarleyfis að viðlögðum dagsektarákvæðum 57. gr. skipulags- og byggingarlaga nr. 73/1997.
Umsókn nr. 29319 (04.34.260.1)
530398-2269 Ís-hlutir ehf
Gylfaflöt 32 112 Reykjavík
670502-2950 Þursaborg ehf
Dalhúsum 54 112 Reykjavík
15. Klettháls 7, atvinnuhús
Sótt er um leyfi til þess að byggja steinsteypt atvinnuhús að hluta á tveimur hæðum, einangrað að utan og að mestu klætt með múrkerfi á lóð nr. 7 við Klettháls.
Jafnframt er atvinnuhús á sömu lóð sem samþykkt var 14. október 2003 fellt úr gildi og erindi 28626 dregið til baka.
Stærð: Atvinnuhús 1. hæð 1798 ferm., 2. hæð 421,2 ferm., samtals 2219,2 ferm., 7371,8 rúmm.
Gjald kr. 5.400 + 398.077
Frestað.
Vísað til athugasemda á umsóknarblaði.
Umsókn nr. 29225 (04.66.670.2)
561294-2409 Landssími Íslands hf,fasteignad
Thorvaldsensstræti 4 150 Reykjavík
16. Norðurfell 15, afl- og dreifistöð
Lagt fram bréf byggingarfulltrúa, dags. 23. apríl 2004, þar sem sótt er um leyfi til að byggja afl- og dreifistöð fyrir Landssíma Íslands á lóðinni nr. 15 við Norðurfell. Húsið verði einangrað og klætt að utan með timbri og álplötum og málað í grænum lit, samkv. uppdr. Batterísins, dags. 01.04.04.
Erindinu fylgir bréf OR dags. 26. jan. 2004 vegna heimildar til að fella niður kvöð á lóðinni, útskrift úr gerðarbók afgreiðslufundar skipulagsfulltrúa 6. feb. 2004.
Stærð: xx
Gjald kr. 5.400 + xx
Nefndin gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.
Umsókn nr. 26978 (01.13.631.1)
620174-0259 Andl þjóðarráð baháía á Íslandi
Öldugötu 2 101 Reykjavík
17. Öldugata 2, viðbyggingar
Að lokinni grenndarkynningar byggingarleyfisumsóknar er lagt fram að nýju bréf byggingarfulltrúa, dags. 14. janúar 2004, þar sem sótt er um leyfi til að rífa bílgeymslu við húsið nr. 2 við Öldugötu og að byggja þess í stað móttökuskála á norðurhluta lóðarinnar ásamt lyftustokki og tilheyrandi tengigangi við norðurhlið hússins.Skálinn verði byggður úr steinsteypu og stáli, klæddur með múrkerfi með svipaðri áferð og hús eða klæddur með grágrýti. Á þaki verði gras. Jafnframt verði byggður nýr kvistur í norðurþak af sömu stærð og með svipaðri áferð og kvistur í suðurþaki. Ennfremur er sótt um leyfi til að breyta notkun og innra fyrirkomulagi allra hæða hússins og koma þar fyrir fundar- og kennsluherbergjum ásamt matsal og framreiðslueldhúsi á fyrstu hæð., samkv. uppdr. Arkitekta- og skipulagsstofu Gunnlaugs B. Jónssonar arkitekts, dags. 24.03.03, breytt apríl 2004. Erindinu fylgir umsögn skipulagsfulltrúa dags. 11. nóv. 2002 vegna breyttrar notkunar og bílastæða, umsögn skipulagsfulltrúa vegna fyrirspurnar dags. 29. jan. 2003 og útskrift úr gerðarbók afgreiðslufundar skipulagsfulltrúa dags. 3. feb. 2003, yfirlýsing burðarvikjahönnuðar dags. 6. des. 2003, samþykki lóðarhafa að Öldugötu 2 dags. 15. apríl 2003, tölvupóstur frá Runólfi Ágústssyni dags. 7. des. 2003 og skuggavarp, dags. 24.03.03 og 21.01.04. Málið var í kynningu frá 29. janúar til 25. febrúar 2004. Athugasemdabréf bárust frá 3 eigendum hússins að Öldugötu 4, dags. 23.02.04, 9 íbúum og eigendum að Öldugötu 3, 5, 6 og 7, dags. 23. febrúar 2004. Einnig lögð fram umsögn skipulagsfulltrúa, dags. 12. mars 2004, breytt 3. maí 2004 og fundargerð frá fundi með íbúum þann 24. mars 2004.
Greiða skal fyrir x stæði í flokki II (ca 201 þús. pr. stæði).
Niðurrif: Bílskúr 32.2 ferm. og 81 rúmm.
Stækkun: xx
Gjald kr. 5.100 + xx
Samþykkt með 4 atkvæðum fulltrúa Reykjavíkurlista gegn þremur atkvæðum fulltrúa Sjálfstæðisflokks að veitt verði byggingarleyfi þegar uppdrættir hafa verið lagfærðir í samræmi við athugasemdir á umsóknareyðublaði og umsögn skipulagsfulltrúa.
Málinu vísað til afgreiðslu byggingarfulltrúa.

Fulltrúar Sjálfstæðisflokks óskuðu bókað:
Fulltrúar Sjálfstæðisflokks taka undir málaefnaleg mótmæli íbúanna á svæðinu og greiða atkvæði gegn tillögunni, enda teljum við breytingu á þessu húsnæði úr íbúðarhúsnæði í atvinnuhúsnæði hvorki í samræmi við þarfir þessa gróna hverfis né íbúanna.

Umsókn nr. 29221 (01.08.950.2)
450493-2959 Grandavör ehf
Skerplugötu 2 101 Reykjavík
18. Fiskislóð 3, breyting inni
Sótt er um leyfi til þess að breyta innra fyrirkomulagi verslunarhúsnæðis á lóðinni nr. 3 við Fiskislóð.
Einnig er gerð grein fyrir breytingu á frístandandi skilti við aðkomu á lóð sunnan húss.
Tölvubréf hönnuðar dags. 9. apríl 2004 fylgir erindinu.
Skilti á lóð: 13,5 ferm. á norðausturhlið húss, 10,5 ferm. á suðausturgafli og 9,0 ferm. á fríttstandandi skilti.
Gjald kr. 5.400
Samþykkt.
Með vísan til gr. 9.1.1 í samþykkt um skilti í Reykjavík.
Samræmist ákvæðum laga nr. 73/1997.
Áskilið samþykki heilbrigðiseftirlits.
Umsókn nr. 29379 (01.44.410.1)
19. Gnoðarvogur 44-46, lóðarmarkabreyting
Lögð fram tillaga að breytingu á lóamörkum sbr. meðfylgjandi mæliblað mælingadeildar dags. 4. maí 2004.
Gnoðarvogur 44-46:
Lóðin er 1939 ferm., sbr. lóðarsamning Litra K 19 nr. 106 dags. 4. mars 1968.
Bætt við lóðina 93 ferm. Tekið af lóðinni, 2 skikar 12 ferm.
Lóðin verður 2020 ferm.

Umsókn nr. 40199 (01.21.77)
710178-0119 Teiknistofan ehf
Brautarholti 6 105 Reykjavík
20. Borgartún 17, breyting á deiliskipulagi
Lagt fram bréf borgarstjóra f.h. borgarráðs um samþykkt borgarráðs 27. apríl 2004 á bókun skipulags- og byggingarnefndar frá 21. s.m. um auglýsingu á breyttu deiliskipulagi lóðarinnar nr. 17 við Borgartún.

Umsókn nr. 40139
21. Byggingarlistastefna, umfjöllun um gæði byggðar
Lagt fram yfirlit borgararkitekts, dags. í nóvember 2003 um byggingarlistastefnu, umfjöllun um gæði byggðar.
Frestað.
Umsókn nr. 29343 (00.00.000.0)
22. Engjavegur 6, skilti
Lagt fram bréf Sigurjóns og Thor ehf., dags. 28. apríl 2004 vegna félagshúss Þróttar við Engjaveg 6.
Málinu vísað til umsagnar lögfræði og stjórnsýslu.
Umsókn nr. 30365 (01.36.30)
23. Kirkjuteigur 24, Laugarnesskóli, breyting á deiliskipulagi
Lagt fram bréf borgarstjóra f.h. borgarráðs um samþykkt borgarráðs 27. apríl 2004 á bókun skipulags- og byggingarnefndar frá 21. s.m. um auglýsingu á breyttu deiliskipulagi lóðar Laugarnesskóla.

Umsókn nr. 40177 (01.33)
530269-7529 Reykjavíkurhöfn
Tryggvag Hafnarhúsi 101 Reykjavík
24. Klettasvæði, breyting á deiliskipulagi lóðanna Klettagarðar 15-27 og Köllunarklettsvegur 6-10
Lagt fram bréf borgarstjóra f.h. borgarráðs um samþykkt borgarráðs 27. apríl 2004 á bókun skipulags- og byggingarnefndar frá 21. s.m. um auglýsingu á breyttu deiliskipulagi lóðanna nr. 15-27 við Klettagarða og nr. 6-10 við Köllunarklettsveg.

Umsókn nr. 40200 (01.78)
701285-0699 Arkitektar Skógarhlíð sf
Skógarhlíð 18 105 Reykjavík
25. Kringlumýrarbraut 100, Esso, deiliskipulag
Lagt fram bréf borgarstjóra f.h. borgarráðs um samþykkt borgarráðs 27. apríl 2004 á bókun skipulags- og byggingarnefndar frá 21. s.m. um auglýsingu á deiliskipulagi lóðar bensínstöðvar Esso að Kringlumýrarbraut 100.

Umsókn nr. 29349 (01.74.410.5 02)
26. Ofanleiti 17,
Lagt fram bréf lögfræðistofu Gunnars Sæmundssonar hrl. dags. 25. febrúar 2004, en þar er óskað eftir ógildingu á ákvörðun byggingarfulltrúa, vegna sólpalls og girðingar um sérnotaflöt íbúðar í Ofanleiti 15-17.
Jafnframt lögð fram umsögn lögfræði- og stjórnsýslu skipulags- og byggingarsviðs dags. 21. apríl 2004.
Umsögn lögfræði og stjórnsýslu samþykkt.
Umsókn nr. 40183
500501-3160 Strætó bs
Þönglabakka 4 109 Reykjavík
27. Strætó bs, nýtt leiðakerfi
Lagt fram að nýju bréf Ásgeirs Eiríkssonar framkv.stj. dags. 5. apríl 2004 varðandi tillögu að nýju leiðakerfi Strætó bs. á höfuðborgarsvæðinu.
Samþykkt að hefja vinnu við endurskoðun skipulags af Hlemmi og nágrenni.
Umsókn nr. 20354 (01.52.61)
28. Vesturbæjarsundlaug, deiliskipulag, heilsuræktarþjónusta
Lagt fram bréf borgarstjóra f.h. borgarráðs um samþykkt borgarráðs 27. apríl 2004 á bókun skipulags- og byggingarnefndar frá 21. s.m. um breytt deiliskipulag lóðar Vesturbæjarsundlaugar.

Umsókn nr. 29337
29. Yfirlit um byggingarframkvæmdir í Reykjavík 2003,
Lagt fram yfirlit byggingarfulltrúa um byggingarframkvæmdir í Reykjavík árið 2003.
Formaður skipulags- og byggingarnefndar Steinunn Valdís Óskarsdóttir óskaði bókað:
Skipulags- og byggingarnefnd þakkar embætti byggingarfulltrúa framlagt yfirlit yfir byggingarframkvæmdir í Reykjavík fyrir árið 2003

Í yfirliti kemur fram að fullgerðar íbúðir á árinu 2003 voru alls 872, ekki hafa verið jafn margar fullgerðar íbúðir í Reykjavík síðan árið 1987. Hafin var smíði á 735 nýjum íbúðum sem er einnig mun meira en á undanförnum árum. Sá mælikvarði sem segir þó e.t.v. mest um byggingarframkvæmdir í Reykjavík er byggingarmagn í fermetrum og á árinu 2003 eru byggðir 250.000 fermetrar sem er það almesta í sögu borgarinnar ef frá er skilið árið 1989 þegar byggðir voru um 275.000 fermetrar.

Frá árinu 1999 hefur verið stöðug aukning í fjölgun fullgerðs húsnæðis af ýmsum toga í Reykjavík. Aldrei í sögu Reykjavíkur hefur verið byggt meira af íbúðarhúsnæði en á síðastliðnu ári.

Tölurnar staðfesta mikinn uppgang í skipulags- og byggingarmálum í borginni.

Fulltrúar Sjálfstæðisflokks óskuðu bókað:
Fulltrúar Sjáflstæðisflokks taka undir þakkir til embættis byggingarfulltrúa. Á valdatíma Reykjavíkurlistans hefur verið mesta fjölgun fólks á höfuðborgarsvæðinu í Íslandssögunni. Því miður hefur Reykjavíkurlistinn ekki tryggt skilyrði fyrir stækkun borgarinnar og hefur fjölgunin á svæðinu því verið í öðrum sveitarfélögum en Reykjavík. Sérstaklega hefur verið áberandi brottflutningur barnafjölskyldna frá Reykjavík til nágrannasveitarfélaganna.

Sjálfstæðismenn hafa alltaf gagnrýnt lóðarskortsstefnu Reykjavíkurlistans. Sú gagnrýni borgarfulltrúa Sjálfstæðisflokksins og fleiri aðila, virðist nú í fyrsta sinn í 10 ár hafa borið nokkurn árangur. Því fagna fulltrúar Sjálfstæðisflokksins, en telja að gera verði enn betur. Til þess að svo geti orðið þarf breyttar áherslur í skipulags- og lóðarmálum borgarinnar.

Umsókn nr. 40217 (04.60.20)
30. Stekkjarbakki 2, Staldrið,
Lagt fram svohljóðandi svar skipulags- og byggingarsviðs við fyrirspurn frá fulltrúum Sjálfstæðisflokksins sem fram koma á fundi nefndarinnar þann 21. apríl 2004, dags. 5. maí 2004:
Framangreindar reglur voru dregnar fram í dagsljósið við umfjöllun um erindi Atlandsolíu varðandi rekstur bensínstöðvar við Sogaveg nr. 3, um miðjan janúar sl. Fram að þeim tíma var starfsmönnum sviðsins almennt ekki kunnugt um þær. Við umfjöllun um það mál sem hér um ræðir var því horft til þeirra efnisreglna sem fram koma í reglunum (í viðauka þeirra) varðandi umferð, umferðaröryggi, fjarlægð frá íbúðarhúsnæði og annarra grenndarréttarlegra sjónarmiða sem mesta þýðingu hafa fyrir hagsmunaaðila á svæðinu. Litið var svo á að þær formreglur, sem fram koma í 1. gr. reglnanna, og fjalla m.a. um breytingu á deiliskipulagi og kynningu, ættu ekki við þar sem starfsemin samræmdist landnotkun samkvæmt gildandi deiliskipulagi, sem er verslunar og þjónustulóð og skv. aðalskipulagi, miðsvæði, sbr. ákvæði greina 4.4. og 4.5. í gildandi skipulagsreglugerð nr. 400/1998. Ekki var því talin þörf á að auglýsa eða kynna breytingu á deiliskipulagi svæðisins vegna þessa. Var orðalag 1. gr. reglnanna túlkað með hliðsjón af þeim lagaramma sem gilti á þeim tíma sem reglurnar voru settar en þá var ekki kveðið á um deiliskipulagsskyldu. Var litið svo á að með 1. gr. væri átt við að nauðsynlegt væri að lóðir, þar sem bensínsala færi fram eða ætti að fara fram, væru í öllum tilvikum deiliskipulagðar þrátt fyrir að slík skylda væri almennt ekki fyrir hendi. Af umræddri lóð er hins vegar til deiliskipulag sem samþykkt var af borgarráði eftir gildistöku núgildandi skipulags- og byggingarlaga nr. 73/1997 og fengið hafði meðferð í samræmi við ákvæði þeirra. Við nánari skoðun á reglunum hefur hins vegar komið í ljós að úr þeim megi lesa að taka verði fram í deiliskipulagi berum orðum, þrátt fyrir að lóð sé skilgreind sem verslunar- og þjónustulóð, miðsvæði eða athafnasvæði, að heimilt sé að selja þar bensín eigi að veita heimild til þess. Reglurnar gera að þessu leyti ríkari kröfur til ákvæða um landnotkun en gildandi skipulagsreglugerð. Framangreint skýrir af hverju reglurnar voru ekki lagðar sérstaklega fram við afgreiðslu málsins enda ekki venja við afgreiðslu einstakra mála að leggja formlega fram allar þær reglur sem þau varða. Jafnframt er minnt á að þegar málið kom til afgreiðslu nefndarinnar var það í formi fyrirspurnar en ekki byggingarleyfisumsóknar.

Formaður skipulags- og byggingarnefndar Steinunn Valdís Óskarsdóttir óskaði bókað:
Eins og formaður gerði grein fyrir á fundinum 21. apríl s.l., var formanni ekki kunnugt um tilvist reglna borgarráðs um bensínstöðvar frá 1995 þegar málið var til afgreiðslu í nefndinni.