Reitur 1.161, Engjateigur 7, Barðastaðir 35, Skógarsel - íþróttasvæði ÍR., Vínlandsleið 12-16, Reynisvatnsheiði, Grjótháls 8, Halla- og Hamrahlíðarlönd, Afgreiðslufundur byggingarfulltrúa , Grjótháls 8, Gvendargeisli 100, Kjalarnes, Perluhvammur, Seljugerði 1, Aðalstræti 2, Laugavegur 3,

Afgreiðsla byggingarfulltrúa samkv. reglugerð nr. 661/2000

89. fundur 2002
Ár 2002, miðvikudaginn 23. október kl. 09:06, var haldinn 89. fundur skipulags- og byggingarnefndar Reykjavíkur. Fundurinn var haldinn að Borgartúni 3, 4. hæð. Viðstaddir voru: Steinunn Valdís Óskarsdóttir, Þorlákur Traustason, Guðlaugur Þór Þórðarson og Kristján Guðmundsson. Eftirtaldir embættismenn sátu fundinn: Salvör Jónsdóttir, Helga Bragadóttir, Magnús Sædal Svavarsson, Ágúst Jónsson, Ólafur Bjarnason, Bjarnfríður Vilhjálmsdóttir og Sigríður Kristín Þórisdóttir. Auk þess gerðu eftirtaldir embættismenn grein fyrir einstökum málum: Ágústa Sveinbjörnsdóttir, Björn Axelsson og Sigurður Pálmi Ásbergsson. Fundarritari var Ívar Pálsson.
Þetta gerðist:

Umsókn nr. 20304 (01.16.1)
440900-2830 Stúdíó andrúm arkitektar ehf
Klapparstíg 16 101 Reykjavík
1. Reitur 1.161, breyting á deiliskipulagi v/Garðastræti 41
Að lokinni grenndarkynningu er lagt fram að nýju bréf Andrúm arkitekta ehf, dags. 03.09.02, ásamt tillögu að breytingu á deiliskipulagi á reit 1.161, dags. 02.09.02, vegna Garðastrætis 41. Málið var í kynningu frá 9. sept. til 7. október 2002. Athugasemdabréf barst frá Ástu Ragnheiði Jóhannesdóttur, Einari Erni Stefánssyni, Unni Maríu Figved, Dagnýju Arnalds og Kristjáni Torfa Einarssyni, Garðastræti 43, dags. 07.10.02. Einnig lögð fram umsögn skipulagsfulltrúa dags. 17.10.02.
Kynnt tillaga að breytingu samþykkt með vísan til umsagnar skipulagsfulltrúa.
Vísað til borgarráðs.
Umsókn nr. 20303 (01.36.65)
671197-2919 Arkís ehf
Klapparstíg 16 101 Reykjavík
2. Engjateigur 7, bílastæði
Lögð fram tillaga ARKÍS ehf, dags. 07.10.02, að breytingu á deiliskipulagi vegna fækkunar bílastæða.
Breyting á deiliskipulagi samþykkt. Ekki er talin þörf á grenndarkynningu.
Vísað til borgarráðs.
Umsókn nr. 20374 (02.4)
3. Barðastaðir 35, breyting á mæliblaði
Lagt fram bréf Landslags ehf dags. 11.10.02 varðandi breytingu á mæliblaði við sambýlið að Barðastöðum 35.
Samþykkt enda greiði lóðarhafi kostnað við breytingar á götu og gangstíg.
Umsókn nr. 10444 (04.91.4)
670169-1549 Íþróttafélag Reykjavíkur
Skógarseli 12 109 Reykjavík
4. Skógarsel - íþróttasvæði ÍR., flettiskilti
Lagt fram að nýju bréf borgarstjóra f.h. borgarráðs, dags. 21.05.02, varðandi staðsetningu rafræns flettiskiltis á borgarlandi á mótum Skógarsels og Breiðholtsbrautar, samkv. uppdr. Landark, dags.18.10.02, númer 100 og 101. Einnig lögð fram umsögn Verkfræðistofu, dags. 26.06.02.
Skipulags- og byggingarnefnd leggur til við borgarráð að skiltið verði staðsett í samræmi við tillögu nr. 101. Fallist borgarráð á það þarf að láta vinna og auglýsa tillögu að breytingu á deiliskipulagi svæðisins.
Umsókn nr. 20324
540174-0409 Ljósmyndavörur ehf
Skipholti 31 105 Reykjavík
5. Vínlandsleið 12-16, matvöruverslun
Lagt fram bréf Ljósmyndavara ehf, dags. 16.09.02, varðandi heimild til reksturs matvöruverslunar að Vínlandsleið 16.
Frestað.
Umsókn nr. 20330 (05.1)
6. Reynisvatnsheiði, afmörkun svæðis fyrir vatnsgeymi
Lagt fram bréf Magnúsar Skúlasonar arkitekts, dags. 17.09.02, varðandi umsókn um afmörkun svæðis fyrir vatnsgeymi á Reynisvatnsheiði, T4, samkv. uppdr. Teiknistofunnar Laufásvegi 34, dags. 18.10.02. Einnig lögð fram frumathugun og hönnun geymis gerða af Verkfræðistofu Sigurðar Thoroddsen hf, dags. í október 2001.
Samþykkt að auglýsa framlagða tillögu að deiliskipulagi svæðisins þegar uppdrættir hafa verið lagfærðir.
Vísað til borgarráðs að lokinni kynningu í umhverfis- og heilbrigðisnefnd.

Steinunn Valdís Óskarsdóttir og Guðlaugur Þór Þórðarson véku af fundi við afgreiðslu málsins.
Umsókn nr. 20381 (04.30.120.1)
7. Grjótháls 8, vetnisstöð, breyting á deiliskipulagi
Lögð fram tillaga Tekton dags. 22.10.02, að breytingu á deiliskipulagi vegna fyrirhugaðrar byggingar vetnisstöðvar.
Samþykkt að auglýsa framlagða tillögu þegar uppdráttur hefur verið lagfærður.
Vísað til borgarráðs.
Umsókn nr. 20112
8. Halla- og Hamrahlíðarlönd,
Kynnt staða vinnu við rammaskipulag fyrir svæðið í heild, drög að tillögu að deiliskipulagi fyrsta áfanga og drög að tillögu um gatnakerfi og tengingar við Mosfellsbæ.
Hönnuðir skipulags kynntu.
Vísað til kynningar í umhverfis- og heilbrigðisnefnd.
Umsókn nr. 26055
9. Afgreiðslufundur byggingarfulltrúa , fundargerð
Fylgiskjal með fundargerð þessari er fundargerð nr. 223 frá 22. október 2002, án liða nr. 17 og 22.

Umsókn nr. 25716 (04.30.120.1)
590269-1749 Skeljungur hf
Suðurlandsbraut 4 108 Reykjavík
10. Grjótháls 8, vetnisstöð
Lagt fram bréf frá afgreiðslufundi byggingarfulltrúa, dags. 11.09.02, þar sem sótt er um leyfi til þess að byggja afgreiðslustöð fyrir vetni á lóðinni nr. 8 við Grjótháls, samkv. uppdr. Teiknistofunnar Tekton, dags. 22.10.02. Einnig lögð fram umsögn Verkfræðistofu dags.
Bréf hönnuðar dags. 26. ágúst 2002 fylgir erindinu.
Stærð: Tækjaeining 1 (matshl. 04) xx.
Tækjaeining 2 ( matshl. 05) xx.
Gjald kr. 4.800 + xx
Frestað með vísan til liðar nr. 7. Skipulagsferli ólokið.
Umsókn nr. 26054 (05.13.570.5)
010155-6069 Hulda Guðmunda Kjærnested
Fannafold 85 112 Reykjavík
180253-4329 Örn Óskarsson
Fannafold 85 112 Reykjavík
11. Gvendargeisli 100, einbýlishús m. innb. bílg.
Sótt er um leyfi til þess að byggja tvílyft steinsteypt einbýlishús með innbyggðri bílgeymslu á lóð nr. 100 við Gvendargeisla.
Stærð: Íbúð 1. hæð 173,5 ferm., 2. hæð 135,7 ferm., bílgeymsla 30,1 ferm., samtals 339,3 ferm., 1103,6 rúmm.
Gjald kr. 4.800 + 52.973
Nefndin gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.
Umsókn nr. 990365
120257-4639 Jón Jóhann Jóhannsson
Grýtubakki 18 109 Reykjavík
12. Kjalarnes, Perluhvammur, nýbygging
Lagt fram bréf byggingarfulltrúa f.h. byggingarnefndar, dags. 26.06.99, varðandi byggingu einbýlishúss á lóðinni Perluhvammur á Álfsnesi, samkv. uppdr. Einars Þ. Ásgeirssonar, dags. 05.06.99. Einnig lagt fram bréf skrifstofustjóra borgarverkfræðings, dags. 02.02.99 og bréf Jóns J. Jóhannssonar og Ingibjargar R. Þengilsdóttur, dags. 19.06.02.
Nefndin gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.

Í ljósi forsögu málsins og fyrri samþykkta gerir nefndin ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir að fengnum meðmælum Skipulagsstofnunar skv. 3. tl. ákvæða til bráðabirgða í lögum nr. 73/1997, með eftirtöldum skilyrðum, sbr. framangreint lagaákvæði, sem þinglýsa skal sem kvöðum á fasteignina áður en byggingarleyfi verður gefið út:

1. Húsið verði fjarlægt borgarsjóði að kostnaðarlausu, gerist þess þörf af skipulagsástæðum eftir árið 2024. Skal Reykjavíkurborg tilkynna eiganda hússins kröfu niðurrifs með árs fyrirvara. Verði húsið ekki fjarlægt innan árs frá beiðni þar um er Reykjavíkurborg heimilt að láta gera það á kostnað eiganda.
2. Reykjavíkurborg mun ekki annast eða bera kostnað af skólaakstri, sorphirðu, eða snjómokstri frá húsinu.
3. Umsækjandi skal bera kostnað við lagningu vatns, hita og rafmagns að lóð sinni frá stofnkerfum Reykavíkurborgar og fyrirtækja hennar en hefðbundin gjöld greiðast vegna lagna innan lóðar.
Umsókn nr. 25663 (01.80.620.1)
180636-2859 Hjörleifur Ólafsson
Seljugerði 1 108 Reykjavík
13. Seljugerði 1, skipta eign.
Sótt er um leyfi til þess að stækka fyrstu hæð yfir í óuppfyllt sökkulrými, setja tvo glugga á austurhlið fyrstu hæðar, fjölga bílastæðum úr tveimur í fjögur og leyfi til þess að breyta einbýlishúsi í tvíbýlishús á lóðinni nr. 1 við Seljugerði. Einnig lögð fram umsögn skipulagsfulltrúa dags. 17.10.02.
Bréf umsækjanda dags. 18. september 2002 fylgir erindinu. Útskrift úr gerðabók embættisafgreiðslufundar skipulagsfulltrúa frá 9. ágúst 2002 fylgir erindinu.
Stærð: Stækkun samtals 33,1 ferm., 89,4 rúmm.
Gjald kr. 4.800 + 4.291
Synjað að gerðar verði tvær íbúðir í húsinu, með vísan til skipulagsskilmála sbr. og umsagnar skipulagsfulltrúa.
Umsókn nr. 25986 (01.13.610.1)
700485-0139 Minjavernd hf
Amtmannsstíg 1 101 Reykjavík
14. Aðalstræti 2, Tengib., veitingah. ofl.
Sótt er um leyfi til þess að rífa núverandi tengibyggingu, milli endurbyggðs framhúss að Aðalstræti og vöruskemmu að Vesturgötu, byggja tengibyggingu úr gleri og stáli og innrétta í öllum þrem byggingum veitingasölu, verslun og skrifstofur á lóð nr. 2 við Aðalstæti. Einnig lögð fram umsögn skipulagsfulltrúa dags. 14.10.02, bréf húsafriðunarnefndar dags. 9.10.02 og bréf borgarminjavarðar dags. 15.10.02.
Bréf hönnuðar dags. 10. október 2002 og brunahönnun Línuhönnunar dags. í október 2002 fylgja erindinu.
Stærð: Stærðaraukning samtals 136 ferm., 651,4 rúmm.
Gjald kr. 4.800 + 31.267
Frestað.
Nefndin er jákvæð fyrir umsókninni. Umsækjandi láti vinna tillögu að breytingu á deiliskipulagi í samræmi við umsókn.
Umsókn nr. 26070 (01.17.101.4)
15. Laugavegur 3, Úrskurður
Lagður fram úrskurður Úrskurðarnefndar skipulags- og byggingarmála dags. 21. október 2002 í máli nr. 2/2002 þar sem kærð er ákvörðun byggingarfulltrúa frá 13. nóvember 2001 um að veita byggingarleyfi fyrir breyttri starfsemi og breyttu fyrirkomulagi á 1. hæð og í kjallara að Laugavegi 3 og ákvörðun skipulags- og byggingarnefndar frá 20. mars 2002 um að hafna afturköllun byggingarleyfisins.
Úrskurðarorð:
Ákvörðun byggingarfulltrúans í Reykjavík frá 13. nóvember 2001 um að veita byggingarleyfi fyrir breyttri starfsemi og breyttu innra fyrirkomulagi á 1. hæð og í kjallara að Laugavegi 3 í Reykjavík, með síðari breytingu, er felld úr gildi.