Víðidalur, Fákur
Verknúmer : SN090164
223. fundur 2010
Víðidalur, Fákur, breyting á deiliskipulagi ll
Lögð fram tillaga Landslags ehf., dags. 13. nóvember 2009, að breytingu á deiliskipulagi athafnasvæðis hestamannafélagsins Fáks í Víðidal. Einnig er lagt fram bréf Hestamannafélagsins Fáks, dags. 21. apríl 2009, og tillaga formanns skipulagsráðs um endurskoðun skipulagsins sem samþykkt var á fundi skipulagsráðs þann 22. apríl 2009.
Jórunn Frímannsdóttir vék af fundi kl. 9:58 þá var einngi búið að afgreiða mál nr. 7, 9 og 10 á fundinum, Marta Guðjónsdóttir tók sæti á fundinum í hennar stað
Kynnt.
293. fundur 2010
Víðidalur, Fákur, breyting á deiliskipulagi ll
Lögð fram tillaga Landslags ehf., dags. 5. maí 2009, að breytingu á deiliskipulagi athafnasvæðis hestamannafélagsins Fáks í Víðidal. Einnig er lagt fram bréf Hestamannafélagsins Fáks, dags. 22. apríl 2009, og tillaga formanns skipulagsráðs um endurskoðun skipulagsins sem samþykkt var á fundi skipulagsráðs þann 22. apríl 2009.
Kynna formanni skipulagsráðs.
173. fundur 2009
Víðidalur, Fákur, breyting á deiliskipulagi ll
Lögð fram tillaga Landslags ehf., dags. 5. maí 2009 að breytingu á deiliskipulagi athafnasvæðis hestamannafélagsins Fáks í Víðidal. Einnig er lagt fram bréf Hestamannafélagsins Fáks dags. 22. apríl 2009 og tillaga formanns skipulagsráðs um endurskoðun skipulagsins sem samþykkt var á fundi skipulagsráðs þann 22. apríl 2009. Einnig lagt fram minnisblað yfirlögfræðings skipulags- og byggingarsviðs dags. 20. apríl 2009.
Formaður skipulagsráðs Júlíus Vífill Ingvarsson óskaði bókað: Leiki vafi á því í huga borgarfulltrúa hvort hann geti verið vanhæfur við afgreiðslu máls ber honum að víkja sæti þar til ljóst er að hæfisreglur leiði ekki til vanhæfis. Þetta gerði ég við afgreiðslu deiliskipulags Víðidals á fundi skipulagsráðs þann 18. febrúar sl. og síðan á fundi borgarráðs þann 26. s.m. Á þeim tíma lá ekki fyrir lögfræðilegt álit í þessu máli. Nú hefur Helga Björk Laxdal yfirlögfræðingur skipulags- og byggingarsviðs, gert minnisblað þar sem hún kemst að þeirri óyggjandi niðurstöðu að ég sé ekki vanhæfur til að afgreiða áðurnefnt mál. Þetta minnisblað var, að minni ósk, afhent mér áður en ég fundaði með fulltrúum Hestamannafélagsins Fáks, fulltrúum Stangaveiðifélags Reykjavíkur og Veiðimálastofnunar seinni part mánudagsins 20 apríl sl. um að fela skipulags- og byggingarsviði að vinna að breytingum á skipulaginu. Þakka ég henni fyrir að taka af allan vafa hvað þetta verðar.
Fulltrúi Frjálslyndra og óháðra Ólafur F. Magnússon óskaði bókað: Þrátt fyrir ítrekaðar óskir um að fulltrúar Veiðimálastofnunar og aðrir fagaðilar mæti á fund borgarráðs og skipulagsráðs hafa fulltrúar meirihlutans þverskallast við og viljað vinna þetta mál að mestu að tjaldabaki. Þetta er óviðunandi, ólýðræðislegt og ófaglegt. Kjörnir fulltúar verða að hitta fagaðila og fá fræðslu frá þeim milliliðalaust í svona mikilvægu máli. Ekki er of seint að iðrast í þessu máli og enn er hægt að forða umhverfis- og skipulagsslysi við Elliðaárnar. Nóg eru dæmin um alla borg um slík mistök og þarf ekki að fara út fyrir þennan stað þ.e. Höfðatorgsreit til að sjá dæmin um hroðvirknisleg vinnubrögð í skipulags- og umhverfismálum. Vönduð og opin fagleg og lýðræðisleg umfjöllun getur komið í veg fyrir slíkt.
Aðalfulltrúar í skipulagsráði óskuðu bókað:
Mál þetta er enn í vinnslu og er nú frestað á milli funda. Allar
nauðsynlegar upplýsingar verða dregnar fram og kynntar fulltrúum
skipulagsráðs. Áhyggjur borgarfulltrúans eru því með öllu ónauðsynlegar og
lítt skiljanlegar.
Framlögð tillaga kynnt.
Frestað.