Skaftahlíð 24

Verknúmer : SN050618
71. fundur 2006
Skaftahlíð 24, kæra, úrskurður
Lagður fram úrskurður úrskurðarnefndar skipulags- og byggingarmála frá 24. október 2006 vegna kæru á ákvörðun byggingarfulltrúans í Reykjavík frá 4. október 2005 vegna Skaftahlíð 24. Úrskurðarorð: Kröfu kærenda um ógildingu á ákvörðun byggingarfulltrúans í Reykjavík frá 4. október 2005 um að veita leyfi til byggingar tengibyggingar milli norðurhúss og suðurhúss á lóðinni nr. 24 við Skaftahlíð, að hluta ofan á núverandi kjallara á milli húsanna, breyta innra fyrirkomulagi allra hæða og fyrirkomulagi lóðar, byggja bílageymslukjallara fyrir 67 bíla á lóðinni og sameina matshluta 01 og 03 í nýjan matshluta 01, er hafnað.

37. fundur 2005
Skaftahlíð 24, kæra, úrskurður
Lögð fram umsögn Reykjavíkurborgar um kæru húsfélagsins að Skaftahlíð 4-10, húsfélagsins að Skaftahlíð 12-22, eigenda að Skaftahlíð 26, 30, 38 og 40 vegna samþykktar skipulagsráðs þann 12. október s.l. á umsókn um leyfi til að byggja tengibyggingu milli norðurhúss og suðurhúss á lóðinni nr. 24 við Skaftahlíð og byggja bílageymslukjallara fyrir 67 bíla á lóðinni. Jafnframt var krafist stöðunar framkvæmda á lóðinni sbr. kæru aðila dags. 16. október 2005.
Umsögn lögfræði og stjórnsýslu samþykkt.
32. fundur 2005
Skaftahlíð 24, kæra, úrskurður
Lögð fram kæra Guðfinnu Guðmundsdóttur hdl. f.h. húsfélagsins að Skaftahlíð 4-10, húsfélagsins að Skaftahlíð 12-22, eigenda að Skaftahlíð 26, 30, 38 og 40, dags. 16.10.05, á ákvörðun sem tekin var á 366. afgreiðslufundi byggingarfulltrúans í Reykjavík hinn 4. október 2005 og á 31. fundi skipulagsráðs hinn 12. október 2005 sem staðfest var í borgarráði 13. október 2005, að samþykkja umsókn frá Fasteignafélaginu Stoðum hf. þar sem sótt er um leyfi til að byggja tengibyggingu milli norðurhúss (mhl. 03) og suðurhúss (mhl. 01) á lóðinni nr. 24 við Skaftahlíð, að hluta ofan á núverandi kjallara á milli húsanna og jafnframt að innra fyrirkomulagi allra hæða verði breytt, fyrirkomulagi á lóð breytt o.fl. og til að byggja bílageymslukjallara fyrir 67 bíla á lóðinni og sameina matshluta 01 og 03 í nýjum matshluta 01.
Málinu vísað til umsagnar lögfræði og stjórnsýslu.