Sorpa bs.,
Strætó bs.,
Faxaskjól - Sörlaskjól,
Skógræktarsvæði Reykjavíkurborgar,
Elliðaár við Breiðholtsbraut,
Gámaþjónustan hf.,
Afgreiðslufundir skipulagsfulltrúa Reykjavíkur,
Frakkastígsreitur 1.172.1,
Laugardalur,
Bólstaðarhlíð 47, Háteigsskóli,
Hverfisgata 103,
Kjalarnes, Saltvík,
Úlfarsárdalur,
Afgreiðslufundur byggingarfulltrúa,
Bergstaðastræti 28,
Aðalstræti 6,
Síðumúli 30,
Umhverfis- og skipulagssvið,
Umhverfis- og skipulagssvið,
Betri hverfi 2013,
Betri Reykjavík,
Betri Reykjavík,
Betri Reykjavík,
Laugarnesvegur 47,
Njarðargata 25,
Vesturhús 2,
Hofsvallagata,
Reynisvatnsás,
29. fundur 2013
Ár 2013, miðvikudaginn 21. ágúst kl. 09:10, var haldinn 29. fundur umhverfis- og skipulagsráðs Reykjavíkur. Fundurinn var haldinn að Borgartúni 12 - 14, 7. hæð. Vindheimum .
Viðstaddir voru: Hjálmar Sveinsson, Elsa Hrafnhildur Yeoman, Karl Sigurðsson, Kristín Soffía Jónsdóttir, Diljá Ámundadóttir, Torfi Hjartarson, Júlíus Vífill Ingvarsson,
Gísli Marteinn Baldursson og Hildur Sverrisdóttir.
Eftirtaldir embættismenn sátu fundinn: Björn Axelsson, Ágústa Sveinbjörnsdóttir, Ólafur Bjarnason, Björgvin Rafn Sigurðarson og Marta Grettisdóttir
Fundarritari var Örn Sigurðsson
Þetta gerðist:
Umsókn nr. 130002
1. Sorpa bs., fundargerðir
Lagðar fram fundargerðir Sorpu bs. nr. 321 frá 24. júní og
nr. 322 frá 19. ágúst 2013.
Umsókn nr. 130059
500501-3160
Strætó bs
Pósthólf 9140 129 Reykjavík
2. Strætó bs., leiðarkerfisbreytingar 2014
Lagt fram bréf Strætó bs. dags. 4. febrúar 2013 varðandi leiðarkerfisbreytingar hjá Strætó árið 2014. Einnig eru lagðar fram umsagnir hverfisráðs Háaleitis og Bústaða dags. 17. maí 2013, hverfisráðs Laugardals dags. 27. maí 2013.
Einar Kristjánsson sviðsstjóri hjá Strætó sat fundinn undir þessum lið.
Frestað.
Umsókn nr. 130205
530269-7609
Reykjavíkurborg
Ráðhúsinu 101 Reykjavík
3. Faxaskjól - Sörlaskjól, göngu- og hjólastígur
Lagt fram bréf umhverfis- og skipulagssviðs dags. 19. ágúst 2013 ásamt frumdrögum að göngu- og hjólastíg við Faxaskjól - Sörlaskjól samkvæmt uppdrætti dags í ágúst 2013.
Björn Axelsson vék af fundi kl. 11:25.
Frestað.
Lögð fram svohljóðandi bókun ráðsins:" Samgöngustjóra falið að ræða við Seltjarnarnesbæ um málið. Einnig verði undirbúin kynning fyrir íbúum Sörlaskjóls og Faxaskjóls þar sem tveir möguleikar verði kynntir; stígur þétt við götuna eða nokkrum metrum frá henni."
Umsókn nr. 130156
530269-7609
Reykjavíkurborg
Ráðhúsinu 101 Reykjavík
4. Skógræktarsvæði Reykjavíkurborgar, umsjón skógræktarsvæðis
Lagt fram bréf skrifstofu borgarstjórnar dags. 28. maí 2013 þar sem óskað er eftir umsögn umhverfis- og skipulagsráðs á tillögu stjórnar Skógræktarfélags Reykjavíkur um að Skógræktarfélag Reykjavíkur taki til umsjónar skógræktarsvæði Reykjavíkurborgar. Einnig er lögð fram umsögn umhverfis- og skipulagssviðs dags. 19. ágúst 2013.
Umsögn umhverfis- og skipulagssviðs dags. 19. ágúst 2013 samþykkt með sex atkvæðum fulltrúa besta flokksins Elsu Hrafnhildar Yeoman, Karls Sigurðssonar og Diljár Ámundadóttur, fulltrúa Samfylkingarinnar Hjálmars Sveinssonar og Kristínar Soffíu Jónsdóttur og fulltrúa Vinstri hreyfingarinnar Græns framboðs Torfa Hjartarsonar
Fulltrúar Sjálfstæðisflokksins Júlíus Vífill Ingvarsson, Gísli Marteinn Baldursson og Hildur Sverrisdóttir taka ekki undir umsögnina og leggja fram svohljóðandi bókun:
"Ekki er hægt að taka undir bókun meirihlutans og VG um þetta mál. Skógræktarfélag Reykjavíkur hefur séð um mikilvæg skógræktarsvæði borgarinnar um langt árabil með miklum sóma. Ósk þeirra um að taka að sér fleiri svæði í borgarlandinu ætti að taka fagnandi og hefja viðræður við fulltrúa þeirra um útfærslur þess háttar fyrirkomulags ef til kæmi. Auðvelt er að sjá fyrir sér hagræði fyrir borgina og hugmyndaauðgi í nýtingu og umhirðu skóga, eins og Skógræktin hefur sýnt í Heiðmörk. Í staðinn hafnar meirihlutinn slíku samstarfi.¿
Fulltrúar besta flokksins Elsa Hrafnhildur Yeoman, Karl Sigurðsson og Diljá Ámundadóttir, fulltrúar Samfylkingarinnar Hjálmar Sveinsson og Kristín Soffía Jónsdóttir og fulltrúi Vinstri hreyfingarinnar Græns framboðs Torfi Hjartarson lögðu fram svohljóðandi gagnbókun:"Fulltrúar Besta Flokksins, Samfylkingarinnar og VG árétta að í umsögninni er lögð áhersla á gott samstarf við Skógræktarfélag Reykjavíkur við umhirðu skógræktarsvæðanna í Reykjavík og vilja gjarnan ræða samstarf um einstök verkefni á sviði skógræktar, svo sem grisjun eða trjáplöntun á nýjum svæðum þar sem ákveðið verður að planta skógi, eins og segir í umsögninni."
Umsókn nr. 130206
530269-7609
Reykjavíkurborg
Ráðhúsinu 101 Reykjavík
5. Elliðaár við Breiðholtsbraut, göngu- og hjólabrú
Lagt fram bréf umhverfis- og skipulagssviðs dags. 16. ágúst 2013 ásamt frumdrögum að göngu- og hjólabrú yfir Elliðaár við Breiðholtsbraut dags í ágúst 2013.
Umhverfis og skipulagsráð leggur til að tillaga um hengibrú yfir Elliðaár við Breiðholtsbraut verði vísað til umsagnar samráðshóps um Elliðaárdal, hollvinasamtaka Elliðaársdals og Veiðimálastofnunar. Óskað er eftir að umsagnir liggi fyrir innan tveggja vikna.
Umsókn nr. 130201
530269-7609
Reykjavíkurborg
Ráðhúsinu 101 Reykjavík
6. Gámaþjónustan hf., starfsleyfi
Lagt fram erindi heilbrigðiseftirlits Reykjavíkur dags 2. júlí 2013 ásamt fylgigögnum þar sem óskað er eftir umsögn umhverfis- og skipulagsráðs hvort það samrýmist stefnu borgarinnar um meðferð úrgangs í Reykjavík að veita Gámaþjónustunni hf. starfsleyfi.
Frestað
Umsókn nr. 10070
7. Afgreiðslufundir skipulagsfulltrúa Reykjavíkur, fundargerð
Lögð fram fundargerð afgreiðslufunda skipulagsfulltrúa Reykjavíkur dags. 16. ágúst 2013.
Björn Axelsson tók sæti á fundinum á ný kl. 12:30
Umsókn nr. 130216 (01.17.21)
8. Frakkastígsreitur 1.172.1, breyting á deiliskipulagi
Lögð fram umsókn dags. 10. maí 2013 varðandi breytingu á deiliskipulagi Frakkastígsreits, reitur 1.172.1. Í breytingunni felst tilfærsla á byggingarlínum, hækkun húsa og göngukvöð felld niður, samkvæmt uppdr. Teiknistofunnar Traðar dags. 23. maí 2013. Einnig er lögð fram greinargerð ódags. og umsagnir Minjastofnunar Íslands dags. 8. maí 2013.
Tillagan var auglýst frá 12. júní til og með 24. júlí 2013. Eftirtaldir aðilar sendu inn athugasemdir: Leigumáli ehf., dags. 23. júlí 2013, Anna Þórisdóttir, dags. 24. júlí 2013. Einnig er lagður fram tölvupóstur Hverfisráðs Miðborgar dags. 23. júlí 2013 varðandi framlengingu á athugasemdafresti.
Hildur Gunnlaugsdóttir sat fundinn undir þessum lið
Athugasemdir kynntar
Frestað.
Umsókn nr. 130389 (01.39)
9. Laugardalur, breyting á deiliskipulagi vegna safnfrístundar Holtaveg 32
Lagt fram erindi skrifstofustjóra frístundamála skóla- og frístundasviðs dags. 8. ágúst 2013 varðandi breytingu á deiliskipulagi austurhluta Laugardals vegna lóðar nr. 32 við Holtaveg. Í breytingunni felst að koma fyrir tveimur færanlegum húsum með tengibyggingum tengt núverandi færanlegu húsi ásamt stækkun á vinnusvæði bækistöðvar Laugardals til Suðurs, skv. uppdrætti umhverfis- og skipulagssviðs dags. 6. ágúst 2013.
Rúnar Gunnarsson verkefnisstjóri og Soffía Pálsdóttir skrifstofustjóri Tómstunda hjá skóla- og frístundasviði sátu fundinn undir þessum lið.
Samþykkt að auglýsa framlagða tillögu.
Vísað til borgarráðs.
Umsókn nr. 130337 (01.27.12)
10. ">Bólstaðarhlíð 47, Háteigsskóli, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi lóðarinnar nr. 47 við Bólstaðarhlíð, Háteigsskóli. Í breytingunni felst að koma fyrir byggingarreit fyrir tvær færanlegar kennslustofur ásamt tengigangi, samkvæmt uppdr. umhverfis- og skipulagssviðs dags. 9. ágúst 2013. Einnig er lagt fram bréf skólastjóra Háteigsskóla dags. 9. ágúst 2013 og minnisblað skóla- og frístundasviðs dags. 19. ágúst 2013, minnisblað og svör skólastjóra Háteigsskóla dags. 19. ágúst 2013 og minnisblað skólastjóra Háteigsskóla vegna halastjörnunar dags. 19. ágúst 2013.
Rúnar Gunnarsson verkefnisstjóri, Soffía Pálsdóttir skrifstofustjóri Tómstunda hjá skóla- og frístundasviði og Hilmar Sigurðsson form. hverfisráðs Hlíða sátu fundinn undir þessum lið.
Samþykkt að auglýsa framlagða tillögu með sjö atkvæðum fulltrúa besta flokksins Elsu Hrafnhildar Yeoman, Karls Sigurðssonar og Diljár Ámundadóttur, fulltrúa Samfylkingarinnar Hjálmars Sveinssonar og Kristínar Soffíu Jónsdóttur og fulltrúa Vinstri hreyfingarinnar Græns framboðs Torfa Hjartarsonar og fulltrúa Sjálfstæðisflokksins Júlíusar Vífils Ingvarssonar.
Fulltrúar besta flokksins Elsa Hrafnhildur Yeoman, Karl Sigurðsson og Diljá Ámundadóttir, fulltrúar Samfylkingarinnar Hjálmar Sveinsson og Kristín Soffía Jónsdóttir og fulltrúi Vinstri hreyfingarinnar Græns framboðs Torfi Hjartarson og fulltrúi Sjálfstæðisflokksins Júlíus Vífill Ingvarsson lögðu fram svohljóðandi gagnbókun:"Mjög brýnt er að leysa húsnæðisvanda frístundastarfs í Háteigsskóla í samræmi við eindregin tilmæli skólastjóra. Skóla- og frístundaráð hefur mælt með þeirri staðsetningu færanlegra kennslustofa sem sett er fram í tillögu að deiliskipulagi en aðrar staðsetningar innan lóðar hafa einnig fengið umfjöllun í Umhverfis- og skipulagsráði. Það er skoðun ráðsins að endurskipuleggja þurfi lóð skólans. Ráðið felur Umhverfis- og skipulagssviði að hefja þá vinnu og kalla skólastjóra og foreldra til samráðs. Fjárhagsáætlun næsta árs taki mið af því.
Tilgangurinn er að nýta lóðina sem best, auka umferðaröryggi og efla útivistargildi lóðarinnar. Skólastofur þær sem nú er gerð tillaga um á lóðinni eru í bráðbirgðahúsnæði og færanlegar. Staðsetning þeirra til lengri tíma ásamt staðsetning annarra mannvirkja á lóðinni verði undir í endurskipulagningu skólalóðarinnar."
Fulltrúar Sjálfstæðisflokksins Gísli Marteinn Baldursson og Hildur Sverrisdóttir greiddu atkvæði á móti tillögunni og bókuðu: "Það er grá og gamaldags hugsun að setja færanlegar kennslustofur á eina græna svæðið sem börnin í Háteigsskóla hafa til að leika sér á. Þetta græna svæði er einnig sleðabrekka, sem fundarmenn fengu upplýsingar um að væri mikið notuð. Aðrir staðir koma til greina á lóðinni. Sem eitt dæmi má nefna að hægt væri að koma húsunum fyrir í jaðri bílastæðisins við hlið skólans. Það svæði er í ólestri í dag og hafa foreldrar óskað eftir að svæðið verði gert aðgengilegra og öruggara til að keyra og sækja börnin í skóla sem og hafa kennarar óskað eftir öruggri aðstöðu fyrir sundlaugarrútuna. Það er hægur vandi að koma kennslustofunum fyrir á því svæði og nota um leið tækifærið til að gera svæðið í heild öruggara með tilliti til þeirra þátta og skólabörnin fá þá að halda sínum græna hól."
Vísað til borgarráðs.
Umsókn nr. 130353 (01.15.44)
660504-2060
Plúsarkitektar ehf
Laugavegi 59 101 Reykjavík
11. Hverfisgata 103, breyting á deiliskipulagi
Á fundi skipulagsfulltrúa 12. júlí 2013 var lögð fram umsókn Plúsarkitekta dags. 12. júlí 2013 varðandi breytingu á deiliskipulagi reits 1.154.4 vegna lóðarinnar nr. 103 við Hverfisgötu. Breytingin felur í sér byggingu hótels, samkvæmt uppdr. Plúsarkitekta ehf. dags. 17. júlí 2013.
Gunnar Sigurðarson sat fundinn undir þessum lið.
Frestað
Umsókn nr. 130387 (33.5 15)
600667-0179
Stjörnugrís hf
Vallá 116 Reykjavík
640113-2190
TAG teiknistofa sf.
Flétturima 5 112 Reykjavík
12. Kjalarnes, Saltvík, breyting á deiliskipulagi
Lögð fram umsókn Stjörnugríss hf. dags. 6. ágúst 2013 varðandi breytingar á deiliskipulagi Saltvíkur á Kjalarnesi. Í breytingunni felst stækkun svínasláturhúss, skv. uppdrætti TAG teiknistofu sf dags. 8. ágúst 2013.
Gunnar Sigurðarson sat fundinn undir þessum lið.
Samþykkt með vísan til 12. gr. samþykktar um skipulagsráð. Samþykkt að falla frá grenndarkynningu þar sem breytingin varðar einungis hagsmuni lóðarhafa.
Umsókn nr. 120553 (02.6)
530269-7609
Reykjavíkurborg
Ráðhúsinu 101 Reykjavík
13. Úlfarsárdalur, hönnunarsamkeppni um samþættan leik- og grunnskóla
Lögð fram til kynningar forsögn umhverfis- og skipulagssviðs dags. í ágúst 2013 vegna hönnunarsamkeppni um samþættan leik- og grunnskóla með aðstöðu fyrir frístunda- og félagsstarf, menningarmiðstöð og almenningsbókasafn, sundlaug og íþróttahús í Úlfarsárdal.. Einnig er lögð fram fundargerð hverfisráðs Grafarholts og Úlfarsárdals dags. 19. ágúst 2013, ásamt tillögu að dómnefnd. Einnig er lögð fram fundargerð hverfisráðs Grafarholts og Úlfarsárdals dags. 19. ágústs 2013.
Rúnar Gunnarsson verkefnisstjóri og Nikulás Úlfar Másson skrifstofustjóri sátu fundinn undir þessum lið.
Fulltrúar besta flokksins Elsa Hrafnhildur Yeoman, Karl Sigurðsson og Diljá Ámundadóttir, fulltrúar Samfylkingarinnar Hjálmar Sveinsson og Kristín Soffía Jónsdóttir og fulltrúi Vinstri hreyfingarinnar Græns framboðs Torfi Hjartarson gera ekki athugasemdir við forsögnina, né tillögu að dómnefnd.
Fulltrúar Sjálfstæðisflokksins Júlíus Vífil Ingvarsson, Gísli Marteinn Baldursson og Hildur Sverrisdóttir taka undir bókanir í fundargerð hverfisráðs Grafarholts- og Úlfarsárdals frá 19. ágúst 2013 og bókuðu:
"Því er fagnað að nú hyllir undir hönnunarsamkeppni um samþættan leik- og grunnskóla
með aðstöðu fyrir frístunda- og félagsstarf, menningarmiðstöð og almenningsbókasafn, sundlaug og íþróttahús í Úlfarsárdal. Tekið er undir bókanir í hverfisráði þar sem gerðar eru athugasemdir við skipan dómnefndar hönnunarsamkeppninnar en ekki er gert ráð fyrir að í henni sitji fulltrúar hverfisráðs eða íbúasamtaka hverfisins. Afar mikilvægt er að sjónarmið allra hverfishluta (Grafarholts, Úlfarsárdals og Reynisvatnsás) komist til skila."
Umsókn nr. 45423
14. Afgreiðslufundur byggingarfulltrúa, Fundargerð
Fylgiskjöl með fundargerð þessari er fundargerð nr. 743 frá 20. ágúst 2013.
Umsókn nr. 45896 (01.18.431.5)
220371-5149
Katrín Rós Gýmisdóttir
Selbrekka 30 200 Kópavogur
020371-4559
Helgi Guðmundsson
Funalind 11 201 Kópavogur
15. Bergstaðastræti 28, Svalir og reyndarteikningar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 4. júní 21013 þar sem sótt er um leyfi fyrir nýjum svölum með tröppum út í garð, og leyfi fyrir reyndarteikningum fyrir innri breytingum á kjallara, 1. hæð, 2 hæð og ris , svo og að gera húsið að einbýlishúsi á lóð nr. 28 við Bergstaðastræti. Erindi var grenndarkynnt frá 19. júní til og með 17. júlí 2013. Eftirtaldir aðilar sendu inn athugasemdir: Stefán Ólafsson, Guðrún Finnbjarnardóttir, Ása Gunnarsdóttir, Guðjón M. Guðlaugsson og Áslaug Kamilla Haugland dags. 16. júlí 2013, Líney Skúladóttir dags. 17. júlí 2013.
Málinu var vísað til umsagnar verkefnisstjóra 26. júlí 2013 og er nú lagt fram að nýju ásamt umsögn skipulagsfulltrúa dags. 16. ágúst 2013.
Bréf frá hönnuði dags. 24. maí 2013, samþykki eigenda aðliggjandi lóða og umsögn frá Minjasafni Reykjavíkur dags. 31 maí 2013 og Minjastofnun Íslands dags. 31. maí 2013 fylgir. Gjald kr. 9.000
Margrét Þormar verkefnissjóri sat funinn undir þessum lið.
Umhverfis- og skipulagsráð tekur neikvætt í erindið með vísan til umsagnar skipulagsfulltrúa 16. ágúst 2013
Vísað til fullnaðarafgreiðslu byggingarfulltrúa.
Umsókn nr. 130331 (01.13.65)
510907-0940
Reitir I ehf.
Kringlunni 4-12 103 Reykjavík
531107-0550
Arkís arkitektar ehf
Höfðatúni 2 105 Reykjavík
16. Aðalstræti 6, (fsp) breyting á þakhæð
Lögð fram fyrirspurn Reita 1 ehf. dags. 2. júlí 2013 varðandi breytingu á þakhæð hússins á lóðinni nr. 6 við Aðalstræti. Einnig lögð fram umsögn Minjastofnunar Íslands dags. 15. mars 2013 og umsögn Minjasafns Reykjavíkur dags. 3. apríl 2013. Einnig er lögð fram umsögn skipulagsfulltúa dags. 14. ágúst 2013.
Margrét Þormar verkefnissjóri sat fundinn undir þessum lið.
Umhverfis- og skipulagsráð gerir ekki athugasemdir við að fyrirspyrjandi láti vinna tillögu að breytingu á deiliskipulagi, á eigin kostnað, í samræmi við fyrirspurnina og með þeim breytingum sem fram koma í umsögn skipulagsfulltrúa dags. 14. ágúst 2013. Tillagan verður auglýst þegar og ef hún berst.
Kristín Soffía vék af fundi kl. 14:00
Umsókn nr. 130395 (01.29.52)
501193-2409
ALARK arkitektar ehf
Dalvegi 18 201 Kópavogur
17. Síðumúli 30, (fsp) lóðarstækkun
Lögð fram fyrirspurn Alark arkitekta ehf. dags. 14. ágúst 2013 um stækkun lóðarinnar nr. 30 við Síðumúla skv. uppdrætti dags. 14. ágúst 2013.
Frestað.
Umsókn nr. 130207
18. Umhverfis- og skipulagssvið, starfs- og fjárhagsáætlun fyrir árið 2014
Umsókn nr. 130118
19. Umhverfis- og skipulagssvið, heildaryfirlit
Lagt fram heildaryfirlit umhverfis- og skipulagssviðs á verkum yfir milljón í júní 2013.
Umsókn nr. 130182
20. Betri hverfi 2013, tillaga að staðsetningu salernisturns í Hljómskálagarði
Lögð fram tillaga umhverfis- og skipulagssviðs, skrifstofu framkvæmda og viðhalds dags. 20. júní 2013 varðandi staðsetningu salernisturns í Hljómskálagarði. Einnig eru lagðar fram tillögur starfshóps dags. í júní 2007.
Frestað.
Umsókn nr. 130196
530269-7609
Reykjavíkurborg
Ráðhúsinu 101 Reykjavík
21. Betri Reykjavík, Aukin tíðni strætó í Árbæ á kvöldin og um helgar
Lögð fram fjórða efsta hugmynd júnímánaðar 2013 af samráðsvefnum Betri Reykjavík og kemur ú flokknum Samgöngur "Aukin tíðni strætó í Árbæ á kvöldin og um helgar" sem tekið var af samráðsvefnum Betri Reykjavík þann 1. júlí 2013 ásamt samantekt af umræðum og rökum.
Frestað.
Umsókn nr. 130200
530269-7609
Reykjavíkurborg
Ráðhúsinu 101 Reykjavík
22. Betri Reykjavík, Sekta þá sem henda frá sér sígarettum á gangstéttir
Lögð fram fimmta efsta hugmynd júnímánaðar 2013 af samráðsvefnum Betri Reykjavík og kemur úr flokknum Umhverfi "Sekta þá sem henda frá sér sígarettum á gangstéttir" sem tekið var af samráðsvefnum Betri Reykjavík þann 1. júlí 2013 ásamt samantekt af umræðum og rökum.
Frestað.
Umsókn nr. 130194
530269-7609
Reykjavíkurborg
Ráðhúsinu 101 Reykjavík
23. Betri Reykjavík, Snyrta hverfið kringum Bólstaðarhlíð og Háteigsskóla
Lögð fram efsta hugmynd júnímánaðar 2013 úr flokknum Framkvæmdir "Snyrta hverfið kringum Bólstaðarhlíð og Háteigsskóla" sem tekið var af samráðsvefnum Betri Reykjavík þann 1. júlí 2013 ásamt samantekt af umræðum og rökum.
Frestað.
Umsókn nr. 130394 (01.36)
701211-0140
Úrskurðarnefnd umhverfis/auðlin
Skuggasundi 3 101 Reykjavík
24. Laugarnesvegur 47, kæra, umsögn
Lagt fram bréf úrskurðarnefndar umhverfis- og auðlindamála, dags. 31. maí 2013 ásamt kæru, dags. 23. maí 2013 á synjun byggingarfulltrúa þ. 9. apríl 2013 á umsókn um leyfi fyrir geymslu og tröppur undir anddyri að Laugarnesvegi 47. Einnig lögð fram umsögn skrifstofu sviðsstjóra, dags. 15. ágúst 2013.
Umsögn skrifstofu sviðsstjóra dags. 15. ágúst 2013 samþykkt.
Umsókn nr. 130381 (01.18.65)
701211-0140
Úrskurðarnefnd umhverfis/auðlin
Skuggasundi 3 101 Reykjavík
25. Njarðargata 25, kæra 75/2013, umsögn
Lagt fram bréf úrskurðarnefndar umhverfis- og auðlindamála, dags. 25. júlí 2013 ásamt kæru, dags. 14. júlí 2013 vegna samþykktar umhverfis- og skipulagsráðs frá 8. maí 2013 á breyttu deiliskipulagi Nönnugötureits vegna lóðar nr. 25 við Njarðargötu. Einnig lögð fram umsögn skrifstofu sviðsstjóra, dags. 15. ágúst 2013.
Umsögn skrifstofu sviðsstjóra dags. 15. ágúst 2013 samþykkt.
Umsókn nr. 130262 (02.84.80)
701211-0140
Úrskurðarnefnd umhverfis/auðlin
Skuggasundi 3 101 Reykjavík
26. Vesturhús 2, kæra, umsögn
Lagt fram bréf úrskurðarnefndar umhverfis og auðlindamála, dags. 24. maí 2013, ásamt kæru dags. 17. maí 2013 vegna synjunar byggingarfulltrúa frá 14. maí 2013 um skiptingu fasteignar í tvær íbúðir og nota rými undir bílageymslu á lóðinni nr. 2 við Vesturhús. Einnig lögð fram umsögn skrifstofu sviðsstjóra, dags. 16. ágúst 2013.
Umsögn skrifstofu sviðsstjóra dags. 16. ágúst 2013 samþykkt.
Umsókn nr. 130203
27. Hofsvallagata, umræður
"Fulltrúi D-lista, Júlíus Vífill Ingvarsson, gerði athugasemd við fundargerð síðasta fundar, 13. dagskrárlið, sem var bókaður þannig:
13. Hofsvallagata, umræður Mál nr. US130203
Umræður um framkvæmdir á Hofsvallagötu.
Fulltrúar Sjálfstæðisflokksins Júlíus Vífill Ingvarsson, Gísli Marteinn Baldursson og Hildur Sverrisdóttir lögðu fram eftirfarandi tillögu:
"Lagt er til að umhverfis og skipulagssvið boði til almenns íbúafundar strax á næstu dögum um breytingar á skipulagi Hofsvallagötu og framkvæmdir á götunni í tengslum við það. Fyrst og fremst verði tilefni fundarins að kalla eftir samráði, hugmyndum og athugasemdum frá íbúum hverfisins. Á fundinum verður hlustað eftir skoðunum íbúa, þær ræddar í Umhverfis- og skipulagsráði og brugðist við þeim eftir því sem þurfa þykir. Þær verði einnig fóður í umræður um framtíðarfyrirkomulag götunnar. Óskað er eftir því að formaður og/eða varaformaður Umhverfis- og skipulagsráðs sitji fundinn.
Framkvæmdum við götuna verði ekki frestað þar til fundur hefur verið haldinn, enda þær farnar af stað og því fylgir aukinn kostnaður að stöðva þær og setja af stað aftur síðar. Athygli er vakin á því að umræddar framkvæmdir eru til bráðabrigða."
Samþykkt
Rétt bókun er:
13. Hofsvallagata, umræður
Fulltrúar Sjálfstæðisflokksins Júlíus Vífill Ingvarsson, Gísli Marteinn Baldursson og Hildur Sverrisdóttir lögðu fram eftirfarandi tillögu:
"Lagt er til að umhverfis og skipulagssvið boði til almenns íbúafundar strax á næstu dögum um breytingar á skipulagi Hofsvallagötu og framkvæmdir á götunni í tengslum við það. Fyrst og fremst verði tilefni fundarins að kalla eftir samráði, hugmyndum og athugasemdum frá íbúum hverfisins. Formaður umhverfis og skipulagsráðs og varaformaður ráðsins sitji fundinn .
Framkvæmdum við götuna verði frestað þar til fundur hefur verið haldinn með íbúum og umhverfis og skipulagsráð hefur fjallað um niðurstöður fundarins".
Fulltrúar Besta flokksins Elsa Hrafnhildur Yeoman, Diljá Ámundadóttir og Karl Sigurðsson og fulltrúar Samfylkingarinnar Hjálmar Sveinsson og Sverrir Bollason og fulltrúi Vinstri hreyfingarinnar Græns framboðs Sóley Tómasdóttir lögðu fram svohljóðandi breytingartillögu:
"Lagt er til að umhverfis og skipulagssvið boði til almenns íbúafundar strax á næstu dögum um breytingar á skipulagi Hofsvallagötu og framkvæmdir á götunni í tengslum við það. Fyrst og fremst verði tilefni fundarins að kalla eftir samráði, hugmyndum og athugasemdum frá íbúum hverfisins. Á fundinum verður hlustað eftir skoðunum íbúa, þær ræddar í Umhverfis- og skipulagsráði og brugðist við þeim eftir því sem þurfa þykir. Þær verði einnig fóður í umræður um framtíðarfyrirkomulag götunnar. Óskað er eftir því að formaður og/eða varaformaður Umhverfis- og skipulagsráðs sitji fundinn.
Framkvæmdum við götuna verði ekki frestað þar til fundur hefur verið haldinn, enda þær farnar af stað og því fylgir aukinn kostnaður að stöðva þær og setja af stað aftur síðar. Athygli er vakin á því að umræddar framkvæmdir eru til bráðabrigða."
Breytingartillagan var samþykkt.
Ofangreind leiðrétting á fundargerðinni var samþykkt.
Umsókn nr. 130208
28. Reynisvatnsás, tillaga fulltrúa Sjálfstæðisflokksins varðandi leiksvæði í Reynisvatnsás.
Lögð fram eftirfarandi tilllaga fulltrúa Sjálfstæðisflokksins Júlíusar Vífils ingvarssonar, Gísla Marteins Baldurssonar og Hildar Sverrisdóttur
"Lagt er til að fundinn verði heppilegur staður fyrir leiksvæði barna í Reynisvatnsási. Haft verði samráð við hverfisráð og nærliggjandi íbúa varðandi staðsetningu, frágang og leiktæki. "
Vísað til umsagnar skipulagsfulltrúa