Bergstaðastræti 51, Langholtsvegur 88, Rökkvatjörn 1, Suðurlandsbraut 34/Ár, Hátún 12, Kleifarvegur 12, Langholtsvegur 169, Laugavegur 176, Sundagarðar 10, Fossvogsblettur 2, Fossvogsblettur 2A, Gelgjutangi, Gufunes, áfangi 1 - Jöfursbás reitir A3 og A4, Gufunesvegur 32, Hólmsheiði, Kjalarnes, Esjumelar-Varmadalur, Kleppsgarðar, Dísarás 2-18, Grundargerði 11, Funahöfði 19, Langagerði 118, Lynghagi 20, Mjölnisholt 10, Bræðraborgarstígur 1, 3 og 5, Hverfisgata 105, Vesturgata 64, Víðimelur 66, Kópavogur, Vatnsendahvarf-Vatnsendahæð,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

890. fundur 2022
Ár 2022, fimmtudaginn 27. október kl. 09:00, hélt skipulagsfulltrúi Reykjavíkur 890. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Jóhanna Guðjónsdóttir. Eftirtaldir embættismenn kynntu mál á fundinum:, Olga Guðrún B Sigfúsdóttir, Hrafnhildur Sverrisdóttir, Þórður Már Sigfússon, Sólveig Sigurðardóttir, Sigríður Maack, Sigríður Lára Gunnarsdóttir, Björn Ingi Edvardsson og Ingvar Jón Bates Gíslason. Ritari var Harri Ormarsson.
Þetta gerðist:

1.22 Bergstaðastræti 51, (fsp) hækkun húss, kvistir og svalir
Á embættisafgreiðslufundi skipulagsfulltrúa 15. september 2022 var lögð fram fyrirspurn Flóru Vuong Nu Dong, dags. 6. september 2022, um hækkun hússins á lóð nr. 51 við Bergstaðastræti og setja kvisti og svalir á húsið, samkvæmt uppdr. Sei ehf. dags. 6. september 2022. Einnig lögð fram umsögn Minjastofnunar Íslands dags. 16. ágúst 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. október 2022.

Umsögn skipulagsfulltrúa dags. 27. október 2022 samþykkt.
2.22 Langholtsvegur 88, (fsp) nýbygging á lóð fyrir studio
Á embættisafgreiðslufundi skipulagsfulltrúa 6. október 2022 var lögð fram fyrirspurn Olgu Perlu Nielsen Egilsdóttur dags. 28. júlí 2022 um að koma fyrir einnar hæðar nýbyggingu á lóð fyrir fyrir studio, samkvæmt skissu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. október 2022.

Neikvætt, með vísan til umsagnar skipulagsfulltrúa dags. 27. október 2022.
3.22 Rökkvatjörn 1, Br. erindi BN058533 - Gæfutjörn 10 - Færsla djúpgáma (mhl.03) - bílastæði
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að breyta erindi BN058533, bílgeymslu og djúpgámum, þ.e. færa staðsetningu djúpgáma nær götu í stað þriggja bílastæða við norður lóðarmörk, fjölgað bílastæðum á þaki bílgeymslu í inngarði, afmarkað svæði á lóð til afnota fyrir verslunarrekstur í húsi nr. 10 við Gæfutjörn á lóð nr. 1 við Rökkvatjörn.


Vísað til umsagnar verkefnisstjóra.
4.22 Suðurlandsbraut 34/Ár, Fjölbýlishús, 7h+kj, 70íb. - rekstr.leyfi atv.rýma ekki hluti umsóknar. ATH Umsókn um niðurrif BN061409
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til byggingar á staðsteyptu fjölbýlishúsi, byggingin er sjö hæðir auk kjallara með 70 íbúðum, verslun og þjónustu á 1. hæð til norðurs, í norðurhorni lóðar á A reit orkureits, matshluti nr. 02, á lóð Suðurlandsbraut 34/Ár.


Vísað til umsagnar verkefnisstjóra.
5.22 Hátún 12, (fsp) fjölgun íbúða
Lögð fram fyrirspurn Sjálfsbjargar landssambands hreyfihamlaðra, dags. 12. september 2022, um að breyta tveimur hæðum í húsinu á lóð nr. 12 við Hátún þar sem áður voru hjúkrunardeildir í íbúðir fyrir hreyfihamlaða, samkvæmt tillögu ASK Arkitekta ehf. dags. 30. september 2022.

Vísað til umsagnar verkefnisstjóra.
6.22 Kleifarvegur 12, Breytingar kjallara - garðskáli 1.hæð
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að breyta kjallara, þ.e. baðherbergi stækkað, reistur nýr garðskáli við suðvesturhorn íbúðar og komið fyrir nýrri hurð á útvegg að garðskála í húsi á lóð nr. 12 við Kleifarveg.

Samþykkt að grenndarkynna framlagða byggingarleyfisumsókn fyrir hagsmunaaðilum að Kleifarvegi 14 og Laugarásvegi 15, 21 og 23.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1051/2022.

7.22 Langholtsvegur 169, breyting á deiliskipulagi
Að lokinni grenndarkynningu er lögð fram að nýju umsókn Kristins Ragnarssonar dags. 6. júlí 2022 varðandi breytingu á deiliskipulagi Vogahverfis vegna lóðarinnar nr. 169 við Langholtsveg (hús nr. 169 og 169A við Langholtsveg). Í breytingunni felst að byggingarreitur er afmarkaður austan við húsið, samkvæmt uppdr. KRark dags. 5. júlí 2022. Tillagan var grenndarkynnt frá 26. september 2022 til og með 24. október 2022. Eftirtaldir sendu athugasemdir: Friðþjófur Johnson dags. 12. og 20. október 2022 og Herborg Árnadóttir Johansen, Örn Marinó Arnarson, Anna Rúnarsdóttir og Ólafur Stefán Magnússon dags. 20. október 2022.

Vísað til umsagnar verkefnisstjóra.
8.22 Laugavegur 176, (fsp) breyting á deiliskipulagi
Á embættisafgreiðslufundi skipulagsfulltrúa 20. október 2022 var lögð fram fyrirspurn Yrki arkitekta ehf. dags. 4. október 2022 ásamt bréfi dags. 4. október 2022 um breytingu á deiliskipulagi Laugarvegs, Bolholts og Skipholts vegna lóðarinnar nr. 176 við Laugaveg sem felst í breytingu á byggingarmagni á lóð vegna stækkunar á 7. hæð hússins, samkvæmt uppdr. THG arkitekta dags. 15. september 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. október 2022.

Neikvætt, með vísan til umsagnar skipulagsfulltrúa dags. 27. október 2022.
9.22 Sundagarðar 10, (fsp) uppbygging
Lögð fram fyrirspurn Sigurðar Hallgrímssonar, dags. 9. október 2022, ásamt minnisblaði, dags. 7. október 2022, um uppbyggingu á lóð nr. 10 við Sundagarða, samkvæmt tillögu Nordic dags. 2022.

Vísað til umsagnar verkefnisstjóra.
10.22 Fossvogsblettur 2, Niðurrif MHL. 01 og 70
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að rífa einbýlishús, mhl. 01, rýmisnúmer 0101, og geymslu, mhl. 70, rýmisnúmer 0101 á lóð nr. 2 við Fossvogsblett.



Vísað til umsagnar verkefnisstjóra.
11.22 Fossvogsblettur 2A, Niðurrif
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til niðurrifs húss, sem er skráð með tvær íbúðir, 02. 0101, og 02 0102 og geymslu 71.0101, á lóð nr. 2A við Fossvogsblett.



Vísað til umsagnar verkefnisstjóra.
12.22 Gelgjutangi, breyting á deiliskipulagi
Lögð fram umsókn Veitna ohf. dags. 6. október 2022 um breytingu á deiliskipulagi Vogabyggðar svæði 1 vegna Gelgjutanga. Í breytingunni sem lögð er til felst að afmörkuð er lóð fyrir dælubrunn fráveitukerfis ásamt því að gerður er byggingarreit fyrr dælubrunn, samkvæmt uppdr. dags. 29. september 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1051/2022.
13.22 Gufunes, áfangi 1 - Jöfursbás reitir A3 og A4, breyting á deiliskipulagi
Lagt fram bréf Skipulagsstofnunar dags. 21. október 2022 þar sem fram kemur að stofnunin getur ekki tekið afstöðu til efnis deiliskipulagsbreytingarinnar þar sem eftirfarandi upplýsingar vantar eða þarf að gera betur grein fyrir: Í Aðalskipulagi Reykjavíkur 2040 er svæðið skilgreint sem miðsvæði M24. Gera þarf grein fyrir samræmi breytingarinnar við Aðalskipulag Reykjavíkur 2040, hvað varðar blöndun byggðar þar sem verið er að minnka hlutfall atvinnustarfsemi á miðsvæði og breyta í hreint íbúðarsvæði. Í greinargerð þarf að rökstyðja og gera grein fyrir forsendum breytingarinnar og samráði við hagsmunaaðila. Gera þarf grein fyrir hvernig almennum markmiðum deiliskipulagsins verði náð hvað varðar uppbyggingu verslunar og þjónustu fyrir svæðið í heild sinni og setja í samengi við fyrirhugaða uppbyggingu á minnkuðu A svæði skv. deiliskipulaginu. Gera þarf grein fyrir fyrirhuguðum fjölda íbúða, eða fjölgun íbúða á svæðinu en heimildir eru fyrir 250-300 íbúðum í gildandi deiliskipulagi.
Vísað til umsagnar verkefnisstjóra.
14.22 Gufunesvegur 32, (fsp) atvinnustarfsemi á jarðhæð, djúpgámar o.fl.
Á embættisafgreiðslufundi skipulagsfulltrúa 20. október 2022 var lögð fram fyrirspurn Yrki arkitekta dags. 11. október 2022 ásamt bréfi dags. 10. október 2022 um atvinnustarfsemi á jarðhæð hússins lóð nr. 32 við Gufunesveg, djúpgáma utan lóðar, blandaða íbúðargerð og blágrænar ofanvatnslausnir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. október 2022.

Neikvætt, með vísan til umsagnar skipulagsfulltrúa dags. 21. október 2022.
15.22 Hólmsheiði, (fsp) losun efnis úr nýbyggingum
Lögð fram fyrirspurn Hestamannafélagsins Fáks, dags. 13.10.2022, um að losa efni úr nýbyggingum á svæðinu í rúlluplan 5 og 9 á deiliskipulagi fyrir Hesthúsabyggð á Hólmsheiði. Einnig lagt fram bréf framkvæmdastjóra Hestamannafélagsins Fáks dags. 13. október 2022.

Vísað til umsagnar Heilbrigðiseftirlits Reykjavíkur.
16.22 Kjalarnes, Esjumelar-Varmadalur, breyting á deiliskipulagi vegna Kalksléttu 1 og Koparsléttu 22
Á embættisafgreiðslufundi skipulagsfulltrúa 20. október 2022 var lagt fram bréf Skipulagsstofnunar dags. 12. október 2022 þar sem fram kemur að stofnunin getur ekki tekið afstöðu til deiliskipulagsbreytingarinnar vegna eftirfarandi: Þar sem verið er að breyta skilgreiningu á lóð úr athafnasvæði í iðnaðarsvæði þarf í deiliskipulagsbreytingu að gera grein fyrir umhverfismati sbr. ákvæði aðalskipulags fyrir svæði AT5a. Ekki er ljóst hvaða skilmálar munu gilda fyrir lóðina þar sem engin lóð í núgildandi deiliskipulagi Esjumela (m.s.br) hefur staðheitið Kalkslétta 1. Í deiliskipulagsbreytingunni þarf að vera ljóst hvaða skilmálar gilda um lóðina í heild sinni. Að lokum bendir stofnunin á að miðað við nýtingarhlutfall 0,2 virðist sem núþegar hafi allar byggingarheimildir verið fullnýrrar (sbr. upplýsingar í þjóðskrá um stærðir bygginga). Erindinu var vísað til meðferðar hjá verkefnisstjóra og er nú lagt fram að nýju ásamt bréfi skipulagsfulltrúa til Skipulagsstofnunnar dags. 27. október 2022.

Bréf skipulagsfulltrúa dags. 27. október 2022 samþykkt.
17.22 Kleppsgarðar, skipulagslýsing
Að lokinni kynningu er lögð fram að nýju skipulagslýsing VSÓ ráðgjafar dags. ágúst 2022 vegna nýs deiliskipulags að Kleppsgörðum. Tilgangur skipulagsins er að koma fyrir byggingu húsnæðis fyrir viðbragðsaðila á höfuðborgarsvæðinu. Einnig er lögð fram húsakönnun Borgarsögusafn Reykjavíkur dags. 24. ágúst 2022 og fornleifaskráning Borgarsögusafns Reykjavíkur dags. 30. ágúst 2022. Lýsingin var kynnt frá 22. september 2022 til og með 20. október 2022. Eftirtaldir sendu umsagnir: Míla dags. 5. október 2022, Skipulagsstofnun dags. 6. október 2022, Íbúaráð Laugardals dags. 11. október 2022 og Heilbrigðiseftirlit Reykjavíkur dags. 20. október 2022.

Vísað til meðferðar hjá verkefnisstjóra.
18.22 Dísarás 2-18, 14 - Eldhús fært og hús stækkað undir svölum
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að stækka íbúð 07-0101 og breyta innra skipulagi 1.hæðar í húsi, stækka 1. hæð undir svalir 07-0202 og færa eldhús íbúðar 07-0101 húsi nr. 14 á lóð nr. 2-18 við Dísarás.


Ekki eru gerðar skipulagslegar athugasemdir við erindið.
19.22 Grundargerði 11, (fsp) kjallari undir bílskúr
Á embættisafgreiðslufundi skipulagsfulltrúa 20. október 2022 var lögð fram fyrirspurn Lárusar Kristins Ragnarssonar, dags. 8. október 2022, um að gera kjallara undir núverandi bílskúr á lóð nr. 11 við Grundargerði, samkvæmt skissu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. október 2022.

Umsögn skipulagsfulltrúa dags. 27. október 2022 samþykkt.
20.22 Funahöfði 19, breyting á deiliskipulagi
Lögð fram umsókn ASK Arkitekta ehf. dags 8. október 2022 um breytingu á deiliskipulagi Ártúnshöfða vegna lóðarinnar nr. 19 við Funahöfða. Í breytingunni sem lögð er til felst að gerður er nýr byggingarreitur innan lóðar fyrir skýli/dúkhús, samkvæmt uppdr. ASK Arkitekt dags. 19. október 2022.

Vísað til umsagnar verkefnisstjóra.
21.22 Langagerði 118, Bæta við glerhýsi og svölum. Færsla á aðalinngangi. og áður gerðar breytingar.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 30. ágúst 2022 þar sem sótt er um leyfi til að gera garðskála við 1. hæð, færa aðalinngang til, auk þess sem gerð er grein fyrir áður gerðum breytingum, þar sem m.a. er búið að breyta innra skipulagi fyrstu hæðar og gerð hurð út í garð á vesturhlið húss á lóð nr. 118 við Langagerði. Erindi var grenndarkynnt frá 19. september 2022 til og með 17. október 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

22.22 Lynghagi 20, (fsp) tvöfaldur bílskúr
Lögð fram fyrirspurn Páls Gunnlaugssonar, dags. 20. október 2022, þar sem óskað er eftir heimild til að koma fyrir tvöföldum bílskúr á lóð nr. 20 við Lynghaga, samkvæmt uppdr. ASK arkitekta dags. 13. október 2022.

Vísað til umsagnar verkefnisstjóra.
23.22 Mjölnisholt 10, (fsp) niðurrif skúrs og nýbygging 2. hæða húss
Lögð fram fyrirspurn Harðar Andréssonar, dags. 20. október 2022, um að byggja vistvænt hús á tveimur hæðum í stað geymsluskúrs á lóð nr. 10 við Mjölnisholt. Einnig er lögð fram ljósmynd ódags.

Vísað til umsagnar verkefnisstjóra.
24.22 Bræðraborgarstígur 1, 3 og 5, skipulagslýsing
Að lokinni kynningu er lögð fram að nýju umsókn Yrki arkitekta ehf. dags. 26. janúar 2022 ásamt lýsingu dags. 21. júní 2022 vegna gerð nýs deiliskipulags fyrir lóðirnar nr. 1, 3 og 5 við Bræðraborgarstíg. Tilgangur með nýju deiliskipulagi fyrir svæðið er að skilgreina og setja skilmála um umfang nýbygginga á lóðum Bræðraborgarstígs 1 og 3. Markmiðið er að ná fram tillögu sem tekur tillit til nærumhverfisins og virðir sögu staðarins í samræmi við aðferðir og tækniþekkingu okkar tíma. Lýsingin var kynnt frá 19. júlí 2022 til og með 31. ágúst 2022. Eftirtaldir sendu athugasemd/ábendingu/umsögn: Borgarfulltrúi Sósíalista dags. 28. júní 2022, Erla Þórarinsdóttir dags. 27. júlí 2022, Veitur ohf. dags. 17. ágúst 2022, Guðrún Karlsdóttir, Jón G. Sædal og Berta Andrea Jónsdóttir Snædal dags. 21. ágúst 2022, Sturla Einarsson dags. 24. ágúst 2022, Daði Guðbjörnsson dags. 25. ágúst 2022, Skipulagsstofnun dags. 25. ágúst 2022, Minjastofnun Íslands dags. 29. ágúst 2022, Friðbjörg Ingimarsdóttir, Gunnar Hersveinn, Elna Katrín Jónsdóttir, Jón Ingi Hannesson og Erla Þórarinsdóttir f.h. 55 aðila/nágranna við Bræðraborgarstíg 1, 3 og 5 dags. 31. ágúst 2022, Astrid Lelarge dags. 31. ágúst 2022 og Ásta Olga Magnúsdóttir dags. 31. ágúst 2022. Erindinu var vísað til meðferðar hjá verkefnisstjóra á embættisafgreiðslufundi skipulagsfulltrúa 8. september 2022 og er nú lagt fram að nýju.

Vísað til umhverfis- og skipulagsráðs.
25.22 Hverfisgata 105, Íbúð - 0304
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að breyta rými 0304, sem skráð er sem vinnustofa í íbúð í húsi á lóð nr. 105 við Hverfisgötu.



Vísað til umsagnar verkefnisstjóra.
26.22 Vesturgata 64, Fjölbýlishús - mhl.04 - mhl.05 - mhl.06
Á embættisafgreiðslufundi skipulagsfulltrúa 25 ágúst 2022 var lagt fram erindi frá afgreiðslufundi byggingarfulltrúa frá 23. ágúst 2022 þar sem sótt er um leyfi til að stækka bílakjallara, mhl. 08 og byggja þrjú steinsteypt fjölbýlishús, þriggja og fimm hæða með 58 íbúðum, einangruð og klædd að utan á lóð nr. 64 við Vesturgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. október 2022.


Umsögn skipulagsfulltrúa dags. 27. október 2022 samþykkt.
27.22 Víðimelur 66, Bílskúr
Lagt fram erindi frá afgreiðslufundi byggingarfulltrúa frá 25. október 2022 þar sótt er um leyfi til að byggja skúr, staðsteyptar undirstöður og botnplata, útveggir og þak úr timbri, í norðurhorni lóðar við húsi á lóð nr. 66 við Víðimel.


Vísað til umsagnar verkefnisstjóra.
28.22 Kópavogur, Vatnsendahvarf-Vatnsendahæð, skipulagslýsing vegna breytingu á aðalskipulagi
Á embættisafgreiðslufundi skipulagsfulltrúa 6. október 2022 var lagt fram erindi Kópavogsbæjar dags. 30. september 2022 þar sem óskað er eftir umsögn um lýsing skipulagsverkefnis (skipulagslýsing) dags. 15. september 2022 vegna fyrirhugaða breytingu á Aðalskipulagi Kópavogs 2019-2040 fyrir Vatnsendahvarf-Vatnsendahæð. Í aðalskipulagsbreytingunni verður afmörkun landnotkunarreita fyrir íbúðarsvæði, opin svæði og samfélagsþjónustu breytt, fellt verður út svæði fyrir verslun og þjónustu í útjaðri íbúðarsvæðisins og sú þjónusta sem þar var fyrirhuguð færð miðsvæðis inn í hverfið nálægt skóla og leikskóla, auk þess sem staðsetning minjasvæðis er leiðrétt. Í athugun er að breyta Kambavegi í safngötu frá Vatnsendavegi þ.e. að og frá hverfinu. Erindinu var vísað til umsagnar deildarstjóra aðalskipulags og er nú lagt fram að nýju ásamt umsögn deildarstjóra aðalskipulags dags. 27. október 2022.

Umsögn deildarstjóra aðalskipulags dags. 27. október 2022 samþykkt.