Eirhöfði 16, Hólavallagata 3, Laugavegur 28D, Ægisíða 62, Ásvallagata 21, Freyjugata 16, Hrísateigur 19, Lindargata 50, Njálsgata 38, Suðurlandsbraut 68-70, Vesturgata 33, Þórsgata 20, Kleifarvegur 12, Laugavegur 176, Kvosin, Gufunesvegur 32, Kjalarnes, Esjumelar-Varmadalur, Úlfarsfell II, Varmadalur 5, Grundarstígur 23, Nesvegur 65, Sólvallagata 68, Depluhólar 4, Grundargerði 11, Framnesvegur 13, Hvassaleiti 61, Lofnarbrunnur 30, Skeljanes 2, Skeljanes 15, Urðarbrunnur 19, Úthlíð 15, Háaleitisbraut 12, Tryggingarstofnunarreitur - Grettisgata 87 og Laugavegur 114 og 116, Vesturgata 40,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

889. fundur 2022
Ár 2022, fimmtudaginn 20. október kl. 09:00, hélt skipulagsfulltrúi Reykjavíkur 889. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Helena Stefánsdóttir. Eftirtaldir embættismenn kynntu mál á fundinum: Sigríður Maack, Sólveig Sigurðardóttir, Sigríður Lára Gunnarsdóttir, Þórður Már Sigfússon, Björn Ingi Edvardsson, Brynja Kemp Guðnadóttir, Olga Guðrún B Sigfúsdóttir, Ingvar Jón Bates Gíslason og Hrafnhildur Sverrisdóttir. Ritari var Harri Ormarsson.
Þetta gerðist:

1.22 Eirhöfði 16, (fsp) uppbygging
Á embættisafgreiðslufundi skipulagsfulltrúa 6. október 2022 var lögð fram fyrirspurn Litla Hnúks ehf. dags. 9. september 2022 um uppbyggingu á lóð nr. 16 við Eirhöfða. Einnig er lögð fram hugmyndavinna Tvíhorfs arkitekta dags. 25. janúar 2019. Fyrirspurninni var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. október 2022.

Umsögn skipulagsfulltrúa dags. 20. október 2022 samþykkt.
2.22 Hólavallagata 3, (fsp) - Séreignarhluti kjallara
Lagt fram erindi frá afgreiðslufundi byggingarfulltrúa frá 18. október 2022 þar sem spurt er hvort leyft yrði að skipta í tvær íbúðir íbúð í kjallara og á 1. hæð í fjölbýlishúsi á lóð nr. 3 við Hólavallagötu.



Vísað til umsagnar verkefnisstjóra.
3.22 Laugavegur 28D, Endurbætur inni, svalir, kvistur
Lagt fram erindi frá afgreiðslufundi byggingarfulltrúa frá 18. október 2022 þar sem sótt er um leyfi til þess að setja kvisti á báðar þekjur þaks, og stál svalir á hverja hæð til suðurs, auka lofthæð kjallara auk þess sem endurbyggja á og betrumbæta á innviði í tengslum við viðhald í íbúðarhúsi á lóð nr. 28D við Laugaveg.


Vísað til umsagnar verkefnisstjóra.
4.22 Ægisíða 62, breyting á deiliskipulagi
Að lokinni grenndarkynningu er lögð fram að nýju umsókn Alternance slf. dags. 1. júlí 2021 varðandi breytingu á deiliskipulagi Ægisíðu frá Hofsvallagötu að Lynghaga vegna lóðarinnar nr. 62 við Ægisíðu. Í breytingunni felst breyting á byggingarreit lóðarinnar sem felst í að byggingarreit er skipt niður þannig að aðalreitur verður í kringum núverandi byggingu og minni reitur fyrir garðskála, samkvæmt uppdr. Alternance slf. dags. 28. maí 2021, síðast breytt 31. síðast breytt 31. ágúst 2022, og skuggavarp dags. 31. mars 2021. Tillagan var grenndarkynnt frá 20. september 2022 til og með 18. október 2022. Eftirtaldir sendu athugasemdir: Ágúst Borgþór Sverrisson og Kristbjörg Erla Kjartansdóttir dags. 16. október 2022.

Vísað til umsagnar verkefnisstjóra.
5.22 Ásvallagata 21, Breytingar á BN033899 - Stofn Breytingar á BN052739
Á embættisafgreiðslufundi skipulagsfulltrúa 13. október 2022 var lagt fram erindi frá afgreiðslufundi byggingarfulltrúa frá 20. september 2022 þar sem sótt er um leyfi til að breyta erindi BN033899 m.s.br., salerni breytt í geymslu, svalir stækkaðar, þak hækkað, fallið frá hallandi þakhluta meðfram útvegg aðliggjandi nágranna nr. 19 við Ásvallagötu og frágangur þaks við lóðarmörk húss á lóð nr. 21 við Ásvallagötu. Erindinu var vísað til meðferðar hjá verkefnisstjóra og er nú lagt fram að nýju.Einnig lögð fram umsögn skipulagsfulltrúa dags. 18. október 2022.



Umsögn skipulagsfulltrúa dags. 18. október 2022 samþykkt.
6.22 Freyjugata 16, Hækkun húss um eina hæð
Á embættisafgreiðslufundi skipulagsfulltrúa 29. september 2022 var lagt fram erindi frá afgreiðslufundi byggingarfulltrúa frá 20. september 2022 þar sem sótt er um leyfi til að hækka um eina hæð, byggja kvisti og innrétta fjórar íbúðir í húsi á lóð nr. 16 við Freyjugötu. Einnig er lögð fram umsögn Minjastofnunar Íslands dags. 20. september 2022. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. október 2022.

Umsögn skipulagsfulltrúa dags. 20. október 2022 samþykkt.
7.22 Hrísateigur 19, (fsp) stækkun á bílskúr og fækkun á gluggum
Á embættisafgreiðslufundi skipulagsfulltrúa 29. september 2022 voru lagðar fram fyrirspurnir Nellyjar Alexandersdóttur Voskanian dags. 6. september 2022 um að stækka bílskúr á lóð nr. 19 við Hrísateig og fækka gluggum, úr fjórum í þrjá, og hurðum, úr tveimur í eina, samkvæmt tillögum/skissum ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. október 2022.

Með vísan til umsagnar skipulagsfulltrúa dags. 19. október 2022 eru ekki gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
8.22 Lindargata 50, (fsp) breytingar á bakhúsum, mhl. 02 og 03
Lögð fram fyrirspurn Magdalenu Sigurðardóttur dags. 8. september 2022 um hækkun á þaki bakhúss á lóð nr. 50 við Lindargötu sem snýr að Frakkastíg (mhl. 02) og koma fyrir stærri kvistum, þannig að koma megi fyrir lyftustokki, ásamt því að koma fyrir þakgarði á lægra bakhúss (mhl. 03) og þakgarði á hærra bakhúss með gróðurhúsi (mhl. 03), samkvæmt uppdr. VA arkitekta ehf. dags. 7. ágúst 2022.

Vísað til umsagnar verkefnisstjóra.
9.22 Njálsgata 38, (fsp) breyting á deiliskipulagi
Lögð fram fyrirspurn SV 50 ehf. dags. 30. september 2022 ásamt bréfi ALARK arkitekta ehf. dags. 29. september 2022 um breytingu á deiliskipulagi Njálsgötureits, reitur 1.190.2, vegna lóðarinnar nr. 38 við Njálsgötu sem felst í niðurrifi á bílskúr og byggja þess í stað litla nýbyggingu sem hýsir staka íbúð á einni og hálfri hæð með þakverönd að Öskustíg, samkvæmt uppdr. ALARK arkitekta ehf. dags. 29. september 2022.

Vísað til umsagnar verkefnisstjóra.
10.22 Suðurlandsbraut 68-70, Garðskáli og fjarlægja svalalokunarskýli
Lagt fram erindi frá afgreiðslufundi byggingarfulltrúa frá 18. október 2022 þar sem sótt er um leyfi til að byggja léttbyggðan garðskála við setustofu og kaffihús, rými 01-0101, á staðsteyptum undirstöðum og fjarlægja svalaskýli, rými 01-0156, sem var í inngarði við rými 01-0102, í húsi á lóð nr. 68-70 við Suðurlandsbraut. Einnig er lögð fram umsögn skipulagsfulltrúa dags. 19. október 2022.


Umsögn skipulagsfulltrúa dags. 19. október 2022 samþykkt.
11.22 Vesturgata 33, Bíslag yfir inngangi og svalir ofan á bíslagið og áður gerðar breytingar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 23. ágúst 2022 þar sem sótt er um leyfi til að gera viðbyggingu úr timbri framan við inngang og gera svalir ofan á hana, auk þess sem gerð er grein fyrir áður gerðum breytingum á húsi á lóð nr. 33 við Vesturgötu. Erindi var grenndarkynnt frá 20. september 2022 til og með 18. október 2022. Engar athugasemdir bárust.
Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

12.22 Þórsgata 20, (fsp) breyting á notkun
Lögð fram fyrirspurn Friðriks Ármanns Guðmundssonar dags. 5. september 2022 um breytingu á notkun rýmis merkt 0102 í húsinu á lóð nr. 20 við Þórsgötu úr vinnustofu í íbúð. Einnig er lögð fram umsögn Minjastofnunar Íslands dags. 1. september 2022.

Vísað til umsagnar verkefnisstjóra.
13.22 Kleifarvegur 12, Breytingar kjallara - garðskáli 1.hæð
Á embættisafgreiðslufundi skipulagsfulltrúa 13. október 2022 var lagt fram erindi frá afgreiðslufundi byggingarfulltrúa frá 11. október 2022 þar sem sótt er um leyfi til að breyta kjallara, þ.e. baðherbergi stækkað, reistur nýr garðskáli við suðvesturhorn íbúðar og komið fyrir nýrri hurð á útvegg að garðskála í húsi á lóð nr. 12 við Kleifarveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagfulltrúa dags. 18. október 2022.



Umsögn skipulagsfulltrúa dags. 18. október 2022 samþykkt.
14.22 Laugavegur 176, (fsp) breyting á deiliskipulagi
Lögð fram fyrirspurn Yrki arkitekta ehf. dags. 4. október 2022 ásamt bréfi dags. 4. október 2022 um breytingu á deiliskipulagi Laugarvegs, Bolholts og Skipholts vegna lóðarinnar nr. 176 við Laugaveg sem felst í breytingu á byggingarmagni á lóð vegna stækkunar á 7. hæð hússins, samkvæmt uppdr. THG arkitekta dags. 15. september 2022.

Vísað til umsagnar verkefnisstjóra.
15.22 Kvosin, (fsp) nýtt hlutverk bygginga núverandi höfuðstöðva Landsbankans
Á embættisafgreiðslufundi skipulagsfulltrúa 29. september 2022 var lögð fram fyrirspurn Eikar fasteignafélags hf. dags. 20. september 2022, ásamt bréfi ódags. um nýtt hlutverk núverandi höfuðstöðva Landsbankans sem staðsettar eru í Kvosinni, nánar tiltekið í Austurstræti, Hafnarstræti og Tryggvagötu, en ráðgert er að Landsbankinn flytji alla sýna starfsemi yfir í nýtt húsnæði við Austurhöfn. Einnig er lögð fram kynning tp bennett dags. í september 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. október 2022.

Umsögn skipulagsfulltrúa dags. 20. október samþykkt.
16.22 Gufunesvegur 32, (fsp) atvinnustarfsemi á jarðhæð, djúpgámar o.fl.
Lögð fram fyrirspurn Yrki arkitekta dags. 11. október 2022 ásamt bréfi dags. 10. október 2022 um atvinnustarfsemi á jarðhæð hússins lóð nr. 32 við Gufunesveg, djúpgáma utan lóðar, blandaða íbúðargerð og blágrænar ofanvatnslausnir.

Vísað til umsagnar verkefnisstjóra.
17.22 Kjalarnes, Esjumelar-Varmadalur, breyting á deiliskipulagi vegna Kalksléttu 1 og Koparsléttu 22
Lagt fram bréf Skipulagsstofnunar dags. 12. október 2022 þar sem fram kemur að stofnunin getur ekki tekið afstöðu til deiliskipulagsbreytingarinnar vegna eftirfarandi: Þar sem verið er að breyta skilgreiningu á lóð úr athafnasvæði í iðnaðarsvæði þarf í deiliskipulagsbreytingu að gera grein fyrir umhverfismati sbr. ákvæði aðalskipulags fyrir svæði AT5a. Ekki er ljóst hvaða skilmálar munu gilda fyrir lóðina þar sem engin lóð í núgildandi deiliskipulagi Esjumela (m.s.br) hefur staðheitið Kalkslétta 1. Í deiliskipulagsbreytingunni þarf að vera ljóst hvaða skilmálar gilda um lóðina í heild sinni. Að lokum bendir stofnunin á að miðað við nýtingarhlutfall 0,2 virðist sem núþegar hafi allar byggingarheimildir verið fullnýrrar (sbr. upplýsingar í þjóðskrá um stærðir bygginga).

Vísað til meðferðar hjá verkefnisstjóra.
18.22 Úlfarsfell II, Gróðurhús
Á embættisafgreiðslufundi skipulagsfulltrúa 13. október 2022 var lagt fram erindi frá afgreiðslufundi byggingarfulltrúa frá 11. október 2022 þar sem sótt er um leyfi til að reisa gróðurhús að bænum Úlfarsfelli, L 208499, á lóð Úlfarsfell II. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. október 2022.

Umsögn skipulagsfulltrúa dags. 20. október 2022 samþykkt.
19.22 Varmadalur 5, Atvinnuhúsnæði
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. ágúst 2022 þar sem sótt er um leyfi til að byggja atvinnuhús úr forsteyptum einingum á lóð nr. 5 við Varmadal. Erindi var grenndarkynnt frá 19. september 2022 til og með 17. október 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

20.22 Grundarstígur 23, (fsp) svalalokun
Á embættisafgreiðslufundi skipulagsfulltrúa 13. október 2022 var lögð fram fyrirspurn Sigrúnar Gunnlaugsdóttur dags. 29. september 2022 um að loka svölum íbúar merkt 01020 í húsinu á lóð nr. 23 við Grundarstíg. Fyrirspurninni var vísað til umsagnar verkefnisstjóra og er nú lögð fram að nýju.

Fyrirspyrjandi hafi samband við embættið.
21.22 Nesvegur 65, Viðbygging
Á embættisafgreiðslufundi skipulagsfulltrúa 29. september 2022 var lagt fram erindi frá afgreiðslufundi byggingarfulltrúa frá 20. september 2022 þar sem sótt er um leyfi til að byggja viðbyggingu, steyptan kjallara og timburhæð á suðurhlið einbýlishúss á lóð nr. 76 við Nesveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. október 2022..


Umsögn skipulagsfulltrúa dags. 20. október 2022 samþykkt.
22.22 Sólvallagata 68, breyting á deiliskipulagi
Að lokinni grenndarkynningu er lögð fram að nýju umsókn Vektors, hönnun og ráðgjöf ehf. dags. 16. maí 2022 varðandi breytingu á deiliskipulagi Vesturvallareits vega lóðarinnar nr. 68 við Sólvallagötu. Í breytingunni felst að komið er fyrir nýjum byggingareit fyrir gróðurhús á lóð, samkvæmt uppdr. Vektors, hönnun og ráðgjöf ehf. dags. 15. maí 2022. Tillagan var grenndarkynnt frá 5. september 2022 til og með 3. október 2022. Eftirtaldir sendu athugasemdir: Aldís Snorradóttir og Njörður Sigurjónsson dags. 6. september 2022.

Vísað til umsagnar verkefnisstjóra.
23.22 Depluhólar 4, Síkka glugga og bæta við hurðum
Lagt fram erindi frá afgreiðslufundi byggingarfulltrúa frá 18. október 2022 þar sem sótt er um leyfi til að breyta útliti á húsi og skipulagi lóðar, þ.e. tröppur upp á svalir felldar út, gluggar síkkaðir og komið fyrir hurð í stað glugga á suðausturhlið, gluggar síkkaðir og komið fyrir hurð á suðvesturhlið, lóð lækkuð neðan við botnplötu, bætt aðgengi og umferðarleiðir innan lóðar og að húsi, steypt setlaug og stoðveggir á lóðarmörkum húss á lóð nr. 4 við Depluhóla. Einnig lögð fram umsögn skipulagsfulltrúa dags. 20. október 2022.




Neikvætt, með vísan til umsagnar skipulagsfulltrúa dags. 20. október 2022. Samræmist ekki hverfisskipulagi.
24.22 Grundargerði 11, (fsp) kjallari undir bílskúr
Lögð fram fyrirspurn Lárusar Kristins Ragnarssonar, dags. 8. október 2022, um að gera kjallara undir núverandi bílskúr á lóð nr. 11 við Grundargerði, samkvæmt skissu ódags.
Vísað til umsagnar verkefnisstjóra.
25.22 Framnesvegur 13, Sótt er um að setja svalir og tröppur í garð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 3. maí 2022 þar sem sótt er um leyfi til þess að síkka glugga og bæta við hurð, koma fyrir svölum og tröppum á suðurhlið íbúðar 0201 í íbúðarhúsi á lóð nr. 13 við Framnesveg. Erindi var grenndarkynnt frá 14. júní 2022 til og með 13. júlí 2022. Eftirtaldir sendu athugasemdir: Kjartan Páll Sveinsson og Phoebe Anna Jenkins dags. 10. júlí 2022, Haseeb Randhawa and Stéphanie Desjardins dags. 12. júlí 2022 og Gunnar Helgi Kristinsson og María Jónsdóttir dags. 13.júlí 2022. Einnig er lagður fram tölvupóstur Öldu Magnúsdóttur dags. 22. júní 2022 þar sem ekki er gerð athugasemd við framkvæmdina/tillöguna. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 20. júlí 2022 og er nú lagt fram að nýju ásamt umsögn skipulagsfulltrúa dags. 20. október 2022.


Samþykkt með þeim breytingum sem fram koma í umsögn skipulagsfulltrúa dags. 20. október 2022. sbr. a. lið 2. gr. í viðauka 2.3 um embættisafgreiðslur skipulagsfulltrúa nr. 1020/2019. Vísað til fullnaðarafgreiðslu byggingarfulltrúa.
26.22 Hvassaleiti 61, (fsp) færa vegg að svalabrún
Á embættisafgreiðslufundi skipulagsfulltrúa 1. september 2022 var lögð fram fyrirspurn Árna Gestssonar, dags. 25. ágúst 2022, ásamt greinargerð ódags. um að færa léttan útvegg úr tré fram á svalabrún í raðhúsi á lóð nr. 61 við Hvassaleiti. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. október 2022.

Umsögn skipulagsfulltrúa dags. 20. október 2022 samþykkt.
27.22 Lofnarbrunnur 30, (fsp) stækkun lóðar o.fl.
Á embættisafgreiðslufundi skipulagsfulltrúa 6. október 2022 var lögð fram fyrirspurn Kötlu Sifjar Friðriksdóttur dags. 28. september 2022 ásamt greinargerð Mansard - Teiknistofu ehf. dags. 28. september 2022 um stækkun lóðarinnar nr. 30 við Lofnarbrunn til vesturs um 90 cm ásamt því að helluleggja gangstétt norðan megin lóðar í stað þess að hún verði steypt, samkvæmt uppdr. Mansard - Teiknistofu ehf. dags. 28. september 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. október 2022.

Neikvætt, með vísan til umsagnar skipulagsfulltrúa dags. 20. október 2022.
28.22 Skeljanes 2, breyting á deiliskipulagi
Að lokinni grenndarkynningu er lögð fram að nýju umsókn a2f arkitekta ehf. dags. 9. júní 2022 um breytingu á deiliskipulagi Einarsness vegna lóðarinnar nr. 2 við Skeljanes. Í breytingunni sem lögð er til felst stækkun hússins fyrir einnar hæðar viðbyggingu, með heimild fyrir þaksvölum við suðvesturenda núverandi húss, setja tvö bílastæði á lóð ásamt niðurrifi núverandi bílskúrs, samkvæmt uppdráttum a2f arkitekta ehf. dags. 25. ágúst 2022. Tillagan var grenndarkynnt frá 20. september 2022 til og með 18. október 2022. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
29.22 Skeljanes 15, Breytt notkun mannvirkis úr skemmu í verknáms- verkstæði Tækniskólans.
Lagt fram erindi frá afgreiðslufundi byggingarfulltrúa frá 18. október 2022 þar sem sótt er um leyfi til að breyta notkun matshluta nr. 38 og 39 úr flugskýli/skemmu í verknámshús, hús á lóð nr. 15 við Skeljanes.


Vísað til umsagnar verkefnisstjóra.
30.22 Urðarbrunnur 19, Einbýlishús
Lagt fram erindi frá afgreiðslufundi byggingarfulltrúa frá 18. október 2022 þar sem sótt er um leyfi til að byggja staðsteypt, pallað, tveggja hæða einbýlishús með innbyggðri bílgeymslu, aðkomuhæð á 2.hæð í húsi lóð nr. 19 við Urðarbrunn.


Vísað til umsagnar verkefnisstjóra.
31.22 Úthlíð 15, (fsp) kvistur og svalir
Lögð fram fyrirspurn Nönnu Rúnar Ásgeirsdóttur, dags. 10. október 2022, um að bæta við kvisti og inndregnum svölum í risi hússins á lóð nr. 15 við Úthlíð, samkvæmt skissu ódags.
Vísað til umsagnar verkefnisstjóra.
32.22 Háaleitisbraut 12, (fsp) uppbygging
Lögð fram tillaga Teiknistofunnar Traðar ehf. dags. 29. september 2022 að uppbyggingu á lóð nr. 12. við Háaleitisbraut. Um er að ræða íbúðar- og atvinnuhús með bílgeymslu í kjallara. Einnig er lögð fram greinargerð ódags.
Vísað til umsagnar verkefnisstjóra.
33.22 Tryggingarstofnunarreitur - Grettisgata 87 og Laugavegur 114 og 116, (fsp) breyting á deiliskipulagi
Lögð fram fyrirspurn Hallgríms Þórs Sigurðssonar, dags. 7. október 2022, um breytingu á deiliskipulagi Tryggingarstofnunarreits vegna uppbyggingu að Grettisgötu 87 samhliða endurgerð bygginga að Laugavegi 114 og 116, samkvæmt tillögu Nordic ódags.

Vísað til umsagnar verkefnisstjóra.
34.22 Vesturgata 40, breyting á deiliskipulagi
Á embættisafgreiðslufundi skipulagsfulltrúa 31. maí 2022 var lögð fram umsókn Krads ehf. dags. 12. apríl 2022 varðandi breytingu á deiliskipulagi Nýlendureits vegna lóðarinnar nr. 40 við Vesturgötu. Í breytingunni felst að heimilt er að breyta verslunarrými á jarðhæð hússins í íbúð og skipta efri hæðum hússins í tvær íbúðir, samkvæmt uppdr. Krads. ehf. dags. 18. mars 2022. Einnig voru lagðar fram umsagnir skipulagsfulltrúa dags. 6. og 30. maí 2022. Erindi er nú lagt fram að nýju ásamt umsögn skipulagsfulltrúa dags. 20. október 2022.

Umsögn skipulagsfulltrúa dags. 20. október 2022 samþykkt.