Viðarás 19, Bæjarflöt 19, Skólavörðustígur 40, Krosshamrar 11-11A, Eggertsgata, stúdentagarðar, Langagerði 9, Skeljanes 2, Freyjugata 42, Laufásvegur 8, Rafstöðvarvegur 31, Réttarholtsvegur 21-25, Ármúli 7-9, Gjúkabryggja 4, Hamrahlíð 2, Hlíðaskóli, Haukdælabraut 94, Tangabryggja 13, Austurkot í Kollafirði, Bíldshöfði 7, Eirhöfði 18, Jöfursbás 9B, Kópavogur, Lambhagavegur 12, Silfurslétta 9, Skektuvogur 2, Súðarvogur 2E-F, Úlfarsfell grafreitur, Hringbraut 121, Eirhöfði 7, Smáragata 5, Snorrabraut 62, Snorrabraut 85, Urðarstígur 10, Baldursgata 30, Einarsnes 20-26, Einarsnes 36, Fossagata 11, Hraunbær 143, Vitastígur 9, Vitastígur 9A, Vættaborgir 84-96, Hringbraut Landsp., Vegstokkur á Sæbraut,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

876. fundur 2022

Ár 2022, fimmtudaginn 7. júlí kl. 09:30, hélt skipulagsfulltrúi Reykjavíkur 876. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Olga Guðrún B Sigfúsdóttir, Björn Ingi Edvardsson, Lilja Grétarsdóttir, Sólveig Sigurðardóttir, Ingvar Jón Bates Gíslason og Birkir Ingibjartsson. Ritari var Erna Hrönn Geirsdóttir.
Þetta gerðist:


1.22 Viðarás 19, (fsp) stækkun húss
Lögð fram fyrirspurn Árna Þórs Einarssonar dags. 29. júní 2022 um stækkun hússins á lóð nr. 19 við Viðarás, samkvæmt skissu ódags. Einnig eru lagðar fram ljósmyndir.
Vísað til umsagnar verkefnisstjóra.

2.22 Bæjarflöt 19, Stoðveggir, bílastæði, fjölgun og fækkun eignar og svalir.
Á embættisafgreiðslufundi skipulagsfulltrúa dags. 10. júní 2022 var lagt fram erindi frá afgreiðslufundi byggingarfulltrúa frá 7. júní 2022 þar sem sótt er um leyfi til að breyta erindi, BN059285, þannig að frágangi lóðar er breytt, bílastæðum er fjölgað um 5, stiga og gluggum er breytt, auk þess sem eignum er fjölgað úr 6 í 7 í húsum A og B og eignum fækkað úr 6 í eina eign og svalir færðar á húsi C og skráningartafla uppfærð fyrir hús A, B og C á lóð nr. 19 við Bæjarflöt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4. júlí 2022.
Neikvætt. Samræmist ekki deiliskipulagi, sbr. umsögn skipulagsfulltrúa dags. 4. júlí 2022.

3.22 Skólavörðustígur 40, (fsp) rekstur gististaðar í flokki II
Á embættisafgreiðslufundi skipulagsfulltrúa 20. júní 2022 var lögð fram fyrirspurn Eignarhaldsfélagsins Hlaðan ehf. dags. 22. apríl 2022 ásamt bréfi ódags. um rekstur gististaðar í flokki II í húsinu á lóð nr. 40 við Skólavörðustíg. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. maí 2022. Lagt fram að nýju ásamt bréfi Laufeyjar Stefánsdóttur mótt. 9. júní 2022 þar sem óskað er eftir endurskoðun á umsögn skipulagsfulltrúa. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. júlí 2022.

Neikvætt, með vísan til umsagnar skipulagsfulltrúa dags. 4. júlí 2022.

4.22 Krosshamrar 11-11A, breyting á deiliskipulagi
Að lokinni grenndarkynningu er lögð fram að nýju umsókn Sigurðar Inga Kristóferssonar dags. 12. apríl 2022 ásamt bréfi dags. 11. apríl 2022 varðandi breytingu á deiliskipulagi Hamrahverfis vegna lóðarinnar nr. 11-11A við Krosshamra. Í breytingunni felst stækkun á byggingarreit Krosshamra 11A til suðurs að opnu svæði og milli bílskúrs og íbúðarhúss. Með stækkuninni er gert ráð fyrir viðbyggingu við bílskúr og tengingu við íbúðarhús, samkvæmt uppdr. Sigurðar Inga Kristóferssonar dags. 16. maí 2022. Tillagan var grenndarkynnt frá 3. júní 2022 til og með 4. júlí 2022. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

5.22 Eggertsgata, stúdentagarðar, breyting á deiliskipulag
Að lokinni auglýsingu er lögð fram að nýju umsókn Félagsstofnunar stúdenta dags. 18. febrúar 2022 um nýtt deiliskipulag fyrir stúdentagarða að Eggertsgötu. Svæðið afmarkast af Suðurgötu til vesturs, Eggertsgötu til norðurs og byggð og opnu svæði til austurs og suðurs. Megin aðkoma að svæðinu er frá Eggertsgötu en einnig frá Suðurgötu. Nýtt deiliskipulag gerir ráð fyrir nýrri viðbyggingu við leikskóla, þjónustu- og félagshúsi ásamt stækkun á hverfisverslun, samkvæmt greinargerð Arkþings/Nordic ehf. dags. 18. febrúar 2022 og deiliskipulags- og skýringaruppdr. Arkþing/Nordic ehf. ódags. Einnig er lögð fram fornleifaskrá og húsakönnun Borgarsögusafns Reykjavíkur, skýrsla nr. 220. Tillagan var auglýst frá 18. maí 2022 til og með 4. júlí 2022. Eftirfarandi sendu umsagnir: Veitur dags. 24. júní 2022 og Minjastofnun Íslands dags. 4. júlí 2022.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

6.22 Langagerði 9, Lengja svalir og flr.
Lagt fram erindi frá afgreiðslufundi byggingarfulltrúa frá 5. júlí 2022 þar sem sótt er um leyfi fyrir áður gerðum breytingum sem felast í að anddyri hefur verið stækkað, steyptu svalahandriði skipt út fyrir gler og gluggar síkkaðir á austurhlið neðri hæðar, einnig er sótt um leyfi til þess að saga niður úr glugga á vesturhlið, setja rennihurð, lengja svalir meðfram vesturhlið og gera stoðvegg og steyptar tröppur frá svölum niður garð einbýlishúss á lóð nr. 9 við Langagerði.

Vísað til umsagnar verkefnisstjóra.

7.22 Skeljanes 2, breyting á deiliskipulagi
Lögð fram umsókn a2f arkitekta ehf. dags. 9. júní 2022 varðandi breytingu á deiliskipulagi Einarsness vegna lóðarinnar nr. 2 við Skeljanes. Breytingin felst í stækkun hússins fyrir einnar hæðar viðbyggingu, koma fyrir svölum á þaki viðbyggingar, með tröppum út í garð, ásamt því að bílskúr á lóð verður fjarlægður, samkvæmt uppdráttum a2f arkitekta ehf. dags. 6. júní 2022.

Vísað til meðferðar hjá verkefnisstjóra.

8.22 Freyjugata 42, Svalir - 2.hæð
Á embættisafgreiðslufundi skipulagsfulltrúa 20. júní 2022 var lagt fram erindi frá afgreiðslufundi byggingarfulltrúa frá 14. júní 2022 þar sem sótt er um leyfi til þess að síkka glugga og gera nýja hurð og byggja stálsvalir með glerhandriði á suðurhlið 2. hæðar íbúðarhúss á lóð nr. 42 við Freyjugötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. júlí 2022.


Neikvætt, með vísan til umsagnar skipulagsfulltrúa dags. 7. júlí 2022.

9.22 Laufásvegur 8, (fsp) svalir
Á embættisafgreiðslufundi skipulagsfulltrúa 30. júní 2022 var lögð fram fyrirspurn Haralds Ingvarssonar dags. 10. maí 2022 um að setja svalir á suðurhlið hússins á lóð nr. 8 við Laufásveg, samkvæmt uppdr. Plúsarkitekta ehf. dags. 10. maí 2022. Einnig er lögð fram umsögn Minjastofnunar Íslands dags. 12. apríl 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

10.22 Rafstöðvarvegur 31, (fsp) - reisa svalaskýli
Lagt fram erindi frá afgreiðslufundi byggingarfulltrúa frá 5. júlí 2022 þar sem spurt er hvort leyfi fáist til að reisa svalaskýli yfir svalir á 2. hæð á austurgafl. Svalirnar eru ofan á viðbyggingu sem samþykkt var 2005 en viðvarandi lekar hafa plagað húseigendur síðustu ár.
Vísað til umsagnar verkefnisstjóra.

11.22 Réttarholtsvegur 21-25, 21-25 - Færanlegar kennslustofur
Lagt fram erindi frá afgreiðslufundi skipulagsfulltrúa frá 5. júlí 2022 þar sem sótt er um leyfi til að setja fjórar færanlegar kennslustofur sem verða tengdar saman tvær og tvær og verðar skráðar sem mhl. 13 og mhl. 14, við Réttarholtsskóla á lóð nr. 21- 25 við Réttarholtsveg.

Vísað til umsagnar verkefnisstjóra.

12.22 Ármúli 7-9, (fsp) breyting á deiliskipulagi
Á embættisafgreiðslufundi skipulagsfulltrúa 23. júní 2022 var lögð fram fyrirspurn Reita - Hótela ehf. dags. 5. maí 2022 ásamt bréfi dags. 4. maí 2022 um breytingu á deiliskipulagi vegna lóðanna nr. 7 og 9 við Ármúla sem felst í lóðirnar verði sameinaðar í eina og ákvæði um fjölda bíla- og hjólastæða verði tilgreint í samgöngumati samkvæmt ákvæðum bíla- og hjólastæðastefnu Reykjavíkurborgar, samkvæmt uppdráttum THG Arkitekta ehf. dags. 4. maí 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

13.22 Gjúkabryggja 4, (fsp) breyting á deiliskipulagi
Á embættisafgreiðslufundi skipulagsfulltrúa 30. júní 2022 var lögð fram fyrirspurn Hugrúnar Þorsteinsdóttur f.h. eiganda dags. 21. júní 2022 ásamt bréfi dags. 21. júní 2022 um breytingu á deiliskipulagi Bryggjuhverfis vegna lóðarinnar nr. 4 við Gjúkabryggju sem felst í að fjölga íbúðum og breyta hlutfalli á íbúðagerða. Fyrirspurninni var vísað til umsagnar verkefnisstjóra og er nú lögð fram að nýju ásamt samantekt M11-arkitekta dags 5. júlí 2022 og umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

14.22 Hamrahlíð 2, Hlíðaskóli, breyting á deiliskipulagi
Að lokinni grenndarkynningu er lögð fram að nýju tillaga umhverfis- og skipulagssviðs að breytingu á deiliskipulagi Hörgshlíðar vegna lóðarinnar nr. 2 við Hamrahlíð, Hlíðarskóla. Í breytingunni felst að skilgreindur er byggingarreitur fyrir færanlegar kennslustofur sem ráðgert er að staðsetja á norðurmörkum lóðar meðfram Hamrahlíð norðan við núverandi battavöll, samkvæmt uppdr. Hornsteina arkitekta dags. 18. maí 2022. Tillagan var grenndarkynnt frá 3. júní 2022 til og með 4. júlí 2022. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

15.22 ">Haukdælabraut 94, breyting á deiliskipulagi
Lögð fram umsókn Hlédísar Sveinsdóttur dags. 20. júní 2022 ásamt bréfi ódags. varðandi breytingu á deiliskipulagi Reynisvatnsáss vegna lóðarinnar nr. 94 við Haukdælabraut. Í breytingunni felst stækkun lóðarinnar, samkvæmt uppdr. EON arkitekta dags. 20. júní 2022.

Samþykkt að grenndarkynna framlagða tillögu fyrir hagsmunaaðilum að Haukadælabraut 92 og 96.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr. og 12. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


16.22 Tangabryggja 13, Loka svölum
Lagt fram erindi frá afgreiðslufundi skipulagsfulltrúa frá 5. júlí 2022 þar sem sótt er um leyfi til að koma fyrir svalalokunum ofan handriða á 55 svölum fjölbýlishúss nr. 13-15 á lóð nr. 13 við Tangabryggju.

Vísað til umsagnar verkefnisstjóra.

17.22 Austurkot í Kollafirði, ósk um leiðréttingu á skráningu húsnæðis
Á embættisafgreiðslufundi skipulagsfulltrúa dags. 10. júní 2022 var lögð er fram fyrirspurn Hjördísar Hendriksdóttur dags. tölvupósts 21. mars 2022 ásamt greinargerð ódags. þar sem óskað er eftir að skráning skv. gildandi deiliskipulagi Mógilsá-Kollafjarðar, verði leiðrétt fyrir lóðina Austurkot (fastanúmer 2085301) þannig að lóðin verði skráð í deiliskipulagi sem lóð fyrir íbúðir en ekki sem sumarhúsaland. Lögð eru fram gögn þess efni sem sýna að greitt hafa verið fasteignagjöld af húsnæðinu sem einbýlishús á íbúðarhúsalóð. Um er að ræða 66 fm einbýlishús sem vantar nýjar veitulagnir og Veitur neita að koma að málinu þar sem skráning á húsinu/ lóðinni er sumarhús skv. skipulagi. Þannig er óskað eftir að deiliskipulagi verði breytt í samræmi við þá ósk um leiðréttingu sem er nefnd hér að framan. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

18.22 Bíldshöfði 7, ósk um umsögn - endurnýjun á starfsleyfi
Lagt fram erindi Heilbrigðiseftirlits Reykjavíkur dags. 29. júní 2022 þar sem óskað er eftir umsögn vegna umsóknar B.M. Vallá um endurnýjun starfsleyfis fyrir rekstur steypustöðvar og steypueiningaverksmiðju að Bíldshöfða 7.

Vísað til umsagnar verkefnisstjóra.

19.22 Eirhöfði 18, Viðbygging, milliloft og skyggni
Á embættisafgreiðslufundi skipulagsfulltrúa 30. júní 2022 var lagt fram erindi frá afgreiðslufundi byggingarfulltrúa frá 28. júní 2022 þar sem sótt er um leyfi til að reisa þakskyggni yfir aflestun á vörum á suðurhlið, byggja viðbyggingu á austurhlið úr timbureiningum og að setja nýja glugga á austurhlið húss á lóð nr. 18 við Eirhöfða. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

20.22 Jöfursbás 9B, Breytingar á lóð 9a,b,c
Á embættisafgreiðslufundi skipulagsfulltrúa 23. júní 2022 var lagt fram erindi frá afgreiðslufundi byggingarfulltrúa frá 21. júní 2022 þar sem sótt er um leyfi til að byggja fjölbýlishús með 24 íbúðum á fjórum hæðum með einu stigahúsi ásamt kjallara undir hluta húss á lóð nr. 9B við Jöfursbás. Erindinu var vísað til umsagnar verkefnisstjóra og er nú lagt fram að nýju.
Ekki eru gerðar skipulagslegar athugasemdir við erindið.

21.22 Kópavogur, Bakkabraut 2-4, Bryggjuvör 1-3 og Þinghólsbraut 77 og 79 - breytt deiliskipulag
Á embættisafgreiðslufundi skipulagsfulltrúa 20. júní 2022 var lagt fram bréf Kópavogsbæjar dags. 7. júní 2022 þar sem óskað er eftir umsögn vegna tillögu að breyttu deiliskipulagi lóða við Bakkabraut 2-4, Bryggjuvarar 1-3 og Þinghólsbrautar 77 og 79. Svæði 13 á þróunarsvæðinu á Kársnesi, ÞR-1 skv. Aðalskipulagi Kópavogs 2012-2024 og samþykktu aðalskipulagi Kópavogs 2019-2040. Erindinu var vísað til umsagnar verkefnisstjóra og er nú lagt fram að nýju.

Ekki eru gerðar skipulagslegar athugasemdir við erindið.

22.22 Lambhagavegur 12, (fsp) breyting á deiliskipulagi
Á embættisafgreiðslufundi skipulagsfulltrúa 30. júní 2022 var lögð fram fyrirspurn Guðmundar O. Víðissonar dags. 22. júní 2022 ásamt greinargerð dags. 22. júní 2022 um breytingu á deiliskipulagi Stekkjarbrekkna-Hallsvegar suður vegna lóðarinnar nr. 12 við Lambhagaveg sem felst í að heimilt verði að reisa fjölorku- og þvottastöð á lóðinni, samkvæmt tillögu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

23.22 Silfurslétta 9, breyting á deiliskipulagi
Á embættisafgreiðslufundi skipulagsfulltrúa dags. 10. júní 2022 var lögð fram umsókn Landmótunar sf. dags. 8. júní 2022 varðandi breytingu á deiliskipulagi athafnasvæði á Esjumelum vegna lóðarinnar nr. 9 við Silfursléttu. Í breytingunni felst stækkun lóðarinnar til suðausturs, samkvæmt uppdr. Landmótunar dags. 18. maí 2022. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs til afgreiðslu.
Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1551/2021.


24.22 Skektuvogur 2, (fsp) uppbygging
Á embættisafgreiðslufundi skipulagsfulltrúa 19. nóvember 2021 var lögð fram fyrirspurn T.ark Arkitekta ehf. dags. 16. nóvember 2021 ásamt bréfi dags. 10. nóvember 2021 um uppbyggingu á lóð nr. 2 við Skektuvog, samkvæmt tillögu T.ark Arkitekta ehf. dags. 9. nóvember 2021. Nánar til tekið er óskað eftir því að fara í uppbyggingu á byggingu B sem samræmist núverandi deiliskipulagi. Seinna yrði farið í deiliskipulagsbreytingu fyrir uppbyggingu á byggingu A, í samræmi við þær hugmyndir sem munu liggja fyrir varðandi Sæbrautarstokk. Fyrirspurninni var vísað til umsagnar verkefnisstjóra og er nú lögð fram að nýju ásamt ásamt tölvupósti Vegagerðarinnar dags. 1. júlí 2022 og bréfi Vegagerðarinnar ódags.
Lagður fram tölvupóstur Vegagerðarinnar dags. 1. júlí 2022 ásamt bréfi ódags.


25.22 Súðarvogur 2E-F, Skektuvogur - Breyting á iðnaðar og lagerhúsnæði í verslunar og líkamsrækt og fl.
Á embættisafgreiðslufundi skipulagsfulltrúa 5. nóvember 2021 var lagt fram erindi frá afgreiðslufundi byggingarfulltrúa frá 2. nóvember 2021 þar sótt er um leyfi til að breyta núverandi notkun í verslunar- og þjónustukjarna með matvöruverslun og líkamsræktarstöð auk minni þjónustueininga og skrifstofurými á efri hæðum, sem fylgir útlitsbreytingar og niðurrifi hluta húsnæðis sem fellur utan lóðar í samþykktu deiliskipulagi og útgefnum lóðaruppdrætti, hús á lóð nr. 2E-F við Súðarvog. Erindinu var vísað til umsagnar verkefnisstjóra og er nú lagt fram að nýju ásamt tölvupósti Vegagerðarinnar dags. 1. júlí 2022 og bréfi Vegagerðarinnar ódags.
Lagður fram tölvupóstur Vegagerðarinnar dags. 1. júlí 2022 ásamt bréfi ódags.

26.22 Úlfarsfell grafreitur, framkvæmdaleyfi
Lögð fram umsókn skrifstofu framkvæmda og viðhalds dags. 29. júní 2022 um framkvæmdaleyfi fyrir móttöku og frágangi á lífrænu efni og mold á losunarstað væntanlegs grafreit í Úlfarsfelli, samkvæmt teikningasetti VSÓ ráðgjafar dags. í janúar 2022.

Vísað til umsagnar verkefnisstjóra.

27.22 Hringbraut 121, (fsp) breyting á deiliskipulagi
Á embættisafgreiðslufundi skipulagsfulltrúa 30. júní 2022 var lögð fram fyrirspurn Myndlistarskólans í Reykjavík ses. dags. 21. júní 2022 um breytingu á deiliskipulagi Lýsisreits vegna lóðarinnar nr. 121 við Hringbraut. sem felst í að heimilt verði að breyta húsi Myndlistarskólans í íbúðarhús. Einnig er lögð fram kynning ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

28.22 Eirhöfði 7, (fsp) uppbygging og hönnun
Lögð fram fyrirspurn Arnars Þórs Jónssonar f.h. Höfðakórs ehf. dags. 24. júní 2022 ásamt bréfi dags. 16. maí 2022 um uppbyggingu og hönnun á lóð nr. 7 við Eirhöfða. Einnig eru lagðir fram aðaluppdrættir Arkís arkitekta ehf. dags. 23. og 10. júní 2022, sérteikning lóðar/yfirlitsmynd lóðar dags. 15. júní 2022, og hæðarblað í vinnslu dags. 24. maí 2022.

Vísað til umsagnar verkefnisstjóra.

29.22 Smáragata 5, (fsp) svalir
Lögð fram fyrirspurn Birnu Rúnu Baldursdóttur dags. 22. júní 2022 um að setja svalir á vesturhlið (götuhlið) 1. og 2. hæðar hússins á lóð nr. 5 við Smáragötu, samkvæmt skissu ódags. Einnig er lögð fram ljósmynd. Einnig er lögð fram umsögn skipulagsfulltrúa dags. 1. apríl 2022.
Neikvætt, með vísan til eldri umsagnar skipulagsfulltrúa dags.1. apríl 2022.

30.22 Snorrabraut 62, (fsp) stækkun lóðar
Lögð fram fyrirspurn Helgu Bragadóttur dags. 21. júní 2022, um stækkun lóðarinnar nr. 62 við Snorrabraut til að koma fyrir djúpgámum, samkvæmt uppdr. Kanon arkitekta ehf. dags. 6. apríl 2022 ásamt umsögn skipulagsfulltrúa dags. 26. nóvember 2021.

Neikvætt, með vísan til eldri umsagnar skipulagsfulltrúa dags. 26. nóvember 2021.

31.22 Snorrabraut 85, Fjölgun eigna - breyting á stigahúsi + svalir
Að lokinni grenndarkynningu er lagt fram að nýju erindi frá afreiðslufundi byggingarfulltrúa frá 8. mars 2022 þar sem sótt er um leyfi til að fjölga eignum með því að gera efri hæð íbúðar 01-0201 að séreign, framlengja stiga sameignar upp á þriðju hæð, breyta innra skipulagi og bæta við svölum á austurhlið annarrar hæðar á húsi á lóð nr. 85 við Snorrabraut. Erindi var grenndarkynnt frá 3. júní 2022 til og með 4. júlí 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


32.22 Urðarstígur 10, Viðbygging
Á embættisafgreiðslufundi skipulagsfulltrúa dags. 10. júní 2022 var lagt fram erindi frá afgreiðslufundi byggingarfulltrúa frá 7. júní 2022 þar sem sótt er um leyfi fyrir áður gerðum breytingum á innra skipulagi, breyta notkun bílskúrs mhl.02, byggja einlyfta viðbyggingu úr timbri við vesturhlið einbýlishúss, mhl.01, og að gafli aðliggjandi húss nr. 16 við Bragagötu, á lóð nr. 10 við Urðarstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

33.22 Baldursgata 30, (fsp) gististaður
Lögð fram fyrirspurn Mögnu F. Birnis dags. 20. júní 2022 um rekstur gististaðar í rými merkt 03 0101 í húsinu á lóð nr. 30 við Baldursgötu (030101). Einnig er lögð fram umsögn skipulagsfulltrúa dags. 7. júlí 2022.

Neikvætt, með vísan til umsagnar skipulagsfulltrúa dags. 7. júlí 2022.

34.22 Einarsnes 20-26, 24 - Viðbygging yfir bílskúr - áður gerðar breytingar kjallara
Á embættisafgreiðslufundi skipulagsfulltrúa 30. júní 2022 var lagt fram erindi frá afgreiðslufundi byggingarfulltrúa frá 28. júní 2022 þar sem sótt er um leyfi fyrir áður gerðum breytingum, kjallara undir bílskúr, jafnframt er sótt um leyfi til að byggja viðbyggingu ofan á bílskúr úr léttum byggingarefnum á húsi nr. 24 á lóð nr. 20-26 við Einarsnes. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. júlí 2022.

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 7. júlí 2022.

35.22 Einarsnes 36, (fsp) breyta atvinnuhúsnæði í íbúðir
Á embættisafgreiðslufundi skipulagsfulltrúa 30. júní 2022 var lögð fram fyrirspurn Hjördísar Andrésdóttur dags. 22. júní 2022 ásamt bréfi dags. 17. júní 2022 um að breyta atvinnuhúsnæði á lóð nr. 36 við Einarsnes í íbúðir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. júlí 2022.

Neikvætt, með vísan til umsagnar skipulagsfulltrúa dags. 7. júlí 2022.

36.22 Fossagata 11, (fsp) bílskúr
Lögð fram fyrirspurn Luigi Bartolozzi f.h. eiganda dags. 20. júní 2022 um að setja bílskúr á lóð nr. 11 við Fossagötu, samkvæmt uppdr. Luigi Bartolozzi dags. 20. júní 2022.

Ekki er gerð athugasemd við erindið. Byggingarleyfisumsókn verður grenndarkynnt berist hún.

37.22 Hraunbær 143, (fsp) breyting á skilmálum deiliskipulags
Á embættisafgreiðslufundi skipulagsfulltrúa 31. maí 2022 var lögð fram fyrirspurn a2f arkitekta ehf. dags. 6. maí 2022 ásamt bréfi dags. 6. maí 2022 um breytingu á skilmálum deiliskipulags Hraunbæjar-Bæjarháls vegna lóðarinnar nr. 143 við Hraunbæ sem felst í að heimila léttbyggð skýli fyrir hjól og/eða sorp á lóð utan byggingarreits. Fyrirspurninni var vísað til umsagnar verkefnisstjóra og er nú lögð fram að nýju.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.

38.22 Vitastígur 9, Fjölbýlishús
Á embættisafgreiðslufundi skipulagsfulltrúa 3. júní 2022 var lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til að byggja steinsteypt fjölbýlishús, tvær hæðir og kjallara með þremur íbúðum á lóð nr. 9 við Vitastíg. Erindinu var vísað til umsagnar verkefnisstjóra og er nú lagt fram að nýju samt umsögn skipulagsfulltrúa dags. 7. júlí 2022.
Umsögn skipulagsfulltrúa, dags. 7. júlí 2022, samþykkt.

39.22 Vitastígur 9A, Fjölbýlishús
Á embættisafgreiðslufundi skipulagsfulltrúa 3. júní 2022 var lagt fram erindi frá afgreiðslufundi byggingarfulltrúa frá 31. maí 2022 þar sem sótt er um leyfi til að byggja tvíbýlishús, tvær hæðir og kjallara úr timbri á steyptum sökkli með tveimur íbúðum á lóð nr. 9A við Vitastíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. júlí 2022.

Umsögn skipulagsfulltrúa, dags. 7. júlí 2022, samþykkt.

40.22 Vættaborgir 84-96, nr. 96 - staðsetning ökutækjaleigu
Lagt fram bréf Samgöngustofu dags. 5. júlí 2022 þar sem óskað er eftir umsögn vegna umsóknar Jóhannesar Bachmann Sigurðssonar f.h. 1969 ehf. um að reka ökutækjaleigu að Vættarborgum 96. Sótt er um leyfi fyrir 3 ökutækjum í útleigu. Einnig er lögð fram umsögn skipulagsfulltrúa dags. 7. júlí 2022.

Neikvætt, með vísan til umsagnar skipulagsfulltrúa dags. 7. júlí 2022.

41.22 Hringbraut Landsp., Bílastæða-/tæknihús 8. hæðir
Á embættisafgreiðslufundi skipulagsfulltrúa dags. 10. júní 2022 var lagt fram erindi frá afgreiðslufundi byggingarfulltrúa frá 7. júní 2022 þar sem sótt er um leyfi til að reisa steinsteypt 8 hæða bílastæða- og tæknihús, þar af þrjár neðanjarðar, fyrir 510 bíla og 199 hjólastæði við Burknagötu nr. 30 sem verður mhl. 52 á lóð Landsspítalans við Hringbraut. Erindinu var vísað til umsagnar verkefnisstjóra og er nú lagt fram að nýju.

Ekki eru gerðar skipulagslegar athugasemdir við erindið.

42.22 Vegstokkur á Sæbraut, ósk um umsögn um matsáætlun
Lagt fram erindi Skipulagsstofnunar dags. 21. júní 2022 þar sem óskað er eftir umsögn Reykjavíkurborgar um matsáætlun, dags. í júní 2022 og unnin af Verkís, fyrir vegstokk á Sæbraut.
Vísað til umsagnar verkefnisstjóra.