Grjótháls 8, Síðumúli 23, Starengi 2, Sæmundargata 15-19, Vesturgata 24, Vesturgata 40, Vesturgata 64, Hestháls, Kjalarnes, Skrauthólar 4, Koparslétta 4-8, Krókháls 5-5G, Laugarásvegur 52, Rökkvatjörn 6-8, Úthlíð 7, Öldugata 47, Barónsstígur 45A, Hraunbær 143, Hverfisgata 121, Iðunnarbrunnur 1-3, Laugarnesvegur 75, Sólheimar 14, Sólvallagata 10, Stýrimannastígur 11, Teigagerði 8, Túngata 13-15 og Hávallagata 14-16, Tunguvegur 24, Vitastígur 9 og 9A, Asparfell 2-12, Blönduhlíð 17, Búland 1-31 2-40, Fífusel 25-41, Drápuhlíð 2, Hamraberg 12-14, Grandagarður 1B, Flugvöllur, Funahöfði 7, Geitland 2-12 og 1-43, Grundarhús 14, Breiðagerði 23, Bræðraborgarstígur 38, Bugðulækur 18, Hjallavegur 52, Malarhöfði 2, Njálsgata 1, Óðinsgata 19, Skólavörðustígur 27, Skólavörðustígur 40, Sólvallagata 17, Stýrimannastígur 6, Suðurlandsbraut 30, Reynimelur 43, Hellusund 6A, Holtsgata 10 og 12 og Brekkustígur 16, Sólvallagata 68, Suðurlandsbraut 16,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

870. fundur 2022

Ár 2022, þriðjudaginn 31. maí kl. 10:00, hélt skipulagsfulltrúi Reykjavíkur 870. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Björn Ingi Edvardsson, Hrafnhildur Sverrisdóttir, Birkir Ingibjartsson, Ingvar Jón Bates Gíslason, Brynja Kemp Guðnadóttir, Olga Guðrún B Sigfúsdóttir, Sigríður Lára Gunnarsdóttir og Sólveig Sigurðardóttir. Ritari var Harri Ormarsson.
Þetta gerðist:


1.22 34">Grjótháls 8, (fsp) niðurrif og uppbygging
Lögð fram fyrirspurn Guðmundar Odds Víðissonar dags. 1. maí 2022 ásamt bréfi dags. 2. maí 2022 um að rífa núverandi þvottabása á lóð nr. 87 við Grjótháls og reisa þess í stað þvottastöð ásamt einum yfirbyggðum þvottabás, samkvæmt tillögu DAP ehf. ódags. Einnig er lagður fram uppdráttur. DAP ehf. (afstöðumynd, grunnmynd, 3d) ódags.
Vísað til umsagnar verkefnisstjóra.

2.22 Síðumúli 23, (fsp) deiliskipulag
Lögð fram fyrirspurn Haralds Ingvarssonar dags. 10. maí 2022 um gerð deiliskipulags fyrir lóð nr. 23 við Síðumúla sem felst í að heimilt verði að breyta efri hæðum hússins í íbúðir, aðlaga lóð að íbúðarhúsnæði hvað varðar leiksvæði fyrir börn, gróður, hjólageymslur og sorp og bæta við aukahæð á álmur sem snúa að Selmúla og Síðumúla ásamt svölum að Síðumúla og inngarði, samkvæmt uppdr. Plúsarkitekta ehf. dags. 10. maí 2022. Einnig er lagður fram skýringaruppdr. dags. 2. maí 2022.

Vísað til umsagnar verkefnisstjóra.

3.22 Starengi 2, Stækkun húss
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi til þess að byggja nýja hæð fyrir lager og skrifstofur, með aðgengi um utanáliggjandi stiga við suðurhlið, ofan á verslunarhús á lóð nr. 2 við Starengi.

Vísað til umsagnar verkefnisstjóra.

4.22 Sæmundargata 15-19, breyting á deiliskipulagi
Lögð fram umsókn Pálmars Kristmundssonar dags. 17. maí 2022 varðandi breytingu á deiliskipulagi Háskóla Íslands, Vísindagarða, vegna lóðarinnar nr. 15-19 við Sæmundargöt. Í breytingunni felst að byggingarreitur þakhæðar er breytt lítillega til að koma fyrir upphækkuðu lyftu- og stigahúsi á vesturhlið byggingarinnar við Sæmundargötu, samkvæmt uppdr. PK Arkitekta ehf. dags. 25. maí 2022.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Sæmundargötu 14, 16, 18, 20 og 21, þegar uppfærður uppdráttur berst.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1551/2021.




5.22 Vesturgata 24, (fsp) breyting á deiliskipulagi
Á embættisafgreiðslufundi skipulagsfulltrúa 22. apríl 2022 var lögð fram fyrirspurn Ásgeirs Ásgeirssonar dags. 12. apríl 2022 ásamt bréfi dags. 12. apríl 2022 um breytingu á deiliskipulagi Norðurstígsreits vegna lóðarinnar nr. 24 við Vesturgötu sem felst í að heimila uppbyggingu ca. 450 m2 íbúðarhúsnæðis á lóð með nýtingarhlutfall 1.28, samkvæmt tillögu T.ark Arkitekta ehf. dags. 12. apríl 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. maí 2022.


Umsögn skipulagsfulltrúa dags. 30. maí 2022 samþykkt.

6.22 Vesturgata 40, breyting á deiliskipulagi
Á embættisafgreiðslufundi skipulagsfulltrúa 29. apríl 2022 var lögð fram umsókn Krads ehf. dags. 12. apríl 2022 varðandi breytingu á deiliskipulagi Nýlendureits vegna lóðarinnar nr. 40 við Vesturgötu. Í breytingunni felst að heimilt er að breyta verslunarrými á jarðhæð hússins í íbúð og skipta efri hæðum hússins í tvær íbúðir, samkvæmt uppdr. Krads. ehf. dags. 18. mars 2022. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 6. maí 2022. Lagt fram að nýju ásamt umsögn skipulagsfulltrúa dags. 30. maí 2022.

Umsögn skipulagsfulltrúa dags. 6. maí 2022 dregin til baka. Umsögn skipulagsfulltrúa dags. 30. maí 2022 samþykkt.

7.22 Vesturgata 64, Fjölbýlishús - mhl.03
Á embættisafgreiðslufundi skipulagsfulltrúa 11. mars var erindi lagt fram erindi frá afreiðslufundi byggingarfulltrúa frá 8. mars 2022 þar sem sótt er um leyfi til að byggja steinsteypt sjö hæða fjölbýlishús með 57 íbúðum á sameiginlegum bílakjallara á Héðinsreit og verður mhl. 03 á lóð nr. 64 við Vesturgötu. Einnig er lögð fram umsögn skipulagsfulltrúa dags. 29. apríl 2022. Erindi er lagt fram að nýju ásamt minnisblaði Arkþing/Nordic dags. 12. maí 2022.


Minnisblað Arkþing/Nordic dags. 12. maí 2022 lagt fram.


8.22 Hestháls, (fsp) aðstaða fyrir bílasölu
Lögð fram fyrirspurn Landmótunar sf. dags. 10. maí 2022 ásamt bréfi dags. 5.maí 2022 um aðstöðu fyrir bílasölu við Hestháls um er að ræða opið svæði við Vesturlandsveg gegnt Hesthálsi 6-10.

Vísað til umsagnar verkefnisstjóra.

9.22 Kjalarnes, Skrauthólar 4, breyting á deiliskipulagi
Lögð fram umsókn Kristins Ragnarssonar dags. 12. maí 2022 varðandi breytingu á deiliskipulagi Skrauthóla á Kjalarnesi vegna landsins Skrauthólar 4. Í breytingunni felst að heimilt verði að innrétta íbúð á efri hæð þjónustubyggingar og að breyta fjárhúsi í norðurhluta landsins í einbýlishús, samkvæmt uppdr. KRark dags. 9. maí 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


10.22 Koparslétta 4-8, breyting á deiliskipulagi
Lögð fram umsókn Malbikstöðvarinnar ehf. dags. 18. maí 2022 varðandi breytingu a deiliskipulagi Esjumela, athafnasvæðis, vegna lóðarinnar nr. 4-8 við Koparsléttu. Í breytingunni felst breyting á mörkum byggingarreits, annars vegar við innkeyrslu frá Koparsléttu og hins vegar á vestari hluta reits við Norðurgrafarveg ásamt því að hæð stoðveggja við lóðarmörk eru skilgreind með nýjum hætti í skilmálum, samkvæmt uppdr. Grímu arkitekta ehf. dags. 5. maí 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


11.22 Krókháls 5-5G, (fsp) fjölgun bílastæða
Lögð fram fyrirspurn Pawel Kowalczyk dags. 10. maí 2022 um fjölgun bílastæða á lóð nr. 5-5G við Krókháls samkvæmt skissu á yfirlitsmynd.

Vísað til umsagnar verkefnisstjóra.

12.22 Laugarásvegur 52, (fsp) stækkun húss
Á embættisafgreiðslufundi skipulagsfulltrúa 13. maí 2022 var lögð fram fyrirspurn Gríms V. Magnússonar dags. 26. apríl 2022 ásamt bréfi dags. 26. apríl 2022 um stækkun hússins á lóð nr. 52 við Laugarásveg, samkvæmt uppdr. Gríms V. Magnússonar (3. stk.) dags. 26. apríl 2022. Einnig er lagt fram útlit síðustu aðaluppdrátta með fyrirhuguðum breytingum og ljósmyndir af núverandi aðstæðum. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. maí 2022.

Neikvætt með vísan til umsagnar skipulagsfulltrúa dags. 31. maí 2022.

13.22 Rökkvatjörn 6-8, breyting á skilmálum deiliskipulags
Lögð fram umsókn Ásgeirs Ásgeirssonar dags. 23. maí 2022 varðandi breytingu á skilmálum deiliskipulags Úlfarsárdals vegna lóðarinnar nr. 6-8 við Rökkvatjörn. Í breytingunni felst að heimilt er að svalir á suðurhlið hússins skagi út fyrir byggingarreit lóðarinnar, samkvæmt tillögu dags. 12. apríl 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


14.22 Úthlíð 7, hækka ris og gera íbúð
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi til að hækka þak, byggja kvisti og svalir og gera íbúð í risi fjölbýlishúss á lóð nr. 7 við Úthlíð.

Vísað til umsagnar verkefnisstjóra.

15.22 Öldugata 47, Svalir 2.hæð - gluggar síkkaðir - stigagangur
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 8. febrúar 2022 þar sem sótt er um leyfi til þess að gera svalir á suðurhlið íbúðar 0201, síkka glugga til að koma fyrir tvöfaldri svalahurð og setja á létta veggi undir svalir til að skýla aðalinngangi íbúðar 0101 í fjölbýlishúsi á lóð nr. 47 við Öldugötu. Erindi var grenndarkynnt frá 25. apríl 2022 til og með 23. maí 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


16.22 Barónsstígur 45A, breyting á deiliskipulagi
Lögð fram umsókn Karls Magnúsar Karlssonar dags. 24.maí 2022 varðandi breytingu á deiliskipulagi Heilsuverndarreits vegna lóðarinnar nr. 45A við Barónsstíg. Í breytingunni felst stækkun á byggingarreit Sundhallarinnar í austur fyrir viðbyggingu á tæknirými innilaugarinnar ásamt því að tengja núverandi tæknirými útilaugarinnar við umrædda stækkun neðanjarðar, samkvæmt deiliskipulags- og skýringaruppdr. VA arkitekta ehf. dags. 25. maí 2022. Einnig er lögð fram umsögn Minjastofnunar Íslands dags. 19. maí 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


17.22 Hraunbær 143, (fsp) breyting á skilmálum deiliskipulags
Lögð fram fyrirspurn a2f arkitekta ehf. dags. 6. maí 2022 ásamt bréfi dags. 6. maí 2022 um breytingu á skilmálum deiliskipulags Hraunbæjar-Bæjarháls vegna lóðarinnar nr. 143 við Hraunbæ sem felst í að heimila léttbyggð skýli fyrir hjól og/eða sorp á lóð utan byggingarreits.

Vísað til umsagnar verkefnisstjóra.

18.22 Hverfisgata 121, (fsp) fjölgun íbúða og setja svalir
Á embættisafgreiðslufundi skipulagsfulltrúa 29. apríl 2022 var lögð fram fyrirspurn Guðmars Valþórssonar dags. 26. apríl 2022 ásamt bréfi ódags. um fjölgun íbúða í húsinu á lóð nr. 121 við Hverfisgötu út þremur íbúðum í fjórar íbúðir og setja svalir á suðurhlið hússins, samkvæmt uppdr. MAREY arkitekta dags. 26. apríl 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. maí 2022.

Umsögn skipulagsfulltrúa dags. 30. maí 2022 samþykkt.

19.22 Iðunnarbrunnur 1-3, 1 - Reyndarteikningar, breytingar á kjallara
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi til þess að breyta erindi BN036177 vegna lokaúttektar þannig að lagnakjallara hefur verið breytt í kjallara með fullri lofthæð, rými 0001, og gert innangengt úr íbúð með því að framlengja stiga á milli hæða, herbergjum fækkað um eitt á 1. hæð og forstofa stækkuð sem því nemur auk þess sem bætt hefur verið við herbergi og salerni á 2. hæð í íbúð 0101 í parhúsi nr. 1 á lóð nr. 1 við Iðunnarbrunn.

Vísað til umsagnar verkefnisstjóra.

20.22 Laugarnesvegur 75, Stækkun húss - ný hæð
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi til að byggja eina hæð ofan á núverandi hús og byggja yfir núverandi tröppur við aðalinngang á húsi á lóð nr. 75 við Laugarnesveg.

Vísað til umsagnar verkefnisstjóra.

21.22 Sólheimar 14, breyting á deiliskipulagi
Að lokinni grenndarkynningu er lögð fram að nýju umsókn Andra Gunnars Lyngbergs Andréssonar dags. 22. febrúar 2022 varðandi breytingu á deiliskipulagi Heimahverfis vegna lóðarinnar nr. 14 við Sólheima. Í breytingunni felst stækkun á inndreginni efstu hæð hússins, samkvæmt uppdr. Trípólí sf. dags. 15. mars 2022. Við breytinguna hækkar nýtingarhlutfall lóðarinnar. Erindi var grenndarkynnt frá 25. apríl 2022 til og með 23. maí 2022. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

22.22 Sólvallagata 10, Stækka bílgeymslu
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 15. febrúar 2022 þar sem sótt er um leyfi til að stækka bílageymslu einbýlishúss og breyta innra skipulagi þannig að komið er fyrir hjólageymslu, baðherbergi og æfingarsal í mhl. 70, á lóð nr. 10 við Sólvallagötu. Erindi var grenndarkynnt frá 19. apríl 2022 til og með 18. maí 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


23.22 Stýrimannastígur 11, Endurgerð kvists - svalir o.fl.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 29. mars 2022 þar sem sótt er um leyfi til að endurgera kvist á götuhlið, gera nýjar svalir að garði, breyta gluggum á austurhlið og breyta innra skipulagi í einbýlishúsi á lóð nr. 11 við Stýrimannastíg. Einnig er lögð fram umsögn Minjastofnunar Íslands dags. 11. apríl 2022. Erindi var grenndarkynnt frá 19. apríl 2022 til og með 18. maí 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


24.22 Teigagerði 8, breyting á deiliskipulagi
Lögð fram umsókn Úti og inni arkitekta dags. 20. apríl 2022 ásamt minnisblaði dags. 13. apríl 2022 varðandi breytingu á deiliskipulagi Teigagerðisreits vegna lóðarinnar nr. 8 við Teigagerði. í breytingunni felst að gerður er byggingarreitur fyrir viðbyggingu, á jarðhæð, við suðaustur kverk hússins, ásamt því að upprunalegir kvistir á húsinu eru rýmkaðir sem leiða aukins byggingamagns, samkvæmt uppdr. Úti og inni arkitekta dags. 6. apríl 2022. Við breytinguna hækkar nýtingarhlutfall lóðar.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Teigagerði 5, 7, 9 og 10.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1551/2021.





25.22 Túngata 13-15 og Hávallagata 14-16, breyting á deiliskipulagi
Lögð fram umsókn Steinselju ehf. dags. 6. maí 2022 varðandi breytingu á deiliskipulagi Landakotsreits vegna lóðanna nr. 13-15 við Túngötu og 14-16 við Hávallagötu. Í breytingunni felst stækkun á byggingarreit til norðurs og suðurs til að fjölga tímabundið færanlegum kennslurýmum, samkvæmt uppdr. Steinselju ehf. dags. 4. maí 2022.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Hofsvallagötu 1 og Hávallagötu 20, 22 og 24.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1551/2021.




26.22 Tunguvegur 24, (fsp) stækkun húss o.fl.
Á embættisafgreiðslufundi skipulagsfulltrúa 19. maí 2022 var lögð fram fyrirspurn Huldu Sigmarsdóttur dags. 12. maí 2022 ásamt bréfi dags. 12. maí 2022 um að stækka byggingarreit lóðarinnar nr. 24 við Tunguveg, hækka þak hússins og gera portþak með kvistum og hækka nýtingarhlutfall, samkvæmt uppdr. ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. maí 2022.

Umsögn skipulagsfulltrúa dags. 30. maí 2022 samþykkt.

27.22 Vitastígur 9 og 9A, breyting á skilmálum deiliskipulags
Að lokinni auglýsingu er lögð fram að nýju umsókn Sigurðar Einarssonar dags. 8. desember 2021 varðandi breytingu á skilmálum deiliskipulags reits 1.174.0 vegna lóðanna nr. 9 og 9A við Vitastíg. Í breytingunni felst niðurrif húsanna og enduruppbygging ásamt hækkun á nýtingarhlutfalli og byggingarmagni lóðanna, samkvæmt uppdr. Batterísins Arkitekta ehf. dags. 1. desember 2021, br. 25. maí 2022. Einnig er lögð fram umsögn Minjastofnunar Íslands dags. 18. október 2021 og 15. nóvember 2021. Tillagan var auglýst frá 23. mars 2022 til og með 11. maí 2022. Athugasemd barst frá Minjastofnun Íslands í umsögn dags. 28. mars 2022. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 13. maí 2022 og er nú lagt fram að nýju ásamt svari skipulagsfulltrúa dags. 23. maí 2022 við athugasemd Minjastofnunar Íslands.

Samþykkt með vísan til svars skipulagsfulltrúa dags. 23. maí 2022 sbr. a. lið 2. gr. í viðauka 2.3 um embættisafgreiðslur skipulagsfulltrúa nr. 1020/2019.

28.22 Asparfell 2-12, djúpgámar
Á embættisafgreiðslufundi skipulagsfulltrúa 1. apríl 2022 var lagt fram erindi frá afgreiðslufundi byggingarfulltrúa frá 5. apríl 2022 þar sem sótt er um leyfi til að setja niður þrjú djúpgámasett með fimm gámum hvert, fyrir stigaganga í húsi 2-12 við Asparfell. Erindinu var vísað til umsagnar verkefnisstjóra og er nú lagt fram að nýju.
Ekki eru gerðar skipulagslegar athugasemdir við erindið.

29.22 Blönduhlíð 17, (fsp) stækkun á kvisti og setja nýjar svalir
Lögð fram fyrirspurn Kristjáns Bjarnasonar dags. 19. apríl 2022 um stækkun á kvisti hússins á lóð nr. 17 við Blönduhlíð og setja nýjar svalir á ris hússins, samkvæmt uppdráttum Arkitektastofunnar Austurvöllur dags. 8. apríl 2022.
Vísað til umsagnar verkefnisstjóra.

30.22 Búland 1-31 2-40, (fsp) nr. 1 - bílastæði
Lögð fram fyrirspurn Guðjóns Þóris Sigfússonar dags. 3. maí 2022 um að setja bílastæði að Búlandi 1, lóð nr. 1-31 og 2-40 við Búland, með aðkomu frá Búlandi.

Vísað til umsagnar verkefnisstjóra.

31.22 Fífusel 25-41, (fsp) nr. 35 - þaksvalir
Lögð fram fyrirspurn Jónasar Þórs Ingólfssonar dags. 10. maí 2022 um að setja þaksvalir á húsið að Fífuseli 35, lóð nr. 25-41 við Fífusel, samkvæmt uppdr. Arkitektastofunnar Austurvöllur dags. 17. apríl 2022. Einnig er lögð fram umsögn skipulagsfulltrúa dags. 31. maí 2022.

Neikvætt, með vísan til umsagnar skipulagsfulltrúa dags. 31. maí 2022.

32.22 Drápuhlíð 2, (fsp) bílastæði
Lögð fram fyrirspurn Sveins Orra Tryggvasonar dags. 21. mars 2022 um að setja bílastæði og rafhleðslustöð á lóð nr. 2 við Drápuhlíð.

Vísað til umsagnar verkefnisstjóra.

33.22 Hamraberg 12-14, (fsp) nr. 14 - stækkun húss
Lögð fram fyrirspurn Sæunnar Njálsdóttur dags. 12. maí 2022 um stækkun hússins að Hamrabergi 14, lóð nr. 12-14 við Hamraberg.

Vísað til umsagnar verkefnisstjóra.

34.22 Grandagarður 1B, (fsp) stækkun húss
Lögð fram fyrirspurn Málstaðar ehf. dags. 23. maí 2022 um stækkun hússins á lóð nr. 1B við Grandagarð, samkvæmt uppdr. Jóns Guðmundssonar dags. 20.maí 2022.

Vísað til umsagnar verkefnisstjóra.

35.22 Flugvöllur, Gámaeiningar, (nýr matshluti nr.. 48) á lóð L106745
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi fyrir tveimur geymslum úr einangruðum gámaeiningum, austan við skrifstofuhús á lóð Flugvallar.

Vísað til umsagnar verkefnisstjóra.

36.22 Funahöfði 7, (fsp) - Breytt skráning
Lagt fram erindi frá afgreiðslufundi byggingarfulltrúa frá 24. maí 2022 þar sem spurt er hvort leyft yrði að breyta skráningu 1. hæðar úr skrifstofum í íbúðarherbergi á lóð nr. 7 við Funahöfða.

Vísað til umsagnar verkefnisstjóra.

37.22 Geitland 2-12 og 1-43, (fsp) nr. 1 - svalalokun
Á embættisafgreiðslufundi skipulagsfulltrúa 19. maí 2022 var lögð fram fyrirspurn Margrétar Láru Jónsdóttur dags. 11. apríl 2022 um að loka svölum hússins að Geitlandi 1, lóð nr. 2-12 og 1-43 við Geitland, samkvæmt uppdr. Arkitektastofunnar Austurvöllur dags. 10. maí 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. maí 2022.

Umsögn skipulagsfulltrúa dags. 31. maí 2022 samþykkt.

38.22 Grundarhús 14, nr. 14 - garðskáli
Á embættisafgreiðslufundi skipulagsfulltrúa 19. maí 2022 var lagt fram erindi frá afgreiðslufundi byggingarfulltrúa frá 17. maí 2022 þar sem sótt er um leyfi til þess að byggja garðskála úr timbri og gleri við vesturhlið endaraðhúss nr. 14, mhl.06, á lóð nr. 14-24 við Grundarhús. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. maí 2022.

Umsögn skipulagsfulltrúa dags. 31. maí 2022 samþykkt.

39.22 Breiðagerði 23, (fsp) stækkun húss og bílskúr
Lögð fram fyrirspurn Hjalta Sigurjónssonar dags. 11. maí 2022 um stækkun hússins á lóð nr. 23 við Breiðagerði ásamt því að setja bílskúr á lóð.

Vísað til umsagnar verkefnisstjóra.

40.22 Bræðraborgarstígur 38, Breytingar innanhúss
Á embættisafgreiðslufundi skipulagsfulltrúa 29. apríl 2022 var lagt fram erindi frá afgreiðslufundi byggingarfulltrúa frá 26. apríl 2022 þar sem sótt er um leyfi fyrir áður gerðum breytingum sem felast í að lóðarhæð og að teikningar af aðkomu að kjallara og aðalinngangi hafa verið leiðréttar til samræmis við raunútlit, komið hefur verið fyrir bílastæði og opnu vagna-og hjólaskýli á lóð, gerð gönguhurð á bílskúr og gluggum breytt, einnig hefur innra skipulagi kjallara og íbúðar 0201 verið breytt og hætt við svalalokanir á svölum beggja íbúða í húsi á lóð nr. 38 við Bræðraborgarstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. maí 2022.

Umsögn skipulagsfulltrúa dags. 31. maí 2022 samþykkt, ekki er þó fallist á bílastæði á lóð.

41.22 Bugðulækur 18, Tvöfaldur bílskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 15. mars 2022 þar sem sótt er um leyfi til að byggja tvöfaldan staðsteyptan bílskúr á norðausturhluta lóðar með hurð og glugga út á borgarland á lóð nr. 18 við Bugðulæk. Erindi var grenndarkynnt frá 19. apríl 2022 til og með 18. maí 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


42.22 Hjallavegur 52, breyting á deiliskipulagi
Á embættisafgreiðslufundi skipulagsfulltrúa 25. febrúar 2022 var lögð fram umsókn Sigtryggs Símonarsonar dags. 3. febrúar 2022 varðandi breytingu á deiliskipulagi Sunda, reitir 1.3 og 1.4, vegna lóðarinnar 52 við Hjallaveg. Í breytingunni felst að byggingarreitur fyrir bílskúr er færður til og stækkaður, samkvæmt uppdr. Skúlptúra arkitekta dags. 30. maí 2022. Við breytinguna hækkar nýtingarhlutfall lóðarinnar. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Hjallavegi 50, 54, 56 og 58 og Hólsvegi 10.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. sbr. gr. 12 í gjaldskrá skipulagsfulltrúa nr. 1551/2021.




43.22 Malarhöfði 2, staðsetning ökutækjaleigu
Á embættisafgreiðslufundi skipulagsfulltrúa 19. maí 2022 var lagt fram bréf Samgöngustofu dags. 16. maí 2022 þar sem óskað er eftir umsögn vegna umsóknar Reinhards Valgarðssonar f.h. Golden Circle Car rental um að reka ökutækjaleigu að Malarhöfða 2. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. maí 2022.

Umsögn skipulagsfulltrúa dags. 31. maí 2022 samþykkt.

44.22 Njálsgata 1, (fsp) rekstur gististaðar í flokki II
Lögð fram fyrirspurn Hafsteins Júlíussonar dags. 22. mars 2022 um rekstur gististaðar í flokki II í húsinu á lóð nr. 1 við Njálsgötu. Einnig er lögð fram umsögn skipulagsfulltrúa dags. 30. maí 2022.

Neikvætt, með vísan til umsagnar skipulagsfulltrúa dags. 30. maí 2022.

45.22 Óðinsgata 19, Endurnýja hús og fjölga íbúðum
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 1. febrúar 2022 þar sem sótt erum leyfi til að gera upp núverandi hús og bæta við einni íbúð á 1. hæð þannig að 3 íbúðir verða í húsinu, tvær íbúðir á fyrstu hæð, ein íbúð á annarri auk þess verður gerður nýr kjallari undir hluta húss á lóð nr. 19 við Óðinsgötu. Erindi var grenndarkynnt frá 21. mars 2022 til og með 25. apríl 2022. Eftirtaldir sendu athugasemdir: Freyja Hlíðkvist Ómarsdóttir Sesseljudóttir og Bryndís Hrönn Ragnarsdóttir dags. 24. apríl 2022. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 19. maí 2022 og er nú lagt fram að nýju ásamt umsögn skipulagsfulltrúa dags. 27. maí 2022.

Samþykkt með vísan til umsagnar skipulagsfulltrúa dags. 27. maí 2022 sbr. a. lið 2. gr. í viðauka 2.3 um embættisafgreiðslur skipulagsfulltrúa nr. 1020/2019.
Vísað til fullnaðarafgreiðslu byggingarfulltrúa.


46.22 Skólavörðustígur 27, (fsp) stækkun húss
Lögð fram fyrirspurn Trípólí ehf. dags. 19. maí 2022 um stækkun hússins á lóð nr. 27 við Skólavörðustíg, samkvæmt tillögu Trípólí ehf. dags. 6. maí 2022.

Vísað til umsagnar verkefnisstjóra.

47.22 Skólavörðustígur 40, (fsp) rekstur gististaðar í flokki II
Á embættisafgreiðslufundi skipulagsfulltrúa 9. maí 2022 var lögð fram fyrirspurn Eignarhaldsfélagsins Hlaðan ehf. dags. 22. apríl 2022 ásamt bréfi ódags. um rekstur gististaðar í flokki II í húsinu á lóð nr. 40 við Skólavörðustíg.Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. maí 2022.

Neikvætt, með vísan til umsagnar skipulagsfulltrúa dags. 30. maí 2022.

48.22 Sólvallagata 17, (fsp) svalir, bílskúr o.fl.
Lögð fram fyrirspurn Péturs Kristófers Oddssonar dags. 19. maí 2022 ásamt greinargerð dags. 19. maí 2022 um að setja svalir á húsið á lóð nr. 17 við Sólvallagötu, hækka þak hússins og stækka kvist sem er á framhlið hússins ásamt því að setja bílskúr og tvö bílastæði á lóð.

Vísað til umsagnar verkefnisstjóra.

49.22 Stýrimannastígur 6, Stækka bíslag, nýjar svalir, kvistur, pallur
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi til að stækka bíslag, endurgera svalir á austurhlið, koma fyrir nýjum svölum og bíslagi á vesturhlið, gera kvist á suðurhlið og koma fyrir nýjum palli við norðurhlið húss á lóð nr. 6 við Stýrimannastíg.


Samþykkt að grenndarkynna framlagða byggingarleyfisumsókn fyrir hagsmunaaðilum að Stýrimannastíg 4 og 8, Ránargötu 29 og 29A og Bárugötu 30.
Vakin er athygli á að greiða þarf fyrir grenndarkynningu áður en kynning fer fram samkv. 8.1. gr. gjaldskrá skipulagsfulltrúa nr. 1551/2021.


50.22 Suðurlandsbraut 30, staðsetning ökutækjaleigu
Lagt fram erindi Samgöngustofu dags. 20. maí 2022 þar sem óskað er eftir umsögn vegna umsóknar Írisar Hrundar Sigurðardóttir f.h. Lagningu bílaleigu um að reka ökutækjaleigu að Suðurlandsbraut 30. Sótt er um leyfi fyrir allt að 10 ökutækjum til útleigu.
Vísað til umsagnar verkefnisstjóra.

51.22 Reynimelur 43, Byggingarheimild Endurbygging mhl.02 og breytt notkun úr bílskúr í vinnustofu.
Á embættisafgreiðslufundi skipulagsfulltrúa 29. apríl 2022 var lagt fram erindi frá afgreiðslufundi byggingarfulltrúa frá 26. apríl 2022 þar sem sótt er um heimild til að endurbyggja mhl.02 og breyta notkun úr bílskúr í vinnustofu með stækkun til suðausturs og hækkun um [x,x m] við hús á lóð nr. 43 við Reynimel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. maí 2022.

Umsögn skipulagsfulltrúa dags. 27. maí 2022 samþykkt.

52.22 Hellusund 6A, Br. og viðbót við hús.
Lagt fram erindi frá afgreiðslufundi byggingarfulltrúa frá 24. maí 2022 þar sem sótt er um leyfi til að breyta notkun úr íbúðarhúsi í skrifstofuhúsnæði, byggja tengigang við norður lóðarmörk ásamt tilheyrandi breytingum á innra skipulagi og útlitsbreytingum því til samræmis, 8-10 starfsmenn í húsi á lóð nr. 6A við Hellusund.

Vísað til umsagnar verkefnisstjóra.

53.22 Holtsgata 10 og 12 og Brekkustígur 16, nýtt deiliskipulagi
Lögð fram umsókn Páls Kristjáns Svanssonar dags. 13. apríl 2022 um nýtt deiliskipulag fyrir lóðirnar nr. 10 og 12 við Holtsgötu og 16 við Brekkustíg. Í tillögunni felst uppbygging íbúðarhúsnæðis á lóð, samkvæmt deiliskipulags- og skýringaruppdr. (skuggavarp og snið) Axels Kaaber dags. 10. apríl 2022. Einnig er lögð fram fornleifaskrá og húsakönnun Borgarsögusafns Reykjavíkur, skýrsla nr. 214, og umsögn Minjastofnunar Íslands dags. 25. apríl 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


54.22 Sólvallagata 68, breyting á deiliskipulagi
Lögð fram umsókn Vektors, hönnun og ráðgjöf ehf. dags. 16. maí 2022 varðandi breytingu á deiliskipulagi Vesturvallareits vega lóðarinnar nr. 68 við Sólvallagötu. Í breytingunni felst að komið er fyrir nýjum byggingareit fyrir gróðurhús á lóð, samkvæmt uppdr. Vektors, hönnun og ráðgjöf ehf. dags. 15. maí 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.


55.22 Suðurlandsbraut 16, (fsp) breyting á notkun húss
Lögð fram fyrirspurn Eiríks Alfreds Víkingssonar dags. 4. maí 2022 um breytingu á notkun hússins á lóð nr. 16 við Suðurlandsbraut úr atvinnuhúsnæði í íbúðarhúsnæði.

Vísað til umsagnar verkefnisstjóra.