Bólstaðarhlíð 30, Miðstræti 5, Brekkustígur 9, Fiskislóð 71-73, Suðurlandsbraut 34/ Ármúli 31 - Orkureitur, Urðarbrunnur 62, Vínlandsleið 12-14, Eyjarslóð 5, Freyjugata 30, Vatnagarðar 16 og 18, Flugvöllur, Guðríðarstígur 6-8, Njálsgata 36, Starmýri 2, Barmahlíð 43, Barmahlíð 45, Borgartún 8-16A, Borgartún 34-36, Kvistaland 26, Mosavegur hjúkrunarheimili, Nýlendugata 21 og 21A, Háaleitisbraut 1, Austurstræti 17, Hringbraut 121, Lindargata 44, Sjafnargata 14, Teigagerði 8, Kópavogur - Vatnsendahvarf, Kjósarhreppur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

862. fundur 2022
Ár 2022, föstudaginn 25. mars kl. 09:10, hélt skipulagsfulltrúi Reykjavíkur 862. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Birkir Ingibjartsson, Sólveig Sigurðardóttir, Hrafnhildur Sverrisdóttir, Ingvar Jón Bates Gíslason og Lilja Grétarsdóttir. Ritari var Erna Hrönn Geirsdóttir.
Þetta gerðist:

1.22 Bólstaðarhlíð 30, Breyta bílageymslu í vinnustofu
Lagt fram erindi frá afgreiðslufundi byggingarfulltrúa frá 22. mars 2022 þar sem sótt er um leyfi til að breyta notkun bílskúrs, 0102, í vinnustofu, á lóð nr. 30 við Bólstaðarhlíð.


Vísað til umsagnar verkefnisstjóra.
2.22 Miðstræti 5, Kvistur og þaksvalir. Gera timburpall, hjólageymslu og sorpskýli
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 25. janúar 2022 þar sem sótt er um leyfi til að gera kvist og þaksvalir á austurhlið þriðju hæðar, stækka kvisti og sameina rými á annarri hæð, gera dyr út úr eldhúsi fyrstu hæðar að palli og tröppum til austurs og nýjar kjallaratröppur á austurhlið, bætt við hjólageymslu og timburpalli í suðaustur horni lóðar og sorpskýli komið fyrir við lóðarmörk til norðurs við hús á lóð nr. 5 við Miðstræti. Erindi var grenndarkynnt frá 21. febrúar 2022 til og með 21. mars 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

3.22 Brekkustígur 9, Stækkun húss og breyting lóðar
Á embættisafgreiðslufundi skipulagsfulltrúa 18. mars 2022 var lagt fram erindi frá afgreiðslufundi byggingarfulltrúa frá 15. mars 2022 þar sem sótt er um leyfi til að endurbyggja og hækka og byggja stigahús á bakhlið einbýlishúss á lóð nr. 9 við Brekkustíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. mars 2022.

Umsögn skipulagsfulltrúa, dags. 25 .mars 2022, samþykkt.
4.22 Fiskislóð 71-73, Breytingar á innra skipulagi
Á embættisafgreiðslufundi skipulagsfulltrúa 18. mars 2022 var lagt fram erindi frá afgreiðslufundi byggingarfulltrúa frá 15. mars 2022 þar sem sótt er um leyfi til að breyta iðnaðarhúsi í sýningarsvæði, skrifstofur og geymslur, stækka 2. hæð, gera vindfang, flóttastiga á suðvesturhlið, hringstiga á norðausturhlið og svalir á norðvesturhlið á húsi nr. 73 á lóð nr. 71-73 við Fiskislóð. Erindinu var vísað til umsagnar verkefnisstjóra og er nú lagt fram að nýju.

Vísað til umsagnar Faxaflóahafna.
5.22 Suðurlandsbraut 34/ Ármúli 31 - Orkureitur, breyting á deiliskipulag
Lagt fram bréf Skipulagsstofnunar dags. 18. mars 2022 þar sem ekki er gerð athugasemd við birtingu auglýsingu um samþykkt deiliskipulagsbreytingarinnar í B-deild Stjórnartíðinda en bendir á að áður þarf að lagfæra nokkur atriði sem framkoma í bréfi. Einnig eru lagðir fram uppfærðir uppdrættir og greinargerð dags. 24. júní 2021, br. 24. mars 2022.

Samþykkt.
6.22 Urðarbrunnur 62, Breytingar - BN057859
Á embættisafgreiðslufundi skipulagsfulltrúa 18. mars 2022 var lagt fram erindi frá afgreiðslufundi byggingarfulltrúa frá 15. mars 2022 þar sem sótt er um leyfi til að breyta erindi BN057859 þannig að óuppfyllt rými í kjallara undir bílgeymslu er innréttað sem vinnustofa, inngangur í kjallaraíbúð er færður á suðurhlið, svölum á 1. hæð er breytt og þær stækkaðar, gluggum er breytt og tröppur á austurhluta lóðar eru færðar að lóðamörkum við einbýlishús á lóð nr. 62 við Urðarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. mars 2022.

Neikvætt, með vísan til umsagnar skipulagsfulltrúa dags. 25. mars 2022.
7.22 Vínlandsleið 12-14, (fsp) reiðhjólaskýli
Á embættisafgreiðslufundi skipulagsfulltrúa 18. mars 2022 var lögð fram fyrirspurn THG Arkitekta ehf. dags. 9. febrúar 2022 um að reisa reiðhjólaskýli á baklóð Vínlandsleiðar 12-14, samkvæmt uppdr. THG Arkitekta ehf. dags. 31. janúar 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 25. mars 2022.

Umsögn skipulagsfulltrúa, dags. 25. mars 2022, samþykkt.
8.22 Eyjarslóð 5, Viðbygging
Lagt fram erindi frá afgreiðslufundi byggingarfulltrúa frá 22. mars 2022 þar sem sótt er um leyfi til að rífa hluta bakhúss og hálfkarað stigahús á framhlið, til að byggja inndregna hæð ofan á og aftan við og til að byggja þriggja hæða viðbyggingu, einangraða og klædda að utan við austurenda húss sem fyrir er á lóð, til að breyta innra skipulagi og fjölga gestum í rými 0104, innrétta veitingastað í flokki ?, teg. ? fyrir 270 gesti í rými 0101, veitingastað í flokki II, teg. f fyrir 220 gesti í rými 0201 og skrifstofur á 3. hæð í húsi á lóð nr. 5 við Eyjarslóð.

Vísað til umsagnar verkefnisstjóra.
9.22 Freyjugata 30, Bílastæði
Á embættisafgreiðslufundi skipulagsfulltrúa 4. mars 2022 var lagt fram erindi frá afgreiðslufundi byggingarfulltrúa frá 1. mars 2022 þar sem sótt er um leyfi til þess að breyta erindi BN056130, fjarlægja hluta af steyptri girðingu að borgarlandi og bæta við tveimur bílastæðum með rafmagnshleðslustöð á suðaustur horni lóðar nr. 30 við Freyjugötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. mars 2022.

Neikvætt, með vísan til umsagnar skipulagsfulltrúa dags. 25. mars 2022.
10.22 Vatnagarðar 16 og 18, (fsp) breyting á notkun efri hæðar hússins
Á embættisafgreiðslufundi skipulagsfulltrúa 25. febrúar 2022 var lögð fram fyrirspurn Friðriks Friðrikssonar dags. 18. janúar 2022 um að breyta notkun efri hæðar hússins á lóðunum nr. 16 og 18 við Vatnagarða úr skrifstofum í áfangaheimili. Einnig er lögð fram teikning Studio F ehf. dags. 30 maí 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 25. mars 2022.

Neikvætt, með vísan til umsagnar skipulagsfulltrúa dags. 25. mars 2022.
11.22 Flugvöllur, Aðflugsljós við enda flugbrautar 13
Á embættisafgreiðslufundi skipulagsfulltrúa 11. mars 2022 var lagt fram erindi frá afreiðslufundi byggingarfulltrúa frá 8. mars 2022 þar sem sótt er um leyfi fyrir aðflugsljósum við enda 13. flugbrautar, vestan við Suðurgötu, tengt lóð Reykjavíkurflugvallar, L 106930. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. mars 2022.

Umsögn skipulagsfulltrúa, dags. 25. mars 2022, samþykkt.
12.22 Guðríðarstígur 6-8, breyting á deiliskipulagi
Að lokinni auglýsingu er lögð fram að nýju umsókn frá Arkitektar Laugavegi 164 ehf. dags. 6. september 2021 varðandi breytingu á deiliskipulagi Grafarholts, athafnasvæðis, vegna lóðarinnar nr. 6-8 við Guðríðarstíg. Í breytingunni felst að byggingarreitur hússins stækkar til suðvesturs þannig að hægt verði að byggja við húsið. Hluti viðbyggingar verður á þremur hæðum en stærsti hlutinn á einni hæð. Stækkunin nýtist fyrir skrifstofustarfsemi og lager. Við breytinguna hækkar nýtingarhlutfall og byggingarmagn eykst, samkvæmt uppdr. Glámu Kím arkitekta dags. 6. september 2021. Tillagan var auglýst frá 9. febrúar 2022 til og með 23. mars 2022. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
13.22 Njálsgata 36, Stækkun forbyggingar
Lagt fram erindi frá afgreiðslufundi byggingarfulltrúa frá 22. mars 2022 þar sem sótt er um leyfi til að byggja viðbyggingu úr steyptum samlokueiningum með þremur íbúðum, tvær hæðir og ris og rishæð ofaná húshluta sem fyrir er á lóð nr. 36 við Njálsgötu.

Vísað til umsagnar verkefnisstjóra.
14.22 Starmýri 2, breyting á deiliskipulagi
Að lokinni auglýsingu er lögð fram að nýju umsókn Pálmars Kristmundssonar dags. 12. október 2021 varðandi breytingu á deiliskipulagi Safamýrar- Álftamýrar vegna lóðarinnar nr. 2 (hús nr. 2A) við Starmýri. Í breytingunni felst að bætt er við byggingareit fyrir 4. hæð sem nemur um helmingi þakflatar, á suðurhluta byggingareits, og er heimilt byggingarmagn 4. hæðar 350 m2 brúttó. Heimilt er að auka íbúðafjölda á Starmýri 2A um 2 íbúðir og hámarksfjöldi íbúða á lóðinni verður 25. Tveimur íbúðum á 4. hæð fylgja þegar byggðir bílskúrar í kjallara og bílastæði framan við hvorn þeirra, samkvæmt deiliskipulags- og skýringaruppdráttum PK Arkitekta ehf. dags. 16. nóvember 2021. Tillagan var auglýst frá 9. febrúar 2022 til og með 23. mars 2022. Eftirtaldir aðilar sendu athugasemdir: Sigríður Ström dags. 8. mars 2022, Sif Cortes dags. 22. mars 2022, Ragnheiður Bragadóttir f.h. íbúa í Starmýri 6 dags. 22. mars 2022 og Erla Hafrún Guðjónsdóttir dags. 23. mars 2022.

Vísað til umsagnar verkefnisstjóra.
15.22 Barmahlíð 43, Hækkun og þaki - innr. herb. í risi
Á embættisafgreiðslufundi skipulagsfulltrúa 11. mars 2022 var lagt fram erindi frá afreiðslufundi byggingarfulltrúa frá 8. mars 2022 þar sem sótt er um leyfi til að hækka þak, byggja kvisti og svalir og innrétta stækkun íbúðar á 2. hæð fjölbýlishúss á lóð nr. 43 við Barmahlíð. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Miklubraut 76, 78, 80 og 82 og Barmahlíð 41, 42, 44, 46, 47 og 48.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr. og 12. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
16.22 Barmahlíð 45, Hækka þak + innr. herb
Á embættisafgreiðslufundi skipulagsfulltrúa 11. mars 2022 var lagt fram erindi frá afreiðslufundi byggingarfulltrúa frá 8. mars 2022 þar sem sótt er um leyfi til að hækka þak, byggja kvisti og svalir og innrétta stækkun íbúðar á 2. hæð fjölbýlishúss á lóð nr. 45 við Barmahlíð. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Miklubraut 76, 78, 80 og 82 og Barmahlíð 41, 42, 44, 46, 47 og 48.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr. og 12. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
17.22 Borgartún 8-16A, breyting á deiliskipulagi
Á embættisafgreiðslufundi skipulagsfulltrúa 4. mars 2022 var lögð fram umsókn Pálmars Kristmundssonar dags. 23. febrúar 2022 varðandi breytingu á deiliskipulagi Höfðatorgs, með síðari breytingum, vegna lóðarinnar nr. 8-16A við Borgartún. Í breytingunni felst að gerðir eru byggingarreitir fyrir minniháttar mannvirki sem rísa upp úr yfirborði kjallara. Innan þeirra er hægt að byggja minniháttar mannvirki svo sem útloftunnar stokka og lyftu- og stigahús, samkvæmt uppdr. PK Arkitekta ehf. dags. 23. febrúar 2022. Erindinu var vísað til meðferðar hjá verkefnisstjóra og er nú lagt fram að nýju ásamt tölvupóstum skrifstofu samgöngustjóra og borgarhönnunar dags. 8. mars 2022 og skrifstofu framkvæmda og viðhalds dags. 14. mars 2022 þar sem ekki eru gerðar athugasendir við breytinguna.

Vísað til skipulags- og samgönguráðs til afgreiðslu.

Vakin er athygli á að greiða þarf fyrir óveruleg breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga og þarf að greiða skv. 8.2. gr. gjaldskrá skipulagsfulltrúa nr. 1551/2021, áður en breytingin er auglýst í B- deild Stjórnartíðinda.
18.22 Borgartún 34-36, breyting á deiliskipulagi
Á embættisafgreiðslufundi skipulagsfulltrúa 4. febrúar 2022 var lögð fram umsókn Gunnars Sigurðssonar dags. 9. maí 2021 ásamt minnisblaði dags. 30. apríl 2021 varðandi breytingu á deiliskipulagi lóðarinnar nr. 34-36 við Borgartún. Í breytingunni felst að byggingarmagn er aukið og íbúðum fjölgað, samkvæmt uppdráttum (5 uppdr.) Tvíhorfs ehf. dags. 3. júní 2021. Einnig er lögð fram greinargerð Andakt arkitekta dags. 28. janúar 2022 þar sem gerð er grein fyrir þeim breytingu sem orðið hafa síðan tillagan var samþykkt í kynningu m.a. hefur íbúðum fækkað um 2 úr 102 í 100 og salar- og hámarkshæð hækkað um 1-1,65 m vegna hærri salarhæð. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs til afgreiðslu.

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1551/2021.
19.22 Kvistaland 26, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi Fossvogshverfis vegna lóðarinnar nr. 26 við Kvistaland. Í breytingunni felst breyting á lóðarmörkum lóðarinnar ásamt því að lögun byggingarreits fyrir leikskólabygginguna breytist og stækkar. Mænishæð er breytt og gert ráð fyrir að hækka þakið, en allar byggingar eru áfram ein hæð. Gert er ráð fyrir sorpgerði austan við leikskólann, innan byggingarreits leikskólans. Byggingarreitur færanlegrar stofu er breikkaður til suðurs. Gert er ráð fyrir hjóla- og vagnageymslu innan lóðar og 30 hjólastæðum, 10 fyrir starfsmenn og 20 fyrir nemendur, ásamt því að núverandi stígur á opna svæðinu er færður út fyrir áætluð lóðamörk, samkvæmt uppdr. Landslags dags. 23. mars 2022.

Vísað til meðferðar hjá verkefnisstjóra.
20.22 Mosavegur hjúkrunarheimili, breyting á deiliskipulagi "Spöngin svæði H"
Lögð fram drög að tillögu Trípólí arkitekta dags 4. febrúar 2022 að breytingu á deiliskipulagi "Spöngin svæði H". Breytingin felst í því að skilgreind er ný lóð 9750 m2 að stærð. Heimildum til uppbyggingar á svæðinu er breytt þannig að í stað íþróttahús og sundlaugar verði heimilt að byggja 3-5 hæða hjúkrunarheimili með allt að 145 rýmum og tengdri þjónustu. Settir eru sérskilmálar fyrir uppbygginguna. Einnig lagt fram minnisblað FSR dags 10. mars 2022 með ábendingum um drögin.

Vísað til meðferðar hjá verkefnisstjóra.
21.22 Nýlendugata 21 og 21A, breyting á deiliskipulagi
Að lokinni grenndarkynningu er lögð fram að nýju umsókn Richard Ólafs Briem dags. 10. desember 2021 varðandi breytingu á deiliskipulagi Nýlendureits vegna lóðanna nr. 21 og 21A við Nýlendugötu. Í breytingunni felst m.a. sameining lóðanna, stækkun og hækkun húsanna og að heimilt verði að gera sex íbúðir af mismunandi stærðum á lóðinni, samkvæmt deiliskipulags- og skýringaruppdr. VA arkitekta ehf. dags. 11. desember 2021. Einnig er lagður fram tölvupóstur Harnar Harðardóttur f.h. Ingibjargar Þ. Hallgrímssonar dags. 21. febrúar 2022, þar sem óskað er eftir frekari gögnum vegna grenndarkynningu, ásamt nýrri ásýndarmynd úr suð-vestri, dags. 25. febrúar 2022. Tillagan var grenndarkynnt frá 21. febrúar 2022 til og með 21. mars 2022. Engar athugasemdir bárust. Einnig er lögð fram umsögn Minjastofnunar Íslands dags. 28. febrúar 2022.


Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
22.22 Háaleitisbraut 1, breyting á deiliskipulagi
Lögð fram umsókn Ragnars Auðuns Birgissonar dags. 11. ágúst 2021 varðandi breytingu á deiliskipulagi fyrir Háaleitisbraut 1. Í breytingunni felst að í stað skrifstofuhúsnæðis í suðaustur hluta lóðarinnar kemur nýtt íbúðarhús með 27 íbúðum. Íbúðir á reitnum verða því samtals 74. Bíla- og hjólastæðakröfur breytast m.t.t. fjölda íbúða og núverandi byggingar, Valhallar, en skilgreiningar per íbúð/fm. helst óbreytt ásamt því að byggingarmagn eykst óverulega, samkvæmt uppdr. THG arkitekta dags. 26. júlí 2021, br. 18. nóvember 2021. Einnig lagt fram bréf Heimis Snæs Guðmundssonar starfsmanns íbúaráða dags. 23. mars 2022 þar sem komið er á framfæri ósk íbúaráðs Miðborgar og Hlíða um að fá aðgang að samgöngumati vegna breytingarinnar.

Vísað til umsagnar verkefnisstjóra.
23.22 Austurstræti 17, breyting á deiliskipulagi
Lögð fram umsókn Eikar fasteignafélags hf. dags. 3. mars 2022 varðandi breytingu á deiliskipulagi Kvosarinnar vegna lóðarinnar nr. 17 við Austurstræti. Í breytingunni felst að heimilt er að vera með flóttastiga á norðurhlið hússins, samkvæmt uppdr. Teiknistofunnar Traðar dags. 28. febrúar 2022.

Samþykkt að grenndarkynna framlagða tillögu fyrir hagsmunaaðilum að Hafnarstræti 16 og 18, Lækjartorgi 1 og Pósthússtræti 3 og 5.

Erindið verður grenndarkynnt þegar umsækjandi hefur greitt fyrir grenndarkynningu sbr. 7.6. gr., sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.

24.22 Hringbraut 121, (fsp) breyting á notkun húss og setja svalir á húsið
Lögð fram fyrirspurn Áslaugar Thorlacius dags. 18. mars 2022 um breytingu á notkun hússins á lóð nr. 121 við Hringbraut úr atvinnuhúsnæði í íbúðarhús og setja svalir á húsið.

Vísað til umsagnar verkefnisstjóra.
25.22 Lindargata 44, Námsmannaíbúðir
Lagt fram erindi frá afgreiðslufundi byggingarfulltrúa frá 22. mars 2022 þar sem sótt er um leyfi til að byggja stúdentagarð með 10 einstaklingsíbúðum, þrjár hæðir með kjallara undir hluta, sem verður hús nr. 44 við Lindargötu.

Vísað til umsagnar verkefnisstjóra.
26.22 Sjafnargata 14, (fsp) uppbygging
Á embættisafgreiðslufundi skipulagsfulltrúa 28. janúar 2022 var lögð fram fyrirspurn Trípólí ehf. dags. 21. janúar 2022 um uppbyggingu á lóð nr. 14 við Sjafnargötu, samkvæmt tillögu Trípólí ehf. dags. 19. janúar 2022. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 25. mars 2022.

Neikvætt, með vísan til umsagnar skipulagsfulltrúa dags. 25. mars 2022.
27.22 Teigagerði 8, Sótt um að gera viðbyggingu, kvisti, mænisþak bílageymslu
Á embættisafgreiðslufundi skipulagsfulltrúa 4. febrúar 2022 var lagt fram erindi frá afgreiðslufundi byggingarfulltrúa frá 1. febrúar 2022 þar sem sótt erum leyfi til að byggja viðbyggingu við suðausturgafl, byggja þrjá nýja kvisti á rishæð og mænisþak á bílskúr við einbýlishús á lóð nr. 8 við Teigagerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. mars 2022.

Umsögn skipulagsfulltrúa, dags. 25. mars 2022, samþykkt.
28.22 Kópavogur - Vatnsendahvarf, deiliskipulag íbúðabyggðar - tillaga til forkynningar
Lagt fram bréf Kópavogsbæjar dags. 10. mars 2022 þar sem óskað er eftir umsögn um tillögu að nýju deiliskipulagi Vatnsendahæðar í Vatnsendahvarfi. Megintilgangur deiliskipulagsvinnunnar er að móta hverfi með vistvænum áherslum í samræmi við markmið Aðalskipulags Kópavogs 2019-2040. Deiliskipulagssvæðið er um 29 hektarar og liggur að mörkum Reykjavíkur, Kórahverfis og Hvörfum í Vatnsenda. Gert er ráð fyrir nýju íbúðahverfi með fjölbreyttu formi íbúða, leikskóla og útivistarsvæðum ásamt verslun- og þjónustu. Tillagan gerir ráð fyrir 500 íbúðum alls, þar af um 150-200 íbúðum í sérbýli, (einbýli, raðhús/parhús). Hámarkshæð bygginga er 3 hæðir auk kjallara.

Vísað til umsagnar verkefnisstjóra.
29.22 Kjósarhreppur, breyting á Aðalskipulagi vegna nýs þéttbýlis í Ásgarðslandi
Lagður fram tölvupóstur skipulags- og byggingarfulltrúa Kjósarhrepps þar sem kynnt er vegna breyting á Aðalskipulagi Kjósarhrepps 2017-2029 vegna þéttbýlis í Ásgarðslandi sem felst í að Frístundasvæði F18a er fellt úr, efnistökusvæði E10-Valdastaðir fellur út og landbúnaðarland, m.a í flokki I minnkar. Íbúðabyggð ÍB9 sem tekur yfir stærsta hluta frístundasvæðis og að auki að hluta til yfir landbúnaðarland í flokki I-II að austan verðu. Stærð svæðisins F18 er 65 ha en ÍB9 verður 76 ha.

Vísað til umsagnar deildarstjóra aðalskipulags.