Hraunberg 5, Hraunberg 5, Sogavegur 136, Sogavegur 222, Úthlíð 11, Víðihlíð 34, Hörgshlíð 10, Austurgerði 7, Hverfisgata 33, Álfheimar 74, Efstasund 9, Gerðarbrunnur 46, Kjalarnes, Prestshús, Rafstöðvarvegur, Vatnsstígur 10, Vesturgata 32, Hringbraut 48, Borgartún 8-16A, Grensásvegur 24, Grensásvegur 24, Hrísateigur 18, Skúlagata 30, Klapparstígur 19, Veghúsastígur 1, Elliðaárvogur/Ártúnshöfði svæði 1, Freyjugata 30, Kirkjuteigur 5, Leirulækur 4 og 6, Kjalarnes, Lykkja 2A, Kjalarnes, Varmadalur, Álfabakki, Básendi 2, Brautarholt 16, Fornhagi 1, Nýi Skerjafjörður, Skipholt 21, Umferðarmiðstöðvarreitur, Marargata 1,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

859. fundur 2022
Ár 2022, föstudaginn 4. mars kl. 11:15, hélt skipulagsfulltrúi Reykjavíkur 859. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Ingvar Jón Bates Gíslason. Eftirtaldir embættismenn kynntu mál á fundinum: Brynja Kemp Guðnadóttir, Sigríður Lára Gunnarsdóttir, Birkir Ingibjartsson, Hrafnhildur Sverrisdóttir, Ingvar Jón Bates Gíslason, Sólveig Sigurðardóttir og Björn Ingi Edvardsson. Ritari var Erna Hrönn Geirsdóttir.
Þetta gerðist:

1.22 Hraunberg 5, (fsp) niðurrif og uppbygging
Á embættisafgreiðslufundi skipulagsfulltrúa 11. febrúar 2022 var lögð fram fyrirspurn Icecard ehf. dags. 3. febrúar 2022 ásamt bréfi dags. 2. febrúar 2022 um að rífa núverandi íbúðarhús á lóð nr. 5 við Hraunberg og byggja í þeirra stað fjölbýlishús. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. mars 2022.

Neikvætt, með vísan til umsagnar skipulagsfulltrúa dags. 4. mars 2022.
2.22 Hraunberg 5, (fsp) skipting lóðar
Á embættisafgreiðslufundi skipulagsfulltrúa 21. janúar 2022 var lögð fram fyrirspurn Guðrúnar Stefánsdóttur dags. 18. janúar 2022 um skiptingu lóðarinnar nr. 5 við Hraunberg í tvær lóðir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. mars 2022.

Umsögn skipulagsfulltrúa dags. 4. mars 2022 samþykkt.
3.22 Sogavegur 136, (fsp) - Breyta bílskúr í vinnuherbergi
Á embættisafgreiðslufundi skipulagsfulltrúa 25. febrúar 2022 var lagt fram erindi frá afgreiðslufundi byggingarfulltrúa frá 22. febrúar 2022 þar sem spurt er um leyfi til að breyta notkun á bílskúr í vinnustofu og skipta bílskúrshurðinni út fyrir inngangshurð og glugga húss á lóð nr. 136 við Sogaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4. mars 2022.

Umsögn skipulagsfulltrúa dags. 4. mars 2022 samþykkt.
4.22 Sogavegur 222, (fsp) kjallari í bílskúr
Á embættisafgreiðslufundi skipulagsfulltrúa 11. febrúar 2022 var lögð fram fyrirspurn Guðmundar Pálssonar dags. 1. febrúar 2022 um að gera kjallara í fyrirhugaðan bílskúr á lóð nr. 222 við Sogaveg með innangengt frá norðausturhlið, samkvæmt tillögu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. mars 2022.

Umsögn skipulagsfulltrúa dags. 4. mars 2022 samþykkt.
5.22 Úthlíð 11, (fsp) stúdíóíbúðir á baklóð
Á embættisafgreiðslufundi skipulagsfulltrúa 4. febrúar 2022 var lögð fram fyrirspurn Huldu Pálsdóttur dags. 25. janúar 2022 um uppbyggingu tveggja stúdíóíbúða á baklóð lóðar nr. 11 við úthlíð þar sem áður var gert ráð fyrir bílskúr, samkvæmt tillögu VA arkitekta ehf. ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. mars 2022.

Neikvætt, með vísan til umsagnar skipulagsfulltrúa dags. 4. mars 2022.
6.22 Víðihlíð 34, (fsp) útbúa íbúðarherbergi í óútgröfnu kjallararými
Lögð fram fyrirspurn Auðar Alfífu Ketilsdóttur dags. 24. febrúar 2022 um að útbúa íbúðarherbergi/rými í óútgröfnu kjallararými í húsinu á lóð nr. 34 við Víðihlíð, samkvæmt tillögu/skissum ódags.

Vísað til umsagnar verkefnisstjóra.
7.22 Hörgshlíð 10, Bílageymsla forsteyptum samlokueinginum
Lagt fram erindi frá afgreiðslufundi byggingarfulltrúa frá 1. mars 2022 þar sem sótt er um leyfi til að byggja bílskúr á forsteyptum sökklum með samlokuveggjum auk geymslu á lóð nr. 10 við Hörgshlíð.


Vísað til meðferðar hjá verkefnisstjóra.
8.22 Austurgerði 7, (fsp) bílskúr
Lögð fram fyrirspurn Auðuns Ragnarssonar dags. 3. febrúar 2022 um að setja bílskúr á lóð nr. 7 við Austurgerði.

Vísað til umsagnar verkefnisstjóra.
9.22 Hverfisgata 33, (fsp) breyting á notkun
Á embættisafgreiðslufundi skipulagsfulltrúa 25. febrúar 2022 var lögð fram fyrirspurn Þórs Þorsteinssonar dags. 16. febrúar 2022 um breytingu á notkun á bakhúsi og efri hæðum hússins á lóð nr. 33 við Hverfisgötu úr atvinnuhúsnæði í íbúðarhúsnæði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3. mars 2022.

Umsögn skipulagsfulltrúa, dags. 3. mars 2022, samþykkt.
10.22 Álfheimar 74, breyting á deiliskipulagi
Lögð fram umsókn LF1 ehf. dags. 9. febrúar 2022 varðandi breytingu á deiliskipulagi Álfheima 74 - Glæsibæ vegna lóðarinnar nr. 74 við Álfheima. Í breytingunni felst að heimilt er að koma fyrir tæknirými ofan á þaki B og C húss, samkvæmt uppdr. Teiknistofunnar Óðinstorgi dags. 9. mars 2001, síðast br. 7. febrúar 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
11.22 Efstasund 9, (fsp) breyting á deiliskipulagi
Á embættisafgreiðslufundi skipulagsfulltrúa 18. febrúar 2022 var lögð fram fyrirspurn Gunnars Braga Stefánssonar dags. 9. febrúar 2022 ásamt greinargerð dags. 2. febrúar 2022 um breytingu á deiliskipulagi Sunda, reitir 1.3 og 1.4, vegna lóðarinnar nr. 9 við Efstasund sem felst í færslu á byggingarreit B í norðausturhorn lóðar ásamt breytingu á skilmálum þannig að núverandi skúrbygging á lóð rúmist innan þeirra skilmála. Fyrirspurninni var vísað til umsagnar verkefnisstjóra.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
12.22 Gerðarbrunnur 46, Einbýlishús
Á embættisafgreiðslufundi skipulagsfulltrúa 11. febrúar 2022 var lagt fram erindi frá afgreiðslufundi byggingarfulltrúa frá 8. febrúar 2022 þar sem sótt er um leyfi til þess að byggja steinsteypt einbýlishús á tveimur hæðum með aukaíbúð og innbyggðum bílskúr á lóð nr. 46 við Gerðarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4. mars 2022.

Umsögn skipulagsfulltrúa, dags. 4. mars 2022, samþykkt.
13.22 Kjalarnes, Prestshús, nýtt deiliskipulag
Lögð fram umsókn Plúsarkitekta ehf. dags. 6. apríl 2021 um nýtt deiliskipulag fyrir Prestshús að Kjalarnesi. Í tillögunni felst uppbygging Presthúsa til fastrar búsetu, samhliða því að byggja upp dvalar- og vinnuaðstöðu fyrir listafólk og áhugafólk um listir og náttúru. Byggt verður upp innan jarðarinnar íbúðarhús, vinnustofur, gestahús ásamt fjölnota sal á svæðinu. Staðsetja aðkomuveg, gönguleiðir byggingarreit og setja skilmála fyrir uppbyggingu innan fyrirhugaðs svæðis í samræmi við lög og reglur þar að lútandi, samkvæmt uppdr. og greinargerð Eflu dags. 17. febrúar 2022.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
14.22 Rafstöðvarvegur, framkvæmdaleyfi
Lögð fram umsókn skrifstofu framkvæmda og viðhalds dags. 1. mars 2022 um framkvæmdaleyfi fyrir gerð göngu- og hjólastíg meðfram Rafstöðvarvegi frá Toppstöð að núverandi hringtorgi við Bíldshöfða. Einnig er lagt fram teikningasett dags. í febrúar 2022.

Vísað til umsagnar verkefnisstjóra.
15.22 Vatnsstígur 10, Niðurrif - fastanúmer 200-3325 Vb.no 208544
Á embættisafgreiðslufundi skipulagsfulltrúa 1. október 2021 var lagt fram erindi frá afgreiðslufundi byggingarfulltrúa frá 21. september 2021 þar sem sótt er um leyfi fyrir niðurrifi á mhl. 01 fasteignanr. 200-3325, einbýlishús, byggt 1863 á lóð nr. 10a við Vatnsstíg. Erindinu var vísað til umsagnar verkefnisstjóra.

Ekki eru gerðar skipulagslegar athugasemdir við erindið. Samræmist deiliskipulagi.
16.22 Vesturgata 32, Stakstæður bílskúr
Á embættisafgreiðslufundi skipulagsfulltrúa 4. febrúar 2022 var lagt fram erindi frá afgreiðslufundi byggingarfulltrúa frá 1. febrúar 2022 þar sem sótt er um leyfi til að byggja bílskúr í norðvestur horni lóðar, undirstöður og botnplata staðsteypt, útveggir og þak úr forsteyptum einingum, ný innkeyrsla og breyting á aðkomu framan við bílskúr við hús á lóð nr. 32 við Vesturgötu. Erindinu var vísað til umsagnar verkefnisstjóra og er nú lögð fram ásamt umsögn skipulagsfulltrúa dags. 4. mars 2022.

Umsögn skipulagsfulltrúa, dags. 4. mars 2022, samþykkt.
17.22 Hringbraut 48, (fsp) kvistur
Á embættisafgreiðslufundi skipulagsfulltrúa 22. janúar 2021 var lögð fram fyrirspurn Þorgeirs Jónssonar dags. 22. desember 2020 um að setja kvist á húsið á lóð nr. 48 við Hringbraut, samkvæmt uppdr. Arkitektastofu Þorgeirs dags. 25. júlí 2020. Einnig er lögð fram þrívíddarmynd ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. febrúar 2021. Erindi er lagt fram að nýju ásamt uppfærðum uppdrætti Arkitektastofu Þorgeirs dags. 13. október 2021.

Ekki eru gerðar athugasemdir við erindið. Tillagan verður grenndarkynnt þegar hún berst, á kostnað umsækjanda sbr. gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1551/2021.
18.22 Borgartún 8-16A, breyting á deiliskipulagi
Lögð fram umsókn Pálmars Kristmundssonar dags. 23. febrúar 2022 varðandi breytingu á deiliskipulagi Höfðatorgs, með síðari breytingum, vegna lóðarinnar nr. 8-16A við Borgartún. Í breytingunni felst að gerðir eru byggingarreitir fyrir minniháttar mannvirki sem rísa upp úr yfirborði kjallara. Innan þeirra er hægt að byggja minniháttar mannvirki svo sem útloftunnar stokka og lyftu- og stigahús, samkvæmt uppdr. PK Arkitekta ehf. dags. 4. apríl 2008, br. 23. febrúar 2022.

Vísað til meðferðar hjá verkefnisstjóra.
19.22 Grensásvegur 24, (fsp) stækkun og hækkun viðbyggingar
Lögð fram fyrirspurn Cairo ehf. dags. 11. febrúar 2022 ásamt bréfi Grímu arkitekta ehf. dags. 7. febrúar 2022 um stækkun og hækkun á fyrirhugaðri viðbyggingu við suðurgafl hússins á lóð nr. 24 við Grensásveg. Einnig eru lagðir fram uppdrættir Grímu arkitekta ehf. dags. 15. og 31. október 2019 og 7. og 8. febrúar 2022.
Vísað til umsagnar verkefnisstjóra.
20.22 Grensásvegur 24, (fsp) stækkun lóðar
Lögð fram fyrirspurn Cairo ehf. dags. 23. febrúar 2022 ásamt bréfi Grímu arkitekta dags. 22. febrúar 2022 um stækkun lóðarinnar nr. 24 við Grensásveg, samkvæmt uppdr. Grímu arkitekta ehf. dags. 22. febrúar 2022.

Vísað til umsagnar verkefnisstjóra.
21.22 Hrísateigur 18, breyting á deiliskipulagi
Lögð fram umsókn Magnúsar Alberts Jenssonar dags. 4. febrúar 2022 varðandi breytingu á deiliskipulagi Teigahverfis norðan Sundlaugavegar vegna lóðarinnar nr. 18 við Hrísateig. Í breytingunni felst að byggingarreitur er stækkaður til norðausturs og heimilt er að vera með svalir og stiga niður í garð á suðausturgafli hússins ásamt því að breyta bílskúrum á lóð í vinnustofur/geymslur, samkvæmt uppdr. teiknistofu Magnúsar Jenssonar dags. 4. febrúar 2022.

Vísað til meðferðar hjá verkefnisstjóra.
22.22 Skúlagata 30, Íbúðahótel - verslun 1.hæð
Lagt fram erindi frá afgreiðslufundi byggingarfulltrúa frá 1. mars 2022 þar sem sótt er um leyfi til þess að byggja 5-6 hæða íbúðahótel í flokki ll, tegund e, með alls 39 íbúðum, bílakjallara og verslunar-og þjónusturýmum á 1. hæð í húsi á lóð nr. 30 við Skúlagötu.


Vísað til umsagnar verkefnisstjóra.
23.22 Klapparstígur 19, Veghúsastígur 1, (fsp) breyting á deiliskipulagi
Lögð fram fyrirspurn Ottós A. Michelsen ehf. dags. 24. febrúar 2022 um breytingu á deiliskipulagi Skuggahverfis vegna lóðarinnar nr. 19 við Klapparstíg og nr. 1 við Veghúsastíg sem felst í að skilgreindir eru tveir nýjir byggingarreitir á lóð ásamt byggingarreitur fyrir smáhýsi. Innan byggingarreits fyrir smáhýsi er heimilt að reisa palla og smáhýsi allt að 2.2 metrum að hæð. Einnig er gert er ráð fyrir 6 íbúðum á lóð, en ekki er gert ráð fyrir bílastæðum á lóð. Jafnframt verða byggingar á lóð nr. 1 við Veghúsastíg fjarlægðar, samkvæmt deiliskipulagsuppdr. Arkís arkitekta ehf., dags. 23. maí 2016 og skýringaruppdráttum dags. 31. maí 2016. Einnig er lögð fram prófunarskýrsla Mannvits vegna cobraborunar dags. 9. júní 2016, umsögn Borgarsögusafns Reykjavíkurborgar dags. 22. janúar 2016 og umsögn Minjastofnunar Íslands 11. febrúar 2016.

Vísað til umsagnar verkefnisstjóra.
24.22 Elliðaárvogur/Ártúnshöfði svæði 1, deiliskipulag, tillaga
Lagt fram bréf Skipulagsstofnunar dags. 11. febrúar 2022 þar sem fyrra bréf Skipulagsstofnunar dags. 11. febrúar 2022 er dregið til baka og ekki gerð athugasemd við birtingu auglýsingu um samþykkt deiliskipulagsbreytingarinnar í B-deild Stjórnartíðinda þegar brugðist hefur verið við ábendingum, sbr. bréf stofnunarinnar. Einnig lagt bréf skrifstofu sviðsstjóra dags. 4. mars 2022, umsögn skipulagsfulltrúa dags. 4. mars 2022, lagfærðir uppdrættir ASK arkitekta dags. 4. júní 2021, br. 28. febrúar 2022 og greinargerð ASK arkitekta dags. 4. júní 2021, br. 28. febrúar 2022.

Samþykkt
25.22 Freyjugata 30, Bílastæði
Lagt fram erindi frá afgreiðslufundi byggingarfulltrúa frá 1. mars 2022 þar sem sótt er um leyfi til þess að breyta erindi BN056130, fjarlægja hluta af steyptri girðingu að borgarlandi og bæta við tveimur bílastæðum með rafmagnshleðslustöð á suðaustur horni lóðar nr. 30 við Freyjugötu.

Vísað til umsagnar verkefnisstjóra.
26.22 Kirkjuteigur 5, (fsp) breyting á deiliskipulagi
Á embættisafgreiðslufundi skipulagsfulltrúa 25. febrúar 2022 var lögð fram umsókn Gests Pálssonar dags. 19. febrúar 2022 ásamt bréfi dags. 21. febrúar 2022 um um breytingu á deiliskipulagi Teigahverfis vegna lóðarinnar nr. 5 við Kirkjuteig sem felst í stofnun nýrrar lóðar með því að skipta lóðinni upp í tvær lóðir og byggja einbýlishús á hinni útskiptu lóð, samkvæmt tillögu dags. 17. febrúar 2022. Einnig er lagt fram tillöguhefti þar sem fram kemur skuggavarp og afstaða húsa ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. mars 2022.

Umsögn skipulagsfulltrúa, dags. 4. mars 2022, samþykkt.
27.22 Leirulækur 4 og 6, sameining lóða og stækkun
Lagt fram bréf umhverfis- og skipulagssviðs, Landupplýsingardeildar dags. 1. mars 2021 að sameiningu lóðanna nr. 4 og 6 við Leirulæk ásamt því að stækka sameinaða lóð, samkvæmt breytingablaði og lóðauppdrætti sem eru dagsettir 1. mars 2022.

Vísað til umsagnar verkefnisstjóra.
28.22 Kjalarnes, Lykkja 2A, (fsp) bílskúr
Lögð fram fyrirspurn Sævars Hreiðarssonar dags. 23. febrúar 2022 um að setja bílskúr á lóð nr. 2A við Lykkju á Kjalarnesi.

Vísað til umsagnar verkefnisstjóra.
29.22 Kjalarnes, Varmadalur, (fsp) uppbygging iðnaðarhúsnæðis
Lögð fram fyrirspurn Egils Egilssonar og Jóns Sverris Jónssonar dags. 15. febrúar 2022 um að byggja iðnaðarhúsnæði/skemmu að Varmadal á Kjalarnesi, landnúmer 232673. Einnig eru lagðir fram uppdrættir Guðmundar Hreinssonar dags. 21. apríl 2009 sem samþykktir voru af byggingarfulltrúa 20. október 2009.

Vísað til umsagnar verkefnisstjóra.
30.22 Álfabakki, framkvæmdaleyfi
Lögð fram umsókn skrifstofu framkvæmda og viðhalds dags. 28. febrúar 2022 um framkvæmdaleyfi fyrir framlengingu á göngu- og hjólastíg við Álfabakka. Einnig eru lagðir fram uppdr. teiknistofunnar Storð dags. 17. febrúar 2022 og Teikningasett dags. í janúar 2022.

Vísað til umsagnar verkefnisstjóra.
31.22 Básendi 2, Viðbygging/hæð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 30. nóvember 2021 þar sem sótt er um leyfi til að hækka rishæð og innrétta stækkun íbúðar á 1. hæð, gera svalir á 1. hæð og klæða að utan með lerki einbýlishús á lóð nr. 2 við Básenda, samkvæmt uppdr. alt arkitekta ehf. dags. 29. október 2021. Einnig er lagt fram skuggavarp alt arkitekta ehf. dags. 7. janúar 2022. Erindi var grenndarkynnt frá 27. janúar 2022 til og með 24. febrúar 2022. Engar athugasemdir bárust.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

32.22 Brautarholt 16, (fsp) fjölgun íbúða og inndregin 5. hæð
Lögð fram fyrirspurn Arnars Þórs Jónssonar dags. 3. september 2021 ásamt bréfi dags. 30. ágúst 2021 um fjölgun íbúða í húsinu á lóð nr. 16 við Brautarholt úr 16 íbúðum í 33 íbúðir og hafa inndregna 5. hæð eins og er við Brautarholt 18 og 20, samkvæmt tillögu Arkís arkitekta ehf. dags. 20. ágúst 2021. Einnig er lögð fram umsögn skipulagsfulltrúa dags. 1. október 2021. Erindið er nú lagt fram að nýju ásamt uppfærðri tillögu Arkís arkitekta ehf. dags. 20. desember 2021 (tillaga II) að breytingu á núverandi atvinnuhúsnæði í íbúðarhúsnæði með 20 íbúðum í stað 33 íbúða (tillaga l), hafa inndregna 5. hæð ásamt frekari útfærslu inngarðs í porti. Í uppfærðri tillögu er gert ráð fyrir mögulegri útfærslu íbúða ofan á núverandi spennistöð Veitna ohf. við Traðarholt. Áfram er gert er ráð fyrir þjónusturýmum á jarðhæð við götuhliðar. Einnig er lögð fram umsögn skipulagsfulltrúa dags. 21. janúar 2022. Lagt fram að nýju ásamt uppfærðri tillögu (tillaga III) dags. 3. mars 2022 ásamt umsögn skipulagsfulltrúa dags. 4. mars 2022.

Umsögn skipulagsfulltrúa, 4. mars 2022, samþykkt.
33.22 Fornhagi 1, nýtt deiliskipulag
Lögð fram tillaga umhverfis- og skipulagssviðs, skipulagsfulltrúa, að nýju deiliskipulagi fyrir Hagaskóla að Fornhaga 1. Í tillögunni felst að bætt er við byggingarreitum fyrir færanlegar kennslustofur á lóð.

Vísað til meðferðar hjá verkefnisstjóra.
34.22 Nýi Skerjafjörður, breyting á deiliskipulagi
Við endurskoðun deiliskipulags 1. áfanga Nýja Skerjafjarðar var m.a. horft til umhverfisgæða með hliðsjón af uppfærðu Aðalskipulagi Reykjavíkur 2040. Breytingin felst í: 1). Komið fyrir þremur dreifistöðvum Veitna ohf. 2). Kafla 5.10 í greinargerð vegna lóðar nr. 5 er breytt. 3). Í kafla 5.13 í greinargerð er afmörkun fylgilóða fyrir djúpgáma í götum felld niður en gert ráð fyrir sorpgerðum á lóðum sérbýla og raðhúsa, djúpgámum á fjölbýlishúsalóðum undir einu eignarhaldi (HOOS, Félagsstofnun Stúdenta og Bjarg) en hefðbundnum sorpgeymslum í húsakroppum á jarðhæðum annarra fjölbýla, skóla og atvinnuhúsnæðis. 4). Akfær stígur á lóð nr.5 er felldur niður, byggingarreitur austanmegin lóðar verður óslitinn og komið fyrir akfærum stíg vestan megin lóðar að djúpgámum. 5.) Svæði eru afmörkuð á uppdrætti fyrir tímabundin haugsvæði vegna geymslu á menguðum jarðvegi (meðan jarðvegshreinsun stendur yfir). Nyrðra haugsvæði er 2.500 m² reitur og syðra afmarkast af 7.500 m² reit, samtals 1 ha. 6). Tákn fyrir ofanvatnsrás á grænu svæði vestast á skipulagssvæði tekið út vegna breyttrar hönnunar ofanvatnslausna. 7.) Byggingarreitir fyrir raðhús á lóð nr. 2 dregnir inn 2m frá hjólastíg. 8.) Byggingarreitir sérbýla við Skeljanes stækkaðir úr 10 x 10 m í 10 x 13. 9.) Lóðum nr.2, 3, 4, 6 og 10 skipt upp í smærri lóðareiningar. 10). Skilmálar fyrir lóðir nr.10 undir hjúkrunarheimili felldir úr gildi en komið fyrir fjölbýlishúsum fyrir allt að 80 íbúðum á lóðum nr.10a og 10b. 11.) Lóðir sem snúa að miðsvæðum hafi heimild til atvinnu- og þjónusturýma á jarðhæðum sem snúa að götu og skal taka tilliti til aukinnar salarhæðar. 12). Stök hús í inngörðum minnkuð og skulu nýtt sem hjólageymslur eða önnur sameignarrými, ekki íbúðir, á einni hæð (salarhæð að hámarki 3 m) og með torfþökum. 13). Íbúðir í 1. áfanga fækkar úr 685 íbúðum í 668 sbr. uppfærða skilmálatöflu. 14). Götuheitum nafnanefndar bætt inná uppdrátt.
Breyting deiliskipulagsáætlana þessara er sett fram á deiliskipulaguppdrætti, skýringaruppdrætti og skuggavarpsuppdrætti ásamt uppfærðri greinargerð, dags. 4. mars 2022. Hönnunarleiðbeiningar fyrir almenningsrými, götur, torg og inngarða, dags. 4. mars 2022, á vegum borgarhönnunardeildar á skrifstofu samgöngustjóra fylgja með sem fylgigögn. Að öðru leyti gilda skilmálar eins og þeir voru samþykktir í borgarstjórn 20. apríl 2021.
Vísað til skipulags- og samgönguráðs til auglýsingar.


35.22 Skipholt 21, (fsp) fjölgun íbúða/fasteignanúmera
Lögð fram fyrirspurn Esju eigna ehf. dags. 23. febrúar 2022 ásamt bréfi dags. 22. febrúar 2022 um að gera 42 litlar hótelíbúðir í húsinu á lóð nr. 21 við Skipholt á sér fasteignanúmeri.

Vísað til umsagnar verkefnisstjóra.
36.22 Umferðarmiðstöðvarreitur, (fsp) afmörkun lóðar fyrir dælustöð
Lögð fram fyrirspurn Veitna ohf. dags. 21. febrúar 2022 um afmörkun lóðar fyrir fyrir dælustöð bakvatns hitaveitu vestan Fífilsgötu á svokölluðum umferðarmiðstöðvarreit. Einnig eru lögð fram drög Eflu dags. 17. febrúar 2022 að hönnun rýmis dælustöðvar og loftmynd sem sýnir afmörkun svæðisins.

Vísað til umsagnar verkefnisstjóra.
37.22 Marargata 1, Svalir - síkka glugga - stigi frá svölum
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 11. janúar 2022 þar sem sótt er um leyfi til að endurbyggja bílskúr þannig að austurvegg og þaki verður skipt út fyrir gler og til að síkka glugga og byggja stálsvalir með hringstiga ofaní garð á suðurhlið húss á lóð nr. 1 við Marargötu. Erindi var grenndarkynnt frá 9. febrúar 2022 til og með 9. mars 2022, en þar sem samþykki hagsmunaaðila barst 17. febrúar 2022 er erindi nú lagt fram að nýju.
Útskrift úr gerðabók embættisafgreiðslufundar skipulagsfulltrúa frá 7. janúar 2022 fylgir erindi, ásamt umsögn skipulagsfulltrúa dags. 7. janúar 2022. Einnig fylgir bréf skipulagsfulltrúa dags. 10. janúar 2022. Gjald kr. 12.100

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.