Hverfisgata 98A, 100 og 100A, Ægisíða 62, Köllunarklettsvegur 1, Nóatún 29, Snorrabraut 60, Drafnarstígur 3, Grettisgata 5, Reyrengi 10, Snorrabraut 30, Nýr Landspítali við Hringbraut, Vesturgata 40, Ármúli 13, Ármúli 28 og 30, Kvistaland 26, Miðtún 82, Koparslétta 4-8, Lambhagavegur 23, Silfurslétta 2, Sörlaskjól og Faxaskjól, Úlfarsárdalur, Hólmsheiði, Almannadalur, Safamýri 41, Skeljanes 2, Vesturgata 64, Vesturgata 64,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

847. fundur 2021
Ár 2021, föstudaginn 26. nóvember kl. 10:08, hélt skipulagsfulltrúi Reykjavíkur 847. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Borghildur Sölvey Sturludóttir og Helena Stefánsdóttir. Eftirtaldir embættismenn kynntu mál á fundinum: Ólafur Melsted, Birkir Ingibjartsson, Sólveig Sigurðardóttir, Lilja Grétarsdóttir, Hrafnhildur Sverrisdóttir, Björn Ingi Edvardsson og Hildur Gunnarsdóttir. Ritari var Harri Ormarsson.
Þetta gerðist:

1.21 Hverfisgata 98A, 100 og 100A, breyting á deiliskipulagi
Að lokinni grenndarkynningu er lögð fram að nýju umsókn Helga Mars Hallgrímssonar dags. 21. september 2021 varðandi breytingu á deiliskipulagi reits 1.174.1 vegna lóðanna nr. 98A, 100 og 100A við Hverfisgötu. Breytingin felur í sér að heimilt verður að sameina lóðirnar í eina lóð, setja kvöð um uppbrot byggðar í samræmi við fyrri lóðarmörk ásamt kvöð um þrjá innganga. Lyftustokkur og annar tækjabúnaður standi upp fyrir byggingarreit og íbúðum fækkar um tvær. Á lóð nr. 100 verður heimilt að byggja ofan á núverandi byggingu eða rífa hana og byggja nýja ásamt því að byggingarreitur minnkar og verður í samræmi við grunnflöt núverandi byggingar. Byggingarreitur og heimild fyrir kjallara fellur út ásamt því að sér byggingareitur stiga- og lyftuhúss fellur út, samkvæmt uppdr. Arkþing - Nordic ehf. dags. 16. september 2021. Tillagan var grenndarkynnt frá 26. október 2021 til og með 23. nóvember 2021. Eftirtaldir sendu athugasemdir: Þorlákur Hilmarsson dags. 14. nóvember 2021.

Vísað til umsagnar verkefnisstjóra.
2.21 Ægisíða 62, breyting á deiliskipulagi
Að lokinni grenndarkynningu er lögð fram að nýju umsókn Alternance slf. dags. 1. júlí 2021 varðandi breytingu á deiliskipulagi Ægisíðu frá Hofsvallagötu að Lynghaga vegna lóðarinnar nr. 62 við Ægisíðu. Í breytingunni felst breyting á byggingarreit lóðarinnar sem felst í að byggingarreit er skipt niður þannig að aðalreitur verður í kringum núverandi byggingu og minni reitur fyrir garðskála, samkvæmt uppdr. Alternance slf. dags. 28. maí 2021. Tillagan var grenndarkynnt frá 26. október 2021 til og með 23. nóvember 2021. Eftirtaldir sendu athugasemdir: Kristjana Stella Blöndal og Ólafur Rastrick dags. 23. nóvember 2021.
Vísað til umsagnar verkefnisstjóra.
3.21 Köllunarklettsvegur 1, breyting á deiliskipulagi
Lögð fram umsókn Hallgríms Þórs Sigurðssonar dags. 8. nóvember 2021 varðandi breytingu á deiliskipulagi Klettasvæðis vegna lóðarinnar nr. 1 við Köllunarklettsveg. Í breytingunni felst hækkun á núverandi byggingu úr tveimur hæðum í fjórar hæðir, stækkun á byggingarreit til suðvesturs til að koma fyrir viðbyggingu fyrir flóttastiga og breyting á fjölda bílastæða samkvæmt reglum um fjölda bíla- og hjólastæða í Reykjavík, samkvæmt uppdr. Arkþings - Nordic ehf. dags. 19. nóvember 2021. Einnig er lagt fram skuggavarp Arkþings - Nordic ehf. dags. 19. nóvember 2021.

Vísað til skipulags- og samgönguráðs.
Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1472/2020.
4.21 Nóatún 29, (fsp) hækkun bílskúrs o.fl.
Lögð fram fyrirspurn Davíðs Guðjónssonar dags. 23. nóvember 2021 um hækkun bílskúrs á lóð nr. 29 við Nóatún ásamt hækkun á tengibyggingu þannig að hægt sé að nýta hæðina sem hluta af íbúð á 2. hæð hússins, samkvæmt skissum ódags..

Vísað til umsagnar verkefnisstjóra.
5.21 Snorrabraut 60, (fsp) breyting á deiliskipulagi
Á embættisafgreiðslufundi skipulagsfulltrúa 5. nóvember 2021 var lögð fram fyrirspurn Helgu Bragadóttur dags. 26. október 2021 um breytingu á deiliskipulagi Heilsuverndarreits vegna lóðarinnar nr. 60 við Snorrabraut sem felst í stækkun lóðarinnar og koma fyrir djúpgámum sunnan við nýbyggingu (viðbyggingu), samkvæmt uppdr. Kanon arkitekta dags. 21. október 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 26. nóvember 2021.

Umsögn skipulagsfulltrúa dags. 26. nóvember 2021 samþykkt.
6.21 Drafnarstígur 3, Gera upp og byggja við Drafnarstíg
Lagt fram erindi frá afgreiðslufundi byggingarfulltrúa frá 23. nóvember 2021 þar sem sótt er um leyfi til að byggja viðbyggingu til austurs ásamt því að breyta innra skipulagi í einbýlishúsi á lóð nr. 3 við Drafnarstíg.
Erindi fylgir umsögn Minjastofnunar Íslands dags. 27. júlí 2021. Stækkun: 70,2 ferm., 224,5 rúmm. Gjald kr. 12.100

Vísað til umsagnar verkefnisstjóra.
7.21 Grettisgata 5, Breytingar - 0202
Lagt fram erindi frá afgreiðslufundi byggingarfulltrúa frá 23. nóvember 2021 þar sem sótt er um leyfi til að breyta innra skipulagi íbúðar 0202, þannig að þar verða tvær íbúðir, í húsi á lóð nr. 5 við Grettisgötu.
Gjald kr. 12.100


Vísað til umsagnar verkefnisstjóra.
8.21 Reyrengi 10, (fsp) bílastæði fyrir rafmagnsbíla
Lögð fram fyrirspurn Dagnýjar Viggósdóttur dags. 18. nóvember 2021 um að gera bílastæði og setja upp hleðslustöð fyrir rafmagnsbíla á borgarlandi og að hluta til innan lóðar nr. 10 við Reyrengi, samkvæmt skissu á yfirlitsmynd.

Vísað til umsagnar verkefnisstjóra.
9.21 Snorrabraut 30, (fsp) rekstur gististaðar
Lögð fram fyrirspurn Rent us ehf. dags. 15. nóvember 2021 um rekstur gististaðar í flokki II í rými merkt F2005528 í húsinu á lóð nr. 30 við Snorrabraut.

Vísað til umsagnar verkefnisstjóra.
10.21 Nýr Landspítali við Hringbraut, breyting á deiliskipulagi
Lögð fram umsókn Helgu Bragadóttur f.h. Nýs Landspítala ohf. dags. 16. nóvember 2021 varðandi breyting á deiliskipulagi Nýs Landspítala við Hringbraut. Breytt deiliskipulag nær í megin atriðum til Sóleyjartorgs, aðkoma að bílageymsluhúsi og færslu bílastæða. Þá er BT húsi speglað og það lækkar til austurs að Hvannargötu í stað vesturs að Fífilsgötu, samkvæmt uppdr. Spital ehf. dags. 16. nóvember 2021.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1472/2020.
11.21 Vesturgata 40, Áður gert - mhl.02 0101
Lagt fram erindi frá afgreiðslufundi byggingarfulltrúa frá 23. nóvember 2021 þar sem sótt er um leyfi til fyrir áður gerðum breytingum sem felast í að innrétta íbúð á 1. hæð, tómstundaherbergi í kjallara og breyta innra skipulagi á 2. og 3. hæð húss á lóð nr. 40 við Vesturgötu.
Erindi fylgir bréf f.h. umsækjanda dags. 15. nóvember 2021 ásamt bréfi og umboði frá eiganda dags. 18. október 2016. Erindi fylgir úrskurður UUA vegna kæru nr. 150/2016 dags. 12. júlí 2018.

Vísað til umsagnar verkefnisstjóra.
12.21 Ármúli 13, (fsp) hækkun húss
Lögð fram fyrirspurn Ásgeirs Ásgeirssonar dags. 9. nóvember 2021 um hækkun hússins á lóð nr. 13 við Ármúla um tvær inndregnar hæðir, samkvæmt tillögu T.ark Arkitekta ehf. ódags.

Vísað til umsagnar verkefnisstjóra.
13.21 Ármúli 28 og 30, (fsp) hækkun húss
Á embættisafgreiðslufundi skipulagsfulltrúa 15. nóvember 2021 var lögð fram fyrirspurn Selsins Fasteignafélags ehf. dags. 21. október 2021 um hækkun hússins á lóðunum nr. 28 og 30 við Ármúla um eina inndregna hæð, samkvæmt uppdr. ASK Arkitekta ehf. dags. 21. október 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 26. nóvember 2021.

Umsögn skipulagsfulltrúa dags. 26. nóvember 2021 samþykkt.
14.21 Kvistaland 26, breyting á deiliskipulagi
Að lokinni grenndarkynningu er lögð fram að nýju tillaga umhverfis- og skipulagssviðs að breytingu á deiliskipulagi Fossvogshverfis vegna lóðarinnar nr. 26 við Kvistaland, leikskólinn Kvistaborg. Í breytingunni felst að gerður er nýr byggingarreitur fyrir tímabundnar kennslustofur á lóð vegna framkvæmda á húsnæði leikskólans. Reiturinn er staðsettur þar sem nú eru bílastæði á auðausturhluta lóðarinnar og breytist núverandi nýting lands þar tímabundið á meðan á framkvæmdum stendur, samkvæmt uppdr. Landslags dags. 15. október 2021, lagf. 26. nóvember 2021. Tillagan var grenndarkynnt frá 25. október 2021 til og með 22. nóvember 2021. Eftirtaldir sendu umsögn/athugasemdir: Veitur dags. 22. nóvember 2021.

Krafa Veitna um kvöð samþykkt.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
15.21 Miðtún 82, (fsp) fjölgun íbúða og setja svalir á rishæð
Lögð fram fyrirspurn Bergljótar Maríu Sigurðardóttur dags. 21. nóvember 2021 um að fjölga íbúðum í húsinu á lóð nr. 82 við Miðtún í tvær íbúðir og setja svalir á rishæð.

Vísað til umsagnar verkefnisstjóra.
16.21 Koparslétta 4-8, breyting á deiliskipulagi
Að lokinni grenndarkynningu er lögð fram að nýju umsókn Grímu arkitekta ehf. dags. 23. september 2021 varðandi breytingu á deiliskipulagi Esjumela, athafnasvæðis, vegna lóðanna nr. 4 og 6-8 Koparsléttu. Í breytingunni felst sameining lóðar 4 við lóð 6-8, sameining tveggja byggingarreita á lóðunum í einn, smávægileg færsla á legu og stærð innkeyrslu á sameinaða lóð frá Koparsléttu og krafa um mænishæð er felld niður, samkvæmt uppdr. Grímu arkitekta ehf. dags. 22. september 2021, br. 25. nóvember 2021. Tillagan var grenndarkynnt frá 13. október 2021 til og með 10. nóvember 2021. Eftirtaldir sendu athugasemdir/umsögn: Veitur dags. 9. nóvember 2021. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 15. nóvember 2021 og er nú lagt fram að nýju ásamt umsögn skipulagsfulltrúa dags. 26. nóvember 2021.
Umsögn skipulagsfulltrúa dags. 26. nóvember 2021 samþykkt.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
17.21 Lambhagavegur 23, (fsp) skilti
Á embættisafgreiðslufundi skipulagsfulltrúa 19. nóvember 2021 var lögð fram fyrirspurn Lambhagavegs 23 ehf. dags. 22. október 2021 um að setja auglýsingaskilti við austurmörk lóðarinnar nr. 23 við Lambhagaveg, samkvæmt uppdr. Helga Hafliðasonar, arkitekts, dags. 11. október 2021. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 26. nóvember 2021.
Neikvætt, með vísan til umsagnar skipulagsfulltrúa dags. 26. nóvember 2021.
18.21 Silfurslétta 2, Sótt um byggl. fyrir 2ja hæða staðsteypt atvinnuhúsnæði.
Lagt fram erindi frá afgreiðslufundi byggingarfulltrúa frá 23. nóvember 2021 þar sem sótt er um leyfi til þess að byggja tveggja hæða steinsteypt atvinnuhúsnæði með geymslum á neðri hæð og skrifstofum með tilheyrandi stoðrýmum á efri hæð sem jafnframt er fyrsti áfangi, mhl.01, uppbyggingar á lóð nr. 2 við Silfursléttu.
Stærðir: 1.259.4 ferm., 4.508,4 rúmm. Erindi fylgir lóðauppdráttur 34.534.1 dags. 14.07.2021 og hæðablað 34.534.1- B1 dags í júní 2021. Gjald kr. 12.100

Vísað til umsagnar verkefnisstjóra.
19.21 Sörlaskjól og Faxaskjól, nýtt deiliskipulag
Lögð fram tillaga umhverfis- og skipulagssviðs að nýju deiliskipulagi fyrir göngu- og hjólastíg við Sörlaskjól og Faxaskjól. Í tillögunni felst aðskilt stígakerfi meðfram strandlengjunni og núverandi götukassa og skilgreindur er áningarstaður á gatnamótum Faxaskjól og Ægissíðu. Með framkvæmdinni er stígakerfi svæðisins styrkt til muna og umferðaröryggi bætt með fyrrnefndum aðskilnaði á göngu- og hjólastíg. Við tillögugerðina var tekið tillit til forskráningar á fornleifum og minjum innan skipulagssvæðisins. samkvæmt uppdr. Landmótunar dags. 25. nóvember 2021.

Vísað til meðferðar hjá verkefnisstjóra.
20.21 Úlfarsárdalur, Hólmsheiði, Almannadalur, endurnýjun á framkvæmdaleyfi
Lagt er fram bréf Landsnets dags. 16. nóvember 2021 varðandi ósk um endurnýjun á áður útgefnu framkvæmdaleyfi vegna lagningar 132 kV háspennustrengja. Um er að ræða lokafrágang á lagnaleið á röri undir Vesturlandsvegi að nýju tengivirki við Korpu. Lagnaleið er um 170-190 m og er áætlað að bora undir veginn árið 2022 en grafa frá hitaveitustokki að Vesturlandsvegi og innan tengivirkislóðar árið 2023 og leggja strenginn. Skurðarsnið og lagnaleið er nánast óbreytt frá fyrra framkvæmdaleyfi. Lagt fram að nýju ásamt bréfi Landsnets dags. 16. nóvember 2021 um endurnýjun á framkvæmdaleyfi. Einnig er lagt fram leyfi Vegagerðarinnar dags. 1. nóvember 2021 fyrir borun undir Vesturlandsveg og lýsing mannvirkja vegna útgáfu framkvæmdaleyfis dags. í maí 2020. Einnig er lögð fram umsögn skipulagsfulltrúa dags. 26. nóvember 2021.

Samþykkt að gefa út framkvæmdaleyfi með vísan til umsagnar skipulagsfulltrúa dags. 26. nóvember 2021.
Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.3 í gjaldskrá skipulagsfulltrúa nr. 1472/2020.
21.21 Safamýri 41, Rífa sambyggða bílskúra
Lagt fram erindi frá afgreiðslufundi byggingarfulltrúa frá 23. nóvember 2021 þar sem sótt er um leyfi til að rífa sambyggða bílskúra og byggja sambyggða bílskúra í samræmi við gildandi deiliskipulag við lóðarmörk lóðar nr. 43, á lóð nr. 41 við Safamýri.
Stækkun: 52,6 ferm., 74,0 rúmm. Erindi fylgir ástandsskýrsla, dags. 30. ágúst 2015, samþykki hagsmunaaðila dags. 7. júlí 2021. Gjald: 12.100

Vísað til umsagnar verkefnisstjóra.
22.21 Skeljanes 2, (fsp) viðbygging og bílageymsla
Á embættisafgreiðslufundi skipulagsfulltrúa 21. júlí 2021 var lögð fram fyrirspurn Jóns Magnúsar Halldórssonar, dags. 20. júlí 2021, um stækkun hússins á lóð nr. 2 við Skeljanes sem felst í því að gera bílgeymslu og forstofu með þaksvölum og tröppum niður í garð, samkvæmt uppdr./fyrirspurnarteikningum K.J.ARK slf. dags. 20 júlí 2021. Einnig er óskað eftir niðurrifi á stakstæðri bílgeymslu á lóð. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. ágúst 2021. Lagt fram að nýju ásamt lagfærðri umsögn skipulagsfulltrúa dags. 27. ágúst 2021. Einnig eru lagðar fram nýjar fyrirspurnarteikningar K.J.ARK slf. dags. 6. október 2021

Vísað til umsagnar verkefnisstjóra.
23.21 Vesturgata 64, Fjölbýlishús - mhl.01
Á embættisafgreiðslufundi skipulagsfulltrúa 28. október 2021 var lagt fram erindi frá afgreiðslufundi byggingarfulltrúa frá 19. október 2021 þar sem sótt er um leyfi til að byggja 6-7 hæða fjölbýlishús með 51 íbúð í tveimur stigahúsum sem verða mhl. 01 á lóð nr. 64 við Vesturgötu. Erindinu var vísað til umsagnar verkefnisstjóra og er nú lagt fram að nýju.
Erindi fylgir greinargerð um hljóðvist frá Mannvit dags. 27. september 2021 og samantekt á brunavörnum frá Mannvit dags. 27. september 2021. Stærð, A-rými: 6.204,5 ferm., 19.183,8 rúmm. B-rými: 296 ferm. Gjald kr. 12.100

Vísað til skipulags- og samgönguráðs.
24.21 Vesturgata 64, Fjölbýlishús - mhl.02
Á embættisafgreiðslufundi skipulagsfulltrúa 19. nóvember 2021 var lagt fram erindi frá afgreiðslufundi byggingarfulltrúa frá 16. nóvember 2021 þar sem sótt er um leyfi til að byggja mhl. 02, sem er 7 hæða steinsteypt fjölbýlishús með 44 íbúðum á bílakjallara á lóð nr. 64 við Vesturgötu. Erindinu var vísað til umsagnar verkefnisstjóra og er nú lagt fram að nýju.
Erindi fylgir greinargerð um hljóðvist frá verkfræðistofunni Mannvit dags. 8. nóvember 2021. Stærð, A-rými: 5.473,9 ferm., 17.516,4 rúmm.
B-rými: 236,8 ferm. Samtals: 5.710,7 ferm. Gjald kr. 12.100

Vísað til skipulags- og samgönguráðs.