Fálkagata 18, Dalhús 83-85, Hofteigur 22, Skólavörðustígur 31, Bergþórugata 5, Austurstræti 4, Blesugróf 31, Krummahólar 6, Háaleitisbraut 52-56, Hellusund 3, Laugavegur 54B, Sogavegur 94, Víðimelur 29, Skógargerði 3, Skriðustekkur 1-7, Barmahlíð 43, Barmahlíð 45, Bræðraborgarstígur 1, Bræðraborgarstígur 1 og 3, Fannafold 159, Hátún 39, Kvosin, Landsímareitur, Spöngin eining G, Spöngin 3-5/Móavegur 2 og 4, Kjalarnes, Vallá, Lambhagavegur 12, Barðastaðir 75, Bláskógar 5, Stuðlaháls 2, Þverás 10, Iðunnarbrunnur 7, Laufásvegur 50, Lágholtsvegur 15, Urðarbrunnur 16, Urðarbrunnur 62, Urðarbrunnur 68-70, Teigahverfi, Vitastígur 16,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

786. fundur 2020
Ár 2020, föstudaginn 28. ágúst kl. 09:18, hélt skipulagsfulltrúi Reykjavíkur 786. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Helena Stefánsdóttir. Eftirtaldir embættismenn kynntu mál á fundinum: Birkir Ingibjartsson, Sólveig Sigurðardóttir, Haukur Hafliði Nínuson, Hulda Einarsdóttir, Ólafur Melsted, Hildur Gunnarsdóttir, Guðlaug Erna Jónsdóttir, Lilja Grétarsdóttir, Björn Ingi Edvardsson og Hrafnhildur Sverrisdóttir. Ritari var Harri Ormarsson.
Þetta gerðist:

1.20 Fálkagata 18, Breyta gluggum, hurðum og innra skipulagi á 1.hæð, verslun í 3 vinnustofur.
Lagt fram erindi frá afgreiðslufundi byggingarfulltrúa frá 25. ágúst 2020 þar sem sótt er um leyfi til að breyta gluggum á 1. hæð, breyta verslunarhúsnæði á 1. hæð í þrjár vinnustofur og geymslur tengdar þeim í kjallara, einnig er stigi milli kjallara og fyrstu hæðar fjarlægður og aðkomu að kjallara breytt þannig að inngangur verður frá norðurhlið hússins á lóð nr. 18. við Fálkagötu.
Erindi fylgir samþykki meðeigenda dags. 27. júlí 2020 og yfirlit yfir breytingar. Gjald kr. 11.200

Vísað til umsagnar verkefnisstjóra.
2.20 Dalhús 83-85, breyting á deiliskipulagi
Að lokinni grenndarkynningu er lögð fram að nýju umsókn Kristins Ragnarssonar dags. 22. júní 2020 varðandi breytingu á deiliskipulagi Húsahverfis vegna lóðarinnar nr. 83-85 við Dalhús. Í breytingunni felst aukning á byggingarmagni þannig að hámarkstærð húss verður 238 m2 í stað 210 m2, svalir geti verið allt að 1,9 m frá útvegg byggingarreits og að heimilt verði að yfirbyggja svalir á suðurhlið, samkvæmt uppdr. Kristins Ragnarssonar, arkitekts ehf. dags. 14. ágúst 2020. Tillagan var grenndarkynnt frá 24. ágúst 2020 til og með 21. september 2020, en þar sem samþykki hagsmunaaðila barst þann 26. ágúst 2020 er erindi nú lagt fram að nýju.

Samþykkt með vísan til 3. mgr. 44. gr. skipulagslaga nr. 123/2010 og með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
3.20 Hofteigur 22, Hækkun á þaki bílskúrs - áður gert
Á embættisafgreiðslufundi skipulagsfulltrúa 21. ágúst 2020 var lagt fram erindi frá afgreiðslufundi byggingarfulltrúa frá 18. ágúst 2020 þar sem sótt er um leyfi fyrir áður gerðri hækkun á bílskúrsþaki í eigu íbúðar 0101 í íbúðarhúsi á lóð nr. 22 við Hofteig. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 28. ágúst 2020.
Stækkun: x.xx rúmm. Erindi fylgir samþykki meðlóðarhafa dags. 5. maí 2020 ásamt samþykki eiganda íbúðar 0201 að Hofteigi 20, dags. 5. maí 2020. Gjald kr. 11.200

Umsögn skipulagsfulltrúa dags. 28. ágúst 2020 samþykkt.
4.20 Skólavörðustígur 31, Viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 21. apríl 2020 þar sem sótt er um leyfi til að byggja viðbyggingu ásamt því að gera inndregnar svalir á eldri hluta í húsi á lóð nr. 31 við Skólavörðustíg. Erindi var grenndarkynnt frá 2. júní 2020 til og með 31. júlí 2020. Eftirtaldir sendu athugasemdir: Guðbjörg Lilja Pétursdóttir dags. 25. júní 2020 og Sverrir Bjarnason dags. 29. júní 2020. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 14. ágúst 2020 og er nú lagt fram að nýju.
Stækkun: 100,4 ferm., 280,3 rúmm. Erindi fylgir umsögn skipulagsfulltrúa dags. 25. maí 2018 við fsp. SN180306, umsögn Minjastofnunar dags. 5. júní 2018 og afrit af tölvupósti vegna fellingu trjáa dags. 14. júní 2018. Gjald kr. 11.000

Vísað til skipulags- og samgönguráðs.
5.20 56">Bergþórugata 5, Bílageymslu breytt í íbúð
Lagt fram erindi frá afgreiðslufundi byggingarfulltrúa frá 25. ágúst 2020 þar sem sótt er um leyfi til að breyta erindi BN053992 með því að innrétta íbúð í bílskúr við fjölbýlishús á lóð nr. 5 við Bergþórugötu. Einnig lögð fram umsögn skipulagsfulltrúa dags. 28. ágúst 2020.
Gjald kr. 11.200

Neikvætt, með vísan til umsagnar skipulagsfulltrúa dags. 28. ágúst 2020.
6.20 Austurstræti 4, breyting á deiliskipulagi
Á embættisafgreiðslufundi skipulagsfulltrúa 14. ágúst 2020 var lögð fram umsókn Arktíka ehf. dags. 13. júlí 2020 varðandi breytingu á deiliskipulagi Kvosarinnar vegna lóðar nr. 4 við Austurstræti. Í breytingunni felst að afmarkaður er nýr byggingarreitur á 2. hæð yfir núverandi portbyggingu, ásamt því að byggingarmagn á lóð eykst, samkvæmt uppdr. Arktíka ehf. dags. 10. júlí 2020. Einnig er lögð fram umsögn Minjastofnunar Íslands dags. 30. júní 2020. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Veltusundi 3 og 3b og Austurstræti 6.
Vakin er athygli á að greiða þarf fyrir grenndarkynningu áður en kynning fer fram samkv. gr. 7. 6. sbr. gr. 12 í gjaldskrá skipulagsfulltrúa nr. 1231/2018.



7.20 Blesugróf 31, (fsp) lóðastækkun
Á embættisafgreiðslufundi skipulagsfulltrúa 21. ágúst 2020 var lögð fram fyrirspurn Birgis Hákonar Valdimarssonar dags. 19. ágúst 2020 um stækkun lóðarinnar nr. 31 við Blesugróf, samkvæmt skissu á yfirlitsmynd ódags. Einnig eru lagðar fram ljósmyndir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. ágúst 2020.

Neikvætt, með vísan til umsagnar skipulagsfulltrúa dags. 27. ágúst 2020.
8.20 Krummahólar 6, staðsetning ökutækjaleigu
Á embættisafgreiðslufundi skipulagsfulltrúa 14. ágúst 2020 var lagt fram bréf Samgöngustofu dags. 31. júlí 2020 þar sem óskað er eftir umsögn vegna umsóknar Rumvydas Rutkauskas f.h. Riji Campers ehf. um að reka ökutækjaleigu að Krummahólum 6. Sótt er um leyfi fyrir 1 ökutæki í útleigu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 26. ágúst 2020.


Neikvætt, með vísan til umsagnar skipulagsfulltrúa dags. 26. ágúst 2020.
9.20 Háaleitisbraut 52-56, (fsp) nr. 52 - setja ledd ljóskastara á gafl hússins
Á embættisafgreiðslufundi skipulagsfulltrúa 14. ágúst 2020 var lögð fram fyrirspurn Stefáns Albertssonar dags. 25. mars 2020 ásamt greinargerð dags. 15. maí 2020 um að setja ledd ljóskastara á norðurgafl hússins nr. 52 á lóð nr. 52-56 við Háaleitisbraut. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 28. ágúst 2020.

Neikvætt, með vísan til umsagnar skipulagsfulltrúa dags. 28. ágúst 2020.
10.20 Hellusund 3, (fsp) endurbygging skúrs
Á embættisafgreiðslufundi skipulagsfulltrúa 21. ágúst 2020 var lögð fram fyrirspurn Örnu Bjarkar Gunnarsdóttur dags. 14. júní 2020 um endurbyggingu skúrs á lóð nr. 3 við Hellusund. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 28. ágúst 2020.

Ekki er gerð athugasemd við erindið með vísan til umsagnar skipulagsfulltrúa dags. 28. ágúst 2020. Byggingarleyfisumsókn verður grenndarkynnt berist hún.
11.20 Laugavegur 54B, (fsp) skipta einbýlishúsi í tvær íbúðir
Á embættisafgreiðslufundi skipulagsfulltrúa 14. ágúst 2020 var lögð fram fyrirspurn Eysteins Más Sigurðssonar dags. 9. júní 2020 um að skipta einbýlishúsi á lóð nr. 54B við Laugaveg í tvær íbúðir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 28. ágúst 2020.

Umsögn skipulagsfulltrúa dags. 28. ágúst 2020 samþykkt.
12.20 Sogavegur 94, (fsp) stækkun húss
Lögð fram fyrirspurn Birkis Hrafns Jóakimssonar, dags. 17. júlí 2020, um stækkun hússins á lóð nr. 94 við Sogavegað sem felst í að byggja ofan á anddyri hússins þar sem nú eru svalir, samkvæmt skissu, ódags.





Vísað til umsagnar verkefnisstjóra.
13.20 Víðimelur 29, Breyting - úti og inni - fimm sjálfstæðar íbúðir.
Lagt fram erindi frá afgreiðslufundi byggingarfulltrúa frá 25. ágúst 2020 þar sem sótt er um leyfi til að breyta innra skipulagi og gera fimm sjálfstæðar íbúðir í húsinu, fjarlægja reykháf sem snýr að götuhlið, stækka svalir, síkka glugga í kjallara og setja nýja kvisti og þakglugga á hús á lóð nr. 29 við Víðimel.
Erindi fylgir yfirlit breytinga á útliti hússins og bréf Minjastofnunar dags. 2. júlí 2020. Gjald kr. 11.200

Vísað til umsagnar verkefnisstjóra.
14.20 Skógargerði 3, (fsp) tvöfaldur bílskúr
Á embættisafgreiðslufundi skipulagsfulltrúa 10. júlí 2020 var lögð fram fyrirspurn Gunnars Arnar Gunnarssonar dags. 30. júní 2020 um að gera tvöfaldan bílskúr á lóð nr. 3 við Skógargerði. Einnig er lögð fram mynd af fyrirhugðum bílskúr ódags. og uppdrættir dags. 1. maí 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags 26. ágúst 2020.

Neikvætt, með vísan til umsagnar skipulagsfulltrúa dags.26. ágúst 2020.
15.20 Skriðustekkur 1-7, (fsp) breytingu á deiliskipulagi
Á embættisafgreiðslufundi skipulagsfulltrúa 10. júlí 2020 var lögð fram fyrirspurn Sigríðar Arngrímsdóttur dags. 24. júní 2020 um breytingu á deiliskipulagi Breiðholts I vegna lóðarinnar nr. 1-7 við Skriðustekk sem felst að gerður er nýr byggingarreitur fyrir annars vegar stækkun á bílskúr og hins vegar stækkun á núverandi íbúðarhúsi við Skriðustekk 1, samkvæmt uppdr. Sigríðar Arngrímsdóttur dags. 24. júní 2020. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags 28. ágúst 2020.

Umsögn skipulagsfulltrúa dags. 28. ágúst 2020 samþykkt.
16.20 Barmahlíð 43, Breyting á svölum+þakgluggar
Á embættisafgreiðslufundi skipulagsfulltrúa 21. ágúst 2020 var lagt fram erindi frá afgreiðslufundi byggingarfulltrúa frá 18. ágúst 2020 þar sem sótt er um leyfi til að stækka svalir á fyrstu og annarri hæð, setja á þær handrið, koma fyrir tveimur þakgluggum á suðurhlið, tveimur á norðurhlið og einum á austurhlið, koma fyrir dyrum úr stofu kjallaraíbúðar út í garð á suðurhlið, sambærilegar við svaladyr á hæðum fyrir ofan, yfirborð garðsins er lækkað fyrir framan dyrnar auk þess sem gerð er grein fyrir áður gerðum breytingum á innra skipulagi íbúða, í hús á lóð nr. 43 við Barmahlíð. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. ágúst 2020.
Gjald kr. 11.200

Umsögn skipulagsfulltrúa dags. 27. ágúst 2020 samþykkt.
17.20 >Barmahlíð 45, Breyting á svölum+þakgluggar
Á embættisafgreiðslufundi skipulagsfulltrúa 21. ágúst 2020 var lagt fram erindi frá afgreiðslufundi byggingarfulltrúa frá 18. ágúst 2020 þar sem sótt er um leyfi til að stækka svalir á fyrstu og annarri hæð, setja á þær handrið, koma fyrir tveimur þakgluggum á suðurhlið, tveimur á norðurhlið og einum á austurhlið, koma fyrir dyrum úr stofu kjallaraíbúðar út í garð á suðurhlið, sambærilegar við svaladyr á hæðum fyrir ofan, yfirborð garðsins er lækkað fyrir framan dyrnar auk þess sem gerð er grein fyrir áður gerðum breytingum á innra skipulagi íbúða, í hús á lóð nr. 45 við Barmahlíð. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. ágúst 2020.
Gjald kr. 11.200

Umsögn skipulagsfulltrúa dags. 27. ágúst 2020 samþykkt.
18.20 Bræðraborgarstígur 1, (fsp) innrétta íbúðir á 1. hæð
Á embættisafgreiðslufundi skipulagsfulltrúa frá 12. júní 2020 var lögð fram fyrirspurn Kjartans Hafsteins Rafnssonar dags. 29. maí 2020 um að innrétta litlar íbúðir á 1. hæð hússins á lóð nr. 1 við Bræðraborgarstíg, samkvæmt uppdr. K.J.ARK slf. dags. 26. maí 2020. Fyrirspurninni var vísað til umsagnar verkefnisstjóra og er nú lögð fram að nýju ásamt tölvupósti Kjartans Rafnssonar dags. 21. ágúst 2020 þar sem fyrirspurn er dregin til baka.
Erindið dregið til baka.
19.20 Bræðraborgarstígur 1 og 3, (fsp) nýbygging
Á embættisafgreiðslufundi skipulagsfulltrúa frá 12. júní 2020 var lögð fram fyrirspurn Kjartans Hafsteins Rafnssonar dags. 29. maí 2020 um uppbyggingu á milli húsanna á lóð nr. 1 og 3 við Bræðraborgarstíg. Um er að ræða nýbyggingu, kjallara, hæð og ris á lóð nr. 1 við Bræðraborgarstíg, samkvæmt uppdr. K.J.ARK slf. dags. 26. maí 2020. Fyrirspurninni var vísað til umsagnar verkefnisstjóra og er nú lögð fram að nýju ásamt ásamt tölvupósti Kjartans Rafnssonar dags. 21. ágúst 2020 þar sem fyrirspurn er dregin til baka.
Erindið dregið til baka.
20.20 Fannafold 159, (fsp) stækkun húss/bygging sólskála
Á embættisafgreiðslufundi skipulagsfulltrúa 21. ágúst 2020 var lögð fram fyrirspurn Halldóru Þuríðar Halldórsdóttir dags. 2. júní 2020 um stækkun hússins á lóð nr. 159 við Fannafold sem felst í byggingu sólskála við húsið. Fyrirspurninni vísað til umsagnar verkefnisstjóra og er nú lögð fram að nýju ásamt tölvupósti Halldóru Þuríðar Halldórsdóttur dags 26. ágúst 2020 þar sem fyrirspurn er dregin til baka.

Erindið dregið til baka.
21.20 Hátún 39, (fsp) setja kvist á húsið
Lögð fram fyrirspurn Kristínar Ástríðar Pálsdóttur dags. 21. ágúst 2020 um að setja kvist á húsið á lóð nr. 39 við Hátún, samkvæmt skissu ódags. Einnig er lögð fram umsögn skipulagsfulltrúa dags. 28. ágúst 2020.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 28. ágúst 2020.
22.20 Kvosin, Landsímareitur, (fsp) breyting á deiliskipulagi
Á embættisafgreiðslufundi skipulagsfulltrúa 25. maí 2020 var lögð fram fyrirspurn THG Arkitekta ehf. dags. 13. maí 2020 ásamt greinargerð dags. 13. maí 2020 um breytingu á deiliskipulagi Kvosarinnar, Landsímareits sem felst í að heimilt verði að vera með gististað á 3 og 4 hæð hússins að Thorvaldsensstræti 2, stækka og breyta nýtingu á kjallara hússins að Thorvaldsensstræti 6 ásamt því að breyta jarðhæð í eitt alrými fyrir viðburði og veitingarekstur, vera með gististað eða hótelíbúðir á efri hæðum húsanna að Aðalstræti 7 og Vallarstræti 4 og gera sólstofu fyrir setustofu og bar á 5. hæð á þaksvölum Thorvaldsenstrætis 5. Einnig er lagt fram minnisblað Icelandair Group f.h. Icelandair Hotels og Lindarvatns dags. 17. mars 2020 og bréf Eflu varðandi hljóðeinangrun NASA salar dags. 3. júlí 2020. Fyrirspurninni var vísað til umsagnar verkefnisstjóra og er nú lögð fram að nýju.
Vísað til skipulags- og samgönguráðs.
23.20 Spöngin eining G, Spöngin 3-5/Móavegur 2 og 4, breyting á deiliskipulagi
Á embættisafgreiðslufundi skipulagsfulltrúa 14. ágúst 2020 var lögð fram umsókn Yrki arkitekta ehf. dags. 11. júní 2020 varðandi breytingu á deiliskipulagi Spangarinnar einingu G vegna lóðanna nr. 3-5 við Spöngina og 2 og 4 við Móaveg. Í breytingunni felst að heimilt verði að girða fyrir sérafnotafleti íbúða á jarðhæð á alla vegu, samkvæmt tillögu Yrki arkitekta ehf. ódags. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs.
Vakin er athygli á að erindið fellur undir lið 8.2 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
24.20 Kjalarnes, Vallá, tillaga að matsáætlun
Á embættisafgreiðslufundi skipulagsfulltrúa 14. ágúst 2020 var lagt fram erindi Umhverfisstofnunar dags. 10. júlí 2020 þar sem óskað er eftir umsögn vegna tillögu Eflu, dags. 29. maí 2020, að matsáætlun varðandi fyrirhugaða endurnýjun búnaðar og aukna framleiðslugeta eggjabús Vallár á Kjalarnesi. Umsagnarfrestur er til 27. júlí 2020. Erindinu var vísað til umsagnar Heilbrigðiseftirlits Reykjavíkur og er nú lagt fram að nýju ásamt umsögn Heilbrigðiseftirlits Reykjavíkur dags. 24. ágúst 2020. Einnig er lögð fram umsögn skipulagsfulltrúa dags. 26. ágúst 2020.

Umsögn skipulagsfulltrúa dags. 26. ágúst 2020 samþykkt.
25.20 Lambhagavegur 12, (fsp) tímabundin notkun/starfsemi á lóð
Á embættisafgreiðslufundi skipulagsfulltrúa 21. ágúst 2020 var lögð fram fyrirspurn Þingvangs ehf. dags. 14. ágúst 2020 ásamt greinargerð dags. 4. ágúst 2020 um tímabundna notkun/starfsemi á óskipulagðri lóð nr. 12 við Lambhagaveg. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 25. ágúst 2020.

Neikvætt, með vísan til umsagnar skipulagsfulltrúa dags. 25. ágúst 2020.
26.20 Barðastaðir 75, (fsp) breyting á notkun bílskúrs
Lögð fram fyrirspurn Hlyns Halldórssonar dags. 30. júlí 2020 um breytingu á notkun bílskúrs á lóð nr. 75 við Barðastaði í tónlistar- og vinnustofu, klæða skúrinn með timburlistum og gera glugga í stað innkeyrsluhurða, samkvæmt tillögu VA arkitekta ehf. ódags. Einnig lögð fram umsögn skipulagsfulltrúa dags. 28. ágúst 2020.

Umsögn skipulagsfulltrúa dags. 28. ágúst 2020 samþykkt.
27.20 Bláskógar 5, (fsp) innkeyrsla
Lögð fram fyrirspurn Svavars Páls Pálssonar dags. 19. ágúst 2020 um að gera innkeyrslu á lóð nr. 5 við Bláskóga , samkvæmt skissu á ljósmynd.

Vísað til umsagnar verkefnisstjóra.
28.20 Stuðlaháls 2, breyting á deiliskipulagi
Á embættisafgreiðslufundi skipulagsfulltrúa 21. ágúst 2020 var lögð fram umsókn Áfengis-/tóbaksverslunar ríkisins dags. 12. ágúst 2020, varðandi breytingu á deiliskipulagi Hálsahverfis vegna Stuðlaháls 2. Í breytingunni felst að gerður er nýr byggingarreitur að stærð ca. 10 x15 m á suðurhluta lóðar, samkvæmt uppdr. Karls-Eriks Rockén arkitekts dags. 24. ágúst 2020. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Stuðlahálsi 1.
Vakin er athygli á að greiða þarf fyrir grenndarkynningu áður en kynning fer fram samkv. gr. 7. 6. sbr. í gjaldskrá skipulagsfulltrúa nr. 1231/2018.

29.20 Þverás 10, (fsp) - Uppsetningu glugga breytt
Lagt fram erindi frá afgreiðslufundi byggingarfulltrúa frá 25. ágúst 2020 þar sem spurt er hvort leyfi fengist til þess að skipta um glugga og breyta uppskiptingu þeirra í íbúð 0101 í tvíbýlishúsi á lóð nr. 10 við Þverás.

Vísað til umsagnar verkefnisstjóra.
30.20 Iðunnarbrunnur 7, Tvíbýlishús
Á embættisafgreiðslufundi skipulagsfulltrúa 3. júlí 2020 var lagt fram erindi frá afgreiðslufundi byggingarfulltrúa frá 30. júní 2020 þar sem sótt er um leyfi til þess að byggja steinsteypt tvíbýlishús á tveimur hæðum á lóð nr. 7 við Iðunnarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 28. ágúst 2020.
Stærðir: 236.0 ferm., 767.0 rúmm. Erindi fylgir mæliblað 2.693.4 endurútgefið 12. júlí 2007, lóðauppdráttur 2.693.4 dags. 28. febrúar 2020 og hæðablað 2.693.4 - B3 dags. september 2009 og samþykki lóðarhafa aðliggjandi lóðar nr. 5 dags. 8. júní 2020. Gjald kr. 11.200

Neikvætt, með vísan til umsagnar skipulagsfulltrúa dags. 28. ágúst 2020. Samræmist ekki deiliskipulagi.
31.20 Laufásvegur 50, (fsp) hækkun á þaki, stækkun húss o.fl.
Á embættisafgreiðslufundi skipulagsfulltrúa 29. maí 2020 var lögð fram fyrirspurn Hlyns Hreinssonar dags. 18. maí 2020 um hækkun á þaki hússins á lóð nr. 50 við Laufásveg, stækkun húss til norðvesturs og færa inngang í kjallara á norðurhlið, stækkun á kjallara til suðvesturs með svölum á 1. hæð, breyta notkun skúrs á bakslóð í íbúð, færa innkeyrslu o.fl. samkvæmt tillögu UNDRA ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 28. ágúst 2020.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 28. ágúst 2020.
32.20 Lágholtsvegur 15, Fjarlægja þak og byggja eina hæð ofan á
Á embættisafgreiðslufundi skipulagsfulltrúa 21. ágúst 2020 var lagt fram erindi frá afgreiðslufundi byggingarfulltrúa frá 18. ágúst 2020 þar sem sótt er um leyfi til að fjarlægja valmaþak núverandi húss og byggja eina hæð úr timbri ofan á með einföldu risþaki á hús á lóð nr. 15 við Lágholtsveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 28. ágúst 2020.
Erindi fylgir yfirlit breytinga og makaskiptaafsal dags. 28. júlí 1995 og umsögn Minjastofnunar Íslands dags. 4. ágúst 2020. .Stækkun: 75,7 ferm., xx,xx rúmm. Stækkun B-rými: 3,7 ferm. Gjald kr. 11.200


Ekki eru gerðar athugasemdir við erindið með vísan til umsagnar skipulagsfulltrúa dags. 28. ágúst 2020.
33.20 Urðarbrunnur 16, (fsp) tvíbýlishús
Á embættisafgreiðslufundi skipulagsfulltrúa 3. júlí 2020 var lögð fram fyrirspurn VG Verks og bygg ehf. dags. 26. júní 2020 ásamt greinargerð dags. 22. júní 2020 um byggingu tvíbýlishúss á tveimur hæðum á lóð nr. 16 við Urðarbrunn. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 28. ágúst 2020.

Neikvætt, með vísan til umsagnar skipulagsfulltrúa dags. 28. ágúst 2020.
34.20 Urðarbrunnur 62, Einbýlishús
Á embættisafgreiðslufundi skipulagsfulltrúa 21. ágúst 2020 var lagt fram erindi frá afgreiðslufundi byggingarfulltrúa frá 18. ágúst 2020 þar sem sótt er um leyfi til að byggja tveggja hæða steinsteypt einbýlishús, einangrað og klætt að utan, með aukaíbúð á neðri hæð og innbyggðri bílgeymslu á lóð nr. 62 við Urðarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 28. ágúst 2020.
Erindi fylgir greinargerð varðandi lóðarfrágang ódagsett. Stærð, A-rými: 313,5 ferm., 1.172,1 rúmm. B-rými: 8 ferm. Gjald kr. 11.200

Umsögn skipulagsfulltrúa dags. 28. ágúst 2020 samþykkt.
35.20 Urðarbrunnur 68-70, Parhús
Á embættisafgreiðslufundi skipulagsfulltrúa 21. ágúst 2020 var lagt fram erindi frá afgreiðslufundi byggingarfulltrúa frá 18. ágúst 2020 þar sem sótt er um leyfi til þess að byggja steinsteypt parhús á tveimur hæðum auk kjallara að hluta og innbyggðum bílskúr á lóð nr. 68-70 við Urðarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 28. ágúst 2020.
Stærð: 423.8 ferm., 1.491.0 rúmm. Erindi fylgir mæliblað 5.054.5, útgefið 6. júlí 2007, hæðablað 5.054.5 útgáfa B2, dags. í janúar 2011. Gjald kr. 11.200

Neikvætt, með vísan til umsagnar skipulagsfulltrúa dags. 28. ágúst 2020.
36.20 Teigahverfi, breyting á deiliskipulagi vegna Sigtúns 42
Á embættisafgreiðslufundi skipulagsfulltrúa 8. maí 2020 var lögð fram umsókn skrifstofu framkvæmda og viðhalds dags. 28. apríl 2020 varðandi breytingu á deiliskipulagi Teigahverfis. Í breytingunni felst að hluti af grassvæði á milli núv. gangstéttar og nyrðri lóðarmarka Sigtúns 42 verði breytt í grenndarstöð. Til að tryggja aðgengi losunarbíls er gert ráð fyrir að 3 bílastæði við hana verði fjarlægt og því fækki bílastæðum úr u.þ.b. 9 í 6, samkvæmt uppdr. Hornsteina arkitekta ehf. dags. 28. apríl 2020. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Sigtúni 41, 42, 43, 45, 47, 49, og 51.
Vakin er athygli á að greiða þarf fyrir grenndarkynningu áður en kynning fer fram samkv. 7. 6. gr. gjaldskrá skipulagsfulltrúa nr. 1231/2018.



37.20 Vitastígur 16, (fsp) stækkun húss
Á embættisafgreiðslufundi skipulagsfulltrúa 3. júlí 2020 var lögð fram fyrirspurn Klitts ehf. dags. 23. júní 2020 um stækkun hússins á lóð nr. 16 við Vitastíg sem felst í að gera bíslag við gafl hússins og færa stiga að hluta til í viðbygginguna, samkvæmt uppdr. þar sem fyrrhugaðar breytingar eru yfirstrikaðar, dags. 15. nóvember 2019 síðast br. 18. desember 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 28. ágúst 2020.

Neikvætt, með vísan til umsagnar skipulagsfulltrúa dags. 28. ágúst 2020.