Mýrargata 21 og 23, Háaleitisbraut 1, Lyngháls 1, Kjalarnes, Brautarholt 11, Heiðmörk, Höfðabakki 3, Kjalarnes, Saltvík, Klettháls 13, Krókháls 13A, Kistumelur 6-8, Kjalarnes, Esjumelar, Efstaleiti 7, Skerjafjörður, Iðunnarbrunnur 11, Teigasel 1-11, Hólmaslóð 6, Ásvallagata 25, Engjasel 70-86, Bergstaðastræti 29, Grasarimi 28, Skólavörðustígur 16, Langholtsvegur 29, Síðumúli 21, Hofteigur 42, Freyjugata 30, Barðavogur 30, Þjóðhildarstígur 2-6, Bústaðavegur/Kringlumýrarbraut, Laugavegur 76, Bárugata 19, Stýrimannastígur 9, Háskóli Íslands, Fiskislóð 41, Stórhöfði 37, Skógarhlíð 22, Þóroddsstaðir, Laugavegur 47, Hvalfjarðarsveit, Faxaflóahafnir sf.,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

738. fundur 2019
Ár 2019, föstudaginn 9. ágúst kl. 09:30 hélt skipulagsfulltrúi Reykjavíkur 738. embættisafgreiðslufund sinn til afgreiðslu mála án staðfestingar skipulags-og samgönguráðs. Fundurinn var haldinn á skrifstofu skipulagsfulltrúa Borgartúni 12- 14, 2. hæð, Stardalur. Fundinn sat: Björn Axelsson. Eftirtaldir embættismenn kynntu mál á fundinum: Lilja Grétarsdóttir, Hrafnhildur Sverrisdóttir, Sólveig Sigurðardóttir, Birkir Ingibjartsson, Björn Ingi Edvardsson og Ingvar Jón Bates Gíslason. Ritari var: Harri Ormarsson.
Þetta gerðist:

1.19 Mýrargata 21 og 23, breyting á deiliskipulagi
Lögð fram umsókn Einars Ólafssonar dags. 18. júlí 2019 varðandi breytingu á deiliskipulagi Nýlendureits, reits 1.131, vegna lóðarinnar nr. 21-23 við Mýrargötu. Í breytingunni felst stækkun á byggingarreit lóðarinnar ásamt breytingu á skilmálum varðandi hæð turna, samkvæmt uppdr. Arkiteo ehf. ódags.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
2.19 Háaleitisbraut 1, nýtt deiliskipulag
Á embættisafgreiðslufundi skipulagsfulltrúa 31. ágúst 2018 var lögð fram umsókn THG Arkitekta ehf., mótt. 31. maí 2017, ásamt tillögu að nýju deiliskipulagi fyrir lóðina nr. 1 við Háaleitisbraut. Í tillögunni felst að bætt verði við tveimur nýjum byggingarreitum á lóðinni. Á öðrum reitnum næst Kringlumýrarbraut verður heimilt að reisa fimm hæða hús. Hinn byggingarreiturinn er staðsettur á horni Skipholts og Bolholts, en þar verður heimilt að reisa sex hæða íbúðarhús ásamt þjónustu- og verslunarrými á 1. hæð, kvöð er um að efsta hæðin verði inndregin. Bílastæðum verður fjölgað og byggingarmagn og nýtingarhlutfall hækkar sem þessu nemur, samkvæmt uppdr. THG Arkitekta ehf., dags. 17. desember 2018. Einnig er lagt fram minnisblað Mannvits um hljóðvist dags. 16. nóvember 2017, umsögn Minjastofnunar Íslands dags. 8. maí 2019 og húsakönnun Borgarsögusafns Reykjavíkur dags. 5. júlí 2019. Erindinu var frestað, umsækjandi hafi samband við embætti skipulagsfulltrúa, og er nú lagt fram að nýju ásamt umsögn Minjastofnunar Íslands dags. 17. júlí 2019.

Vísað til skipulags- og samgönguráðs
Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
3.19 Lyngháls 1, breyting á deiliskipulagi
Að lokinni grenndarkynningu er lögð fram að nýju umsókn Arkís arkitekta ehf. dags. 15. apríl 2019 varðandi breytingu á deiliskipulagi Hálsahverfis vegna lóðarinnar nr. 1 við Lyngháls. Í breytingunni felst að afmarkaður er byggingarreitur ofan á núverandi byggingu og hann verði hluti af heildarbyggingarmagni sem leyfilegt er að byggja á lóðinni og hámarksbyggingarmagn lóðar fari úr 1,0 í 1,1, samkvæmt uppdr. Arkís arkitekta ehf. dags. 15. apríl 2019. Tillagan var grenndarkynnt frá 20. júní 2019 til og með 18. júlí 2019. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
4.19 Kjalarnes, Brautarholt 11, breyting á skilmálum deiliskipulags
Að lokinni grenndarkynningu er nú lögð fram að nýju umsókn Herdísar Þórðardóttur dags. 16. apríl 2019 varðandi breytingu á skilmálum deiliskipulags Brautarholts, Kjalarnesi - norðurhluti, vegna lóðarinnar nr. 11 við Brautarholt á Kjalarnesi. Í breytingunni felst að heimilt er að vera með sambyggða aukaíbúð við íbúðarhúsið á lóðinni, sem ætluð er til útleigu, í stað sambyggðrar tvöfaldrar bílgeymslu, samkvæmt tillögu Einars Ingimarssonar arkitekts dags. 14. apríl 2019. Engar athugasemdir bárust. Einnig lagður fram tölvupóstur Bjarna Pálssonar dags. 7. ágúst 2019.

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

5.19 Heiðmörk, framkvæmdaleyfi
Á embættisafgreiðslufundi skipulagsfulltrúa 19. júlí 2019 var lögð fram umsókn Veitna ohf. dags. 11. júlí 2019 um framkvæmdaleyfi vegna lagningu háspennulínu í Heiðmörk frá dælustöð V5 að dælustöð V13. Háspennustrengurinn kemur í stað háspennuloftlínu. Einnig er lagt fram teikningasett Veitna ohf. dags. 5. júní 2019. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 29. júlí 2019..

Samþykkt að gefa út framkvæmdaleyfi með vísan til umsagnar skipulagsfulltrúa dags. 29. júlí 2019. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í . gjaldskrá skipulagsfulltrúa nr. 1231/2018.
6.19 Höfðabakki 3, staðsetning ökutækjaleigu
Á embættisafgreiðslufundi skipulagsfulltrúa 25. maí 2019 var lagt fram bréf Samgöngustofu dags. 21. maí 2019 þar sem óskað er eftir umsögn vegna umsóknar Árna Jóns Árnasonar f.h. Ratio ehf. um að reka ökutækjaleigu að Höfðabakka 3. Sótt er um leyfi fyrir 119 ökutækjum í útleigu, eingöngu eru bifreiðar leigðar út í langtímaleigu, 24-60 mánaða og því ekki geymdar á starfsstöð nema að jafnaði um 5 ökutæki. Óskað er eftir endurskoðun á neikvæðri umsögn skipulagsfulltrúa þar sem ökutækjaleigan er með afnotarétt af lóð að Krókhálsi 7. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. júní 2019. Jafnframt er lagður fram tölvupóstur Árna J. Árnasonar framkvæmdastjóra Ratio ehf. dags. 4. júlí 2019 þar sem óskað er eftir endurskoðun á umsögn skipulagsfulltrúa.

Umsögn skipulagsfulltrúa dags. 29. júlí 2019 samþykkt.
7.19 Kjalarnes, Saltvík, (fsp) nýr byggingarreitur fyrir starfsmannahús
Á embættisafgreiðslufundi skipulagsfulltrúa 14. júní 2019 var lögð fram fyrirspurn Atla Jóhanns Guðbjörnssonar dags. 23. apríl 2019 um að gera nýjan byggingarreit (reitur F) fyrir starfsmannahús fyrir hluta starfsmanna Stjörnugríss og Stjörnueggja í landi Saltvíkur á Kjalarnesi, samkvæmt uppdr. TAG teiknistofu hf. dags. 23. apríl 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. júlí 2019.


Umsögn skipulagsfulltrúa dags. 30. júlí 2019 samþykkt.
8.19 Klettháls 13, breyting á deiliskipulagi
Lögð fram umsókn THG Arkitekta ehf. dags. 12. júlí 2019 varðandi breytingu á deiliskipulagi Klettháls vegna lóðarinnar nr. 13 við Klettháls. Í breytingunni felst að byggingarreitur er stækkaður, samkvæmt uppdr. THG Arkitekta ehf. dags. 12. júlí 2019.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Kletthálsi 11 og 15.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1231/2018.



9.19 Krókháls 13A, breyting á deiliskipulagi
Að lokinni grenndarkynningu er lögð fram að nýju umsókn THG Arkitekta ehf. dags. 14. maí 2019 varðandi breytingu á deiliskipulagi Grafarlækjar-Stekkjarmóa-Djúpadals vegna lóðarinnar nr. 13A við Krókháls. Í breytingunni felst færsla á lóð fyrir dreifistöð til suðurs, samkvæmt uppdr. THG Arkitekta ehf. dags. 2. maí 2019. Erindi var grenndarkynnt frá 26. júní 2019 til og með 24. júlí 2019. Engar athugasemdir bárust.
Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

10.19 Kistumelur 6-8, (fsp) breyting á deiliskipulagi
Lögð fram fyrirspurn VSÓ ráðgjafar ehf. dags. 30. júlí 2019 ásamt bréfi Fagverks verktaka ehf. dags. 30. júlí 2019 um breytingu á deiliskipulagi athafnasvæðis á Esjumelum vegna lóðarinnar nr. 6-8 við Kistumel sem felst í að heimilt verði að byggja og starfrækja malbikunarstöð á lóðinni.


Vísað til umsagnar verkefnisstjóra.
11.19 Kjalarnes, Esjumelar, framkvæmdaleyfi
Lögð fram umsókn skrifstofu framkvæmda og viðhalds dags. 30. júlí 2019 um framkvæmdaleyfi fyrir 1. áfanga heildarframkvæmda við gerð gatna, gangstétta, lagna og blágrænna ofanvatnslausna á Esjumelum. Einnig er lagt fram teikningasett VSÓ ráðgjafar ehf. dags. 5. júlí 2019. Einnig lögð fram umsögn skipulagsfulltrúa dags. 31. júlí 2019

Samþykkt að gefa út framkvæmdaleyfi með vísan til umsagnar skipulagsfulltrúa dags. 31. júlí 2019. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í . gjaldskrá skipulagsfulltrúa nr. 1231/2018.
12.19 Efstaleiti 7, breyting á deiliskipulagi
Lögð fram umsókn ASK Arkitekta ehf. dags. 18. júní 2019 ásamt bréfi dags. 14. júní 2019 varðandi breytingu á deiliskipulagi RÚV-reits vegna lóðarinnar nr. 7 við Efstaleiti. Í breytingunni felst stækkun byggingarreits ofanjarðar vegna stigahúss og lyftu, aukningu á byggingarmagni ofanjarðar og breytta skilgreiningu á notkun, samkvæmt uppdrætti ASK Arkitekta ehf. dags. 14. júní 2019.
Vísað til meðferðar hjá verkefnisstjóra.
13.19 Skerjafjörður, landfylling í Nýja Skerjafirði
Lagt fram bréf Skipulagsstofnunar dags. 18. júlí 2019 þar sem óskað er efir umsögn um gerð landfyllingar fyrir íbúðarbyggð í Skerjafirði.
Vísað til umsagnar verkefnisstjóra.
14.19 Iðunnarbrunnur 11, Tvíbýlishús
Lagt fram erindi frá afgreiðslufundi byggingarfulltrúa frá 23. júlí 2019 þar sem sótt er um leyfi fyrir staðsteyptu, tvílyftu, tvíbýlishúsi með innbyggðum bílskúr á lóð nr. 11 við Iðunnarbrunn.
Stærðir: 1. hæð 94,6 ferm., 283,8 rúmm 2. hæð 185,1 ferm., 564,5rúmm. Heildarstærð: 279,7 ferm,., 848,3 rúmm. Erindinu fylgir mæliblað 2.693.4, hæðablað dags. í september 2009, greinagerð hönnuða dags. 11. júní 2019 og skoðunarskýrsla hönnuðar dags. 11. júní 2019. Greinagerð og skoðunarskýrsla hönnuðar mótt 4. júlí 2019 með sömu dagsetningu og áður, bréf hönnuðar dags. 18. júlí 2019 og greinagerð hönnuða dags. 18. júlí 2019.
Gjald kr. 11.200

Vísað til umsagnar verkefnisstjóra.
15.19 Teigasel 1-11, (fsp) breyting á lóðamörkum
Lögð fram fyrirspurn skrifstofu framkvæmda og viðhalds dags. 30. júlí 2019 um breytingu á lóðamörkum lóðarinnar nr. 1-11 við Laugateig vegna afmörkunar leiksvæðis.

Vísað til umsagnar verkefnisstjóra.
16.19 Hólmaslóð 6, breyting á deiliskipulagi
Á embættisafgreiðslufundi skipulagsfulltrúa 19. júlí 2019 var lögð fram umsókn ASK Arkitekta ehf. dags 28. júní 2019 varðandi breytingu á deiliskipulagi Vesturhafnar Örfirisey vegna lóðarinnar nr. 6 við Hólmaslóð. Í breytingunni felst breyting á þakflötum í þaksvalir samkvæmt deiliskipulagsuppdrætti ASK Arkitekta ehf. dags. 28. júní 2019.
Vísað til meðferðar hjá verkefnisstjóra.
17.19 Ásvallagata 25, Svalir - annarri, þriðju og rishæð
Lagt fram erindi frá afgreiðslufundi byggingarfulltrúa frá 23. júlí 2019 þar sem sótt er um leyfi til að byggja svalir á 2., 3. og rishæð í íbúðarhúsi á lóð nr. 25 við Ásvallagötu.
Erindi fylgir ódagsett samþykki húseigenda áritað á uppdrátt dags. 11. júlí 2019, undirritað umboð eiganda íbúðar 0301 dags. 11. júní 2019 og umboð eiganda íbúðar 0001 dags. 11. júní 2019 auk skýrslu burðarþolshönnuðar dags. 14. júlí 2019. Einnig lögð fram umsögn skipulagsfulltrúa dags. 9. ágúst 2019.
Gjald kr. 11.200

Umsögn skipulagsfulltrúa dags. 9. ágúst 2019 samþykkt.
18.19 Engjasel 70-86, 70-72 - Klæðning - gluggabreyting - breyting á svölum o.fl.
Á embættisafgreiðslufundi skipulagsfulltrúa 19. júlí 2019 var lagt fram erindi frá afgreiðslufundi byggingarfulltrúa frá 16. júlí 2019 þar sem sótt er um leyfi til þess að klæða norðvestur gafl og suðvestur- og norðausturhlið, með sléttri álklæðningu, setja opnanleg gluggafög í stigagang og íbúðir á norðvesturhlið, breyta veltigluggum, setja svalahurðir í stað glugga á suðvesturhlið jarðhæðar ásamt því að skipta steyptum svalahandriðum út með léttum ál-gler handriðum á fjölbýlishúsi nr. 70-72 á lóð nr. 70-86 við Engjasel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. ágúst 2019.
Erindi fylgir umsögn burðarvirkishönnuðar dags. 24. júní 2019, dagskrá, mætingarlisti og fundargerð frá fundi Húsfélags Engjasels 70-72 dags. 9. maí 2019, og umboð íbúðareiganda dags. 5. maí 2019. Gjald kr. 11.200

Umsögn skipulagsfulltrúa dags. 9. ágúst 2019 samþykkt.
19.19 Bergstaðastræti 29, Nýbygging
Á embættisafgreiðslufundi skipulagsfulltrúa 19. júlí 2019 var lagt fram erindi frá afgreiðslufundi byggingarfulltrúa frá 16. júlí 2019 þar sem sótt er um leyfi til byggja mhl. 02 sem er tveggja hæða steinsteypt íbúðarhús á lóð nr. 29 við Bergstaðastræti, samkvæmt uppdr. Grímu arkitekta ehf. dags. 9. júlí 2019. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. ágúst 2019.
Stærð mhl.02: 226,7 ferm., 682,4 rúmm. Útskrift úr gerðabók embættisafgreiðslufundar skipulagsfulltrúa frá 18. janúar 2019 fylgir erindi, ásamt umsögn skipulagsfulltrúa dags. 24. maí 2019. Erindi var grenndarkynnt fyrir hagsmunaaðilum að Bergstaðastræti 27, 27B, 31 og 31A og Óðinsgötu 16, 16B, 18B, 18C og 20A frá 5. nóvember 2018 til og með 3. desember 2018. Eftirtaldir aðilar sendu athugasemdir: Húseigendafélagið f.h. Telmu Hrund Jóhannesdóttur dags. 29. nóvember 2018, Brynja Aðalsteinsdóttir dags. 30. nóvember 2018, Berglind Sigurðardóttir f.h. eigenda að Bergstaðastræti 31A og Helga Berglind Atladóttir og Bjarni Már Bjarnason dags. 1. desember 2018, Sigurður Atli Atlason dags. 2. desember 2018 og Halldóra Jónsdóttir, Sigurður Páll Árnason, Ísold Jakobsdóttir og Benedikt Óttar Snæbjörnsson dags. 3. desember 2018. Gjald kr. 11.000

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 9. ágúst 2019.
20.19 Grasarimi 28, Tengibygging
Á embættisafgreiðslufundi skipulagsfulltrúa dags. 5. júlí 2019 var lagt er fram erindi frá afgreiðslufundi byggingarfulltrúa frá 2. júlí 2019 þar sem sótt er um leyfi til að byggja sólstofu til suðurs frá stofu ásamt tengibyggingu á milli íbúðarhúss og bílskúrs á lóð nr. 28 við Grasarima. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. ágúst 2019.
Gjald kr. 11.200


Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 9. ágúst 2019.
21.19 Skólavörðustígur 16, breyting á deiliskipulagi
Að lokinni grenndarkynningu er lögð fram að nýju umsókn Kristjáns Bjarnasonar dags. 26. mars 2019 varðandi breytingu á deiliskipulagi reits 1.181.0 vegna lóðarinnar nr. 16 við Skólavörðustíg. Í breytingunni felst að porti suðvestan til í húsinu er lokað að hluta og komið fyrir flóttastiga. Við breytinguna hækkar nýtingarhlutfall lóðarinnar, samkvæmt uppdr. Arkitektastofunnar Austurvöllur ehf. dags. 2. febrúar 2019 br. 20. apríl 2019. Einnig er lagt fram samþykki hluta meðlóðarhafa dags. 28. desember 2017. Jafnframt er lagður fram tölvupóstur Hafdísar Perlu Hafsteinsdóttur dags. 24. júlí 2019 þar sem óskað er eftir framlengingu á athugasemdarfresti. Tillagan var grenndarkynnt frá 27. júní 2019 til og með 2. ágúst 2019. Eftirtaldir aðilar sendu athugasemdir: Hafdís Perla Hafsteinsdóttir dags. 25. júlí 2019, Haraldur Hauksson og Sigrún Kristjánsdóttir dags. 25. júlí 2019, Reinhold Þorvaldur Kristjánsson og Sólveig Pétursdóttir dags. 25. júlí 2019.

Vísað til umsagnar verkefnisstjóra.
22.19 Langholtsvegur 29, Flóttastigi - svalahurð
Lagt fram erindi frá afgreiðslufundi byggingarfulltrúa frá 30. júlí 2019 þar sem sótt er um leyfi til að gera svalahurð á herbergi 2. hæðar og léttan flóttastiga á norðurhlið húss á lóð nr. 29 við Langholtsveg.
Erindi fylgir hæðablað dags. maí 2019 og nóvember 2004, umsögn skipulags dags. 18. janúar 2019 og tp til hönnuðar dags. 18. mars 2019. Gjald kr. 11.200

Vísað til umsagnar verkefnisstjóra.
23.19 Síðumúli 21, (fsp) breyting á notkun
Á embættisafgreiðslufundi skipulagsfulltrúa 19. júlí 2019 var lögð fram fyrirspurn Brynjólfs Nikulásar Jónssonar dags 20. júní 2019 varðandi breytingu á notkun hússins á lóð nr. 21 við Síðumúla, fnr. 227-8409, úr skrifstofu í íbúðarhúsnæði eða hótel. Fyrirspurn var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 9. ágúst 2019..

Umsögn skipulagsfulltrúa dags. 9. ágúst 2019 samþykkt.
24.19 Hofteigur 42, (fsp) kvistur
Lögð fram fyrirspurn Helgu Ágústsdóttir og Marco Solimene dags. 1. júlí 2019 um að setja kvist bakhlið hússins á lóðinni nr. 42 við Hofteig.

Vísað til umsagnar verkefnisstjóra.
25.19 Freyjugata 30, Byggja nýjan bílskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 28. maí 2019 þar sem sótt er um leyfi til þess að byggja bílskúr á lóð nr. 30 við Freyjugötu. Erindi var grenndarkynnt frá 26. júní 2019 til og með 24. júlí 2019. Engar athugasemdir bárust. Einnig lagt fram bréf Óskars Jónssonar dags. 3. júlí 2019.
Erindi fylgir samþykki meðeiganda á lóð dags. 7. maí 2019.
Stærð: 66,0 ferm., 221,2 rúmm. Stækkun: 26,0 ferm., 105,7 rúmm. Útskrift úr gerðabók embættisafgreiðslufundar skipulagsfulltrúa frá 24. maí 2019 fylgir erindi, ásamt umsögn skipulagsfulltrúa dags. 24. maí 2019. Gjald kr. 11.200

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

26.19 Barðavogur 30, (fsp) breyting á notkun bílskúrs
Á embættisafgreiðslufundi skipulagsfulltrúa 19. júlí 2019 var lögð fram fyrirspurn Evu Sólveigar Þórðardóttur dags. 15. júlí 2019 um breytingu á notkun bílskúrs á lóð nr. 30 við Barðavog í íbúð. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 9. ágúst 2019.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 9. ágúst 2019
27.19 Þjóðhildarstígur 2-6, nr. 2 - ósk um umsögn
Lagt fram erindi skrifstofu borgarstjórnar dags. 1. júlí 2019 þar sem óskað er eftir umsögn vegna umsagnarbeiðni Lyfjastofnunar dags. 25.júní 2019 varðandi nýtt Lyfsöluleyfi að Þjóðhildarstíg 2, Þjóðhildarstígur 2-6.

Vísað til umsagnar verkefnisstjóra.
28.19 Bústaðavegur/Kringlumýrarbraut, framkvæmdaleyfi
Lögð fram umsókn Vegagerðarinnar dags. 15. júlí 2019 um framkvæmdaleyfi vegna m.a. gerðs fráreinar í akstursstefnu til austurs og breikkun rampa til suðurs á Kringlumýrarbraut ásamt breytingu á akstursleið inn á rampann frá norðurakbraut Bústaðavegar og setja ný umferðarljós á rampann. Einnig er lagt fram teikningarsett Hnit verkfræðistofu dags. 10. júlí 2019.

Vísað til umsagnar verkefnisstjóra.
29.19 Laugavegur 76, breyting á skilmálum deiliskipulags
Lögð fram umsókn Mariu Maximciuc dags. 23. júlí 2019 varðandi breytingu á skilmálum deiliskipulags reits 1.174.2 vegna lóðarinnar nr. 76 við Laugaveg. Í breytingunni felst að breytt er texta í skilmálum varðandi nýtingu húsnæðis á jarðhæð, heimilt verði að hafa verslun/þjónustu á rými 102 á jarðhæð, samkvæmt tillögu Sei ehf. dags. 23. júlí 2019.

Vísað til skipulags- og samgönguráðs.
Vakin er athygli á að erindið fellur undir lið 8.2 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
30.19 Bárugata 19, (fsp) hús á baklóð
Lögð fram fyrirspurn Sigríðar Ásgeirsdóttur dags. 12. júlí 2019 ásamt bréfi dags. 10. júlí 2019 um að byggja lítið hús/vinnustofu á baklóð að Bárugötu 19. Einnig lögð fram umsögn skipulagsfulltrúa dags. 26. júlí 2019.


Ekki er gerð athugasemd við erindið með vísan til umsagnar skipulagsfulltrúa dags. 26. júlí 2019. Byggingarleyfisumsókn verður grenndarkynnt berist hún.
31.19 Stýrimannastígur 9, (fsp) innkeyrsla á lóð
Á embættisafgreiðslufundi skipulagsfulltrúa 19. júlí 2019 var lögð fram fyrirspurn Magnúsar Jóns Björnssonar dags. 11. júlí 2019 ásamt greinargerð dags. 11. júlí 2019 um að gera innkeyrslu á lóð nr. 9 við Stýrimannastíg svo unnt sé að hlaða rafmagnsbíl. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 8. ágúst 2019.

Neikvætt, með vísan til umsagnar skipulagsfulltrúa dags. 8, ágúst 2019.
32.19 Háskóli Íslands, breyting á deiliskipulagi vegna lóðanna nr. 41-43 við Suðurgötu og 29 og 31 við Hringbraut
Á embættisafgreiðslufundi skipulagsfulltrúa 28. júní 2019 var að lokinni auglýsingu lögð fram að nýju umsókn Andrúms arkitekta ehf. dags. 21. febrúar 2019 ásamt bréfi dags. 20. febrúar 2019 varðandi breytingu á deiliskipulagi Háskóla Íslands, austan Suðurgötu, vegna lóðanna nr. 41-43 við Suðurgötu og 29 og 31 við Hringbraut. Í breytingunni felst að fjölga stúdentaíbúðum á háskólasvæðinu með stækkun á Gamla Garði með viðbyggingu og hugsanlegri nýtingu Stapa sem stúdentaíbúða, samkvæmt uppdr. Andrúms arkitekta ehf. dags. 15. febrúar 2019. Einnig er lögð fram umsögn Minjastofnunar íslands dags. 15. apríl 2019 og hljóðvistarskýrsla Verkfræðistofunnar Eflu dags. 15. febrúar 2019. Tillagan var auglýst frá 13. maí 2019 til og með 24. júní 2019. Eftirtaldir aðilar sendu athugasemdir: Guðfinna Guðmundsdóttir dags. 19. júní 2019. Erindinu var vísað til umsagnar verkefnisstjóra .

Vísað til skipulags- og samgönguráðs.
33.19 Fiskislóð 41, breyting á deiliskipulagi
Lögð fram umsókn Guðmundar Odds Víðissonar dags. 22. júlí 2019 ásamt greinargerð dags. 19. júní 2019 varðandi breytingu á deiliskipulagi Vesturhafnar - Örfirisey vegna lóðarinnar nr. 41 við Fiskislóð. Í breytingunni felst að hækka nýtingarhlutfall í 1,0 ofanjarðar, bygging á lóðinni megi fara í 14 metra að hluta í stað 12 metra, koma fyrir bílgeymslu í kjallara og samræma bílastæðakröfur samkvæmt bíla- og hjólastæðastefnu í Reykjavík, samkvæmt tillögu DAP ehf. ódags. Einnig er lagt fram bréf Faxaflóahafna dags. 9. mars 2019.

Vísað til meðferðar verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
34.19 Stórhöfði 37, (fsp) breyting á deiliskipulagi
Lögð fram fyrirspurn Jóns Hrafns Hlöðverssonar dags. 31. júlí 2019 ásamt greinargerð dags. 31. júlí 2019 um breytingu á deiliskipulagi Ártúnshöfða vegna lóðarinnar nr. 37 við Stórhöfða sem felst í stækkun hússins á lóð nr. 37 við Stórhöfða, samkvæmt uppdr. Mansard teiknistofu ehf. dags. 31. júlí 2019.

Vísað til umsagnar verkefnisstjóra.
35.19 Skógarhlíð 22, Þóroddsstaðir, breyting á deiliskipulagi
Að lokinni auglýsingu er lögð fram að nýju umsókn Hornsteina arkitekta ehf. mótt. 1. desember 2016 varðandi breytingu á deiliskipulagi Skógarhlíðar vegna lóðarinnar nr. 22 við Skógarhlíð. Í breytingunni felst að að skilgreina notkun lóðarinnar undir íbúðabyggð og heimila uppbyggingu húsnæðis sem tekur mið af formgerð Þóroddsstaða. Heimilt verði að byggja allt að 18 íbúðir á lóðinni, að hámarki 6 íbúðir í núverandi húsi (Þóroddsstöðum) og að hámarki 12 íbúðir í nýbyggingunni, samkvæmt deiliskipulags- og skýringaruppdr. Hornsteina arkitekta ehf. dags. janúar 2018. Einnig er lögð fram drög að greinargerð, ódags., umsögn Borgarsögusafns Reykjavíkur dags. 28. mars 2017 og umsögn Minjastofnunar Íslands dags. 8. maí 2017. Tillagan var auglýst frá 26. mars 2018 til og með 7. maí 2018. Eftirtaldir aðilar sendu athugasemdir: Anna Úrsúla dags. 26. mars 2018, undirskriftarlisti 12 aðila dags. 7. maí 2018 og Veitur dags. 7. maí 2018. Einnig er lagt fram bréf Karim Askari forstjóra stofnunar múslima á Íslandi dags. 6. apríl 2018. Einnig er lögð fram umsögn skipulagsfulltrúa dags. 22. júní 2018. Jafnframt er lagður fram tölvupóstur Skipulagsstofnunar dags. 6. maí 2019 þar sem stofnunin áréttar að þar sem ekki er möguleiki á að birta auglýsingu um gildistöku skipulagsins innan árs frá því að skipulagsfresti lauk (sbr. 2. mgr. 42. gr. Skipulagslaga) þarf það að fara aftur í gegnum samþykktir og auglýsingu sbr. 41. gr. Tillagan var auglýst að nýju frá 31. maí 2019 til og með 12. júlí 2019. Eftirtaldir sendu athugasemd/umsögn: Veitur ohf. dags. 12. júlí 2019. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 19. júlí 2019 og er nú lagt fram að nýju.
Vísað til skipulags- og samgönguráðs.
36.19 Laugavegur 47, (fsp) veitingastaður í flokki II
Lögð fram fyrirspurn Kokka ehf. dags. 30. júlí 2019 um hvort samræmist gildandi skipulagi að vera með veitingastað í flokki II á 2. hæð hússins á lóð nr. 47 við Laugaveg. Einnig er lögð fram umsögn skipulagsfulltrúa dags. 1. ágúst 2019.
Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 1. ágúst 2019.
37.19 Hvalfjarðarsveit, skipulagslýsing fyrir aðalskipulag
Lagt fram erindi skipulags- og umhverfisfulltrúa Hvalfjarðarsveitar dags. 19. júlí 2019 þar sem kynnt er skipulagslýsing fyrir aðalskipulag Hvalfjarðarsveitar 2020-2032. Í lýsingartillögunni leggur sveitarstjórn áherslu á að marka skýra stefnu um atvinnuuppbyggingu í tengslum við iðnað, ferðaþjónustu og landbúnað. Endurskoðun á stefnu er varðar íbúðar- og frístundabyggð, samgöngur og verndarsvæði.
Vísað til umsagnar deildarstjóra aðalskipulags.
38.19 Faxaflóahafnir sf., tillaga að breytingu á reglugerð
Lagt fram bréf Faxaflóahafna sf. dags. 30. júlí 2019 þar sem óskað er eftir umsögn á tillögu að breytingu á reglugerð Faxaflóahafna sf. sem m.a. tekur til orðalags reglugerðarinnar og hafnarmarka á sjó og landi.
Vísað til umsagnar deildarstjóra aðalskipulags.