Brekkustígur 6B, Hofteigur 4, Njálsgata 9-11, Rökkvatjörn 3, Ármúli 7, Fellsmúli 5-11, Fossaleynir 19-23, Lyngháls 1, Miðtún 82, Salthamrar 1, Gufunes, Skemmtigarður, Kjalarnes, Hrafnhólar, Klettháls 3, Hraunbær 133, Bárugata 10, Bragagata 35, Friggjarbrunnur 23A, Silfratjörn 26-32, Brautarholt 18, Brautarholt 20, Melgerði 17, Freyjugata 30, Freyjugata 42, Laugavegur 55, Njarðargata 45, Njörvasund 6, Bergþórugata 55, Laugarásvegur 75, Laugavegur 107, Laugavegur 144, Suðurgata 41, Þjóðminjasafn, Hringbraut Landsp., Lindargata 50, Ránargata 8A, Sóleyjargata 13, Vesturgata 51C,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

730. fundur 2019
Ár 2019, föstudaginn 31. maí kl. 09:10, hélt skipulagsfulltrúi Reykjavíkur 730. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Hildur Gunnarsdóttir, Lilja Grétarsdóttir, Guðlaug Erna Jónsdóttir, Björn Ingi Edvardsson, Hrafnhildur Sverrisdóttir, Jón Kjartan Ágústsson og Birkir Ingibjartsson. Ritari var Björgvin Rafn Sigurðarson.
Þetta gerðist:

1.19 Brekkustígur 6B, Hæð og ris ofan á þegar byggt hús
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. apríl 2019 þar sem sótt er um leyfi til að byggja hæð og ris, og svalir og útistiga á bakhlið einbýlishúss á lóð nr. 6B við Brekkustíg. Erindi var grenndarkynnt frá 30. apríl 2019 til og með 28. maí 2019. Eftirtaldir aðilar sendu athugasemdir: Sigrún L. Baldvinsdóttir dags. 18. maí 2019 og Aðalsteinn Smárason, Anna Soffía Gunnarsdóttir, Guðný Margrét Emilsdóttir, Heiðrún Kristjánsdóttir og Ólafur Kvaran dags. 27. maí 2019.
Stækkun: 137,8 ferm., xx rúmm. Stærð eftir stækkun, A-rými: 245,2 ferm., 658,3 rúmm. Gjald: kr. 11.200

Vísað til umsagnar verkefnisstjóra.
2.19 Hofteigur 4, (fsp) - Síkka glugga kjallara
Á embættisafgreiðslufundi skipulagsfulltrúa 25. maí 2019 var lagt fram erindi frá afgreiðslufundi byggingarfulltrúa frá 21. maí 2019 þar sem spurt er hvort leyft yrði að síkka 3 glugga á bakhlið kjallara fjölbýlishúss á lóð nr. 4 við Hofteig. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 28. maí 2019.

Neikvætt, með vísan til umsagnar skipulagsfulltrúa dags. 28. maí 2019.
3.19 Njálsgata 9-11, (fsp) breyting á deiliskipulagi
Lögð fram fyrirspurn Garðars Snæbjörnssonar dags. 5. apríl 2019 um breytingu á deiliskipulagi reits 1.182.1 vegna lóðarinnar nr. 9-11 við Njálsgötu sem felst í að byggingarreit að Njálsgötu 11 verði breytt þannig að hann nái út í byggingarlínu núverandi húss að aftanverðu. Götumegin verði byggingarlína neðri hæðar sú sama og í gildandi deiliskipulagi en byggingarlína efri hæðar nái út að gangstétt, í sömu línu og Njálsgata 13, samkvæmt uppdr. Kurt og Pí ehf. dags. 3. apríl 2019.

Vísað til umsagnar verkefnisstjóra.
4.19 Rökkvatjörn 3, breyting á deiliskipulagi
Lögð fram umsókn Plúsarkitekta ehf. dags. 15. apríl 2019 varðandi breytingu á deiliskipulagi Úlfarsárdals vegna lóðarinnar nr. 3 við Rökkvatjörn. Í breytingunni felst stækkun á byggingarreit fjölbýlishúss og fjölgun bílastæða úr 7 í 9 ásamt sleppistæði fyrir akstursþjónustu, samkvæmt uppdr. Plúsarkitekta ehf. dags. 12. apríl 2019. Einnig er lagður fram tölvupóstur Eignar og atvinnuþróunar Reykjavíkurborgar dags. 29. maí 2019.


Samþykkt að stytta grenndarkynningarferli þar sem að samþykki hagsmunaaðila liggur fyrir.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
5.19 Ármúli 7,
Að lokinni grenndarkynningu er lögð fram að nýju umsókn THG Arkitekta ehf. dags. 23. janúar 2019 varðandi breytingu á deiliskipulagi Suðurlandsbrautar, Hallarmúla, Ármúla og Vegmúla vegna lóðarinnar nr. 7 við Ármúla. Í breytingunni felst að tengja núverandi byggingar Ármúla 7 við rekstur hótelsins í Ármúla 9, bæta inndreginni hæð ofan á tengibyggingu, byggingarreitur við tengibyggingu verður færður inn frá Ármúla og í staðinn færist byggingarreitur út við vesturgafl þar sem ný flóttaleið verður byggð, samkvæmt uppdr. THG Arkitekta ehf. dags. 23. janúar 2019. Tillagan var grenndarkynnt frá 25. febrúar 2019 til og með 25. mars 2019. Engar athugasemdir bárust. Erindinu var frestað á embættisafgreiðslufundi skipulagsfulltrúa 29. mars 2019 og er nú lagt fram að nýju ásamt samþykki meðlóðarhafa dags. 24. maí 2019.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
6.19 Fellsmúli 5-11, 9-11 - Klæðning, endurnýja svalir
Á embættisafgreiðslufundi skipulagsfulltrúa 17. maí 2019 var lagt fram erindi frá afgreiðslufundi byggingarfulltrúa frá 14. maí 2019 þar sem sótt er um leyfi til að klæða suðurhlið og vesturgafl sléttri álklæðningu ásamt því að endurnýja svalir og svalahandrið á húsi 9-11 á lóð 5-11 við Fellsmúla. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. maí 2019.
Erindi fylgir fundargerð Húsfélagsins Fellsmúla 9-11 haldinn þann 12. mars 2019 og umsögn burðarvirkishönnuðar dags. 30. apríl 2019. Gjald kr. 11.200

Umsögn skipulagsfulltrúa dags. 31. maí 2019 samþykkt.
7.19 Fossaleynir 19-23, (fsp) fara út fyrir byggingarreit
Lögð fram fyrirspurn Gunnlaugs Johnsonar dags. 22. maí 2019 um að fara lítillega út fyrir byggingarreit í norðausturhorni lóðarinnar nr. 19-23 við Fossaleynir, samkvæmt uppdr. Gunnlaugs Johnsonar dags. 23. maí 2019.

Vísað til umsagnar verkefnisstjóra.
8.19 Lyngháls 1, breyting á deiliskipulagi
Á embættisafgreiðslufundi skipulagsfulltrúa 17. maí 2019 var lögð fram umsókn Arkís arkitekta ehf. dags. 15. apríl 2019 varðandi breytingu á deiliskipulagi Hálsahverfis vegna lóðarinnar nr. 1 við Lyngháls. Í breytingunni felst að afmarkaður er byggingarreitur ofan á núverandi byggingu og hann verði hluti af heildarbyggingarmagni sem leyfilegt er að byggja á lóðinni og hámarksbyggingarmagn lóðar fari úr 1,0 í 1,1, samkvæmt uppdr. Arkís arkitekta ehf. dags. 15. apríl 2019. Erindinu var vísað til meðferðar hjá verkefnisstjóra og er nú lagt fram að nýju.
Samþykkt að grenndarkynna framlagða tillögu fyrir hagsmunaaðilum að Lynghálsi 2, 3 og 4, Krókhálsi 1, 3 og 4, Fosshálsi 1 og Réttarhálsi 2.

Vakin er athygli á að greiða þarf fyrir grenndarkynningu skv. gr. 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018. Grenndarkynning hefst þegar greitt hefur verið fyrir kynningu.
9.19 Miðtún 82, (fsp) - Samþykkt á áður gerðri íbúð
Á fundi skipulags- og samgönguráðs 15. maí 2019 var lagt fram bréf Sigurðar Harðarsonar f.h. eigenda að fasteigninni Miðtún 82 dags. 8. apríl 2019 til skipulags- og samgönguráðs þar sem farið er fram á grein um hámarksfjölda íbúða á lóð í samþykktu deiliskipulagi Túna frá 27.október 2010 verði endurskoðuð. Erindinu var vísað til umsagnar umhverfis- og skipulagssviðs, skipulagsfulltrúa og er nú lagt fram að nýju.

Vísað til skipulags- og samgönguráðs.
10.19 Salthamrar 1, (fsp) stækkun húss
Lögð fram fyrirspurn Kollgátu ehf. dags. 24. maí 2019 ásamt bréfi dags. 24. maí 2019 um stækkun hússins á lóð nr. 1 við Salthamra um 4,7 m. (23. fm.) til suðvesturs, samkvæmt uppdr. Kollgátu ehf. dags. 23. maí 2019.

Vísað til umsagnar verkefnisstjóra.
11.19 Gufunes, Skemmtigarður, breyting á deiliskipulagi
Á embættisafgreiðslufundi skipulagsfulltrúa 25. maí 2019 var lögð fram umsókn Fjöreflis ehf. dags. 17. maí 2019 ásamt greinargerð verkfræðistofunnar Efla dags. 20. maí 2019 varðandi breytingu á deiliskipulagi Gufuness. Í breytingunni felst m.a. að byggingareitir eru stækkaðir umtalsvert innan afnotasvæðis, gólfkóti bygginga hækkaður um 2 m, úr 19 í 21 m. Byggingarmagn aukið um 600 fm. og bráðabirgðareitur sameinaður nýjum byggingareit og heimilt er að vera með allt að 30 smáhýsi á afnotasvæðinu, hámarksstærð að grunnfleti 45 fm hvert hús, hámarkshæð í mæni húss 5,5 m frá gólfkóta o.fl. Sjá nánar uppdrætti verkfræðistofunnar Efla dags. 20. maí 2019. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs.

Vakin er athygli á að greiða þarf fyrir grenndarkynningu ef til auglýsingar á tillögunni kemur skv. gr. 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
12.19 Kjalarnes, Hrafnhólar, (fsp) gróðurhús og kæli- og frystigeymsla
Lögð fram fyrirspurn Salvarar Jónsdóttur dags. 7. maí 2019 ásamt greinargerð dags. 7. maí 2019 um að reisa tvö gróðurhús á jörðinni Hrafnhólar á Kjalarnesi ásamt kæli- og frystigeymslu, samkvæmt uppdr. VA arkitekta ehf. dags. 6. maí 2019.

Vísað til umsagnar verkefnisstjóra.
13.19 Klettháls 3, staðsetning ökutækjaleigu
Lagt fram bréf Samgöngustofu dags. 27. maí 2019 þar sem óskað er eftir umsögn vegna umsóknar Herjólfs Guðbjartssonar f.h. Artic Trucks ehf. um að reka ökutækjaleigu að Kletthálsi 3. Sótt er um leyfi fyrir 9 ökutækjum í útleigu. Einnig er lögð fram umsögn skipulagsfulltrúa dags. 31. maí 2019.

Umsögn skipulagsfulltrúa dags. 31. maí 2019 samþykkt.
14.19 Hraunbær 133, (fsp) breyting á deiliskipulagi
Lögð fram fyrirspurn Gísla Reynissonar dags. 22. maí 2019 um breytingu á deiliskipulagi Bæjarháls-Hraunbæjar vegna reits A, Hraunbær 133, sem felst í að heimilt verði fjölga íbúðum á reitnum um 10 þannig að í stað 58 íbúða verði 68 íbúðir.

Vísað til umsagnar verkefnisstjóra.
15.19 Bárugata 10, (fsp) svalir
Á embættisafgreiðslufundi skipulagsfulltrúa 10. maí 2019 var lögð fram fyrirspurn Helgu S. Knudsen Hilmarsdóttur dags. 18. mars 2019 um að setja svalir á 1. hæð hússins á lóð nr. 10 við Bárugötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. maí 2019.

Neikvætt, með vísan til umsagnar skipulagsfulltrúa dags. 31. maí 2019.
16.19 Bragagata 35, (fsp) niðurrif og uppbygging
Lögð fram fyrirspurn Kristjönu Margr. Sigurðardóttur dags. 20. maí 2019 ásamt bréfi dags. 15. maí 2019 um að rífa niður húsið á lóð nr. 35 við Bragagötu og byggja nýtt 3. hæða hús, samkvæmt uppdr. T.ark Arkitekta ehf. dags. 11. apríl 2019.

Vísað til umsagnar verkefnisstjóra.
17.19 Friggjarbrunnur 23A, breyting á deiliskipulagi
Lögð fram umsókn Freys Gústavsson dags. 21. maí 2019 dags. 25. mars 2019 ásamt beiðni íbúa og lóðarhafa við Friggjarbrunn 23-41 dags. 25. mars 2019 um breytingu á deiliskipulagi Úlfarsárdals vegna lóðarinnar nr. 23A við Friggjarbrunn. Í breytingunni felst að lóð verði skipt upp í annars vegar lóð sem tilheyrir Friggjarbrunni 23 og hins vegar borgarlandi.

Vísað til umsagnar verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
18.19 Silfratjörn 26-32, (fsp) hæðarkótar
Lögð fram fyrirspurn Stéttarfélagsins ehf. dags. 22. maí 2019 um að hafa tvo hæðarkóta á botnplötum raðhússins á lóð nr. 26-32 við Silfratjörn í stað fjögurra, samkvæmt skissu ódags. Einnig er lögð fram umsögn skipulagsfulltrúa dags. 31. maí 2019.

Umsögn skipulagsfulltrúa dags. 31. maí 2019 samþykkt.
19.19 Brautarholt 18, Bætt við einni hæð - smáíbúðir og verslun
Lagt fram erindi frá afgreiðslufundi byggingarfulltrúa frá 28. maí 2019 þar sem sótt er um leyfi til að byggja inndregna 5. hæð ofan á hús og innrétta 22 íbúðir á 2. - 5. hæð, stækka glugga, koma fyrir svölum, byggja stiga- og lyftuhús og hjóla- og vagnageymslur sem verða sameiginlegar með húsi nr. 20 á baklóð húss á lóð nr. 18 við Brautarholt.
Erindi fylgir greinargerð hönnuða um ábyrgðarsvið dags. 8. apríl 2019, heildarleiðnitap dags. 16. janúar 2019 og greinargerð hönnuða dags. 30. apríl 2019. Stækkun: xx ferm., xx rúmm. Eftir stækkun, mhl. 01: 1.379,8 ferm., 4.861,8 rúmm. Mhl. 02: 132,3 ferm., 377 rúmm. Gjald kr. 11.200

Vísað til umsagnar verkefnisstjóra.
20.19 Brautarholt 20, Breyting utanhúss og bætt við einni hæð
Lagt fram erindi frá afgreiðslufundi byggingarfulltrúa frá 28. maí 2019 þar sem sótt er um leyfi til að byggja inndregna 5. hæð ofaná hús og innrétta 42 íbúðir á 2. - 5. hæð, stækka glugga, koma fyrir svölum, byggja stiga- og lyftuhús og hjóla- og vagnageymslur sem verða sameiginlegar með húsi nr. 18 á baklóð húss á lóð nr. 20 við Brautarholt.
Erindi fylgir bréf hönnuða um skipulagsforsendur dags. 4. janúar 2018 og minnisblað um brunamál dags. 19. febrúar 2018. Stækkun: xx ferm., xx rúmm. Eftir stækkun, mhl. 01: 2.768,5 ferm., 9.829,2 rúmm. Mhl. 02: 41,4 ferm., 123,3 rúmm. Gjald kr. 11.200

Vísað til umsagnar verkefnisstjóra.
21.19 Melgerði 17, Breyta efri hæð og byggja sólstofu
Á embættisafgreiðslufundi skipulagsfulltrúa 17. maí 2019 var lagt fram erindi frá afgreiðslufundi byggingarfulltrúa frá 14. maí 2019 þar sem sótt er um leyfi til að byggja sólstofu við austurhlið og til að rífa kvisti og byggja nýja, koma fyrir þakgluggum, gera yfirbyggðar svalir á vesturhlið og breyta innra skipulagi efri hæðar ásamt því að gerð er grein fyrir áður gerðum bílskúr á lóð einbýlishúss á lóð nr. 17 við Melgerði, samkvæmt uppdr. Arkiteo ehf. dags. 23. apríl 2019. Erindinu var vísað til meðferðar hjá verkefnisstjóra og er nú lagt fram að nýju.
Stækkun: 67 ferm., 184,5 rúmm. Gjald kr. 11.200

Samþykkt að grenndarkynna framlagða tillögu fyrir hagsmunaaðilum að Melgerði 14, 15, 16, 18 og 19 og Hlíðargerði 10, 12 og 14.

Vakin er athygli á að greiða þarf fyrir grenndarkynningu skv. gr. 8.1 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018. Grenndarkynning hefst þegar greitt hefur verið fyrir kynningu
22.19 Freyjugata 30, Byggja nýjan bílskúr
Lagt fram erindi frá afgreiðslufundi byggingarfulltrúa frá 28. maí 2019 þar sem sótt er um leyfi til þess að byggja bílskúr á lóð nr. 30 við Freyjugötu.
Erindi fylgir samþykki meðeiganda á lóð dags. 7. maí 2019.
Stærð: 66,0 ferm., 221,2 rúmm. Stækkun: 26,0 ferm., 105,7 rúmm. Útskrift úr gerðabók embættisafgreiðslufundar skipulagsfulltrúa frá 24. maí 2019 fylgir erindi, ásamt umsögn skipulagsfulltrúa dags. 24. maí 2019. Gjald kr. 11.200

Samþykkt að grenndarkynna framlagða tillögu fyrir hagsmunaaðilum að Sjafnargötu 1 og 3 og Freyjugötu 28 og 32.

Vakin er athygli á að greiða þarf fyrir grenndarkynningu skv. gr. 8.1 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018. Grenndarkynning hefst þegar greitt hefur verið fyrir kynningu

23.19 Freyjugata 42, Svalir
Lagt fram erindi frá afgreiðslufundi byggingarfulltrúa frá 28. maí 2019 þar sem sótt er um leyfi til þess að byggja stálsvalir á suðurhlið 1. hæðar húss nr. 42 við Freyjugötu.
Erindi fylgir samþykki meðeigenda og sumra nágranna að Mímisvegi 8, Sjafnargötu 11, Freyjugötu 40, 44 og 46 auk umsagnar skipulagsfulltrúa dags. 29. ágúst 2017. Gjald kr. 11.200

Vísað til umsagnar verkefnisstjóra.
24.19 Laugavegur 55, (fsp) setja svalir og svalahurð á 4. hæð
Lögð fram fyrirspurn L55 ehf. dags. 16. maí 2019 ásamt bréfi THG Arkitekta ehf. dags. 15. maí 2019 um að setja svalir og svalahurð út frá herbergi á 4. hæð hússins á lóð nr. 55 við Laugaveg. Einnig eru lagðir fram uppdrættir uppdr. THG Arkitekta ehf. dags. 4. apríl br. 30. október 2019 og dags. 4. apríl 2018 br. 28. nóvember 2018.

Vísað til umsagnar verkefnisstjóra.
25.19 Njarðargata 45, Gistiheimili - svalir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 22. janúar 2019 þar sem sótt er um leyfi til gera gististað í flokki ll - tegund b fyrir 10 manns ásamt því að gera svalir á bakhlið á 2. og 3. hæð og bæta brunavarnir í húsi á lóð nr. 45 við Njarðargötu. Erindi var grenndarkynnt frá 29. apríl 2019 til og með 27. maí 2019. Engar athugasemdir bárust.
Útskrift úr gerðabók embættisafgreiðslufundar skipulagsfulltrúa frá 2. mars 2018 fylgir erindinu, ásamt umsögn skipulagsfulltrúa dags. 2. mars 2018 og útskrift úr gerðabók embættisafgreiðslufundar skipulagsfulltrúa frá 20. apríl 2018, ásamt umsögn skipulagsfulltrúa dags. 2. mars 2018. Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

26.19 Njörvasund 6, (fsp) uppbygging á lóð
Lögð fram fyrirspurn Þorsteins Viðarssonar og Hjördísar Árnadóttur mótt. 14. maí 2019 um uppbyggingu á lóð nr. 6 við Njörvasund sem felst í að koma fyrir litlu einbýlishúsi fremst á lóðinni fyrir framan núverandi hús.

Vísað til umsagnar verkefnisstjóra.
27.19 Bergþórugata 55, (fsp) stækkun bakhúss, færsla á svölum o.fl.
Á embættisafgreiðslufundi skipulagsfulltrúa 17. maí 2019 var lögð fram fyrirspurn Garðars Snæbjörnssonar dags. 11. apríl 2019 varðandi endurnýjun og stækkun á núverandi bakhúsi á lóð nr. 55 við Bergþórugötu og gera þar litla tveggja herbergja íbúð, færa svalir á bakhlið húss til vegna breytinga á innri skipulagi og gera litla íbúð í kjallara hússins, samkvæmt uppdr. Kurt og Pí ehf. dags. 11. apríl 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. maí 2019.

Umsögn skipulagsfulltrúa dags. 31. maí 2019 samþykkt.
28.19 Laugarásvegur 75, (fsp) breyting á notkun bílskúrs
Lögð fram fyrirspurn Oddgeirs Þórðarsonar mótt. 16. maí 2019 um að breyta bílskúr við austurhlið húss á lóð nr. 75 við Laugarásveg í íbúð.

Vísað til umsagnar verkefnisstjóra.
29.19 Laugavegur 107, Skilti - Leiðarkerfi Strætó
Lagt fram erindi frá afgreiðslufundi byggingarfulltrúa frá 28. maí 2019 þar sem sótt er um leyfi til að setja upp upplýsingaskilti stærð 2,29m á hæð og 0,83m á breidd og er fyrir leiðakerfi strætó við Hlemm og verður staðsetning norðan megin við húsið á lóð nr. 107 við Laugaveg.
Erindi fylgja tæknilegar upplýsingar frá framleiðanda. Jafnframt er erindi BN054931 dregið til baka. Gjald kr. 11.200

Vísað til umsagnar verkefnisstjóra.
30.19 Laugavegur 144, (fsp) svalir og sólskáli
Á embættisafgreiðslufundi skipulagsfulltrúa 25. maí 2019 var lögð fram fyrirspurn Kristjáns Bjarnasonar dags. 12. maí 2019 um að setja svalir og sólskála á bakhlið hússins á lóð nr. 144 við Laugaveg, samkvæmt uppdr. Arkitektastofunnar Austurvöllur dags. 20. apríl 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. maí 2019.

Umsögn skipulagsfulltrúa dags. 31. maí 2019 samþykkt.
31.19 Suðurgata 41, Þjóðminjasafn, (fsp) skilti
Á embættisafgreiðslufundi skipulagsfulltrúa 10. maí 2019 var lögð fram fyrirspurn Sigurðar Oddssonar dags. 2. apríl 2019 um að setja 1,5 metra breitt og 3 metra hátt skilti á lóð nr. 41 við Suðurgötu, samkvæmt tillögu ódags. Erindinu var Frestað, umsækjandi hafi samband við embætti skipulagsfulltrúa, og er nú lagt fram að nýju ásamt umsögn skipulagsfulltrúa dags. 31. maí 2019.

Umsögn skipulagsfulltrúa dags. 31. maí 2019 samþykkt.
32.19 Hringbraut Landsp., Hjólaskýli fyrir starfsfólk NLSH
Á embættisafgreiðslufundi skipulagsfulltrúa 17. maí 2019 var lagt fram erindi frá afgreiðslufundi byggingarfulltrúa frá 14. maí 2019 þar sem sótt er um leyfi til að byggja létt hjólaskýli sem verður Mhl. XX úr stáli klætt hálfgegnsærri plastklæðningu, óeinangrað og óupphitað á lóð Landsspítalans við Hringbraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 29. maí 2019.
Stærð: 51,7 ferm., 200,6 rúmm. Gjald kr. 11.200

Umsögn skipulagsfulltrúa dags. 29. maí 2019 samþykkt.
33.19 Lindargata 50, Fjölga í 3 íbúðir
Á embættisafgreiðslufundi skipulagsfulltrúa 3. maí 2019 var lagt fram erindi frá afgreiðslufundi byggingarfulltrúa frá 30. apríl 2019 þar sem sótt er um leyfi til að innrétta þrjár íbúðir, færa girðingu á austurhluta lóðar og útbúa bílastæði við einbýlishús á lóð nr. 50 við Lindargötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 24. maí 2019.
Gjald kr. 11.200

Neikvætt, með vísan til umsagnar skipulagsfulltrúa dags. 24. maí 2019.
34.19 Ránargata 8A, Ljúka við áður gerðar breytingar
Lagt fram erindi frá afgreiðslufundi byggingarfulltrúa frá 28. maí 2019 þar sem sótt er um leyfi fyrir áður gerðu glerþaki og burðarvirki og til þess að klára að glerja hliðar sólskála á 1. hæð húss á lóð nr. 8A við Ránargötu.
Erindi fylgir þinglýst samkomulag eigenda lóðanna Ránargötu 8 og 8A dags. 29. júní 2007 ásamt veðbókarvottorði v. Ránargötu 8, útprentuðu 10. apríl 2019. Stækkun: 11,9 ferm., 32,0 rúmm. Gjald kr. 11.200

Vísað til umsagnar verkefnisstjóra.
35.19 Sóleyjargata 13, Breikkun glugga efstu hæð.
Á embættisafgreiðslufundi skipulagsfulltrúa 10. maí 2019 var lagt fram erindi frá afgreiðslufundi byggingarfulltrúa frá 7. maí 2019 þar sem sótt er um leyfi til að stækka glugga á vestanverðri þakhæð fjölbýlishúss á lóð nr. 13 við Sóleyjargötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. maí 2019.
Erindi fylgir samþykki meðeigenda dags. 15. og 16. apríl 2019.
Gjald kr. 11.200

Umsögn skipulagsfulltrúa dags. 31. maí 2019 samþykkt.
36.19 Vesturgata 51C, Hækka ris
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 5. febrúar 2019 þar sem sótt er um leyfi til þess að hækka ris þannig að ný hæð verði þar sem nú er hæð og ris í húsi á lóð nr. 51C við Vesturgötu. Einnig er lögð fram umsögn Minjastofnunar Íslands dags. 25. mars 2019 og umsögn skipulagsfulltrúa dags. 22. mars 2019. Erindi var grenndarkynnt frá 15. apríl 2019 til og með 13. maí 2019. Eftirtaldir aðilar sendu athugasemdir: Sturla Einarsdóttir og Þórunn Björnsdóttir dags. 12. maí 2019. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 17. maí 2019 og er nú lagt fram að nýju.
Stækkun: ferm, rúmmetrar. Vísað er í umsögn Skipulagsfulltrúa Reykjavíkur, dags. 25. apríl 2014, útskrift úr gerðarbók skipulagsfulltrúa, dags. 28. apríl 2014 og umsögn Minjasafns Reykjavíkur, dags. 18. maí 2014. Gjald kr. 11.000

Vísað til skipulags- og samgönguráðs.