Frakkastígur 7, Jarpstjörn 5-11 og 19-27, Laugavegur 20B, Vagnhöfði 7, Urðarbrunnur 30, Vesturgata 29, Þingholtsstræti 27, Bæjarflöt 19, Hávallagata 9, Smárarimi 60, Garðastræti 14, Hverfisgata 98A, 100 og 100A, Egilsgata 32, Einarsnes 30-32, Fossaleynismýri, Grundarstígur 19, Guðrúnartún 8, nr. 10, Hraunbær 123, Kambsvegur 24, Ármúli 7, Grensásvegur 1, Mjölnisholt 4, 6, 8 og 10, Rofabær 7-9, Skaftahlíð 24, Skúlagata 26, Þrastarhólar 6-10, Árskógar 5-7, Bíldshöfði 5, Dugguvogur 10, Fossaleynir 1, Fossaleynir 16, Fossvogur brú, Gufunesvegur 10, Hálsakot, Kjalarnes, Jörfi, Kjalarnes, Sætún, Kjalarnes, Þverárkot, Lambhagavegur 2-4, Úlfarsárdalur, Hafnarfjörður, Barónsstígur 5, Grandagarður 2, Laugavegur 30 og 30B, Bústaðavegur 151 og 153, Holtavegur 28, Hverfisgata 105, Jöldugróf 6, Kringlan 71-93, Nýlendugata 34, Furugerði 23, Langholtsvegur 29, Lokastígur 3, Veghúsastígur 1, Svæðisskipulag höfuðborgarsvæðisins 2040, Hringbraut 106,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

711. fundur 2019
Ár 2019, föstudaginn 11. janúar kl. 09:10, hélt skipulagsfulltrúi Reykjavíkur 711. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Hrafnhildur Sverrisdóttir, Hildur Gunnarsdóttir, Margrét Þormar, Guðlaug Erna Jónsdóttir, Lilja Grétarsdóttir, Björn Ingi Edvardsson, Ingvar Jón B. Gíslason og Sólveig Sigurðardóttir. Ritari var Harri Ormarsson
Þetta gerðist:

1.19 Frakkastígur 7, (fsp) lyfta þaki hússins
Á embættisafgreiðslufundi skipulagsfulltrúa 11. ágúst 2017 var lögð fram fyrirspurn Högna Gunnarssonar, mótt. 10. apríl 2017, um að lyfta þaki hússins á lóð nr. 7 við Frakkastíg. Fyrirspurninni var frestað, umsækjandi hafi samband við embætti skipulagsfulltrúa, og er nú lögð fram að nýju ásamt bréfi skrifstofu sviðsstjóra, dags. 3. nóvember 2017. Einnig er lögð fram skissa mótt. 8. janúar 2019.


Vísað til umsagnar verkefnisstjóra.
2.19 Jarpstjörn 5-11 og 19-27, (fsp) breyting á deiliskipulagi
Lögð fram fyrirspurn Halls Kristmundssonar dags. 21. desember 2018 um breytingu á deiliskipulagi Úlfarsárdals vegna lóðanna nr. 5-11 og 19-27 við við Jarpstjörn sem felst í fjölgun íbúða.

Vísað til umsagnar verkefnisstjóra.
3.19 Laugavegur 20B, (fsp) veitingastaður
Lögð fram fyrirspurn Arnars Hannesar Gestssonar dags. 20. desember 2018 varðandi rekstur veitingastaðar á 3. hæð hússins á lóð nr. 20B við Laugaveg.

Vísað til umsagnar verkefnisstjóra.
4.19 Vagnhöfði 7, (fsp) gististaður/íbúðahótel
Lögð fram fyrirspurn Arkís arkitekta ehf. dags. 7. janúar 2019 ásamt bréfi dags. 18. desember 2018 um að koma fyrir íbúðarhóteli með 10-12 herbergjum á efri hæð hússins á lóð nr. 7 við Vagnhöfða.

Vísað til umsagnar verkefnisstjóra.
5.19 Urðarbrunnur 30, Einbýlishús
Lagt fram erindi frá afgreiðslufundi byggingarfulltrúa frá 8. janúar 2018 þar sem sótt er um leyfi til að byggja einbýlishús með innbyggðri bílgeymslu á þremur pöllum úr Ytong einingum á lóð nr. 30 við Urðarbrunn.
Útskrift úr gerðabók embættisafgreiðslufundar skipulagsfulltrúa frá 30. nóvember 2018 fylgir erindi, ásamt umsögn skipulagsfulltrúa dags. 30. nóvember 2018. Stærð, A-rými: 327,8 ferm., 1.470,9 rúmm. Gjald kr. 11.000

Vísað til umsagnar verkefnisstjóra.
6.19 Vesturgata 29, Bakbygging - salerni og útigeymsla
Á embættisafgreiðslufundi skipulagsfulltrúa 7. desember 2018 var lagt fram erindi frá afgreiðslufundi byggingarfulltrúa frá 4. desember 2018 þar sem sótt er um leyfi til að byggja viðbyggingu við suður- og vesturhlið, og koma þar fyrir sólstofu, salerni og útigeymslu ásamt því að byggja kvist á suðurhlið í húsi á lóð nr. 29 við Vesturgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 11. janúar 2019.
Stækkun: x ferm., x rúmm. Umsagnir Borgarsögusafns dags. 30.10.2018 og Minjastofnunar Íslands dags. 22.10.2018 fylgja erindi ásamt samþykki aðliggjandi lóðarhafa áritað á teikningar. Gjald kr. 11.000

Umsögn skipulagsfulltrúa dags. 11. janúar 2019 samþykkt.
7.19 Þingholtsstræti 27, (fsp) fjölgun íbúða
Á embættisafgreiðslufundi skipulagsfulltrúa 14. desember 2018 var lögð fram fyrirspurn Fjárskipti ehf. mótt. 23. nóvember 2018 um að innrétta tvær íbúðir/fjölga íbúðum á 1. hæð hússins á lóð nr. 27 við Þingholtsstræti, samkvæmt uppdr. Úti og inn arkitekta dags. 27. ágúst 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 11. janúar 2019.

Neikvætt, með vísan til umsagnar skipulagsfulltrúa dags. 11. janúar 2019.
8.19 Bæjarflöt 19, (fsp) færsla á byggingarreit
Á embættisafgreiðslufundi skipulagsfulltrúa 4. janúar 2019 var lögð fram fyrirspurn Vektor, hönnun og ráðgjöf ehf. dags. 20. desember 2018 um að færa byggingarreit lóðarinnar nr. 19 við Bæjarflötu um fimm metra til vesturs (nær Bæjarflöt), samkvæmt uppdr. Vektor, hönnun og ráðgjöf ehf. dags. 14. desember 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 11. janúar 2019.

Neikvætt, með vísan til umsagnar skipulagsfulltrúa dags. 11. janúar 2019.
9.19 Hávallagata 9, breyting á deiliskipulagi
Á embættisafgreiðslufundi skipulagsfulltrúa 30. nóvember 2018 var lögð fram umsókn Páls V. Bjarnasonar dags. 21. nóvember 2018 ásamt bréfi dags. 5. október 2018 varðandi breytingu á deiliskipulagi Hólatorgsreits vegna lóðarinnar nr. 9 við Hávallagötu. Í breytingunni felst stækkun húss, samkvæmt uppdr. P ARK teiknistofu sf. dags. 19. desember 2018. Einnig er lagt fram álit Péturs H. Ármannssonar arkitekts dags. 15. nóvember 2018. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Hávallagötu 7 og 11 og Sólvallagötu 2 og 4.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1231/2018.

10.19 Smárarimi 60, (fsp) breyta einbýlishúsi í tvær íbúðir
Lögð fram fyrirspurn Þórhalls Arnar Hinrikssonar dags. 8. janúar 2018 um að breyta einbýlishúsi á lóð nr. 60 við Smárarima í tvær íbúðir. Einnig er lagt fram samþykki meðeiganda ódags.

Vísað til umsagnar verkefnisstjóra.
11.19 Garðastræti 14, (fsp) lyfta þaki
Á embættisafgreiðslufundi skipulagsfulltrúa 18. ágúst 2017 var lögð fram fyrirspurn Guðrúnar Jónasdóttur, mótt. 26. júlí 2017, um að að lyfta upp þakinu yfir mest allri íbúðinni í húsinu á lóð nr. 14 við Garðastræti og gera verönd (20-30m2) á suðurhliðinni. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 11. janúar 2019.


Umsögn skipulagsfulltrúa dags. 11. janúar 2019 samþykkt.
12.19 Hverfisgata 98A, 100 og 100A, breyting á deiliskipulagi
Lögð fram umsókn Helga Mars Hallgrímssonar dags. 5. desember 2018 varðandi breytingu á deiliskipulagi reits 1.174.1 vegna lóðanna nr. 98A, 100 og 100A við Hverfisgötu. Í breytingunni felst að hækka húsin að Hverfisgötu 98A og 100 um eina hæð og ris, heimilt verður að vera með eina íbúð á hverri hæð og að svalir standi út fyrir byggingarreit til suðurs, rífa niður núverandi hús að Hverfisgötu 100A og byggja nýtt hús á lóðinni og byggja í hennar stað nýbyggingu með kjallara, heimilt verður að vera með eina íbúð á 1. hæð og tvær íbúðir á öðrum hæðum o.fl., samkvæmt uppdr. Arkþings ehf. ódags. Einnig er lagt fram tillöguhefti ódags.

Vísað til meðferðar hjá verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
13.19 Egilsgata 32, Bílskúr, svalir og lítið anddyri
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 2. október 2018 þar sem sótt er um leyfi til að byggja bílskúr, anddyri og svalir á 1. hæð húss á lóð nr. 32 við Egilsgötu. Erindi var grenndarkynnt frá 19. nóvember 2018 til og með 17. desember 2018. Eftirtaldir aðilar sendu athugasemdir: Skúli Þorkelsson, Lilja G. Sigurardóttir og Alba Solís f.h. Húseigendur Þorfinnsgötu 2. dags. 16. desember 2018. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 4. janúar 2019 og er nú lagt fram að nýju.
Bílskúr: 32 ferm., 93,3 rúmm. Stækkun húss: xx ferm., xx rúmm. Gjald kr. 11.000

Vísað til skipulags- og samgönguráðs
14.19 Einarsnes 30-32, breyting á deiliskipulagi
Að lokinni grenndarkynningu er lögð fram að nýju umsókn Kristjáns Eggertssonar dags. 23. október 2018 ásamt greinargerð dags. 22. október 2018 varðandi breytingu á deiliskipulagi Skildinganess vegna lóðarinnar nr. 30-32 við Einarsnes. Í breytingunni felst að heimilt verði að stækka efri hæð íbúða með því að byggja út á hluta þaksvala, nánar tiltekið yfir bílgeymslu beggja íbúða, samkvæmt uppdr. KRADS ehf. dags. 19. október 2018. Tillagan var grenndarkynnt frá 8. nóvember 2018 til og með 6. desember 2018. Eftirtaldir aðilar sendu athugasemdir: Kristín María Guðjónsdóttir dags. 20. nóvember 2018. Erindinu var vísað til umsagnar hjá verkefnisstjóra á embættisafgreiðslufundi skipulagsfulltrúa 14. desember 2018 og er nú lagt fram að nýju.

Vísað til skipulags- og samgönguráðs
15.19 Fossaleynismýri, breyting á deiliskipulagi
Lögð fram fyrirspurn Kanon arkitekta ehf. f.h. Barnaverndarstofu dags. 3. janúar 2019 ásamt bréfi dags. 3. janúar 2018 um að staðsetja færnalegt bráðabirgðahúsnæði fyrir Stuðla meðferðarstöð ríkisins við Fossaleynir 17, á afmörkuðum reit á borgarlandi norðan lóðar Stuðla.

Vísað til umsagnar verkefnisstjóra.
16.19 Grundarstígur 19, (fsp) skipting lóðar og uppbygging
Á embættisafgreiðslufundi skipulagsfulltrúa 26. október 2018 var lögð fram fyrirspurn Jóns Hrafns Hlöðverssonar dags. 9. október 2018 ásamt bréfi dags. 2. október 2018 um að skipta lóðinni nr. 19 við Grundarstíg í tvær lóðir og gera byggingarreit fyrir einbýlishús á tveimur til þremur hæðum á nýrri lóð, samkvæmt uppdr. Mansard - teiknistofu dags. 2. október 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. janúar 2019.

Neikvætt, með vísan til umsagnar skipulagsfulltrúa dags. 4. janúar 2019.
17.19 Guðrúnartún 8, nr. 10, breyting á deiliskipulagi
Á embættisafgreiðslufundi skipulagsfulltrúa 7. september 2018 var lögð fram breytt umsókn T.ark Arkitekta ehf. dags. 30. apríl 2018 ásamt bréfi dags. 12. apríl 2018 varðandi breytingu á deiliskipulagi Borgartúnsreits, reitur 1.216, vegna húss nr. 8 á lóð nr. 10 við Guðrúnartún. Í breytingunni felst hækkun bakhúss um tvær hæðir, úr tveimur hæðum í fjórar, samkvæmt uppdr. T. ark Arkitekta ehf. dags. 16. apríl 2018. Erindinu var frestað, umsækjandi hafi samband við embætti skipulagsfulltrúa, og er nú lagt fram að nýju ásamt bréfi skrifstofu sviðsstjóra dags. 6. janúar 2019.

Bréf skrifstofu sviðsstjóra dags. 6. janúar 2019 samþykkt.

18.19 Hraunbær 123, (fsp) breyting á deiliskipulagi
Á embættisafgreiðslufundi skipulagsfulltrúa 31. ágúst 2018 var lögð fram fyrirspurn Kristins Ólafssonar f.h. Bandalags íslenskra skáta dags. 28. febrúar 2018 ásamt bréfi ódags. um breytingu á deiliskipulagi fyrir lóðina nr. 123 við Hraunbæ sem felst í stækkun lóðar og byggingarreits fyrir fyrirhugaða viðbyggingu á lóð, samkvæmt uppdr. Glámu-Kím dags. 6. febrúar 2018. Fyrirspurninni var frestað, fyrirspyrjandi hafi samband við embætti skipulagsfulltrúa, og er nú lögð fram að nýju ásamt umsögn skrifstofu sviðsstjóra dags. 6. janúar 2019.


Bréf skrifstofu sviðsstjóra dags. 6. janúar 2019 samþykkt.
19.19 Kambsvegur 24, Viðbygging
Á embættisafgreiðslufundi skipulagsfulltrúa 30. nóvember 2018 var lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að byggja viðbyggingu við bílskúr og innrétta gróðurskála og vinnuherbergi í stækkuðum bílskúr við einbýlishús á lóð nr. 24 við Kambsveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. janúar 2019.
Útskrift úr gerðabók embættisafgreiðslufundar skipulagsfulltrúa frá 21. september 2018 fylgir erindi, ásamt umsögn skipulagsfulltrúa dags. 19. september 2018. Einnig útskrift úr gerðabók embættisafgreiðslufundar skipulagsfulltrúa frá 16. nóvember 2018 ásamt umsögn skipulagsfulltrúa dags. 16. nóvember 2018. Stækkun: 40 ferm., 110,6 rúmm. Gjald kr. 11.000

Neikvætt, með vísan til umsagnar skipulagsfulltrúa dags. 9. janúar 2019.
20.19 Ármúli 7, (fsp) breyting á deiliskipulagi
Lögð fram fyrirspurn THG Arkitekta ehf. dags. 5. desember 2018 um breytingu á deiliskipulagi Suðurlandsbrautar, Ármúla, Hallarmúla og Vegmúla vegna lóðarinnar nr. 7 við Ármúla sem felst í að tengja núverandi byggingar Ármúla 7 við rekstur hótelsins í Ármúla 9, bæta inndreginni hæð ofan á núverandi samþykktar þrjár hæðir, færslu á byggingarreit og breytingu á nýtingarhlutfalli, samkvæmt uppdr. THG Arkitekta ehf. dags. 5. desember 2018. Einnig er lögð fram umsögn skipulagsfulltrúa dags. 11. janúar 2019.

Ekki gerðar athugasemdir við erindið með vísan til umsagnar skipulagsfulltrúa dags. 11. janúar 2019.
21.19 Grensásvegur 1, (fsp) breyting á deiliskipulagi
Lögð fram fyrirspurn Sigurðar Einarssonar dags. 2. nóvember 2018 um breytingu á deiliskipulagi Skeifunnar vegna lóðarinnar nr. 1 við Grensásveg sem felst í að byggja íbúðir á lóðinni í bland við þjónustu á jarðhæð ásamt aukningu á byggingarmagni lóðarinnar sem felst í að byggja nýja byggingu meðfram Skeifunni í stað tveggja núverandi bygginga. Nýtingarhlutfall ofanjarðar hækkar úr 1,64 í 1,94, samkvæmt tillögu Batterísins Arkitekta ehf. dags. 1. nóvember 2018. Einnig er lögð fram umsögn skipulagsfulltrúa dags. 4. janúar 2019.

Jákvætt með vísan til umsagnar skipulagsfulltrúa dags. 4. janúar 2019.
22.19 Mjölnisholt 4, 6, 8 og 10, breyting á deiliskipulagi
Á embættisafgreiðslufundi skipulagsfulltrúa 23. nóvember 2018 var lögð fram umsókn Kjartans Hafsteins Rafnssonar f.h. Arctic Tours ehf. dags. 23. janúar 2018, varðandi breytingu á deiliskipulagi Hampiðjureits vegna lóðanna nr. 4, 6, 8 og 10 við Mjölnisholt. Í umsókn um breytingunni fólst að hækka húsin um 46-60 cm, sameina lóðirnar nr. 6 og 8 og byggja sameiginlegan stigagang/lyftuhús, gera niðurgrafna bílgeymslu á lóðunum nr. 6, 8 og 10, útbúa bílastæði fyrir rafmagnsbíl í bakgarði lóðar nr. 4 og geymsluskúr á baklóð lóðar nr. 6, samkvæmt uppdr. K.J. hönnunar ehf. dags. 19. janúar 2018, síðast breytt 23.3.2018.
Í breyttri tillögu felst að leiðrétta mænishæðir húsanna þannig að rishæðir nýtist fyrir íbúðir, mænishæðir hækka um 0,5 -2,3 m. Einnig bætist við heimild fyrir 35 m2 geymsluskúr á lóðinni nr . 6 og leiðréttar eru upplýsingar um byggingarmagn geymsluskúra á lóðum nr. 8 og 10.
Einnig lagt fram bréf Kjartans Ingvarssonar dags 14. júní 2018 og breyttur uppdráttur K.J. hönnunar ehf. dags 13. júní 2018 þar sem óskað er eftir afstöðu til breyttrar tillögu. Einnig er lögð fram umsögn skipulagsfulltrúa dags. 29. júní 2018. Jafnframt er lagt fram bréf Kjartans Ingvarssonar f.h. Arctic Tours ehf. dags. 16. nóvember 2018 um endurupptöku á ákvörðun skipulagsfulltrúa frá 29. júní 2018. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 6. janúar 2019.

Umsögn skipulagsfulltrúa dags. 6. janúar 2019 samþykkt.

23.19 Rofabær 7-9, breyting á deiliskipulagi
Á embættisafgreiðslufundi skipulagsfulltrúa 26. október 2018 var lögð fram umsókn Margrétar Leifsdóttur dags. 12. október 2018 varðandi breytingu á deiliskipulagi Árbæjar-Seláss vegna lóðarinnar nr. 7-9 við Rofabæ. Í breytingunni felst að heimilað er niðurrif húsa á lóðinni og ný uppbygging, samkvæmt uppdr. A arkitekta ehf. dags. 26. október 2018. Erindinu var vísað til meðferðar hjá verkefnisstjóra og er nú lagt fram að nýju ásamt tölvupósti Margrétar Leifsdóttir dags. 8. janúar 2018 þar sem umsókn er dregin til baka.

Málið degið tilbaka, sbr. tölvupósti Margrétar Leifsdóttir dags. 8. janúar 2018.

24.19 Skaftahlíð 24, (fsp) fella niður göngutengingu
Á embættisafgreiðslufundi skipulagsfulltrúa 4. janúar 2019 var lögð fram fyrirspurn THG Arkitekta ehf. dags. 19. nóvember 2018 um að fella niður göngutengingu við vesturgafl suðurhúss á lóð nr. 24 við Skaftahlíð og að Stakkahlíð, samkvæmt uppdr. THG Arkitekta ehf. dags. 19. nóvember 2018. Fyrirspurninni var vísað til umsagnar verkefnisstjóra.

Ekki eru gerðar athugasemdir við erindið.
25.19 Skúlagata 26, 17 hæða hótel 195 herbergi og 3 - 6 hæð fjölbylishús með 31 íbúðum
Lagt fram erindi frá afgreiðslufundi byggingarfulltrúa frá 8. janúar 2018 þar sem sótt er um leyfi til að byggja 17 hæða hótel fl. V byggingu með 195 herbergjum og 3-6 hæða fjölbýlishús með 31 íbúð á lóð nr. 26 við Skúlagötu. Erindinu var vísað til meðferðar hjá verkefnisstjóra og er nú lagt fram að nýju.
Útskrift úr gerðabók embættisafgreiðslufundar skipulagsfulltrúa frá 31. ágúst 2018 fylgir erindi, ásamt umsögn skipulagsfulltrúa dags. 31. ágúst 2018. Einnig fylgir greinagerð um hljóðhönnun ódagsett og umsögn brunahönnuðar dags. 11. desember 2018. Stærðir: x ferm., x rúmm. Gjald kr. 11.000

Vísað til meðferðar hjá verkefnisstjóra.
26.19 Þrastarhólar 6-10, nr. 6 - breyting á skilmálum deiliskipulags
Á embættisafgreiðslufundi skipulagsfulltrúa 7. desember 2018 var lögð fram umsókn Stáss Design ehf. dags. 8. nóvember 2018 varðandi breytingu á skilmálum deiliskipulags Breiðholts -3 norðurdeild vegna lóðarinnar nr. 6-10 við Þrastarhóla. Í breytingunni felst að breyta sameiginlegu þjónustuherbergi í húsi nr. 6 í sjálfstæða íbúð, samkvæmt tillögu Stáss Design ehf. dags. 2. nóvember 2018. Erindinu var vísað til meðferðar hjá verkefnisstjóra og er nú lagt fram að nýju ásamt samþykki lóðarhafa að Þrastarhólum 6, 8 og 10 mótt 8. janúar 2018.

Vísað til skipulags- og samgönguráðs.
Þar sem um er að ræða óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga þarf að greiða skv. 8.2. gr. gjaldskrá skipulagsfulltrúa nr. 1231/2018..
27.19 Árskógar 5-7, breyting á skilmálum deiliskipulags
Lögð fram umsókn Hermanns Georgs Gunnlaugssonar dags. 3. janúar 2019 ásamt greinargerð dags. 3. janúar 2019 varðandi breytingu á skilmálum deiliskipulags Suður Mjóddar vegna lóðarinnar nr. 5-7 við Árskóga. Í breytingunni felst aukning á byggingarmagni bílakjallara og kjallara, samkvæmt tillögu Teiknistofunnar Storð ehf. dags. 3. janúar 2019.

Vísað til skipulags- og samgönguráðs.
Þar sem um er að ræða óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga þarf að greiða skv. 8.2. gr. gjaldskrá skipulagsfulltrúa nr. 1231/2018.
28.19 Bíldshöfði 5, (fsp) stækkun á byggingarreit
Lögð fram fyrispurn Vektor, hönnun og ráðgjöf ehf. dags. 20. desember 2018 um að stækka byggingarreit lóðarinnar nr. 5 við Bíldshöfða, samkvæmt uppdr. Vektor, hönnun og ráðgjöf ehf. dags. 14. desember 2018.
Vísað til umsagnar verkefnisstjóra.
29.19 Dugguvogur 10, staðsetning ökutækjaleigu
Lagt fram bréf Samgöngustofu dags. 3. janúar 2018 þar sem óskað er eftir umsögn vegna umsóknar Stefáns Þórs Sigfússonar f.h. BlackSheepCampers ehf. um að reka ökutækjaleigu að Dugguvogi 10. Einnig er lögð fram umsögn skipulagsfulltrúa dags. 10. janúar 2019.


Umsögn skipulagsfulltrúa dags. 10. janúar 2019 samþykkt.
30.19 Fossaleynir 1, (fsp) breyting á deiliskipulagi
Á embættisafgreiðslufundi skipulagsfulltrúa 4. janúar 2019 var lögð fram fyrirspurn Jakobs Emils Líndal dags. 17. desember 2018 ásamt greinargerð dags. 17. desember 2018 um breytingu á deiliskipulagi lóðar nr. 1 við Fossaleynir, Egilshöll, sem felst í að bæta við nýjum byggingarreit á lóð nr. 1 við Fossaleynir fyrir 3500 fm. þjónustuhúsnæði. Einnig er lögð fram tillaga/kynningarhefti Regins fasteignafélags dags. 27. september 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 11. janúar 2019..

Ekki gerðar athugasemdir við erindið með vísan til umsagnar skipulagsfulltrúa dags. 11. janúar 2019.
31.19 Fossaleynir 16, (fsp) breyting á deiliskipulagi
Á embættisafgreiðslufundi skipulagsfulltrúa 4. janúar 2019 var lögð fram fyrirspurn Ragnheiðar Sverrisdóttur dags. 7. desember 2018 um breytingu á deiliskipulagi Fossaleynismýri vegna lóðarinnar nr. 16 við Fossaleynir sem felst í hækkun á nýtingarhlutfalli. Einnig er lagður fram uppdr. Eyjólfs Bragasonar dags. 7. desember 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 10. janúar 2019.

Með vísan til umsagnar skipulagsfulltrúa dags. 10. janúar 2019 eru ekki gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, á eigin kostnað.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1231/2018.
32.19 Fossvogur brú, deiliskipulag
Að lokinni auglýsingu er lögð fram að nýju tillaga deiliskipulagi ásamt greinargerð dags. 1. október 2018 vegna lagningu brúar yfir Fossvog. Tillagan gerir ráð fyrir lagningu vegar fyrir almenningssamgöngur, hjólastígs og göngustígs, sem tengir saman Reykjavík og Kópavog yfir Fossvog. Tillagan gerir einnig ráð fyrir landfyllingu undir sitthvorum brúar-endanum. Einnig er lagt fram minnisblað EFLU verkfræðistofu dags. 26. apríl 2018 og skýrsla verkfræðistofunnar Vatnaskil dags. í desember 2018. Tillagan var auglýst frá 24. nóvember 2018 til og með 8. janúar 2019. Eftirtaldir sendu athugasemdir/umsagnir: Landssamtök hjólreiðamanna dags. 8. janúar 2019, Náttúrufræðistofnun Íslands dags. 8. janúar 2019 og veitur dags. 8. janúar 2019.

Vísað til umsagnar verkefnisstjóra.
33.19 Gufunesvegur 10, breyting á deiliskipulagi
Lögð fram umsókn Arkþings ehf. dags. 28. desember 2018 varðandi breytingu á deiliskipulagi Gufuness vegna lóðarinnar nr. 10 við Gufunesveg. Í breytingunni felst stækkun á byggingarreit lóðarinnar til suðausturs vegna fyrirhugaðrar viðbyggingar við núverandi hús (móttöku- og flokkunarstöð), samkvæmt uppdr. Arkþings ehf. dags. 28. desember 2018.

Vísað til skipulags- og samgönguráðs.
Þar sem um er að ræða óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga þarf að greiða skv. 8.2. gr. gjaldskrá skipulagsfulltrúa nr. 1231/2018..
34.19 Hálsakot, (fsp) gestahús
Lögð fram fyrirspurn Jóns Birgis Kjartanssonar ódags. varðandi byggingu 25-30 fm. gestahús í landi Hálsakots þar sem áður var geymsla.

Ekki eru gerðar skipulagslegar athugasemdir við erindið. Sækja þafr um byggingarleyfi.
35.19 Kjalarnes, Jörfi, breyting á deiliskipulagi
Lögð fram umsókn Arkþings ehf. dags. 2. janúar 2019 varðandi breytingu á deiliskipulagi Grundarhverfis vegna landsins Jörfi á Kjalarnesi. Í breytingunni felst að skipta landi Jörfa í þrjár aðskildar lóðir: lóðir E1, E2 og E3. Á lóðunum E2 og E3 er gert ráð fyrir íbúðarbyggingum með möguleika á verslun/þjónustu á jarðhæð byggingar E2B, með það í hyggju að byggja íbúðarbyggð með möguleika á atvinnu/verslunarhúsnæði í hluta bygginga sem liggja við Brautarholtsveg, samkvæmt uppdr. Arkþings ehf. dags. 2. janúar 2019. Einnig er lögð fram fornleifaskráning Minjastofnunar Íslands frá 2003.

Vísað til meðferðar hjá verkefnisstjóra.
36.19 Kjalarnes, Sætún, breyting á deiliskipulagi
Að lokinni auglýsingu er lögð fram að nýju umsókn Kristins Gylfa Jónssonar dags. 19, september 2018 varðandi breytingu á deiliskipulagi jarðarinnar Sætún á Kjalarnesi. Í breytingunni felst að í stað einnar lóðar fyrir atvinnuhúsnæði verða tvær lóðir, samkvæmt uppdrætti Einars Ingimarssonar arkit. dags. 15. október 2018. Einnig er lagður fram tölvupóstur Kristins Gylfa Jónssonar dags. 2. nóvember 2018 ásamt lagfærðum uppdr. dags. 29. október 2018. Tillagan var auglýst frá 23. nóvember 2018 til og með 7. janúar 2019. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
37.19 Kjalarnes, Þverárkot, framkvæmdaleyfi
Á embættisafgreiðslufundi skipulagsfulltrúa 7. desember 2018 var lögð fram umsókn Vegagerðarinnar dags. 27. nóvember 2018 um framkvæmdaleyfi í landi Þverárkots á Kjalarnesi sem felst í að setja niður tvö stálræsi 2,8 metra að breidd og 18 metrar að lengd hvort í farveg Þverár, vegfyllingu yfir ræsi í farvegi Þverár og minniháttar uppbyggingu á vegi vestan Þverár (100 metrar). Einnig eru lagðir fram uppdrættir Vegagerðarinnar dags. 16. nóvember 2018. Einnig er lögð fram umsögn Hafrannsóknarstofnunar dags. 29. nóvember 2018, umsögn Veiðifélags Leirvogsár dags. 3. desember 2018, umsögn Fiskistofu dags. 7. desember 2018 og fornleifakönnun Náttúrustofu Vestfjarðar dags. í desember 2018. Erindinu var vísað til umsagnar verkefnisstjóra og er nú lagt fram að nýju ásamt umsögnum Minjastofnunar Íslands dags. 21. desember 2018 og 7. janúar 2019 ásamt umsögn skipulagsfulltrúa dags. 10. janúar 2019.


Samþykkt að gefa út framkvæmdaleyfi með vísan til umsagnar skipulagsfulltrúa dags. 10. janúar 2019. Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.3 í . gjaldskrá skipulagsfulltrúa nr. 1231/2018.
38.19 Lambhagavegur 2-4, (fsp) uppbygging á lóð
Á embættisafgreiðslufundi skipulagsfulltrúa 14. desember 2018 var lögð fram fyrirspurn THG Arkitektar ehf. dags. 3. desember 2018 um að byggja verslunarhúsnæði vestan við núverandi byggingu ásamt bensínstöð með sjálfsafgreiðslu á opnu svæði norðan við núverandi byggingu, samkvæmt uppdr. THG Arkitekta ehf. dags. 3. desember 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags.10. janúar 2019.

Neikvætt, með vísan til umsagnar skipulagsfulltrúa dags. 10. janúar 2019.
39.19 Úlfarsárdalur, breyting á skilmálum deiliskipulags
Á embættisafgreiðslufundi skipulagsfulltrúa 4. janúar 2019 var lögð fram umsókn skrifstofu eigna og atvinnuþróunar dags. 14. desember 2018 varðandi breytingu á skilmálum deiliskipulags í Úlfarsárdal. Í breytingunni felst aukning á byggingarmagni á lóð Úlfarsbrautar 122-124 og 126, samkvæmt tillögu Landmótunar ódags. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulags- og samgönguráðs.
Þar sem um er að ræða óverulega breytingu á deiliskipulagi á grundvelli málsmeðferðar skv. 3. mgr. 44. gr. skipulagslaga þarf að greiða skv. 8.2. gr. gjaldskrá skipulagsfulltrúa nr. 1231/2018..

40.19 Hafnarfjörður, Krýsuvíkurberg í Krýsuvík - nýtt deiliskipulag
Á embættisafgreiðslufundi skipulagsfulltrúa 4. janúar 2018 var lagt fram bréf Hafnarfjarðarbæjar dags. 12. desember 2018 þar sem óskað er eftir umsögn um lýsingu dags. 30. nóvember 2018 fyrir nýtt deiliskipulag við Krísuvíkurberg í Krísuvík í Hafnarfirði. Erindinu var vísað til umsagnar skrifstofu umhverfisgæða og er nú lagt fram að nýju ásamt umsögn skrifstofu umhverfisgæða dags. 10. janúar 2019.

Umsögn skrifstofu umhverfisgæða dags. 10. janúar 2019 lögð fram.
41.19 Barónsstígur 5, Gistiheimili í flokki II
Lagt fram erindi frá afgreiðslufundi byggingarfulltrúa frá 8. janúar 2018 þar sem sótt er um leyfi til að byggja svalir og innrétta gistiheimili í flokki ll - tegund b í húsi á lóð nr. 5 við Barónsstíg.
Sjá erindi BN049325. Bréf arkitekts dags. 16.05.2017 fylgir erindi. Gjald kr. 11.000

Vísað til umsagnar verkefnisstjóra.
42.19 Grandagarður 2, (fsp) færanlegt skilti
Lögð fram fyrirspurn Bismarck ehf. og Markaðslausna Athlon ehf. mótt. 22. október 2018 um að setja færanlegt skilti á lóð nr. 2 við Grandagarð.

Vísað til umsagnar verkefnisstjóra.
43.19 Laugavegur 30 og 30B, (fsp) stækkun veitingastaðar
Lögð fram fyrispurn Arnars Hannesar Gestssonar dags. 20. desember 2018 varðandi stækkun veitingastaðarins á lóð nr. 30 við Laugaveg yfir í hús nr. 30B við Laugaveg.
Vísað til umsagnar verkefnisstjóra.
44.19 Bústaðavegur 151 og 153, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs, skipulagsfulltrúa, að breytingu á deiliskipulagi fyrir lóðirnar nr. 151 og 153 við Bústaðaveg. Deiliskipulagtillagan sýnir færslu stofnveituhitalagnar gegnum reitinn 5 metra til suðurs sem hliðrar lóðarmörkum og byggingarreitum lóða nr. 151B og 151C sem því nemur. Lega stíga- og gatnakerfis svæðisins hefur verið hannað frekar og hliðrað óverulega til. Ný aðkomuleið akandi umferðar að veitingastað á lóð nr. 153 var færð inn á Bústaðaveg næst gatnamótum við Reykjanesbraut. samkvæmt uppdr. Landslags ehf. dags. 1. október 2018. Vegna aðkomu frá Bústaðavegi breyttist útfærsla Bústaðavegar og var m.a. gert ráð fyrir umferðareyjum til að stýra umferð og bæta umferðaflæði um fyrirhuguð gatnamót. Einnig er lögð fram húsakönnun Landslags dags. 15. maí 2018, umsögn Borgarsögusafns Reykjavíkur dags. 30. maí 2018, bréf Minjastofnunar Íslands dags. 5. júní 2018 og bréf Vegagerðarinnar dags. 28. september 2018. Einnig eru lögð fram Húsaskrá og varðveislumat Formleifaskrá Borgarsögusafni dags. 28. september 2018. Tillagan var auglýst frá 22. október 2018 til og með 3. desember 2018. Eftirtaldir aðilar sendu athugasemdir: Andri Þór Arinbjörnsson f.h. Reita - verslun ehf. dags. 8. nóvember 2018. Erindinu var vísað til umsagnar hjá verkefnisstjóra á embættisafgreiðslufundi skipulagsfulltrúa 7. desember 2018 og er nú lagt fram að nýju.

Vísað til skipulags- og samgönguráðs
45.19 Holtavegur 28, (fsp) breyting á deiliskipulagi
Lögð fram fyrirspurn Urðarsel ehf. dags. 29. desember 2018 ásamt greinargerð Urðarsels ehf. og KFUM og KFUK á Íslandi dags. 7. desember 2018 um breytingu á deiliskipulagi Laugardals austur vegna lóðarinnar nr. 28 við Holtaveg sem felst í stækkun núverandi leikskóla, uppbyggingu lágreistrar íbúðarbyggðar, stofnun lóðar og uppbyggingu búsetukjarna eða öldrunarrými á einni hæð og stækkun á byggingarreit húss KFUM fyrir ungmennagistingu.

Vísað til umsagnar verkefnisstjóra.
46.19 Hverfisgata 105, staðsetning ökutækjaleigu
Á embættisafgreiðslufundi skipulagsfulltrúa 4. janúar 2019 var lagt fram bréf Samgöngustofu dags. 12. desember 2018 þar sem óskað er eftir umsögn vegna leyfis Nordic car rental ehf. til reksturs ökutækjaleigu með gildistíma frá 7. júní 2018. Verið er að flytja starfsemi ökutækjaleigunnar frá Funahöfða 6 að Hverfisgötu 105. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 11. janúar 2019.

Neikvætt, með vísan til umsagnar skipulagsfulltrúa dags. 11. janúar 2019.
47.19 Jöldugróf 6, breyting á deiliskipulagi
Á embættisafgreiðslufundi skipulagsfulltrúa 14. desember 2018 var lögð fram umsókn Hildar Gunnarsdóttur dags. 9. desember 2018 varðandi breytingu á deiliskipulagi Blesugrófar vegna lóðarinnar nr. 6 við Jöldugróf. Í breytingunni felst að færa byggingarreit bílskúrs á norðausturhluta lóðar og færa byggingarreit húss að hluta til suðvesturs og lítillega til norðausturs, samkvæmt uppdr. Verkfræðistofu Suðurnesja dags. 11. janúar 2019. desember 2018. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Jöldugróf 3, 4 og 8, Bleikargróf 5 og 7 og Blesugróf 2.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1193/2016.

48.19 Kringlan 71-93, (fsp) nr. 93 - garðskáli
Á embættisafgreiðslufundi skipulagsfulltrúa 9. nóvember 2018 var lögð fram fyrirspurn Vektor, hönnun og ráðgjöf ehf. dags. 13. september 2018 um byggingu garðskála við húsið nr. 93 á lóð nr. 71-93 við Kringluna, samkvæmt uppdr. Vektor, hönnun og ráðgjöf ehf. dags. 13. september 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 11. janúar 2019.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 11. janúar 2019.
49.19 Nýlendugata 34, Nýbygging með 6 íbúðum
Lagt fram erindi frá afgreiðslufundi byggingarfulltrúa frá 8. janúar 2018 þar sem sótt er um leyfi til að byggja þrílyft fjölbýlishús úr krosslímdum timbureiningum með 6 íbúðum og einni vinnustofu á lóð nr. 34 við Nýlendugötu.
Stærð, A-rými: 509,2 ferm., 1.554 rúmm. Gjald kr. 11.000

Vísað til umsagnar verkefnisstjóra.
50.19 Furugerði 23, breyting á deiliskipulagi
Að lokinni auglýsingu er lögð fram að nýju umsókn Arkís arkitekta ehf. f.h. EA11 ehf. mótt. 14. desember 2017 varðandi breytingu á deiliskipulagi fyrir lóðina nr. 23 við Furugerði. Í breytingunni felst að fjarlægja núverandi mannvirki og koma fyrir íbúðum á lóð. Nýir byggingarreitir verði skilgreindir á lóðinni sem skipt er upp í reit A og reit B og lóð sameinuð, kvöð um nýtingu lóðar fyrir götu á reit B verður aflétt o.fl., samkvæmt uppdráttum Arkís arkitekta ehf. dags. 23. október 2018. Einnig er lögð fram húsakönnun Borgarsögusafns Reykjavíkur dags. 19. janúar 2018, afrit af bréfi Láru Áslaugar Sverrisdóttur dags. 4. febrúar 2018 og 16. mars 2018 og umsögn Heilbrigðiseftirlits Reykjavíkur dags. 28. maí 2018. Tillaga var auglýst frá 23. nóvember 2018 til og með 7. janúar 2019. Eftirtaldir aðilar sendu athugasemdir: Guðrún Nína Petersen dags. 31. desember 2018, Jóhanna Þórunn Ásgrímsdóttir og Hermann Þór Gíslason dags. 2. janúar 2019, Ólöf Jóhannsdóttir dags. 3. janúar 2019, Guðrún S. Gröndal og Þuríður Vigfúsdóttir f.h. aðgerðarhóps íbúa við Furugerði og Espigerði dags. 3. janúar 2019, Helga Helgadóttir og Kristinn Zimsen dags. 4. janúar 2019, Ingibjörg Halldórsdóttir f.h. íbúa að Furugerði 10 og 12, dags. 4. janúar 2019, Jimmy Wallster og Sólrún Guðjónsdóttir dags. 6. janúar 2019, Viðar Hjartarson og Guðrún Bóel Guðjónsdóttir, dags. 6. janúar 2019 og Garðar Friðrik Harðarson dags. 7. janúar 2019.

Vísað til umsagnar verkefnisstjóra.
51.19 Langholtsvegur 29, (fsp) setja stiga upp á efri hæð hússins o.fl.
Lögð fram fyrirspurn Lindu Björnsdóttur og Magnúsar Jóhannesar Dan Bárðarsonar dags. 12. desember 2018 um að setja stiga upp að efri hæð hússins á lóð nr. 29 við Langholtsveg að norðvestanverðu og gera þar útgang.

Vísað til umsagnar verkefnisstjóra.
52.19 Lokastígur 3, (fsp) gististaður í flokki II
Lögð fram fyrirspurn Einars Sörla Einarssonar dags. 3. janúar 2019 um rekstur gististaðar í flokki II í húsinu á lóð nr. 3 við Lokastíg.

Vísað til umsagnar verkefnisstjóra.
53.19 Veghúsastígur 1, Breyta innra skipulagi og bæta við svölum
Á embættisafgreiðslufundi skipulagsfulltrúa 14. desember 2018 var lagt fram erindi frá afgreiðslufundi byggingarfulltrúa frá 11. desember 2018 þar sem sótt er um leyfi til að endurnýja núverandi íbúðir og setja svalir út að baklóð, einnig er sótt um leyfi til að endurnýja garðhús og bæta við léttri hjóla- og vagnageymslu á lóð nr. 1 við Veghúsastíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 11. janúar 2019.
Stækkun: Gjald kr. 11.000

Umsögn skipulagsfulltrúa dags. 11. janúar 2019 samþykkt.
54.19 Svæðisskipulag höfuðborgarsvæðisins 2040, breytt vaxtamörk á Álfsnesi - breytinga á svæðisskipulagi
Lagt fram bréf samtaka sveitarfélaga á höfuðborgarsvæðinu dags. 4. janúar 2019 um samþykkt á tillögu dags. 14. desember 2018 að breytingu á svæðisskipulagi höfuðborgarsvæðisins 2040 varðandi breytt vaxtarmörk á Álfsnesi til auglýsingar. Óskað er eftir því að aðildarsveitarfélög afgreiði tillögu í samræmi við 3. mgr. 23. gr. skipulagslaga. Einnig er lögð fram drög að umhverfisskýrslu dags. 14. desember 2018, yfirlit yfir innkomnar athugasemdir og ábendingar vinnslutillagna dags. 14. desember 2018 og fundargerð 87 fundar svæðisskipulagsnefndar dags. 14. desember 2018.


Vísað til umsagnar deildarstjóra aðalskipulags.
55.19 Hringbraut 106, Bílskúr
Lagt fram erindi frá afgreiðslufundi byggingarfulltrúa frá 8. janúar 2018 þar sem sótt er um leyfi til að byggja nýjan steinsteyptan bílskúr, einangraðan að innan, á lóð nr. 106 við Hringbraut.
Stærð: 30 ferm., 91,1 rúmm. Erindinu fylgir samþykki nágranna dagsett 16. september 2018. Gjald kr. 11.000

Vísað til umsagnar verkefnisstjóra.