Stangarhylur 3-3A, Þingholtsstræti 25, Gufunesvegur 10, Úlfarsfell, Urðarbrunnur 30, Vesturgata 33, Rökkvatjörn 6 og 8, Blesugróf 34, Grundargerði 28, Laugavegur 51, Vesturberg 32-44, Hrefnugata 5, Laugavegur 103, Seljavegur 32, Suðurlandsbraut 16, Öldugata 12, Grenimelur 26, Hávallagata 9, Lautarvegur 20, 22, 24 og 26, Nýr Landspítali við Hringbraut, Óðinsgata 14, Álmgerði 1, Hraunbær 103A, Kambsvegur 24, Njálsgata 56, Bíldshöfði 9, Grensásvegur 1, Hlíðargerði 26, Kleifarás 6, Vonarstræti 4/Lækjargata 12, Aðalskipulag Reykjavíkur 2010-2030, veitingastaðir,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

707. fundur 2018
Ár 2018, föstudaginn 30. nóvember kl. 09:12, hélt skipulagsfulltrúi Reykjavíkur 707. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Ingvar Jón B. Gíslason, Jón Kjartan Ágústsson, Björn Ingi Edvardsson, Hrafnhildur Sverrisdóttir, Sólveig Sigurðardóttir, Hildur Gunnarsdóttir, Margrét Þormar, Guðlaug Erna Jónsdóttir og Lilja Grétarsdóttir. Ritari var Björgvin Rafn Sigurðarson.
Þetta gerðist:

1.18 Stangarhylur 3-3A, Reyndarteikningar - áður gert gistiheimili
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að breyta notkun hússins úr verslunar- og skrifstofuhúsi í gististað í flokki II tegund b fyrir alls 76 gesti, um er að ræða áður gerðar breytingar í húsi á lóð nr. 3-3a við Stangarhyl.
Erindinu fylgir bréf hönnuðar dags. 20.11.2018 þar sem sótt er um breytta notkun á húsnæðinu. Gjald kr. 11.000

Vísað til umsagnar verkefnisstjóra.
2.18 Þingholtsstræti 25, (fsp) breyting á deiliskipulagi
Lögð fram fyrirspurn Páls V. Bjarnasonar dags. 12. nóvember 2018 ásamt greinargerð dags. 6. nóvember 2018 um breytingu á deiliskipulagi Grundarstígsreits vegna lóðarinnar nr. 25 við Þingholtsstræti sem felst í viðbygging við suðurgafl núverandi húss verði stækkuð, vestursvalir verði stækkaðar, íbúðum fjölgað, fyrirhugaður göngustígur að almenningsgarði frá Spítalastíg verði felldur niður o.fl. samkvæmt uppdr. P ARK teiknistofu sf. dags. 24. maí 2017 og 28. ágúst 2018.

Vísað til umsagnar verkefnisstjóra.
3.18 Gufunesvegur 10, Ósk um færslu á vegi
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að breyta fyrirkomulagi á lóð sem felst í breikkun vegar við norðvesturenda húss á lóð nr. 10 við Gufunesveg.
Gjald kr. 11.000

Vísað til umsagnar verkefnisstjóra.
4.18 Úlfarsfell, nýtt deiliskipulag
Lögð er fram tillaga að deiliskipulagi fyrir svæði á toppi Úlfarsfells þar sem fyrirhugað er að reisa 50 metra hátt fjarskiptamastur fyrir loftnet og tækniskýli með útsýnispalli. Umrædd framkvæmd tryggir fullnægjandi útvarps- og fjarskiptaþjónustu á höfuðborgarsvæðinu og til að lágmarka sjónræn áhrif mannvirkja er lagt til að unnið verði með náttúruleg byggingarefni á þann hátt að mannvirkin falli sem best inn í landslagið og umhverfið. Stærð skipulagssvæðis er um 1,3 ha, samkvæmt deiliskipulags- og skýringaruppdr. Arkís arkitekta ehf. dags. 7. september 2018.
Samþykkt að framlengja athugasemdafrest til 17. desember 2018.
5.18 Urðarbrunnur 30, Einbýlishús
Á embættisafgreiðslufundi skipulagsfulltrúa 23. nóvember 2018 var lagt fram erindi frá afgreiðslufundi byggingarfulltrúa frá 20. nóvember 2018 þar sem sótt er um leyfi til að byggja einbýlishús með innbyggðri bílgeymslu á þremur pöllum úr Ytong einingum á lóð nr. 30 við Urðarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 30. nóvember 2018.
Stærð, A-rými: 325 ferm., 1.463,9 rúmm. Gjald kr. 11.000

Neikvætt. Samræmist ekki deiliskipulagi sbr. umsögn skipulagsfulltrúa dags. 30. nóvember 2018.
6.18 Vesturgata 33, (fsp) bíslag með svölum
Lögð fram fyrirspurn Örvars Geirs Örvarssonar dags. 10. nóvember 2018 um að byggja bíslag með svölum við inngang á austurhlið hússins á lóð nr. 33 við Vesturgötu.

Vísað til umsagnar verkefnisstjóra.
7.18 Rökkvatjörn 6 og 8, málskot
Lagt fram málskot Björgvins Ibsens Helgasonar f.h. Bf. Sperrur ehf. dags. 16. nóvember 2018 vegna neikvæðrar afgreiðslu skipulagsfulltrúa frá 14. september 2018 um hækkun á fyrirhuguðu byggingum á lóð nr. 6 og 8 við Rökkvatjörn þannig að fjöldi hæða verði fimm.

Vísað til skipulags-og samgönguráðs.
8.18 Blesugróf 34, breyting á deiliskipulagi
Lögð fram umsókn Gests Ólafssonar dags. 26. nóvember 2018 varðandi breytingu á deiliskipulagi Blesugrófar vegna lóðarinnar nr. 34 við Blesugróf. Í breytingunni felst að heimilt er að reisa tveggja hæða einbýlishús með aukaíbúð innan núverandi byggingarreits og með nýtingarhlutfalli 0,45, samkvæmt uppdr. Skipulags-, arkitekta-, og verkfræðistofunnar ehf. dags. 23. nóvember 2018.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá skipulagsfulltrúa nr. 1193/2016.
9.18 >Grundargerði 28, (fsp) stækkun húss
Lögð fram fyrirspurn Kjartans Gunnarssonar dags. 27. nóvember 2018 um stækkun hússins á lóð nr. 28 við Grundargerði, samkvæmt skissu ódags.

Vísað til umsagnar verkefnisstjóra.
10.18 Laugavegur 51, Breyting / uppfært bílastæðabókhald - BN055156
Á embættisafgreiðslufundi skipulagsfulltrúa 16. nóvember 2018 var lagt fram erindi frá afgreiðslufundi byggingarfulltrúa frá 13. nóvember 2018 þar sem sótt er um leyfi til að breyta fyrirkomulagi bílastæða á lóð v/gerðar eignaskiptasamnings í verslunar- og skrifstofuhúsi á lóð nr. 51 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags.30. nóvember 2018.
Gjald kr. 11.000

Umsögn skipulagsfulltrúa dags. 30. nóvember 2018 samþykkt.
11.18 Vesturberg 32-44, (fsp) breyting á notkun kjallara
Á embættisafgreiðslufundi skipulagsfulltrúa 2. nóvember 2018 var lögð fram fyrirspurn Þórunnar Davíðsdóttur mótt. 15. október 2018 um að breyta notkun kjallara hússins nr. 40 á lóð nr. 32-44 við Vesturberg í íbúð og setja hurð og tvo glugga á norðurhlið hússins ásamt tröppum. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. nóvember 2018.

Umsögn skipulagsfulltrúa dags. 30. nóvember 2018 samþykkt.
12.18 Hrefnugata 5, Fjarlæga skúr og byggja nýjan
Að lokinni grenndarkynningu er lagt fram að nýju erindi frá afgreiðslufundi skipulagsfulltrúa frá 16. október 2018 þar sem sótt er um leyfi til að rífa bílskúr og byggja nýjan á lóð nr. 5 við Hrefnugötu. Erindi var grenndarkynnt frá 29. október 2018 til og með 26. nóvember 2018. Engar athugasemdir bárust.
Útskrift úr gerðabók embættisafgreiðslufundar skipulagsfulltrúa frá 14. september 2018 fylgir erindi, ásamt umsögn skipulagsfulltrúa dags. 11. september 2018. Stærð: 34,5 ferm og 76,1 rúmm. Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

13.18 Laugavegur 103, (fsp) gististaður
Lögð fram fyrirspurn Bergs Framtíðar ehf. dags. 3. október 2018 varðandi rekstur gististaðar í íbúð 501 í húsinu á lóð nr. 103 við Laugaveg.

Vísað til umsagnar verkefnisstjóra.
14.18 Seljavegur 32, Breytingar innanhúss og setja stiga í stað svala.
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi fyrir breytingum innanhúss, þannig að gististaður verður í flokki II, teg. c ásamt því að koma fyrir flóttastiga í stað svala í húsi á lóð nr. 32 við Seljaveg.
Erindi fylgir bréf frá Ríkiseignum dags. 10. apríl 2018 þar sem Lotu ehf., er veitt umboð til að leggja erindið inn til byggingarfulltrúa. Gjald kr. 11.000

Vísað til umsagnar verkefnisstjóra.
15.18 Suðurlandsbraut 16, Ármúli 13a - br. skrifst. og iðnaðarhúsn. í hótel /veitingastað
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að beyta núverandi skrifstofu- og iðnaðarhúsnæði í gististað í flokki IV - tegund a) hótel fyrir ? gesti og veitingastað í flokki II - tegund c) skyndibitastað ásamt því að koma fyrir tveimur flóttastigum á austur- og vesturhlið í húsi á lóð nr. 13a við Ármúla.
Stækkun B-rými: x ferm., x rúmm. Gjald kr. 11.000

Vísað til umsagnar verkefnisstjóra.
16.18 Öldugata 12, Viðbyggingar
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. október 2018 þar sem sótt er um leyfi til að byggja tvær viðbyggingar með þaksvölum við hús á lóð nr. 12 við Öldugötu. Erindi var grenndarkynnt frá 31. október 2018 til og með 28. nóvember 2018. Engar athugasemdir bárust.
Bréf með rökstuðningi um endurupptöku frá eigendum dags. 23. apríl 2018, afrit af tölvupósti SHS dags. 2. mars 2018, útlitsteikningar með undirritun eigenda nr. 10, 13 og 14 ódagsett fylgir með umsókn. Einnig fylgir útskrift úr gerðabók embættisafgreiðslufundar skipulagsfulltrúa frá 16. febrúar 2018 ásamt umsögn skipulagsfulltrúa dags. 16. febrúar 2018. Útskrift úr gerðabók embættisafgreiðslufundar skipulagsfulltrúa dags. 25. maí 2018 fylgir erindi, ásamt umsögn skipulagsfulltrúa dags. 27. júlí 2018. Erindinu fylgir umsögn Minjastofnunar Íslands, dags. 18.06.2018. Stækkun viðbygging: xxx ferm., xxx rúmm. Stækkun bílskúr: xxx ferm., xxx rúmm. Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

17.18 Grenimelur 26, (fsp) kvistir
Á embættisafgreiðslufundi skipulagsfulltrúa 23. nóvember 2018 var lögð fram fyrirspurn Birgis Jóns Birgissonar dags. 16. nóvember 2016 um að setja kvisti á norður og suðurhlið hússins á lóð nr. 26 við Grenimel. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. nóvember 2018.

Umsögn skipulagsfulltrúa dags. 30. nóvember 2018 samþykkt.
18.18 Hávallagata 9, breyting á deiliskipulagi
Lögð fram umsókn Páls V. Bjarnasonar dags. 21. nóvember 2018 ásamt bréfi dags. 5. október 2018 varðandi breytingu á deiliskipulagi Hólatorgsreits vegna lóðarinnar nr. 9 við Hávallagötu. Í breytingunni felst stækkun húss og breyting á þakformi. Einnig er lagt fram álit Péturs H. Ármannssonar arkitekts dags. 15. nóvember 2018.

Vísað til meðferðar hjá verkefnisstjóra.
19.18 Lautarvegur 20, 22, 24 og 26, breyting á deiliskipulagi
Lögð fram umsókn Yri arkitekta ehf. dags. 27, nóvember 2018 varðandi breytingu á deiliskipulagi Neðan Sléttuvegar vegna lóðanna nr. 20, 22, 24 og 26 við Lautarveg. Í breytingunni felst að fjölga íbúðum úr fjórum í átta, tvær í hverri húseiningu, samkvæmt uppdr. Yrki arkitekta ehf. dags. 26. nóvember 2018.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016
20.18 Nýr Landspítali við Hringbraut, breyting á deiliskipulagi
Lögð fram umsókn Helgu Bragadóttur arkitekts f.h. Nýs Landspítala ohf. dags. 19. nóvember 2018 varðandi breytingu á deiliskipulagi Nýs Landspítala við Hringbraut. Í breytingunni felst að koma fyrir tveggja hæða bílgeymslu undir aðaltorgi/Sóleyjartorgi, sem fær nr. 37. Aðkoma í bílgeymslu verður frá þvergötu austan torgsins milli efri og neðri götu. Breytt er aðkomu við inngang í bráðamóttöku og bílastæðafyrirkomulagi á sunnanverðu Sóleyjartorgi og bílastæðum þar fækkað. Jafnframt er fækkað bílastæðum í bílgeymslu neðanjarðar á reit 35 sunnan geðdeildar o.fl., samkvæmt uppdr. SPITAL dags. 15. nóvember 2018.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016
21.18 Óðinsgata 14, Stækka einbýlishús og áður gerðar breytingar
Á embættisafgreiðslufundi skipulagsfulltrúa 13. júlí 2018 var lagt fram erindi frá afgreiðslufundi byggingarfulltrúa frá 19. júní 2018 þar sem sótt er um samþykkt á áður gerðum breytingum og stækkun á einbýlishúsi á lóð nr. 14 við Óðinsgötu. Erindinu var frestað, umsækjandi hafi samband við embætti skipulagsfulltrúa, og er nú lagt fram að nýju. Einnig er lögð fram umsögn Minjastofnunar Íslands dags. 17. ágúst 2018.
Stækkun: xx ferm., xx rúmm. Gjald kr. 8.000 + xx

Frestað. Umsækjandi hafi samband við embætti skipulagsfulltrúa.
22.18 Álmgerði 1, breyting á deiliskipulagi
Á embættisafgreiðslufundi skipulagsfulltrúa 16. nóvember 2018 var lögð fram umsókn THG Arkitekta ehf. dags. 7. nóvember 2018 varðandi breytingu á deiliskipulagi fyrir Landspítala Grensásdeildar vegna lóðarinnar nr. 1 við Álmgerði. Í breytingunni felst að byggingarreitur vestan við núverandi aðalbyggingu er stækkaður og sameinaður og bílastæðum verður fjölgað á lóðinni, samkvæmt uppdr. THG Arkitekta ehf. dags. 27. september 2018. Erindinu var vísað til meðferðar hjá verkefnisstjóra og er nú lagt fram að nýju.
Frestað. Umsækjandi hafi samband við embætti skipulagsfulltrúa.
23.18 Hraunbær 103A, Aukning á A rýmum BN054285 og breytt skipulag
Á embættisafgreiðslufundi skipulagsfulltrúa 23. nóvember 2018 var lagt fram erindi frá afgreiðslufundi byggingarfulltrúa frá 20. nóvember 2018 þar sem sótt er um leyfi til að breyta erindi BN054285 þannig að byggt verður við suðurgafl á 6. til 9. hæð og austurgafl á 8. og 9. hæð, endaíbúðir þessara hæða stækka, að auki er innra skipulagi íbúða og geymslum breytt í húsi á lóð nr. 103a við Hraunbæ. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 30. nóvember 2018.
Stækkun: Gjald kr. 11.000


Ekki eru gerðar skipulagslegar athugasemdir við erindið, sbr. umsögn skipulagfulltrúa dags. 30. nóvember 2018.
24.18 Kambsvegur 24, Viðbygging
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að byggja viðbyggingu við bílskúr og innrétta gróðurskála og vinnuherbergi í stækkuðum bílskúr við einbýlishús á lóð nr. 24 við Kambsveg.
Útskrift úr gerðabók embættisafgreiðslufundar skipulagsfulltrúa frá 21. september 2018 fylgir erindi, ásamt umsögn skipulagsfulltrúa dags. 19. september 2018. Einnig útskrift úr gerðabók embættisafgreiðslufundar skipulagsfulltrúa frá 16. nóvember 2018 ásamt umsögn skipulagsfulltrúa dags. 16. nóvember 2018. Stækkun: 40 ferm., 110,6 rúmm. Gjald kr. 11.000

Vísað til umsagnar verkefnisstjóra.
25.18 Njálsgata 56, breyting á deiliskipulagi
Á embættisafgreiðslufundi skipulagsfulltrúa 19. október 2018 var lögð fram umsókn Kjartans Hafsteins Rafnssonar dags. 6. október 2018 varðandi breytingu á deiliskipulagi Njálsgötureits, reitur 1.190.3, vegna lóðarinnar nr. 56 við Njálsgötu. Í breytingunni felst að hækka og stækka núverandi byggingu og setja kvisti á þak, breyta byggingarreit til suðurs og byggja þar nýja viðbyggingu á einni hæð með kjallara og svölum á þaki byggingarinnar, rífa núverandi bílgeymslu og byggja nýja bílgeymslu og færist sú bygging u.þ.b. 5,8 metra inná lóðina svo útbúa megi bílastæði á lóð, samkvæmt uppdr. K.J. hönnunar ehf. dags. 19. september 2018. Erindinu var vísað til meðferðar hjá verkefnisstjóra og er nú lagt fram að nýju.
Frestað. Umsækjandi hafi samband við embætti skipulagsfulltrúa.
26.18 Bíldshöfði 9, Mathöll - 1.hæð
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að koma fyrir matarmarkaði og sex veitingastöðum í rými 0104, einum í flokki I - tegund C og fimm í flokki II - tegund C, ásamt starfsmannarými og þurrvörulager í hluta rýmis 0105 í húsi á lóð nr. 9 við Bíldshöfða. EInnig lögð fram umsögn skipulagfulltrúa dags. 30. nóvember 2018.
Gjald kr. 11.000

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 30. nóvember 2018.
27.18 Grensásvegur 1, (fsp) breyting á deiliskipulagi
Lögð fram fyrirspurn Sigurðar Einarssonar dags. 2. nóvember 2018 um breytingu á deiliskipulagi Skeifunnar vegna lóðarinnar nr. 1 við Grensásveg sem felst í að byggja íbúðir á lóðinni í bland við þjónustu á jarðhæð ásamt aukningu á byggingarmagni lóðarinnar sem felst í að byggja nýja byggingu meðfram Skeifunni í stað tveggja núverandi bygginga. Nýtingarhlutfall ofanjarðar hækkar úr 1,64 í 1,94, samkvæmt tillögu Batterísins Arkitekta ehf. dags. 1. nóvember 2018.

Vísað til umsagnar verkefnisstjóra.
28.18 Hlíðargerði 26, Viðbygging suðurhlið.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. október 2018 þar sem sótt er um leyfi til að byggja viðbyggingu með anddyri við aðalinngang á suðurhlið einbýlishússins á lóð nr. 26 við Hlíðargerði. Erindi var grenndarkynnt frá 29. október 2018 til og með 26. nóvember 2018. Engar athugasemdir bárust.
Lögð er fram umsögn skipulagsfulltrúa dags. 18. september 2015. Stækkun: 6,8 ferm., 21,2 rúmm. Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

29.18 Kleifarás 6, Stækkun og breyting á einbýlishúsi
Lagt fram erindi frá afgreiðslufundi byggingarfulltrúa frá 27. nóvember 2018 þar sem sótt er um leyfi til að stækka og breyta einbýlishúsi nr. 6 við Kleifarás.
Stækkun: xx,xx ferm., xx,xx rúmm. Gjald kr. 11.000

Vísað til umsagnar verkefnisstjóra.
30.18 Vonarstræti 4/Lækjargata 12, breyting á deiliskipulagi
Á embættisafgreiðslufundi skipulagsfulltrúa 2. nóvember 2018 var lögð fram umsókn Björns Skaptasonar dags. 24. október 2018 varðandi breytingu á deiliskipulagi Lækjargötu 10-12, Vonarstræti 4 og 4b, Skólabrú 2 vegna lóðarinnar nr. 4 við Vonarstræti. Í breytingunni felst að heimilt er að hækka mænishæð á þaki hússins og setja sex nýja kvisti. Heimilt verður að útbúa fjögur ný hótelherbergi á breyttri þakhæð og mun hæðin samtengjast efstu hæð nýbyggingar er liggur samsíða henni, samkvæmt uppdr. Atelier Arkitekta slf. dags. 24. október 2018. Einnig er lögð fram umsögn Minjastofnunar Íslands dags. 19. júní 2018. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. XXXX.

Vísað til skipulags- og samgönguráðs.

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
31.18 Aðalskipulag Reykjavíkur 2010-2030, veitingastaðir, breyting á aðalskipulagi Reykjavíkur
Lagt fram bréf Skipulagsstofnunar dags. 21. nóvember 2018 þar sem stofnunin fellst á að um óverulega breytingu sé að ræða en bendir á að gera þarf nokkrar lagfæringar á gögnum, sbr. bréf stofnunarinnar, áður en stofnunin getur staðfest aðalskipulagsbreytinguna.

Vísað til meðferðar hjá deildarstjóra aðalskipulags.