Gefjunarbrunnur 7, Rökkvatjörn 6-8, Skeiðarvogur 109, Brautarholt 4-4A, Brautarholt 18-20, Dofraborgir 17, Melgerði 17, Bergstaðastræti 33B, Hrefnugata 5, Langagerði 14, Langholtsvegur 54, Lokastígur 9, Logafold 166, Ránargata 4A, Snorrabraut 27-29, Hávallagata 9, Laugavegur 20B, Njálsgata 89, Sólvallagata 67, Hverfisgata 73, Nýlendugata 14, Mýrargata 21-23, Laugavegur 73, Hagasel 23, Hverafold 7, Guðrúnartún 8, nr. 10, Hraunbær 103A, Kambsvegur 24, Köllunarklettsvegur 4, Lofnarbrunnur 1-7, Ármúli 9, Brautarholt 8, Grundarland 9-15, Láland 5, Skeifan 11, Skógarhlíð 14, Skúlagata 28, Elliðaárdalur, Gufunes, áfangi 1, Úlfarsfell, Í Úlfarsfellslandi, Suður Mjódd, Vitastígur 16, Aðalskipulag Reykjavíkur 2010-2030, iðnaður og önnur landfrek starfs, Svæðisskipulag höfuðborgarsvæðisins 2040,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

697. fundur 2018
Ár 2018, föstudaginn 7. september kl. 09:20, hélt skipulagsfulltrúi Reykjavíkur 697. embættisafgreiðslufund sinn til afgreiðslu mála án staðfestingar skipulags- og samgönguráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Sólveig Sigurðardóttir, Hildur Gunnarsdóttir, Haraldur Sigurðsson, Guðlaug Erna Jónsdóttir, Lilja Grétarsdóttir, Margrét Þormar og Björn Ingi Edvardsson. Ritari var Erna Hrönn Geirsdóttir.
Þetta gerðist:

1.18 Gefjunarbrunnur 7, Einbýlishús
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til þess að byggja einbýlishús úr varmamótum á tveimur hæðum með innbyggðum bílskúr á lóð nr. 7 við Gefjunarbrunni.
Stærð: 251,3 ferm., 607,44 rúmm. Gjald kr. 11.000

Vísað til umsagnar verkefnisstjóra.
2.18 Rökkvatjörn 6-8, (fsp) hækkun
Lögð fram fyrirspurn Björgvins Ibsen Helgasonar dags. 30. ágúst 2018 um hækkun á fyrirhuguðu byggingum á lóð nr. 6-8 við Rökkvatjörn þannig að fjöldi hæða verði fimm.
Vísað til umsagnar verkefnisstjóra.
3.18 Skeiðarvogur 109, (fsp) bygging 40 fm. húss
Lögð fram fyrirspurn Kristjáns Sturlaugs Ingólfssonar og Steinunnar Rósu Einarsdóttur mótt. 28. ágúst 2018 varðandi byggingu 40 fm. húss á lóð nr. 109 við Skeiðarvog við lóðarmörk götunnar og lóðarmörk Skeiðarvogs 97 og 111.

Vísað til umsagnar verkefnisstjóra.
4.18 Brautarholt 4-4A, Stækka 4 hæð
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að endurskipuleggja 2. og 3. hæð, stækka 4. hæð yfir svalir til suðurs og innrétta þar 11 gistirými sem verða viðbót við núverandi gististað í flokki II, teg. b fyrir samtals 66 gesti í 32 herbergjum í húsi nr. 4 á lóð nr. 4-4A við Brautarholt.
Stækkun: 46,2 ferm., 82,2 rúmm. Gjald kr. 11.000

Vísað til umsagnar verkefnisstjóra.
5.18 Brautarholt 18-20, Fjölbýlishús
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 17. apríl 2018 þar sem sótt er um leyfi til að byggja inndregna 5. hæð ofaná hús og innrétta 22 íbúðir á 2. - 5. hæð, stækka glugga, koma fyrir svölum, byggja stiga- og lyftuhús og hjóla- og vagnageymslur sem verða sameiginlegar með húsi nr. 20 á baklóð húss á lóð nr. 18 við Brautarholt. Einnig er lögð fram beiðni Snorra Siemens dags. 21. júní 2018 um að grenndarkynning vegna byggingarleyfis fyrir Brautarholt 18-20 verði framlengt um 2 vikur, vegna sumarleyfa. Erindi var grenndarkynnt frá 24. maí 2018 til og með 23. júlí 2018. Eftirtaldir aðilar sendu athugasemdir: Ólafur Þór Gunnarsson og Linda Roberts dags. 7. júní 2018, Guðrún Steinarsdóttir og Jóhann Þór Arnarsson dags. 21. júní 2018 og húsfélagið Skipholti 19 dags. 22. júlí 2018. Erindinu var frestað, umsækjandi hafi samband við embættið, á embættisafgreiðslufundi skipulagsfulltrúa 24. ágúst 2018 og er nú lagt fram að nýju.
Erindi fylgir bréf hönnuða um skipulagsforsendur dags. 4. janúar 2018 og minnisblað um brunamál dags. 19. febrúar 2018. Stækkun: xx ferm., xx rúmm. Eftir stækkun, mhl. 01: 1.393,5 ferm., 4.887,2 rúmm. Mhl. 02: 125,4 ferm., 375,6 rúmm. Gjald kr. 11.000

Vísað til skipulags- og samgönguráðs.
6.18 Dofraborgir 17, (fsp) hurð í kjallara o.fl.
Lögð fram fyrirspurn Gunnlaugs Einars Sævarssonar mótt. 17. ágúst 2018 um að grafa niður og setja hurð í kjallara hússins á lóð nr. 17 við Dofraborgir og gera hellulagt plan við suðvesturhorn lóðar.

Vísað til umsagnar verkefnisstjóra.
7.18 Melgerði 17, Breyta efri hæð og byggja sólstofu
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að rífa núverandi kvisti og gera nýja og stærri kvisti, byggja sólstofu á austurhlið og breyta fyrirkomulagi efrihæðar sem og gluggasetningum á einbýlishúsinu á lóð nr. 17 við Melgerði.
Stækkun hús með sólstofu er : XX ferm., XX rúmm. Gjald kr. 11.000

Vísað til umsagnar verkefnisstjóra.
8.18 Bergstaðastræti 33B, Viðbygging og breyting í gististað
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 12. júní 2018 þar sem sótt er um leyfi til að breyta notkunarflokki húss í flokk 4 og flokki gististað í flokki II G og fyrir áður gerðum breytingum og viðbyggingu og innra skipulagi rishæðar í húsinu á lóð nr. 33 B við Bergstaðastræti. Erindi var grenndarkynnt frá 25. júlí 2018 til og með 22. ágúst 2018. Eftirtaldir aðilar sendu athugasemdir: Ólína Salome Torfadóttir dags. 2. ágúst 2018 og Kristín Cecilsdóttir dags. 21. ágúst 2018.
Umsögn Minjastofnun Íslands dags. 2. maí 2017 og bréf hönnuðar dags. 3. maí 2017 fylgir erindi. Einnig fylgir útskrift úr gerðabók embættisafgreiðslufundar skipulagsfulltrúa frá 12. maí 2017 ásamt umsögn skipulagsfulltrúa dags. 12. maí 2017 og útskrift úr gerðabók embættisafgreiðslufundar skipulagsfulltrúa frá 18. maí 2018 ásamt umsögn skipulagsfulltrúa dags. 18. maí 2018. Bréf hönnuðar dags. 8. júní 2018 fylgir. Stækkun: 10,2 ferm., 21,1 rúmm. Gjald kr. 11.000

Vísað til umsagnar verkefnisstjóra.
9.18 Hrefnugata 5, Fjarlæga skúr og byggja nýjan
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að rífa eldri bílskúr og byggja nýjan geymsluskúr á lóð nr. 5 við Hrefnugötu.
Stærð: 34,5 ferm og 76,1 rúmm. Gjald kr. 11.000

Vísað til umsagnar verkefnisstjóra.
10.18 Langagerði 14, (fsp) bílskúr
Lögð fram fyrirspurn Jóns Aðalsteins Sveinssonar og Guðrúnar Elísabetar Ómarsdóttur mótt. 27. ágúst 2018 varðandi byggingu bílskúrs á lóð nr. 14 við Langagerði.

Vísað til umsagnar verkefnisstjóra.
11.18 Langholtsvegur 54, Svalahurð á aðalhæð og tröppur í bakgarð
Á embættisafgreiðslufundi skipulagsfulltrúa 31. ágúst 2018 var lagt fram erindi frá afgreiðslufundi byggingarfulltrúa frá 28. ágúst 2018 þar sem sótt er um leyfi til að koma fyrir hurð ásamt palli og stiga á vesturhlið 1. hæðar niður í garð á húsi á lóð nr. 54 við Langholtsveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 6. september 2018.
Samþykki meðeigenda dags. 30. mars 2018 og bréf frá hönnuði dags. 9. júní 2018 fylgir. Gjald kr. 11.000

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 6. september 2018.
12.18 Lokastígur 9, (fsp) þaksvalir á bílskúr
Á embættisafgreiðslufundi skipulagsfulltrúa 24. ágúst 2018 var lögð fram fyrirspurn Gunnars Arnar Sigurðssonar dags. 19. ágúst 2018 um að koma fyrir svölum á þaki bílskúrs á lóð nr. 9 við Lokastíg, með útgengi frá svefnherbergi sem staðsett er á miðhæð hússins, samkvæmt uppdrætti ASK Arkitekta dags. 12. ágúst 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 5. september 2018.


Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 5. september 2018.
13.18 Logafold 166, Rými tekið í notkun og áður gerðar breytingar
Á embættisafgreiðslufundi skipulagsfulltrúa 31. ágúst 2018 var lagt fram erindi frá afgreiðslufundi byggingarfulltrúa frá 28. ágúst 2018 þar sem sótt er um leyfi fyrir áður gerðum breytingum á neðri hæð og áður óskráðu rými inn af bílskúr í húsi á lóð nr. 166 við Logafold. Erindinu var vísað til umsagnar verkefnisstjóra og er nú lagt fram að nýju.
Stækkun er 41,5 ferm., 112,1 rúmm. Gjald kr. 11.000

Ekki eru gerðar skipulagslegar athugasemdir við erindið.
14.18 Ránargata 4A, Breyting flóttaleiða inni
Á embættisafgreiðslufundi skipulagsfulltrúa 17. ágúst 2018 var lagt fram erindi frá afgreiðslufundi byggingarfulltrúa frá 14. ágúst 2018 þar sem sótt er um leyfi til að setja flóttastiga á norðurhlið og breyta innra fyrirkomulagi í hóteli á lóð nr. 4A við Ránargötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 6. september 2018.
Stækkun B-rými 13,1 ferm., 35,5 rúmm. Gjald kr. 11.000

Umsögn skipulagsfulltrúa, dags. 6. september 2018, samþykkt.
Erindið verður grenndarkynnt þegar uppfærðir uppdrættir berast embættinu.
15.18 Snorrabraut 27-29, Niðurstöður brunavarna
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi fyrir uppfærslu á brunavörnum í húsi á lóð nr. 29 við Snorrabraut.
Gjald kr. 11.000

Vísað til umsagnar verkefnisstjóra.
16.18 Hávallagata 9, Svalir breytt í baðherbergi, stækkun kjallara og nýjar svalir
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að stækka baðherbergi í kjallara með því að taka í notkun óuppfyllt rými, byggja yfir svalir, gera nýjar og innrétta baðherbergi á fyrstu og annarri hæð í húsi á lóð nr. 9 við Hávallagötu.
Samþykki frá öðrum eiganda Hávallagötu 11 dags. 1. september 2018 fylgir erindi. Stækkun: 12,1 ferm., 31,2 rúmm. Gjald kr. 11.000

Vísað til umsagnar verkefnisstjóra.
17.18 Laugavegur 20B, (fsp) aukning á byggingarmagni
Lögð fram fyrispurn Páls V Bjarnasonar dags. 3. september 2018 varðandi stækkun hússins á lóð nr. 20B við Laugaveg sem felst í að byggja einnar hæða viðbyggingu á baklóð með þaksvölum ásamt því að byggja ofan á húsið mansardþak eða brotþak á milli byggingu eða syðsta hlutann, samkvæmt uppdr. P ARK teiknistofu sf. dags. 3. september 2018.

Vísað til umsagnar verkefnisstjóra.
18.18 Njálsgata 89, (fsp) leikskóli
Lögð fram fyrirspurn skrifstofu eigna og atvinnuþróunar dags. 6. september 2018 um að koma fyrir leikskóla á lóð nr. 89 við Njálsgötu, samkvæmt kynningargögnum umhverfis- og skipulagssviðs ódags.
Vísað til umsagnar verkefnisstjóra.
19.18 Sólvallagata 67, breyting á deiliskipulagi
Lögð fram umsókn skrifstofu eigna og atvinnuþróunar dags. 6. september 2018 varðandi breytingu á deiliskipulagi fyrir lóðina nr. 67 við Sólvallagötu, Vesturbæjarskóli. Í breytingunni felst að lóðin er stækkuð í suðvesturenda. Vesturvallagata er lögð af sem akstursgata milli Hringbrautar og Ásvallagötu og bætist það svæði við lóðina. Fjögurra m. breið gönguleið á milli skólalóðar og lóðanna Ásvallagötu 81 og Hringbrautar 112-114. Girðing meðfram lóðarmörkum á stækkun lóðar skal vera hámark 1.2 m. á hæð, samkvæmt uppdr. umhverfis- og skipulagssviðs dags. 4. september 2018.

Vísað til umsagnar verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
20.18 Hverfisgata 73, breyting á deiliskipulagi
Lögð fram umsókn Kjartans Hafsteins Rafnssonar dags. 28. maí 2018 varðandi breytingu á deiliskipulagi Skúlagötusvæðis vegna lóðarinnar nr. 73 við Hverfisgötu. Í breytingunni felst að hækka húsið og stækka til norðurs, setja kvisti á norður- og suðurhlið byggingar og svalir á 1. hæð og rishæð, samkvæmt uppdr. K.J. hönnunar ehf. dags. 22. maí 2018. Einnig liggur fyrir samþykki meðlóðarhafa dags. 29. júní 2018. Lagður fram tölvupóstur Þormóðs Sveinssonar dags. 7. september 2018 þar sem óskað er eftir framlengingu á athugasemdarfresti.

Samþykkt er að framlengja athugasemdarfrest til 13. september 2018.
21.18 Nýlendugata 14, (fsp) smáíbúðir
Lögð fram fyrirspurn THG Arkitekta ehf. dags. 3. september 2018 ásamt bréfi dags. 3. september 2018 um að gera smáíbúðir til langtímaleigu á efri hæðum hússins á lóð nr. 14 við Nýlendugötu, samkvæmt tillögu THG Arkitekta ehf. dags. 8. maí 2018.

Vísað til umsagnar verkefnisstjóra.
22.18 Mýrargata 21-23, (fsp) uppbygging á lóð
Á embættisafgreiðslufundi skipulagsfulltrúa 16. mars 2018 var lögð fram fyrirspurn Einars Ólafssonar dags. 13. mars 2018 varðandi byggingu kirkju á lóð nr. 21-23 við Mýrargötu, samkvæmt tillögu A eða B frá Arkiteo ehf. dags. mars 2018. Fyrirspurninni var vísað til umsagnar verkefnisstjóra og er nú lögð fram að nýju.
Frestað.
Umsækjandi hafi samband við embætti skipulagsfulltrúa.
23.18 Laugavegur 73, Nýbygging
Á embættisafgreiðslufundi skipulagsfulltrúa 15. júní 2018 var lagt fram erindi frá afgreiðslufundi byggingarfulltrúa frá 12. júní 2018 þar sem sótt er um leyfi til að byggja fimm hæða steinsteypt fjölbýlishús með 12 íbúðum og verslun/þjónustu á jarðhæð, einangrað að utan og klætt málmklæðningu, á kjallara, með bílgeymslu fyrir 8 bíla sem tengist bílgeymslu Hverfisgötu 92, á lóð nr. 73 við Laugaveg. Erindinu var vísað til umsagnar verkefnisstjóra.
Erindi fylgir bréf hönnuðar um skilmála deiliskipulags dags. 29. maí 2018, viljayfirlýsing varðandi bílastæði dags. 25. maí 2018, minnisblað um sambrunahættu frá Mannvit dags. 23. maí 2018 og greinargerð um hljóðvist frá Mannvit dags. 22. maí 2018. Stærð, A-rými: 1.160 ferm. B-rými: 71,1 ferm. Samtals A + B rými: 1.231,1 ferm., 4.100,3 rúmm. Gjald kr. 11.000

Neikvætt. Samræmist ekki deiliskipulagi.
24.18 Hagasel 23, beiðni um lóðir fyrir sértæk húsnæðisúrræði
Á embættisafgreiðslufundi skipulagsfulltrúa 1. júní 2018 var lagt fram bréf velferðarsviðs dags. 28 maí 2018 þar sem velferðarsvið felur umhverfis- og skipulagssviði að kanna hvort hægt sé að koma fyrir sex til sjö einstaklingsíbúðum fyrir einstaklinga með geðfötlun á lóðinni Hagamel 23. Einnig er lögð fram greinargerð velferðarsviðs dags. 21. júní 2017 með tillögum um uppbyggingu sértækra húsnæðisúrræða fyrir fatlað fólk. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að vinna breytingu á deiliskipulagi í samræmi við erindið.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
25.18 Hverafold 7, beiðni um lóðir fyrir sértæk húsnæðisúrræði
Á embættisafgreiðslufundi skipulagsfulltrúa 1. júní 2018 var lagt fram bréf velferðarsviðs dags. 28 maí 2018 þar sem velferðarsvið felur umhverfis- og skipulagssviði að kanna hvort hægt sé að koma fyrir sex einstaklingsíbúðum fyrir einstaklinga með þroskahömlun og skyldar raskanir á lóðinni Hverafold 7. Einnig er lögð fram greinargerð velferðarsviðs dags. 21. júní 2017 með tillögum um uppbyggingu sértækra húsnæðisúrræða fyrir fatlað fólk. Erindinu var vísað til meðferðar hjá verkefnisstjóra og er nú lagt fram að nýju.
Samþykkt að vinna breytingu á deiliskipulagi í samræmi við erindið.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
26.18 Guðrúnartún 8, nr. 10, breyting á deiliskipulagi
Á embættisafgreiðslufundi skipulagsfulltrúa 1. júní 2018 var lögð fram breytt umsókn T.ark Arkitekta ehf. dags. 30. apríl 2018 ásamt bréfi dags. 12. apríl 2018 varðandi breytingu á deiliskipulagi Borgartúnsreits, reitur 1.216, vegna húss nr. 8 á lóð nr. 10 við Guðrúnartún. Í breytingunni felst hækkun bakhúss um tvær hæðir, úr tveimur hæðum í fjórar, samkvæmt uppdr. T. ark Arkitekta ehf. dags. 16. apríl 2018. Erindinu var vísað til umsagnar verkefnisstjóra og er nú lagt fram að nýju.
Frestað.
Umsækjandi hafi samband við embætti skipulagsfulltrúa.
27.18 Hraunbær 103A, breyting á deiliskipulagi
Á embættisafgreiðslufundi skipulagsfulltrúa 24. ágúst 2018 var lögð fram umsókn Kristins Ragnarssonar dags. 13. ágúst 2018 varðandi breytingu á deiliskipulagi fyrir lóðina nr. 103A við Hraunbæ. Í breytingunni felst hækkun á nýtingarhlutfalli ofanjarðar úr 1.7 í 1.8 og fjölgun bílastæða úr 22 stæðum í 30, samkvæmt uppdr. Kristins Ragnarssonar dags. 3. nóvember 2017. Erindinu var vísað til meðferðar hjá verkefnisstjóra og er nú lagt fram að nýju.
Frestað.
Umsækjandi hafi samband við embætti skipulagsfulltrúa.
28.18 Kambsvegur 24, Viðbygging
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að byggja viðbyggingu við bílskúr og innrétta íbúð við einbýlishús á lóð nr. 24 við Kambsveg.
Stækkun: 40 ferm., 110,6 rúmm. Gjald kr. 11.000

Vísað til umsagnar verkefnisstjóra.
29.18 Köllunarklettsvegur 4, Breyta innra skipulagi
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að breyta innra skipulagi á 2. hæð, sem skipt verður í 15 vinnustofur fyrir listamenn, koma fyrir svölum á vesturhlið og fellistiga á suðurhlið og skipta rými 0109 á 1. hæð í tvö í húsi á lóð nr. 4 við Köllunarklettsveg.
Umsögn Faxaflóahafna um breytingu á deiliskipulagi og samþykki meðeigenda dags. 23. maí 2018 fylgir erindi. Gjald kr. 11.000

Vísað til umsagnar verkefnisstjóra.
30.18 Lofnarbrunnur 1-7, krafa um leiðréttingu á deiliskipulagi lóðar
Á embættisafgreiðslufundi skipulagsfulltrúa 24. ágúst 2018 var lagt fram bréf ADVEL lögmanna slf. f.h. Kjalarlands ehf. dags. 14. ágúst 2018 þar sem gerð er krafa um leiðréttingu á deiliskipulagi lóðarinnar nr. 1-7 við Lofnarbrunn. Erindinu var vísað til meðferðar hjá verkefnisstjóra og er nú lagt fram að nýju.
Vísað til umsagnar hjá skrifstofu sviðsstjóra.
31.18 Ármúli 9, breyting á deiliskipulagi
Á embættisafgreiðslufundi skipulagsfulltrúa 10. ágúst 2018 var lögð fram umsókn Yrki arkitekta ehf. dags. 19. júlí 2018 varðandi breytingu á deiliskipulagi Ármúla, Vegmúla, Hallarmúla vegna lóðarinnar nr. 9 við Ármúla. Í breytingunni felst að notkun bakhússins verði breytt úr bílageymsluhúsi í bílageymsluhús/tæknirými, samkvæmt uppdr. Yrki arkitekta ehf. dags. 19. júlí 2018. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Ármúla 7 og 11. Suðurlandsbraut 8 og 12.

Vakin er athygli á að umsækjandi þarf að greiða fyrir grenndarkynningu áður en kynning fer fram samkv. 7.6. gr. sjá gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
32.18 Brautarholt 8, Breyta vinnustofu í íbúð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 17. júlí 2018 þar sem sótt er um leyfi til að breyta vinnustofu, rými 0202, í íbúð og koma fyrir svölum og björgunaropum í gluggum á vesturhlið í húsi á lóð nr. 8 við Brautarholt. Erindi var grenndarkynnt frá 2. ágúst 2018 til og með 30. ágúst 2018. Engar athugasemdir bárust.
Samþykki meðeigenda ódags. fylgir ásamt bréfi aðalhönnuðar dags. 28.05.2018. Lögð er fram umsögn skipulagsfulltrúa dags. 06.04.2018 við fyrirspurn SN180207. Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

33.18 Grundarland 9-15, Viðbygging á nr.13
Á embættisafgreiðslufundi skipulagsfulltrúa 17. ágúst 2018 var lagt fram erindi frá afgreiðslufundi byggingarfulltrúa frá 14. ágúst 2018 þar sem sótt er um leyfi til að byggja viðbyggingu með kjallara á suðvesturhlið ásamt því að gerð er grein fyrir áður gerðum breytingum á einbýlishúsi nr. 13 sem er mhl. 03 á lóð nr. 9-15 við Grundarland. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. september 2018.
Viðbygging: 139,5 ferm., 517 rúmm. Eftir stækkun, A-rými: 388,4 ferm., 1251 rúmm. B-rými: 92,2 ferm. Gjald kr. 11.000

Umsögn skipulagsfulltrúa, dags. 7. september 2018, samþykkt.
34.18 Láland 5, Stækka íbúðarhús nr.5
Á embættisafgreiðslufundi skipulagsfulltrúa 31. ágúst 2018 var lagt fram erindi frá afgreiðslufundi byggingarfulltrúa frá 28. ágúst 2018 þar sem sótt er um leyfi til að byggja viðbyggingu fyrir nýja bílgeymslu framan við núverandi bílgeymslu, innrétta svefnherbergi í þeirri eldri, lyfta hluta þaks og koma fyrir ofanljósi, og koma fyrir tveimur nýjum bílastæðum sunnan einbýlishúss nr. 5 á lóð nr. 1-7 við Láland. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. september 2018.
Stækkun: 57,5 ferm., xx rúmm. Eftir stækkun, A-rými: 310,4 ferm., 1.048,1 rúmm. Gjald kr. 11.000

Umsögn skipulagsfulltrúa, dags. 7. september 2018, samþykkt.
35.18 Skeifan 11, (fsp) stækkun húss fyrir móttöku-/geymslurými
Á embættisafgreiðslufundi skipulagsfulltrúa 31. ágúst 2018 var lögð fram fyrirspurn THG Arkitekta ehf. dags. 20. ágúst 2018 um stækkun hússins á lóð nr. 11 við Skeifuna sem felst í að byggja litla útbyggingu (móttöku-/geymslurými) á norðurhlið byggingarinnar, samkvæmt uppdrætti THG Arkitekta ehf. dags 20. ágúst 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. september 2018.

Umsögn skipulagsfulltrúa, dags. 7. september 2018, samþykkt.
36.18 Skógarhlíð 14, breyting á deiliskipulagi
Á embættisafgreiðslufundi skipulagsfulltrúa 13. júlí 2018 var lögð fram umsókn Sigurðar Hallgrímssonar dags. 26. júní 2018 varðandi breytingu á deiliskipulagi Skógarhlíðar vegna lóðarinnar nr. 14 við Skógarhlíð. Í breytingunni felst stækkun á lóð til suðurs og gera þar byggingarreit fyrir bílageymslur og tæknirými á einni hæð og afmarka nýjan byggingarreit vestan við slökkvistöðina, samkvæmt uppdr. Arkþings ehf. dags. 26. júní 2018. Erindinu var vísað til meðferðar hjá verkefnisstjóra og er nú lagt fram að nýju.
Frestað.
Umsækjandi hafi samband við embætti skipulagsfulltrúa.
37.18 Skúlagata 28, breyting á deiliskipulagi
Að lokinni auglýsingu er lögð fram að nýju umsókn Magnúsar Jenssonar f.h. S28 ehf. dags. 21. mars 2018 varðandi breytingu á deiliskipulagi Barónsreits vegna lóðarinnar nr. 28 við Skúlagötu. Í breytingunni felst m.a. ýmsar breytingar á byggingarreitum m.a. er 6. hæðin stækkuð til suðurs, bætt við byggingarreit fyrir glerskála í inngarð og byggingarreitur til vesturs minnkaður. Einnig er breytt heimild til nýtingar kjallararýma úr bílageymslu í fjölþættari notkun, samkvæmt uppdr. Magnúsar Jenssonar dags. 18. mars 2018 síðast breytt 30.mai 2018. Tillagan var auglýst frá 17. júlí 2018 til og með 28. ágúst 2018. Eftirtaldir aðilar sendu athugasemdir: Sturla Geirsson f.h. Rauðsvíkur ehf og Hverfisgötu 85-93 ehf. dags. 21. ágúst 2018. Einnig er lögð fram umsögn Veitna ohf. dags. 28. ágúst 2018. Jafnframt er lagt fram bréf T.ark Arkitekta ehf. dags. 24. ágúst 2018 og tölvupóstur Sturlu Geirssonar f.h. Rauðsvíkur ehf og Hverfisgötu 85-93 ehf. dags. 30. ágúst 2018 þar sem athugasemdir eru dregnar til baka. Erindinu var vísað til meðferðar hjá verkefnisstjóra á embættisafgreiðslufundi skipulagsfulltrúa 31. ágúst 2018 og er nú lagt fram að nýju ásamt minnisblaði skipulagsfulltrúa dags. 6. september 2018.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
38.18 Elliðaárdalur, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs að breytingu á deiliskipulagi fyrir Elliðaárdal. Í breytingunni felst að vegna nýs deiliskipulags fyrir Vogabyggð, svæði 5, þá er afmörkun skipulags Elliðaárdals breytt á þann hátt að mörk skipulagsins eru dregin vestan Geirsnefs í vesturál Elliðaánna, samkvæmt uppdr. Landslags dags. 31. maí 2018. Tillagan var auglýst frá 20. júlí 2018 til og með 31. ágúst 2018. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
39.18 Gufunes, áfangi 1, deiliskipulag
Að lokinni auglýsingu er lögð fram að nýju tillaga að deiliskipulagi fyrir 1. áfanga í Gufunesi, ásamt greinargerð og skilmálum dags. 11. maí 2018. Um er að ræða fyrsta áfanga í skipulagi Gufunessvæðisins. Markmiðið er að útbúa áhugavert og spennandi svæði fyrir kvikmyndaþorp í tengslum við blandaða byggð, þ.m.t. íbúðir. Jafnframt að mynda sterkan ramma almenningssvæðis utan um sveigjanlega og sjálfsprottna byggðarþróun, með áherslur á að þar geti þróast forsendur fyrir fjölbreytt og skapandi samfélag þar sem er gott að búa, starfa og njóta lífsins. Einnig er lögð fram húsakönnun dags. 8. desember 2017 og fornleifaskráning Borgarsögusafns Reykjavíkur dags. 2018. Tillagan var auglýst frá 6. júlí 2018 til og með 17. ágúst 2018. Eftirtaldir aðilar sendu athugasemdir: Íslenska Gámafélagið dags. 14. ágúst 2018. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 24. ágúst 2018 og er nú lagt fram að nýju.
Vísað til skipulags- og samgönguráðs
40.18 Úlfarsfell, nýtt deiliskipulag
Lögð er fram tillaga að deiliskipulagi fyrir svæði á toppi Úlfarsfells þar sem fyrirhugað er að reisa 50 metra hátt fjarskiptamastur fyrir loftnet og tækniskýli með útsýnispalli. Umrædd framkvæmd tryggir fullnægjandi útvarps- og fjarskiptaþjónustu á höfuðborgarsvæðinu og til að lágmarka sjónræn áhrif mannvirkja er til að unnið verði með náttúruleg byggingarefni á þann hátt að mannvirkin falli sem best inn í landslagið og umhverfið. Stærð skipulagssvæðis er um 1,3 ha.

Vísað til skipulags- og samgönguráðs.
41.18 Í Úlfarsfellslandi, Nýtt frístundahús.
Lagt fram erindi frá afgreiðslufundi byggingarfulltrúa frá 4. september 2018 þar sem sótt er um leyfi til að byggja frístundahús á lóð með landnúmer 125493, í Úlfarsfellslandi.
Stærð: xx ferm., og xx rúmm. Gjald 11.000

Vísað til umsagnar verkefnisstjóra.
42.18 Suður Mjódd, breyting á deiliskipulagi
Á embættisafgreiðslufundi skipulagsfulltrúa 29. júní 2018 var lögð fram að lokinni auglýsingu, tillaga umhverfis- og skipulagssviðs að breytingu á deiliskipulagi Suður Mjóddar. Í breytingunni felst í meginatriðum stækkun á lóðinni við Álfabakka 4, aukning á nýtingu og byggingarmagni ásamt því að hámarkshæð bygginga hækkar o.fl. auk uppfærðra kvaða um settjörn og legu rafstrengja skv. deiliskipulagsuppdrætti Teiknistofunnar Storð ehf. dags. 2. mars 2018 br. 9. ágúst 2018. Einnig er lagður fram skýringaruppdráttur dags. 2. mars 2018 og greinargerð dags. 2. mars 2018. Tillagan var auglýst frá 28. mars 2018 til og með 22. júní 2018. Eftirtaldir aðilar sendu athugasemdir: Húsin í Bænum ehf. dags. 7. maí 2018, og Veitur dags. 22. júní 2018. Erindinu var vísað til umsagnar verkefnisstjóra og er nú lagt fram að nýju.

Vísað til skipulags- og samgönguráðs.
43.18 Vitastígur 16, breyting á deiliskipulagi
Að lokinni grenndarkynningu er lögð fram að nýju umsókn Teiknistofunnar Óðinstorgi HH ehf. f.h. Klittur ehf. dags. 27. febrúar 2018 varðandi breytingu á deiliskipulagi Njálsgötureits vegna lóðar nr. 16 við Vitastíg. Í breytingunni felst aukning á byggingarmagni, samkvæmt uppdr. Teiknistofunnar Óðinstorgi HH ehf. dags. 23. febrúar 2018. Einnig er lögð fram umsögn Minjastofnunar Íslands dags. 19. apríl 2017. Tillagan var grenndarkynnt frá 25. júlí 2018 til og með 22. ágúst 2018. Engar athugasemdir bárust. Lagður fram deiliskipulagsuppdráttur Teiknistofunnar Tröð, dags. 28. júní 2018.

Grenndarkynning endurtekin með deiliskipulagsuppdrætti dags. 28. júní 2018.

Samþykkt að grenndarkynna framlagða tillögu fyrir hagsmunaaðilum að Vitastíg 14a, 14, 15 og 17, Grettisgötu 42b og Njálsgötu 41, 43, 43a og 47.
44.18 Aðalskipulag Reykjavíkur 2010-2030, iðnaður og önnur landfrek starfs, breyting á aðalskipulagi
Að lokinni kynningu er lögð fram að nýju drög að breytingu á aðalskipulagi Reykjavíkur 2010-2030 varðandi Iðnað og önnur landfrek starfsemi dags. í júní 2018. Einnig er lögð fram drög að umhverfisskýrslu dags. júní 2018. Kynning stóð til og með 23. ágúst 2018. Eftirtaldir sendu inn umsagnir: Umhverfisstofnun dags. 21. ágúst 2018, Faxaflóahafnir dags. 23. ágúst 2018, SORPA dags. 23. ágúst 2018, samtök sveitarfélaga á höfuðborgarsvæðinu dags. 24. ágúst 2018, Seltjarnarnesbær dags. 29. ágúst 2018 og Vegagerðin dags. 4. september 2018.

Vísað til meðferðar deildarstjóra aðalskipulags.
45.18 Svæðisskipulag höfuðborgarsvæðisins 2040, vaxtamörk á Álfsnesi - vegna breytinga á svæðisskipulagi
Lagt fram erindi samtaka sveitarfélaga á höfuðborgarsvæðinu dags. 23. ágúst 2018 þar sem send er til kynningar og umsagnar drög að tillögu að breytingu á svæðisskipulagi höfuðborgarsvæðisins 2040, ásamt drögum að umhverfisskýrslu, varðandi breytt vaxtarmörk við Álfsnes.

Vísað til meðferðar deildarstjóra aðalskipulags.