Elliðaárdalur, Frakkastígur, Kjalarnes, Jörfi, Lambhagavegur 11, Laugavegur 73, Langholtsvegur 89, Öldugata 14, Ármúli 38, Bergstaðastræti 33B, Faxafen 5, Arkarvogur 2, Flókagata 56, Grettisgata 50 og 50B, Bólstaðarhlíð 20, Fossvogsvegur 8, Kaldasel 16-26, Skógarhlíð 10, Frakkastígur 19, Jórusel 11, Sjafnargata 14, Skipholt 29, Nýlendugata 29, Nýr Landspítali við Hringbraut, Kjósarhreppur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

685. fundur 2018
Ár 2018, föstudaginn 15. júní kl. 09:20, hélt skipulagsfulltrúi Reykjavíkur 685. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Ingvar Jón B. Gíslason, Hrafnhildur Sverrisdóttir, Björn Ingi Edvardsson, Jón Kjartan Ágústsson, Dagný Harðardóttir og Sólveig Sigurðardóttir. Ritari var Björgvin Rafn Sigurðarson
Þetta gerðist:

1.18 Elliðaárdalur, endurnýjun veitukerfa - beiðni um umsögn
Lagt fram bréf Skipulagsstofnunar dags. 6. júní 2018 þar sem óskað er eftir umsögn Reykjavíkurborgar, umhverfis- og skipulagssviðs, hvort og á hvaða forsendum endurnýjun veitukerfa í Elliðaárdal skuli háð mati á umhverfisáhrifum að teknu tilliti til 2. viðauka 6. gr. laga um mat á umhverfisáhrifum nr. 106/2000.
Vísað til umsagnar skrifstofu umhverfisgæða.
2.18 Frakkastígur, framkvæmdaleyfi
Lögð fram umsókn skrifstofu eigna og atvinnuþróunar dags. 31. maí 2018 um framkvæmdaleyfi vegna endurgerð Frakkastígs sem felst í að framlengja Frakkastíg út að Sæbraut og leggja af núverandi tengingu milli Skúlagötu og Sæbrautar vestan við Frakkastíg, ganga fá gönguleiðum með fram götum, endurnýja lagnir eftir þörfum, setja upp ný umferðarljós við Sæbraut og snjóbræðslu í gönguleiðir, samkvæmt uppdr. verkfræðistofunnar HNIT ódags.
Vísað til umsagnar verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
3.18 Kjalarnes, Jörfi, (fsp) uppbygging íbúðabyggðar
Lögð fram fyrirspurn Helga Mars Hallgrímssonar dags. 6. júní 2018 varðandi uppbyggingu íbúðabyggðar í landi Jörfa á Kjalarnesi með verslun og þjónustu á jarðhæð að hluta, samkvæmt tillögu Arkþings dags. í maí 2018.
Vísað til umsagnar verkefnisstjóra.
4.18 Lambhagavegur 11, Nýbygging
Lagt fram erindi frá afgreiðslufundi byggingarfulltrúa frá 12. júní 2018 þar sem sótt er um leyfi til að byggja þriggja hæða staðsteypt verslunar- og skrifstofuhús með bílgeymslu fyrir 40 bíla á lóð nr. 11 við Lambhagaveg.
Varmatapsútreikningar dags. 29. maí 2018 og greinargerð brunahönnuðar dags. 29. maí 2018 fylgja erindi. Stærð: 5.738,0 ferm., 26.818,2 rúmm. Gjald kr. 11.000

Vísað til umsagnar verkefnisstjóra.
5.18 Laugavegur 73, Nýbygging
Lagt fram erindi frá afgreiðslufundi byggingarfulltrúa frá 12. júní 2018 þar sem sótt er um leyfi til að byggja fimm hæða steinsteypt fjölbýlishús með 12 íbúðum og verslun/þjónustu á jarðhæð, einangrað að utan og klætt málmklæðningu, á kjallara, með bílgeymslu fyrir 8 bíla sem tengist bílgeymslu Hverfisgötu 92, á lóð nr. 73 við Laugaveg.
Erindi fylgir bréf hönnuðar um skilmála deiliskipulags dags. 29. maí 2018, viljayfirlýsing varðandi bílastæði dags. 25. maí 2018, minnisblað um sambrunahættu frá Mannvit dags. 23. maí 2018 og greinargerð um hljóðvist frá Mannvit dags. 22. maí 2018. Stærð, A-rými: 1.160 ferm. B-rými: 71,1 ferm. Samtals A + B rými: 1.231,1 ferm., 4.100,3 rúmm. Gjald kr. 11.000

Vísað til umsagnar verkefnisstjóra.
6.18 Langholtsvegur 89, (fsp) breytingar á þaki o.fl.
Á embættisafgreiðslufundi skipulagsfulltrúa 4. maí 2018 var lögð fram fyrirspurn Gunnars Sigurðssonar dags. 11. apríl 2018 um að breyta og lyfta þaki hússins á lóð nr. 89 við Langholtsveg svo það gangi fram yfir útbyggingu á suðurhlið og að útvegg að norðan, stækka kvisti og endurnýja, nýta þak bílskúrs og koma fyrir útidyrahurð og glugga, samkvæmt tillögu ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. júní 2018.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað, sbr. umsögn skipulagsfulltrúa dags. 15. júní 2018.

7.18 Öldugata 14, Reyndarteikningar
Lagt fram erindi frá afgreiðslufundi byggingarfulltrúa frá 22. maí 218 þar sem sótt er um leyfi til að skipta einbýlishúsi upp í tvær sjálfstæðar eignir á lóð nr. 14. við Öldugötu. Erindinu var vísað til umsagnar verkefnisstjóra og er nú lagt fram að nýju.
Stækkun íbúðarhúss: 78,8 ferm., 87,1 rúmm. Minnkun bílskúrs: 1 ferm, 2,6 rúmm. Sjá svar JHJ við fyrirspurn dags. í desember 2017. Gjald kr. 11.000

Ekki eru gerðar skipulagslegar athugasemdir við erindið.
8.18 Ármúli 38, (fsp) breyting á notkun rýmis 03 0301
Á embættisafgreiðslufundi skipulagsfulltrúa 11. maí 2018 var lögð fram fyrirspurn Prófsteins ehf. mótt. 30. apríl 2018 ásamt bréfi Húss og skipulags ehf. dags. 24. apríl 2018 varðandi breytingu á notkun rýmis 03 0301 á 3. hæð hússins á lóð nr. 38 við Ármúla úr leikfimissal í íbúðarhúsnæði, samkvæmt uppdr. Húss og skipulags ehf. dags. 24. apríl 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. júní 2018.

Neikvætt, með vísan til umsagnar skipulagsfulltrúa dags. 15. júní 2018.
9.18 Bergstaðastræti 33B, Viðbygging og breyting í gististað
Lagt fram erindi frá afgreiðslufundi byggingarfulltrúa frá 12. júní 2018 þar sem sótt er um leyfi til að breyta notkunarflokki húss í flokk 4 og flokki gististað í flokki II G og fyrir áður gerðum breytingum og viðbyggingu og innra skipulagi rishæðar í húsinu á lóð nr. 33 B við Bergstaðastræti.
Umsögn Minjastofnun Íslands dags. 2. maí 2017 og bréf hönnuðar dags. 3. maí 2017 fylgir erindi.
Einnig fylgir útskrift úr gerðabók embættisafgreiðslufundar skipulagsfulltrúa frá 12. maí 2017 ásamt umsögn skipulagsfulltrúa dags. 12. maí 2017 og útskrift úr gerðabók embættisafgreiðslufundar skipulagsfulltrúa frá 18. maí 2018 ásamt umsögn skipulagsfulltrúa dags. 18. maí 2018. Bréf hönnuðar dags. 8. júní 2018 fylgir. Stækkun: 10,2 ferm., 21,1 rúmm. Gjald kr. 11.000

Samþykkt að grenndarkynna framlagða tillögu fyrir hagsmunaaðilum að Bergstaðastræti 31a, 33, 33a og 37 og Óðinsgötu 20a, 20b, 22, 22a og 24a.

Vakin er athygli á að grenndarkynning fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016. Grenndarkynning verður framkvæmd fyrr en greitt hefur verið fyrir kynninguna.
10.18 Faxafen 5, Innanhússbreytingar 2 og 3 hæð. og þaksvalir
Lagt fram erindi frá afgreiðslufundi byggingarfulltrúa frá 12. júní 2018 þar sem sótt er um leyfi til að breyta innra skipulagi tannlæknastofu á 2. og 3. hæð, koma fyrir hringstiga að millihæð og koma fyrir þaksvölum á suðausturhlið húss á lóð nr. 5 við Faxafen.
Gjald kr. 11.000

Vísað til umsagnar verkefnisstjóra.
11.18 Arkarvogur 2, Fjölbýlishús og bílageymsla
Á embættisafgreiðslufundi skipulagsfulltrúa 1. júní 2018 var lagt fram erindi frá afgreiðslufundi byggingarfulltrúa frá 29. maí 2018 þar sem sótt er um leyfi til að byggja 3 - 5 hæða fjölbýlishús, fjórar byggingar, staðsteyptar, einangraðar og klæddar að utan, með 162 íbúðum og bílgeymslu fyrir 162 bíla á lóð nr. 2 við Arkarvog. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. júní 2018.
Erindi fylgir greinargerð um hljóðvist dags. 21. maí 2018. Stærð, A-rými: xx ferm., xx rúmm. Gjald kr. 11.000

Umsögn skipulagsfulltrúa dags. 15. júní 2018 samþykkt.
12.18 Flókagata 56, bréf
Á embættisafgreiðslufundi skipulagsfulltrúa 11. maí 2018 var lagt fram bréf Lausna lögmannsstofu sf. dags. 3. maí 2018 varðandi byggingu sólhúss á svölum 1. hæðar hússins á lóð nr. 56 við Flókagötu. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 15. júní 2018.

Umsögn skipulagsfulltrúa dags. 15. júní 2018 samþykkt. Grenndarkynna þarf byggingarleyfisumsókn berist hún.
13.18 Grettisgata 50 og 50B, (fsp) sameining lóða o.fl.
Lögð fram fyrirspurn Huldu Kristínar Guðmundsdóttur dags. 7. júní 2018 um sameiningu lóðanna nr. 50 og 50B við Grettisgötu án þess að rífa niður byggingar á lóð nr. 50B við Grettisgötu, en óskað er eftir að byggja upp og varðveita byggingarnar. Einnig er lögð fram umsögn Borgarsögusafns Reykjavíkur dags. 8. júní 2018.

Vísað til umsagnar verkefnisstjóra.
14.18 Bólstaðarhlíð 20, breyting á deiliskipulagi
Lögð fram umsókn skrifstofu eigna og atvinnuþróunar dags. 14. júní 2018 varðandi breytingu á deiliskipulagi fyrir lóð nr. 20 við Bólstaðarhlíð, Ísaksskóli. Í breytingunni felst að afmarkaður er byggingarreitur fyrir eina færanlega kennslustofu á einni hæð, samkvæmt uppdr. umhverfis- og skipulagssviðs dags. 30. maí 2018.

Samþykkt að grenndarkynna framlagða tillögu fyrir hagsmunaaðilum að Skaftahlíð 25 og 26 og Bólstaðahlíð 23, 25, 26 og 27.

Vakin er athygli á að grenndarkynning fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016. Grenndarkynning verður framkvæmd fyrr en greitt hefur verið fyrir kynninguna.
15.18 Fossvogsvegur 8, Fjölbýlishús
Á embættisafgreiðslufundi skipulagsfulltrúa 25. maí 2018 var lagt fram erindi frá afgreiðslufundi byggingarfulltrúa frá 22. maí 2018 þar sem sótt er um leyfi til að byggja þriggja hæða steinsteypt fjölbýlishús með 15 íbúðum á lóð nr. 8 við Fossvogsveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. júní 2018.
Stærð, A-rými: 2.815,6 ferm., 9.254,9 rúmm. B-rými: xx ferm., xx rúmm. Gjald kr. 11.000

Ekki eru gerðar skipulagslegar athugasemdir við erindið sbr. umsögn skipulagsfulltrúa dags. 15. júní 2018.
16.18 Kaldasel 16-26, (fsp) setja glugga og innrétta jarðhæð
Lögð fram fyrirspurn Jóhanns Freys Jóhannssonar f.h. Júlíu Pálmadóttur Sighvats og Óskars Friðriks Sigmarssonar mótt. 30. maí 2018 um að setja glugga og innrétta jarðhæð hússins nr. 20 á lóð nr. 16-26 við Kaldasel ásamt því að setja hurð á bílskúr sem snýr að garði, samkvæmt tillögu ódags.

Vísað til umsagnar verkefnisstjóra.
17.18 Skógarhlíð 10, samgöngumiðstöð
Á embættisafgreiðslufundi skipulagsfulltrúa 8. júní 2018 var lagt fram bréf Heilbrigðiseftirlits Reykjavíkur dags. 5. júní 2018 um hvort heimilt sé að starfrækja samgöngumiðstöð að Skógarhlíð 10. Einnig er lögð fram umsögn skipulagsfulltrúa dags. 15. júní 2018.

Umsögn skipulagsfulltrúa dags. 15. júní 2018 samþykkt.

18.18 Frakkastígur 19, (fsp) breyting á notkun
Lögð fram fyrirspurn Sigurþórs Aðalsteinssonar dags. 8. júní 2018 ásamt bréfi dags. 7. júní 2018 um að gera íbúð í stakstæðri fyrrum þvottahúsbyggingu á lóð nr. 19 við Frakkastíg. Einnig er lögð fram umsögn skipulagsfulltrúa dags. 14. júní 2018.

Ekki eru gerðar athugasemdir við erindið sbr. umsögn skipulagsfulltrúa dags. 14. júní 2018.
19.18 Jórusel 11, (fsp) stækkun lóðar
Á embættisafgreiðslufundi skipulagsfulltrúa 8. júní 2018 var lögð fram fyrirspurn Axels Þóris Þórissonar dags. 4. júní 2018 varðandi stækkun lóðarinnar nr. 11 við Jórusel. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. júní 2018.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað, sbr. umsögn skipulagsfulltrúa dags. 15. júní 2018.
20.18 Sjafnargata 14, Útbúa þaksvalir
Á embættisafgreiðslufundi skipulagsfulltrúa 8. júní 2018 var lagt fram erindi frá afgreiðslufundi byggingarfulltrúa frá 5. júní 2018 þar sem sótt er um leyfi til að útbúa þaksvalir á neðra þak byggingar og endurnýja svalahandrið á húsinu á lóð nr. 14 við Sjafnargötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. júní 2018.
Gjald kr. 11.000

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags 15. júní 2018.
21.18 Skipholt 29, (fsp) hækkun bakhúss
Á embættisafgreiðslufundi skipulagsfulltrúa 8. júní 2018 var lögð fram fyrirspurn Guðna Pálssonar dags. 4. júní 2018 ásamt bréfi dags. 4. júní 2018 varðandi hækkun á bakhúsi á lóð nr. 29 við Skipholt. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. júní 2018.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað, sbr. umsögn skipulagsfulltrúa dags. 15. júní 2018.
22.18 Nýlendugata 29, (fsp) stækkun húss og fjölgun íbúða
Á embættisafgreiðslufundi skipulagsfulltrúa 1. júní 2018 var lögð fram fyrirspurn ÁÁ 29 ehf. mótt. 22. maí 2018 um stækkun hússins á lóð nr. 29 við Nýlendugötu og fjölga íbúðum úr fimm í átta íbúðir, samtals uppdr. Bj. Snæ slf. dags. 22. maí 2018. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 15. júní 2018.

Umsögn skipulagsfulltrúa dags. 15. júní 2018 samþykkt.
23.18 Nýr Landspítali við Hringbraut, framkvæmdaleyfi
Á embættisafgreiðslufundi skipulagsfulltrúa 1. júní 2018 var lögð fram umsókn Nýs Landspítala ohf. dags. 18. maí 2018 um framkvæmdaleyfi fyrir Nýjan Landspítala við Hringbraut sem felst m.a. í upprifi á núverandi yfirborði gatna, göngustíga, bílastæða og grænna svæða, nýbyggingu gatna, bílastæða og gönguleiða ásamt lóðarfrágangi, allri jarðvinnu við meðferðarkjarna og mögulegum bílakjallara austan við meðferðarkjarna, uppbyggingu tengiganga og stoðveggja, gerð undirganga við Snorrabraut, gerð bráðabirgðabílastæða og allri vinnu við lagnir á svæðinu þ.m.t. breytingum á veitukerfum vegna vinnu við meðferðarkjarna. Einnig eru lögð fram verklýsing Nýs Landspítala dags. í apríl 2018, útboðs- og samningsskilmálar Nýs Landspítala dags. í apríl 2018 og uppdrættir/teikningar SPITAL ehf. dags. 15. mars 2018. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 15. júní 2018.

Umsögn skipulagsfulltrúa dags. 15. júní 2018 samþykkt.

Vísað til skrifstofu sviðstjóra til útgáfu framkvæmdaleyfis.
Vakin er athygli á að greiða þarf fyrir útgáfu framkvæmdaleyfis skv. gr. 5.2 í . gjaldskrá skipulagsfulltrúa nr. 1193/2016.
24.18 Kjósarhreppur, heildarendurskoðun Aðalskipulags Kjósarhrepps 2017-2029
Lagt fram erindi bygginga- og skipulagsfulltrúa Kjósarhrepps dags. 14. júní 2018 þar sem óskað er eftir umsögn skipulagsfulltrúa um heildarendurskoðun Aðalskipulags Kjósarhrepps 2017-2029.

Vísað til umsagnar deildarstjóra aðalskipulags Reykjavíkur.