Grímsstaðavör, Áland 1, Einarsnes 66-66A, Fiskislóð 33, 35 og 37, Gamla höfnin - Vesturbugt, Héðinsreitur, reitur 1.130.1, Melgerði 22, Snorrabraut 56, Efstaleiti 5, Gylfaflöt 20, Klapparstígur 40, Krókavað 1-11, Laugavegur 51, Óðinsgata 9, Rauðalækur 47, Skipholt 35, Sogavegur 22, Stangarhylur 3, Vonarstræti 10, Bergstaðastræti 29, Hlíðarendi, Hlíðarendi 16, Sólvallagata 20, Þverholt 15, Hverfisgata 35, Borgartún 8-16A, Eddufell 2-6, Hallarmúli 2, Hverafold 7, Suðurlandsbraut 12, Elliðaárdalur, Norðlingaholt, Suður Mjódd, Aðalskipulag Reykjavíkur 2010-2030, efnisvinnslusvæði í Álfsnesvík, Frostaskjól 2, Grafarholt og Korpúlfsstaðir, Svæðisskipulag höfuðborgarsvæðisins, Borgarlína, Ölfus - virkjun á Hellisheiði,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

660. fundur 2017
Ár 2017, föstudaginn 1. desember kl. 09:00, hélt skipulagsfulltrúi Reykjavíkur 660. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, og Ágústa Sveinbjörnsdóttir. Eftirtaldir embættismenn kynntu mál á fundinum: Borghildur S. Sturludóttir, Jón Kjartan Ágústsson, Halldóra Hrólfsdóttir, Dagný Harðardóttir, Ingvi Jón B. Gíslason, Guðlaug Erna Jónsdóttir, Lilja Grétarsdóttir. Ritari var Erna Hrönn Geirsdóttir.
Þetta gerðist:

1.17 Grímsstaðavör, menningarminjar - grásleppuskúrar
Lagt fram minnisblað umhverfis- og skipulagssviðs dags. 30. nóvember 2017 um menningarsögulegar minjar við Grímsstaðavör og notkun og skipulag útivistarsvæðis á náttúrulegri og ósnertri strandlengju.

Kynna formanni umhverfis- og skipulagsráðs.
2.17 >Áland 1, breyting á deiliskipulagi
Lögð fram umsókn Studio F ehf. mótt. 27. nóvember 2017 varðandi breytingu á deiliskipulagi fyrir lóðina nr. 1 við Áland. Í breytingunni felst að stækka byggingarreit til austurs vegna byggingu einnar hæðar viðbyggingu við húsið, samkvæmt uppdr. Studio F ehf. dags. 24. nóvember 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.


3.17 Einarsnes 66-66A, breyting á deiliskipulagi
Á embættisafgreiðslufundi skipulagsfulltrúa 24. nóvember 2017 var lögð fram umsókn Aðalheiðar Atladóttur, mótt. 15. nóvember 2017, ásamt greinargerð, dags. 8. júní 2017, varðandi breytingu á deiliskipulagi Einarsness vegna lóðar nr. 66 við Einarsnes. Breytingin felst í því að skipta lóðinni, Einarsnesi 66/66A uppí tvo hluta: Einarsnes 66/66A og Einarsnes 66B og koma fyrir byggingarreit fyrir hús og bílgeymslu, samkvæmt uppdr. A2F arkitekta, dags. 10. október 2017. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs.

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
4.17 Fiskislóð 33, 35 og 37, breyting á deiliskipulagi
Á embættisafgreiðslufundi skipulagsfulltrúa 20. október 2017 var lögð fram umsókn T.ark Arkitekta ehf. mótt. 4. október 2017 ásamt bréfi, dags. 4. október 2017 varðandi breytingu á deiliskipulagi Vesturhafnar (Örfirisey) vegna lóðanna nr. 33, 35 og 37 við Fiskislóð. Í breytingunni felst hækkun á nýtingarhlutfalli, sameining lóða ásamt sameiginlegum bílastæðum sem yrðu að stórum hluta í bílageymslu neðanjarðar, samkvæmt deiliskipulags- og skýringaruppdr. T.ark Arkitekta ehf., dags. 15. ágúst 2017. Einnig er lögð fram greinargerð T.ark Arkitekta ehf., dags. í mars 2017 og bréf Faxaflóahafna sf. dags. 18. ágúst 2017. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs.

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
5.17 Gamla höfnin - Vesturbugt, breyting á deiliskipulagi svæði 5 og 6
Á embættisafgreiðslufundi skipulagsfulltrúa 24. nóvember 2017 var lögð fram umsókn Yrki arkitekta, mótt. 5. júlí 2017, um breytingu á deiliskipulagi Vesturbugtar svæði 5 og 6 skv. uppdráttum Yrki, dags. 14. nóvember 2017. Sótt er um breytingu á deiliskipulagi Vesturbugtar fyrir einnar hæðar verslunar- og þjónustuhúsum (einingar) fyrir Faxaflóahafnir á Ægisgarði og við Hafnargötu ásamt uppbyggingu stærra þjónustuhúss við Ægisgarð. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs.

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
6.17 Héðinsreitur, reitur 1.130.1, breyting á deiliskipulagi
Lögð fram forsögn umhverfis- og skipulagssviðs. skipulagsfulltrúa dags. 26. júní 2017 á deiliskipulagi fyrir Héðinsreit - út frá gildandi heimildum í deiliskipulagi, frá markmiðum Reykjavíkurborgar og áherslum skv. gildandi aðalskipulagi. Reiturinn er innan miðborgar (M1) á svæði sem skilgreint er nánar sem M1b. Blönduð miðborgarbyggð. Skrifstofur og þjónusta. Eftirfarandi skilgreining gildir um það svæði (bls. 207-208): "Markmiðið er að efla fjölbreytta atvinnu- og þjónustustarfsemi sem fellur að íbúðarbyggð. Gert er ráð fyrir stofnunum og skrifstofum og sérhæfðri þjónustu, þ.m.t. gistiþjónustu. Íbúðir eru heimilar, einkum á efri hæðum húsnæðis. Við jarðhæðir með götuhliðastýringu er verslunar- og þjónustustarfsemi opin almenningi í forgangi."
Mikilvægt er að deiliskipulagsbreytingin horfi til þeirra fermetra sem er í gildi skv. núverandi deiliskipulagi, 3.000 m² og 14.180m² - að lóðarhafar finni út í sameiningu hvernig nýbyggingar á þessum reit aðlagi sig að núverandi byggð með útgangspunkti í þeim fermetrum sem eru í gildi nú skv. gildandi deiliskipulagi.

Kynna formanni umhverfis- og skipulagsráðs.
7.17 Melgerði 22, Stækka einbýlishús
Lagt fram erindi frá afgreiðslufundi byggingarfulltrúa frá 28. nóvember 2017 þar sem sótt er um leyfi til að byggja hæð ofaná einbýlishús á lóð nr. 22 við Melgerði.
Erindi fylgir samþykki lóðarhafa Melgerðis 24 vegna sorptunnuskýlis á lóðamörkum dags. 14. september 2017. Einnig útskrift úr gerðabók embættisafgreiðslufundar skipulagsfulltrúa frá 25. ágúst 2017 ásamt umsögn skipulagsfulltrúa dags. 25. ágúst 2017. Stækkun: 95 ferm., 515 rúmm. Eftir stækkun: 230,2 ferm., 840,2 rúmm. Gjald kr. 11.000

Vísað til umsagnar verkefnisstjóra.
8.17 Snorrabraut 56, (fsp) fella niður kvöð um umferð/gegnumakstur
Á embættisafgreiðslufundi skipulagsfulltrúa 10. nóvember 2017 var lögð fram fyrirspurn Finns Björgvinssonar mótt. 7. nóvember 2017 um að fella niður kvöð um umferð/gegnumakstur á lóð nr. 56 við Snorrabraut. Fyrirspurninni var vísað til umsagnar verkefnisstjóra og er nú lögð fram að nýju.

Kynna formanni umhverfis- og skipulagsráðs.
9.17 Efstaleiti 5, Veitingastaður - fl.2 í mötuneyti
Lagt fram erindi frá afgreiðslufundi byggingarfulltrúa frá 28. nóvember 2017 þar sem sótt er um leyfi til að starfrækja mötuneyti/veitingastað í flokki II - tegund ?? í húsinu á lóð nr. 5 við Efstaleiti.
Gjald kr. 11.000

Vísað til umsagnar verkefnisstjóra.
10.17 Gylfaflöt 20, Breyting inni - milligólf
Á embættisafgreiðslufundi skipulagsfulltrúa 24. nóvember 2017 var lagt fram erindi frá embættisafgreiðslufundi byggingarfulltrúa frá 21. nóvember 2017 þar sem sótt er um leyfi fyrir áður gerðum breytingum á innra skipulagi og milligólfi í rými 0101 í atvinnuhúsi á lóð nr. 20 við Gylfaflöt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 1. desember 2017.
Stækkun: 32,1 ferm. Gjald kr. 11.000

Neikvætt, með vísan til umsagnar skipulagsfulltrúa dags. 1. desember 2017. Sækja þarf um breytingu á deiliskipulagi.
11.17 Klapparstígur 40, (fsp) - Morgunverðastaður, bæta við salerni.
Lagt fram erindi frá afgreiðslufundi byggingarfulltrúa frá 28. nóvember 2017 þar sem spurt er hvort leyft yrði að breyta innra skipulagi og innrétta morgunverðarkaffihús í húsi á lóð nr. 40 við Klapparstíg.

Vísað til umsagnar verkefnisstjóra.
12.17 Krókavað 1-11, (fsp) nr.1 - bílskúr
Á embættisafgreiðslufundi skipulagsfulltrúa 24. nóvember 2017 var lögð fram fyrirspurn Edilon Hreinssonar mótt. 15. nóvember 2017 ásamt greinargerð dags. 14. nóvember 2017 varðandi bílskúr við Krókavað 1 á lóð nr. 1-11 við Krókavað, samkvæmt uppdrætti Sturlu Þórs Jónssonar, dags. 1. nóvember 2017. Fyrirspurninni var vísað til umsagnar verkefnisstjóra og er nú lögð fram að nýju.
Frestað. Fyrirspyrjandi hafi samband við embætti skipulagsfulltrúa.
13.17 Laugavegur 51, Innrétta kaffihús
Lagt fram erindi frá afgreiðslufundi byggingarfulltrúa frá 28. nóvember 2017 þar sem sótt er um leyfi til að innrétta kaffihús í flokki II á 1. hæð fyrir 30 gesti og koma fyrir borðum og stólum á gangstétt fyrir 16 í húsi á lóð nr. 51 við Laugaveg.
Gögn frá erindi BN040145 sem var í frestir fylgir þar á meðal þinglýst yfirlýsing frá húsfélagi að leyfi sé til að starfrækja kaffihús í fasteigninni. Gjald kr. 11.000

Vísað til umsagnar verkefnisstjóra.
14.17 Óðinsgata 9, Breyting á fastanúmerum - gistirými fl2 - íbúðir
Lagt fram erindi frá afgreiðslufundi byggingarfulltrúa frá 28. nóvember 2017 þar sem sótt er um leyfi til að breyta erindi BN045901 þannig að breytt er innra skipulagi, íbúðum fækkað úr fjórum í þrjár og óskað er eftir því að íbúðir verði gistiíbúðir í flokki II tegund G í húsi nr. 9 við Óðinsgötu.
Gjald kr. 11.000

Vísað til umsagnar verkefnisstjóra.
15.17 Rauðalækur 47, (fsp) loka svölum
Lögð fram fyrirspurn Ólafs Hjördísarsonar Jónssonar mótt. 13. nóvember 2017 ásamt greinargerð dags, 7. nóvember 2017 um að setja glerhýsi ofan á svalir hússins á lóð nr. 47 við Rauðagerði (götumegin).

Vísað til umsagnar verkefnisstjóra.
16.17 Skipholt 35, Samkomusalur
Lagt fram erindi frá afgreiðslufundi byggingarfulltrúa frá 28. nóvember 2017 þar sem sótt er um leyfi til að innrétta veitingastað í flokki II, teg. samkomusalur fyrir 50 gesti í söludeild Reykjafells, sjá erindi BN049738, á 1. hæð í húsi á lóð nr. 35 við Skipholt.
Gjald kr. 11.000

Vísað til umsagnar verkefnisstjóra.
17.17 Sogavegur 22, Viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 10. október 2017 þar sem sótt er um leyfi til að byggja staðsteypta viðbyggingu við vestur- og suðurhlið hússins á lóð nr. 22 við Sogaveg. Erindi var grenndarkynnt frá 31. október 2017 til og með 28. nóvember 2017. Engar athugasemdir bárust.
Útskrift úr gerðabók embættisafgreiðslufundar skipulagsfulltrúa frá 25. ágúst 2017 fylgir erindinu, ásamt umsögn skipulagsfulltrúa dags. 21. ágúst 2017. Stækkun : 31.8 ferm., 103,4 rúmm. Gjald kr. 9.500

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

18.17 Stangarhylur 3, (fsp) gististaður
Lögð fram fyrirspurn Þórðar Steingrímssonar f.h. Kopar ehf. mótt. 24. nóvember 2017 um rekstur gististaða í húsinu á lóð nr. 3-3A við Stangarhyl.
Vísað til umsagnar verkefnisstjóra.
19.17 Vonarstræti 10, Breyta veitingaleyfi í fl.2
Lagt fram erindi frá afgreiðslufundi byggingarfulltrúa frá 28. nóvember 2017 þar sem sótt er um leyfi til að breyta veitingastað í flokk ll - tegund a fyrir allt að 200 manns í húsi á lóð nr. 10 við Vonarstræti.
Gjald kr. 11.000

Vísað til umsagnar verkefnisstjóra.
20.17 Bergstaðastræti 29, (fsp) deiliskipulag
Á embættisafgreiðslufundi skipulagsfulltrúa 24. nóvember 2017 var lögð fram fyrirspurn Grímu arkitekta ehf. f.h. Guðmundar Aðalsteinssonar mótt. 10. nóvember 2017 ásamt greinargerð dags. 9. nóvember 2017 um gerð deiliskipulags fyrir lóðina nr. 29 við Bergstaðastræti sem felst í að heimilt verði að reisa nýbyggingu austast á lóðinni, bak við núverandi hús, samkvæmt uppdr. Grímu arkitekta ehf. dags. 9. nóvember 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 1. desember 2017.

Neikvætt, með vísan til umsagnar skipulagsfulltrúa dags.1. desember 2017.
21.17 ">Hlíðarendi, breyting á deiliskipulagi
Að lokinni auglýsingu er lögð fram að nýju umsókn ALARK arkitekta ehf., mótt. 22. ágúst 2017, ásamt bréfi, dags. 22. ágúst 2017, varðandi breytingu á deiliskipulagi Hlíðarenda. Í breytingunni felst að fjölga íbúðum á reitum C, D og F í samræmi við breyttan aðalskipulagstalnagrunn, breyta skilmálum er varða svalaganga á íbúðareitum C, D og F, breyta skilmálum fyrir reit H, gera ný gatnamót, Valshlíð tengist við Nauthólsveg, og textabreyting/viðbót í skilmálum er varðar heimild fyrir matvöruverslanir á skipulagssvæðinu, samkvæmt uppdr. ALARK arkitekta ehf., dags. 14. september 2017. Tillaga var auglýst frá 9. október 2017 til og með 24. nóvember 2017. Engar athugasemdir bárust.



Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
22.17 Hlíðarendi 16, (fsp) breyting á deiliskipulagi
Lögð fram umsókn Ask Arkitekta ehf. mótt. 24. nóvember 2017 ásamt bréfi ódags. varðandi breytingu á deiliskipulagi Hlíðarenda vegna lóðarinnar nr. 16 við Hlíðarenda. Í breytingunni felst að breyta hæðarkóta þakbrúnar og að fallið verði frá ákvæði um gras á þaki, samkvæmt uppdr. Ask Arkitekta ehf. dags. 21. nóvember 2017.

Frestað. Umsækjandi hafi samband við embætti skipulagsfulltrúa.
23.17 Sólvallagata 20, (fsp) kvistir og stigahús
Á embættisafgreiðslufundi skipulagsfulltrúa 24. nóvember 2017 var lögð fram fyrirspurn Finns Björgvinssonar mótt. 19. nóvember 2017 um að setja kvisti og stigahús á húsið á lóð nr. 20 við Sólvallagötu, samkvæmt uppdr. Á stofunni arkitektar ehf. dags. 31. ágúst 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. november 2017.

Neikvætt, með vísan til umsagnar skipulagsfulltrúa dags. 30. nóvember 2017.
24.17 Þverholt 15, (fsp) breyting á deiliskipulagi
Á embættisafgreiðslufundi skipulagsfulltrúa 10. nóvember 2017 var lögð fram fyrirspurn Búseta húsnæðissamvinnufélags mótt. 30. október 2017 ásamt bréfi dags. 26. október 2017 um að fella niður kvöð um gönguleið yfir hluta lóðarinnar nr. 15 við Þverholt. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. nóvember 2017.

Neikvætt, með vísan til umsagnar skipulagsfulltrúa dags. 30. nóvember 2017.
25.17 Hverfisgata 35, (fsp) endurbyggja geymslur o.fl.
Á embættisafgreiðslufundi skipulagsfulltrúa 24. nóvember 2017 var lögð fram fyrirspurn Ingu Sólveigar Friðjónsdóttur mótt. 1. nóvember 2017 um að endurbyggja tvær samliggjandi geymslur á lóð nr. 35 við Hverfigötu sem eitt rými (0103), stækka bygginguna til suðurs og hækka um eina hæð og koma fyrir sorpskýli og hliði fyrir framan port, samkvæmt uppdr. dags. í september 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 1. desember 2017.

Neikvætt, með vísan til umsagnar skipulagsfulltrúa dags. 1. desember 2017.
26.17 Borgartún 8-16A, breyting á skilmálum deiliskipulags
Lögð fram fyrirspurn Höfðahótels ehf. mótt. 21. nóvember 2017 varðandi breytingu á skilmálum deiliskipulags Höfðatorgs (Borgartún 8-16A) sem felst í að setja inn ákvæði þar sem skýrt kemur fram heimild um að samnýta bílastæði í bílakjallara. Einnig er lögð fram greinargerð PKdM dags. 21. nóvember 2017 ásamt fylgiskjölum.

Vísað til umsagnar verkefnisstjóra.
27.17 Eddufell 2-6, (fsp) uppbygging
Kynnt fyrirspurn GP-arkitekta ehf., mótt. 7. apríl 2017, varðandi byggingu 15 hæða turn á lóð nr. 2-6 við Eddufell með 50 íbúðum á 14 hæðum og þjónustu á 1. hæð. Einnig er lögð fram tillaga að uppbyggingu, ódags.
Vísað til umsagnar verkefnisstjóra.
28.17 Hallarmúli 2, breyting á deiliskipulagi
Lögð fram umsókn Yrki arkitekta ehf. mótt. 20. nóvember 2017 varðandi breytingu á deiliskipulagi Suðurlandsbrautar 2 vegna lóðarinnar nr. 2 við Hallarmúla. Breytingin felst í megin atriðum í því að auka leyfilegt byggingarmagn og auka hæðarfjölda á lóðinni með tilliti til aðliggjandi byggðar, í byggingunni verður hótel, leyfilegur hæðarfjöldi verður 5 hæðir með efstu hæðina inndregna frá Hallarmúla en til vesturs stallast byggingin niður í 1 hæð, bílastæði verða fjarlægð af yfirborði lóðarinnar og gerður er bílakjallari, samkvæmt uppdr. Yrki arkitekta ehf. dags. 15. nóvember 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
29.17 Hverafold 7, (fsp) uppbygging
Lögð fram fyrirspurn Trípólí sf. mótt. 16. nóvember 2017 varðandi uppbyggingu á lóð nr. 7 við Hverafold ásamt stækkun lóðar til suðurs, samkvæmt tillögu Trípólí 2017.

Vísað til umsagnar verkefnisstjóra.
30.17 Suðurlandsbraut 12, breyting á deiliskipulagi
Að lokinni auglýsingu er lögð fram að nýju umsókn Teiknistofunnar Arkitektar ehf., mótt. 16. júní 2017, varðandi breytingu á deiliskipulagi fyrir lóðina nr. 12 við Suðurlandsbraut. Í breytingunni felst stækkun hússins til suðurs, stækkunin myndi hýsa hótelherbergi á efri hæðum og veitingastaði á neðstu hæðinni með beina tengingu út í aðliggjandi útisvæði, samkvæmt uppdr. Teiknistofunnar Arkitektar ehf., dags. 15. júní 2017, breytt 20. júlí 2017. Tillaga var auglýst frá 9. október 2017 til og með 24. nóvember 2017. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
31.17 Elliðaárdalur, (fsp) ný reiðleið
Lögð fram fyrirspurn Hestamannafélagsins Fáks mótt. 24. október 2017 ásamt greinargerð dags. 18. október 2017 um að skipulögð verði ný reiðleið í neðri hluta Elliðaárdals, samkvæmt tillögu dags. 18. október 2017.

Vísað til umsagnar verkefnisstjóra.
32.17 Norðlingaholt, (fsp) færsla á reiðleið
Lögð fram fyrirspurn Hestamannafélagsins Fáks mótt. 24. nóvember 2017 2017 ásamt greinargerð dags. 23. nóvember 2017 um færslu á reiðleið sem liggur við Búðavað og Selásblett.
Vísað til umsagnar verkefnisstjóra.
33.17 Suður Mjódd, breyting á deiliskipulagi
Lagt fram bréf Skipulagsstofnunar dags. 23. nóvember 2017 þar sem gerðar eru nokkrar athugasemdir.
Vísað til meðferðar hjá verkefnisstjóra.
34.17 Aðalskipulag Reykjavíkur 2010-2030, efnisvinnslusvæði í Álfsnesvík, breyting á aðalskipulagi
Að lokinni kynningu er lögð fram að nýju verklýsing umhverfis- og skipulagssviðs, dags. í október 2017, vegna breytingu á aðalskipulagi Reykjavíkur 2010-2030 og nýs deiliskipulags fyrir efnisvinnslusvæði í Álfsnesvík. Kynning stóð til og með 20. nóvember 2017. Eftirtaldir sendu inn umsagnir/athugasemdir: Samgöngustofa dags. 3. nóvember 2017, Mosfellsbær dags. 13. nóvember 2017, Íbúasamtök Kjalarness dags. 16. nóvember 2017, Garðabær dags. 16. nóvember 2017, Heilbrigðiseftirlit Reykjavíkur dags. 16. nóvember 2017, Veitur dags. 17. nóvember 2017, Íbúasamtök Leirvogstungu dags. 19. nóvember 2017, Náttúrufræðistofnun Íslands dags. 20. nóvember 2017 , Veðurstofa Íslands dags. 20. nóvember 2017, Vegagerðin dags. 23. nóvember 2017 og Skipulagsstofnunar dags. 24. nóvember 2017.

Vísað til meðferðar hjá deildarstjóra aðalskipulags
35.17 Frostaskjól 2, viljayfirlýsing um framtíðaruppbyggingu á svæði KR
Lagt fram bréf borgarstjóra, dags. 10. nóvember 2017 vegna samþykktar borgarráðs 9. s.m. á svohljóðandi tillögu borgarstjóra: Lagt er til að borgarráð samþykki meðfylgjandi viljayfirlýsingu milli Knattspyrnufélags Reykjavíkur (KR) og Reykjavíkurborgar um mögulega uppbyggingu á KR - svæðinu við Frostaskjól. Jafnframt að fela Umhverfis- og skipulagssviði að hefja formlega deiliskipulagsvinnu í samstarfi við félagið. Reykjavíkurborg mun kosta vinnu við gerð deiliskipulagsins sem síðan verður hluti af uppbyggingarkostnaði þegar þar að kemur.

Kynna formanni umhverfis- og skipulagsráðs.
36.17 Grafarholt og Korpúlfsstaðir, viljayfirlýsing um svæði Golfklúbbs Reykjavíkur
Lagt fram bréf borgarstjóra, dags. 9. nóvember 2017 vegna samþykktar borgarráðs 9. s.m. á svohljóðandi tillögu borgarstjóra: Lagt er til að borgarráð samþykki meðfylgjandi viljayfirlýsingu milli Golfklúbbs Reykjavíkur
og Reykjavíkurborgar um mögulega uppbyggingu á aðstöðu klúbbsins í Grafarholti og á Korpúlfsstöðum. Jafnframt að fela Umhverfis- og skipulagssviði að hefja formlega deiliskipulagsvinnu byggða á fyrirliggjandi hugmyndum um að búa til nýjar lóðir í Grafarholti og á Korpúlfsstöðum.

Vísað til meðferðar hjá verkefnisstjóra.
37.17 Svæðisskipulag höfuðborgarsvæðisins, Borgarlína, breyting vegna Borgarlínu
Lagt fram bréf Skipulagsstofunnar dags. 21. nóvember 2017 þar sem ekki er gerð athugasemd við að skipulagstillagan verði auglýst þegar brugðist hefur verið við ábendingum stofnunarinnar sem útlistaðar eru í bréfinu.

Vísað til meðferðar hjá deildarstjóra aðalskipulags
38.17 Ölfus - virkjun á Hellisheiði, matslýsing, breyting á deiliskipulagi
Lagt fram erindi skipulags- og byggingarfulltrúa sveitarfélagsins Ölfus dags. 24. nóvember 2017 þar sem óskað er eftir umsögn um matslýsingu dags. 13. nóvember 2017 vegna fyrirhugaðrar breytingar á deiliskipulagi virkjunar á Hellisheiði. Óskað er eftir að umsögnin berist fyrir 8. desember 2017.

Vísað til umsagnar verkefnisstjóra skipulagsfulltrúa og deildarstjóra aðalskipulags.