Háaleitisskóli, Hvassaleiti, Skipholt 21, Sundlaugavegur 34, Bauganes 1A, Fálkagata 10, Nýr Landspítali við Hringbraut, Reynimelur 66, Skógarhlíð 22, Þóroddsstaðir, Þingholtsstræti 15A, Brekkustígur 5-5A, Mjódd, Langholtsvegur 42, Njálsgötureitur, Rauðagerði 27, Veltusund 3B, Blesugróf 12, Heiðargerði 21, Hraunbær 103A, Laufásvegur 81, Njálsgata 15A, Sólvallagata 34, Sörlaskjól 66, Úlfarsbraut 114, Ásgarður 73-77, Borgartún 32, Grjótháls 8, Haukdælabraut 3, Hjallaland 1-31 2-40, Kvosin, Landsímareitur, Lyngháls 7, Suðurlandsbraut 72, Vogaland 11, Kjalarnes, Árvellir, Kjalarnes, Dalsmynni, Lambhagavegur 8-10, Skrauthólar 4, Tunguháls 8, Úlfarsfell, Vogabyggð svæði 2, Háaleitisbraut 68, Laugavegur 17, Reitur 1.171.1, Hljómalindarreitur v/ Klapparstígur 28- 30, Klapparstígur 40, Skipholt 49-55, Borgartún 24, Brautarholt 16, 18 og 20, Einarsnes 44 og 44A, Gefjunarbrunnur 12, Hádegismóar 6, Skildinganes, Snorrabraut 60, Árbæjarblettur 62/Þykkvibær 21,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

655. fundur 2017
Ár 2017, föstudaginn 27. október kl. 09:08, hélt skipulagsfulltrúi Reykjavíkur 655. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir Eftirtaldir embættismenn kynntu mál á fundinum: Ingvar Jón B. Gislason, Margrét Þormar, Halldóra Hrólfsdóttir, Guðlaug Erna Jónsdóttir, Björn Ingi Edvardsson, Dagný Harðardóttir, Lilja Grétarsdóttir, Jón Kjartan Ágústsson og Borghildur S. Sturludóttir. Ritari var Erna Hrönn Geirsdóttir
Þetta gerðist:

1.17 Háaleitisskóli, Hvassaleiti, breyting á deiliskipulagi
Á embættisafgreiðslufundi skipulagsfulltrúa 29. september 2017 var lögð fram umsókn skrifstofu eigna- og atvinnuþróunar, mótt. 28. september 2017, varðandi breytingu á deiliskipulagi fyrir Háaleitisskóla, Hvassaleiti að Stóragerði 11A. Í breytingunni felst að núverandi bílastæði (alls 32 stæði) með aðkomu um mjótt sund frá Stóragerði verði fært til innan lóðar, í suðvesturhorn hennar, með aðkomu frá Brekkugerði, samkvæmt uppdr. Hornsteina arkitekta ehf., dags. 21. september 2017. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis-og skipulagsráðs

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
2.17 Skipholt 21, (fsp) aukning á byggingarmagni
Á embættisafgreiðslufundi skipulagsfulltrúa 25. ágúst 2017 var lögð fram fyrirspurn Kristins Ragnarssonar, mótt. 17. ágúst 2017, varðandi aukningu á byggingarmagni lóðarinnar sem felst í að hækka húsið um inndregna 4. hæð og setja svalir og svalaganga, samkvæmt uppdr. Kristins Ragnarssonar arkitekts, dags. 4. október 2017. Einnig er lagt fram skuggavarp Kristins Ragnarssonar arkitekts dags. 4. október 2017 og tillaga sem sýnir fyrirkomulag íbúða dags. 9. maí 2017. Fyrirspurninni var vísað til umsagnar verkefnisstjóra og er nú lögð fram að nýju, ásamt umsögn skipulagsfulltrúa dags. 27. október 2017.

Neikvætt, með vísan til umsagnar skipulagsfulltrúa dags. 27. október 2017.
3.17 Sundlaugavegur 34, (fsp) breyting á deiliskipulagi
Lögð fram fyrirspurn Önnu Sigríðar Jóhannsdóttur, mótt. 3. október 2017, varðandi breytingu á deiliskipulagi fyrir Sundlaugarveg 34 sem felst í hækkun á þakhæð hússins ásamt hækkun á byggingarmagni lóðar, samkvæmt uppdr. VA arkitekta ehf., ódags.

Vísað til umsagnar verkefnisstjóra.
4.17 Bauganes 1A, bréf
Á embættisafgreiðslufundi skipulagsfulltrúa 11. ágúst 2017 var lagt fram bréf eiganda dags. 18. júlí 2017 þar sem gerð er athugasemd við afgreiðslu umhverfis- og skipulagsráðs frá 28. júní 2017. Erindinu var vísað til umsagnar skrifstofu sviðsstjóra og er nú lagt fram að nýju ásamt tölvupóstum frá skrifstofu sviðsstjóra til umsækjanda, dags. 7. og 14. september 2017.


Frestað.
Umsækjandi hafi samband við embætti skipulagsfulltrúa.
5.17 Fálkagata 10, (fsp) hækkun húss
Á embættisafgreiðslufundi skipulagsfulltrúa 8. september 2017 var lögð fram fyrirspurn Zeppelin ehf., mótt. 17. ágúst 2017, varðandi hækkun hússins á lóð nr. 10 við Fálkagötu um eina hæð ásamt fjölgun íbúða um eina, samkvæmt tillögu Zeppelin ehf., dags. 17. ágúst 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. XXXX.

Kynna formanni umhverfis- og skipulagsráðs.
6.17 Nýr Landspítali við Hringbraut, breyting á deiliskipulagi
Lögð fram umsókn Helgu Bragadóttur f.h. Nýs Landspítala ohf. mótt. 24. október 2017 varðandi breytingu á deiliskipulagi Nýs Landspítala við Hringbraut. Í breytingunni felst færsla byggingarreita og byggingarlína meðferðarkjarna 1. áfanga (21) og síðari áfanga (21a). Meðferðarkjarni 1. áfanga (21) er stækkaður um allt að 6.3 metra til vesturs, allar hæðir, en byggingarreitur síðari áfanga (21a) er minnkaður sem því munar og byggingin lækkuð um eina hæð, uppbroti hússins og inndragi er breytt og á móti er inndreginn flötur minni á suðurhlið o.fl., samkvæmt uppdr. Spital dags. 24. október 2017.

Vísað til umhverfis-og skipulagsráðs

Komi til auglýsingar á breytingu deiliskipulagi, þarf umsækjandi áður að greiða skv. 7.5. gr. gjaldskrá vegna kostnaðar við skipulagsvinnu nr. 1193/2016.
7.17 Reynimelur 66, (fsp) breyting á deiliskipulagi
Lögð fram umsókn Arkís arkitekta ehf. f.h. Rangárbakka ehf. mótt. 16. október 2017 ásamt bréfi dags. 16. október 2017 varðandi breytingu á deiliskipulagi Mela vegna lóðarinnar nr. 66 við Reynimel. Í breytingunni felst breyting á afmörkun byggingarreits, fjölgun íbúða og aukinni hámarkshæð bygginga, samkvæmt uppdr. Arkís arkitekta ehf. dags. 12. október 2017. Einnig eru lagðar fram skýringarmyndir Arkís arkitekta ehf. ódags.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
8.17 Skógarhlíð 22, Þóroddsstaðir, breyting á deiliskipulagi
Lögð fram umsókn Hornsteina arkitekta ehf., mótt. 1. desember 2016, varðandi breytingu á deiliskipulagi Skógarhlíðar vegna lóðarinnar nr. 22 við Skógarhlíð. Í breytingunni felst að heimilt verði að byggja allt að 22 íbúðir auk þess sem gert er ráð fyrir allt að 6 íbúðum í núverandi húsi (Þóroddsstöðum), samkvæmt uppdr. Hornsteina arkitekta ehf., dags. í mars 2017. Einnig er lögð fram drög að greinargerð, ódags., umsögn Borgarsögusafns Reykjavíkur, dags. 28. mars 2017, og umsögn Minjastofnunar Íslands, dags. 8. maí 2017.

Umsækjandi hafi samband við embætti skipulagsfulltrúa.
9.17 Þingholtsstræti 15A, Breytingar á gluggum svalaskýli og svalir Þingholtsstræti 15A
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 5. september 2017 þar sem sótt er um leyfi til að breyta áður samþykktu erindi BN048091 þannig að settar eru svalir út frá svalaskýli 0202 á austurhlið hússins á lóð nr. 15 A við Þingholtsstræti. Erindi var grenndarkynnt frá 20. september 2017 til og með 18. október 2017. Eftirtaldir aðilar sendu athugasemdir: Guðfinna Hinriksdóttir og Árni Geir Magnússon dags. 17. október 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 20. október 2017 og er nú lagt fram að nýju.
Gjald kr. 11.000

Vísað til umhverfis-og skipulagsráðs.
10.17 Brekkustígur 5-5A, (fsp) kvistir
Á embættisafgreiðslufundi skipulagsfulltrúa 31. mars 2017 var lögð fram fyrirspurn Ilmar Maríu Stefánsdóttur, mótt. 14. mars 2017, um að setja tvo kvisti á götuhlið hússins nr. 5 á lóð nr. 5-5A við Brekkustíg. Fyrirspurninni var vísað til umsagnar verkefnisstjóra og er nú lögð fram að nýju ásamt tölvupóstum skipulagsfulltrúa, dags. 7. apríl og 1. september 2017.

Frestað.
Umsækjandi hafi samband við embætti skipulagsfulltrúa.
11.17 Mjódd, (fsp) auglýsingaskilti
Á embættisafgreiðslufundi skipulagsfulltrúa 20. október 2017 var lögð fram fyrirspurn Einars Pálma Árnasonar mótt. 10. október 2017 ásamt bréfi dags. 6. október 2017 um leyfi fyrir auglýsingaskilti á bílastæði fyrir framan Mjóddina. fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 26. október 2017.

Neikvætt.
Samræmist ekki deiliskipulagi, sbr. umsögn skipulagsfulltrúa dags. 26. október 2017.
12.17 Langholtsvegur 42, Kvistur og breyting úti og inni
Lagt fram erindi frá afgreiðslufundi byggingarfulltrúa frá 24. október 2017 þar sem sótt er um leyfi til að breyta notkun úr verslunar- og íbúðarhúsnæði í íbúðarhúsnæði, byggja kvist á vesturhlið þaks og breyta þakkanti, setja hurð út í garð á vesturhlið og rífa núverandi bílskúr og byggja nýjan í húsi á lóð nr. 42 við Langholtsveg.
Stærðir: Stækkun mhl.01 A-rými x ferm., x rúmm. Stærð nýs bílskúrs, mhl.02 A-rými x ferm., x rúmm. Rif eldri bílskúrs, mhl.02 A-rými x ferm., x rúmm. Gjald kr. 11.000

Vísað til umsagnar verkefnisstjóra.
13.17 Njálsgötureitur, breyting á deiliskipulagi vegna lóða nr. 23 við Bergþórugötu og 48A við Njálsgötu
Á embættisafgreiðslufundi skipulagsfulltrúa 7. júlí 2017 var lögð umsókn Tvíhorfs ef., mótt. 20. maí 2017, varðandi breytingu á deiliskipulagi reits 1.190.3, Njálsgötureits, vegna lóðanna nr. 23 við Bergþórugötu og 48A við Njálsgötu. Í breytingunni felst að heimila gististað í flokki II í húsinu að Bergþórugötu 23 og setja svalir á húsið sem fara út fyrir byggingarreit ásamt færslu á byggingarreit að Njálsgötu 48A, samkvæmt uppdr. ódags. Erindinu var vísað til umsagnar verkefnisstjóra og er nú lagt fram að nýju.
Vísað til umhverfis-og skipulagsráðs
14.17 Rauðagerði 27, Færanlegar kennslustofur
Á embættisafgreiðslufundi skipulagsfulltrúa 20. október 2017 var lagt fram erindi frá afgreiðslufundi byggingarfulltrúa frá 17. október 2017 þar sem sótt er um leyfi fyrir tveimur færanlegum kennslustofum þar sem burðavirkið er úr timbri, einangrað og klætt með timburklæðningu á lóð nr. 27 við Rauðagerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 26.október 2017.
Stærð kennslustofa xx ferm. XX rúmm. Gjald kr. 11.000

Neikvætt.
Samræmist ekki deiliskipulagi,sbr. umsögn skipulagsfulltrúa dags. 26.október 2017.
15.17 Veltusund 3B, (fsp) breyting á skilmálum deiliskipulags
Á embættisafgreiðslufundi skipulagsfulltrúa 20. október 2017 var lögð fram fyrirspurn Balance ehf. mótt. 16. október 2017 um breytingu á skilmálum deiliskipulags Kvosarinnar vegna lóðarinnar nr. 3B við Veltisund sem felst í að heimilt verði að vera með gististað í húsinu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags.26. október 2017.

Neikvætt, með vísan til umsagnar skipulagsfulltrúa dags. 26. október 2017.
16.17 Blesugróf 12, (fsp) niðurrif og uppbygging
Á embættisafgreiðslufundi skipulagsfulltrúa 20. október 2017 var lögð fram fyrirspurn Magnúsar Þórs Hjálmarssonar mótt. 26. september 2017 um að rífa niður húsið á lóð nr. 12 við Blesugróf og byggja nýtt hús með fjórum ca. 70 fm. íbúðum. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 26. október 2017.

Neikvætt, með vísan til umsagnar skipulagsfulltrúa dags. 26. október 2017.
17.17 Heiðargerði 21, (fsp) stækkun húss
Lögð fram fyrirspurn Björns Brynjúlfssonar mótt. 23. október 2017 um stækkun hússins á lóð nr. 21 við Heiðargerði. Einnig lögð fram umsögn skipulagsfulltrúa dags. 26. október 2017.


Umsögn skipulagsfulltrúa samþykkt, dags. 26. október 2017.
18.17 Hraunbær 103A, breyting á deiliskipulagi
Lögð fram umsókn Dverghamra ehf. mótt. 20. október 2017 ásamt minnisblaði dags. 3. október 2017 varðandi breytingu á deiliskipulagi fyrir lóðina nr. 103A við Hraunbæ. Í breytingunni felst að niðurkeyrsla í bílakjallara færist til um ca. 30 metra til vesturs ásamt hækkun gólfkóta neðstu hæðar.
Frestað.
Umsækjandi hafi samband við embætti skipulagsfulltrúa.
19.17 Laufásvegur 81, (fsp) breyting á deiliskipulagi
Lögð fram fyrirspurn Páls V. Bjarnasonar f.h. Kennarasambands Íslands mótt. 18. október 2017 um breytingu á deiliskipulagi fyrir lóðina nr. 81 við Laufásveg sem felst í stækkun hússins um tvær hæðir og kjallara, samkvæmt uppdr. Páls V. Bjarnasonar dags. 17. október 2017.

Frestað.
Umsækjandi hafi samband við embætti skipulagsfulltrúa.
20.17 Njálsgata 15A, (fsp) stækkun húss
Á embættisafgreiðslufundi skipulagsfulltrúa 13. október 2017 var lögð fram fyrirspurn Magnúsar D. Baldurssonar, mótt. 9. október 2017, ásamt greinargerð, dags. 9. október 2017, varðandi stækkun tveggja efstu hæða hússins á lóð nr. 15A við Njálsgötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 27. október 2017.

Neikvætt, með vísan til umsagnar skipulagsfulltrúa dags. 27. október 2017.
21.17 Sólvallagata 34, (fsp) stækkun húss
Á embættisafgreiðslufundi skipulagsfulltrúa 13. október 2017 var lögð fram fyrirspurn Vektor, hönnun og ráðgjöf ehf., mótt. 9. október 2017, ásamt greinargerð, dags. 5. október 2017, varðandi stækkun hússins á lóð nr. 34 við Sólvallagötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 25. október 2017.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 25. október 2017.
22.17 Sörlaskjól 66, (fsp) niðurrif og uppbygging bílskúrs og stækkun húss
Á embættisafgreiðslufundi skipulagsfulltrúa 13. október 2017 var lögð fram fyrirspurn Fjalar Sigurðarsonar, mótt. 26. september 2017, um að rífa bílskúr á lóð nr. 66 við Sörlaskjól og byggja nýjan í sömu hæð og aðliggjandi bílskúrar á lóðunum nr. 34 og 68 við Sörlaskjól ásamt stækkun hússins, samkvæmt uppdr. P ARK teiknistofu sf., dags. 22. september 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 26. október 2017.
.

Ekki er gerð athugasemd við erindið. Byggingarleyfisumsókn verður grenndarkynnt berist hún, sbr. umsögn skipulagsfulltrúa dags. 26. október 2017.
23.17 Úlfarsbraut 114, Breyting inni
Á embættisafgreiðslufundi skipulagsfulltrúa 21. september 2017 var lagt fram erindi frá afgreiðslufundi byggingarfulltrúa frá 19. september 2017 þar sem sótt er um leyfi til að breyta erindi BN051378 sem felst í því að kalt bogadregið þakskýli hefur verið fjarlægt og útlitum breytt lítilsháttar, auk breytinga á innra skipulagi baðherbergja í húsi á lóð nr. 114 við Úlfarsbraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 26. október 2017.
Gjald kr. 11.000

Umsögn skipulagsfulltrúa samþykkt, dags. 26. október 2017.
24.17 Ásgarður 73-77, (fsp) stækkun húss
Á embættisafgreiðslufundi skipulagsfulltrúa 28. júlí 2017 var lögð fram fyrirspurn Sigrúnar Unnsteinsdóttur, mótt. 15. júní 2017, um að stækka húsið á lóð nr. 73-77 við Ásgarð um ca. einn stigagang með 4-6 litlum íbúðum. Fyrirspurninni var vísað til umsagnar verkefnisstjóra og er nú lögð fram að nýju.

Frestað.
Umsækjandi hafi samband við embætti skipulagsfulltrúa.
25.17 Borgartún 32, Áður gert í kjallara - breyta sökklum vesturhluta eldra húss
Á embættisafgreiðslufundi skipulagsfulltrúa 20. október 2017 var lagt fram erindi frá afgreiðslufundi byggingarfulltrúa frá 17. október 2017 þar sem sótt er um leyfi til að endurbæta eldvarnir og taka í notkun útgrafið sökkulrými undir vesturhluta og nýta sem geymslu í húsi á lóð nr. 32 við Borgartún. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. október 2017.
Stækkun: sökkulrými XX ferm., XX rúmm. Gjald kr. 11.000

Neikvætt.
Samræmist ekki deiliskipulagi, sbr. umsögn skipulagsfulltrúa dags. 27. október 2017.
26.17 Grjótháls 8, Vetnisstöð - breyting - viðbygging
Lagt fram erindi frá afgreiðslufundi byggingarfulltrúa frá 24. október 2017 þar sem sótt er um leyfi til að byggja við mhl. 04, 05 og koma fyrir dælum á lóð nr. 8 við Grjótháls.
Umsögn brunahönnuðar dags. 12. október 2017 fylgir erindinu. Stækkun er: XX ferm., XX rúmm. Gjald kr. 11.000

Vísað til umsagnar verkefnisstjóra.
27.17 Haukdælabraut 3, Einbýlishús
Lagt fram erindi frá afgreiðslufundi byggingarfulltrúa frá 24. október 2017 þar sem sótt er um leyfi til að byggja staðsteypt einbýlishús með flötu þaki á tveimur hæðum með innbyggðum bílskúr og aukaíbúð í kjallara á lóð nr. 3 við Haukdælabraut.
Varmatapsútreikningur dags. 3. okt. 2017 fylgir. Stærð A rýmis er: 341,9 ferm., 1.339,5 rúmm. Gjald kr. 11.000

Vísað til umsagnar verkefnisstjóra.
28.17 Hjallaland 1-31 2-40, 7 - Svalalokun
Á embættisafgreiðslufundi skipulagsfulltrúa 21. september 2017 var lagt fram erindi frá afgreiðslufundi byggingarfulltrúa frá 19. september 2017 þar sem sótt er um leyfi til að byggja yfir svalir þannig að útbúin er svalalokun á brautum og með glerþaki á raðhúsi nr. 7 á lóð nr. 1-31, 2-40 við Hjallaland. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 27.október 2017.
Stærð B-rými: 13,5 ferm., XX rúmm. Gjald kr. 11.000

Neikvætt. Samræmist ekki deiliskipulagi, sbr. umsögn skipulagsfulltrúa dags. 27.október 2017.
29.17 Kvosin, Landsímareitur, breyting á deiliskipulagi
Að lokinni auglýsingu er lögð fram að nýju umsókn THG Arkitekta ehf., mótt. 29. júní 2017, varðandi breytingu á deiliskipulagi Landsímareits. Breytingin felst í megin atriðum í því að borgarlandinu/lóðinni á milli lóðanna Vallarstrætis 4 og Aðalstrætis 7 er skipt upp á milli þeirra og lóðirnar stækkaðar sem því nemur og að leyfilegt verður að fjarlægja viðbyggingu frá 1967 við Landsímahúsið/Thorvaldsensstræti 6 og byggja hana í sömu mynd. Einnig er fallið frá kröfu um að opna skuli samkvæmissal (Nasa) út í Vallarstræti, bætt við skilmálum um bílastæði, ásamt ýmsum smærri breytingum og lagfæringum. Engar breytingar eru gerðar á stærðum og hæðum húsa og húshluta aðrar en núverandi kjallara Vallarstrætis 4 er bætt við, samkvæmt uppdr. THG Arkitekta ehf., dags. 3. júlí 2017. Tillagan var auglýst frá 4. ágúst 2017 til og með 21. september 2017. Eftirtaldir aðilar sendi inn athugasemdir: Steinunn Steinars, dags. 24. ágúst 2017, Guðrún Helgadóttir, dags. 5. september 2017, Ragnhildur Benediktsdóttir f.h. Kirkjugarðaráðs, dags. 8. september 2017, Marínó Þorsteinsson f.h. Sóknarnefndar Dómkirkjunnar, dags. 11. september 2017, Bolli Héðinsson, dags. 14. september 2017, Helgi Þorláksson f.h. BIN hóps, dags. 13. september 2017 og Ragnar Aðalsteinsson hrl. f.h. 5 aðila, dags. 21. september 2017. Að loknum athugasemdarfresti barst athugasemd fá Gylfa Kristinssyni f.h. stjórnar Laugardalsættar, dags. 17. október 2017. Einnig er lögð fram umsögn Minjastofnunar Íslands, dags. 15. september 2017, umsögn Borgarsögusafns Reykjavíkur, dags. 6. október 2017 og drög að fornleifaskráningu mótt. 19. október 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 29. september 2017 og er nú lagt fram að nýju.
Vísað til umhverfis-og skipulagsráðs
30.17 Lyngháls 7, breyting á deiliskipulagi
Lögð fram umsókn Arkís arkitekta ehf. f.h. Gæðabaksturs ehf. mótt. 23. október 2017 varðandi breytingu á deiliskipulagi Hálsahverfis vegna lóðarinnar nr. 7 við Lyngháls. Breytingin felst meðal annars í hækkun á nýtingarhlutfalli lóðar, gerður er nýr byggingarreitur fyrir opinn tveggja hæða bílastæðapall sunnan megin við núverandi byggingarreit og að aðkomum frá Lynghálsi er breytt. Einnig að heimilt verði að staðsetja ýmis óveruleg mannvirki utan byggingarreits og yfir hámarkshæð svo sem opna útistiga, rampa og ytri tæknibúnað, samkvæmt uppdr. Arkís arkitekta ehf. dags. 20. október 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
31.17 Suðurlandsbraut 72, Höfuðstöðvar Hjálpræðishersins 72-74
Á embættisafgreiðslufundi skipulagsfulltrúa 20. október 2017 var lagt fram erindi frá afgreiðslufundi byggingarfulltrúa frá 17. október 2017 þar sem sótt er um leyfi til að byggja tveggja hæða nýbyggingu fyrir höfuðstöðvar Hjálpræðishersins á lóð nr. 72-74 við Suðurlandsbraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. október 2017.
Stærðir: A-rými 1.442,0 ferm., 7.206,5 rúmm. B-rými x ferm., x rúmm. Gjald kr. 11.000


Umsögn skipulagsfulltrúa samþykkt, dags 27. október 2017.
32.17 Vogaland 11, (fsp) breytingar á stærðum íbúða
Á embættisafgreiðslufundi skipulagsfulltrúa 20. október 2017 var lögð fram fyrirspurn Jóhanns Friðriks Ragnarssonar mótt. 17. október 2017 um breytingu á stærðum íbúða í húsinu á lóð nr. 11 við Vogaland sem felst í að íbúð á neðri hæð minnkar og íbúð á efri hæð stækkar og opnaður er stigi niður á neðri hæð, samkvæmt uppdr. Arnar Sigurðssonar arkitekts dags. 29. maí 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. október 2017.

Neikvætt, með vísan til umsagnar skipulagsfulltrúa dags. 27. október 2017.
33.17 Kjalarnes, Árvellir, breyting á deiliskipulagi
Á embættisafgreiðslufundi skipulagsfulltrúa 20. október 2017 var lögð fram umsókn Pétur H. Jónssonar, mótt. 22. ágúst 2017, varðandi breytingu á deiliskipulagi jarðarinnar Árvellir á Kjalarnesi. Í breytingunni felst að gert er ráð fyrir 17 lóðum undir smáhýsi til útleigu (ferðaþjónustu) á um 1,5 ha svæði norðarlega á landinu, samkvæmt uppdr. Pétur H. Jónssonar, dags. 4. ágúst 2017. Erindinu var vísað til umsagnar verkefnisstjóra og er nú lagt fram að nýju.
Vísað til umhverfis-og skipulagsráðs.
34.17 Kjalarnes, Dalsmynni, (fsp) bygging íbúðarhúsa
Lögð fram fyrirspurn Bjarna Bærings Bjarnasonar, mótt. 6. september 2017, þar sem óskað er eftir breytingu á aðalskipulagi Reykjavíkur og heimild til byggingar íbúðarhúsa á jörðinni Dalsmynni á Kjalarnesi.

Frestað.
Umsækjandi hafi samband við embætti skipulagsfulltrúa.
35.17 Lambhagavegur 8-10, breyting á deiliskipulagi
Lögð fram umsókn skrifstofu eigna og atvinnuþróunar mótt. 19. október 2017, varðandi breytingu á deiliskipulagi við Vesturlandsveg, Hallar, vegna lóðanna nr. 8 og 10 við Lambhagaveg. Óskað er eftir breytingu á skipulagi til að tryggja nægt pláss fyrir framtíðar vegtengingar upp í Úlfarsárdal og að fyrirhuguðum kirkjugarði, lóðir minnka og byggingarmagn því samhliða, samkvæmt uppdrætti Landmótunar dags. 21. ágúst 2017.

Samþykkt að grenndarkynna framlagða tillögu fyrir hagsmunaaðilum að Lambhagavegi 2 og 6.

Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
36.17 Skrauthólar 4, Snyrting og baðaðstaða fyrir gesti
Lagt fram erindi frá afgreiðslufundi byggingarfulltrúa frá 24. október 2017 þar sem sótt er um leyfi til að byggja snyrtingu og baðaðstöðu sem samanstendur af tveim einangruðum gámum sem standa á staðsteyptum sökklum og á milli þeirra er reist skúrbygging úr timbri sömuleiðis á steyptum sökklum og á að nota sem aðstöðu fyrir tjaldgesti á lóð nr. 4 við Skrauthóla Kjalarnesi.
Stærð: 39,3 ferm., 114,7 rúmm. Gjald kr. 11.000

Ekki eru gerðar skipulagslegar athugasemdir við erindið.
37.17 Tunguháls 8, Viðbygging
Á embættisafgreiðslufundi skipulagsfulltrúa 13. október 2017 var lagt fram erindi frá afgreiðslufundi byggingarfulltrúa frá 10. október 2017 þar sem sótt er um leyfi til að byggja stálgrindarhús, mhl. 04, á einni hæð og nota á sem lagerhúsnæði við hlið mhl. 01 á lóð nr. 8 við Tunguháls. Erindinu var vísað til meðferðar hjá verkefnisstjóra og er nú lagt fram að nýju, ásamt umsögn skipulagsfulltrúa dags. 27. október 2017.
Varmatapsútreikningur dags. 27. september 2017 fylgja. Stærð: 700 ferm., 5.404 rúmm. Gjald kr. 11.000

Neikvætt, með vísan til umsagnar skipulagsfulltrúa dags. 27. október 2017, samræmist ekki deiliskipulagi.
38.17 Úlfarsfell, nýtt deiliskipulag
Lögð fram umsókn Fjarskipta hf., mótt. 11. október 2017, ásamt lýsingu Verkfræðistofu Bjarna Viðarssonar, dags. í október 2017, vegna nýs deiliskipulags á kolli Úlfarsfells sem heimilar uppsetningu fjarskiptastöðvar.
Vísað til umhverfis-og skipulagsráðs
39.17 Vogabyggð svæði 2, breyting á deiliskipulagi
Á embættisafgreiðslufundi skipulagsfulltrúa 20. október 2017 var lagt fram bréf skipulagsstofnunar dags. 12. október 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þegar lagfærð gögn hafa borist stofnuninni. Erindinu var vísað til meðferðar hjá verkefnisstjóra og er nú lagt fram að nýju.
Lagfærð gögn lögð fram, uppdráttur og greinargerðir, dags. 5. júlí 2017, breytt 27. október 2017.

40.17 Háaleitisbraut 68, breyting á deiliskipulagi
Á embættisafgreiðslufundi skipulagsfulltrúa 12. maí 2017 var lögð fram umsókn Kristjáns Bjarnasonar, mótt. 12. mars 2017, varðandi breytingu á deiliskipulagi Háaleitisbrautar-Hvassaleitis vegna lóðarinnar nr. 68 við Háaleitisbraut. Í breytingunni felst stækkun á byggingarreit, samkvæmt uppdr. Kristjáns Bjarnasonar, dags. 3. mars 2017. Erindinu var vísað til meðferðar hjá verkefnisstjóra og er nú lagt fram að nýju ásamt tölvupósti dags. 13. október 2017.

Mál fellt niður þar sem engin gögn hafa borist, sbr. tölvupóst skipulagsfulltrúa dags. 13. október 2017.
41.17 Laugavegur 17, (fsp) gististaður í flokki II
Lögð fram fyrirspurn Þingvangs ehf. mótt. 17. október 2017 ásamt greinargerð dags. 17. október 2017 varðandi rekstur gististaðar í flokki II í fjórum íbúðum í húsinu á lóð nr. 17 við Laugaveg.

Vísað til umsagnar verkefnisstjóra.
42.17 Reitur 1.171.1, Hljómalindarreitur v/ Klapparstígur 28- 30, breyting á skilmálum deiliskipulags
Lögð fram umsókn Þingvangs ehf. mótt. 26. október 2017 varðandi breytingu á skilmálum deiliskipulags reits 1.171.1, Hljómalindarreits. Í breytingunni felst að breyttir eru sérskilmálar um nýbyggingar sem snúa að torgi og götum þ.e. heimilt er að hafa sömu starfsemi í mismunandi húsum ef það hefur jákvæð áhrif á torgið og götur, samkvæmt tillögu Þingvangs ehf. dags. 24. október 2017.

Vísað til umhverfis-og skipulagsráðs
43.17 Klapparstígur 40, (fsp) breyting á notkun
Lögð fram fyrirspurn Geirs Steinþórssonar mótt. 9. október 2017 um að breyta verslunarhúsnæði á lóð nr. 40 við Klapparstíg í kaffihús. Einnig lögð fram umsögn skipulagsfulltrúa dags. 26. október 2017.

Neikvætt, með vísan til umsagnar skipulagsfulltrúa dags.26. október 2017.
44.17 Skipholt 49-55, (fsp) nr. 55, gististaður í flokki II
Á embættisafgreiðslufundi skipulagsfulltrúa 20. október 2017 var lögð fram fyrirspurn Björns Þór Karlssonar, mótt. 20. september 2017, um rekstur gististaðar í flokki II í íbúð 103, fastanúmer 201-3293, að Skipholti 55. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 27. október 2017.

Umsögn skipulagsfulltrúa samþykkt, dags. 27. október 2017.
45.17 Borgartún 24, breyting á deiliskipulagi
Að lokinni auglýsingu er lögð fram að nýju umsókn Yrki arkitekta ehf., mótt. 1. júní 2017, varðandi breytingu á deiliskipulagi fyrir lóðina nr. 24 við Borgartún í samræmi við rammaskipulag samþykkt í umhverfis- og skipulagsráði 5. apríl 2017. Í breytingunni felst breyting á atvinnuhúsnæði í íbúðarhúsnæði með allt að 65 íbúðum, lifandi jarðhæðir og bílastæði í bílakjallara. Lögð er áhersla á góðar göngutengingar í gegnum svæðið, mannlegan kvarða og góða aðstöðu fyrir hjólandi vegfarendur. Tillagan gerir ráð fyrir auknu byggingarmagni og hækkar nýtingarhlutfall á lóð úr 0,83 í 1,96, samkvæmt uppdr. Yrki arkitekta ehf., dags. 1. júní 2017. Einnig er lagt fram skuggavarp Yrki arkitekta ehf., ódags, minnisblað um umferðarmál, dags. 24. ágúst 2017, og fundargerð frá íbúafundi frá 16. ágúst 2017. Tillagan var auglýst frá 20. júní 2017 til og með 15. september 2017. Eftirtaldir aðilar sendu inn athugasemdir: Gunnar S. Óskarsson f.h. Smith & Norland hf., dags. 12. september 2017, Einar Páll Svavarsson, dags. mótt. 14. september 2017, Lex lögmannsstofa f.h. Mánatúns 7-17, húsfélags og íbúa, ásamt undirskriftalista Mánatúns 7-17, dags. 15. september 2017, Geir Sigurðsson, dags. 15. september 2017, Kristín Birna Bjarnadóttir, Bergljót María Sigurðardóttir og Sigrún Sigvaldadóttir, dags. 15. september 2017 og Aðalsteinn Steinþórsson og Birna Stefnisdóttir, dags. 15. september 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 6. október 2017 og er nú lagt fram að nýju.

Kynna formanni umhverfis- og skipulagsráðs.
46.17 Brautarholt 16, 18 og 20, (fsp) uppbygging
Lögð fram fyrirspurn Arkís arkitekta ehf., mótt. 11. október 2017, ásamt greinargerð, dags. 11. október 2017, þar sem fram kemur að gerðar hafa verið breytingar á áður gerðri tillögu Arkís arkitekta ehf. ódags. varðandi hækkun húsanna nr. 18 og 20 við Brautarholt um eina hæð og breyta efri hæðum húsanna nr. 18, 20 og hluta til nr. 16 við Brautarholt í íbúðir og neðri hæðum í verslun og þjónustu. Eftirfarandi breytingar hafa verið gerðar : suður svalir hafa verið minnkaðar og færðar frá húsi, ljósop stækkuð og fjölbreytileiki íbúða hefur verið aukinn, samkvæmt tillögu Arkís arkitekta ehf., ódags.

Vísað til umhverfis-og skipulagsráðs
47.17 Einarsnes 44 og 44A, (fsp) breyting á lóðamörkum
Lögð fram fyrirspurn Bjarna Friðrikssonar, Efemiu M. Friðriksdóttur og Hönnu L. Steinssonar mótt. 12. október 2017 um breytingu á lóðamörkum lóðanna nr. 44 og 44A við Einarsnes þannig að bílastæði sem tilheyrir Einarsnesi 44 verði hluti af lóð Einarsness 44A.

Vísað til umsagnar verkefnisstjóra.
48.17 Gefjunarbrunnur 12, Einbýlishús
Á embættisafgreiðslufundi skipulagsfulltrúa 29. september 2017 var lagt fram erindi frá afgreiðslufundi byggingarfulltrúa frá 26. september 2017 þar sem sótt er um leyfi til að byggja tveggja hæða einbýlishús úr timbri og klætt að utan með múrsteinsklæðningu á lóð nr. 12 við Gefjunarbrunn. Bréf frá hönnuði dags. 8. september 2017 fylgir erindi. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 27. október 2017.
Stærð: 223,9 ferm., 793,3 rúmm. Gjald kr. 11.000

Neikvætt, með vísan til umsagnar skipulagsfulltrúa dags. 27. október 2017
49.17 Hádegismóar 6, (fsp) breytt lóðarmörk
Á embættisafgreiðslufundi skipulagsfulltrúa 13. október 2017 var lögð fram fyrirspurn Þorleifs Eggertssonar, mótt. 13. september 2017, um breytingu á lóðarmörkum Hádegismóa 6, skv. uppdrætti, dags. 13. september 2017. Fyrirspurninni var vísað til meðferðar hjá verkefnisstjóra og er nú lögð fram að nýju, ásamt umsögn skipulagsfulltrúa dags. 27. október 2017.

Neikvætt, með vísan til umsagnar skipulagsfulltrúa dags. 27. október 2017.
50.17 Skildinganes, breyting á deiliskipulagi
Að lokinni grenndarkynningu er lögð fram að nýju umsókn Davíðs Þorlákssonar, mótt. 19. júní 2017, varðandi breytingu á skilmálum deiliskipulags Skildinganess fyrir lóðina nr. 2 við Skildinganes. Í breytingunni felst að skilmálum er breytt þannig að heimilt er að hafa verönd á þaki bifreiðageymslu, samkvæmt uppdr. a2f arkitekta ehf., dags. 18. ágúst 2017. Tillagan var grenndarkynnt frá 11. september 2017 til og með 9. október 2017. Eftirtaldir aðilar sendu athugasemdir: Höskuldur H. Ólafsson og Sigríður Ólafsdóttir, dags. 6. október 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 13. október 2017 og er nú lagt fram að nýju.
Vísað til umhverfis-og skipulagsráðs
51.17 Snorrabraut 60, (fsp) uppbygging
Lögð fram fyrirspurn Kanon arkitekta ehf. mótt. 23. október 2017 ásamt greinargerð dags. 20. október 2017 um uppbyggingu á lóð nr. 60 við Snorrabraut og bílastæðalóð sem er að hálfu í eigu Snorrabrautar 60 og Reykjavíkurborgar (Droplaugarstaðir), samkvæmt tillögu Kanon arkitekta ehf., dags. 16. maí 2017.
Vísað til umsagnar verkefnisstjóra.
52.17 Árbæjarblettur 62/Þykkvibær 21, breyting á deiliskipulagi
Lagt fram bréf Skipulagsstofnunar dags. 12. október 2017 þar sem ekki er gerð athugasemd við að sveitarstjórn birti auglýsingu um samþykkt deiliskipulagsbreytingarinnar í B-deild Stjórnartíðinda þegar lagfærð gögn berast stofnuninni.

Vísað til meðferðar hjá verkefnisstjóra.