Bíldshöfði 12, Borgartún 28, Brautarholt 26 og 28, Brekkugerði 10, Gamla höfnin - Alliance reitur, Laugavegur 66-68, Miklabraut frá Stigahlíð 33 að Kringlunni, Njálsgata 64, Templarasund 3 og Kirkjutorg 4, Týsgata 1, Hólmsheiði, athafnasvæði, Kjalarnes, Hof, Krókháls 13, Sendistaðir hljóðvarps og sjónvarps, Ásvallagata 15, Klettagarðar 27, Rauðalækur 29, Ásgarður 73-77, Kirkjustétt 2-6, Norðurbrún 2, Sigtún 38, Sogavegur 119, Döllugata 3, Efstasund 78, Fiskislóð 43, Fiskislóð 45, Melgerði 22, Tryggvagata 13, Hringbraut Landsp., Hrefnugata 5,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

643. fundur 2017
Ár 2017, föstudaginn 28. júlí kl. 10:00, hélt skipulagsfulltrúi Reykjavíkur 643. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Jón Kjartan Ágústsson. Ritari var Harri Ormarsson.
Þetta gerðist:

1.17 Bíldshöfði 12, breyting á deiliskipulagi
Lögð fram umsókn Þorgeirs Jónssonar, dags. 3. júlí 2017, varðandi breytingu á deiliskipulagi Ártúnshöfða vegna lóðar nr. 12 við Bíldshöfða. Í breytingunni felst að breytt er byggingarreit fyrir matshluta 03. Heimilt er að byggja svalir beggja vegna byggingar. Tilgangur svala er að sjá fyrir björgunarsvæði úr vinnustofum á 3. og 4. hæð. Einnig er byggingarreitur stækkaður til austurs við gafl svo koma megi fyrir innan hans björgunarstiga með brú fyrir 3. og 4. hæð, samkvæmt uppdrætti, dags. 18. júlí 2017.

Samþykkt að grenndarkynna framlagða tillögu að óverulegri breytingu á deiliskipulagi fyrir hagsmunaaðilum að Bíldshöfða 10 og 14 þegar lagfærðir uppdrættir hafa borist.
Vakin er athygli á að greiða þarf fyrir grenndarkynningu áður en kynning fer fram samkv. 7. 6.gr. gjaldskrá skipulagsfulltrúa nr. 1193/2016.

2.17 Borgartún 28, (fsp) breyting á notkun
Lögð fram fyrirspurn Gísla Vals Gíslasonar, mótt. 20. júlí 2017, um að breyta húsinu nr. 27 á lóð nr. 27 og 31 við Borgartún úr skrifstofum í gististað.
Vísað til umsagnar verkefnisstjóra.
3.17 Brautarholt 26 og 28, breyting á deiliskipulagi
Að lokinni auglýsingu er lögð fram að nýju umsókn Karls Mikla ehf., mótt. 21. mars 2017, varðandi breytingu á deiliskipulagi Skipholtsreits vegna lóðanna nr. 26 og 28 við Brautarholt. Í breytingunni felst að bætt er við takmörkuðum byggingarreit við norðurhliðar Brautarholts 26 og 28 og við austurhlið Brautarholts 26 fyrir svalir og leyfilegt verður að koma fyrir þaksvölum á 2. hæð Brautarholts 28 með tengingu við bæði húsin. Fyrirhugað er að breyta efri hæðum hússins í íbúðir að hámarki 30 eða gistirými/hótel. Á jarðhæðum er að finna verslunar-, þjónustu- og geymslurými, samkvæmt uppdr. T.ark Arkitekta ehf., dags. 16. mars 2017. Einnig er lagt fram bréf T.ark Arkitekta ehf., dags. 21. mars 2017. Tillagan var auglýst frá 13. júní 2017 til og með 25. júlí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
4.17 07">Brekkugerði 10, Vetrargarður og baðhús
Lagt fram erindi frá afgreiðslufundi byggingarfulltrúa frá 25. júlí 2017 þar sem sótt er um leyfi til að byggja viðbyggingu á austurhlið þar sem í verður vetrargarður og baðhús í einbýlishúsi á lóð nr. 10 við Brekkugerði.
Lögð fram umsögn skipulagsfulltrúa dags. 8. júlí 2015. Stækkun: 84,4 ferm., 238,7 rúmm. Gjald kr. 11.000

Vísað til umsagnar verkefnisstjóra.
5.17 Gamla höfnin - Alliance reitur, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi Vesturbugtar fyrir lóðina nr. 2 við Grandargarð, Allianz reit. Breytingin felur í sér stækkun á lóðarmörkum og byggingarreit á lóðinni, aukningu byggingarmagns og skilgreiningu á gististarfsemi á efri hæðum og verslun og þjónustu á jarðhæðum, samkvæmt uppdr. Basalt arkitekta ehf., dags. 29. maí 2017. Einnig er lagt fram minnisblað Haralds Ólafssonar veðurfræðings, dags. 12. október 2016. og umsögn Faxaflóahafna sf., dags. 20. janúar 2017. Lagður fram tölvupóstur Faxaflóahafna, dags. 13. júlí 2017 og tölvupóstur Kristjáns Gíslasonar, dags. 23. júlí 2017, þar sem óskað er eftir framlengingu á athugasemdarfresti.

Samþykkt að framlengja athugasemdafrest til og með 10. ágúst 2017.
6.17 Laugavegur 66-68, Veitingar í rými 0104 (ATH fara beint í lokaúttekt - notkunarbreyting)
Lagt fram erindi frá afgreiðslufundi byggingarfulltrúa frá 25. júlí 2017 þar sem sótt er um leyfi til fyrir veitingastað í flokki x - tegund x í rými 0104 í hóteli á lóð nr. 66-68 og 70 við Laugaveg.
Gjald kr. 11.000

Vísað til umsagnar verkefnisstjóra.
7.17 Miklabraut frá Stigahlíð 33 að Kringlunni, framkvæmdaleyfi
Á embættisafgreiðslufundi skipulagsfulltrúa 21. júlí 2017 var lögð fram umsókn Veitna ohf., mótt. 19. júlí 2017, ásamt bréfi, dags. 19. júlí 217, um framkvæmdaleyfi vegna endurnýjunar stofnlagnar fyrir kalt vatn frá nýju lokahúsi Veitna við Stigahlíð þvert yfir Kringlumýrarbrautina að mislægum gatnamótum við Kringluna, samkvæmt teikningum Veitna og Verkís, dags. 30. maí 2017. Einnig er lagt fram bréf Vegagerðarinnar, dags. 10. júlí 2017. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 28. júlí 2017..

Samþykkt að gefa út framkvæmdaleyfi fyrir hluta stofnlagnarinnar með vísan til umsagnar skipulagsfulltrúa dags.28. júlí 2017 . Vísað til skrifstofu sviðsstjóra til útgáfu framkvæmdaleyfis. Vakin er athygli á að greiða þarf fyrir útgáfu framkvæmdaleyfis skv. gr. 5.2 í . gjaldskrá skipulagsfulltrúa nr. 1193/2016.
8.17 Njálsgata 64, (fsp) veitingaleyfi í flokki II
Lögð fram fyrirspurn Arkþings f.h. Laugavegs 56 ehf., mótt. 7. júní 2017, um veitingaleyfi í flokki II á jarðhæð hússins nr. 64 við Njálsgötu. Einnig er lögð fram greinargerð Arkþings, ódags.

Vísað til umsagnar verkefnisstjóra.
9.17 Templarasund 3 og Kirkjutorg 4, breyting á deiliskipulagi
Að lokinni auglýsingu er lögð fram að nýju umsókn T.ark Arkitekta ehf., mótt. 5. apríl 2017, varðandi breytingu á deiliskipulagi reits 1.141.2 vegna lóðarinnar nr. 3 við Templarasund og nr. 4 við Kirkjutorg. Í breytingunni felst að bætt er við takmörkuðum byggingarreit í inngarði undir svölum við austurhlið Templarasunds 3. Byggingarreiturinn takmarkast við 1. hæð og kemur til með að innihalda stoðrými við rekstur á jarðhæð húsanna, samkvæmt uppdr. T.ark Arkitekta ehf., dags. 5. apríl 2017. Tillagan var auglýst frá 13. júní 2017 til og með 25. júlí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
10.17 Týsgata 1, breyting á deiliskipulagi
Lögð fram umsókn Ragnheiðar Sverrisdóttur, mótt. 18. maí 2017, varðandi breytingu á deiliskipulagi reits 1.181.2, Lokastígsreits, vegna lóðarinnar nr. 1 við Týsgötu. Í breytingunni felst að setja svalir á húsið sem snúa að bakgarði, samkvæmt uppdr. Ragnheiðar Sverrisdóttur, dags. 16. janúar 2017.

Vísað til meðferðar hjá verkefnisstjóra.
11.17 Hólmsheiði, athafnasvæði, nýtt deiliskipulag
Að lokinni kynningu er lögð fram að nýju lýsing umhverfis- og skipulagssviðs, skipulagsfulltrúa, dags. 17. maí 2017, um nýtt deiliskipulag fyrir Hólmsheiði, athafnasvæði. Stærð svæðis er um 47 hektarar og markmiðið er að skipuleggja lóðir fyrir gagnaver í samræmi við þau lóðarvilyrði sem hafa verið gefin út í borgarráði, auk þess að koma fyrir öðrum fjölbreyttum atvinnulóðum á svæðinu hvað varðar stærð og umfang í samræmi við skilgreiningu athafnasvæðis í aðalskipulagi Reykjavíkur 2010-2030 o.fl. Sjá nánar lýsingu. Kynning stóð til og með 24. júlí 2017. Eftirtaldir sendu inn umsagnir: Umhverfisstofnun, dags. 14. júlí 2017, Minjastofnun Íslands, dags. 18. júlí 2017, Landsnet, dags. 18. júlí 2017, Vegagerðin, dags. 24. júlí 2017 og Veðurstofunnar, dags. 25. júlí 2017.

Vísað til meðferðar verkefnisstjóra.
12.17 Kjalarnes, Hof, deiliskipulag
Að lokinni auglýsingu er lögð er fram að nýju tillaga Landslags, dags. 27. apríl 2017, að nýju deiliskipulagi fyrir Esjuhof, spildu úr Hofslandi I við Esjurætur á Kjalarnesi. Í tilögu að deiliskipulagi er gerð grein fyrir mögulegri uppbyggingu svæðisins til framtíðar og er m.a. verið að afmarka byggingarreit, bílastæði, hestagerði og stíga. Markmiðið er að byggja upp aðstöðu til að þjóna göngu-, hesta- og hjólreiðamönnum með salernisaðstöðu, hesta- og farangursskýli auk möguleika á kaffisölu og aðstöðu fyrir starfsfólk. Stærð svæðisins sem skipulagið nær yfir er um 15 hektarar. Tillagan var auglýst frá 13. júní 2017 til og með 25. júlí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
13.17 Krókháls 13, breyting á skilmálum deiliskipulags
Lögð fram umsókn THG Arkitekta ehf., mótt. 24. júlí 2017, varðandi breytingu á skilmálum deiliskipulags Grafarlækjar-Stekkjarmóa-Djúpadals vegna lóðarinnar nr. 13 við Krókháls. í breytingunni felst að nýta landhallann sem er á lóðinni og láta bygginguna fylgja honum betur. Húsið verður þá á tveimur hæðum í stað einnar. Frá Krókhálsi í suðurátt verður húsið á einni hæð en að norðan og vestanverður verður húsið á tveimur hæðum og suðurhluti hæðarinnar grefst inn í hlíðina. Akstursrampi fyrir neðri hæðina verður við austanvert húsið, samkvæmt tillögu THG Arkitekta ehf., dags. 20. júlí 2017.
Vísað til meðferðar hjá verkefnisstjóra.
14.17 Sendistaðir hljóðvarps og sjónvarps, erindi Samgöngu- og sveitarstjórnarráðuneytisins
Lagt fram bréf skrifstofu borgarstjóra, dags. 24. júlí 2017, (R17070076) ásamt erindi Samgöngu- og sveitarstjórnarráðuneytisins frá 14. júlí sl. þar sem ráðuneytið hvetur sveitarfélögin á höfuðborgarsvæðinu að tryggja varanlega og hentuga staðsetningu aðalsendistaða hljóðvarps og sjónvarps í Vatnsendahvarfi og Úlfarsfelli. Málið sendist umhverfis- og skipulagssviði til þóknanlegrar meðferðar.

Vísað til meðferðar hjá verkefnisstjóra.
15.17 Ásvallagata 15, Svalir - svalahurðir
Lagt fram erindi frá afgreiðslufundi byggingarfulltrúa frá 25. júlí 2017 þar sem sótt er um leyfi til að steypa svalir með stálhandriðum á garðhlið og síkka gluggagöt til að koma fyrir hurð út á svalirnar á íbúðum 0201 og 0301 í húsinu á lóð nr. 15 við Ásvallagötu.
Samþykki meðeigenda dags. 25. júní 2017 fylgir. Gjald kr. 11.000

Vísað til meðferðar verkefnisstjóra.
16.17 Klettagarðar 27, breyting á deiliskipulagi
Að lokinni auglýsingu er lögð fram að nýju umsókn Arkís arkitekta ehf., mótt. 9. mars 2017, varðandi breytingu á deiliskipulagi Klettasvæðis vegna lóðarinnar nr. 27 við Klettagarða. Í breytingunni felst að byggingarreitur neðanjarðar er stækkaður og verður byggingarreitur bílgeymslu, gert er ráð fyrir að komið verði fyrir opnu bílastæðahúsi á lóð, bílastæðahús verður opið tveggja hæða auk þess sem gert er ráð fyrir bílastæðum á þaki bílastæðahúss og kjallari verður undir hluta húss, samkvæmt uppdr. Arkís arkitekta ehf., dags. 2. janúar 2017. Einnig er lagt fram bréf Arkís arkitekta ehf., dags. 8. mars 2017. Tillagan var auglýst frá 13. júní 2017 til og með 25. júlí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
17.17 Rauðalækur 29, (fsp) hækkun á þaki, kvistir
Lögð fram fyrirspurn Steindórs Emils Sigurðssonar, mótt. 18. júlí 2017 um að hækka þak hússins á lóð nr. 29 við Rauðalæk og setja kvisti, samkvæmt skissu.

Vísað til umsagnar verkefnisstjóra.
18.17 Ásgarður 73-77, (fsp) stækkun húss
Lögð fram fyrirspurn Sigrúnar Unnsteinsdóttur, mótt. 15. júní 2017, um að stækka húsið á lóð nr. 73-77 við Ásgarð um ca. einn stigagang með 4-6 litlum íbúðum.

Vísað til umsagnar verkefnisstjóra.
19.17 Kirkjustétt 2-6, breyting á deiliskipulagi
Lögð fram umsókn M fasteigna ehf., mótt. 20. júlí 2017, varðandi breytingu á deiliskipulagi fyrir lóðina 2-6 við Kirkjustétt. Í breytingunni felst að upphaflegum byggingarreit er skipt í þrjú hús sem geta orðið 1 - 3 hæðir. Hluti bygginga innan reitsins geta því orðið allt að 3 hæðir í stað 2 áður. Bætt er við heimild til að gera íbúðir á 2. - 3. hæð húsa 1 og 2. Einnig er skilmálum um bílastæði breytt og bætt við skilmálum um frágang lóðar, samkvæmt uppdr. VA arkitekta ehf., dags. 20. júlí 2017. Einnig er lagt fram samþykki eigenda, mótt. 20. júlí 2017.

Vísað til meðferðar verkefnisstjóra.
Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
20.17 Norðurbrún 2, breyting á deiliskipulagi
Að lokinni auglýsingu er lögð fram að nýju umsókn THG arkitekta ehf., mótt. 24. janúar 2017, varðandi breytingu á deiliskipulagi fyrir lóðina nr. 2 við Norðurbrún. Í breytingunni felst að hækka húsið um tvær inndregnar hæðir og breyta notkun hússins úr verslunarhúsnæði í atvinnuhúsnæði með íbúðum, allt að 30-90 m2 að stærð, samkvæmt uppdr. THG arkitekta ehf., dags. 16. maí 2017, fjöldi íbúða yrði samtals 8 íbúðir. Einnig er lagt fram skuggavarp dags.. 16. maí 2017. Tillagan var auglýst frá 13. júní til til og með 25. júlí 2017. Eftirtaldir sendu athugasemdir: Haukur Gunnarsson og Una N. Svane, dags. 18. júlí 2017, Bjarni Pálmason og Steinunn Erla Thorlacius, dags. 19. júlí 2017, 17 íbúar að Norðurbrún 4-6, 8-10, 12-14 og 20, dags. 22. júlí 2017 og Hekla Jósepsdóttir, dags. 24. júlí 2017. Einnig er lögð fram umsögn hverfisráðs Laugardals, dags. 30. júní 2017.

Vísað til umsagnar verkefnisstjóra.
21.17 Sigtún 38, (fsp) breyting á skilmálum/leiðrétting á byggingarmagni
Lögð fram fyrirspurn Björns Skaptasonar, mótt. 20. júlí 2017, um aukningu á byggingarmagni bílageymslu innan byggingarreits og leiðréttingu á núverandi byggingingarmagni.

Vísað til umsagnar verkefnisstjóra.
22.17 Sogavegur 119, breyting á deiliskipulagi
Að lokinni grenndarkynningu er lagt fram að nýju erindi Jóhönnu Norðdahl, mótt. 29. maí 2017, um breytingu á deiliskipulagi Sogavegar-Rauðagerðis vegna lóðarinnar nr. 119 við Sogaveg sem felst í stækkun á byggingareit lóðarinnar vegna byggingu staðstæðs bílskúrs á lóð og stækkunar á einbýlishúsi, samkvæmt uppdr. THG Arkitekta ehf., dags. 28. janúar 2017. Fyrirspurn. Einnig er lagður fram tölvupóstur samgöngusérfræðings strætó dags. 7. desember 2016. Tillagan var grenndarkynnt frá 22. júní til og með 20. júlí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
23.17 Döllugata 3, einbýlishús
Lagt fram erindi frá afgreiðslufundi byggingarfulltrúa frá 25. júlí 2017 þar sem sótt er um leyfi til að byggja einbýlishús á tveimur hæðum á lóð nr. 3 við Döllugötu.
Stærðir: A-rými 330,2 ferm., 1.192,6 rúmm. B-rými x ferm., x rúmm. Gjald kr. 11.000

Vísað til umsagnar verkefnisstjóra.
24.17 Efstasund 78, Þakgluggi, kvistur, skábraut o.fl.
Lagt fram erindi frá afgreiðslufundi byggingarfulltrúa frá 25. júlí 2017 þar sem sótt er um leyfi til að endurnýja þak, stækka kvist lítillega, stækka þakglugga til norðurs, breyta innra skipulagi í risi og breyta aðkomu að áður samþykktri íbúð í kjallara tvíbýlishúss á lóð nr. 78 við Efstasund.
Erindi fylgir samþykki eigenda Efstasunds 76 og 80 og Langholtsvegar 83 ódagsett. Stækkun: 14,4 rúmm. Gjald kr. 11.000

Vísað til umsagnar verkefnisstjóra.
25.17 Fiskislóð 43, breyting á deiliskipulagi
Að lokinni auglýsingu er lögð fram að nýju umsókn Plúsarkitekta ehf., mótt. 19. apríl 2017, varðandi breytingu á deiliskipulagi Örfiriseyjar vegna lóðar nr. 43 við Fiskislóð. Í breytingunni felst að stækka byggingarreit og færa nær götu til suðvesturs í samræmi við Fiskislóð 45, hækka hámarkshæð úr 12 metrum í 18 metra á 23 m x 23 m reit innan byggingarreits fyrir sértilbúinn sýningarsal og fækka bílastæðum niður í 35 (þar af 3 rútustæði), samkvæmt uppdr. Plúsarkitekta ehf., dags. 10. maí 2017. Tillagan var auglýst frá 13. júní 2017 til og með 25. júlí 2017. Engar athugasemir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
26.17 Fiskislóð 45, breyting á skilmálum deiliskipulags
Að lokinni auglýsingu er lögð fram að nýju umsókn GP-arkitekta ehf., dags. 9. mars 2017 um breytingu á skilmálum deiliskipulags Örfiriseyjar vegna lóðar nr. 45 við Fiskislóð. Í breytingunni felst breyting á nýtingarhlutfalli lóðar, samkvæmt tillögu, dags. 3. mars 2017. Einnig er lagt fram bréf Faxaflóahafna til GP-arkitekta, dags. 10. febrúar 2017. Tillagan var auglýst frá 13. júní 2017 til og með 25. júlí 2017. Engar athugasemir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
27.17 Melgerði 22, Stækka einbýlishús
Lagt fram erindi frá afgreiðslufundi byggingarfulltrúa frá 25. júlí 2017 þar sem sótt er um leyfi til að byggja hæð ofaná einbýlishús á lóð nr. 22 við Melgerði.
Stækkun: 55,,1 ferm., 515 rúmm. Eftir stækkun: 230,2 ferm., 840,2 rúmm. Gjald kr. 11.000

Vísað til umsagnar verkefnisstjóra.
28.17 Tryggvagata 13, (fsp) staðsetning djúpgáma á borgarlandi
Á embættisafgreiðslufundi skipulagsfulltrúa 10. mars 2017 var lögð fram fyrirspurn Hildigunnar Haraldsdóttur, mótt. 7. mars 2017, um hugsanlega staðsetningu djúpgáma á borgarlandi við Tryggvagötu 13, samkvæmt uppdr. Hildigunnar Haraldsdóttur, dags. 6. okt. 2016. Fyrirspurninni var vísað til umsagnar skrifstofu umhverfisgæða og er nú lögð fram að nýju ásamt umsögn skrifstofu umhverfisgæða, dags. 19. júlí 2017.


Vísað til meðferðar hjá verkefnisstjóra.
29.17 Hringbraut Landsp., Eiríksgata 34 - Lyfta fyrir fatlaða o.fl.
Á embættisafgreiðslufundi skipulagsfulltrúa 21. júlí 2017 var lagt fram erindi frá afgreiðslufundi byggingarfulltrúa frá 18. júlí 2017 þar sem sótt er um leyfi til að breyta erindi BN052751 þannig að byggður er lyftustokkur og anddyri og til að byggja skábraut við suðurhlið Hjúkrunarskólans , Eiríksgötu 34A á lóðinni Hringbraut Landsp. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 27. júlí 2017.
Stækkun: 32,6 ferm., 104,6 rúmm. Gjald kr. 11.000

Umsögn skipulagsfulltrúa, dags. 27. júlí 2017, samþykkt.
30.17 Hrefnugata 5, (fsp) stækkun bílskúrs
Á embættisafgreiðslufundi skipulagsfulltrúa 30. júní 2017 var lögð fram fyrirspurn Kára Sigurðssonar, mótt. 8. júní 2017, ásamt greinargerð, dags. 6. júní 2017, varðandi stækkun á bílskúr á lóð nr. 5 við Hrefnugötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skiplagsfulltrúa, dags. 21. júlí 2017. Einnig er lögð fram leiðrétt umsögn skipulagsfulltrúa, dags. 28. júlí 2017.

Leiðrétt umsögn skipulagsfulltrúa, dags. 28. júlí 2017, samþykkt með þeim skilyrðum og leiðbeiningum sem þar koma fram.