Bárugata 8, Fiskislóð 43, Fiskislóð 45, Flókagata 16, Freyjugata 42, Heiðargerði 24, Hólavað 63-71, Hverfisgata 53 og 55, Laufásvegur 81, Laugavegur 50, Sigluvogur 4, Skólavörðustígur 36, Tjarnargata 10A, Tjarnargata 38, Vesturgata 30, Vitastígur 16, Öldugata 44 og Brekkustígur 9, Hverfisgata 106, Hörpugata 10, Kárastígur 3, Klettagarðar 27, Safamýri 89, Drápuhlíð 9, Fannafold 189, Grjótháls 7-11, Hjallasel 19-55, Kirkjuteigur 21, Laugarnesvegur 77, Rofabær 7-9, Vættaborgir 89-91, Ystasel 37, Ármúli 3, Bergstaðastræti 33B, Bíldshöfði 12, Borgartún 34-36, Háaleitisbraut 68, Laugavegur 42, Nesvík, Ránargata 21, Skólavörðustígur 22B, Sóleyjargata 31, Templarasund 3 og Kirkjutorg 4, Einarsnes/Gnitanes, Grandagarður 8 - göngubryggja, Háagerði 73, Hverfisgata 4, Hverfisgata 8-10, Klapparstígur 29, Langholtsvegur 118-120, Laugardalur, Sogavegur 69, Austurstræti 17, Eikjuvogur 27, Eyjarslóð 1, Eyjarslóð 1, Hlemmur, spennistöð, Langagerði 128, Litlagerði 6, Skarphéðinsgata 6, Skógarhlíð 20, Skriðustekkur 17-23, Sóleyjargata 13, Fiskislóð 18, Kjalarnes, Hof, Kjalarnes, Sætún, Klettagarðar 4, Lambhagavegur 6, Stekkjarbakki 4-6, Sæbraut innsiglingarviti,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

631. fundur 2017
Ár 2017, föstudaginn 12. maí kl. 09:10, hélt skipulagsfulltrúi Reykjavíkur 631. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir Eftirtaldir embættismenn kynntu mál á fundinum: Borghildur S. Sturludóttir, Guðlaug Erna Jónsdóttir, Lilja Grétarsdóttir, Jón Kjartan Ágústsson, Halldóra Hrólfsdóttir, Björn Ingi Edvardsson og Hildur Gunnarsdóttir. Ritari var Erna Hrönn Geirsdóttir
Þetta gerðist:

1.17 Bárugata 8, (fsp) íbúð í risi og kvistir
Á embættisafgreiðslufundi skipulagsfulltrúa 28. apríl 2017 var lögð fram fyrirspurn Helgu Thorberg, mótt. 4. apríl 2017, um að gera íbúð í risi hússins á lóð nr. 8 við bárugötu og setja tvo kvisti, annan í miðri austurhliðinni og hinn í miðri vesturhliðinni, samkvæmt uppdr. A2F arkitekta ehf., dags. 24. mars 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 11. maí 2017.

Jákvætt með vísan til umsagnar skipulagsfulltrúa dags. 11. maí 2017.
2.17 Fiskislóð 43, breyting á deiliskipulagi
Á embættisafgreiðslufundi skipulagsfulltrúa 28. apríl 2017 var lögð fram umsókn Plúsarkitekta ehf., mótt. 19. apríl 2017, varðandi breytingu á deiliskipulagi Örfiriseyjar vegna lóðar nr. 43 við Fiskislóð. Í breytingunni felst að stækka byggingarreit og færa nær götu til suðvesturs í samræmi við Fiskislóð 45, hækka hámarkshæð úr 12 metrum í 18 metra á 23 m x 23 m reit innan byggingarreits fyrir sértilbúinn sýningarsal og fækka bílastæðum niður í 35 (þar af 3 rútustæði), samkvæmt uppdr. Plúsarkitekta ehf., dags. 10. maí 2017. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis-og skipulagsráðs.
Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
3.17 Fiskislóð 45, breyting á skilmálum deiliskipulags
Á embættisafgreiðslufundi skipulagsfulltrúa 28. apríl 2017 var lögð fram umsókn GP-arkitekta ehf., dags. 9. mars 2017 um breytingu á skilmálum deiliskipulags Örfiriseyjar vegna lóðar nr. 45 við Fiskislóð. Í breytingunni felst breyting á nýtingarhlutfalli lóðar, samkvæmt tillögu, dags. 3. mars 2017. Einnig er lagt fram bréf Faxaflóahafna til GP-arkitekta, dags. 10. febrúar 2017. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs.
Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
4.17 Flókagata 16, Bílskúr
Á embættisafgreiðslufundi skipulagsfulltrúa 28. apríl 2017 var lagt fram erindi frá afgreiðslufundi byggingarfulltrúa frá 11. apríl 2017 þar sem sótt er um leyfi til að byggja steinsteyptan bílskúr á lóðamörkum við hús á lóð nr. 16 við Flókagötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 11. maí 2017.
Stærð A-rými x ferm., x rúmm. Gjald kr. 11.000

Neikvætt, með vísan til umsagnar skipulagsfulltrúa dags. 11. maí 2017.
5.17 Freyjugata 42, (fsp) svalir
Lögð fram fyrirspurn Benedikts Hjartarsonar, mótt. 25. apríl 2017, um að setja svalir á húsið á lóð nr. 42 við Freyjugötu.

Vísað til umsagnar verkefnisstjóra.
6.17 Heiðargerði 24, (fsp) breytinga á deiliskipulagi
Á embættisafgreiðslufundi skipulagsfulltrúa 7. apríl 2017 var lögð fram fyrirspurn Eyrúnar Aspar Hauksdóttur, mótt. 28. mars 2017, varðandi breytingu á deiliskipulagi fyrir lóðina nr. 24 við Heiðargerði sem felst í að rífa niður húsið á lóðinni og byggja nýtt ásamt hækkun á nýtingarhlutfalli lóðarinnar. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 11. maí 2017.

Umsögn skipulagsfulltrúa samþykkt, dags. 11. maí 2017.
7.17 Hólavað 63-71, breyting á deiliskipulagi
Að lokinni auglýsingu er lögð fram að nýju umsókn Kjartans Hrafns Kjartanssonar dags. 31. janúar 2017 varðandi breytingu á deiliskipulagi Norðlingaholts vegna raðhúss á lóð nr. 63-71 við Hólavað. Í breytingunni felst breyting á byggingarmagni/nýtingarhlutfalli, m.a. að bæta við kvist og hækka hús, samkv. uppdrætti KRark., dags. 8. febrúar 2017. Tillagan var auglýst frá 1. mats til og með 24 apríl 2017. Eftirtaldir aðilar sendu athugasemdir: Guðni Þór Sigurjónsson, dags. 20. apríl 2017 og 8 íbúar að Hólavaði 45-61, mótt. 23. apríl 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 28. apríl 2017 og er nú lagt fram að nýju.

Vísað til umhverfis-og skipulagsráðs.
8.17 Hverfisgata 53 og 55, (fsp) þyrping smáhýsa
Lögð fram fyrirspurn Gamla Reykjavík ehf., mótt. 15. mars 2017, um að reisa þyrpingu smáhýsa á lóðunum nr. 53 og 55 við Hverfisgötu, samkvæmt uppdr. Hornsteina arkitekta ehf., dags. 8. mars 2017.

Vísað til umsagnar verkefnisstjóra.
9.17 Laufásvegur 81, (fsp) viðbygging fyrir fundarsal
Á embættisafgreiðslufundi skipulagsfulltrúa 27. janúar 2017 var lögð fram fyrirspurn Páls V. Bjarnasonar arkitekts f.h. Kennarasambands Íslands, dags. 31. maí 2016, varðandi viðbyggingu fyrir fundarsal undir bílastæði á lóð Kennarasambands Íslands að Laufásvegi 81. Bílastæðin yrðu ofan á viðbyggingunni en hún yrði niðurgrafin að hluta. Fyrirspurninni var frestað og er nú lögð fram að nýju.
Frestað, bréf sent til fyrirspyrjanda vegna niðurfellingar máls.
10.17 Laugavegur 50, (fsp) breyting á byggingarreit
Á embættisafgreiðslufundi skipulagsfulltrúa 31. mars 2017 var lögð fram fyrirspurn Málstaðar ehf., mótt. 14. mars 2017, um að breyta byggingarreit hússins á lóð nr. 50 við Laugaveg og minnka byggingarmagn, samkvæmt uppdr. Byggingar og skipulagshönnunar ehf., dags. 14. mars 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 11. maí 2017.

Neikvætt, með vísan til umsagnar skipulagsfulltrúa dags. 11. maí 2017.
11.17 Sigluvogur 4, (fsp) svalalokun
Á embættisafgreiðslufundi skipulagsfulltrúa 28. apríl 2017 var lögð fram fyrirspurn Guðmundar Ásgeirs Björnssonar, mótt. 28. mars 2017, um að loka svölum á norðurhlið hússins á lóð nr. 4 við Sigluvog. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Jákvætt með vísan til umsagnar skipulagsfulltrúa dags. 12. maí 2017.
12.17 Skólavörðustígur 36, (fsp) breyting á deiliskipulagi
Á embættisafgreiðslufundi skipulagsfulltrúa 7. apríl 2017 var lögð fram fyrirspurn Arwen Holdings ehf. mótt. 28. mars 2017, varðandi breytingu á deiliskipulagi fyrir lóðina nr. 36 við Skólavörðustíg sem felst í stækka þjónusturými á 1. hæð út í baklóð, setja sólstofur á íbúðir 2. og 3. hæðar og koma fyrir hjóla- og sorpgeymslu bakalóð. Húsið verður hækkað um eina hæð sem samræmist núgildandi deiliskipulagi, samkvæmt uppdr. Urban arkitekta ehf., dags. 21. mars 2017. Einnig er lagt fram bréf Arwnen Holdings ehf., dags. 28. mars 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 11. maí 2017.

Neikvætt, með vísan til umsagnar skipulagsfulltrúa dags. 11. maí 2017.
13.17 Tjarnargata 10A, (fsp) svalir
Á embættisafgreiðslufundi skipulagsfulltrúa 13. janúar 2017 var lögð fram fyrirspurn Jóns Garðars Sigurjónssonar, mótt. 7. nóvember 2016, um að setja svalir á íbúð 0101 í húsinu á lóð nr. 10A við Tjarnargötu.
Frestað, bréf sent til fyrirspyrjanda vegna niðurfellingar máls.
14.17 Tjarnargata 38, (fsp) stækkun á inngangi
Á embættisafgreiðslufundi skipulagsfulltrúa 5. maí 2017 var lögð fram fyrirspurn Ólafs Björns Stephensen, mótt. 4. apríl 2017, um að stækka innganginn á norðausturgafli hússins á lóð nr. 28 við Tjarnargötu, samkvæmt uppdr. Arko sf., dags. 29. mars 2017. Fyrirspurninni var vísað til umsagnar verkefnisstjóra og er nú lögð fram að nýju.
Frestað.
Umsækjandi hafi samband við embætti skipulagsfulltrúa.
15.17 Vesturgata 30, breyting á deiliskipulagi
Að lokinni auglýsingu er lögð fram að nýju umsókn Grímu arkitekta ehf., mótt. 24. janúar 2017, varðandi breytingu á deiliskipulagi Nýlendureits vegna lóðarinnar nr. 30 við Vesturgötu. Í breytingunni felst hækkun á nýtingarhlutfalli og gera nýja byggingarreiti, fjölgun íbúða úr 3 í 8, niðurrif á viðbyggingu við íbúðarhús og niðurfelling á heimild um hækkun þess, verndun pakkhúss og verndun tveggja trjáa á lóðinni, samkvæmt uppdr. Grímu arkitekta ehf., dags. 24. janúar 2017. Tillagan var auglýst frá 13. mars til og með 24. apríl 2017. Eftirtaldir aðilar sendu athugasemdir: Viðar Sigurjónsson og Ólöf Jónsdóttir, dags. 24. apríl 2017, Páll Kristjánsson, dags. 24. apríl 2017, Sigrún Toby Herman og Gunnar Þórðarson, dags. 24. apríl 2017, Stefán Ásgrímsson og Sif Knudsen, dags. 24. apríl 2017 , Haraldur Anton og Valgerður Stella, dags. 25. apríl 2017 og Haukur Ingi Jónsson og Hafdís Þorleifsdóttir dags. 25. apríl 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa frá 28. apríl 2017 og er nú lagt fram að nýju.
Vísað til umhverfis-og skipulagsráðs
16.17 Vitastígur 16, Endurbygging húss
Lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi til að rífa núverandi hús að mestu leyti og byggja nýtt tveggja hæða timburhús með risi á steyptum kjallara og fjölga eignum úr tveimur í þrjár þar sem sú þriðja verður tómstundarými í séreign á lóð nr. 16 við Vitastíg. Einnig er lögð fram umsögn skipulagsfulltrúa, dags. 5. maí 2017.
Stækkun: x ferm., x rúmm. Umsögn Minjastofnunar dags. 19. apríl 2017 fylgir erindi. Gjald kr. 11.000

Leiðrétt bókun frá afgreiðslufundi skipulagsfulltrúa frá. 5. maí 2017.
Rétt bókun er: Neikvætt, með vísan til umsagnar skipulagsfulltrúa dags. 5. maí 2017.
17.17 Öldugata 44 og Brekkustígur 9, (fsp) uppbygging
Á embættisafgreiðslufundi skipulagsfulltrúa 28. apríl 2017 var lögð fram fyrirspurn Þórðar Steingrímssonar, mótt. 24. apríl 2017, um uppbyggingu á lóðunum nr. 44 við Öldugötu og nr. 9 við Brekkustíg, samkvæmt uppdr. Kanon arkitekta ehf., dags. 21. apríl 2017. Einnig er lögð fram greinargerð Kanon arkitekta ehf., dags. 24. apríl 2017 og umsagnir Minjastofnunar Íslands, dags. 6. febrúar 2017 og 13. febrúar 2017. Fyrirspurninni var vísað til umsagnar verkefnisstjóra og er nú lögð fram að nýju.

Frestað. Umsækjandi hafi samband við embætti skipulagsfulltrúa.
18.17 Hverfisgata 106, breyting á deiliskipulagi
Að lokinni grenndarkynningu er lögð fram að nýju umsókn Noland Arkitekta ehf., mótt. 14. febrúar 2017, varðandi breytingu á deiliskipulagi reits 1.174.1 vegna lóðarinnar nr. 106 við Hverfisgötu. Í breytingunni felst hækkun á mæni, settir eru skilmálar um kvisti og svalir auk þess sem nýtingarhlutfall er hækkað, samkvæmt uppdr. Noland Arkitekta ehf., dags. 14. febrúar 2017. Tillagan var grenndarkynnt frá 6. apríl til og með 4. maí 2017. Eftirtaldir aðilar sendu athugasemdir: Eysteinn Már Sigurðsson, Morgane Priet-Mahéo, Halldór Heiðar Bjarnason og Lilian Pineda, dags. 3. maí 2017, Þórir Gunnarsson, dags. 4. maí 2017 og Karl Palsson, dags. 6. maí 2017.

Vísað til umsagnar verkefnisstjóra.
19.17 Hörpugata 10, Breyta gluggum
Á embættisafgreiðslufundi skipulagsfulltrúa 28. apríl 2017 var lagt fram erindi frá afgreiðslufundi byggingarfulltrúa frá 28. apríl 2017 þar sem sótt er um leyfi til að breyta útliti með því að bæta við gluggum, opna út á verönd og breyta innra skipulagi, ásamt áður gerðum breytingum sem felast í að byggður hefur verið kvistur á austurhlið húss á lóð nr. 10 við Hörpugötu. Erindinu var vísað til umsagnar verkefnisstjóra og er nú lagt fram að nýju.
Gjald kr. 11.000

Samþykkt að grenndarkynna framlagða tillögu fyrir hagsmunaaðilum að Hörpugata 7, 8, 9, 11 og 12 og Þorragötu 1.

Byggingarleyfisumsókn verður grenndarkynnt þegar umsækjandi hefur greitt fyrir grenndarkynningu sbr. 8.1. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
20.17 Kárastígur 3, breyting á deiliskipulagi
Að lokinni auglýsingu er lögð fram að nýju umsókn Olgu Guðrúnar Sigfúsdóttur, mótt. 1. mars 2017, varðandi breytingu á deiliskipulagi reits 1.182.3, Kárastígsreits austur, vegna lóðarinnar nr. 3 við Kárastíg. Í breytingunni felst niðurrif viðbyggingar og heimild til að byggja nýtt hús í staðinn með sömu skilmálum og eru í gildi, samkvæmt uppdr. ARKHD dags. 2.mars 2017. Einnig er lagt fram bréf Olgu Guðrúnar Sigfúsdóttur, dags. 1. mars 2017. Tillagan var auglýst frá 24. mars til og með 5. maí 2017. Eftirtaldir aðilar sendu athugasemdir: Arnheiður Bjarnadóttir og Júlíus Stígur Stephensen, dags. 4. maí 2017.
Vísað til umsagnar verkefnisstjóra.
21.17 Klettagarðar 27, breyting á deiliskipulagi
Á embættisafgreiðslufundi skipulagsfulltrúa 7. apríl 2017 var lögð fram umsókn Arkís arkitekta ehf., mótt. 9. mars 2017, varðandi breytingu á deiliskipulagi Klettasvæðis vegna lóðarinnar nr. 27 við Klettagarða. Í breytingunni felst að byggingarreitur neðanjarðar er stækkaður og verður byggingarreitur bílgeymslu, gert er ráð fyrir að komið verði fyrir opnu bílastæðahúsi á lóð, bílastæðahús verður opið tveggja hæða auk þess sem gert er ráð fyrir bílastæðum á þaki bílastæðahúss og kjallari verður undir hluta húss, samkvæmt uppdr. Arkís arkitekta ehf., dags. 2. janúar 2017. Einnig er lagt fram bréf Arkís arkitekta ehf., dags. 8. mars 2017. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs

Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016. Greiðsla þarf að berast áður en breytingin verður auglýst í B- deild Stjórnartíðinda.
22.17 Safamýri 89, Breyting inni
Lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi fyrir áður gerðum breytingum v/gerðar eignaskiptayfirlýsingar, m.a. hafa gluggar á vesturhlið kjallara verið stækkaðir og þeim fjölgað og innréttaðar hafa verið tvær íbúðir í kjallara í fjölbýlishúsi á lóð nr. 89 við Safamýri. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Gjald kr. 11.000

Neikvætt, með vísan til umsagnar skipulagsfulltrúa dags. 12. maí 2017.
23.17 Drápuhlíð 9, (fsp) bílskúr
Á embættisafgreiðslufundi skipulagsfulltrúa 5. maí 2017 var lögð fram fyrirspurn Elvars Arnar Arasonar, mótt. 28. mars 2017, varðandi byggingu bílskúrs á lóð nr. 9 við Drápuhlíð sem er sambærilegur í laginu og skúrar á lóðum nr. 11, 13 og 15 við Drápuhlíð, samkvæmt uppdr. Hugsjón ehf., dags. 28. september 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Ekki er gerð athugasemd við erindið. Byggingarleyfisumsókn verður grenndarkynnt berist hún. sbr. umsögn skipulagsfulltrúa dags. 12. maí 2017.

24.17 Fannafold 189, (fsp) stækkun húss
Á embættisafgreiðslufundi skipulagsfulltrúa 5. maí 2017 var lögð fram fyrirspurn Elínar Hannesardóttur, mótt. 28. apríl 2017, um að stækka húsið á lóð nr. 189 við Fannafold út fyrir byggingarreit, samkvæmt uppdr. Bartolozzi, dags. 27. apríl 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Neikvætt, með vísan til umsagnar skipulagsfulltrúa dags.12. maí 2017.
25.17 Grjótháls 7-11, breyting á deiliskipulagi
Að lokinni grenndarkynningu er lögð fram að nýju umsókn Urban arkitekta ehf., dags. 24. febrúar 2017, varðandi breytingu á deiliskipulagi Hálsahverfis vegna lóðar nr. 7-11 við Grjótháls. Í breytingunni felst að færa byggingarreitinn sem samþykktur var 5. júlí 2013 upp að núverandi byggingu að Grjóthálsi 9 og fella brott 3 metra breytt sund sem er eftir húsinu endilöngu, breyta kröfu um fjölda bílastæða þannig að í stað 1 bílastæðis á hverja 100 fermetra verksmiðju, lagers og tæknirýma verði það 1 bílastæði á hverja 120 fermetra húsnæðis og að heimilt verði að nýta Þak nýbyggingar undir bílastæði, samkvæmt uppdrætti Urban arkitekta ehf., dags. 1. febrúar 2017. Einnig lögð fram greinargerð hönnuðar, dags. 24. febrúar 2017. Tillagan var grenndarkynnt frá 6. apríl til og með 4. maí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
26.17 Hjallasel 19-55, (fsp) skipta lóð í 4 til 5 minni lóðir
Lögð fram fyrirspurn Annars hf., mótt. 5.maí 2017, um að skipta lóðinni nr. 19-55 við Hjallasel í 4 til 5 minni lóðir. Einnig eru lagðar fram skissur á mæliblöðum.

Vísað til umsagnar verkefnisstjóra.
27.17 Kirkjuteigur 21, breyting á deiliskipulagi
Lögð fram umsókn PK arkitekta ehf., mótt. 2. febrúar 2017, varðandi breytingu á deiliskipulagi fyrir lóðina nr. 21 við Kirkjuteig. Í breytingunni felst að að fjölga íbúðum í húsinu úr fjórum í sjö og heimila verslun og/eða þjónustustarfsemi í húsnæðinu. Einnig er lagt fram bréf Pálmars Kristmundssonar, dags. 1. febrúar 2017. Einnig er lögð fram umsögn skipulagsfulltrúa, dags. 3. mars 2017.


Leiðrétt bókun frá afgreiðslufundi skipulagsfulltrúa frá 3. mars 2017. Rétt bókun: Vísað til umhverfis-og skipulagsráðs
28.17 Laugarnesvegur 77, (fsp) niðurrif og endurbygging/bygging nýs bílskúrs
Lögð fram fyrirspurn Þóris Bjarnasonar, mótt. 21. apríl 2017, um að rífa niður bílskúr á lóð nr. 77 við Laugarnesveg og endurbyggja eða byggja nýja bílskúr á lóð.

Vísað til umsagnar verkefnisstjóra.
29.17 Rofabær 7-9, (fsp) uppbygging
Á embættisafgreiðslufundi skipulagsfulltrúa 28. apríl 2017 var lögð fram fyrirspurn Margrétar Leifsdóttur, mótt. 31. mars 2017, um uppbyggingu á lóð nr. 7-9 við Rofabæ, samkvæmt uppdr. Arkibúllunnar, dags. 31. mars 2017. Einnig er lagt fram bréf Arkibúllunnar, dags. 31. mars 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Umsögn skipulagsfulltrúa samþykkt, dags. 12. maí 2017.
30.17 Vættaborgir 89-91, Vættaborgir 91 - Viðbygging
Lagt fram erindi frá afgreiðslufundi byggingarfulltrúa frá 9. maí 2017 þar sem sótt er um leyfi fyrir staðsteypta viðbyggingu út frá 1. hæð á norð- austurhlið parhússins nr. 91 á lóð nr. 89 - 91 við Vættaborgir.
Stækkun vegna viðbyggingar: XX ferm., XX rúmm. Gjald kr. 11.000

Vísað til umsagnar verkefnisstjóra.
31.17 Ystasel 37, Viðbygging við vinnustofu
Á embættisafgreiðslufundi skipulagsfulltrúa 5. maí 2017 var lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi fyrir léttbyggðri viðbyggingu við austurhluta vinnustofunnar mhl 01 á lóð nr. 37 við Ystasel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Sbr. erindið BN032223 Stækkun: 42,1 ferm. 252,4 rúmm. Gjald kr. 11.000

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 12. maí 2017.
32.17 Ármúli 3, (fsp) glerveggur fyrir framan inngang
Á embættisafgreiðslufundi skipulagsfulltrúa 5. maí 2017 var lögð fram fyrirspurn Zeppelin ehf., mótt. 24. apríl 2017, um að setja glervegg fyrir framan aðalinngang hússins á lóð nr. 3 við Ármúla. Einnig er lagt fram bréf Zeppelin ehf., dags. 24. apríl 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Neikvætt, með vísan til umsagnar skipulagsfulltrúa dags.12. maí 2017.
33.17 Bergstaðastræti 33B, Viðbygging og breyting í gististað
Á embættisafgreiðslufundi skipulagsfulltrúa 5. maí 2017 var lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi til að breyta notkunarflokki húss í flokk 4 og fyrir áður gerðum breytingum m.a. viðbyggingu og innra skipulagi rishæðar í húsinu á lóð nr. 33 B við Bergstaðastræti. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Gjald kr. 11.000

Frestað.
Lagfæra þarf uppdrætti, sbr. umsögn skipulagsfulltrúa dags. 12. maí 2017.
34.17 Bíldshöfði 12, Vinnustofur
Á embættisafgreiðslufundi skipulagsfulltrúa 28. apríl 2017 var lagt fram erindi frá afgreiðslufundi byggingarfulltrúa frá 11. apríl 2017 þar sem sótt er um leyfi til að innrétta vinnustofur á 3. og 4. hæð ásamt því að byggja flóttastiga á austurgafli og gera björgunarop á vinnustofum í húsi á lóð nr. 12 við Bíldshöfða. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Bréf hönnuða dags. 30.01.2017 fylgir erindi. Samþykki húsfélags dags. 29.03.2017 fylgir erindi. Gjald kr. 11.000

Neikvætt, með vísan til umsagnar skipulagsfulltrúa dags.12. maí 2017.
35.17 Borgartún 34-36, breyting á deiliskipulagi
Að lokinni auglýsingu er lögð fram að nýju umsókn Björns Skaptasonar, mótt. 25. nóvember 2016, varðandi breytingu á deiliskipulagi lóðarinnar nr. 34-36 við Borgartún. Í breytingunni felst að lóðin er stækkuð til suðurs og vesturs, heimiluð er fjölgun íbúða en sett kvöð um verslunarrými á 1. hæð við Sóltún, bílastæði verða flest neðanjarðar, heimilt verður að hækka hluta húsanna, auka nýtingarhlutfall og rífa öll húsin á lóðunum, samkvæmt uppdr. Atelier Arkitekta slf., dags. 7. mars 2017. Einnig er lögð fram greinargerð Mannvits um hljóðvist, dags. 9. september 2016. Tillagan var auglýst frá 24. mars til og með 5. maí 2017. Eftirtaldir aðilar sendu athugasemdir: Jóhanna Oddný Sveinsdóttir f.h. stjórnar húsfélags Sóltúns 30, dags. 26. apríl 2017 og Wilhelm Wessman f.h. stjórnar húsfélagsins að Sóltúni 11-13 , dags. 4. maí 2017. Einnig er lögð fram umsögn hverfisráðs Laugardals, dags. 25. apríl 2017.

Vísað til umhverfis-og skipulagsráðs
36.17 Háaleitisbraut 68, breyting á deiliskipulagi
Lögð fram umsókn Kristjáns Bjarnasonar, mótt. 12. mars 2017, varðandi breytingu á deiliskipulagi Háaleitisbrautar-Hvassaleitis vegna lóðarinnar nr. 68 við Háaleitisbraut. Í breytingunni felst stækkun á byggingarreit, samkvæmt uppdr. Kristjáns Bjarnasonar, dags. 3. mars 2017.

Vísað til meðferðar hjá verkefnisstjóra.

Vakin er athygli á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
37.17 Laugavegur 42, (fsp) breyting á notkun 2. hæðar
Lögð fram fyrirspurn Kebab ehf., mótt. 18. apríl 2017, um að breyta skrifstofu á 2. hæð hússins á lóð nr. 42 við Laugaveg í tvær íbúðir, samkvæmt uppdr. Archus slf., dags. 11. apríl 2017.

Vísað til umsagnar verkefnisstjóra.
38.17 Nesvík, Breytingar - áður gert
Á embættisafgreiðslufundi skipulagsfulltrúa 5. maí 2017 var lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi til að breyta notkun sumarbústaðar, mhl. 01, og félagsheimilis, mhl. 02 í gististaði, ásamt áður gerðum breytingum á innra skipulagi í húsum á lóð við Nesvík á Kjalarnesi. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Gjald kr. 11.000

Neikvætt, með vísan til umsagnar skipulagsfulltrúa dags. 12. maí 2017.
39.17 Ránargata 21, Reyndarteikning
Á embættisafgreiðslufundi skipulagsfulltrúa 7. apríl 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi til að skipta fjölbýlishúsi í þrjár íbúðir og byggja svalir á suðurhlið sama húss á lóð nr. 21 við Ránargötu. Einnig er lagt fram bréf byggingarfulltrúa, dags. 24. mars 2017, ásamt bréfi Logos lögmannsþjónustu, dags. 17. mars 2017. Erindinu var vísað til umsagnar skrifstofu sviðsstjóra og er nú lagt fram að nýju ásamt umsögn skrifstofu sviðsstjóra, dags. 12.maí 2017.
Erindi fylgir þinglýst samkomulag um afnotarétt á lóð milli húsa dags. 10. nóvember 1947, brunavirðing dags. 1. mars 1943 og samþykki sumra lóðarhafa Bárugötu 22, Ránargötu 19 og Ránargötu 23 og allra lóðarhafa Stýrimannastígs 7. Útskrift úr gerðabók embættisafgreiðslufundar skipulagsfulltrúa frá 22. desember 2016 fylgir erindinu ásamt umsögn skipulagsfulltrúa dags. 22. desember 2016. Gjald kr. 10.100

Umsögn skrifstofu sviðsstjóra samþykkt, dags. 12. maí 2017.
40.17 Skólavörðustígur 22B, (fsp) breyting á notkun
Lögð fram fyrirspurn Ingunnar Helgu Hafstað, mótt. 23. mars 2017, um að breyta íbúð á 2. hæð hússins á lóð nr. 22B við Skólavörðustíg í veitingastað og nýta bakhús á lóð sem eldhús fyrir veitingastaðinn. Einnig er lagt fram bréf Ingunnar Helgu Hafstað, dags. 17. mars 2017.

Vísað til umsagnar verkefnisstjóra.
41.17 Sóleyjargata 31, (fsp) gististaður
Lögð fram fyrirspurn Dalfoss ehf., mótt. 19. apríl 2017, varðandi rekstur gististaðar í húsinu á lóð nr. 31 við Sóleyjargötu. Einnig er lagt fram bréf Ingunnar H. Hafstað, dags. 18. apríl 2017.

Vísað til umsagnar verkefnisstjóra.
42.17 Templarasund 3 og Kirkjutorg 4, breyting á deiliskipulagi
Á embættisafgreiðslufundi skipulagsfulltrúa 28. apríl 2017 var lögð fram umsókn T.ark Arkitekta ehf., mótt. 5. apríl 2017, varðandi breytingu á deiliskipulagi reits 1.141.2 vegna lóðarinnar nr. 3 við Templarasund og nr. 4 við Kirkjutorg. Í breytingunni felst að bætt er við takmörkuðum byggingarreit í inngarði undir svölum við austurhlið Templarasunds 3. Byggingarreiturinn takmarkast við 1. hæð og kemur til með að innihalda stoðrými við rekstur á jarðhæð húsanna, samkvæmt uppdr. T.ark Arkitekta ehf., dags. 5. apríl 2017. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs

Vakin er athygli á að erindið fellur undir lið 7.5 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016. Greiðsla þarf að berast áður en breytingin verður auglýst í B- deild Stjórnartíðinda.
43.17 Einarsnes/Gnitanes, (fsp) afmarka lóð fyrir smáíbúðir
Lögð fram fyrirspurn Kristínar Andreu Þórðardóttur, mótt. 11. apríl 2017, um að afmarka lóð í Einarsnesi/Gnitanesi fyrir smáíbúðir.

Vísað til umsagnar verkefnisstjóra.
44.17 Grandagarður 8 - göngubryggja, Göngubryggja - tenging gönguleiða að bryggjum
Lagt fram erindi frá afgreiðslufundi byggingarfulltrúa frá 9. maí 2017 þar sem sótt er um leyfi til að byggja göngubrú sem tengir gönguleið frá Rastagötu að bryggju við Sjóminjasafn og liggur að húsi á lóð nr. 8 við Grandagarð.
Erindi fylgir samþykki Faxaflóahafna dags. 24. apríl 22017. Gjald kr. 11.000

Vísað til umsagnar verkefnisstjóra.
45.17 Háagerði 73, Geymsla, þvottahús stækkað - bílskúr breytt í vinnustofu
Lagt fram erindi frá afgreiðslufundi byggingarfulltrúa frá 9. maí 2017 þar sem sótt er um leyfi til að breyta bílgeymslu í vinnustofu sem verður séreign, ásamt því að breyta innra skipulagi í kjallara, eignamörkum og eignarhaldi í húsi á lóð nr. 73 við Háagerði.
Gjald kr. 11.000

Vísað til umsagnar verkefnisstjóra.
46.17 Hverfisgata 4, Hverfisgata 4-6 - Breyting inni - tímabundin opnun
Á embættisafgreiðslufundi skipulagsfulltrúa 5. maí 2017 var lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi til að breyta innra fyrirkomulagi á 2. og 3. hæð og innrétta þar 10 ný gistiherbergi og opna tímabundið yfir í hótel á lóð nr. 8-10 í húsi á lóð nr. 4-6 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Bréf arkitekts ódagsett fylgir erindi og umsögn burðarvirkishönnuðar dags. 06.03.2017 ásamt samþykki meðeigenda sem áritað er á teikningar. Gjald kr. 11.000

Umsögn skipulagsfulltrúa samþykkt, dags. 12. maí 2017.
47.17 Hverfisgata 8-10, Breyting inni 1 og 2 hæð - Opnun milli húsa
Á embættisafgreiðslufundi skipulagsfulltrúa 5. maí 2017 var lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi til að breyta gestaherbergjum á 1. og 2. hæð, fækka þeim um eitt, innrétta tvö þeirra m.v. algilda hönnun og opna tímabundið yfir í hótelrými á 2. og 3. hæð á lóð nr. 4-6 í húsi á lóð nr. 8-10 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. maí 2017.
Umsögn burðarvirkishönnuðar dags. 06.03.2017 ásamt samþykki meðeigenda á lóð nr. 4-6 sem áritað er á teikningar. Gjald kr. 11.000

Umsögn skipulagsfulltrúa samþykkt, dags. 12. maí 2017.
48.17 Klapparstígur 29, (fsp) breyting á notkun
Á embættisafgreiðslufundi skipulagsfulltrúa 7. apríl 2017 var lögð fram fyrirspurn Yrki arkitekta ehf., mótt. 27. mars 2017, um að breyta hársnyrtistofu á 1. hæð hússins á lóð nr. 29 við Klapparstíg í veitingastað í flokki II. Einnig er lagt fram bréf Yrki arkitekta ehf., dags. 27. mars 2017. Fyrirspurninni var vísað til umsagnar verkefnisstjóra og er nú lögð fram að nýju.

Vísað til umhverfis-og skipulagsráðs
49.17 7">Langholtsvegur 118-120, breyting á deiliskipulagi
Á embættisafgreiðslufundi skipulagsfulltrúa 5. maí 2017 var lögð fram umsókn Guðbjargar Gígju Árnadóttur, mótt. 17. mars 2017, varðandi breytingu á deiliskipulagi Heimahverfis vegna lóðarinnar nr. 118-120 við Langholtsveg. Í breytingunni felst að fjölga bílastæðum á lóð um eitt. Einnig er lagt fram bréf Guðbjargar Gígju Árnadóttur og Sigurðar Más Ingasonar, dags. 8. mars 2017. Erindinu var vísað til meðferðar hjá verkefnisstjóra og er nú lagt fram að nýju.
Vísað til umsagnar samgöngudeildar.
50.17 Laugardalur, tímabundið áfengisleyfi
Lagt fram erindi skrifstofu borgarstjórnar, dags. 4. maí 2017 þar sem óskað er eftir umsögn umhverfis- og skipulagssviðs á umsókn Solstice Productions ehf. um tímabundið áfengisveitingaleyfi vegna útihátíðarinnar Secret Solstice Festival í Laugardalnum, Engjavegi 7, dagana 15. júní 2017 til 19. júní 2017 frá kl. 15:00 til kl 03:30. Einnig lögð fram umsögn skipulagsfulltrúa, dags. 12. maí 2017.

Umsögn skipulagsfulltrúa samþykkt, dags. 12. maí 2017.
51.17 Sogavegur 69, Breyta íbúð í atvinnuhúsnæði, stækka húsnæðið
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 28. febrúar 2017 þar sem sótt er um leyfi til að sameina í eina eign, byggja við anddyri á suðurhlið, byggja yfir glerhluta húss, breyta gluggum á húsi á lóð nr. 69 við Sogaveg. Erindi var grenndarkynnt frá 7. apríl til og með 5. maí 2017. Engar athugasemdir bárust.
Útskrift úr gerðabók embættisafgreiðslufundar skipulagsfulltrúa frá 3. febrúar 2017 fylgir erindinu ásamt umsögn skipulagsfulltrúa dags. 2. febrúar 2017. Stækkun: 35,5 ferm. 66,4 rúmm. Gjald kr. 11.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

53.17 Austurstræti 17, breyting á deiliskipulagi
Að lokinni auglýsingu er lögð fram að nýju umsókn THG Arkitekta ehf., mótt. 9. febrúar 2017, varðandi breytingu á deiliskipulagi Kvosarinnar vegna lóðarinnar nr. 17 við Austurstræti. Í breytingunni felst að stækka inndregnu 6. hæð til suðurs þar sem í dag eru svalir, gluggafrontur verður framlengdur til að hæðir 2-6 eru byggðar inn í ramma og 7. hæð inndregin með svölum, samkvæmt uppdr. THG Arkitekta ehf., dags. 1. febrúar 2017. Tillagan var auglýst frá 24. mars til og með 5. maí 2017. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
54.17 Eikjuvogur 27, (fsp) breyting á deiliskipulagi
Á embættisafgreiðslufundi skipulagsfulltrúa 7. apríl 2017 var lögð fram fyrirspurn Aðalheiðar Atladóttur, mótt. 30. mars 2017, varðandi breytingu á deiliskipulagi fyrir lóðina nr. 27 við Eikjuvog sem felst m.a. í að fjölga íbúðum úr einni í fjórar, hækka nýtingarhlutfall og hækkun leyfilegrar hæðar mænis, samkvæmt tillögu A2F arkitekta ehf., dags. 29. mars 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 12. maí 2017.
55.17 Eyjarslóð 1, Ofanábygging 3. hæð
Lagt fram erindi frá afgreiðslufundi byggingarfulltrúa frá 9. maí 2017 þar sem sótt er um leyfi til að byggja nýja inndregna 3. hæð yfir mhl. 01 og 02 úr stáli og timburgrind, fjölga eignum í báðum matshlutum, breyta innra skipulagi 2. hæðar í mhl. 2, koma fyrir burðarsúlum og nýrri steyptri loftplötu yfir 2. hæð í mhl. 01 og nýjum inngangi á 1. hæð í húsi á lóð nr. 1 við Eyjarslóð.
Bréf frá hönnuði dags. 03 feb. 2017 og samþykki frá Hólmaslóð 2a. 6. febr. 2017 fylgir. Stækkun mhl. 01: 178,2 ferm. XX. rúmm. Mhl. 02: 334,0 ferm., XX rúmm. Samtals stækkun: 512,2ferm., XX rúmm. Gjald kr. 10.100

Vísað til umsagnar verkefnisstjóra.
56.17 Eyjarslóð 1, Viðbygging
Lagt fram erindi frá afgreiðslufundi byggingarfulltrúa frá 9. maí 2017 þar sem sótt er um leyfi til að byggja þriggja hæða viðbygginu úr járnbentri steinseypu, einangrað að utan á byggingareit sem er merktur sem mhl. 03 á loð nr. 1 við Eyjarslóð.
Stærð hús er: 1.088,3 ferm., 4.291,5 rúmm. Gjald kr. 11.000

Vísað til umsagnar verkefnisstjóra.
57.17 Hlemmur, spennistöð, breyting á deiliskipulagi
Lögð fram umsókn skrifstofu eigna og atvinnuþróunar, mótt. 9. maí 2017, varðandi breytingu á deiliskipulagi reits 1.240.0, Hlemmur. Í breytingunni felst að afmörkuð er 5 m2 lóð fyrir spennistöð, fyrir norðan Hlemm, innan marka gildandi deiliskipulags, samkvæmt uppdr. Teiknistofu Gunnars Hanssonar, dags. 8. maí 2017.

Vísað til umhverfis-og skipulagsráðs
Óveruleg breyting á deiliskipulagi á grundvelli málsmeðferðar skv. 3. mgr. 44. gr. skipulagslaga þarf að greiða skv. 8.2. gr. gjaldskrá skipulagsfulltrúa nr. 1193/2016.
58.17 Langagerði 128, (fsp) stækkun húss
Á embættisafgreiðslufundi skipulagsfulltrúa 28. apríl 2017 var lögð fram fyrirspurn Þóreyjar Ólafar Gylfadóttur og Jóns Hallsteins Hallssonar, mótt. 14. mars 2017, um að stækka húsið á lóð nr. 128 við Langagerði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Umsögn skipulagsfulltrúa samþykkt, dags. 12. maí 2017.
59.17 Litlagerði 6, (fsp) kvistir og þakgluggi
Lögð fram fyrirspurn Ingólfs Ásgeirs Jóhannessonar, mótt. 8. maí 2017, um að setja þrjá kvisti og einn þakglugga á húsið á lóð nr. 6 við Litlagerði, samkvæmt tillögu Arkitektanna Hjördísar og Dennis ehf., dags. 5. maí 2017.

Vísað til umsagnar verkefnisstjóra.
60.17 Skarphéðinsgata 6, (fsp) hækkun á þaki bílskúrs
Á embættisafgreiðslufundi skipulagsfulltrúa 7. apríl 2017 var lögð fram fyrirspurn Jakobínu Eddu Sigurðardóttur og Gunnars Eiríkssonar, mótt. 28. mars 2017, varðandi hækkun á þaki bílskúrs á lóð nr. 6 við Skarphéðinsgötu, samkvæmt uppdr. Teiknistofu VGG, dags. 20. mars 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 12. maí 2017.

Jákvætt með vísan til umsagnar skipulagsfulltrúa dags. 12. maí 2017.
61.17 Skógarhlíð 20, breyting á deiliskipulagi
Að lokinni auglýsingu er lögð fram að nýju umsókn Teiknistofunnar Óðinstorgi HH ehf., mótt. 25. nóvember 2016, varðandi breytingu á deiliskipulagi Skógarhlíðar vegna lóðarinnar nr. 20 við Skógarhlíð. Í breytingunni felst stækkun á byggingarreit hússins til vesturs, samkvæmt uppdr. Teiknistofunnar Óðinstorgi HH ehf., dags. 21. desember 2016. Tillagan var auglýst frá 24. mars til og með 5. maí 2017. Eftirtaldir sendu athugasemdir: Margrét Sveinsdóttir, dags. 10. apríl 2017 og 8 íbúar við Eskihlíð 24 og 26 , dags. 4. maí 2017.

Vísað til umsagnar verkefnisstjóra.
62.17 Skriðustekkur 17-23, (fsp) nr. 21 - breyting á deiliskipulagi
Lögð fram fyrirspurn Helga Mars Hallgrímssonar, mótt. 30. mars 2017, varðandi breytingu á deiliskipulagi lóðarinnar nr. 17-23 við Skriðustekk vegna hússins nr. 21 sem felst í að gera byggingarreiti fyrir viðbyggingar sunnan og austanmegin við húsið, samkvæmt uppdr. Arkþings ehf., dags. 29. mars 2017.

Vísað til umsagnar verkefnisstjóra.
63.17 10">Sóleyjargata 13, Bílskúr
Á embættisafgreiðslufundi skipulagsfulltrúa 28. apríl 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi til að rífa bílskúr og byggja nýjan á tveimur hæðum með vinnustofu í kjallara og skála á milligólfi til vesturs við fjórbýlishús á lóð nr. 13 við Sóleyjargötu. Erindinu var vísað til umsagnar skrifstofu sviðsstjóra og er nú lagt fram að nýju ásamt umsögn skrifstofu sviðsstjóra, dags. 10. maí 2017.
Útskrift úr gerðabók embættisafgreiðslufundar skipulagsfulltrúa frá 6. maí 2016 fylgir erindinu ásamt umsögn skipulagsfulltrúa dags. 6. maí 2016. Niðurrif: xx ferm.,xx rúmm. Stærð: 60,7 ferm., 210,5 rúmm. Gjald kr. 10.100

Samþykkt að grenndarkynna framlagða tillögu fyrir hagsmunaaðilum að Sóleyjargötu 11, 13, 15, Fjólugata 13, 15 og 17.
64.17 Fiskislóð 18, beiðni um endurskoðun á umsögn
Lagt fram bréf Samgöngustofu, dags. 8. maí 2017, ásamt yfirlýsingu frá forráðamanni bílaleigunnar Berg ehf. þar sem óskað er eftir endurskoðun á umsögn um að reka ökutækjaleigu að Fiskislóð 18. Sótt er um leyfi fyrir allt að 50 ökutækum í útleigu. Einnig lögð fram umsögn skipulagsfulltrúa 12. maí 2017

Neikvætt, með vísan til umsagnar skipulagsfulltrúa dags. 12. maí 2017.
65.17 Kjalarnes, Hof, deiliskipulag
Á embættisafgreiðslufundi skipulagsfulltrúa 5. maí 2017 var lögð er fram tillaga Landslags, dags. 27. apríl 2017, að nýju deiliskipulagi fyrir Esjuhof, spildu úr Hofslandi I við Esjurætur á Kjalarnesi. Í tilögu að deiliskipulagi er gerð grein fyrir mögulegri uppbyggingu svæðisins til framtíðar og er m.a. verið að afmarka byggingarreit, bílastæði, hestagerði og stíga. Markmiðið er að byggja upp aðstöðu til að þjóna göngu-, hesta- og hjólreiðamönnum með salernisaðstöðu, hesta- og farangursskýli auk möguleika á kaffisölu og aðstöðu fyrir starfsfólk. Stærð svæðisins sem skipulagið nær yfir er um 15 hektarar. Erindinu var vísað til meðferðar hjá verkefnisstjóra og er nú lagt fram að nýju.
Vísað til umhverfis-og skipulagsráðs
Vakin er athygli á að erindið fellur undir lið 7.3, sbr. 12. gr. í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1193/2016.
66.17 Kjalarnes, Sætún, (fsp) skipta landinu í átta lóðir
Lögð fram fyrirspurn Kristins Gylfa Jónssonar, mótt. 26. apríl 2017, um að skipta landinu Sætún á Kjalarnesi í átta stórar lóðir fyrir íbúðarhús í tengslum við smábýli og tómstundabúskap, samkvæmt tillögu, ódags. Einnig er lagt fram bréf Kristins Gylfa Jónssonar, dags. 25. apríl 2017.

Vísað til umsagnar verkefnisstjóra.
67.17 Klettagarðar 4, staðsetning ökutækjaleigu
Lagt fram bréf Samgöngustofu, dags. 10.maí 2017, þar sem óskað er eftir umsögn skipulagsfulltrúa á umsókn Sigurdórs Sigurðssonar f.h. Meiriháttar ehf. um rekstur ökutækjaleigu að Klettagörðum 4. Sótt er um leyfi fyrir 13 ökutækjum í útleigu.

Vísað til umsagnar Faxaflóahafna.


68.17 Lambhagavegur 6, Viðbygging
Á embættisafgreiðslufundi skipulagsfulltrúa 5. maí 2017 var lagt fram erindi frá afgreiðslufundi byggingarfulltrúa frá 2. maí 2017 þar sem sótt er um leyfi til að byggja lagerhúsnæði úr stálklæddum samlokueiningum við þjónustu og verkstæðis húsið á lóð nr. 6 við Lambhagaveg. Erindinu var vísað til umsagnar verkefnisstjóra og er nú lagt fram að nýju.
Stækkun viðbyggingar er: XX ferm., XX rúmm. Gjald kr. 11.000

Ekki eru gerðar athugasemdir við erindið. Samræmist deiliskipulagi.
69.17 Stekkjarbakki 4-6, (fsp) breyting á deiliskipulagi
Á embættisafgreiðslufundi skipulagsfulltrúa 24. febrúar 2017 var lögð fram fyrirspurn DAP ehf., mótt. 15. febrúar 2017, varðandi breytingu á deiliskipulagi Norður Mjóddar vegna lóðarinnar nr. 4-6 við Stekkjarbakka. Í breytingunni felst uppbygging íbúðar- og þjónustusvæðis, samkvæmt tillögu DAP ehf., ódags. Einnig er lögð fram greinargerð DAP ehf., dags. 15. febrúar 2017 og tölvupóstur DAP ehf. dags. 24. febrúar 2017. Fyrirspurninni var vísað til meðferðar hjá verkefnisstjóra og er nú lögð fram að nýju.

Vísað til umhverfis-og skipulagsráðs
70.17 Sæbraut innsiglingarviti, deiliskipulag
Að lokinni auglýsingu er lögð fram að nýju umsókn skrifstofu eigna og atvinnuþróunar, mótt. 29. ágúst 2016, um nýtt deiliskipulag sem felst í að gerð er lóð undir innsiglingarvita við Sæbraut rétt utan við Höfða, samkvæmt uppdr. Yrki arkitekta ehf., dags. 2. mars 2017. Einnig er lögð fram umsögn skipulagsfulltrúa, dags. 3. mars 2017. Tillagan var auglýst frá 24. mars til og með 6. maí 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar