Starhagi 1 og 3, Heiðargerði 27, Hraunbær 103-105, Grjótháls 7-11, Hestháls 6-8, Hryggjarsel 7-17, Skriðustekkur 29, Suðurlandsbraut 18, Tangabryggja 18-24, Elliðaárdalur, Fylkisvegur 6, íþróttasvæði Fylkis, Rafstöðvarvegur 7-9, Básbryggja 5-11, Hraunberg 5, Jafnasel 6, Laugarnesvegur 74A, Básendi 12, Bjargarstígur 6, Bjargarstígur 15, Fiskislóð 31, Fiskislóð 71-73, Gunnarsbraut 40, Haukdælabraut 66, Tjarnargata 10, Ásvallagata 27, Bauganes 1A, Háteigsvegur 9, Hlíðarendi 14, Hverfisgata 84, Hverfisgata 86, Háskólinn í Reykjavík, Reykjavíkurflugvöllur, Öskjuhlíð, Dvergshöfði 27, Grandagarður 8, Hjarðarhagi 45-47, Klapparstígur 1-7, Laugavegur 71 og 73, Sólheimar 29-35, Týsgata 8, Flugvallarvegur 1, Fiskislóð 49-51, Vogabyggð svæði 2,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

617. fundur 2017

Ár 2017, fimmtudaginn 19. janúar kl. 09:15, hélt skipulagsfulltrúi Reykjavíkur 617. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Marta Grettisdóttir. Eftirtaldir embættismenn kynntu mál á fundinum: Guðlaug Erna Jónsdóttir, Lilja Grétarsdóttir, Jón Kjartan Ágústsson, Borghildur Sölvey Sturludóttir, Hildur Gunnarsdóttir og Halldóra Hrólfsdóttir. Ritari var Björgvin Rafn Sigurðarson.
Þetta gerðist:


1.17 Starhagi 1 og 3, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs, dags. 4. nóvember 2016 að breytingu á deiliskipulagi Starhaga vegna lóða nr. 1 og 3 við Starhaga. Í breytingunni felst að í stað einlyftra húsa á stórum grunnfleti er gert ráð fyrir einlyftum húsum á minni grunnfleti, á háum kjallara og með rishæð í samræmi við timburhús sömu megin götu. Einnig er lagt til að breyta lóðarmörkum Starhaga lítillega. Tillagan var auglýst frá 28. nóvember 2016 til og með 11. janúar 2017. Eftirtaldir aðilar sendu athugasemdir: Kjartan Gunnarsson, dags. 11. janúar 2017 og Erla Gísladóttir og Ólafur Freyr Frímannsson, dags. 11. janúar 2017.

Vísað til umsagnar verkefnisstjóra.

2.17 Heiðargerði 27, (fsp) stækkun húss
Á embættisafgreiðslufundi skipulagsfulltrúa 6. janúar 2017 var lögð fram fyrirspurn Gests Ólafssonar, mótt. 16. desember 2016, um að stækka húsið á lóð nr. 27 við Heiðargerði, samkvæmt tillögu, ódags. Fyrispurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 19. janúar 2017.

Neikvætt. Samræmist ekki deiliskipulagi sbr. umsögn skipulagsfulltrúa, dags. 19. janúar 2017.

3.17 Hraunbær 103-105, breyting á deiliskipulagi
Lögð fram umsókn skrifstofu eigna og atvinnuþróunar, mótt. 18. janúar 2017, varðandi breytingu á deiliskipulagi fyrir lóðina nr. 103-105 við Hraunbæ. Í breytingunni felst m.a. að skerpt er á vafaatriðum í skilmálum s.s. varðandi byggingarmagn og bílastæði, settur er inn byggingarreitur fyrir djúpgáma á lóðinni, samkvæmt uppdr. Reykjavíkurborgar, umhverfis- og skipulagssviðs, dags. 18. janúar 2016.

Samþykkt að grenndarkynna framlagða tillögu fyrir hagsmunaaðilum að Hraunbæ 69, 71, 79, 81, 89, 91, 97, 99, 101, 103 og 105.

4.17 Grjótháls 7-11, (fsp) breyting á deiliskipulagi
Lögð fram fyrirspurn Urban Arkitekta ehf., mótt. 14. desember 2016, varðandi breytingu á deiliskipulagi vegna lóðarinnar nr. 7-11 við Grjótháls sem felst í að stækka byggingarreit upp að núverandi byggingu að Grjóthálsi 9 og fella brott 3 metra breitt sund sem er eftir húsinu endilöngu, kröfu um fjölda bílastæða á lóð verði breytt þannig að í stað 1 bílastæðis á hverja 100 m2 verksmiðju, lagers og tæknirýma verði það 1 bílastæði á hverja 120 m2 húsnæðis og heimilt verði að nýta þak nýbyggingar undir bílastæði líkt og gert við Grjótháls, samkvæmt uppdr. Urban arkitekta ehf, dags. 27. nóvember 2016. Einnig er lagt fram bréf Urban arkitekta ehf., dags. 13. desember 2016.

Vísað til umsagnar verkefnisstjóra.

5.17 Hestháls 6-8, breyting á deiliskipulagi
Að lokinni auglýsingu er lögð fram að nýju umsókn Arkís f.h. Egg fasteigna ehf., dags. 11. október 2016 um breytingu á deiliskipulagi Hálsahverfis vegna lóða nr. 6-8 við Hestháls skv. uppdrætti Arkís , dags. 5. október 2016. Deiliskipulagsbreytingin felur í sér að komið er fyrir nýjum byggingareit norðan núverandi byggingar. Einnig lögð fram greinargerð hönnuðar, dags. 11. október 2016. Tillagan var auglýst frá 28. nóvember 2016 til og með 11. janúar 2017. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar

6.17 Hryggjarsel 7-17, Reyndarteikningar - áður gerðar breytingar
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi fyrir áður gerðum breytingum, sem felast í að tekið er í notkun óútfyllt sökkulrými í kjallara, komið fyrir gluggum á það og útbúið íbúðarrými í raðhúsi nr. 7 á lóð nr. 7-17 við Hryggjarsel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 17. janúar 2017.
Stækkun: XX ferm., XX rúmm. Bréf hönnuðar dags. 8. desember 2016 fylgir. Gjald kr.10.100

Neikvætt, með vísan til umsagnar skipulagsfulltrúa, dags. 17. janúar 2017.

7.17 Skriðustekkur 29, (fsp) stækkun bílskúrs
Lögð fram fyrirspurn Ómars Mássonar, mótt. 6. janúar 2016, varðandi stækkun bílskúrs á lóð nr. 29 við Skriðustekk. Einnig er lögð fram umsögn skipulagsfulltrúa, dags. 18. janúar 2017.

Neikvætt, með vísan til umsagnar skipulagsfulltrúa, dags. 18. janúar 2017.

8.17 Suðurlandsbraut 18, breyting á deiliskipulagi
Að lokinni auglýsingu er lögð fram að nýju umsókn Ask arkitekta ehf., mótt. 3. ágúst 2016, varðandi breytingu á deiliskipulagi Suðurlandsbrautar - Ármúla vegna lóðarinnar nr. 18 við Suðurlandsbraut. Í breytingunni felst að hækka bakhús um eina hæð eða í 5 hæðir, sambærilegt með núverandi framhúsi, skv. uppdrætti ASK arkitekta ehf., dags. 3. ágúst 2016. Tillagan var auglýst frá 28. nóvember 2016 til og með 11. janúar 2017. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar

9.17 Tangabryggja 18-24, breyting á deiliskipulagi
Lögð fram umsókn Vektor, hönnun og ráðgjöf ehf., mótt. 12. janúar 2016, varðandi breytingu á deiliskipulagi Bryggjuhverfis vegna húsanna nr. 24-26 á lóð nr. 18-24 við Tangabryggju. Í breytingunni felst að vestur lóðarmörk færast til austurs um 6 metra að bílgeymslu, lóðin minnkar sem því nemur, byggingareitur breytist lítillega, hámarks flatarmál hæða getur orðið allt að 5500 m2, hámarks flatarmál millilofta íbúða efstu hæða/þakhæða má vera allt að 350 m2 og bílastæði verði 94 á lóð fækkar um 6, samkvæmt uppdr. vektor, hönnun og ráðgjöf ehf., dags. 17.01.2017.

Vísað til umhverfis- og skipulagsráðs.
Erindið fellur undir gr. 8.2 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg.


10.17 Elliðaárdalur, breyting á deiliskipulagi norðan Stekkjarbakka
Lögð fram tillaga umhverfis- og skipulagssviðs að breytingu á deiliskipulagi Elliðaárdals. Í breytingunni felst að núverandi reiðstíg er breytt í hjólastíg í ljósi þess að hesthúsabyggð hefur verið aflögð á Sprengisandi við Bústaðaveg. Svæðið sem breytingin nær til afmarkast að mestu af 5 metra svæði sitt hvoru megin við núverandi reiðstíg, frá göngustíg við undirgöng undir Höfðabakka að undirgöngum undir Reykjanesbraut til vesturs, samkvæmt uppdr. Landslags ehf., dags. 13. janúar 2017.

Vísað til meðferðar hjá verkefnisstjóra.

11.17 Fylkisvegur 6, íþróttasvæði Fylkis, breyting á deiliskipulagi
Lögð fram tillaga Erum arkitekta, dags. desember 2016, að breytingu á deiliskipulagi Íþróttasvæðis Fylkis að Fylkisvegi 6. Í breytingunni felst að fyrirhugað er að setja fjögur 24,4 metra há ljósmöstur við keppnisvöll til að lýsa upp völlinn, merkt C1 á uppdrætti. Einnig er lagt fram bréf Gunnars Viggóssonar vegna lýsingar á gervigrasvelli Fylkis, dags. 18. janúar 2017.

Vísað til meðferðar hjá verkefnisstjóra.

12.17 Rafstöðvarvegur 7-9, (fsp) breyting á deiliskipulagi
Lögð fram fyrirspurn Arkís arkitekta ehf., mótt. 11. janúar 2017, varðandi breytingu á deiliskipulagi vegna lóðarinnar nr. 7-9 við Rafstöðvarveg sem felst í að breyta innbyrgðis línu milli byggingarreita B og C, þannig að byggingarreitur falli að núverandi byggðu húsnæði, og að breyta orðalagi um heimildir til uppbyggingar innan byggingarreits B, þannig að í stað heimildar um millipall verði heimild um milligólf, samkv. uppdr. Arkís arkitekta ehf., dags. 27. október 2016. Einnig er lagt fram bréf Arkís arkitekta ehf., dags. 11. janúar 2017.

Vísað til umsagnar verkefnisstjóra.

13.17 Básbryggja 5-11, nr. 9 - staðsetning ökutækjaleigu
Á embættisafgreiðslufundi skipulagsfulltrúa 6. janúar 2017 var lagt fram bréf Samgöngustofu, dags. 29. nóvember 2016, þar sem óskað er eftir umsögn skipulagsfulltrúa á umsókn Andra Vals Sigurðssonar um að reka ökutækjaleigu að Básbryggju 9, lóð nr. 5-11 við Básbryggju. Sótt er um leyfi fyrir einu ökutæki. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 19, janúar 2017.

Neikvætt, með vísan til umsagnar skipulagsfulltrúa, dags. 19. janúar 2017.

14.17 Hraunberg 5, (fsp) skipta einbýlishúsi í tvær til þrjár íbúðir
Á embættisafgreiðslufundi skipulagsfulltrúa 22. desember 2016 var lögð fram fyrirspurn Önnu Dísar Guðbergsdóttir Eydal, mótt. 8. nóvember 2016, um að skipta húsinu á lóð nr. 5 við Hraunberg í tvær til þrár íbúðir. Fyrirspurninni var vísað til umsagnar verkefnisstjóra og er nú lögð fram að nýju.
Kynna formanni umhverfis- og skipulagsráðs.

15.17 Jafnasel 6, (fsp) stækkun lóðar, fjölgun bílastæða o.fl.
Á embættisafgreiðslufundi skipulagsfulltrúa 11. nóvember 2016 var lögð fram fyrirspurn Elízabetar Guðnýjar Tómasdóttur, mótt. 26. október 2016, um að stækka lóðina nr. 6 við Jafnasel í norðvestur að lóðarmörkum Krónunnar að Jafnaseli 2-4, fjölga bílastæðum í 40 og fækka innkeyrslum á lóð úr tveimur í eina, samkvæmt tillögu Landslags ehf., dags. í október 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 19. janúar 2017.

Neikvætt, með vísan til umsagnar skipulagsfulltrúa dags. 19. janúar 2017.

16.17 Laugarnesvegur 74A, (fsp) útisvæði vegna veitinga
Á embættisafgreiðslufundi skipulagsfulltrúa 13. janúar 2017 var lögð fram fyrirspurn Björns Arnars Haukssonar, mótt. 29. desember 2016, um að gera útisvæði fyrir kaffihús sem staðsett er í húsinu á lóð nr. 74A við Laugarnesveg, samkvæmt tillögu Magneu Þ. Guðmundsdóttur arkitekts og Evu H. Friðriksdóttur arkitekts, ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 19. janúar 2017.
Umsögn skipulagsfulltrúa dags. 19. janúar 2017 samþykkt.

17.17 Básendi 12, Reyndarteikningar
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um samþykki á þegar gerðum breytingum, sem felast í að þaki var breytt í upphafi sem og gluggum, á sjöunda áratugnum var innréttuð íbúð í kjallara og múrkerfi og einangrun seinna bætt á fjölbýlishúsið á lóð nr. 12 við Básenda. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 18. janúar 2017.
Meðfylgjandi er bréf arkitekts dags.. 15.11. 2016. Gjald kr. 10.100

Ekki eru gerðar athugasemdir við erindið sbr. umsögn skipulagsfulltrúa dags. 18. janúar 2017.

18.17 Bjargarstígur 6, (fsp) hækkun á þaki o.fl.
Á embættisafgreiðslufundi skipulagsfulltrúa 17. nóvember 2016 var lögð fram fyrirspurn Studio F ehf., mótt. 4. nóvember 2016, um að hækka þak húsanna á lóð nr. 6 við Bjargarstíg og gera rishæð og þaksvalir á viðbyggingu til suðurs, samkvæmt uppdr. Studio F ehf., dags. 24. október 2016. Einnig er lögð fram umsögn Minjastofnunar Íslands, dags. 17. janúar 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 18. janúar 2017.

Neikvætt, með vísan til umsagnar skipulagsfulltrúa, dags. 18. janúar 2017.

19.17 Bjargarstígur 15, (fsp) sameina kvisti og setja svalir
Lögð fram fyrirspurn Stefáns Þórs Steindórssonar, mótt. 23. desember 2016, um að sameina kvisti á suðurhlið hússins á lóð nr. 15 við Bjargarstíg og setja svalir, samkvæmt uppdr. dags. 12. desember 2016.

Vísað til umsagnar verkefnisstjóra.

20.17 Fiskislóð 31, Fjarskiptabúnaður - loftnetsúla
Lagt fram erindi frá afgreiðslufundi byggingarfulltrúa frá 17. janúar 2017 þar sem sótt er um leyfi til að koma upp fjarskiptabúnaði innandyra og farsímaloftnet frá NOVA á norðurgafl sem stendur 3 metra upp frá þakbrún hússins á lóð nr. 31 við Fiskislóð.
Samþykki eiganda fylgir dags. 14. desember 2016. Gjald kr. 10.100

Ekki eru gerðar skipulagslegar athugasemdir við erindið.

21.17 Fiskislóð 71-73, (fsp) breyting á deiliskipulagi
Á embættisafgreiðslufundi skipulagsfulltrúa 6. janúar 2017 var lögð fram fyrirspurn Kjartans Rafnssonar, mótt. 14. desember 2016, varðandi breytingu á deiliskipulagi Vesturhafnar, Örfirisey, vegna lóðarinnar nr. 71-73 við Fiskislóð. Í breytingunni felst stækkun á byggingarreit til norðurs um 7,5 metra, samkvæmt uppdr. Teiknistofu arkitekta Gylfa Guðjónssonar og félaga ehf., dags. 9. september 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 18. janúar 2017.


Jákvætt með vísan til umsagnar skipulagsfulltrúa, dags. 18. janúar 2017.

22.17 Gunnarsbraut 40, Hækka þak, kvistir, svalir
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi til að hækka þak, byggja kvisti á öllum hliðum og gera svalir á norðvestur hlið rishæðar í fjölbýlishúsi á lóð nr. 40 við Gunnarsbraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 18. janúar 2017.
Stækkun: x ferm., x rúmm. Gjald kr. 10.100

Umsögn skipulagsfulltrúa, dags. 18. janúar 2017, samþykkt

23.17 Haukdælabraut 66, (fsp) - Stoðveggur, færa heitan pott
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem spurt er um hvort reisa megi steyptan, stallaðan stoðvegg með fallvörnum á lóðarmörkum að borgarlandi, færa heitan pott að honum og byggja 25-40 m2 steypt skyggni yfir pottinn, 120 cm yfir nærliggjandi landi, með gróðurþekju að ofan og gustlokun á hliðum, við hús á lóð nr. 66 við Haukdælabraut. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 19. janúar 2017.

Umsögn skipulagsfulltrúa, dags. 19. janúar 2017, samþykkt með þeim skilyrðum og leiðbeiningum sem fram koma í umsögn.

24.17 Tjarnargata 10, (fsp) breyting á notkun 2. hæðar
Lögð fram fyrirspurn Sjómannadagsráðs, mótt. 3. janúar 2017, varðandi breytingu á notkun 2. hæðar hússins á lóð nr. 10 við Tjarnargötu úr skrifstofu í tvær íbúðir. Einnig yrði söluturn í rými 0102 hluti af sameinaðri skrifstofu Happdrætti DAS á 1. hæð.

Vísað til umsagnar verkefnisstjóra.

25.17 Ásvallagata 27, Endurnýja þak og byggja tvo kvisti
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 23. ágúst 2016 þar sem sótt er um leyfi til að byggja tvo kvisti samhliða endurnýjun á þaki, ásamt veggsvölum á bakhlið á 1. og 2. hæð og rishæð í fjölbýlishúsi á lóð nr. 27 við Ásvallagötu. Einnig lögð fram umsögn skipulagsfulltrúa dags. 26. ágúst 2016. Erindi var grenndarkynnt frá 6. desember 2016 til og með 9. janúar 2017. Engar athugasemdir bárust.
Stækkun A-rými x ferm. x rúmm. B-rými x ferm. og x rúmm. C-rými. Gjald kr. 10.100

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


26.17 Bauganes 1A, (fsp) tengja bílskúr við hús og setja hæð ofan á
Á embættisafgreiðslufundi skipulagsfulltrúa 6. janúar 2017 var lögð fram fyrirspurn Hildar Bjarnadóttur, mótt. 14. desember 2016, um að tengja bílskúr við húsið á lóð nr. 1A við Bauganes og setja hæð ofan á bílskúrinn, samkvæmt teikningu, ódags. Fyrirspurninni var vísað til umsagnar verkefnisstjóra og er nú lögð fram að nýju.


Kynna formanni umhverfis- og skipulagsráðs.

27.17 Háteigsvegur 9, (fsp) bílastæði/innkeyrsla á lóð
Lögð fram fyrirspurn Péturs Hafþórs Jónssonar, dags. 28. nóvember 2016, um að setja bílastæði á lóð nr. 9 við Háteigsveg.

Vísað til umsagnar verkefnisstjóra.

28.17 Hlíðarendi 14, Stöðuleyfi - svefnskáli
Lagt fram erindi frá afgreiðslufundi byggingarfulltrúa frá 17. janúar 2017 þar sem sótt er um leyfi til að koma upp vinnubúðum með svefnskálum tveimur hæðum fyrir 44 starfsmenn í sérhönnuðum svefngámum á lóð nr. 14 við Hlíðarenda.
Greinargerð brunahönnuðar dags. 26. október 2016 og bréf til sviðsstjóra Umhverfis- og skipulagssviðs Reykjavíkur fylgja erindi. Stærð svefnskála er: 753,0 ferm., 2.122,7 rúmm. Gjald kr. 10.100

Vísað til umsagnar verkefnisstjóra.

29.17 Hverfisgata 84, Breyting - 2.hæð og ris
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi til að byggja svalir á vestur- og suðurhlið, breyta innra skipulagi íbúða á 2. hæð og í risi og endurbæta burðar- og brunaþol og hljóðvist í húsi á lóð nr. 84 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 19. janúar 2017.
Gjald kr. 10.100

Jákvætt með vísan til umsagnar skipulagsfulltrúa, dags. 19. janúar 2017.

30.17 Hverfisgata 86, Breyting inni - kröfur um burðarþol, bruna og hljóðvist
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi til að byggja svalir á 3.hæð og breyta innra skipulagi íbúða, ásamt öðrum minni breytingum til að uppfylla kröfur byggingarreglugerðar um burðarþol, brunavarnir og hljóðvist, í húsi á lóð nr. 86 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 19. janúar 2017.
Umsögn Minjastofnunar dags. 02.01.2017 fylgir erindi. Gjald kr. 10.100

Jákvætt með vísan til umsagnar skipulagsfulltrúa, dags. 19. janúar 2017.

31.17 Háskólinn í Reykjavík, breyting á deiliskipulagi
Að lokinni auglýsingu er lögð fram að nýju umsókn skrifstofu eigna og atvinnuþróunar, mótt. 10. febrúar 2016, varðandi breytingu á deiliskipulagi Háskólans í Reykjavík. Í breytingunni felst stækkun á deiliskipulagssvæðinu þar sem gert er ráð fyrir fjölgun háskólaíbúða á svæði Háskólans í Reykjavík og hækkun húsa að hluta. Á tveimur lóðum í krika Flugvallarvegar og Nauthólsvegar er gert ráð fyrir annars vegar lóð fyrir skólahúsnæði og hins vegar lóð fyrir íbúðarbyggð, samkvæmt tillögu Kanon arkitekta ehf. dags. 18. febrúar 2016. Einnig er lögð fram umsögn Heilbrigðiseftirlits Reykjavíkur, dags. 3. mars 2016 og minnisblað verkfræðistofunnar Eflu, dags. 11. mars 2016, um hávaða frá umferð. Jafnframt eru lagðar fram nýjar tillögu Kanon arkitekta ehf., dags. 9. september 2016 ásamt greinargerð og skilmálum, dags. 16. apríl síðast uppf. í september 2016. Tillagan var auglýst frá 23. nóvember 2016 til og með 6. janúar 2017. Eftirtaldir aðilar sendu inn athugasemdir: Flugbjörgunarsveitin Reykjavík dags. 5. janúar 2017 og Landssamtök hjólreiðarmanna, dags. 6. janúar 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 13. janúar 2017 og er nú lagt fram að nýju.

Vísað til umhverfis- og skipulagsráðs.

32.17 Reykjavíkurflugvöllur, breyting á deiliskipulagi
Að lokinni auglýsingu er lögð fram að nýju tillaga Kanon arkitekta, dags. 16. september 2016 að breytingu á deiliskipulagi Reykjavíkurflugvallar. Í breytingunni felst að afmörkun deiliskipulagsins er aðlöguð deiliskipulagsmörkum tillögu að deiliskipulagsbreytingu Háskólans í Reykjavík. Tillagan var auglýst frá 23. nóvember 2016 til og með 6. janúar 2017. Engar athugasemdir bárust.

Vísað til umhverfis- og skipulagsráðs.

33.17 Öskjuhlíð, breyting á deiliskipulagi
Að lokinni auglýsingu er lögð fram að nýju tillaga Kanon arkitekta, dags. 16. september 2016 að breytingu á deiliskipulagi Öskjuhlíðar. Í breytingunni felst að afmörkun deiliskipulagsins er aðlöguð deiliskipulagsmörkum tillögu að deiliskipulagsbreytingu Háskólans í Reykjavík. Tillagan var auglýst frá 23. nóvember til og með 6. janúar 2017. Eftirtaldir aðilar sendu inn athugasemdir: Flugbjörgunarsveitin Reykjavík dags. 5. janúar 2017. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 13. janúar 2017 og er nú lagt fram að nýju.


Vísað til umhverfis- og skipulagsráðs.

34.17 Dvergshöfði 27, Íbúðir
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 þar sem sótt er um leyfi til að innrétta sjö íbúðir á 2. hæð í atvinnuhúsi á lóð nr. 27 við Dvergshöfða. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 19. janúar 2017.
Gjald kr. 10.100

Jákvætt með vísan til umsagnar skipulagsfulltrúa, dags. 19. janúar 2017.

35.17 Grandagarður 8, (fsp) breyting á deiliskipulagi
Lögð fram fyrirspurn EON arkitekta ehf., mótt. 12. október 2016 um breytingu á deiliskipulagi Vesturbugtar vegna lóðar nr. 8 við Grandagarð sem felst í að breyta notkun hluta byggingarinnar úr almennri verslunar- og skrifstofustarfsemi í hótel og byggja ofan á norður-byggingarhluta (lengju) og viðbyggingu við suður-byggingarhluta (kubb). Einnig er lögð fram greinargerð hönnuða, dags. 1. október 2016.

Vísað til umhverfis- og skipulagsráðs.

36.17 Hjarðarhagi 45-47, (fsp) rekstur gististaðar með veitingastað á jarðhæð
Á embættisafgreiðslufundi skipulagsfulltrúa 6. janúar 2017 var lögð fram fyrirspurn Halal ehf., mótt. 20. desember 2016, varðandi rekstur gististaðar í húsinu á lóð nr. 45-47 við Hjarðarhaga með veitingastað á jarðhæð. Fyrirspurninni var vísað til umsagnar verkefnisstjóra og er nú lögð fram að nýju.
Vísað til umhverfis- og skipulagsráðs.

37.17 Klapparstígur 1-7, (fsp) bílastæði fyrir vörumóttöku
Lögð fram fyrirspurn LEX ehf., mótt. 2. nóvember 2016, varðandi bílastæði fyrir vörumóttöku að Klapparstíg 3 á lóð nr. 1-7 við Klapparstíg.

Vísað til umsagnar verkefnisstjóra.

38.17 Laugavegur 71 og 73, (fsp) gististaður
Lögð fram fyrirspurn T.ark Arkitekta ehf., mótt. 6. desember 2016, um rekstur gististaðar í húsunum á lóðunum nr. 71 og 73 við Laugaveg.

Vísað til umsagnar verkefnisstjóra.

39.17 Sólheimar 29-35, Breyta í íbúðareiningar
Á embættisafgreiðslufundi skipulagsfulltrúa 13. janúar 2017 var lagt fram erindi frá afgreiðslufundi byggingarfulltrúa frá 10. janúar 2017 var sótt er leyfi til að innrétta mhl. 01 og mhl. 02 sem 9 íbúðareiningar á lóð nr. 29-35 við Sólheima. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 19. janúar 2017.
Gjald kr. 10.100

Jákvætt með vísan til umsagnar skipulagsfulltrúa, dags. 19. janúar 2017.

40.17 Týsgata 8, (fsp) gistiheimili
Á embættisafgreiðslufundi skipulagsfulltrúa 21. október 2016 var lögð fram fyrirspurn Hótels Óðinsvé hf., mótt. 10. október 2016, varðandi breytingu á deiliskipulagi vegna lóðarinnar nr. 8 við Týsgötu sem felst í að heimilaður verði rekstur gistiheimilis í flokki II í sex íbúðum á 2., 3. og 4. hæð hússins. Einnig er lögð fram greinargerð Bjarna Hákonarsonar f.h. Hótels Óðinsvé hf., dags. 30. september 2016. Erindinu var vísað til umsagnar verkefnisstjóra og er nú lagt fram að nýju.

Vísað til umhverfis- og skipulagsráðs.

41.17 Flugvallarvegur 1, (fsp) sjálfsafgreiðslustöð
Á embættisafgreiðslufundi skipulagsfulltrúa 22. desember 2016 var lögð fram fyrirspurn Atlantsolíu, mótt. 13. desember 2016, varðandi sjálfsafgreiðslustöð á lóð nr. 1 við Flugvallarveg. Einnig er lagt fram bréf Alvars Arnar Unnsteinssonar hrl. frá Lögmál ehf. f.h. Atlantsolíu ehf., dags. 13. desember 2016. Erindinu var vísað til umsagnar deildarstjóra aðalskipulags Reykjavíkur og er nú lagt fram að nýju.

Vísað til umhverfis- og skipulagsráðs.

42.17 Fiskislóð 49-51, 51 - Líkamsræktarstöð
Á embættisafgreiðslufundi skipulagsfulltrúa 22. desember 2016 var lagt fram erindi frá afgreiðslufundi byggingarfulltrúa frá 20. desember 2016 þar sem sótt er um leyfi til að breyta geymslu og verkstæði á fyrstu og annarri hæð í líkamsræktarstöð í húsi nr. 51 á lóð nr. 49 - 51 við Fiskislóð. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. janúar 2017.
Gjald kr. 10.100

Jákvætt með vísan til umsagnar skipulagsfulltrúa, dags. 19. janúar 2017.

43.17 36">Vogabyggð svæði 2, tillaga að deiliskipulagi, norðursvæði milli Tranavogar og Kleppsmýrarvegar
Á embættisafgreiðslufundi skipulagsfulltrúa 6. janúar 2017 var lagt er fram bréf Skipulagsstofnunar, dags. 28. desember 2016, þar sem gerðar eru athugasemdir við erindið. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis- og skipulagsráðs.