Suðurlandsbraut 12, Hallgrímstorg 3, Hverfisgata 40, Brautarholt 2, Grandagarður 8, Laugavegur 10, Laugavegur 28A, Heiðargerði 11, Bauganes 1, Guðrúnartún 8, Hrísateigur 39, Hverfisgata 100B, Kúrland 1-29 2-30, Skipholt 23, Sunnuvegur 1, Bíldshöfði 9, Engjateigur - Suðurlandsbraut, Fiskislóð 37C og Hólmaslóð 1, Klapparstígur 1-7, nr. 5, Laugavegur 103, Bergstaðastræti 49, Brautarholt 18 og 20, Efstasund 65, Mjölnisholt 10, Skaftahlíð 27, Skólavörðustígur 21A, Þingvað 37-59, Álfsnes, Kjalarnes, Saurbær, Krókháls 13 og Laxalón 2 og 4, Suðurlandsbraut 34 og Ármúli 31, Suður Mjódd, Víðidalur, Fákur, Vogabyggð svæði 2, Vogabyggð, Aðalskipulag Reykjavíkur, leiðrétting, Þverás 4,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

604. fundur 2016
Ár 2016, föstudaginn 7. október kl. 09:00, hélt skipulagsfulltrúi Reykjavíkur 604. embættisafgreiðslufund sinn til afgreiðslu mála án staðfestingar umhverfis og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Marta Grettisdóttir. Eftirtaldir embættismenn kynntu mál á fundinum: Björn Ingi Edvardsson, Halldóra Hrólfsdóttir, Hildur Gunnarsdóttir, Guðlaug Erna Jónsdóttir Jón Kjartan Ágústsson og Borghildur Sölvey Sturludóttir. Ritari var Björgvin Rafn Sigurðarson.
Þetta gerðist:

1.16 Suðurlandsbraut 12, (fsp) stækkun húss
Á embættisafgreiðslufundi skipulagsfulltrúa 23. september 2016 var lögð fram fyrirspurn Teiknistofunnar Arkitektar ehf., mótt. 7. september 2016, um að stækka húsið á lóð nr. 12 við Suðurlandsbraut til suðurs, samkvæmt tillögu Teiknistofunnar Arkitekar ehf., dags. 6. september 2016. Einnig er lagt fram bréf Ásgeirs Ásgeirssonar arkitekts, dags. 6. september 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 29. september 2016.

Umsögn skipulagsfulltrúa, dags. 29. september 2016, samþykkt.
2.16 Hallgrímstorg 3, breyting á deiliskipulagi
Lagt fram bréf Skipulagsstofnunar, dags. 30. september 2016, þar sem ekki er gerð athugasemd við birtingu auglýsingu um samþykkt á breytingu á deiliskipulagi Skólavörðuholts vegna lóðarinnar nr. 3 við Hallgrímstorg í B-deild Stjórnartíðinda þegar stofnuninni hafa borist lagfærð gögn þar sem teknir hafa verið út fyrri skilmálar fyrir deiliskipulag Skólavörðuholts með síðari breytingum þ.m.t. yfirlýsing um að eldra deiliskipulag falli úr gildi.
Lagt fram.
Vísað til meðferðar hjá verkefnisstjóra.
3.16 Hverfisgata 40, Brynjureitur - Fjölbýlishús og atvinnuhúsnæði
Á embættisafgreiðslufundi skipulagsfulltrúa 30. september 2016 var lagt fram erindi frá afgreiðslufundi byggingarfulltrúa frá 24. maí 2016 þar sem sótt er um leyfi til að byggja íbúðar- og atvinnuhús með 72 íbúðum og verslunum á jarðhæðum, 3 - 6 hæðir á sameiginlegum tveggja hæða bílakjallara með 30 stæðum á Brynjureit á lóð nr. 40 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 4. október 2016.
Erindi fylgir brunahönnun frá EFLU dags. í maí 2016 og bréf frá hönnuðum dags. 13. maí 2016. Stærð A-rými: 7.465,8 ferm., 24.096,4 rúmm. B-rými: 207,5 ferm., 720,4 rúmm. C-rými: 663,5 ferm. Gjald kr. 10.100

Jákvætt með vísan til umsagnar skipulagsfulltrúa, dags. 4. október 2016.
4.16 Brautarholt 2, Gistiíbúðir fl.2
Á embættisafgreiðslufundi skipulagsfulltrúa 23. september 2016 var lagt fram erindi frá afgreiðslufundi byggingarfulltrúa frá 20. september 2016 þar sem sótt er um leyfi fyrir 21 gistiíbúðum í flokki II tegund E á 2, 3 og 4. hæð í húsinu á lóð nr. 2 við Brautarholt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. október 2016.
Gjald kr. 10.100

Umsögn skipulagsfulltrúa, dags. 7. október 2016, samþykkt.
5.16 Grandagarður 8, breyting á deiliskipulagi
Á embættisafgreiðslufundi skipulagsfulltrúa 30. september 2016 var lögð fram umsókn Landmótunar sf., mótt. 22. september 2016, varðandi breytingu á deiliskipulagi Vesturbugtar vegna lóðarinnar nr. 8 við Grandagarð. Í breytingunni felst að gert er ráð fyrir nýrri göngubryggju austan við lóð Grandagarðs 8 sem tengir núverandi bryggju við gönguleið / bryggju við Rastagötu, samkvæmt uppdr. Landmótunar sf., dags. 21. september 2016. Erindinu var vísað til meðferðar hjá verkefnisstjóra og er nú lagt fram að nýju.


Vísað til umhverfis- og skipulagsráðs.

Vakin er athygli umsækjanda á að erindið fellur undir gr. 7.5 í Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.

6.16 Laugavegur 10, Risþak bakhúsi - kvistur, breyting Gló sbr. BN051134
Lagt fram erindi frá afgreiðslufundi byggingarfulltrúa frá 4. október 2016 þar sem sótt er um leyfi til að breyta erindi BN051134, kvistur á bakhlið er breikkaður, sameina bakhús, byggja mænisþak og koma fyrir gleranddyri framan við inngang í húsið á lóð nr. 10 við Laugaveg. Einnig er lögð fram umsögn skipulagsfulltrúa, dags. 7. október 2016
Umsögn Minjastofnunar Íslands dags. 5. september 2016 fylgir erindi.
Stækkun : 1,8 ferm., 86,3 rúmm. Gjald kr. 10.100

Umsögn skipulagsfulltrúa, dags. 7. október 2016, samþykkt.
7.16 Laugavegur 28A, (fsp) hækkun húss
Á embættisafgreiðslufundi skipulagsfulltrúa 19. ágúst 2016 var lögð fram fyrirspurn Byggingar og skipulags hönnunar ehf., mótt. 16. ágúst 2016, varðandi hækkun hússins á lóð nr. 28A við Laugaveg. Einnig er lögð fram umsögn Minjastofnunar Íslands, dags. 20. september 2016 og umsögn Borgarsögusafns Reykjavíkur, dags. 6. október 216. Fyrirspurninni var vísað til umsagnar verkefnisstjóra og er nú lögð fram að nýju.

Vísað til umhverfis- og skipulagsráðs.
8.16 Heiðargerði 11, Breytingar - áður gert
Lagt fram erindi frá afgreiðslufundi byggingarfulltrúa frá 4. október 2016 þar sem sótt er um samþykki fyrir áður gerðum breytingum á endaraðhúsi á lóð nr. 11 við Heiðargerði.
Stækkun: Eldra anddyri A-rými 6,25 ferm., 16,38 rúmm. Nýrri viðbygging A-rými 12,09 ferm., 32,64 rúmm. C-rými 12,09 ferm. Bréf hönnuðar dags. 23.09.2016 fylgir erindi, ásamt umsögn burðarvirkishönnuðar dags. 26.09.2016. Lögð er fram umsögn skipulagsfulltrúa við fyrirspurn BN051633 dags. 03.08.2016. Gjald kr. 10.100

Vísað til umsagnar verkefnisstjóra.
9.16 Bauganes 1, breyting á lóðarmörkum
Lögð fram umsókn Pétur Böðvarssonar, mótt. 9. september 2016, varðandi breytingu á lóðarmörkum lóðannar nr. 1 við Bauganes og nr. 36 og 38 við Einarsnes.

Umsækjandi hafi samband við embætti skipulagsfulltrúa.
10.16 Guðrúnartún 8, skemma á baklóð
Á embættisafgreiðslufundi skipulagsfulltrúa 30. september 2016 var lagt fram bréf T.ark arkitekta ehf., dags. 30. ágúst 2016, þar sem óskað er eftir framlengingu á samning sem gerður var 29. janúar 2013 við Reykjavíkurborg um niðurrif á skemmu á baklóð nr. 8 við Guðrúnartún. Óskað er eftir að skemman fái að standa næstu 8-10 árin. Erindinu var vísað til meðferðar verkefnisstjóra og er nú lagt fram að nýju.


Erindið er framsent til embættis byggingarfulltrúans í Reykjavík til afgreiðslu.
11.16 Hrísateigur 39, (fsp) breyting á notkun bílskúrs
Lögð fram fyrispurn Vals Freys Steinarssonar og Ástu Sigmarsdóttur, mótt. 9. september 2016, um að breyta bílskúr á lóð nr. 39 við Hrísateig í vinnustofu með salerni og eldhúskrók.

Vísað til umsagnar verkefnisstjóra.
12.16 Hverfisgata 100B, (fsp) svalir
Lögð fram fyrirspurn Gríms Bjarnasonar, mótt. 13. september 2016, um að setja fjórar svalir á suðurhlið hússins á lóð nr. 100B við Hverfisgötu, tvær á hvora hæð. Einnig er lögð fram umsögn skipulagsfulltrúa, dags. 4. október 2016.

Neikvætt, með vísan til umsagnar skipulagsfulltrúa, dags. 4. október 2016.
13.16 Kúrland 1-29 2-30, 3 - Sólskáli jarðhæð og efri hæð
Lagt fram erindi frá afgreiðslufundi byggingarfulltrúa frá 4. október 2016 þar sem sótt er um leyfi til að byggja sólskála undir og ofaná svölum raðhúss nr. 3 á lóð nr. 1-29 2-30 við Kúrland.
Erindi fylgir samþykki meðeigenda í húsi dags. 27. september 2016. Stækkun: 21 ferm., 51,6 rúmm. Gjald kr. 10.100

Vísað til umsagnar verkefnisstjóra.
14.16 Skipholt 23, breyting á deiliskipulagi
Lögð fram umsókn Kristins Ragnarssonar, mótt. 23. september 2016, varðandi breytingu á deiliskipulagi lóðarinnar nr. 23 við Skipholt. Í breytingunni felst breytt fyrirkomulag á byggingum baklóðar. Í stað tveggja og þriggja hæða byggingar í norðurhluta lóðar verði heimiluð fjögurra hæða bygging auk kjallara og fjögurra hæða bygging á austurhluta lóðar verði felld niður, samkvæmr uppdr. Kristins Ragnarssonar, ódags.

Vísað til meðferðar hjá verkefnisstjóra.

Vakin er athygli umsækjanda á að erindið fellur undir gjaldskrá vegna kostnaðar við skipulagsvinnu og útgáfu framkvæmdaleyfis í Reykjavík nr. 1111/2014.
15.16 Sunnuvegur 1, (fsp) breyting á notkun bílskúrs
Lögð fram fyrirspurn Eikar Gísladóttur, mótt. 27. september 2016, um að breyta notkun bílskúrs á lóð nr. 1 við Sunnuveg í íbúð.
Vísað til umsagnar verkefnisstjóra.
16.16 Bíldshöfði 9, (fsp) - Breytt fyrirkomulag
Lagt fram erindi frá afgreiðslufundi byggingarfulltrúa frá 4. október 2016 þar sem spurt er hvort innrétta megi 1. hæð sem verslunarhúsnæði og 2. hæð fyrir heilsutengda starfsemi, heilsugæslustöð og fleira, í húsi á lóð nr. 9 við Bíldshöfða.
Meðfylgjandi er bréf arkitekts dags. 27. september 2016.

Vísað til umsagnar verkefnisstjóra.
17.16 Engjateigur - Suðurlandsbraut, LED - ljósaskilti
Á embættisafgreiðslufundi skipulagsfulltrúa 23. september 2016 var lagt fram erindi frá afgreiðslufundi byggingarfulltrúa frá 20. september 2016 þar sem sótt er um leyfi til að breyta auglýsingaskilti úr flettiskilti í LED skjái á auglýsingaskilti Knattspyrnufélagsins Fram á gatnamótum Suðurlandsbrautar og Kringlumýrarbrautar. Einnig er lagður fram tölvupóstur Jónasar Snæbjörnssonar fyrir hönd Vegagerðarinnar dags. 6.október.2016. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 7. október 2016.
Gjald kr. 10.100

Neikvætt, með vísan til umsagnar skipulagsfulltrúa, dags. 7. október 2016.
Samræmist ekki deiliskipulagi.
18.16 Fiskislóð 37C og Hólmaslóð 1, breyting á deiliskipulagi
Lögð fram umsókn skrifstofu eigna og atvinnuþróunar, mótt 28. september 2016, varðandi breytingu á deiliskipulagi Örfiriseyjar, Vesturhafnar Reykjavíkur, vegna lóðanna nr. 37C við Fiskislóð og 1 við Hólmaslóð. Í breytingunni felst sameining lóðanna nr. 37C við Fiskislóð og 1 við Hólmaslóð og ber sameinuð lóð heitið Fiskislóð 37C, samkvæmt uppdr. umhverfis- og skipulagssviðs, dags. 16. ágúst 2016.

Vísað til umhverfis- og skipulagsráðs.

Vakin er athygli umsækjanda á að erindið fellur undir gr. 7.6 og 12 í Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
19.16 Klapparstígur 1-7, nr. 5, ósk um umsögn vegna umsóknar um útibú ökutækjaleigu
Lagður fram tölvupóstur Samgöngustofu, dags. 3. október 2016 ásamt tölvupósti Sævars Sævarssonar, dags. 30. september 2016, þar sem óskað er eftir að Reykjavíkurborg endurskoði neikvæða afgreiðslu sína frá embættisafgreiðslufundi skipulagsfulltrúa 23. september 2016, varðandi útibú ökutækjaleigu þar sem láðist að nefna að umrædd afhending yrði á Fiskislóð 27 og 29. Einnig er lögð fram yfirlýsing Páls M. Magnússonar f.h. Löður ehf., dags. 30. september 2016. Jafnframt er lögð fram umsögn skipulagsfulltrúa, dags. 7. október 2016.

Neikvætt, með vísan til umsagnar skipulagsfulltrúa, dags. 7. október 2016.
20.16 Laugavegur 103, (fsp) rekstur veitingastaðar
Lögð fram fyrirspurn Charin Thaiprasert, mótt. 29. september 2016, varðandi rekstur veitingastaðar á 1. hæð hússins nr. 103 við Laugaveg (bil 0102). Einnig er lagt fram bréf Charin Thaiprasert, dags. 29. september 2016 ásamt umsögn skipulagsfulltrúa, dags. 7. október 2016.
Jákvætt með vísan til umsagnar skipulagsfulltrúa, dags. 7. október 2016.
21.16 Bergstaðastræti 49, (fsp) viðbygging, þaksvalir/verönd
Lögð fram fyrirspurn Kanon arkitekta ehf., mótt. 28. september 2016, um að fjarlægja núverandi timburverönd og viðbyggingu við suðurhlið hússins á lóð nr. 49 við Bergstaðastræti og byggja nýja, lága viðbyggingu á sama stað sem nemur hæð kjallara, Á þaki nýrrar viðbyggingar yrði ný verönd í stað þeirrar eldri. Einnig er lagt fram bréf Kanon arkitekta ehf., dags. 26. september 2016.

Vísað til umsagnar verkefnisstjóra.
22.16 Brautarholt 18 og 20, (fsp) hækkun húsa, hótel o.fl.
Lögð fram fyrirspurn Stáss Design ehf., mótt. 13. september 2016, um að breyta notkun húsanna á lóðunum nr. 18 og 20 við Brautarholt, hækka mæni hússins á lóð nr. 18 við Brautarholt þannig að full lofthæð náist í stærstum hluta 4. hæðar, endurbyggja núverandi kvisti og rífa skúra á baklóð og byggja í þeirra stað byggingu sem eru í samræmi við þær heimildir sem eru samþykktar fyrir lóðina. Hækka hæðaskil á 4. hæð hússins á lóð nr. 20 við Brautarholt og bæta einni inndreginni hæð ofan á húsið (5. hæð), rífa bakbyggingu og endurbyggja í samræmi við þær heimildir sem eru samþykktar fyrir lóðina, samkvæmt tillögu Stáss Design ehf., dags. 12. september 2016. Einnig er lögð fram umsögn skipulagsfulltrúa, dags. 7. október 2016.

Neikvætt, með vísan til umsagnar skipulagsfulltrúa, dags. 7. október 2016.
23.16 Efstasund 65, hækkun á þaki hússins
Á embættisafgreiðslufundi skipulagsfulltrúa 30. september 2016 var lagt fram bréf Aðalsteins V. Júlíussonar, dags. 26. september 2016, þar sem óskað er eftir að skipulagsfulltrúi endurskoði neikvæða afgreiðslu sína frá embættisafgreiðslufundi skipulagsfulltrúa 16. september 2016 varðandi hækkun á þaki hússins á lóð nr. 65 við Efstasund í stað þess að endurnýja þak í núverandi mynd eða heimili breytingu á deiliskipulagi. Erindinu var vísað til umsagnar verkefnisstjóra og er nú lagt fram að nýju ásamt bréfi skipulagsfulltrúa dags. 6. október 2016.

Lagt fram.
24.16 Mjölnisholt 10, (fsp) hækkun um 2 hæðir og ris
Á embættisafgreiðslufundi skipulagsfulltrúa 30. september 2016 var lögð fram fyrirspurn Harðar Andréssonar, mótt. 18. september 2016, um hækkun hússins á lóð nr. 10 við Mjölnisholt um tvær hæðir og ris, skv. uppdrætti, dags. 11. september 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 7. október 2016.


Neikvætt, með vísan til umsagnar skipulagsfulltrúa, dags. 7. október 2016.
25.16 Skaftahlíð 27, Stækka svalir
Á embættisafgreiðslufundi skipulagsfulltrúa 23. september 2016 var lagt fram erindi frá afgreiðslufundi byggingarfulltrúa frá 20. september 2016 þar sem sótt er um leyfi til að lengja svalir fram um einn metra og framlengja þakið á kvistinum um 80 sentimetra og byggja nýtt svalahandrið á húsi á lóð nr. 27 við Skaftahlíð. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 7. október 2016.
Gjald kr. 10.100

Jákvætt með þeim skilyrðum og leiðbeiningum sem fram koma í umsögn skipulagsfulltrúa, dags. 7. október 2016.
26.16 Skólavörðustígur 21A, (fsp) gististaður í flokki II
Lögð fram fyrirspurn Thailenska eldhússins ehf., mótt. 18. ágúst 2016, varðandi gististað í flokki II í húsinu á lóð nr. 21A við Skólavörðustíg, í þeim íbúðum sem snúa að Skólavörðustíg.
Ekki eru gerðar skipulagslegar athugasemdir við erindið.
27.16 Þingvað 37-59, (fsp) nr. 49-51 - aðgengi að bílastæðum
Lögð fram fyrirspurn Friðriks Jóns Birgissonar, mótt. 9. september 2016, um að breyta grasbala fyrir framan bílastæði húsanna nr. 49-51 á lóð 37-59 í götu til að bæta aðgengi að bílastæðum húsanna.

Vísað til umsagnar verkefnisstjóra.
28.16 Álfsnes, Björgun - lóðarmál
Á embættisafgreiðslufundi skipulagsfulltrúa 16. september 2016 var lagt fram bréf skrifstofu eigna og atvinnuþróunar, dags. 25. ágúst 2016, þar sem bréfi Björgunar ehf., dags. 8. júní 2016, um möguleika þess að Björgun ehf. fái lóð undir starfsemi sína í Álfsnesi er vísað til umhverfis- og skipulagsráðs til umfjöllunar. Erindinu var vísað til meðferðar hjá verkefnisstjóra og er nú lagt fram að nýju.



Kynna formanni umhverfis- og skipulagsráðs.
29.16 Kjalarnes, Saurbær, stækkun spildunnar Skarðás og breyting á notkun
Á embættisafgreiðslufundi skipulagsfulltrúa 16. september 2016 var lagt fram bréf Birgis Arnar Guðmundssonar hdl. f.h. Steins Björgvins Jónssonar, dags. 1. júlí 2016, um að Reykjavíkurborg samþykki stækkun spildunnar Skarðás í landi Saurbæjar á Kjalarnesi og breytingu á skráningu mannvirkis á lóðinni úr spennistöðvarhúsi í íbúðarhúsnæði. Erindinu var vísað til umsagnar skrifstofu sviðsstjóra og er nú lagt fram að nýju ásamt umsögn skrifstofu sviðsstjóra, dags. 3. október 2016.
Umsögn skrifstofu sviðstjóra, dags. 3. október 2016, samþykkt.
30.16 Krókháls 13 og Laxalón 2 og 4, breyting á deiliskipulagi
Lögð fram umsókn THG arkitekta ehf., mótt. 28. september 2016, varðandi breytingu á deiliskipulagi Grafarlækjar-Stekkjarmóa-Djúpadals vegna lóðanna nr. 13 við Krókháls og 1 og 4 við Laxalón. Í breytingunni felst að lögun og byggingarreitur lóðarinnar nr. 13 við Krókháls er breytt en stærðir verða óbreyttar, lóð nr. 2 við Laxalón er stækkuð og lóð nr. 4 við Laxalón er minnkuð, samkvæmt uppdr. THG arkitekta ehf., dags. 28. september 2016.

Vísað til umhverfis- og skipulagsráðs.

Vakin er athygli umsækjanda á að erindið fellur undir gr. 7.5 í Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
31.16 Suðurlandsbraut 34 og Ármúli 31, (fsp) fjölgun bílastæða
Á embættisafgreiðslufundi skipulagsfulltrúa 30. september 2016 var lögð fram fyrirspurn Þráins Haukssonar, mótt. 21. september 2016, um að fjölga bílastæðum á lóð nr. 34 við Suðurlandsbraut og 31 við Ármúla úr 253 í 284, samkvæmt uppdr. Landslags ehf., dags. 9. júlí 2016. Erindinu var vísað til meðferðar verkefnisstjóra og er nú lagt fram að nýju ásamt umsögn skipulagsfulltrúa, dags. 7. október 2016.

Neikvætt, með vísan til umsagnar skipulagsfulltrúa, dags. 7. október 2016.
32.16 Suður Mjódd, breyting á deiliskipulagi
Á embættisafgreiðslufundi skipulagsfulltrúa 15. júlí 2016 var lögð fram umsókn SEA vegna lóðar ÍR, íþróttafélags dags. 29. júní 2016 varðandi breytingu á deiliskipulagi Suður-Mjóddar. Í breytingunni felst breyting og stækkun á byggingareit á lóð ÍR vegna þjónustuhúss við frjálsíþróttavöll. Lagnakvöðum er breytt á tveimur stöðum og íbúðum er fjölgað á lóðum Árskógar 1-3 og 5-7, samkv. uppdr. teiknistofunnar Storð dags. 28. júní 2016. Erindinu var vísað til meðferðar hjá verkefnisstjóra og er nú lagt fram að nýju ásamt uppfærðum uppdr. teiknistofunnar Storð ehf., dags. 7. október 2016.

Vísað til umhverfis- og skipulagsráðs.

Vakin er athygli umsækjanda á að erindið fellur undir gr. 7.5 í Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
33.16 Víðidalur, Fákur, breyting á deiliskipulagi
Lögð fram umsókn Finns Kristinssonar, mótt. 4. október 2016, varðandi breytingu á deiliskipulagi athafnasvæðis hestamanna í Elliðaárdal, Víðidalur - Fákur. Í breytingunni felst að heimilt verði að gera mön/áhorfendabrekku vestan við Hvammsvöll í Víðidal og upphitunarvöll vestan við Brekkuvöll. Einnig er þegar gerður upphitunarvöllur norðvestan við Hvammsvöllinn færður inn á deiliskipulaguppdrátt, samkvæmt uppdr. Landslags ehf., dags. 26. september 2016. Einnig er lagt fram bréf Landslags ehf. f.h. Hestamannafélagsins Fáks, dags. 4. október 2016.

Vísað til umhverfis- og skipulagsráðs.
34.16 Vogabyggð svæði 2, tillaga að deiliskipulagi, norðursvæði milli Tranavogar og Kleppsmýrarvegar
Að lokinni auglýsingu er lögð fram að nýju tillaga Teiknistofunnar Traðar, jvantspijker+Felixx og Reykjavíkurborgar, dags. 10. júní 2016, að deiliskipulagi Vogabyggðar svæði 2 fyrir svæðið sem afmarkast milli Tranavogar og að Kleppsmýrarveg. Í tillögunni felst endurskipulagning á svæði sem þjónað hefur hlutverki sínu sem iðnaðar- og athafnasvæði og að mæta aukinni þörf fyrir íbúðir og þjónustumiðaðan atvinnurekstur. Einnig er lagður fram skýringaruppdráttur, dags. 10. júní 2016, sneiðingar, dags. 10. júní 2016, og 3D og skuggavarp, dags. 10. júní 2016, almenn greinargerð og skilmálar fyrir innviði, dags. 10. júní 2016 og skilmálar fyrir húsbyggingar og mannvirki á lóð, dags. 10. júní 2016. Jafnframt er lögð fram umhverfisskýrsla, dags. júní 2016, byggðakönnun, fornleifaskrá og húsakönnun, dags. 2016, minnisblað umhverfis- og skipulagssviðs, samgöngudeildar, um umferðarhermun, dags. 6. júní 2016 og úttekt á friðlýstum svæðum í Reykjavík, dags. ágúst 2013. Tillagan var auglýst frá 19. ágúst til og með 30. september 2016. Eftirtaldir aðilar sendu athugasemdir: Sveinn Hannesson f.h. Gámakó hf., dags. 8. september 2016, Hermann Hermannsson f.h. Vogabyggðar ehf. og Hamla ehf., dags. 26. september 2016, Börkur Valdimarsson og María Jóhannsdóttir, dags. 28. september 2016, Magnús Þráinsson f.h. Miðhólma, dags. 29. september 2016, Árni Davíðsson f.h. stjórnar LHM, dags. 29. september 2016 og Heilbrigðiseftirlit Reykjavíkur, dags. 30. september 2016. Einnig er lagt fram bréf hverfisráðs Laugardals, dags. 27. september 2016, umsögn Íbúasamtaka Laugardals, dags. 30. september 2016 og tölvupóstur frá Veitum dags. 30. september 2016 varðandi beiðni um framlenginu á athugasemdarfresti.

Samþykkt að framlengja athugasemdafrest til og með 10. október 2016.

35.16 Vogabyggð, tillaga að breytingu á aðalskipulagi Reykjavíkur 2010-2030
Að lokinni auglýsingu er lögð fram að nýju tillaga umhverfis- og skipulagssviðs, dags. 23. júní 2016, að breytingu á aðalskipulagi Reykjavíkur 2010-2030 vegna Vogabyggðar. Í tillögunni felast breyttar heimildir um fjölda íbúða, nánari skilgreining íbúðarbyggðar, skilgreining nýs svæðis fyrir samfélagsþjónustu, breytt lega stíga og breytingar varðandi forgangsröðun byggingarsvæða. Einnig er lagt fram bréf skipulagsstofnunar dags. 15. júlí 2016 þar sem koma fram ábendingar og bréf Samtaka sveitarfélaga á höguðborgarsvæðinu, dags. 13. júlí 2016, vegna bókunar frá 67. fundi svæðisskipulagnefndar höfuðborgarsvæðisins. Tillagan var auglýst frá 19. ágúst til og með 30. september 2016. Eftirtaldir aðilar sendu athugasemdir: Snarfari, dags. 28. september 2016. Einnig er lögð fram umsögn Íbúasamtaka Laugardals, dags. 30. september 2016.

Vísað til umsagnar verkefnisstjóra.
36.16 Aðalskipulag Reykjavíkur, leiðrétting, óveruleg breyting á aðalskipulagi
Lögð fram tillaga umhverfis- og skipulagssviðs, dags. í september 2016, að óverulegri breytingu á aðalskipulagi Reykjavíkur, vegna túlkunar og framsetningar á stefnu um íbúðarhúsnæði. Í breytingunni felst skerping á orðalagi í neðanmálsgrein og lagfæring á misræmi sem kemur fram milli korts og töflu á mynd 13, í kaflnum Borgin við Sundin (bls. 32-33) í greinargerð. Einnig er lagt fram bréf Skipulagsstofnunar, dags. 30. september 2016.

Vísað til meðferðar hjá verkefnisstjóra.
37.16 Þverás 4, breyting á skilmálum deiliskipulags
Lögð fram umsókn Guðmundar Halldórs Halldórssonar, mótt. 3. september 2016, varðandi breytingu á skilmálum deiliskipulags Suður-Selás vegna lóðarinnar nr. 4 við Þverás. Í breytingunni felst að setja nýjar svalir á gafl, og stækka efri hæð hússins með því að framlengja og hækka kvist yfir núverandi svalir, samkvæmt tillögu Nexus arkitekta, dags. 23. júní 2016.

Leiðrétt bókun frá afgreiðslufundi skipulagsfulltrúa 16. september 2016.
Rétt bókun er: Vísað til umhverfis- og skipulagsráðs.