Engjavegur 7, Úlfarsfell, Fossaleynir 1, Egilshöll, Fiskislóð 83, Hringbraut 29, Félagsstofnun stúdenta, Háskóli Íslands, Vísindagarðar, Keilugrandi/Boðagrandi/Fjörugrandi, Haukdælabraut 36, Lautarvegur 10, Úlfarsbraut 82, Básendi 5, Þórsgata 17A, Lindargata 1-3, gamla Hæstaréttarhúsið, Sóleyjargata 2, Hljómskálinn, Heiðargerði 11, Norðurbrún 2, Vesturbrún 8, Suðurlandsbraut 58-64, 66, 68-70, 72, 74 og 76, Grandagarður 20,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

596. fundur 2016
Ár 2016, föstudaginn 4. ágúst kl. 09:03, hélt skipulagsfulltrúi Reykjavíkur 596. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Ann Andreasen Eftirtaldir embættismenn kynntu mál á fundinum: Jón Kjartan Ágústsson, Guðlaug Erna Jónsdóttir og Lilja Grétarsdóttir Ritari var Örn Sigurðsson
Þetta gerðist:

1.16 Engjavegur 7, Endurbyggja þak, bakvegg og handrið
Á fundi skipulagsfulltrúa 21. júlí 2016 var lagt fram erindi frá afgreiðslufundi byggingarfulltrúa frá 12. júlí 2016 þar sem sótt er um leyfi fyrir endurnýjun á stúku ásamt viðbyggingu á lóð nr. 7 við Engjaveg. Erindinu var frestað og er nú lagt fram að nýju.
Stærðir: A-rými x ferm., x rúmm. B-rými x ferm., x rúmm. C-rými x ferm. Gjald kr. 10.100


Frestað.
2.16 Úlfarsfell, framkvæmdaleyfi
Á fundi skipulagsfulltrúa 15. júlí 216 var lögð fram umsókn skrifstofu eigna Og atvinnuþróunar, dags. 28. júní 2016 um framkvæmdaleyfi vegna moldarfyllingar í nýjan kirkjugarð í Úlfarsfelli. Auk þess verður gerður aðkomuvegur að kirkjugarðinum. Einnig lögð fram umhverfisskýrsla VSÓ, dags. mars 2016. Erindinu var vísað til umsagnar skrifstofu umhverfisgæða og er nú lagt fram að nýju ásamt umsögn skrifstofu umhverfisgæða, dags. 20. júlí 2016.

Vísað til skrifstofu sviðstjóra til útgáfu framkvæmdaleyfis.

Vakin er athygli umsækjanda á að greiða þarf fyrir útgáfu framkvæmdaleyfis skv. gr. 5.2. í Gjaldskrá
vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014. Greiða þarf fyrir útgáfu framkvæmdaleyfis.
3.16 Fossaleynir 1, Egilshöll, breyting á deiliskipulagi
Á fundi skipulagsfulltrúa 15. júlí 2016 var lögð fram umsókn Alark, dags. 30. júní 2016 um breytingu á deiliskipulagi Egilshallar að Fossaleyni 1 skv. uppdráttum, dags. 17. júní 2016. Sótt er um breytingu á byggingareitum og byggingamagni á reitum D og H. Vegna fyrirhugaðs stærra handboltahúss er sótt um leyfi til að breyta lögun byggingareits H og auka byggingamagn um 3000 m2. Sótt um leyfi til að færa byggingareit D fyrir bílgeymsluhús, til suðurs á lóð. Erindinu var vísað til meðferðar hjá verkefnisstjóra og er nú lagt fram að nýju.

Kynna formanni umhverfis- og skipulagsráðs.
4.16 Fiskislóð 83, staðsetning ökutækjaleigu
Lagt fram bréf Samgöngustofu dags. 3. ágúst 2016 vegna beiðni um umsögn um ökutækjaleigu fyrir 4 bíla að Fiskislóð 83.
Vísað til umsagnar Faxaflóahafnar.
5.16 Hringbraut 29, Félagsstofnun stúdenta, (fsp) deiliskipulag
Á fundi skipulagsfulltrúa 15. júlí 2016 var lögð fram fyrirspurn ASK arkitekta ehf. dags. 28. júní 2016 varðandi deiliskipulag fyrir Hringbraut 29, bygging við Gamla Garð samkv. teikningum og myndum ASK arkitekta ódags. Í deiliskipulaginu felst fjölgun á íbúðum og/eða herbergjum fyrir stúdenta. Fyrirspurninni var vísað til meðferðar hjá verkefnisstjóra og er nú lögð fram að nýju.

Kynna formanni umhverfis- og skipulagsráðs.
6.16 Háskóli Íslands, Vísindagarðar, breyting á deiliskipulagi
að lokinni auglýsingu er lögð fram að nýju umsókn Ask arkitekta ehf., dags. 23. febrúar 2016 varðandi breytingu á deiliskipulagi Vísindagarða. Breytingin felur í sér breytingu á byggingarmagni og nýtingarhlutfalli, samkvæmt uppdr. Ask arkitekta ehf., dags. 6. maí 2016. Einnig er lögð fram greinargerð og skilmálar, dags. 12. maí 2016. Jafnframt eru lögð fram minnisblöð verkfræðistofunnar Eflu um umferðarhávaða, dags. 28. apríl 2016, um rafbílahleðslu, dags. 5. maí 2016 og um yfirferð og rýni á umferð vegna breytinga á deiliskipulagi, dags. 13. maí 2016. Tillagan var auglýst frá 14. júní til og með 26. júlí 2016. Eftirtaldir aðilar sendu athugasemdir: Veitur ásamt minnisblaði, dags. 22. júlí 2016, Jón Jóhannes Jónsson, dags. 26. júlí 2016 og Þóra Ellen Þórhallsdóttir, dags. 27. júlí 2016.

Samþykkt að framlengja athugasemdarfresti til 11. ágúst 2016.
7.16 Keilugrandi/Boðagrandi/Fjörugrandi, breyting á deiliskipulagi
Að lokinni auglýsingu er lögð fram að nýju umsókn skrifstofu eigna og atvinnuþróunar varðandi breytingu á deiliskipulagi lóðanna nr. 1 við Keilugranda auk lóða Fjörugranda og sléttar tölur Boðagranda. Í breytingunni felst niðurrif núverandi iðnaðarhúsnæðis og uppbygging íbúðarhúsnæðis á lóð Keilugranda 1, samkvæmt deiliskipulagsuppdr. Kanon arkitekta ehf., dags. 19. maí 2016. Einnig er lagður fram skýringar- og skuggavarpsuppdr., dags. 19. maí 2016, snið, dags. 19. maí 2016 og greinargerð og skilmálar, dags. 19 maí 2016. Jafnframt er lagt fram minnisblað VSÓ ráðgjafar um hljóðvist, dags. 6. maí 2016, húsaskrá og vaðveislumat Borgarsögusafns Íslands, dags. 19. maí 2016 og hjóðvistarskýrlsa Trivium Ráðgjafar, 20. maí 2016. Tillagan var auglýst frá 14. júní 2016 til og með 26. júlí 2016. Eftirtaldir aðilar sendu athugasemdir: Gylfi Gunnarsson og Magdalena S. Ingimundardóttir f.h. húsfélagsins að Boðagranda 2, dags. 21. júlí 2016, Ása Þórðardóttir, Eiríkur Sigurgeirsson, Magnús Guðmundsson og Snjólaug Sigurbjörnsdóttir, dags. 22. júlí 2016, Ástríður Jóhannesdóttir og Alexander Richter, dags. 24. júlí 2016 og stjórnarmenn í húsfélagi Keilugranda 8 Lára G. Jónasdóttir, Halla G. Jónsdóttir og Kristín A. Sigurgeirsdóttir f.h. eigenda og íbúa 13 íbúða að Keilugranda 8, dags. 26. júlí 2016 og Húsfélagið Keilugranda 6, dags. 27. júlí 2016.

Vísað til umsagnar verkefnisstjóra.
8.16 Haukdælabraut 36, Einbýlishús
Á fundi skipulagsfulltrúa 21. júlí 2016 var lagt fram erindi frá afgreiðslufundi byggingarfulltrúa frá 19. júlí 2016 þar sem sótt er um leyfi til að byggja tveggja hæða steinsteypt einbýlishús á lóð nr. 36 við Haukdælabraut. Einnig eru lagðir fram nýjir uppdr., dags. 15. júní 2016, síðast breyttit 20. júlí 2016. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 3. ágúst 2016.
Stærðir: A-rými 380,5 ferm., 1301,7 rúmm. B-rými 36,5 ferm., 116,7 rúmm. C-rými 31,0 ferm. Gjald kr. 10.100

Jákvætt með vísan til umsagnar skipulagsfulltrúa, dags. 3. ágúst 2016.
9.16 Lautarvegur 10, Fjölbýlishús
Á fundi skipulagsfulltrúa 21. júlí 2016 var lagt fram erindi frá afgreiðslufundi byggingarfulltrúa frá 19. júlí 2016 þar sem sótt er um leyfi til að byggja þriggja hæða steinsteypt fjölbýlishús með þremur íbúðum og tvöfaldri bílgeymslu á lóð nr. 10 við Lautarveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 3. ágúst 2016.
Stærðir A-rými: 559,9 ferm., 1844,0 rúmm. B-rými: 52,7 ferm., C-rými: 91,3 ferm. Gjald kr. 10.100



Neikvætt með vísan til umsagnar skipulagsfulltrúa, dags. 3. ágúst 2016.
10.16 Úlfarsbraut 82, Fjölbýlishús - fjórbýli
Á fundi skipulagsfulltrúa 15. júlí 2016 var lagt fram erindi frá afgreiðslufundi byggingarfulltrúa frá 12. júlí 2016 þar sem sótt er um leyfi til að byggja fjögurra íbúða fjölbýlishús, tvær hæðir og kjallara, steinsteypt og einangrað að utan og klætt málmklæðningu, með bílgeymslu fyrir 4 bíla á lóð nr. 82 við Úlfarsbraut. Stærð A-rými: 696,3 ferm., 2.254,5 rúmm. B-rými: 22,9 ferm. C-rými: 56,2 ferm.
Gjald kr. 10.100

Samþykkt að kynna erindi fyrir hagsmunaaðilum að Úlfarsbraut 58, 84-94 og 116.
11.16 Básendi 5, Útitröppur, svalir, breyting inni
Á fundi skipulagsfulltrúa 28. júlí 2016 var lagt fram erindi frá afgreiðslufundi byggingarfulltrúa þar sem sótt er um leyfi til að breyta aðalinngangi og útitröppum og loka rými undir tröppum, ásamt því að gera svalir á suðurhlið með tröppum niður í garð við einbýlishúsið á lóð nr. 5 við Básenda. Ennfremur er sótt um leyfi til að breyta burðarveggjum innandyra. Erindinu var vísað til meðferðar verkefnisstjóra og er nú lagt fram að nýju.
Útskrift úr gerðabók embættisafgreiðslufundar skipulagsfulltrúa frá 8. júlí 2016 fylgir erindinu, ásamt umsögn skipulagsfulltrúa dags. 4. júlí 2016.
Stækkun A-rými 7,7 ferm., 16,4 rúmm. Erindi fylgir umsögn burðarvirkishönnuðar dags. 14. júní 2016. Gjald kr. 10.100

Samþykkt að grenndarkynna framlagða tillögu fyrir hagsmunaaðilum að Básenda 3, 6, 7, 8 og 10.

Vakin er athygli umsækjanda á að erindið fellur undir gr. 8.1 í Gjaldskrá
vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
12.16 Þórsgata 17A, (fsp) - Byggja kvist og svalir
Á fundi skipulagsfulltrúa 28. júlí 2016 var lagt fram erindi frá afgreiðslufundi byggingarfulltrúa þar sem spurt er hvort leyft yrði að byggja kvist og svalir á rishæð fjölbýlishúss á lóð nr. 17A við Þórsgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 2. ágúst 2016.


Neikvætt með vísan til umsagnar skipulagsfulltrúa, dags. 2. ágúst 2016.
13.16 Lindargata 1-3, gamla Hæstaréttarhúsið, undirbúningur friðlýsingar
Lagt fram bréf Minjastofnunar Íslands, dags. 27. júlí 2016, varðandi undirbúning friðlýsingar fyrrum dómhúss Hæstaréttar við Lindargötu 1-3. Einnig eru lögð fram drög að friðlýsingarskilmálum Minjastofnunar Íslands.
Vísað til umsagnar verkefnisstjóra.
14.16 Sóleyjargata 2, Hljómskálinn, undirbúningur friðlýsingar
Lagt fram bréf Minjastofnunar Íslands, dags. 27. júlí 2016, varðandi undirbúning friðlýsingar Hljómskálans við Reykjavíkurtjörn, Sóleyjargötu 2 Einnig eru lögð fram drög að friðlýsingarskilmálum Minjastofnunar Íslands.
Vísað til umsagnar verkefnisstjóra.
15.16 Heiðargerði 11, (fsp) - Fá samþykkta áður gerða viðbyggingu
Á fundi skipulagsfulltrúa 28. júlí 2016 var lagt fram erindi frá afgreiðslufundi byggingarfulltrúa þar sem spurt er hvort leyfi fáist fyrir breytingum sem þegar eru hafnar sem felast í viðbyggingu við stofu og breytingu á burðarveggjum ásamt stækkun á svölum ofan á viðbyggingu í raðhúsi á lóð nr. 11 við Heiðargerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 3. ágúst 2016.
Framkvæmd er samskonar og gerðar hafa verið á sumum af nærliggjandi húsum.

Umsögn skipulagsfulltrúa, dags. 3. ágúst 2016, samþykkt
16.16 Norðurbrún 2, (fsp) ofanábygging
Á fundi skipulagsfulltrúa 15. júlí 2016 var lögð fram fyrirspurn THG Arkitekta ehf., mótt. 1. júlí 2016, um að byggja ofan á núverandi verslunarhús á lóð nr. 2 við Norðurbrún inndregnar hæðir fyrir smáíbúðir, skv. uppdrætti, ódags. Einnig lögð fram greinargerð hönnuða, dags. 1. júlí 2016. Fyrirspurninni var vísað til meðferðar hjá verkefnisstjóra og er nú lögð fram að nýju.

Vísað til umhverfis- og skipulagsráðs.
17.16 Vesturbrún 8, Hækkun húss, kvistur, svalir o.fl.
Á fundi skipulagsfulltrúa 21. júlí 2016 var lagt fram erindi frá afgreiðslufundi byggingarfulltrúa frá 19. júlí 2016 þar sem sótt er um leyfi til að byggja nýjan kvist á austurhlið og stækka kvist á vesturhlið ásamt því að byggja nýjar svalir á 2. hæð suðurgafli í fjölbýlishúsi á lóð nr. 8 við Vesturbrún. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 3. ágúst 2016.
Samþykki eigenda á teikningum dags. 20.06.2016.
Gjald kr. 10.100

Umsögn skipulagsfulltrúa, dags. 3. ágúst 2016, samþykkt
18.16 Suðurlandsbraut 58-64, 66, 68-70, 72, 74 og 76, tillaga að deiliskipulagi
Lagt fram bréf Skipulagsstofnunar, dags. 20. júlí 2016, þar sem ekki er gerð athugasemd við birtingu auglýsingu um samþykkt deiliskipulags í B-deild Stjórnartíðinda en áður þarf að vinna deiliskipulagsbreytingu er sýnir þann hluta gildandi deiliskipulags sem helst óbreytt. Málsmeðferð breytingarinnar telst vera hluti af málsmeðferð framangreinds deiliskipulags og birta á gildistöku breytingarinnar samhliða gildistöku hins nýja deiliskipulags.

Vísað til meðferðar verkefnisstjóra.
19.16 Grandagarður 20, málskot
Lagt fram málskot Steinþórs Kára Kárasonar, dags. 13. júlí 2016, vegna neikvæðrar afgreiðslu skipulagsfulltrúa frá 10. júní 2016 varðandi breytingu á flokki veitingastaðar úr flokki II í flokk III.

Vísað til umsagnar verkefnisstjóra.