Breiðagerði 4, Þingasel 3, Kjalarnes, Esjumelar, Langavatnsvegur 2, Hverfisgata 46, Stangarholt 14, Tunguvegur 19, Hverafold 49-49A, Klettagarðar 7, Akurgerði 39, Básendi 5, Gissurargata 5, Hagamelur 35, Mávahlíð 40, Bræðraborgarstígur 23, Heiðargerði 11, Þórsgata 17A, Bergþórugata 5, Bragagata 35 og Freyjugata 16, Grandagarður 10, Nýlendugata 19C, Skólavörðustígur 25, Sólvallagata 14, Suðurgata 4, Tómasarhagi 16, Barmahlíð 30, Bláskógar 11, Laufásvegur 10, Þórsgata 10, Mosfellsbær, aðalskipulag,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

595. fundur 2016
Ár 2016, fimmtudaginn 28. júlí kl. 09:05, hélt skipulagsfulltrúi Reykjavíkur 595. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Valný Aðalsteinsdóttir og Margrét Þormar. Ritari var Örn Sigurðsson.
Þetta gerðist:

1.16 Breiðagerði 4, Rishæð, gluggar o.fl.
Lagt fram erindi frá afgreiðslufundi byggingarfulltrúa þar sem sótt er um leyfi til að byggja rishæð með kvistum, breyta stofuglugga, gera útgang i garð úr bílskúr og breyta innra skipulagi í einbýlishúsi á lóð nr. 4 við Breiðagerði.
Stækkun: 65,3 ferm., 157,6 rúmm. Gjald kr. 10.100

Vísað til umsagnar verkefnisstjóra.
2.16 Þingasel 3, breyting á deiliskipulagi
Að lokinni grenndarkynningu er lögð fram að nýju umsókn Luigi Bartolozzi, mótt. 27. maí 2016, varðandi breytingu á deiliskipulagi Seljahverfis, Hvammskotshóla, vegna lóðar nr. 3 við Þingasel. Í breytingunni felst að að byggingarreitur er stækkaður til suðurs um 3,5 og byggja sólstofu á jarðhæð út frá suðurhlið hússins allt að 20 fm., samkvæmt uppdrætti Luigi Bartolozzi, dags. 10. júní 2016. Tillagan var grenndarkynnt frá 14. júlí til og með 11. ágúst 2016 en þar sem samþykki hagsmunaaðila barst 25. júlí 2016 er erindi lagt fram að nýju.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
3.16 Kjalarnes, Esjumelar, framkvæmdaleyfi
Lögð fram umsókn Íslenska gámafélagsins ehf., dags. 25. júlí 2016, um framkvæmdaleyfi vegna lóðar E á Esjumelum. Jarðvegsskipt verður á hluta svæðisins (um 2000 m2)fyrir athafnaplan í tengslum við rekstur Íslenska gámafélagsins ehf. Jarðvegsdýpt er frá 2,5 metrum upp í 4 metra þ.a. reikna má með uppúrtekt sem nemur 6-7000 m3. Þeim jarðvegi verður komið fyrir á lóðarmörkum norðanmegin í reitnum sem snýr að Esjunni. Sáð verður í mönina og gróðursett tré. Fyrirhugað er skjólbelti í tengslum við þessa mön.

Vísað til umsagnar verkefnisstjóra.
4.16 Langavatnsvegur 2, Stöðuleyfi - sumarhús
Lagt fram erindi frá afgreiðslufundi byggingarfulltrúafulltrúa þar sem sótt er um stöðuleyfi fyrir hálfbyggt sumarhús á lóð nr. 2 við Langavatnsveg.
Gjald kr. 10.100

Vísað til umsagnar verkefnisstjóra.
5.16 Hverfisgata 46, (fsp) gistirekstur á efri hæðum
Lögð fram fyrirspurn Þórðar Birgis Bogasonar f.h. RR hótel ehf., mótt. 14. júlí 2016 þar sem spurt er hvort skipulagsfulltrúi heimili gistirekstur á efri hæðum hússins að Hverfisgötu 46 í flokki III eða IV.

Vísað til umsagnar verkefnisstjóra.
6.16 Stangarholt 14, Bílskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 24. maí 2016 þar sem sótt er um leyfi til að byggja steinsteyptan bílskúr 0102 við hliðina bílskúr 0101 sem er fyrir á lóðinni nr. 14 við Stangarholt. Erindi var grenndarkynnt frá 24. júní til og með 22. júlí 2016. Eftirtaldir aðilar sendu athugasemdir: Jóhannes Rúnar Jóhannesson, Þórunn Guðmundsdóttir, Sigríður Helga Hauksdóttir og Margrét Óskarsdóttir, eigendur íbúða að Stórholti 25, dags. 19. júlí 2016.
Útskrift úr gerðabók embættisafgreiðslufundar skipulagsfulltrúa frá 20. maí 2016 fylgir erindinu ásamt umsögn skipulagsfulltrúa dags. 20. maí 2016.
Jákvæð fyrirspurn BN042019 dags. 21. Sept. 2010. Samþykki meðeigenda ódags. fylgir. Stækkun bílskúr 0102: 39,7 ferm., 102,6 rúmm. Gjald kr. 10.100

Vísað til umsagnar verkefnisstjóra.
7.16 Tunguvegur 19, Innrétta íbúðir og hækka ris
Lagt fram erindi frá afgreiðslufundi byggingarfulltrúa frá 19. júlí 2016 þar sem sótt er um leyfi til að hækka þak og innrétta veitingastað í flokki XX, teg. kaffihús fyrir 36 gesti á 1. hæð og gististað í flokki IV, teg. gistiheimili fyrir XX gesti á 2. hæð og í risi og í áður bílskúr í íbúðar- og atvinnuhúsi á lóð nr. 19 við Tunguveg.
Lögð er fram umsögn skipulagsfulltrúa um fsp SN160242 dags. 25. apríl 2016.
Stækkun: 143 ferm., 400,5 rúmm.
Gjald kr. 10.100

Vísað til umsagnar verkefnisstjóra.
8.16 Hverafold 49-49A, breyting á skilmálum deiliskipulags Foldahverfis
Að lokinni auglýsingu er lögð fram að nýju umsókn Þormóðs Sveinssonar f.h. Ingibjargar H. Harðardóttur, mótt. 18. mars 2016, um breytingu á skilmálum deiliskipulags Foldahverfis suður 1. og 2. áfanga vegna lóðarinnar nr. 49-49a við Hverafold, dags. 15. mars 2016. Í breytingunni felst að skilmálum fyrir einbýlishús verði breytt í skilmála fyrir parhús og að heimilt sé að taka í notkun þegar gerð sökkulrými, samkvæmt tillögu, dags. 17. maí 2016. Einnig er lagt fram samþykki meðlóðarhafa, dags. 13. maí 2016. Tillagan var auglýst frá 3. júní 2016 til og með 18. júlí 2016. Eftirtaldir aðilar sendu athugasemdir: Einar S. Hálfdánarson og Regína G. Pálsdóttir, dags. 14. júlí 2016 og Pétur Jóhannesson, dags. 14. júlí 2016.

Vísað til umsagnar verkefnisstjóra.
9.16 Klettagarðar 7, (fsp) breyting á deiliskipulagi
Lögð fram fyrirspurn Efnarás ehf., mótt. 29. júní 2016, varðandi breytingu á á notkun lóðarinnar nr. 7 við Klettagarða, samkv. meðfylgjandi greinargerð VSÓ ráðgjafa ódags.

Vísað til umsagnar verkefnisstjóra.
10.16 Akurgerði 39, 39-41 - Breyta kvisti
Lagt fram að nýju erindi af fundi byggingarfulltrúa dags. 19. júlí 2016 þar sem sótt er um leyfi til að lengja og breikka kvist á norðurhlið, til að breikka áður samþykkt sólskýli um 1,3 metra og að lokum er sótt um leyfi til að breyta þaki bílskúrs við parhús á lóð nr. 39-41 við Akurgerði.
Einnig eru lagðir fram breyttir uppdrættir dags. 12. júlí 2016.
Útskrift úr gerðabók embættisafgreiðslufundar skipulagsfulltrúa frá 13. maí 2016 fylgir erindinu ásamt umsögn skipulagsfulltrúa dags. 12. maí 2016. Stækkun húss nr. 39: 6,1 ferm., 12,4 rúmm. Hús nr. 41: 6,1 ferm., 12,4 rúmm. Gjald kr. 10.100

Á afgreiðslufundi skipulagsfulltrúa 15. júlí 2016 var samþykkt að grenndarkynna byggingarleyfisumsókn fyrir hagsmunaaðilum að Akurgerði 31, 33, 35, 37 og Grundargerði 2, 4, 6, 7 og 8. Uppdrættir sem lagðir voru fram og samþykkt að grenndarkynna eru ekki réttir. Breyttir uppdrættir, dags. 12. júlí 2016, eru nú lagðir fram og verða grenndarkynntir í samræmi við ákvörðun frá 15. júlí 2016.

Vakin er athygli umsækjanda á að erindið fellur undir gr. 8.1 í Gjaldskrá
vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.
11.16 Básendi 5, Útitröppur, svalir, breyting inni
Lagt fram erindi frá afgreiðslufundi byggingarfulltrúafulltrúa þar sem sótt er um leyfi til að breyta aðalinngangi og útitröppum og loka rými undir tröppum, ásamt því að gera svalir á suðurhlið með tröppum niður í garð við einbýlishúsið á lóð nr. 5 við Básenda. Ennfremur er sótt um leyfi til að breyta burðarveggjum innandyra.
Útskrift úr gerðabók embættisafgreiðslufundar skipulagsfulltrúa frá 8. júlí 2016 fylgir erindinu, ásamt umsögn skipulagsfulltrúa dags. 4. júlí 2016.
Stækkun A-rými 7,7 ferm., 16,4 rúmm. Erindi fylgir umsögn burðarvirkishönnuðar dags. 14. júní 2016. Gjald kr. 10.100

Vísað til meðferðar hjá verkefnisstjóra.
12.16 Gissurargata 5, Einbýlishús
Lagt fram erindi frá afgreiðslufundi byggingarfulltrúa þar sem sótt er um leyfi til að byggja staðsteypt tveggja hæða einbýlishús með innbyggðri bílageymslu á lóð nr. 5 við Gissurargötu.
Stærðir húss eru XX ferm. og XX rúmm. Gjald kr. 10.100

Vísað til umsagnar verkefnisstjóra.
13.16 Hagamelur 35, Rishæð
Lagt fram erindi frá afgreiðslufundi byggingarfulltrúa þar sem sótt er um leyfi til að byggja kvisti á báðar hliðar fjölbýlishúss á lóð nr. 35 við Hagamel.
Lögð er fram umsögn skipulagsfulltrúa um fyrirspurn svipaðs efnis dags. 5. júní 2015. Erindi fylgir samþykki sumra meðeigenda áritað á uppdrátt dags. 1. júní 2016, bréf af húsfundi dags. 20. apríl 2016 og bréf umsækjanda dags. 22. júlí 2016. Stækkun: 3 ferm., 11,8 rúmm. Gjald kr. 10.100

Vísað til meðferðar hjá verkefnisstjóra.
14.16 Mávahlíð 40, Svalir - rishæð
Lagt fram erindi frá afgreiðslufundi byggingarfulltrúa þar sem sótt er um leyfi til að byggja svalir á risíbúð, 0301, í fjölbýlishúsi á lóð nr. 40 við Mávahlíð.
Meðfylgjandi er samþykki meðeigenda á teikningu dags. 10. maí 2016 og samþykki eiganda íbúðar 0001 dags. 15. janúar 2016.
Útskrift úr gerðabók embættisafgreiðslufundar skipulagsfulltrúa frá 15. júlí 2016 fylgir erindinu, ásamt umsögn skipulagsfulltrúa dags. 14. júlí 2016. Gjald kr. 10.100

Vísað til meðferðar hjá verkefnisstjóra.
15.16 Bræðraborgarstígur 23, Rífa bílskúr - byggja nýjan
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 31. maí 2016 þar sem sótt er um leyfi til að fjarlægja núverandi bílskúr og byggja nýjan í staðinn, innar á lóðinni og fjær lóðarmörkum við einbýlishús á lóð nr. 23 við Bræðraborgarstíg. Erindi var grenndarkynnt frá 24. júní til og með 22. júlí 2016. Eftirtaldir aðilar sendu athugasemdir: Irma Erlingsdóttir og Geir Svansson, dags. 30. júní 2016 og 20. júlí 2016.
Stærðir: Nýbygging og eldri-, ferm. og rúmm. sbr. skráningartafla, xxx Gjald kr. 10.100

Vísað til umsagnar verkefnisstjóra.
16.16 Heiðargerði 11, (fsp) - Fá samþykkta áður gerða viðbyggingu
Lagt fram erindi frá afgreiðslufundi byggingarfulltrúa þar sem spurt er hvort leyfi fáist fyrir breytingum sem þegar eru hafnar sem felast í viðbyggingu við stofu og breytingu á burðarveggjum ásamt stækkun á svölum ofan á viðbyggingu í raðhúsi á lóð nr. 11 við Heiðargerði.
Framkvæmd er samskonar og gerðar hafa verið á sumum af nærliggjandi húsum.

Vísað til umsagnar verkefnisstjóra.
17.16 Þórsgata 17A, (fsp) - Byggja kvist og svalir
Lagt fram erindi frá afgreiðslufundi byggingarfulltrúa þar sem spurt er hvort leyft yrði að byggja kvist og svalir á rishæð fjölbýlishúss á lóð nr. 17A við Þórsgötu.

Vísað til umsagnar verkefnisstjóra.
18.16 Bergþórugata 5, (fsp) viðbygging, fjölgun íbúða o.fl.
Á fundi skipulagsfulltrúa 24. júní 2016 var lögð fram fyrirspurn Kjartans Hafsteins Rafnssonar, mótt. 27. maí 2016, varðandi byggingu rishæðar og fjölgun íbúða í húsinu á lóð nr. 5 við Bergþórugötu, byggja við hús bæði að vestan- og austanverðu og setja svalir á suðurhlið, skv. uppdrætti K.J. hönnunar, dags. 20. maí 2016.

Vísað til umsagnar verkefnisstjóra.
19.16 Bragagata 35 og Freyjugata 16, (fsp) niðurrif og uppbygging
Á fundi skipulagsfulltrúa 21. júlí 2016 var lögð fram fyrirspurn Sigurðar Hallgrímssonar, mótt. 7. júlí 2016, varðandi niðurrif og uppbyggingu á lóðunum nr. 35 við Bragagötu og 16 við Freyjugötu, samkvæmt tillögu Arkþings ehf., ódags. Einnig lögð fram umsögn Minjastofnunar, dags. 4. júlí 2016. Fyrirspurninni var vísað til umsagnar verkefnisstjóra og er nú lögð fram að nýju.
Kynna formanni umhverfis- og skipulagsráðs.
20.16 Grandagarður 10, (fsp) - létt glerhýsi yfir sólpall
Lögð fram fyrirspurn Mjallar Daníelsdóttur, mótt. 20. maí 2016, varðandi létt glerhýsi yfir sólpall á lóð nr. 10 við Grandagarð, skv. uppdrætti Eftirlits og hönnunar ehf., dags.18. apríl 2016.

Vísað til umsagnar verkefnisstjóra.
21.16 Nýlendugata 19C, breyting á deiliskipulagi
Að lokinni grenndarkynningu er lögð fram að nýju umsókn Þórðar Braga Jónssonar, mótt. 9. febrúar 2016, varðandi breytingu á deiliskipulagi Nýlendureits vegna lóðarinnar nr. 19C við Nýlendugötu. Í breytingunni felst stækkun á byggingarreit á norðurhlið hússins og gera svalir ofan á útbyggingu neðri hæðar sem er á vesturhlið hússins, samkvæmt uppdr. VA arkitekta ehf., dags. 26. janúar 2016. Grenndarkynning stóð yfir frá 6. júní til 4. júlí 2016. Eftirtaldir aðilar sendu athugasemdir: Adolf Friðriksson, dags. 1. júlí 2016. Erindinu var vísað til umsagnar verkefnisstjóra á fundi skipulagsfulltrúa 8. júlí 2016.

Vísað til umhverfis- og skipulagsráðs.
22.16 Skólavörðustígur 25, Rishæð
Lagt fram erindi frá afgreiðslufundi byggingarfulltrúa þar sem sótt er um leyfi til að gera rishæð að sjálfstæðri íbúðareiningu, með sér fastanúmeri, með því að gera nýjan stiga upp í ris, breyta kvisti og gera flóttaleið út á þaksvalir, auk minni breytinga samhliða viðhaldi, ásamt ósk um að sameina matshluta 01 og 02 í einn matshluta, í húsi á lóð nr. 25 við Skólavörðustíg.
Lögð er fram umsögn Minjastofunnar Íslands dags. 06.04.2016. Fyrri umsókn BN051229 er dregin til baka. Gjald kr. 10.100


Samþykkt að grenndarkynna framlagða tillögu fyrir hagsmunaaðilum að Skólavörðustíg 22a, 22b, 23, 24, 24a, 26, 27 og Njálsgötu 4, 4a, 4b, 8b og 8c.

Vakin er athygli umsækjanda á að erindið fellur undir gr. 8.1 í Gjaldskrá
vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014.


23.16 Sólvallagata 14, Sameining íbúða - kvistir, anddyri o.fl.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 24. maí 2016 þar sem sótt er um leyfi til að sameina íbúðir hússins, byggja tvo kvisti, nýtt anddyri, útitröppur og svalir á vesturhlið, byggja geymslu á baklóð, breyta innra skipulagi og innrétta einbýlishús á lóð nr. 14 við Sólvallagötu. Tillagan var grenndarkynnt frá 16. júní til og með 14. júlí 2016. Eftirtaldir aðilar sendu athugasemdir: Sigríður Magnúsdóttir, dags. 14. júlí 2016. Einnig er lagður fram tölvupóstur Sigríðar Magnúsdóttur, dags. 25. júlí 2016, þar sem athugasemdir eru dregnar til baka.
Umsögn Minjastofnunar Íslands dags. 2. maí 2016 fylgir erindinu ásamt umsögn Borgarsögusafns Reykjavíkur dags. 19. apríl 2016. Útskrift úr gerðabók embættisafgreiðslufundar skipulagsfulltrúa frá 20. maí 2016 fylgir erindinu ásamt umsögn skipulagsfulltrúa dags. 20. maí 2016. Stækkun: 23,6 ferm., xx rúmm. Gjald kr. 10.100

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
24.16 Suðurgata 4, (fsp) - Bílastæði
Á fundi skipulagsfulltrúa 21. júlí 2016 var lagt fram erindi frá afgreiðslufundi byggingarfulltrúa frá 19. júlí 2016 þar sem spurt er hvort leyfi fáist til að gera 4 bílastæði neðst/austast á lóð með aðkeyrslu frá Suðurgötu, til viðbótar við þau 3 stæði sem fyrir eru efst/vestast með aðkeyrslu frá Túngötu, á lóð nr. 4 við Suðurgötu. Stór tré vestast á lóð verða varðveitt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 28. júlí 2016.

Neikvætt með vísan til umsagnar skipulagsfulltrúa, dags. 28. júlí 2016.
25.16 Tómasarhagi 16, (fsp) breyting á deiliskipulagi
Á fundi skipulagsfulltrúa 21. júlí 2016 var lögð fram fyrirspurn Sigurðar Árna Þórðarsonar, mótt. 10. júní 2016, varðandi breytingu á deiliskipulagi hússins á lóð nr. 16 við Tómasarhaga sem felst m.a. í hækkun á þaki hússins, fjölgun íbúða úr þremur íbúðum í fjórar og hækkun á nýtingarhlutfalli, samkv. uppdr. Tvíhorfs dags. 9. júní 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 28. júlí 2016

Neikvætt með vísan til umsagnar skipulagsfulltrúa, dags. 28. júlí 2016.
26.16 94">Barmahlíð 30, (fsp) skipting eignar
Á fundi skipulagsfulltrúa 21. júlí 2016 var lögð fram fyrirspurn Langhlaups ehf., mótt. 12. maí 2016, varðandi skiptingu eignar að Barmahlíð 30 í 2 íbúðir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 25. júlí 2016.

Neikvætt með vísan til umsagnar skipulagsfulltrúa, dags. 25. júlí 2016.
27.16 Bláskógar 11, (fsp) fjölgun bílastæða
Á fundi skipulagsfulltrúa 24. júní 2016 var lögð fram fyrirspurn Tómasar Hafliðasonar, mótt. 18. júní 2016, varðandi fjölgun bílastæða á lóð nr. 11 við Bláskóga. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 26. júlí 2016.

Neikvætt með vísan til umsagnar skipulagsfulltrúa, dags. 26. júlí 2016.
28.16 Laufásvegur 10, (fsp) breyting á húsi
Lögð fram fyrirspurn Ólafs Gunnars Jónssonar, mótt. 27. júní 2016, framsent frá byggingarfulltrúa 6. júlí 2016, varðandi breytingu á húsinu að Laufásvegi 10. Í breytingunni felst m.a. að svalir séu settar á vesturhlið íbúðar 401, vesturgluggi stækkaður og breytt í útgang.

Vísað til umsagnar verkefnisstjóra.
29.16 Þórsgata 10, (fsp) gististaður í flokki III eða IV
Lögð fram fyrirspurn RR hótels ehf., mótt. 26. júlí 2016, um rekstur gististaðar í flokki III eða IV í húsinu á lóð nr. 10 við Þórsgötu.

Vísað til umsagnar verkefnisstjóra.
30.16 Mosfellsbær, aðalskipulag, tillaga að breytingu á aðalskipulagi, Langihryggur
Lagður fram tölvupóstur skipulagsfulltrúa Mosfellsbæjar, dags. 13. júní 2016, þar sem tillaga að breytingu á aðalskipulagi Mosfellsbæjar, Langihryggur, breyting á landnotkun, dags. 26. maí 2016, er vísað til kynningar og umsagnar Reykjavíkurborgar. Einnig er lögð fram umhverfisskýrsla Mosfellsbæjar, dags. í júní 2016. Jafnframt er lögð fram umsögn umhverfis- og skipulagssviðs, deildarstjóra aðal- og svæðisskipulags, dags. 7. júlí 2016.

Umsögn umhverfis- og skipulagssviðs, deildarstjóra aðal- og svæðisskipulags, dags. 7. júlí 2016, samþykkt.