Grettisgata 9, Norðlingabraut 8, Garðastræti 13A, Háaleitisbraut 1, Laugavegur 32B, Nönnubrunnur 2-8, Silungakvísl 21, Sílakvísl 15-27, Vogasel 3, Norðurbrún 2, Skipholt 1, Sogavegur 3, Stangarholt 3-11, Úlfarsbraut 114, Efstaleiti 1, Urðarbrunnur 23-31, 50-56, 84-92, 102-104, 106-108, 110-112 og 114-116, Gufunes, skemmtigarður, Kjalarnes, Þverárkot, Úlfarsfell, Víðidalur, Fákur, Laugavegur 18B, Flókagata 61, Laufásvegur 70, Laugavegur 28, Tryggvagata 16, Nýr Landspítali við Hringbraut, Óðinsgata 8B, Þingholtsstræti 25,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

562. fundur 2015

Ár 2015, föstudaginn 13. nóvember kl. 12:45, hélt skipulagsfulltrúi Reykjavíkur 562. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Helena Stefánsdóttir. Eftirtaldir embættismenn kynntu mál á fundinum: Hildur Gunnarsdóttir, Guðlaug Erna Jónsdóttir, Lilja Grétarsdóttir, Borghildur S. Sturludóttir, Björn Ingi Edvardsson, Jón Kjartan Ágústsson, Margrét Þormar, Halldóra Hrólfsdóttir. Ritari var Erna Hrönn Geirsdóttir.
Þetta gerðist:


1.15 Grettisgata 9, Breyting inni - hótel
Lagt fram erindi frá afgreiðslufundi byggingarfulltrúa frá 10. nóvember 2015 þar sem sótt er um leyfi til að innrétta sex íbúðir og fjögur herbergi fyrir xxx gesti sem stækkun á Hótel Frón, sjá erindi BN048039 í íbúðar- og atvinnuhúsi á lóð nr. 9 við Grettisgötu.
Gjald kr. 9.823

Vísað til umsagnar verkefnisstjóra.

2.15 Norðlingabraut 8, Skrifstofu- og verslunarhús
Lagt fram erindi frá afgreiðslufundi byggingarfulltrúa frá 10. nóvember 2015 þar sem sótt er um leyfi til að byggja verslunar -, skrifstofu- og lagerhús á tveimur hæðum að hluta staðsteypt og að hluta úr stálgrindarvirki á lóð nr. 8 við Norðlingabraut.
Orkurammi dags. 1. nóvember 2015 fylgir erindi. Stærð: 2.737,2 ferm., 15.757,8 rúmm. Gjald kr. 9.823

Vísað til umsagnar verkefnisstjóra.

3.15 Garðastræti 13A, (fsp) endurnýjun og hækkun á þaki
Á fundi skipulagsfulltrúa 6. nóvember 2015 var lögð fram fyrirspurn Juan Camilo Roman Estrada, mótt. 16. október 2015, um að endurnýja og hækka þak hússins á lóð nr. 13A við Garðastræti og setja nýjan glugga á suðurhlið., samkvæmt tillögu Shruthi Basappa arkitekts, dags. 15. október 2015. Fyrirspurninni var vísað til meðferðar hjá verkefnisstjóra og er nú lagt fram að nýju.

Kynna formanni umhverfis- og skipulagsráðs.

4.15 Háaleitisbraut 1, (fsp) uppbygging á lóð
Á fundi skipulagsfulltrúa 30. október 2015 var lögð fram fyrirspurn THG arkitekta ehf., mótt. 15. október 2015, um að byggja fjölbýlis- og skrifstofuhúsnæði á lóð nr. 1 við Háaleitisbraut og sameina inn- og útkeyrslu lóðarinnar við inn- og útkeyrslu lóðar Orkuveitu Reykjavíkur og gera nýja inn- og útkeyrslu frá Háaleitisbraut. Einnig er lögð fram frumtillaga THG arkitekta ehf., dags. 14. nóvember 2015 að uppbyggingu. Fyrirspurninni var vísað til meðferðar hjá verkefnisstjóra og er nú lögð fram að nýju.
Kynna formanni umhverfis- og skipulagsráðs.

5.15 Laugavegur 32B, (fsp) breyting á deiliskipulagi
Lögð fram fyrirspurn Lantan ehf. mótt. 28. október 2015 varðandi breytingar á deiliskipulagi að Laugavegi 32b sem felst í breytingu á byggingarmagni, nýtingarhlutfalli og tengingu milli Laugavegs 32b, Laugavegs 34a og 34b, samkvæmt tillögu Arkþings dags. í október 2015. Einnig er lagt fram bréf dags. 28. október 2015.

Kynna formanni umhverfis- og skipulagsráðs.

6.15 Nönnubrunnur 2-8, (fsp) fjölgun íbúða
Lögð fram fyrirspurn SBH ehf., mótt. 5. nóvember 2015, varðandi fjölgun íbúða á lóð nr. 2-8 við Nönnubrunn úr 4 í 8.

Vísað til umsagnar verkefnisstjóra.

7.15 Silungakvísl 21, Reyndarteikningar
Lagt fram erindi frá afgreiðslufundi byggingarfulltrúa frá 10. nóvember 2015 þar sem sótt er um samþykki á reyndarteikningum sem sýna sólpall og tröppur fyrir íbúð 0101 og svalir og hringstiga af þeim fyrir íbúð 0201 á tvíbýlishúsi á lóð nr. 21 við Silungakvísl.
Meðfylgjandi er samþykki eigenda.
Gjald kr. 9.823

Vísað til umsagnar verkefnisstjóra.

8.15 Sílakvísl 15-27, (fsp) stækkun á svölum
Á fundi skipulagsfulltrúa 30. október 2015 var lögð fram fyrirspurn Dóru I. Magnúsdóttur, mótt. 15. október 2015, um að dýpka svalir á vesturhlið fjölbýlishússins á lóð nr. 15-27 við Silakvísl um 60 cm. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 30. október 2015.

Neikvætt, með vísan til umsagnar skipulagsfulltrúa dags. 30. október 2015.

9.15 Vogasel 3, (fsp) - Breikka kant við innkeyrslu
Lagt fram erindi frá afgreiðslufundi byggingarfulltrúa frá 10. nóvember 2015 þar sem spurt er hvort breyta megi gangstétt og breikka þar með innkeyrslu inn á bílastæði við hús á lóð nr. 3 við Vogasel.
Meðfylgjandi er bréf umsækjanda dags. 26. ágúst 2015, umsögn skrifstofu framkvæmda og viðhalds dags. 21. október 2015 og samgöngudeildar dags. 4. nóvember 2015.

Vísað til umsagnar verkefnisstjóra.

10.15 Norðurbrún 2, (fsp) ofanábygging
Lögð fram fyrirspurn Kjartans Hafsteins Rafnssonar, mótt. 5. nóvember 2015, um að byggja tvær hæðir ofan á núverandi byggingu þar sem efsta hæðin verður að hluta til inndreginn frá norðaustri. Í byggingunni verða litlar íbúðir og atvinnuhúsnæði á fyrstu hæð og íbúðir á 2. og 3. hæð, samkvæmt uppdr. K.J. hönnunar ehf. dags. 26. október 2015. Einnig er lagt fram skuggavarp K.J. hönnunar ehf., dags. 3. nóvember 2015 og umboð Þóroddar Stefánssonar, dags. 5. nóvember 2015.

Vísað til umsagnar verkefnisstjóra.

11.15 Skipholt 1, (fsp) hótel, endurbygging og hækkun húss
Lögð fram fyrirspurn Arkís arkitekta ehf. mótt. 29. september 2015, varðandi endurbyggingu og hækkun hússins á lóð nr. 1 við Skipholt og nýta húsið undir hótel. Einnig er lagt fram bréf Arkís arkitekta ehf., dags. 21. september 2015. Jafnframt er lögð fram umsögn skipulagsfulltrúa, dags. 11. nóvember 2015.

Umsögn skipulagsfulltrúa samþykkt, dags. 11. nóvember 2015, sbr. skilyrði og leiðbeiningar sem fram koma í umsögninni.

12.15 Sogavegur 3, Byggja yfir port
Lagt fram erindi frá afgreiðslufundi byggingarfulltrúa frá 10. nóvember 2015 þar sem sótt er um leyfi til að stækka hús með því að byggja yfir port á lóð nr. 3 við Sogaveg.
Stækkun: XX ferm. , XX rúmm. Gjald kr. 9.823

Vísað til umsagnar verkefnisstjóra.

13.15 Stangarholt 3-11, deiliskipulag
Að lokinni auglýsingu er lögð fram að nýju tillaga umhverfis- og skipulagssviðs að deiliskipulagi lóðarinnar nr. 3-11 við Stangarholt. Í skipulagstillögunni felst skipting lóðar, gera byggingarreit fyrir færanlega skólastofu vestan megin leikskólans o.fl., samkvæmt uppdr. umhverfis- og skipulagssviðs dags. 15. júlí 2015. Einnig er lagt fram samþykki meðlóðarhafa að Stangarholti 3-11, mótt. 18. maí og 9. og 17. júlí 2015. Tillagan var auglýst frá 30. september til og með 11. nóvember 2015. Eftirtaldir aðilar sendu athugasemdir: Ragnhildur S. Birgisdóttir, dags. 11. nóvember 2015.
Vísað til umsagnar verkefnisstjóra.

14.15 Úlfarsbraut 114, (fsp) fjölgun íbúða
Á fundi skipulagsfulltrúa 6. nóvember 2015 var lögð fram fyrirspurn Jóns Hrafns Hlöðverssonar, mótt. 29. október 2015, varðandi fjölgun íbúða í húsinu á lóð nr. 114 við Úlfarsbraut út 9 í 11 og auka fjölbreytni íbúðagerða. Einnig er lagt fram bréf Jóns Hrafns Hlöðverssonar f.h. lóðarhafa, dags. 28. október 2015. Fyrirspurninni var vísað til meðferðar hjá verkefnisstjóra og er nú lögð fram að nýju. Einnig er lagður fram tölvupóstur skipulagsfulltrúa til umsækjanda þar sem óskað er eftir frekari upplýsingum um erindið.

Frestað. Umsækjandi hafi samband við embætti skipulagsfulltrúa.

15.15 Efstaleiti 1, Setja upp fjarskiptaskerma
Lagt fram erindi frá afgreiðslufundi byggingarfulltrúa frá 10. nóvember 2015 þar sem sótt er um leyfi til að setja upp tvo fjarskiptaskerma, 8 metra í þvermál á steypta þakplötu 1. hæðar á austurhlið á húsinu á lóð nr. 1 við Efstaleiti.
Umsókn frá hönnuði í tölvupósti um að láta grenndarkynna erindið dags. 4. nóv. 2015 fylgir. Útskrift úr gerðabók embættisafgreiðslufundar skipulagsfulltrúa frá 23. október 2015 og umsögn skipulagsfulltrúa dags. 23. október 2015. Gjald kr. 9.823

Samþykkt að grenndarkynna framlagða tillögu fyrir hagsmunaaðilum að Efstaleiti 3, 5, 7 og 9, Stóragerði 42 og Viðjugerði 2, 4, 6, 8, 10 og 12.

Byggingarleyfisumsókn verður grenndarkynnt þegar umsækjandi hefur greitt fyrir grenndarkynningu sbr. 8.1. gr., sjá Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2015.


16.15 Urðarbrunnur 23-31, 50-56, 84-92, 102-104, 106-108, 110-112 og 114-116, (fsp) fjölgun íbúða
Lögð fram fyrirspurn SMG ehf., mótt. 4. október 2015, varðandi fjölgun íbúða á lóðunum nr. 23-31, 50-56, 84-92, 102-104, 106-108, 110-112 og 114-116 við Urðarbrunn. Einnig er lagt fram bréf Gísla Gunnarssonar f.h. SMG ehf., dags. 1. nóvember 2015 og greinargerð Ónyx ehf., dags. 29. október 2015.

Vísað til meðferðar hjá verkefnisstjóra.

17.15 Gufunes, skemmtigarður, (fsp) aðgreining lóðar
Lögð fram fyrirspurn Eyþórs Guðjónssonar, mótt. 2. nóvember 2015, um að aðgreina lóð umhverfis afgreiðslu- og veitingahús á bráðabirgðarbyggingarreit á lóð Skemmtigarðsins í Gufunesi. Einnig er lagt fram umboð Eyþórs Guðjónssonar f.h. Skemmtigarðsins, dags. 2. nóvember 2015.

Vísað til umsagnar verkefnisstjóra.

18.15 Kjalarnes, Þverárkot, bærinn verði skráður sem lögbýli
Lögð fram ósk Sveins Sigurjónssonar um umsögn, mótt. 3. nóvember 2015, um að bærinn Þverárkot verði skráður sem lögbýli að nýju. Einnig er lagt fram bréf Guðmundar Sigurðssonar framkvæmdarstjóra Búnaðarsamtaka Vesturlands, dags. 14. september 2015 og bréf Sveins Sigurjónssonar dags. 31. ágúst 2015.

Vísað til umsagnar verkefnisstjóra.

19.15 Úlfarsfell, (fsp) framkvæmdaleyfi
Á fundi skipulagsfulltrúa 30. október 2015 var lögð fram fyrirspurn skrifstofu framkvæmda og viðhalds, mótt. 22. október 2015, varðandi lagningu bráðabirgðarvegar að græna treflinum við Úlfarsfell og losun moldar. Fyrirspurninni var vísað til meðferðar verkefnisstjóra og er nú lögð fram að nýju ásamt umsögn skipulagsfulltrúa, dags. 13. nóvember 2015.

Neikvætt, með vísan til umsagnar skipulagsfulltrúa dags. 13. november 2015.

20.15 Víðidalur, Fákur, (fsp) reið- og hesthús
Lögð fram fyrirspurn Hestamannafélagsins Fáks, mótt. 27. október 2015, varðandi byggingu reiðhúss að Faxabóli í Víðidal og reið- og hesthúss að A-tröð í Víðidal.

Vísað til meðferðar hjá verkefnisstjóra.

21.15 Laugavegur 18B, (fsp) veitingarými og verslun
Lögð fram fyrirspurn Around Iceland ehf., mótt. 10. nóvember 2015, varðandi veitingarými og verslun á jarðhæð hússins á lóð nr. 18B við Laugaveg, samkvæmt tillögu Haf studio, dags. 2. nóvember 2015.

Vísað til umhverfis- og skipulagsráðs.

22.15 Flókagata 61, (fsp) bílskúr
Lögð fram fyrirspurn Stefáns Á. Þorgeirssonar og Tristans E. Gribbin, mótt. 27. október 2015, varðandi byggingu bílskúrs á lóð nr. 61 við Flókagötu og nýta hann sem auka rými/heimilis skrifstofu.

Vísað til umsagnar verkefnisstjóra.

23.15 Laufásvegur 70, breyting á deiliskipulagi
Að lokinni grenndarkynningu er lögð er fram að nýju tillaga umhverfis- og skipulagssviðs, skipulagsfulltrúa, dags. 9. september 2015 að breytingu á deiliskipulagi reits 1.197.2-3, Smáragötureits, vegna Laufásvegs 70. Í breytingunni felst að breyta byggingarreit vegna tveggja steinsteyptra palla. Við breytinguna fellur eldri byggingarreitur niður. Tillagan var grenndarkynnt frá 24. september til og með 22. október 2015. Eftirtaldir aðilar sendu athugasemdir: Stefán E. Matthíasson og Ásdís Ólöf Gestsdóttir, dags. 13. október 2015 og Ingibjörg Þorsteinsdóttir og Hans Jakob Beck, dags. 19. október 2015. Erindinu var vísað til umsagnar verkefnisstjóra á fundi skipulagsfulltrúa 30. október 2015 og er nú lagt fram að nýju.

Vísað til umhverfis- og skipulagsráðs.

24.15 8">Laugavegur 28, Hótel - breyting inni
Lagt fram erindi frá afgreiðslufundi byggingarfulltrúa frá 10. nóvember 2015 þar sem sótt er um leyfi til að byggja viðbyggingu úr gleri á baklóð, endurgera þak og byggja kvist á suðurhlið, koma fyrir heitum pottum á svölum, koma fyrir lyftu og innrétta hótel með 20 herbergjum fyrir 40 gesti í húsi á lóð nr. 28 við Laugaveg.
Stækkun: xx ferm., xx rúmm.
Gjald kr. 9.823

Vísað til umsagnar verkefnisstjóra.

25.15 Tryggvagata 16, breyting á deiliskipulagi
Lögð fram umsókn Michaels Blikdals Erichsen, mótt. 27. október 2015, varðandi breytingu á deiliskipulagi Naustareits vegna lóðarinnar nr. 16 við Tryggvagötu. Í breytingunni felst hækkun á nýtingarhlutfalli, breyta þaki þannig að koma megi fyrir þaksvölum sem tengja má við stigagang og breyting á kvistum. Einnig verður lóðin skilgreind sem atvinnu- og íbúðalóð, samkvæmt uppdr. Urban arkitekta ehf., dags. 24. október 2015.

Vísað til umsagnar verkefnisstjóra.

Vakin er athygli á að erindið fellur undir Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 1111/2014 vegna kostnaðar við skipulagsvinnu o.fl.


26.15 Nýr Landspítali við Hringbraut, framkvæmdaleyfi
Á fundi skipulagsfulltrúa 23. október 2015 var lögð fram umsókn Nýs Landspítala ohf. mótt. 13. október 2015 um framkvæmdaleyfi vegna gerð malbikaðra bráðabirgðabílastæða á lóð Landspítalans við Hringbraut sunnan við núverandi aðalbyggingu, samkvæmt teikningum Spital ehf. dags. október 2015. Einnig er lögð fram verklýsing Spital ehf. dags. október 2015.

Samþykkt. Vísað til skrifstofu sviðsstjóra.

Vakin er athygli á að erindið fellur undir Gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 111/2014 vegna kostnaðar við skipulagsvinnu ofl.


27.15 Óðinsgata 8B, Verslun - kjallara
Á fundi skipulagsfulltrúa 6. nóvember 2015 var lagt fram erindi frá afgreiðslufundi byggingarfulltrúa frá 3. nóvember 2015 þar sem sótt er um leyfi til að breyta íbúðarhúsnæði í smávöruverslun með matvæli, sbr. fyrirspurn BN049818 (jákv.) í kjallara húss á lóð nr. 8b við Óðinsgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 12. nóvember 2015.
Meðfylgjandi er bréf væntanlegs rekstraraðila í kjallara dags. 27.10. 2015. Gjald kr. 9.823

Jákvætt með vísan til umsagnar skipulagsfulltrúa, dags. 12. nóvember 2015.

28.15 Þingholtsstræti 25, (fsp) skipting lóðar o.fl.
Lögð fram fyrirspurn skrifstofu eigna og atvinnuþróunar, mótt. 4. september 2015, um að skipta lóðinni nr. 25 við Þingholtsstræti í þrjár lóðir, byggja íbúðarhús á lóðunum tveimur sem bætast við og breyta notkun núverandi húss úr gistiheimili í sambýlishús með fjórum íbúðum,samkvæmt tillögu, dags. 2. september 2015. Einnig er lögð fram umsögn Minjastofnunar Íslands, dags. 27. september 2015 og bréf Glámu/Kím ehf. dags. 2. september 2015. Einnig er lögð fram umsögn skipulagsfulltrúa dags. 13. nóvember 2015.

Leiðrétt bókun frá 6. nóvember 2015. Rétt bókun er : Vísað til meðferðar hjá verkefnisstjóra.

Umsögn skipulagsfulltrúa samþykkt, dags. 13. nóvember 2015.