Sóltún 6, Grettisgata 20A og 20B, Laugavegur 84, Barónsstígur 25, Vitastígur 13, Grettisgata 13, Þönglabakki 6, Teigahverfi norðan Sundlaugavegar, Stakkholt 4b, Sörlaskjól 80, Langagerði 20, Laugavegur 59, Skólavörðustígur 24, Grettisgata 36, Skildinganes 2, Suðurgata 12, Hringbraut 121, Suðurlandsbraut 8, Skeifan 11, Gerðarbrunnur 12-14, Þórsgata 27, Tjarnargata 28, Lokastígur 18, Úlfarsfell, Suður Mjódd, Stórhöfði, Kjalarnes, Melavellir, Kjalarnes, Sætún, Flugvallarvegur 3-3A, Keiluhöll, Kjalarnes, Esjumelar, Keilugrandi /Boðagrandi, Austurbakki 2, reitur 1 og 2, Bykoreitur, Nýlendugata 29,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

551. fundur 2015
Ár 2015, föstudaginn 21. ágúst kl. 09:07, hélt skipulagsfulltrúi Reykjavíkur 551. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Halldóra Hrólfsdóttir, Margrét Þormar, Lilja Grétarsdóttir, Valný Aðalsteinsdóttir, Björn Ingi Edvardsson, Borghildur S. Sturludóttir og Hildur Gunnarsdóttir. Ritari var Erna Hrönn Geirsdóttir.
Þetta gerðist:

1.15 Sóltún 6, Leikskóli- og grunnskóli
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um um leyfi til að byggja Waldorf leik- og grunnskólann Sólstafi úr steinsteypu á einni hæð með timburþaki á lóð nr. 6 við Sóltún.
Stærðir:
Núverandi færanlegar kennslustofur brúttó, 378 ferm., 1.190,9 rúmm.
Nýbygging brúttó, 333,3 ferm., 1.306,7 rúmm.
Samtals á lóð: 711,3 ferm., 2.497,6 rúmm.
Lóð 11.235 ferm., nhl. 0,06
Gjald kr. 9.823

Ekki er gerð athugasemd við erindið. Samræmist deiliskipulagi.
2.15 Grettisgata 20A og 20B, (fsp) breyting á kvistum
Lögð fram fyrirspurn Móóm ehf., dags. 12. ágúst 2015 um breytingu á kvistum að Grettisgötu 20A og 20B skv. skissu. Einnig lögð fram umsögn skipulagsfulltrúa dags. 20. ágúst 2015.

Neikvætt, sbr. umsögn skipulagsfulltrúa dags. 20. ágúst 2015.
3.15 Laugavegur 84, Veitingahús fl.2
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um leyfi til að innrétta veitingahús í flokki II fyrir gesti á 1. hæð íbúðar- og atvinnuhúss á lóð nr. 84 við Laugaveg. Einnig er lögð fram umsögn skipulagsfulltrúa dags. 19. ágúst 2015.

Erindi fylgir leigusamningur dags. 6. desember 2014, óundirritaður.
Gjald kr. 9.823

Jákvætt með þeim skilyrðum sem koma fram í umsögn skipulagsfulltrúa, dags. 19. ágúst 2015.
4.15 Barónsstígur 25, (fsp) svalir
Lögð fram fyrirspurn Guðríðar Hjaltadóttur, dags. 24. júlí 2015 um hvort byggja megi svalir á 1. og 2. hæð húss á lóð nr. 25 við Barónsstíg. Einnig er lögð fram umsögn skipulagsfulltrúa dags. 20. ágúst 2015.

Ekki er gerð athugasemd við erindið, sbr. umsögn skipulagsfulltrúa dags. 20. ágúst 2015.
5.15 Vitastígur 13, (fsp) stækkun
Lögð fram fyrirspurn Hornsteina arkitekta, dags. 7. ágúst 2015 um stækkun byggingarinnar að Vitastíg 13 skv. uppdráttum, dags. 30. maí 2015. Einnig lögð fram greinargerð hönnuðar, dags. 5.ágúst 2015. Einnig lögð fram umsögn skipulagsfulltrúa dags. 19. ágúst 2015.

Neikvætt með vísan til umsagnar skipulagsfulltrúa, dags. 19. ágúst 2015.
6.15 Grettisgata 13, (fsp) svalir
Lögð fram fyrirspurn Brynju Daggar Friðriksdóttur, dags. 30. júlí 2015 um hvort byggja megi svalir á vesturvegg húss á lóð nr. 13 við Grettisgötu. Einnig er lögð fram umsögn skipulagsfulltrúa dags. 20. ágúst 2015.

Neikvætt með vísan til umsagnar skipulagsfulltrúa, dags. 20. ágúst 2015.
7.15 Þönglabakki 6, rekstrarleyfi
Lagt fram erindi frá skrifstofu borgarstjórnar dags. 12. ágúst 2015 þar sem óskað er eftir umsögn umhverfis- og skipulagssviðs um breytingu á rekstrarleyfi veitingastaðarins Thai Select að Þönglabakka 6. Farið er fram á leyfi úr flokki II í flokk III með veitingatíma til kl. 01:00 alla virka daga og kl. 03:00 aðfaranótt laugardags, sunnudags eða almenns frídags. Einnig er lögð fram umsögn skipulagsfulltrúa dags. 19. ágúst 2015.

Jákvætt með þeim skilyrðum sem koma fram í umsögn skipulagsfulltrúa, dags. 19. ágúst 2015.
8.15 Teigahverfi norðan Sundlaugavegar, óveruleg breyting á deiliskipulagi
Að lokinni grenndarkynningu er lögð fram að nýju umsókn umhverfis- og skipulagssviðs, skrifstofu umhverfisgæða, dags. 12. júní 2015 varðandi óverulega breytingu á deiliskipulagi Teigahverfis - norðan Sundlaugavegar: Laugalækur/Hrísateigur. Í breytingunni felst að afmarkaður er byggingarreitur fyrir grenndargáma, samkvæmt uppdr. umhverfis- og skipulagssviðs dags. 9. júní 2015. Tillagan var grenndarkynnt frá 18. júní til og með 16. júlí 2015. Eftirtaldir aðilar sendu athugasemdir: Reitir I og Reitir II dags. 15. júlí 2015 sem dregin er til baka þann 11. ágúst 2015. Erindinu var vísað til umsagnar verkefnisstjóra af fundi skipulagsfulltrúa 31. júlí 2015 og er nú lagt fram að nýju.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
9.15 Stakkholt 4b, (fsp) starfsemisleyfi
Lögð fram fyrirspurn Maríu Níelsdóttur dags. 11. ágúst 2015 varðandi hvers konar starfsemi sé leyfileg á jarðhæð að Stakkholt 4b. Einngi lögð fram umsögn skipulagsfulltrúa dags. 19. ágúst 2015.

Umsögn skipulagsfulltrúa samþykkt, dags. 19.ágúst 2015.
10.15 Sörlaskjól 80, (fsp) stækkun á bílskúr
Lögð fram fyrirspurn Ingibjargar Þóru Garðarsdóttur, framsend af afgreiðslufundi byggingarfulltrúa þann 18. ágúst 2015, varðandi heimild um stækkun á bílskúr.
Vísað til umsagnar skipulagsfulltrúa.
11.15 Langagerði 20, Viðbygging/sólskáli
Lagt fram erindi frá afgreiðslufundi byggingarfulltrúa 18. ágúst 2015 þar sem sótt er um leyfi til að byggja sólskála með steyptum sökkli við húsið á lóð nr. 20 við Langagerði. Erindi BN048250 er dregið til baka með þessu erindi
Óundirskrifuð umsögn burðarvirkishönnuðar dags. 20. nóvember 2014 fylgja erindi.
Stækkun: 5,18 ferm., 13,6 rúmm.
Gjald kr. 9.823

Vísað til umsagnar skipulagsfulltrúa.
12.15 Laugavegur 59, breyting á deiliskipulagi
Á fundi skipulagsfulltrúa 31. júlí 2015 var lögð fram umsókn Vesturgarðs ehf. dags. 29. júlí 2015 varðandi breytingu á deiliskipulagi reits 1.173.0 vegna lóðar nr. 59 við Laugaveg. Í breytingunni felst að byggja inndregna þakhæð ofan á núverandi hús og breyta 3. og 4. hæð hússins í íbúðir, samkvæmt uppdrætti Trípólí arkitekta dags. 29. júlí 2015.

Vísað til umhverfis- og skipulagsráðs.
13.15 Skólavörðustígur 24, breytingar inni og úti
Lagt fram erindi frá afgreiðslufundi byggingarfulltrúa 18. ágúst 2015 þar sem sótt er um leyfi fyrir ýmsum breytingum, innan húss og utan, m.a. taka upp loft, færa inngang, breyta gluggum og hurðum og koma fyrir þakglugga í einbýlishúsi á lóð nr. 24 við Skólavörðustíg.
Gjald kr. 9.823 Einnig lögð fram umsögn skipulagsfulltrúa dags. 20. ágúst 2015.


Ekki eru gerðar athugasemdir við erindið, sbr. umsögn skipulagsfulltrúa dags. 20. ágúst 2015.
14.15 Grettisgata 36, Breytingar
Lagt fram erindi frá afgreiðslufundi byggingarfulltrúa 18. ágúst 2015 þar sem sótt er um leyfi til að breyta erindi BN046987, þannig að viðbygging breikkar og hækkar og til að byggja svalir á rishæði á einbýlishúsi á lóð nr. 36 við Grettisgötu.
Erindi fylgir umsögn Minjastofnunar Íslands dags. 7. júlí 2015.
Stækkun frá fyrra erindi: 28 ferm., 80,9 rúmm.
Gjald kr. 9.823

Vísað til umsagnar skipulagsfulltrúa.
15.15 Skildinganes 2, Einbýlishús
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um um leyfi til að byggja staðsteypt einbýlishús klætt með lerki á tveimur hæðum með innbyggðan bílageymslu á lóð nr. 2 við Skildinganes. Einnig er lögð fram umsögn skipulagsfulltrúa dags. 20. ágúst 2015.
Stærð hús: 170,3 ferm., 567,1 rúmm.
Gjald kr. 9.823

Umsögn skipulagsfulltrúa dags. 20. ágúst 2015, samþykkt.
16.15 Suðurgata 12, (fsp) gistiheimili
Lögð fram fyrirspurn Gunnars Arnar Hjartarsonar dags. 13. ágúst 2015 varðandi leyfi til að breyta húsinu að Suðurgötu 12 í gistiheimili. Einnig er lögð fram umsögn skipulagsfulltrúa dags. 20. ágúst 2015.

Neikvætt, með vísan til umsagnar skipulagsfulltrúa dags. 20. ágúst 2015.
17.15 Hringbraut 121, (fsp) opnunartími veitingastaðar
Lögð fram fyrirspurn Árnýjar Þórarinsdóttur dags. 12. ágúst 2015 varðandi lengri opnunartíma fyrir veitingastað á jarðhæð hússins að Hringbraut 121.
Vísað til umsagnar verkefnastjóra.
18.15 Suðurlandsbraut 8, (fsp) færsla á spennistöð OR
Lögð fram fyrirspurn Arkís, dags. 13. ágúst 2015 um mögulega færslu á spennistöð á lóð nr. 8 við Suðurlandsbraut. Fyrirspurnin er borin fram í samvinnu við Orkuveitu Reykjavíkur og Eik ehf.Einnig lögð fram umsögn skipulagsfulltrúa dags. 21. ágúst 2015.

Umsögn skipulagsfulltrúa samþykkt, dags. 21. ágúst 2015.
19.15 Skeifan 11, breyting á deiliskipulagi
Á fundi skipulagsfulltrúa 10. apríl 2015 var lögð fram umsókn LX fasteigna ehf. dags. 9. apríl 2015 varðandi breytingu á deiliskipulagi Skeifunnar vegna lóarinnar nr. 11 við Skeifuna. Í breytingunni felst aukning á byggingarmagni, fjölgun bílastæða o.fl., samkvæmt uppdrætti Trípólí dags. 9. apríl 2015. Umsókninni var vísað til meðferðar hjá verkefnisstjóra og er nú lögð fram að nýju ásamt bréfi Hróbjarts Jónatanssonar hrl. f.h. eigenda Skeifunnar 11 dags. 2. júní 2015, umboði Investo ehf. dags. 31. maí 2015, umboði Reita VII ehf. dags. 31. maí 2015, umboði Eikar Fasteignafélags hf. dags. 31. maí 2015, umboði Reita I ehf. dags. 31. maí 2015. Lögð fram umsögn skrifstofu eigna og atvinnuþróunar, dags. 18. ágúst 2015. Einnig lögð fram umsögn skipulagsfulltrúa dags. 21. ágúst 2015.

Neikvætt með vísan til umsagnar skipulagsfulltrúa dags. 21. ágúst 2015.
20.15 Gerðarbrunnur 12-14, (fsp) breyting á deiliskipulagi
Lögð fram fyrirspurn GP arkitekta dags. 11. ágúst 2015 um breytingu á deiliskipulagi Úlfarsárdals vegna Gerðarbrunns 12. Í breytingunni felst að parhúsi verði breytt í fjórbýlishús. Einnig lögð fram umsögn skipulagsfulltrúa dags. 21. ágúst 2015.

Neikvætt með vísan til umsagnar skipulagsfulltrúa dags. 21. ágúst 2015.
21.15 Þórsgata 27, (fsp) leyfi fyrir tehúsi
Lögð fram fyrirspurn Helgu Guðrúnar Vilmundardóttur dags. 12. ágúst 2015 varðandi leyfi til að breyta notkun einbýlishúss að Þórsgötu 27 til reksturs tehúss. Opnunartími verði frá 09:00 til 18:00 eða 20:00.

Neikvætt, samræmist ekki deiliskipulagi.
22.15 Tjarnargata 28, Kvistur - breyting inni
Lagt fram erindi frá afgreiðslufundi byggingarfulltrúa 18. ágúst 2015 þar sem sótt er um leyfi til að byggja kvist á austurhlið og breyta innra skipulagi efri hæðar einbýlishúss á lóð nr. 28 við Tjarnargötu.
Erindi fylgir umsögn Minjastofnunar Íslands dags, 9. júlí 2015, samþykki lóðarhafa aðliggjandi lóða dags. 8. júlí 2015, samþykki lóðarhafa Tjarnargötu 26 vegna breytinga á lóðamörkum og kaupsamningur dags. 22. maí 2015.
Útskrift úr gerðabók embættisafgreiðslufundar skipulagsfulltrúa frá 7. ágúst 2015 fylgir erindinu ásamt umsögn skipulagsfulltrúa dags. 7. ágúst 2015.
Stækkun: 1,76 ferm., 5,76 rúmm.
Gjald kr. 9.823

Samþykkt að grenndarkynna fyrir hagsmunaaðilum að Tjarnargötu 26 og 30.
23.15 Lokastígur 18, (fsp) - vinnustofa
Á fundi skipulagsfulltrúa 31. júlí 2015 var lögð fram fyrirspurn Vignis Guðjónssonar, dags. 20. júlí 2015 um hvort breyta megi geymsluskúr í vinnustofu og stækka hann á lóð nr. 18 við Lokastíg. Fyrirspurnin er framsend til skipulagsfulltrúa af afgreiðslufundi byggingarfulltrúa 28. júlí sl. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. ágúst 2015.

Umsögn skipulagsfulltrúa dags. 20. ágúst 2015, samþykkt.

24.15 Úlfarsfell, (fsp) fjarskiptamastur
Á fundi skipulagsfulltrúa 18. apríl 2013 var lögð fram fyrirspurn Fjarskipta hf. dags. 17. apríl 2013 varðandi uppsetningu á 40 m. háu fjarskiptamastri á Úlfarsfelli. Fyrirspurninni var vísað til meðferðar hjá verkefnisstjóra og er nú lögð fram að nýju. Einnig er lögð fram umsögn Póst- og fjarskiptastofnunar dags. 19. júní 2013 og tölvupóstur Gauta Þorsteinssonar f.h Fjarskipta hf. og Ríkisútvarpsins dags. 14. ágúst 2015 og 7. nóvember 2014.

Kynna formanni umhverfis- og skipulagsráðs.
25.15 Suður Mjódd, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs varðandi breytingu á deiliskipulagi Suður Mjóddar. Deiliskipulagssvæðið afmarkast af Reykjanesbraut til vesturs, Breiðholtsbraut til norðurs, Skógarseli til austurs og jaðri íbúabyggðar við Þverársel og bæjarmörkum að Kópavogi til suðurs. Í breytingunni felst heildarendurskoðun á eldra deiliskipulagi frá 2008 samkvæmt uppdrætti Teiknistofunnar Storð ehf. dags. 12. mars 2015. Einnig er lögð fram greinargerð ásamt skýringaruppdrætti, dags. 12. mars 2015. Jafnframt er lögð fram umsögn Íþrótta og tómstundaráðs dags. 19. desember 2014 og umsögn Velferðarsviðs dags. 3. febrúar 2015. Tillaga var auglýst frá 29. maí til og með 10. júlí 2015. Eftirtaldir aðilar sendu athugasemdir: Ólafur Gylfason f.h. rúmlega 300 aðila á undirskriftalista dags. 7. júní 2015, Erlendur Ísfeld dags. 10. júní 2015, Matthías Matthíasson dags. 11. júní 2015, Húsfélagið Árskógum 6 og 8, 98 undirskriftir dags. 8. júlí 2015, Pétur Valdimarsson dags. 9. júlí 2015 og íþróttafélagið Askur dags. 7. júlí 2015.

Vísað til umhverfis- og skipulagsráðs.
26.15 Stórhöfði, framkvæmdaleyfi
Á fundi skipulagsfulltrúa 10. júlí 2015 var lögð fram umsókn um framkvæmdaleyfi fyrir nýjum vegum og enduruppbyggingu vega og stíga á Stórhöfða og Viðarhöfða. Framkvæmdir verða við gatnamót Stórhöfða og Viðarhöfða ásamt gönguleið norðan Stórhöfða og heimreið að Stórhöfða 45. Stórhöfði er breikkaður við gatnamót og m.a. komið fyrir miðeyjum og gönguleið norðan Stórhöfða framlengt að Stórhöfða 45. Erindinu var frestað og er nú lagt fram að nýju ásamt umsögn skipulagsfulltrúa dags. 21. ágúst 2015.

Framkvæmdaleyfi samþykkt með vísan í umsögn skipulagsfulltrúa dags. 21. ágúst 2015.
27.15 Kjalarnes, Melavellir, breyting á deiliskipulagi
Að lokinni auglýsingu er lögð fram að nýju umsókn Matfugls ehf. dags. 27. mars 2015 varðandi breytingu á deiliskipulagi jarðarinnar Melavellir á Kjalarnesi. Í breytingunni felst að gerður er nýr byggingarreitur fyrir alifuglahús, samkvæmt uppdr. Arkþings ehf. dags. 4. mars 2015. Einnig er lagt fram bréf Stefáns Geirs Þórissonar hrl. f.h. Matfugls ehf. dags. 16. mars 2015 og umhverfisskýrsla verkfræðistofunnar Eflu dags. 15. apríl 2015. Jafnframt er lögð fram umsögn Heilbrigðiseftirlitsins dags. 2. júní 2015.
Erindi var auglýst frá 30. júní 2015 til og með 12. ágúst 2015.
Eftirtaldir aðilar sendu athugasemdir: Ásthildur Skjaldardóttir g Birgir Aðalsteinsson dags. 10. ágúst 2015, hverfisráð Kjalarness dags. 12. ágúst 2015,

Vísað til umsagnar verkefnastjóra
28.15 Kjalarnes, Sætún, (fsp) sameining lóða o.fl.
Á fundi skipulagsfulltrúa 17. júlí 2015 var lögð fram fyrirspurn Kjalarnes ehf. dags. 26. nóvember 2012 varðandi breytingu á deiliskipulagi landsins Sætún I á Kjalarnesi. Í breytingunni felst sameining lóða, stækkun á byggingarreit o.fl., samkvæmt uppdr. Einars Ingimarssonar ark. dags. 23 júní 2015. Einnig er lagt fram bréf Kristins Gylfa Jónssonar framkvæmdastjóra f.h. Kjalarness ehf. dags. 23. júní 2015 og umsögn Heilbrigðiseftirlitsins dags. 3. júlí 2015. Fyrirspurninni var vísað til umsagnar verkefnisstjóra.
Vísað til umsagnar skrifstofu umhverfisgæða.
29.15 Flugvallarvegur 3-3A, Keiluhöll, (fsp) skipting lóðar
Á fundi skipulagsfulltrúa 17. júlí 2015 var lögð fram fyrirspurn Guðna Pálssonar ark. dags. 7. júlí 2015, varðandi skiptingu lóðarinnar Flugvallarvegur 3 í 2 lóðir skv. skissu. Einnig er lagt fram umboð lóðarhafa dags. 7. júlí 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 21. ágúst 2015.

Neikvætt með vísan í umsögn skipulagsfulltrúa dags. 21. ágúst 2015.
30.15 Kjalarnes, Esjumelar, lýsing
Lögð er fram lýsing dagsett 5. maí 2015 vegna deiliskipulags fyrir Esjumela á Kjalarnesi. Um er að ræða 50 hektara stækkun til austurs á núverandi athafnasvæði Esjumela við Vesturlandsveg, þar sem gert verður ráð fyrir fjölbreyttu framboði athafnalóða af mismunandi stærðum og gerðum. Einnig er lögð fram umsögn Vegagerðarinnar dags. 9. júní 2015, umsögn Heilbrigðiseftirlits Reykjavíkur dags. 19. júní 2015, umsögn skipulagsstofnunar dags. 18. júní 2015, umsögn Minjastofnunar Íslands dags. 19. júní 2015, umsögn hverfisráðs Kjalarness dags. 23. júní 2015, umsögn Orkuveitu Reykjavíkur - Veitna dags. 24. júní 2015, umsögn Veðurstofu Íslands dags. 24. júní 2015, bréf skipulagsnefndar Mosfellsbæjar dags. 25. júni 2015, fundargerð hverfisráðs Kjalarness dags. 11.júní 2015, umsögn Umhverfisstofnunar dags. 25. júní 2015,

Vísað til umhverfis- og skipulagsráðs.
31.15 Keilugrandi /Boðagrandi, breyting á deiliskipulagi
Lögð fram verklýsingu umhverfis- og skipulagssviðs, skipulagsfulltrúa dags. 21. ágúst 2015 vegna breytingu á deiliskipulagi lóðanna nr. 1 við Keilugranda og nr. 2 og 2A við Boðagranda.

Vísað til umhverfis- og skipulagsráðs.
32.15 Austurbakki 2, reitur 1 og 2, breyting á deiliskipulagi
Að lokinni auglýsingu er lögð fram að nýju umsókn Landstólpa þróunarfélags ehf. dags. 2. júní 2015 varðandi breytingu á deiliskipulagi lóðarinnar nr. 2 við Austurbakka. Í breytingunni felst að fella niður eftirfarandi setningu í kafla 6.2, reitur 1 í greinargerð: "Fimmta og sjötta hæð eru inndregnar, sú sjötta meira en fimmta." Í staðinn kemur eftirfarandi setning: "Efsta hæð bygginga verði inndregin í samræmi við deiliskipulagsuppdrátt - sneiðingar", samkvæmt uppdr. Batterísins arkitekta ehf. dags. 5. júní 2015. Auglýsing stóð yfir frá 30. júní 2015 til og með 12. ágúst 2015. Engar athugasemdir bárust.
Vísað til umhverfis- og skipulagsráðs.
33.15 Bykoreitur, (fsp) reitur 1.138, breyting á aðal- og deiliskipulagi
Á fundi skipulagsfulltrúa 31. júlí 2015 var lögð fram fyrirspurn Nitur ehf. dags. 27. júlí 2015 varðandi breytingu á aðal- og deiliskipulagi reits 1.138, Bykoreits, sem felst í fjölgun íbúða á reitnum. Einnig er óskað eftir skilgreiningu á bundnum byggingarlínum við Hringbraut og Sólvallargötu, kröfu um að allar íbúðir skuli vera gegnumgangandi með mótlæga útveggi og hæðarsetningu bygginga miðað við götu, lyftustokka og þakburðavirki, samkvæmt tillögu Plúsarkitekta ehf. dags. júlí 2015. Fyrirspurninni var vísað til umsagnar verkefnisstjóra.
Kynna formanni umhverfis- og skipulagsráðs.
34.15 Nýlendugata 29, (fsp) breyting á deiliskipulagi
Á fundi skipulagsfulltrúa 31. júlí 2015 var lögð fram fyrirspurn Ásdísar Jónsdóttur mótt. 27. júlí 2015 varðandi breytingu á deiliskipulagi Nýlendureits sem felst í breytingu á byggingarreit og skilmálum lóðarinnar nr. 29 við Nýlendugötu til samræmis við upphaflegar byggingarnefndarteikningar, samkvæmt tillögu Plúsarkitekta ehf. dags. júlí 2015. Fyrirspurninni var vísað til umsagnar verkefnisstjóra.

Kynna formanni umhverfis- og skipulagsráðs.