Stóragerði 4-8, Veghúsastígur 7, Hólavað 29-43, Mörkin 1, Klettagarðar 7, Sóltún 6, Sóltún 6, Hólaberg 80, Grettisgata 20A og 20B, Laugavegur 84, Barónsstígur 25, Grettisgata 13, Þönglabakki 6, Austurbakki 2 reitur 5, Klapparstígur 26, Laugavegur 32, Laugavegur 59, Lágholtsvegur 15, Tryggvagata 16, Urðarstígur 5, Þingholtsstræti 16, Þrastargata 1-11 nr.5, Vitastígur 13, Ránargata 9A, Kvistaland 10-16, Sjafnarbrunnur 2, Sjafnargata 3, Skólavörðustígur 21A, Gunnarsbraut 40, Gerðarbrunnur 12-14, Skipasund 18, Framnesvegur 12, Sunnan Fossvogsvegar, vestan Árlands, Úlfarsárdalur, hverfi 4, Úlfarsárdalur, Úlfarsfell, Útilistaverk, Flugvöllur 106748, Hólmsheiði, Eirhöfði 2-4, Háaleitisbraut 58-60, Njörvasund 10, Austurstræti 8-10, Efstasund 47, Laugavegur 18B, Hamrahlíð 29, Síðumúli 10, Næfurás 13-15-17, Bergþórugata 5,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

550. fundur 2015
Ár 2015, föstudaginn 14. ágúst kl. 10:08, hélt skipulagsfulltrúi Reykjavíkur 550. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Jón Kjartan Ágústsson, Halldóra Hrólfsdóttir, Margrét Þormar, Borghildur S. Sturludóttir og Valný Aðalsteinsdóttir Ritari var Erna Hrönn Geirsdóttir.
Þetta gerðist:

1.15 Stóragerði 4-8, (fsp) - auglýsingaskilti
Á fundi skipulagsfulltrúa 10. júlí 2015 var lagt fram erindi sem framsent var af fundi byggingarfulltrúa 30. júní 2015 þar sem spurt er hvort leyfi fengist til mála auglýsingar á hlið bílskúrs sem snýr að Miklubraut og er á lóð nr. 4-8 við Stóragerði. Erindinu var vísað til umsagnar skrifstofu sviðsstjóra og er nú lagt fram að nýju ásamt umsögn skrifstofu skipulagsfulltrúa dags. 14. ágúst 2015.

Neikvætt, með vísan til umsagnar skipulagsfulltrúa dags. 14. ágúst 2015.
2.15 Veghúsastígur 7, Veitingahús/kaffihús fl.2 - bakrými
Lagt fram erindi frá afgreiðslufundi byggingarfulltrúa 28. júlí 2015. Sótt er um leyfi til að innrétta nýjan veitingastað í bakhúsi með aðgengi
frá Veghúsastíg 9 og breyta notkun veitingahússins í flokk II í rými 0105
á lóð nr. 7 við Veghúsastíg. Einnig er lögð fram umsögn skipulagsfulltrúa dags. 14. ágúst 2015.
Samþykki meðlóðarhafa nr. 9 og 9A við Veghúsastíg dags. 14. júlí 2014 fylgir erindinu. Gjald kr. 9.823

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 14. ágúst 2015.
3.15 Hólavað 29-43, breyting á deiliskipulagi
Að lokinni grenndarkynningu er lögð fram að nýju umsókn Barrett Holding ehf. dags. 21. apríl 2015 varðandi breytingu á deiliskipulagi Norðlingaholts vegna lóðarinnar nr. 29-43 við Hólavað. Í breytingunni felst stækkun á byggingarreit og hækkun á nýtingarhlutfalli, samkvæmt uppdr. Teiknistofunnar Arkitektar ehf. dags. 02.júní 2015. Einnig er lagt fram bréf Teiknistofunnar Arkitektar ehf. dags. 21. apríl 2015 og umsögn skipulagsfulltrúa dags. 3. júní 2015. Tillagan var grenndarkynnt frá 11. júní 2015 til og með 9. júlí 2015. Eftirtaldir aðilar sendu athugasemdir: Sigþór Sverrisson dags. 8. júlí 2015.

Vísað til umhverfis-og skipulagsráðs
4.15 Mörkin 1, breyting á deiliskipulagi
Lögð fram umsókn Erlends S. Birgissonar mótt. 24. júní 2015 um breytingu á deiliskipulagi Sogamýrar vegna lóðarinnar nr. 1 við Mörkina. Í breytingunni felst að breikka ramp við norðausturhlið hússins, samkvæmt uppdrætti dags. 9. júní 2015. Einnig er lagt fram bréf Erlends S. Birgissonar dags. 11. júní 2015 og tölvupóstur Kristjáns Thorarensen dags. 24. júlí 2015. EInnig er lögð umsögn skipulagsfulltrúa dags. 14. ágúst 2015.

Neikvætt, með vísan til umsagnar skipulagsfulltrúa dags. 14. ágúst 2015.
5.15 Klettagarðar 7, starfsleyfi fyrir meðhöndlun spilliefna
Á fundi skipulagsfulltrúa 31. júlí 2015 var lagt fram bréf Umhverfisstofnunar dags. 6. júlí 2015 þar sem óskað er eftir umsögn umhverfis- og skipulagssviðs um tillögu að starfsleyfi fyrir Efnarás ehf. fyrir meðhöndlun spilliefna og raf- og rafeindatækjaúrgangs að Klettagörðum 7. Erindinu var vísað til meðferðar hjá verkefnisstjóra og er nú lagt fram að nýju.

Vísað til umsagnar Faxaflóahafna.
Óskað er eftir að umsögn berist innan tveggja vikna.
6.15 Sóltún 6, Leikskóli- og grunnskóli
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um um leyfi til að byggja Waldorf leik- og grunnskólann Sólstafi úr steinsteypu á einni hæð með timburþaki á lóð nr. 6 við Sóltún.
Stærðir:
Núverandi færanlegar kennslustofur brúttó, 378 ferm., 1.190,9 rúmm.
Nýbygging brúttó, 333,3 ferm., 1.306,7 rúmm.
Samtals á lóð: 711,3 ferm., 2.497,6 rúmm.
Lóð 11.235 ferm., nhl. 0,06
Gjald kr. 9.823

Vísað til umsagnar verkefnisstjóra.
7.15 Sóltún 6, Br. á BN049782, flytja til færanlegar kennslustofur
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um aðskilið byggingarleyfi vegna umsóknar BN049782 um tilfærslu á færanlegum kennslustofum innan lóðar vegna fyrirhugaðra framkvæmda nýbyggingar.

Neikvætt. Samræmist ekki deiliskipulagi, færanlegu skólastofurnar þurfa að vera innan byggingareits ef ekki á að breyta deiliskipulagi.
8.15 Hólaberg 80, (fsp) kvistir og gistiíbúðir
Lögð fram fyrirspurn, framsent af afgreiðslufundi byggingarfulltrúa 11. ágúst 2015, þar sem sótt er um um að byggja tvo kvisti og innrétta fjórar gistiíbúðir að Hólabergi 80 samkvæmt meðf. uppdrætti KRark dags. 22. júní 2015..
Neikvætt. Samræmist ekki Aðalsskipulagi Reykjavíkur 2010-2030.
9.15 Grettisgata 20A og 20B, (fsp) breyting á kvistum
Lögð fram fyrirspurn Móóm ehf., dags. 12. ágúst 2015 um breytingu á kvistum að Grettisgötu 20A og 20B skv. skissu.
Vísað til umsagnar verkefnisstjóra.
10.15 Laugavegur 84, Veitingahús fl.2
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um leyfi til að innrétta veitingahús í flokki II fyrir 20 gesti á 1. hæð íbúðar- og atvinnuhúss á lóð nr. 84 við Laugaveg.

Erindi fylgir leigusamningur dags. 6. desember 2014, óundirritaður.
Gjald kr. 9.823

Vísað til umsagnar verkefnisstjóra.
11.15 Barónsstígur 25, (fsp) svalir
Lögð fram fyrirspurn Guðríðar Hjaltadóttur, dags. 24. júlí 2015 um hvort byggja megi svalir á 1. og 2. hæð húss á lóð nr. 25 við Barónsstíg.

Vísað til umsagnar verkefnisstjóra.
12.15 Grettisgata 13, (fsp) svalir
Lögð fram fyrirspurn Brynju Daggar Friðriksdóttur, dags. 30. júlí 2015 um hvort byggja megi svalir á vesturvegg húss á lóð nr. 13 við Grettisgötu.

Vísað til umsagnar verkefnisstjóra.
13.15 Þönglabakki 6, rekstrarleyfi
Lagt fram erindi frá skrifstofu borgarstjórnar dags. 12. ágúst 2015 þar sem óskað er eftir umsögn umhverfis- og skipulagssviðs um breytingu á rekstrarleyfi veitingastaðarins Thai Select að Þönglabakka 6. Farið er fram á leyfi úr flokki II í flokk III með veitingatíma til kl. 01:00 alla virka daga og kl. 03:00 aðfaranótt laugardags, sunnudags eða almenns frídags.

Vísað til umsagnar verkefnisstjóra.
14.15 Austurbakki 2 reitur 5, verslun og þjónusta
Lögð fram fyrirspurn Tark dags. 13. ágúst 2015 þar sem óskað er staðfestingar á hvaða kröfur gilda varðandi verslun og þjónustu á og við reit nr. 5 við Austurbakka 2. Einnig lögð fram umsögn skipulagsfulltrúa dags. 13. ágúst 2015.

Umsögn skipulagsfulltrúa, dags. 13. ágúst 2015 samþykkt.
15.15 Klapparstígur 26, Stækka kjallara
Á fundi skipulagsfulltrúa 31. júlí 2015 var lagt fram erindi frá afgreiðslufundi byggingarfulltrúa 28. júlí 2015. Sótt er um leyfi til að stækka kjallara til vesturs að lóðarmörkum og stækka þannig salinn, komið verður fyrir verönd á þaki kjallaraviðbyggingar og komið er fyrir sorpgeymslu í rými 0104 sem er undirgöng með kvöð um gönguleið í húsinu á lóð nr. 26 við Klapparstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 14. ágúst 2015.
Óundirritað samþykki lóðahafa fyrir breytingu á gönguleiðum í undirgangi Klapparstígs 26 dags. 10. júlí 2015 fylgir. Stækkun húss er: XX ferm., XX rúmm.

Jákvætt með vísan til umsagnar skipulagsfulltrúa dags. 14. ágúst 2015.
16.15 Laugavegur 32, Svalir
Á fundi skipulagsfulltrúa 31. júlí 2015 var lagt fram erindi frá afgreiðslufundi byggingarfulltrúa 28. júlí 2015 til ákvörðunar um grenndarkynningu. Sótt er um leyfi til að setja upp svalir úr stáli og timbri og glugga við svalirnar á húsinu á lóð nr. 32 við Laugaveg. Erindinu var vísað til meðferðar hjá verkefnisstjóra og er nú lagt fram að nýju.
Samþykki meðlóðarhafa ódags. og umsögn Minjastofnun Íslands dags. 8. júlí 2015 fylgir. Jákvæð fyrirspurn dags. 5. maí 2015 fylgir. Gjald kr. 9.823

Samþykkt að grenndarkynna framlagða tillögu fyrir hagsmunaaðilum að Laugavegi 30, 32B og 34.
17.15 Laugavegur 59, breyting á deiliskipulagi
Á fundi skipulagsfulltrúa 31. júlí 2015 var lögð fram umsókn Vesturgarðs ehf. dags. 29. júlí 2015 varðandi breytingu á deiliskipulagi reits 1.173.0 vegna lóðar nr. 59 við Laugaveg. Í breytingunni felst að byggja inndregna þakhæð ofan á núverandi hús og breyta 3. og 4. hæð hússins í íbúðir, samkvæmt uppdrætti Trípólí arkitekta dags. 29. júlí 2015.
Frestað.
Umsækjandi hafi samband við embætti skipulagsfulltrúa.
18.15 Lágholtsvegur 15, breyting á deiliskipulagi
Á fundi skipulagsfulltrúa 3. júlí 2015 var lögð fram tillaga Glámu-Kím dags. 1. júlí 2015 varðandi breytingu á deiliskipulagi Lýsisreits vegna lóðar nr. 15 við Lágholtsveg. Í breytingunni felst m.a. að leiðrétta lóðarstærð. Erindinu var vísað til meðferðar hjá verkefnisstjóra og er nú lagt fram að nýju.

Frestað.
Umsækjandi hafi samband við embætti skipulagsfulltrúa.
19.15 Tryggvagata 16, (fsp) breyting á notkun o.fl.
Á fundi skipulagsfulltrúa 31. júlí 2015 var lögð fram fyrirspurn Michael B. Erichsen mótt. 15. júlí 2015 varðandi breytingu á notkun efstu hæðar hússins á lóð nr. 16 við Tryggvagötu ásamt breytingu á kvistum hússins og þaki þannig að þakið nýtist sem þakgarður fyrir efstu hæðina, samkvæmt teikningum ódags. Fyrirspurninni var vísað til umsagnar verkefnisstjóra og er nú lögð fram að nýju.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við fyrirspurnina, á eigin kostnað. Tillagan verður grenndarkynnt þegar hún berst.
20.15 Urðarstígur 5, (fsp) hækkun húss
Á fundi skipulagsfulltrúa 31. júlí 2015 var lögð fram fyrirspurn Grétars Björns Halldórssonar dags. 16. júlí 2015 varðandi hækkun hússins á lóð nr. 5 við Urðarstíg um eina hæð, samkvæmt uppdráttum Önnu Leoniak ark. dags. 16. júlí 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. ágúst 2015.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 14. ágúst 2015.
Tillagan verður grenndarkynnt ef hún berst.
21.15 Þingholtsstræti 16, Endurbyggja og hækka garðskála
Á fundi skipulagsfulltrúa 17. júlí 2015 var lagt fram erindi af afgreiðslufundi byggingarfulltrúa frá 14. júlí 2015 þar sem sótt er um leyfi til að endurbyggja og hækka lítillega garðskála við einbýlishús á lóð nr. 16 við Þingholtsstræti. Erindinu var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 13. ágúst 2015.
Stækkun 11,4 rúmm. Gjald kr. 9.823

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað, sbr. umsögn skipulagsfulltrúa dags. 13. ágúst 2015. Tillagan verður grenndarkynnt þegar hún berst.
22.15 Þrastargata 1-11 nr.5, (fsp) - 5 - viðbygging
Á fundi skipulagsfulltrúa 31. júlí 2015 var lögð fram fyrirspurn Óskars Þórs Óskarssonar dags. 16. júlí 2015 um viðbyggingu á hús nr. 5 á lóð nr. 1-11 við Þrastargötu. Fyrirspurnin er framsend til skipulagsfulltrúa af afgreiðslufundi byggingarfulltrúa 28. júlí sl. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 13. ágúst 2015.

Neikvætt, með vísan til umsagnar skipulagsfulltrúa dags.13. ágúst 2015.
23.15 Vitastígur 13, (fsp) stækkun
Lögð fram fyrirspurn Hornsteina arkitekta, dags. 7. ágúst 2015 um stækkun byggingarinnar að Vitastíg 13 skv. uppdráttum, dags. 30. maí 2015. Einnig lögð fram greinargerð hönnuðar, dags. 5.ágúst 2015.

Vísað til umsagnar verkefnisstjóra.
24.15 Ránargata 9A, 1.hæð - Íbúð og garðskýli, áður gert
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um samþykki á áður gerðri íbúð á 1. hæð/jarðhæð og til að stækka garðskýli þar sem verða geymslur fyrir íbúðir hússins, einnig að gera nýjan glugga á 1. hæð norðurhliðar á fjölbýlishúsi á lóð nr. 9A við Ránargötu.
Gjald kr. 9.823

Samþykkt að grenndarkynna framlagða tillögu fyrir hagsmunaaðilum að Ránargötu 9 og 11 og Bárugötu 10 og 12.
25.15 Kvistaland 10-16, breyting á deiliskipulagi vegna lóðarinnar nr. 12
Að lokinni grenndarkynningu er lögð fram að nýju umsókn Högna Stefáns Þorgeirssonar dags. 15. maí 2015 varðandi breytingu á deiliskipulagi Fossvogshverfis, svæði 3, vegna lóðarinnar nr. 10-16 við Kvistaland vegna húss nr. 12 . Í breytingunni felst færsla á byggingarreit um tvo metra til norðvesturs, samkvæmt uppdr. Guðjóns Þórs Erlendssonar dags. mars 2015. Einnig er lagt fram samþykki meðlóðarhafa mótt. 25. júní 2015. Tillagan var auglýst frá 9. júlí til og með 6. ágúst 2015. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
26.15 Sjafnarbrunnur 2, (fsp) fjölgun íbúða og bílastæða, hækkun húss o.fl.
Á fundi skipulagsfulltrúa 3. júlí 2015 var lögð fram fyrirspurn Dalhúss ehf. dags. 27. ágúst 2014 um að hækka húsið á lóð nr. 2 við Sjafnarbrunn, fjölga íbúðum og bílastæðum ásamt breytingu á innkeyrslu í bílageymslu. Einnig er lagt fram bréf skipulagsfulltrúa dags. 16. janúar 2015. Einnig er lagt fram bréf frá skrifstofu sviðsstýru dags. 5. júní 2015. Jafnframt er lögð fram tillaga Kristins Ragnarssonar ark. dags. 8. júní 2015 og nýir uppdrættir dags. 10. júní 2015, sem bárust embættinu 22. júní 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. ágúst 2015.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við þau tilmæli sem koma fram í umsögn skipulagsfulltrúa dags. 14. ágúst 2015, á eigin kostnað. Deiliskipulagstillagan verður auglýst ef hún berst.
27.15 Sjafnargata 3, Viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 21. apríl 2015 þar sem sótt er um leyfi til að reisa viðbyggingu norðan megin þannig að bílskúr er rifinn og útbúin er vinnustofa sem verður tengd kjallara hússins á lóð nr. 3 við Sjafnargötu. Einnig er lagður fram tölvupóstur Rögnu Kristjánsdóttur dags. 5. júní 2015 þar sem óskað er eftir framlengingu á athugasemdarfresti vegna yfirstandandi grenndarkynningar. Jafnframt er lagt fram bréf Óskars Jónssonar dags. 10. maí 2015 þar sem tekið er jákvætt í nýjar framkvæmdir. Erindi var grenndarkynnt frá 11. maí til og með 15. júní 2015. Eftirtaldir aðilar sendu athugasemdir: Samtök íbúa við Sjafnargötu og Freyjugötu, samtals 29 aðilar mótt. 15. júní 2015.
Bréf frá hönnuði dags. 24. mars 2015 og umsögn burðarvirkishönnuðar dags. 23. mars 2015 fylgja erindinu. Niðurrif bílskúrs er: 18,2 ferm., 45,5 rúmm. Stærð viðbyggingar er: 54,5 ferm., 179,7 rúmm. Gjald kr. 9.823

Vísað til umhverfis-og skipulagsráðs
28.15 Skólavörðustígur 21A, Stækka veitingastað og gistiheimili
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 12. maí 2015 þar sem sótt er um leyfi til að dýpka kjallara að hluta, stækka svalir á 2. og 3. hæð og gera nýjar svalir í þaki og innrétta veitingahús í flokki II fyrir 90 gesti á 1. og 2. hæð og gistiheimili í flokki II teg. íbúðir fyrir 38 gesti á 2. 3. og 4. hæð í íbúðar- og atvinnuhúsi á lóð nr. 21A við Skólavörðustíg. Erindi var grenndarkynnt frá 22. maí til og með 1. júlí 2015. Eftirtaldir aðilar sendu athugasemdir: Jónína H. Hafliðadóttir, Jón Heiðar Andrésson og Erla S. Hafliðadóttir, íbúðareigendur að Njálsgötu 2, dags. 25. júní 2015, Kristín Þ. G. Jónsdóttir, Jónína H. Hafliðadóttir, Hrönn I. Hafliðadóttir og Erla S. Hafliðadóttir, eigendur að Njálsgötu 1, dags. 16. júní 2015, Sigurður Árnason, dags. 11. júní 2015, Vilhjálmur Rist dags. 17. júní 2015, Hafdís Helgadóttir, Björgvin Andersen, Kristín Ólafsdóttir, Gestur Guðmundsson og Fjóla Magnúsdóttir dags. 17. júní 2015, Jane Victoria Appelton, dags. 18. júní 2015, Már Kristjánsson og Halla Ásgeirsdóttir dags. 18. júní 2015, Jóhann Gunnar Jónsson og Ebba Herbertsdóttir dags. 19. júní 2015, Daði Sverrisson dags. 19. júní 2015, Steinunn Guðmundsdóttir dags. 19. júní 2015 og Kristín Finnsdóttir og Hilmar Einarsson f.h. Íbúa að Njálsgötu 2, Klapparstíg 44, Skólavörðustíg 22, Skólavörðustíg 21 og Týsgötu 1 dags. 18. júní 2015 þar sem einnig er óskað eftir framlengingu á athugasemdarfresti, Kristín Þ. G. Jónsdóttir, Hrönn I Hafliðadóttir, Erla S. Hafliðadóttir og Jónína H. Hafliðadóttir dags. 19. júní 2015, Kristín Finnsdóttir og Hilmar Einarsson, dags. 24. júní 2015
Stækkun: xx rúmm. Gjald kr. 9.823

Vísað til umhverfis-og skipulagsráðs
29.15 Gunnarsbraut 40, (fsp) - Breyta þaki
Á fundi skipulagsfulltrúa 12. júní 2015 var lagt fram erindi frá afgreiðslufundi byggingarfulltrúa frá 9. júní 2015 þar sem spurt er hvort leyft yrði að breyta og hækka þak eins og sýnt er á meðfylgjandi uppdráttum af fjölbýlishúsi á lóð nr. 40 við Gunnarsbraut. Erindinu var vísað til umsagnar verkefnisstjóra og er nú lögð fram að nýju.
Frestað.
Umsækjandi hafi samband við embætti skipulagsfulltrúa.
30.15 Gerðarbrunnur 12-14, (fsp) breyting á deiliskipulagi
Lögð fram fyrirspurn GP arkitekta dags. 11. ágúst 2015 um breytngu á deiliskipulagi Úlfarsárdals vegna Gerðarbrunns 12. Í breytingunni felst að parhúsi verði breytt í fjórbýlishús.
Vísað til umsagnar verkefnisstjóra.
31.15 Skipasund 18, Viðbygging - Endurnýjun BN041014
Lagt fram erindi frá afgreiðslufundi byggingarfulltrúa 11. ágúst 2015 þar sem sótt er um leyfi til að endurnýja erindið BN041014 þar sem sótt var um að byggja við, úr staðsteypu og trégrind, klætt utan með bárujárni, á suðurhlið kjallara og 1. hæðar og koma fyrir þaksvölum á þakhæð á húsið á lóð nr. 18 við Skipasund.
Stækkun: 31 ferm., 82,3 rúmm.
Gjald kr. 9.823

Frestað.
Umsækjandi hafi samband við embætti skipulagsfulltrúa.
32.15 Framnesvegur 12, (fsp) kvistur á þak
Lögð fram fyrirspurn, framsend frá afgreiðslufundi byggingarfulltrúa 11. ágúst 2015, þar sem sótt er um að setja kvist á þak hússins.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
33.15 Sunnan Fossvogsvegar, vestan Árlands, deiliskipulag reits
Á fundi skipulagsfulltrúa 12. júní 2015 var lagt fram bréf borgarstjóra dags. 5. júní 2015 vegna samþykktar borgarráðs 4. júní 2015 á svohljóðandi tillögu borgarstjóra: "Borgarráð felur umhverfis- og skipulagssviði að vinna deiliskipulag að reit í Fossvogi sem afmarkast af Fossvogsvegi, Árlandi og göngustígum á móts við Kjalarveg og Klifveg og eiga nauðsynlegt samráð við nágranna og aðra hagsmunaaðila um málið. Í skipulaginu verði m.a. gert ráð fyrir skóla, íbúðum og búsetuúrræði fyrir fatlaða á reitnum. Stefnt skal að því að lýsing og hugmynd að deiliskipulagi reitsins verði lögð fyrir umhverfis- og skipulagsráð eigi síðar en í október nk." Erindinu var vísað til meðferðar hjá verkefnisstjóra og er nú lagt fram að nýju.

Kynna formanni umhverfis- og skipulagsráðs.
34.15 Úlfarsárdalur, hverfi 4, breyting á afmörkum deiliskipulags
Að lokinni auglýsingu er lögð fram að nýju tillaga umhverfis- og skipulagssviðs að breytingu á afmörkun deiliskipulags Úlfarsárdals fyrir hverfi 4. Í breytingunni felst að lóðir nr. 118-120 og 122-124 ásamt 124A við Úlfarsárbraut, sem eru innan marka deiliskipulags hverfis 4 koma til með að tilheyra deiliskipulagi útivistasvæðisins í Úlfarsárdal. Samtímis er samliggjandi mörkum deiliskipulags útivistasvæðisins breytt þannig að áðurnefndar lóðir falla undir það deiliskipulag, samkvæmt uppdr. Björn Ólafs ark. og VA arkitekta ehf. dags. 7. maí 2015. Tillagan var auglýst frá 29. maí til og með 10. júlí 2015. Eftirtaldir aðilar sendu athugasemdir: Magnús Birgisson dags. 11. júní 2015.

Vísað til umhverfis-og skipulagsráðs
35.15 Úlfarsárdalur, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs að breytingu á deiliskipulagi útivistasvæðis í Úlfarsárdal. Í breytingunni felst breyting á afmörkun deiliskipulags, fyrirkomulagi bygginga, lóða og bílastæða, samkvæmt deiliskipulagsuppdrætti ásamt skýringarupprætti Landmótunar sf. dags. 8. apríl 2015. Tillagan var auglýst frá 29. maí til og með 10. júlí 2015. Eftirtaldir aðilar sendu athugasemdir: Freyr Gústafsson dags. 12. júní 2015, íbúar að Gerðarbrunni 28 dags. 30. júní 2015, Knattspyrnufélagið Fram dags. 7. júlí 2015, Hrafn Ómar Gylfason, Þórdís Örlygsdóttir, Gylfi Már Jónsson, Sigrún Hrafnsdóttir dags. 8. júlí 2015, Kristján Steinarsson, Bergþóra L. Húnadóttir, Steinar T. Karlsson og Björk Magnúsdóttir og íbúar að Gerðarbrunni 20-22 dags. 9. júlí 2015 ásamt fylgigögnum.


Vísað til umhverfis-og skipulagsráðs
36.15 Úlfarsfell, (fsp) færsla á sveitarfélagsmörkum
Á fundi skipulagsfulltrúa 12. júní 2015 var lögð fram fyrirspurn skrifstofu eigna og atvinnuþróunar Reykjavíkurborgar dags. 8. júní 2015 varðandi færslu á sveitarfélagsmörkum Reykjavíkur og Mosfellsbæjar. Einnig er lagt fram bréf skrifstofu eigna og atvinnuþróunar dags. 18. maí 2015 til borgarráðs. Fyrirspurninni var vísað til umsagnar deildarstjóra aðalskipulags og er nú lagt fram að nýju ásamt umsögn skipulagsfulltrúa dags. 13. ágúst 2015.

Umsögn skipulagsfulltrúa, dags. 13. ágúst 2015, samþykkt .
37.15 Útilistaverk, flutningur verka Hallsteins Sigurðssonar
Á fundi skipulagsfulltrúa 17. júlí 2015 var lögð fram orðsending skrifstofu borgarstjórnar R15060181 dags. 2. júlí 2015 ásamt erindi Hallsteins Sigurðssonar myndhöggvara, dags. 31. maí 2015 varðandi flutning verka sinna frá Álfsnesi í Seljahverfi. Erindið er sent umhverfis- og skipulagssviði til umsagnar.
Óskað er eftir umsögn hverfisráðs Breiðholts. Óskað er eftir að umsögn berist innan þriggja vikna.
38.15 Flugvöllur 106748, Nauthólsvegur 66 - Stækkun reiðhjólaskýlis
Á fundi skipulagsfulltrúa 3. júlí 2015var lagt fram erindi frá afgreiðslufundi byggingarfulltrúa frá 30. júní 2015 þar sem sótt er um leyfi til að stækka núverandi reiðhjólaskýli mhl. 37 sem er staðsett norðanmegin við húsið á nr. 66 við Nauthólsveg á lóð nr. 106748 við flugvöllinn. Erindinu var vísað til umsagnar verkefnisstjóra og er nú lagt fram að nýju.
Reiðhjólageymsla A rými 43,2 ferm., 107,0 rúmm. Gjald kr. 9.823

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.
39.15 Hólmsheiði, (fsp) lóð undir gagnaver
Lögð fram fyrirspurn SEA, skrifstofu eigna og atvinnuþróunar, dags. 11. ágúst 2015 ásamt uppdrætti ARKÍS dags. 7. maí 2015 þar sem óskað er afstöðu umhverfis og skipulagssviðs varðandi lóð undir gagnaver á Hólmsheiði.

Kynna formanni umhverfis- og skipulagsráðs.
40.15 Eirhöfði 2-4, (fsp) stækkun og verslun
Lögð fram fyrirspurn K2 ehf dags. 12. ágúst 2015 þar sem óskað er eftir heimild til að byggja 800 - 1000m2 viðbótarhús þar sem reiknað er með verslun á bílavarahlutum.
Vísað til meðferðar verkefnisstjóra
41.15 Háaleitisbraut 58-60, Snyrtistofa - 0202 og flóttasvalir
Á fundi skipulagsfulltrúa 3. júlí 2015 var lagt fram erindi frá afgreiðslufundi byggingarfulltrúa frá 30. júní 2015 þar sem sótt er um leyfi fyrir áður gerðri snyrtistofu í rými 0202, einnig er sótt um leyfi til að koma fyrir flóttasvölum á bakhlið, breyta gluggum við innhorn milli vestur og norðurálmu og gera skyggni á götuhlið að flóttasvölum með því að koma fyrir handriði þar á verslunarhúsi á lóð nr. 58 - 60 við Háaleitisbraut. Samþykki frá húsfélagsfundi dags. 9. júlí 2012 fylgir erindi. Gjald kr. 9.823

Ekki eru gerðar skipulagslegar athugasemdir við erindið.
42.15 1">Njörvasund 10, Mænisþak bílskúrs og sólpallur
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 26. maí 2015 þar sem sótt er um leyfi til að hækka og byggja mænisþak á bílskúr sbr. fyrirspurn. BN048950 dags. 17.3. 2015 og samanber leiðbeiningar í jákvæðri umsögn skipulagsfulltrúa dags. 4.3. 2015, sömuleiðis til að byggja verönd með skjólveggjum og heitum potti með öryggisloki á lóð nr. 10 við Njörvasund. Tillagan var grenndarkynnt frá 5. júní 2015 til og með 3. júlí 2015. Eftirtaldir aðilar sendu athugasemdir: Jens Fylkisson og Haukur Jensson dags. 7. júní 2015. Einnig er lagt fram samþykki 17 hagsmunaaðila mótt. 18. júní 2015.
Meðfylgjandi er samþykki meðeiganda dags. 12.5. 2015 og umsögn skipulagsfulltrúa dags. 4.3. 2015. Stækkun 22,5 rúmm., flatarmál óbreytt. Gjald kr. 9.823

Vísað til umhverfis-og skipulagsráðs
43.15 Austurstræti 8-10, tímabundið áfengisleyfi fyrir útiveitingar
Á fundi skipulagsfulltrúa 7. ágúst 2015 var lagt fram erindi skrifstofu borgarstjórnar dags. 5. ágúst 2015 þar sem óskað er eftir umsögn umhverfis- og skipulagssviðs á umsókn Americano ehf. og DBR ehf. um tímabundið áfengisveitingaleyfi vegna útiveitinga í skúr fyrir framan Austurstræti 8-10 Laugardaginn 22. ágúst 2015. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 13. ágúst 2015.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 13. ágúst 2015.
44.15 Efstasund 47, breyting á deiliskipulagi
Á fundi skipulagsfulltrúa 7. ágúst 2015 var lögð fram umsókn Árna Gunnars Ingþórssonar mótt. 7. ágúst 2015 varðandi breytingu á deiliskipulagi reits 1.3 og 1,4, Sundin, vegna lóðarinnar nr. 47 við Efstasund. Í breytingunni felst að stækkunarheimildum er breytt þannig að byggingarreitur til austurs er minnkaður um 3 metra og settur er inn nýr byggingarreitur til suðurs 3 metra frá núverandi húsi. Ef viðbygging verður ein hæð er heimilt að nýta þak hennar fyrir verönd/sólskála, samkvæmt uppdr. Vektor, hönnun og ráðgjöf ehf. ódags. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Efstasundi 45, 46, 48, 49, 50 og Skipasundi 40, 42 og 44.
45.15 Laugavegur 18B, (fsp) breyting á notkun jarðhæðar
Lögð fram fyrirspurn Around Iceland ehf., dags. 4. ágúst 2015 varðandi breytingu á notkun jarðhæðar að Laugavegi 18b.

Kynna formanni umhverfis- og skipulagsráðs.
46.15 Hamrahlíð 29, (fsp) stækkun lóðar
Á fundi skipulagsfulltrúa 31. júlí 2015 var lögð fram fyrirspurn Jakobs S. Friðrikssonar mótt. 30. júlí 2015 varðandi stækkun lóðarinnar nr. 29 við Hamrahlíð um einn metra til norðurs. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. ágúst 2015.

Neikvætt, með vísan til umsagnar skipulagsfulltrúa dags.12. ágúst 2015.
47.15 Síðumúli 10, (fsp) - fæðingaraðstaða 1.hæð
Á fundi skipulagsfulltrúa 7. ágúst 2015 var lagt fram erindi frá afgreiðslufundi byggingarfulltrúa 28. júlí 2015 þar sem spurt er hvort breyta megi verslunarhúsnæði í fæðingaraðstöðu og -fræðslu á 1. hæð í húsi á lóð nr. 10 við Síðumúla. Erindinu var frestað og er nú lagt fram að nýju, ásamt umsögn skipulagsfulltrúa dags. 12. ágúst 2015.

Jákvætt með vísan til umsagnar skipulagsfulltrúa dags. 12. ágúst 2015.
48.15 Næfurás 13-15-17, (fsp) lokun á svölum
Lögð fram fyrirspurn, framsend frá afgreiðslufundi byggingarfulltrúa 11. ágúst 2015, þar sem sótt er um að breyta svölum í herbergi á jarðhæð nr. 15 við Næfurás. Einnig er lögð fram umsögn skipulagsfulltrúa dags. 14. ágúst 2015.
Neikvætt, með vísan til umsagnar skipulagsfulltrúa dags. 14. ágúst 2015.
49.15 Bergþórugata 5, breyting á deiliskipulagi
Að lokinni grenndarkynningu er lögð fram að nýju umsókn Yngva Sindrasonar dags. 28. apríl 2015 varðandi breytingu á deiliskipulagi reits 1.190.2, Njálsgötureits 2, vegna lóðarinnar nr. 5 við Bergþórugötu. Í breytingunni felst stækkun á byggingarreit og hækkun húss, samkvæmt uppdrætti Á stofunni arkitektar ehf. dags. 24. apríl 2015. Tillagan var grenndarkynnt frá 1. júní til og með 29. júní 2015. Eftirtaldir aðilar sendu athugasemdir: Paraskevi Tatsis dags. 11. júní 2015, Jóhanna Margrét Öxnevad dags. 12. júní 2015, Ragnhildur Eggertsdóttir, dags. 12. júní 2015 og Eva Huld Friðriksdóttir og Hlynur Johnsen dags. 29. júní 2015.

Frestað.
Umsækjandi hafi sambandi við embætti skipulagsfulltrúa.