Brautarholt 10-14, Hafnarstræti 19, Laugavegur 66-68 og 70, Friggjarbrunnur 53, Korngarðar 1, Austurstræti 8-10, Brekkugerði 4, Efstasund 47, Friggjarbrunnur 42-44, Mjölnisholt 12-14, Síðumúli 10, Skólavörðustígur, Háskólinn í Reykjavík, Mýrargata/Seljavegur, Rauðagerði 40, Tjarnargata 28, Hrísateigur 19,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

549. fundur 2015
Ár 2015, föstudaginn 7. ágúst kl. 09:25, hélt skipulagsfulltrúi Reykjavíkur 549. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helena Stefánsdóttir. Eftirtaldir embættismenn kynntu mál á fundinum: Hildur Gunnarsdóttir, Valný Aðalsteinsdóttir og Halldóra Hrólfsdóttir. Ritari var Erna Hrönn Geirsdóttir.
Þetta gerðist:

1.15 Brautarholt 10-14, breyting á deiliskipulagi
Að lokinni grenndarkynningu er lögð fram að nýju umsókn Sigurðar Halldórssonar mótt. 16. júní 2015 varðandi breytingu á deiliskipulagi Skipholts 11-13 og Brautarholt 10-14 vegna lóðarinnar nr. 10-14 við Brautarholt. Í breytingunni felst að áður samþykktur byggingarreitur er færður inn á teikningu, nýtingarhlutfall lóðar að teknu tilliti til A, B og C rýma verður 1,43 og bílastæðum er fækkað um 5 úr 53 í 48, samkvæmt uppdr. Glámu-Kím ehf. dags. 16. júní 2015. Tillagan var grenndarkynnt frá 2. júlí til og með 30. júlí 2015. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
2.15 Hafnarstræti 19, breyting á deiliskipulagi
Lagt fram bréf Skipulagsstofnunar dags. 29. júlí 2015 þar sem gerð er athugasemd við birtingu auglýsingar í B-deild Stjórnartíðinda.

Vísað til meðferðar hjá verkefnisstjóra.
3.15 Laugavegur 66-68 og 70, breyting á deiliskipulagi
Á fundi skipulagsfulltrúa 31. júlí 2015 var lögð fram umsókn Fring ehf. mótt. 17. júlí 2015 varðandi breytingu á deiliskipulagi reits 1.174.2 vegna lóðanna nr. 66-68 og 70 við Laugaveg. Í breytingunni felst að þriggja hæða bakhús á lóð nr. 70 við Laugaveg (áður 70B) megi standa áfram, húsið verður lagfært, notað sem gistirými á öllum hæðum og tengist hóteli á aðliggjandi lóð nr. 66-68 við Laugaveg. byggingarreitur á jarðhæð fyrir hús nr. 70 sem stendur við Laugaveg er minnkaður, á lóð nr. 66-68 við Laugaveg er heimilað að koma fyrir stigahúsi og lyftu á þremur hæðum við vesturgafl bakhúss á lóð nr. 70 við Laugaveg o.fl., samkvæmt uppdr. Adamssonar ehf. dags. 15. júlí 2015. Einnig lagt fram samþykki eiganda Vitastíg 13 á kvöð um aðkomu dags. 29. júlí 2015. Erindinu var vísað til meðferðar hjá verkefnisstjóra og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Laugavegi 64 og 72, Vitastíg 11 og 13, Grettisgötu 47, 47A, 49, 51, 53, 53B, 55A og 55B
4.15 Friggjarbrunnur 53, breyting á deiliskipulagi
Að lokinni grenndarkynningu er lögð fram að nýju umsókn Red ehf. dags. 25. júní 2015 um breytingu á deiliskipulagi Úlfarsárdals hverfi 4 vegna lóðarinnar Friggjarbrunnur 53. Í breytingunni felst að hækka húsið um 52,5 sentímetra í landi, samkvæmt uppdrætti G & G - arkitektúr dags. 23. júní 2015. Tillagan var grenndarkynnt frá 2. júlí til og með 30. júlí 2015. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
5.15 Korngarðar 1, breyting á deiliskipulagi
Á fundi skipulagsfulltrúa 31. júlí 2015 var lögð fram umsókn Guðmundar Oddar Víðissonar dags. 20. júlí 2015 varðandi breytingu á deiliskipulagi Skarfabakka Klettasvæði vegna lóðar nr. 1 við Korngarða. Í breytingunni felst að bæta við byggingarreit sunnan megin á lóð nr. 4 við Klettagarða á lóðarmörkum, samkvæmt uppdrætti Dap ehf. dags. 25. júní 2015. Erindinu var vísað til meðferðar verkefnisstjóra og er nú lagt fram að nýju.

Frestað. Umsækjandi hafi samband við embætti skipulagsfulltrúa.
6.15 Austurstræti 8-10, tímabundið áfengisleyfi fyrir útiveitingar
Lagt fram erindi skrifstofu borgarstjórnar dags. 5. ágúst 2015 þar sem óskað er eftir umsögn umhverfis- og skipulagssviðs á umsókn Americano ehf. og DBR ehf. um tímabundið áfengisveitingaleyfi vegna útiveitinga í skúr fyrir framan staðinn American bar að Austurstræti 8-10 Laugardaginn 22. ágúst 2015.
Vísað til umsagnar verkefnisstjóra.
7.15 Brekkugerði 4, Bílageymsla, stoðveggur, kjallararými
Á fundi skipulagsfulltrúa 10. júlí var lagt fram erindi frá afgreiðslufundi byggingarfulltrúa frá 7. júlí 2015 þar sem sótt er um leyfi til að byggja nýjan steinsteyptan bílskúr að vestanverðu, koma fyrir geymslukjallara undir verönd 0102 og steypa lágan stoðvegg á lóðamörkum nr. 6 og 8 við Brekkugerði á lóð nr. 4 við Brekkugerði. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 5. ágúst 2015.
Bílaskúr stærð: 33,4 ferm., 84,9 rúmm. Geymslukjallari: 36,3 ferm., 98,0 rúmm. Gjald kr. 9.823


Ekki er gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 5. ágúst 2015.
8.15 Efstasund 47, breyting á deiliskipulagi
Lögð fram umsókn Árna Gunnars Ingþórssonar mótt. 7. ágúst 2015 varðandi breytingu á deiliskipulagi reits 1.3 og 1,4, Sundin, vegna lóðarinnar nr. 47 við Efstasund. Í breytingunni felst að stækkunarheimildum er breytt þannig að byggingarreitur til austurs er minnkaður um 3 metra og settur er inn nýr byggingarreitur til suðurs 3 metra frá núverandi húsi. Ef viðbygging verður ein hæð er heimilt að nýta þak hennar fyrir verönd/sólskála, samkvæmt uppdr. Vektor, hönnun og ráðgjöf ehf. ódags.

Vísað til meðferðar hjá verkefnisstjóra.
9.15 Friggjarbrunnur 42-44, Fjölbýlishús
Á fundi skipulagsfulltrúa 17. júlí 2015 var lagt fram erindi af afgreiðslufundi byggingarfulltrúa frá 14. júlí 2015 þar sem sótt er um leyfi til að byggja steinsteypt fjölbýlishús, þrjár til fimm hæðir með 52 íbúðum á bílakjallara fyrir 53 bíla á lóð nr. 42-44 við Friggjarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 5. ágúst 2015.
Útskrift úr gerðabók embættisafgreiðslufundar skipulagsfulltrúa frá 13. febrúar 2015 fylgir erindinu ásamt umsögn skipulagsfulltrúa dags. 13. febrúar 2015. Stærð A-rými: 6.178,2 ferm., 18.365,5 rúmm. B-rými: 1.953,2 ferm., 4.346,1 rúmm., þ.a. bílgeymsla 1.472,5 ferm. C-rými: 286,6 ferm. Gjald kr. 9.500

Neikvætt, með vísan til umsagnar skipulagsfulltrúa dags. 5. ágúst 2015.
10.15 Mjölnisholt 12-14, (fsp) - Fella niður bílageymslu
Á fundi skipulagsfulltrúa 10. júlí 2015 var lagt fram erindi frá afgreiðslufundi byggingarfulltrúa frá 7. júlí 2015 þar sem spurt er hvort leyft yrði að fella niður bílgeymslu í neðri kjallara og útbúa skábraut í efri kjallara í stað bílalyftu, við þetta fækkar bílastæðum um 12 í hóteli á lóð nr. 12-14 við Mjölnisholt. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 6. ágúst 2015.

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 6. ágúst 2015.
11.15 Síðumúli 10, (fsp) - fæðingaraðstaða 1.hæð
Á fundi skipulagsfulltrúa 31. júlí 2015 var lagt fram erindi frá afgreiðslufundi byggingarfulltrúa 28. júlí 2015 þar sem spurt er hvort breyta megi verslunarhúsnæði í fæðingaraðstöðu og -fræðslu á 1. hæð í húsi á lóð nr. 10 við Síðumúla. Erindinu var vísað til umsagnar verkefnisstjóra og er nú lagt fram að nýju.
Frestað. Umsækjandi hafi samband við embætti skipulagsfulltrúa.
12.15 Skólavörðustígur, tækifærisleyfi
Lagt fram erindi skrifstofu borgarstjórnar dags. 5. ágúst 2015 þar sem óskað er eftir umsögn umhverfis- og skipulagssviðs á umsókn Reykjavík Bacon Festival ehf. um tækifærisleyfi til að selja veitingar í uppsettum tjöldum fyrir ca. 40.000 manns Laugardaginn 15. ágúst 2015 frá kl. 14:00 til kl. 17:00 á árlegri Reykjavík Bacon Festival fjölskylduhátíð að Skólavörðustíg. Einnig lögð fram umsögn skipulagsfulltrúa dags. 7. ágúst 2015.

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 7. ágúst 2015.
13.15 Háskólinn í Reykjavík, breyting á deiliskipulagi
Að lokinni auglýsingu er lögð fram að nýju umsókn Kanon arkitekta ehf. dags. 16. apríl 2015 varðandi breytingu á deiliskipulagi Háskólans í Reykjavík í samræmi við niðurstöðu hugmyndasamkeppni um deiliskipulag Háskólans í Reykjavík, Háskólagarða. Einnig er lögð fram greinargerð og skilmálar dags. 16. apríl 2015 og uppdrættir dags. 16. apríl 2015, uppfærðir 14. maí 2015. Auglýsing stóð yfir frá 5. júní 2015 til og með 17. júlí 2015. Tillagan var auglýst frá 5. júní til og með 17. júlí 2015. Eftirtaldir aðilar sendu athugasemdir: Birkir Ingibjartsson dags. 17. júlí 2015. Erindi var vísað til umsagnar verkefnisstjóra á fundi skipulagsfulltrúa 31. júlí 2015 og er nú lagt fram að nýju.


Vísað til umhverfis- og skipulagsráðs.
14.15 Mýrargata/Seljavegur, (fsp) breyting á deiliskipulagi
Á fundi skipulagsfulltrúa 31. júlí 2015 var lögð fram fyrirspurn Reir ehf. mótt. 27. júlí 2015 varðandi breytingu á deiliskipulagi Nýlendureits sem felst í uppbyggingu á lóðunum nr. 27, 29 og 31 við Mýrargötu og 1A og 1B við Seljaveg, samkvæmt tillögu Plúsarkitekta ehf. dags. júlí 2015. Fyrirspurninni var vísað til umsagnar verkefnisstjóra og er nú lögð fram að nýju.

Kynna formanni umhverfis- og skipulagsráðs.
15.15 Rauðagerði 40, (fsp) - viðbygging, stigahús
Á fundi skipulagsfulltrúa 31. júlí 2015 var lögð fram fyrirspurn Sigurjóns Guðmundssonar, dags. 18. júlí 2015 um viðbyggingu fyrir stigahús á lóð nr. 40 við Rauðagerði. Fyrirspurnin er framsend til skipulagsfulltrúa af afgreiðslufundi byggingarfulltrúa 28. júlí sl. Fyrirspurninni var vísað til meðferðar verkefnisstjóra og er nú lögð fram að nýju ásamt umsögn skipulagsfulltrúa dags. 7. ágúst 2015.

Neikvætt, samræmist ekki deiliskipulagi, sbr. umsögn skipulagsfulltrúa dags. 7. ágúst 2015.
16.15 Tjarnargata 28, Kvistur - breyting inni
Lagt fram erindi frá afgreiðslufundi byggingarfulltrúa 28. júlí 2015 þar sem sótt er um leyfi til að byggja kvist á austurhlið og breyta innra skipulagi efri hæðar einbýlishúss á lóð nr. 28 við Tjarnargötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. ágúst 2015.
Erindi fylgir umsögn Minjastofnunar Íslands dags, 9. júlí 2015, samþykki lóðarhafa aðliggjandi lóða dags. 8. júlí 2015, samþykki lóðarhafa Tjarnargötu 26 vegna breytinga á lóðamörkum og kaupsamningur dags. 22. maí 2015. Stækkun: 1,76 ferm., 5,76 rúmm. Gjald kr. 9.823

Jákvætt með vísan til umsagnar skipulagsfulltrúa dags. 7. ágúst 2015.
17.15 Hrísateigur 19, (fsp) breyting á notkun
Lögð fram fyrirspurn Andra Ólafssonar mótt. 6. ágúst 2015 varðandi breytingu á notkun rýmis 0102 í húsinu á lóð nr. 19 við Hrísateig úr verslunarrými í veitingarými í flokki II. Einnig lögð fram umsögn skipulagsfulltrúa dags. 6. ágúst 2015.

Ekki eru gerðar skipulagslegar athugasemdir við erindið, sbr. umsögn skipulagsfulltrúa dags. 6. ágúst 2015.