Bergstaðastræti 12, Bergþórugata 16A, 1.172.0 Brynjureitur, Fossagata 2, Hafnarstræti 19, Hrefnugata 2, Landakot, Laugavegur 1, Laugavegur 70, Mímisvegur 4, Seljavegur 2, Skólastræti 3, Tómasarhagi 49, Laugavegur 30, Álfaland 6, Beykihlíð 8, Borgartún 35-37, Lambhagavegur 3 og 9, Malarhöfði 2-2A, Skeiðarvogur 20, Skipholt 29 og 29A, Skipholt 33, Hólmsheiðarvegur 141, Hlíðarendi, Hlíðarendi 4, Borgartún 3, Grandagarður 16, Heiðmörk, Holtavegur 32, Kjalarnes, Grundarhverfi, Kjalarnes, Saltvík, Laugavegur 96, Austurbakki 2, Austurhöfn, Austurhöfn, Háskólinn í Reykjavík, Grettisgata 4, Hverfisgata 61, Laugavegur 56, Miklabraut 46, Miklabraut 48, Einholt 2, Einholt 2, Frakkastígur 8, Friggjarbrunnur 14-16, Laufásvegur 59, Vatnagarðar 8, Öldugata 6,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

529. fundur 2015
Ár 2015, föstudaginn 27. febrúar kl. 09:10, hélt skipulagsfulltrúi Reykjavíkur 529. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir, Helena Stefánsdóttir. Eftirtaldir embættismenn kynntu mál á fundinum:, Margrét Þormar, Lilja Grétarsdóttir, Hildur Gunnlaugsdóttir, Jón Kjartan Ágústsson, Hildur Gunnarsdóttir og Borghildur Sölvey Sturludóttir. Fundarritari: Harri Ormarsson
Þetta gerðist:

1.15 Bergstaðastræti 12, breyting á deiliskipulagi
Að lokinni grenndarkynningu er lögð fram að nýju umsókn Íbúða ehf. dags. 21. nóvember 2014 varðandi breytingu á deiliskipulagi reits 1.180.2 vegna lóðarinnar nr. 12 við Bergstaðastræti.Í breytingunni felst breyting á byggingarheimildum, samkvæmt uppdr. Glámu/Kím ehf. dags. 18. nóvember 2014. Einnig er lagt fram skuggavarp Glámu/Kím ehf. ódags. Tillagan var grenndarkynnt frá 23. janúar til og með 20. febrúar 2015. Eftirtaldir aðilar sendu athugsemdir: Jón Þórarinsson dags. 19 febrúar 2015 og Egill Þórðarson og Sara McMahon dags. 21. febrúar 2015.

Vísað til umhverfis- og skipulagsráðs.
2.15 Bergþórugata 16A, (fsp) hækkun þaks og bygging kvista
Á fundi skipulagsfulltrúa 20. febrúar 2015 var lögð fram fyrirspurn Emblu Ýr Bárudóttur dags. 13. febrúar 2015 varðandi enduruppbygging þaks með hækkun mænis, byggingu kvista á norður- og suðurhlið ásamt byggingu svala á suðurhlið hússins á lóðinni nr. 16A við Bergþórugötu. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 25. febrúar 2015.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 25. febrúar 2015.
3.15 1.172.0 Brynjureitur, (fsp) breyting á skilmálum
Lagt fram bréf Þingvangs ehf., dags. 3. febrúar 2015 varðandi skilmálabreytingu á deiliskipulagi Brynjureits. Breytingarnar felast m.a. í að fjölga íbúðum án þess að auka byggingarmagnið á reitnum.
Vísað til umhverfis- og skipulagsráðs.
4.15 Fossagata 2, (fsp) niðurrif, nýbygging
Á fundi skipulagsfulltrúa 6. febrúar 2015 var lögð fram fyrirspurn Magnúsar Skúlasonar, dags. 3. febrúar 2015 um að rífa núverandi hús á lóð nr. 2 við Fossagötu og byggja nýtt skv. tillögu Arkþings, dags. febrúar 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 25. febrúar 2015.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 25. febrúar 2015.
Byggingarleyfisumsókn verður grenndarkynnt berist hún.
5.15 Hafnarstræti 19, Hótel - verslunarrekstur
Á fundi skipulagsfulltrúa 13. febrúar 2015 var lagt fram erindi frá afgreiðslufundi byggingarfulltrúa frá 10. febrúar 2015 þar sem sótt er um leyfi til að byggja hótel í flokki V með 50 herbergjum sem verður tengt við hús á lóðinni í Hafnarstræti 17, sótt er um að rífa húsið vegna bágs ástands á steypuvirki og byggja nýbyggingu þar sem frontur að Hafnarstræti verður endurbyggður í núverandi mynd, steinsteypt og einangrað að innan, verslunarrými á jarðhæð með flötu þaki og verður 4. hæð inndregin Hafnarstrætismegin á lóð nr. 19 við Hafnarstræti. Erindi var vísað til umsagnar verkefnisstjóra og er nú lagt fram að nýju.
Útskrift úr gerðabók embættisafgreiðslufundar skipulagsfulltrúa frá 24. október 2014 fylgir erindinu ásamt umsögn skipulagsfulltrúa dags. 16. október 2014. Einnig fylgir greinargerð vegna hljóðvistar dags. í nóvember 2014, brunahönnun frá Mannvit dags. 2. febrúar 2015, útreikningur á varmatapi dags. 3. febrúar 2015, skýrsla um ástandsskoðun og prófanir frá Mannvit dags. 22. janúar 2015, minnisblöð frá verkfræðistofunni Hnit dags. 8. apríl, 18. júlí, 18. nóvember og 21. og 27. nóvember 2014 og 20. janúar 2015, umsagnir Minjastofnunar Íslands dags. 9. september og 4. desember 2014 og 12. janúar og 9. febrúar 2015, bréf frá skrifstofu eigna og atvinnuþróunar dags. 3. febrúar 2015 og bréf frá verkfræðistofunni Hnit dags. 9. febrúar 2015 fylgja erindi. Niðurrif: 1108,3 ferm., 3.645,0 rúmm.
Stærðir nýs hús: XX ferm. , XX rúmm. Gjald kr. 9.500

Kynna formanni umhverfis- og skipulagsráðs.
6.15 Hrefnugata 2, (fsp) stækkun bílskúrs
Á fundi skipulagsfulltrúa 20. febrúar 2015 var lögð fram fyrirspurn Magnúsar Jenssonar dags. 13. febrúar 2015 varðandi stækkun bílskúrs á lóðinni nr. 2 við Hrefnugötu, samkvæmt tillögu Magnúsar Jenssonar dags. 13. febrúar 2015. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 26. febrúar 2015.


Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 26 febrúar 2015.
Byggingarleyfisumsókn verður grenndarkynnt berist hún.
7.15 Landakot, breyting á deiliskipulagi
Að lokinni grenndarkynningu er lögð fram að nýju tillaga umhverfis- og skipulagssviðs að breytingu á deiliskipulagi Landakotsreits. Í breytingunni felst að afmarkaður er reitur fyrir grenndargáma við vestari innkeyrslu á bílastæði sem liggur nyrst í útivistarsvæði Landakotshæðar meðfram Túngötu að Hólavallagötu, skv. tillögu VA arkitekta ehf. dags. 29.október 2014. Tillagan var grenndarkynnt frá 3. nóvember til og með 1. desember 2014. Eftirtaldir aðilar sendu athugasemdir: Versus Lögmenn ehf. f.h. Pétur Bürchers Reykjavíkurbiskups dags. 26. nóvember 2014.

Vísað til umhverfis- og skipulagsráðs.
8.15 Laugavegur 1, Ofanábygging - bakhús mhl.04
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að byggja hæð ofan á bakhús sem er mhl. 04, og til að fjölga gistirýmum úr 4 í 8 í gististað í fl. IV, tegund b og á lóð nr. 1 við Laugaveg.
Stækkun 109,5 ferm., 262 rúmm. Samtals eftir stækkun 451,6 ferm., 1.382 rúmm. Gjald kr. 9.823

Vísað til umsagnar verkefnisstjóra.
9.15 Laugavegur 70, (fsp) uppbygging
Lögð fram fyrirspurn Fring ehf. dags. 12. febrúar 2015 um að endurbyggja húsið á lóð nr. 70 við Laugaveg í samræmi við upprunalegt útlit þess, lyfta húsinu, lengja það til austurs og byggja nýja jarðhæð og viðbyggingu á þrem hæðum sunnan við húsið, samkvæmt uppdr. Adamssonar ehf. - arkitektastofu dags. 11. febrúar 2015.
Vísað til umhverfis- og skipulagsráðs.
10.15 Mímisvegur 4, (fsp) skipta um þak og færa í upprunalegt form
Lögð fram fyrirspurn Rögnvalds Guðmundssonar dags. 25. febrúar 2015 um að byggja eftir eldri byggingarnefndarteikningum sem samþykktar voru á fundi byggingarnefndar 31. október 1931.

Vísað til umsagnar verkefnisstjóra.
11.15 Seljavegur 2, (fsp) niðurrif og uppbygging
Á fundi skipulagsfulltrúa 13. febrúar 2015 var lögð fram fyrirspurn VA arkitekta ehf. dags. 12. febrúar 2015 varðandi niðurrif og uppbyggingu á lóðinni nr. 2 við Seljaveg, samkvæmt uppdr. VA arkitekta ehf. dags. 12. febrúar 2015. Einnig er lagt fram bréf VA arkitekta ehf. dags. 12. febrúar 2015. Fyrirspurninni var vísað til meðferðar hjá verkefnisstjóra og er nú lögð fram að nýju.

Kynna formanni umhverfis- og skipulagsráðs.
12.15 Skólastræti 3, (fsp) - Svalir efri hæð
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er um leyfi til að endurbyggja og stækka bakhús á lóð nr. 3B við Skólastræti samanber fyrirspurn BN048659.

Vísað til umsagnar verkefnisstjóra.
13.15 Tómasarhagi 49, (fsp) - Kvistir
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort leyfi fengist til að setja kvist á norður gafl og vestur hlið á rishæð hússins á lóð nr. 49 við Tómasarhaga.

Vísað til umsagnar verkefnisstjóra.
14.15 Laugavegur 30, Viðbygging
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að byggja einnar hæðar viðbyggingu á baklóð og stækka verslun sem fyrir er í húsi á lóð nr. 30 við Laugaveg.
Stækkun: xx ferm., xx rúmm. Gjald kr. 9.823

Vísað til umsagnar verkefnisstjóra.
15.15 Álfaland 6, breyting á deiliskipulagi
Að lokinni grenndarkynningu er lögð fram að nýju umsókn Rúnars Gunnarssonar f.h. skrifstofu eigna og atvinnuþróunar dags. 15. janúar 2015 varðandi breytingu á deiliskipulagi Eyrarlands vegna lóðarinnar nr. 6 við Álfaland. Í breytingunni felst aukning á byggingarmagni og færsla á byggingarreit vörugeymslu, samkvæmt uppdr. umhverfis- og skipulagssviðs dags. 6. janúar 2015. Einnig er lagt fram umboð skrifstofu eigna og atvinnuþróunar dags. 26. janúar 2015. Tillagan var grenndarkynnt frá 29. janúar til og með 26. febrúar 2015. Eftirtaldir aðilar sendu athugasemdir: íbúar Álfalandi og Álandi dags. 19. febrúar 2015.

Vísað til umsagnar verkefnisstjóra.
16.15 Beykihlíð 8, (fsp) - Breyta í 2 íbúðir
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort leyfi fengist til að útbúa tvær íbúðir í einbýlishúsi á lóð nr. 8 við Beykihlíð. Einnig er lögð fram umsögn skipulagsfulltrúa dags. 27. febrúar 2015.

Neikvætt, með vísan til umsagnar skipulagsfulltrúa dags. 27. febrúar 2015.
17.15 Borgartún 35-37, breyting á deiliskipulagi
Að lokinni grenndarkynningu er lögð fram að nýju umsókn B37 ehf. dags. 26. nóvember 2014 varðandi breytingu á deiliskipulagi reits 1.219 vegna lóðarinnar nr. 37 við Borgartún. Í breytingunni felst að gera byggingarreit fyrir tölvukælikerfi vestan við húsið á 1. hæð, samkvæmt uppdr. GP-arkitekta ehf. dags. 26 nóvember 2014. Einnig er lagt fram samþykki meðlóðarhafa ódags. Tillagan var grenndarkynnt frá 23. janúar til og með 20. febrúar 2015. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
18.15 Lambhagavegur 3 og 9, (fsp) - Lækka nýtingarhlutfall
Á fundi skipulagsfulltrúa 20. febrúar 2015 var lagt fram erindi frá afgreiðslufundi byggingarfulltrúa frá 17. febrúar 2015 þar sem spurt er hvort leyft yrði að byggja 6-1200 ferm. hús fyrir bílasölu og tengdan iðnað á lóðunum nr. 3 og 9 við Lambhagaveg. Erindinu var vísað til umsagnar verkefnisstjóra og er nú lagt fram að nýju.
Kynna formanni umhverfis- og skipulagsráðs.
19.15 Malarhöfði 2-2A, (fsp) skipting lóðar
Lögð fram fyrirspurn Guðmundar Sigurþórs B. Hervinssonar dags. 23. febrúar 2015 varðandi skiptingu lóðarinnar nr. 2-2A við Malarhöfða, samkvæmt tillögu Studio F ehf. dags. 18. febrúar 2015.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
20.15 Skeiðarvogur 20, (fsp) - Svalir 1.hæð
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort leyft yrði að koma fyrir svölum með stiga niður í garð frá 1. hæð hússins á lóð nr. 20 við Skeiðarvog.

Ekki eru gerðar athugasemdir við erindið. Samræmist deiliskipulagi.
21.15 Skipholt 29 og 29A, (fsp) hækkun húss o.fl.
Lögð fram fyrirspurn Guðna Pálssonar dags. 26. febrúar 2015 um að hækka húsið á lóðinni nr. 29 og 29A við Skipholt, byggja stiga/lyftuhús norðan við húsið sem tengist svalagöngum og svalir á suðurhlið hússins, samkvæmt uppdr. GP-arkitekta ehf. dags. 25. febrúar 2015.
Vísað til meðferðar verkefnisstjóra.
22.15 Skipholt 33, (fsp) hækkun húss
Á fundi skipulagsfulltrúa 20. febrúar 2015 var lögð fram fyrirspurn Hallgríms Friðgeirssonar dags. 17. febrúar 2015 varðandi hækkun hússins á lóðinni nr. 33 við Skipholt um eina hæð, samkvæmt uppdr. Hallgríms Friðgeirssonar dags. 14. febrúar 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 25. febrúar 2015.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 25. febrúar 2015.
23.15 Hólmsheiðarvegur 141, (fsp) - Flutningur á flugskýlum
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort flytja megi þrjú flugskýli frá aflögðu athafnasvæði Fisfélags Reykjavíkur að nýju svæði félagsins á lóð nr. 141 við Hólmsheiðarveg.

Vísað til umsagnar verkefnisstjóra.
24.15 Hlíðarendi, framkvæmdaleyfi
Lögð fram umsókn Jóns Valgeirs Björnssonar f.h. Samráðs- og samhæfingarhóps vegna uppbyggingar og framkvæmda við Hlíðarenda um framkvæmdaleyfi vegna uppbyggingu vega o.fl., samkvæmt uppdr. Mannvits dags. 31. október 2014. Einnig er lögð fram umsögn samgöngustjóra dags. 20. nóvember 2014 og umsögn Heilbrigðiseftirlitsins dags. 12. desember 2014. Einnig er lagt fram minnisblað starfshóps um vöktun á vatnafari og lífríki í Vatnsmýri dags. 18. febrúar 2015 og umsögn skipulagsfulltrúa dags. 26. febrúar 2015.

Samþykkt með vísan til umsagnar skipulagsfulltrúa dags. 26. febrúar 2015 og með vísan til b. liðar 2. gr. heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
25.15 Hlíðarendi 4, (fsp) - Atvinnuhúsnæði og íbúðir
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort leyft yrði að byggja eins og sýnt er á meðfylgjandi teikningum af fjögurra hæða húsi með atvinnuhúsnæði á 1. hæð og þremur íbúðarhæðum á lóð nr. 4 við Hlíðarenda.

Ekki eru gerðar athugasemdir við erindið. Samræmist deiliskipulagi.
26.15 Borgartún 3, (fsp) breyting á notkun
Á fundi skipulagsfulltrúa 20. febrúar 2015 var lögð fram fyrirspurn Hallgríms Friðgeirssonar dags. 17. febrúar 2015 um að breyta skrifstofum á fyrstu hæð hússins á lóð nr. 3 við Borgartún í veitingastað með vínveitingum, samkvæmt uppdr. Hallgríms Friðgeirssonar dags. 14. febrúar 2015. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags 27. febrúar 2015.

Jákvætt með vísan til umsagnar skipulagsfulltrúa dags. 27. febrúar 2015.
27.15 Grandagarður 16, Kaffi/veitingarstað í fl. II - 2.hæð
Á fundi skipulagsfulltrúa 20. febrúar 2015 var lagt fram erindi frá afgreiðslufundi byggingarfulltrúa 17. febrúar 2015 þar sem sótt er um leyfi til að koma fyrir kaffi/veitingastað í flokki II fyrir 60 gesti á 2. hæð og breyta lítillega í eldhúsi í húsinu á lóð nr. 16 við Grandagarð. Erindinu var vísað til umsagnar verkefnisstjóra.
Gjald kr. 9.823


Vísað til umsagnar Faxaflóahafna.
28.15 Heiðmörk, framkvæmdaleyfi
Á fundi skipulagsfulltrúa 13. febrúar 2015 var lögð fram umsókn Orkuveitu Reykjavíkur - Veitur ohf. um framkvæmdaleyfi vegna lagningu háspennustrengs í Heiðmörk, samkvæmt uppdr. Orkuveitu Reykjavíkur dags. 14. janúar 2015. Umsókninni var vísað til meðferðar hjá verkefnisstjóra og er nú lögð fram að nýju ásamt umsögn Heilbrigðiseftirlits Reykjavíkur dags. 25. febrúar 2015 og umsögn skrifstofu Náttúru og Garða dags. 25. febrúar 2015. Einnig lögð fram umsögn skipulagsfulltrúa dags. 27. febrúar 2015.

Samþykkt með vísan til umsagnar skipulagsfulltrúa dags. 27. febrúar 2015 og með vísan til b. liðar 2. gr. heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
29.15 Holtavegur 32, breyting á deiliskipulagi
Lögð fram umsókn Reykjavíkurborgar dags. 27. febrúar 2015 varðandi breytingu á deiliskipulagi Laugardals austurhluta vegna lóðarinnar nr. 32 við Holtaveg. Í breytingunni felst að gerðir eru tveir byggingarreitir fyrir færanlegar kennslustofur, samkvæmt uppdr. umhverfis- og skipulagssviðs dags. 25. febrúar 2015.
Vísað til umhverfis- og skipulagsráðs.
30.15 Kjalarnes, Grundarhverfi, framkvæmdaleyfi
Á fundi skipulagsfulltrúa 13. febrúar 2015 var lögð fram umsókn Orkuveitu Reykjavíkur dags. 27. janúar 2015 um framkvæmdaleyfi fyrir uppbyggingu aðalfráveitukerfis í Grundarhverfi á Kjalarnesi með tilheyrandi hreinsi- og dælustöðvum. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 27. febrúar 2015.


Samþykkt með vísan til umsagnar skipulagsfulltrúa dags. 27. febrúar 2015 og með vísan til b. liðar 2. gr. heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
31.15 Kjalarnes, Saltvík, (fsp) aukning á nýtingarhlutfalli o.fl.
Á fundi skipulagsfulltrúa 20. febrúar 2015 var lögð fram fyrirspurn Stjörnueggja ehf. dags. 19. febrúar 2015 varðandi aukningu á nýtingarhlutfalli og færslu á byggingarreit í landi Saltvíkur á Kjalarnesi, samkvæmt uppdrætti TAG teiknistofu dags. 17. febrúar 2015. Fyrirspurninni var vísað til meðferðar hjá verkefnisstjóra og er nú lögð fram að nýju.
Fyrirspyrjandi hafi samband við embættið.
32.15 Laugavegur 96, Kaffihús - 1.hæð fl.2
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að innrétta verslun á neðra gólfi og veitingahús í flokki II fyrir 40 gesti í húsi á lóð nr. 96 við Laugaveg. Einnig lögð fram umsögn skipulagsfulltrúa dags. 27. febrúar 2015.

Gjald kr. 9.823

Jákvætt með vísan til umsagnar skipulagsfulltrúa dags. 27. febrúar 2015.
33.15 Austurbakki 2, (fsp) aukning á nýtingahlutfalli o.fl.
Lögð fram fyrirspurn Teiknistofunnar Arkitektar ehf. dags. 23. febrúar 2015 varðandi aukningu á nýtingarhlutfalli B og C rýmis á reit 5 á lóð nr. 2 við Austurbakka ásamt uppbroti á hlið er snýr að Reykjastræti og minnkun lámarks dýptar innskota. Einnig er lögð fram greinargerð Teiknistofunnar Arkitektar ehf. dags. 23. febrúar 2015.

Fyrirspyrjandi hafi samband við embættið.
34.15 Austurhöfn, (fsp) breyting á deiliskipulagi
Lögð fram fyrirspurn Auro Investments ehf. dags. 13. nóvember 2014 um að hækka hluta af byggingarreitnum vegna þakbars, fækka bílastæðum og endurskoða nýtingarhlutfall vegna B rýma, samkvæmt uppdr. Teiknistofunnar Arkitektar ehf. dags. 13. nóvember 2014. Einnig er lagt fram bréf Teiknistofunnar Arkitektar ehf. dags. 13. nóvember 2014 .


Fyrirspyrjandi hafi samband við embættið.
35.15 Austurhöfn, breyting á deiliskipulagi
Lögð fram umsókn Kolufells ehf. og Landstólpa ehf. dags. 17. desember 2014 varðandi breytingu á deiliskipulagi Austurhafnar. Í breytingunni felst lagfæring á hæðarkótum, minnkaður inndráttur jarðhæð á Tryggvagötu, aukið nýtingarhlutfall fyrir B og C rými, hámarkshæð á reit 5 hækkuð vegna þakbars o.fl., samkvæmt innsendri tillögu.
Umsækjandi hafi samband við embættið.
36.15 Háskólinn í Reykjavík, (fsp) endurskoðun deiliskipulags
Lögð fram fyrirspurn Kanon arkitekta ehf dags. 11. desember 2014 um endurskoðun deiliskipulags Háskólans í Reykjavík til samræmis við niðurstöðu hugmyndasamkeppni um deiliskipulags Háskólans í Reykjavík, Háskólagarða.

Vísað til meðferðar hjá verkefnisstjóra.
37.15 Grettisgata 4, (fsp) uppbygging
Á fundi skipulagsfulltrúa 13. febrúar 2015 var lögð fram fyrirspurn Ingimundar Sveinssonar dags. 10. febrúar 2015 varðandi uppbyggingu á lóðinni nr. 4 við Grettisgötu, samkvæmt uppdr. Teiknistofu Ingimundar Sveinssonar ódags. Fyrirspurninni var vísað til meðferðar hjá verkefnisstjóra og er nú lögð fram að nýju.

Ekki eru gerðar athugasemdir við erindið. Samræmist deiliskipulagi.
38.15 Hverfisgata 61, (fsp) - Breyta kjallara - hækka lyftustokk
Á fundi skipulagsfulltrúa 20. febrúar 2015 var lagt fram erindi frá afgreiðslufundi byggingarfulltrúa 17. febrúar 2015 þar sem spurt er hvort leyft yrði að innrétta vinnustofur í kjallara og hvort leyft yrði að hækka lyftuhús og stigahús innan marka deiliskipulags í fjölbýlishúsi á lóð nr. 61 við Hverfisgötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 27. febrúar 2015.

Neikvætt, með vísan til umsagnar skipulagsfulltrúa dags. 27. febrúar 2015. Samræmist ekki deiliskipulagi.
39.15 Laugavegur 56, Veitingastaður fl.2 og verslun
Á fundi skipulagsfulltrúa 13. febrúar 2015 var lagt fram erindi frá afgreiðslufundi byggingarfulltrúa frá 10. febrúar 2015 þar sem sótt er um leyfi til að innrétta veitingahús fyrir 40 gesti í flokki II á 1. og 2. hæð húss á lóð nr. 56 við Laugaveg. Erindinu var frestað og er nú lagt fram að nýju.
Gjald kr. 9.500

Vísað til umsagnar verkefnisstjóra.
40.15 Miklabraut 46, (fsp) - Kvistur og svalir
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort leyfi fengist til að setja kvist og svalir á rishæð hússins á lóð nr. 46 við Miklabraut.

Vísað til umsagnar verkefnisstjóra.
41.15 Miklabraut 48, (fsp) - Kvistur og svalir
Lagt fram erindi frá afgreiðslufundi byggingarfulltrúa frá 24. febrúar 2015 þar sem spurt er hvort leyfi fengist til að setja kvist og svalir á rishæð hússins á lóð nr. 48 við Miklabraut.

Vísað til umsagnar verkefnisstjóra.
42.15 Einholt 2, (fsp) hækkun húss og svalir
Lögð fram fyrirspurn Stay ehf. dags. 23. febrúar 2015 varðandi hækkun hússins á lóðinni nr. 2 við Einholt um tvær hæðir ásamt byggingu svala, samkvæmt uppdr. Ask arkitekta ehf. dags. 20. febrúar 2015.

Vísað til umsagnar verkefnisstjóra.
43.15 Einholt 2, Breyta í gistiheimili
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að innrétta gistiheimili í flokki II með níu gistirýmum sem verður rekið í tengslum við gistiheimili sem fyrir er á lóð (í mhl. 01) og til að byggja svalir á suðurgafl 3. hæðar og á austurhlið 2. og 3. hæð húss á lóð nr. 2 við Einholt.
Jafnframt er erindi BN048198 dregið til baka. Gjald kr. 9.823

Vísað til umsagnar verkefnisstjóra.
44.15 Frakkastígur 8, 3. áfangi
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að byggja 3. áfanga Frakkastígsreits, að byggja nýbyggingu á Laugavegi 41B sem í verður sameiginlegt stiga- og lyftuhús, rífa stigahús á bakhlið Laugavegs 43, stækka til norðurs og hækka þak á norðurhlið, setja kvisti á Laugaveg 45, tengja efri hæðir Laugavegs 43 og 45 við nýbyggingu og innrétta skrifstofur á efri hæðum og verslanir á jarðhæðum á lóð nr. 8 við Frakkastíg.
Samtals 3. áfangi: 1.429,1 ferm., 4.426,8 rúmm. Gjald kr. 9.823

Vísað til umsagnar verkefnisstjóra.
45.15 Friggjarbrunnur 14-16, Breyting inni
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að breyta erindi BN045282, íbúðum er fjölgað um eina og einu bílastæði bætt við á lóð fjölbýlishúss á lóð nr. 14-16 við Friggjarbrunn.
Stækkun: 8,8 ferm. Gjald kr. 9.823

Vísað til umsagnar verkefnisstjóra.
46.15 Laufásvegur 59, Viðbygging - endurbætur
Lagt fram erindi frá afgreiðslufundi byggingarfulltrúa frá 24. febrúar 2015 þar sem sótt er um leyfi til að rífa eldri viðbyggingar til norðurs og vesturs, lækka gólf í kjallara, byggja anddyri til vesturs, bogadregna viðbyggingu úr stofu til suðurs og borðstofu til austurs, breyta innra skipulagi og gera svalir ofan á öllum viðbyggingum á einbýlishúsi á lóð nr. 59 við Laufásveg.
Rif eldri viðbygginga: 4,5 ferm., 11 rúmm. Nýjar viðbyggingar: 95,7 ferm., 258,4 rúmm. Gjald kr. 9.823

Samþykkt að grenndarkynna framlagða byggingarleyfisumsókn fyrir hagsmunaaðilum að Bergstaðastræti 60, 62, 62A og 64 og Laufásvegi 57, 58, 60 og 61.
47.15 Vatnagarðar 8, breyting á deiliskipulagi
Lögð fram umsókn Reginn atvinnuhúsnæðis ehf. dags. 27. febrúar 2015 varðandi breytingu á deiliskipulagi Vatnagarða 4-24 vegna lóðarinnar nr. 8 við Vatnagarða. Í breytingunni felst að gera nýjan byggingarreit fyrir dreifistöð rafmagns, samkvæmt uppdr. Plúsarkitekta ehf. dags. 26. febrúar 2015.
Vísað til meðferðar hjá verkefnisstjóra.
48.15 Öldugata 6, Anddyri - svalir - kvistur
Á fundi skipulagsfulltrúa 20. febrúar 2015 var lagt fram erindi frá afgreiðslufundi byggingarfulltrúa 17. febrúar 2015 þar sem sótt er um leyfi til að byggja anddyri með þaksvölum og kvist á bakhlið einbýlishúss á lóð nr. 6 við Öldugötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags XXXX.
Erindi fylgir umsögn Minjastofnunar Íslands dags. 11. febrúar 2015. Stækkun: 36,2 ferm., 91 rúmm. Gjald kr. 9.823

Samþykkt að grenndarkynna framlagða byggingarleyfisumsókn fyrir hagsmunaaðilum að Öldugötu 4, 5, 7, 7A, 8 og 9 og Bárugötu 5 og 7