Flókagata Miklatún, Bergstaðastræti 29, Bleikargróf 6, Gunnarsbraut 30, Laugavegur 30B, Rauðagerði, Víðimelur 35, Víðimelur 63, Bryggjuhverfi, Miðtún 54, Stuðlasel 7, Tangabryggja 18-24, Bergþórugata 21, Einarsnes 62, Einarsnes 62, Einarsnes 62, Þrastargata 1, Hafnarstræti 17, Neshagi 16, Skildinganes 2, Þingholtsstræti 25, Bergþórugata 1, Frakkastígur 23, Garðastræti 37, Hverfisgata 35, Jafnasel 6, Laugavegur 89-91, Skólavörðustígur 2, Smiðjustígur 13, Grettisgata 9A og 9B, Gylfaflöt 2-4, 6-8, 10-12 og 14, Gylfaflöt 2-4, 6-8, 10-12 og 14, Sogavegur 152, Sogavegur 158, Túngata 7, Höfuðborgarsvæðið, þróunaráætlun, Brautarholt 7,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

521. fundur 2014

Ár 2014, föstudaginn 19. desember kl. 09:15, hélt skipulagsfulltrúi Reykjavíkur 521. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Ann Andreasen. Eftirtaldir embættismenn kynntu mál á fundinum:, Björn Ingi Edvardsson, Guðlaug Erna Jónsdóttir, Lilja Grétarsdóttir, Jón Kjartan Ágústsson, Margrét Þormar og Hildur Gunnarsdóttir. Ritari var Harri Ormarsson.
Þetta gerðist:


1.14 Flókagata Miklatún, Upplýsingaskilti við Kjarvalsstaði
Lagt fram erindi frá afgreiðslufundi byggingarfulltrúa frá 16. desember 2014 þar sem sótt er um leyfi til að koma fyrir upplýsingaskilti, 130 x 270 cm fyrir Kjarvalsstaði á graseyju milli bílastæða við listasafnið og Flókagötu.
Gjald kr. 9.500

Vísað til umsagnar verkefnisstjóra.

2.14 Bergstaðastræti 29, (fsp) - Viðbygging
Á fundi skipulagsfulltrúa 5. desember 2014 var lagt fram erindi frá afgreiðslufundi byggingafulltrúa frá 2. desember 2014 þar sem spurt er hvort leyft yrði að byggja viðbyggingu við einbýlishús á lóð nr. 29 við Bergstaðastræti. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags.12. desember 2014..

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 12. desember 2014.

3.14 Bleikargróf 6, breyting á deiliskipulagi
Lögð fram umsókn Sýrfells ehf dags. 16. desember 2014 um breytingu á deiliskipulagi vegna lóðarinnar nr. 6 við Bleikargróf. Í breytingunni felst fjölgun íbúða og breyting á byggingarreit samkvæmt uppdrætti Gests Ólafssonar arkitekts, dags. 15. desember 2014.

Vísað til umhverfis- og skipulagsráðs.

4.14 Gunnarsbraut 30, Stækkun íbúðarhúss, bifreiðargeymsla o.fl.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 16. september 2014 þar sem sótt er um leyfi til að byggja viðbyggingu úr steinsteypu, byggja tvennar svalir á suðvesturhlið, breyta innra skipulagi og breyta í tvíbýlishús, fjölbýlishúsi á lóð nr. 30 við Gunnarsbraut. Einnig er lögð fram umsögn skipulagsfulltrúa dags. 3. október 2014. Einnig eru lagðir fram tölvupóstar Stefáns Boga Stefánssonar dags. 10. nóvember 2014, Huldu Sigfúsdóttur dags. 13. nóvember 2014 og Þóru Einarsdóttur og Björns Ingibergs Jónssonar dags. 18. nóvember 2014 þar sem ekki er gerð athugasemd við erindið. Jafnframt er lagður fram tölvupóstur Sjafnar Vilhelmsdóttur dags. 17. nóvember 2014 þar sem óskað er eftir framlengingu á athugasemdarfresti. Erindi var grenndarkynnt frá 23. október til og með 4. desember 2014. Eftirtaldir aðilar sendi inn athugasemdir: Inga Reynisdóttir dags. 26. nóvember 2014, Steinunn Kristjánsdóttir dags. 2. desember 2014, Ragnheiður Aradóttir og Kári Steinars Karlsson dags. 3. desember 2014, Hinrik Á. Bóason, Guðbjörg Á. Ingólfsdóttir, Sjöfn Vilhelmsdóttir og Ólöf Markúsdóttir dags. 3. desember 2014, húsfélagið Gunnarsbraut 28 dags. 4. desember 2014 og Sigurbjörn Kjartansson dags. 3. desember 2014.
Meðfylgjandi er bréf umsækjanda dags. 1. apríl 2014 og útskrift úr gerðabók embættisafgreiðslufundar skipulagsfulltrúa frá 2. maí 2014 ásamt umsögnum verkefnisstjóra dags. 28. apríl 2014 og umsögn skrifstofu sviðsstjóra dags. 28. apríl 2014. Meðfylgjandi er einnig bréf með útskrift úr gerðabók skipulagsfulltrúa dags. 5. maí 2014. Stækkun: 112,6 ferm., 345,6 rúmm. Heildarstærð verður: 372,2 ferm., 1.099,9 rúmm. Gjald kr. 9.500

Kynna formanni umhverfis- og skipulagsráðs.

5.14 Laugavegur 30B, (fsp) aukning á byggingarmagni
Á fundi skipulagsfulltrúa 5. desember 2014 var lögð fram fyrirspurn Hildar Bjarnadóttur dags. 3. desember 2014 varðandi aukningu á byggingarmagni lóðarinnar nr. 30B við Laugaveg. Fyrirspurninni var frestað og er nú lögð fram að nýju.

Kynna formanni umhverfis- og skipulagsráðs.

6.14 Rauðagerði, afmörkun og nýting lóðar undir bílastæði
Lagt fram bréf Draupnis lögmannsþjónustu ehf. dags. 8. desember 2014 varðandi afmörkun og nýtingu lóðar undir bílastæði í botnlanga Rauðagerðis.

Vísað til umsagnar skrifstofu sviðsstjóra.

7.14 Víðimelur 35, (fsp) - Breyta í íbúð
Á fundi skipulagsfulltrúa 12. desember 2014 var lagt fram erindi frá afgreiðslufundi byggingarfulltrúa frá 9. desember 2014 þar sem spurt er hvort breyta megi matshluta 03, sem er skráð sem iðnaðar-/atvinnuhúsnæði og bílskúr, í þrjár íbúðir, allar með sér inngangi, við fjölbýlishús á lóð nr. 35 við Víðimel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. desember 2014.

Neikvætt, með vísan til umsagnar skipulagsfulltrúa dags. 15. desember 2014.

8.14 Víðimelur 63, (fsp) hækkun á þaki og bygging kvista
Á fundi skipulagsfulltrúa 12. desember 2014 var lögð fram fyrirspurn Kjartans Hafsteins Rafnssonar dags. 10. desember 2014 varðandi hækkun á þaki hússins á lóðinni nr. 63 við Víðimel um 1. metra og byggingu kvista. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 16. desember 2014.

Ekki er gerð athugasemd við erindið með vísan til umsagnar skipulagsfulltrúa dags. 16. desember 2014. Byggingarleyfisumsókn verður grenndarkynnt berist hún.

9.14 Bryggjuhverfi, (fsp) uppsátur
Lögð fram fyrirspurn Jóhannesar H. Steingrímssonar dags. 17. desember 2014 varðandi uppsátur í bryggjuhverfi. Einnig er lögð fram umsögn skipulagsfulltrúa dags. 19. desember 2014.

Umsögn skipulagsfulltrúa dags. 19. desember 2014 samþykkt.

10.14 Miðtún 54, (fsp) kvistir o.fl.
Lögð fram fyrirspurn Halls Kristvinssonar dags. 16. desember 2014 um að byggja kvisti og útitröppur með inntaksrými undir við húsið á lóðinni nr. 54 við Miðtún. Einnig er lögð fram umsögn skipulagsfulltrúa dags. 19. desember 2014.

Jákvætt með vísan til umsagnar skipulagsfulltrúa dags. 19. desember 2014.

11.14 Stuðlasel 7, (fsp) - Aukaíbúð
Á fundi skipulagsfulltrúa 12. desember 2014 var lagt fram erindi frá afgreiðslufundi byggingarfulltrúa frá 9. desember 2014 þar sem spurt er hvort breyta megi skipulagsskilmálum þannig að stærð og staðsetningu byggingarreits verði breytt sbr. ósk umsækjanda á meðfylgjandi gögnum, nýtingarhlutfall yrði eftir sem áður 0,4. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. desember 2014.

Neikvætt, með vísan til umsagnar skipulagsfulltrúa dags. 19. desember 2014.

12.14 Tangabryggja 18-24, (fsp) fjölgun íbúða
Á fundi skipulagsfulltrúa 20. nóvember 2014 var lögð fram fyrirspurn Björns Ólafs dags. 4. nóvember 2014 varðandi fjölgun íbúða í húsinu á lóðinni nr. 18-24 við Tangabryggju, samkvæmt tillögu ódags. Einnig er lögð fram greinargerð Björns Ólafs arkitekts dags. 3. október 2014 og tölvupóstur dags. 16. nóvember 2014. Jafnframt er lögð fram breytt tillaga Björns Ólafs dags. 28. nóvember 2014 ásamt bréfi bréfi ódags. Fyrirspurninni var frestað og er nú lögð fram að nýju ásamt umsögn skipulagsfulltrúa dags 18. desember 2014.

Jákvætt, sbr. þó skilyrði og leiðbeiningar sem fram koma í umsögn skipulagsfulltrúa dags. 18. desember 2014.

13.14 Bergþórugata 21, (fsp) - Hækkun á risi
Lagt fram erindi frá afgreiðslufundi byggingarfulltrúa frá 16. desember 2014 þar sem spurt er hvort leyft yrði að hækka ris, byggja kvisti, gera svalir og innrétta íbúð í fjölbýlishúsi á lóð nr. 21 við Bergþórugötu.

Vísað til umsagnar verkefnisstjóra.

14.14 Einarsnes 62, flutningshús frá Vegamótastíg 9
Á fundi skipulagsfulltrúa 12. desember 2014 var lagður fram tölvupóstur skrifstofu eigna og atvinnuþróunar dags. 9. desember þar sem óskað er eftir afstöðu skipulagsfulltrúa á umsókn Studio Granda dags. 5. desember 2014 um flutning á húsi sem stendur á lóð nr. 9 við Vegamótastíg á lóð nr. 62 við Einarsnes. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 18. desember 2014.

Umsögn skipulagsfulltrúa dags. 18. desember 2014 samþykkt.

15.14 Einarsnes 62, flutningshús sem áður stóð á Hverfisgötu 58A
Á fundi skipulagsfulltrúa 12. desember 2014 var lagður fram tölvupóstur skrifstofu eigna og atvinnuþróunar dags. 9. desember þar sem óskað er eftir afstöðu skipulagsfulltrúa á umsókn Zeppelin ehf. dags. 5. desember 2014 um flutning á húsi sem áður stóð á lóð nr. 58A við Hverfisgötu á lóð nr. 62 við Einarsnes. Sótt er um flutningslóð nr. 1 við Þrastargötu til vara. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 18. desember 2014.

Umsögn skipulagsfulltrúa dags. 18. desember 2014 samþykkt.

16.14 Einarsnes 62, flutningshús sem áður stóð á Laugavegi 74
Á fundi skipulagsfulltrúa 12. desember 2014 var lagður fram tölvupóstur skrifstofu eigna og atvinnuþróunar dags. 9. desember þar sem óskað er eftir afstöðu skipulagsfulltrúa á umsókn Zeppelin ehf. dags. 5. desember 2014 um flutning á húsi sem áður stóð á lóð nr. 74 við Laugaveg á lóð nr. 62 við Einarsnes. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 18. desember 2014.
.

Umsögn skipulagsfulltrúa dags. 18. desember 2014 samþykkt.

17.14 Þrastargata 1, flutningshús fyrir Barónsstíg 28
Á fundi skipulagsfulltrúa 12. desember 2014 var lagður fram tölvupóstur skrifstofu eigna og atvinnuþróunar dags. 9. desember þar sem óskað er eftir afstöðu skipulagsfulltrúa á umsókn Guðmundar Björns Lýðssonar dags. 4. desember 2014 um flutning á húsi nr. 28 við Barónsstíg á lóð nr. 1 við Þrastargötu. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 18. desember 2014.
Umsögn skipulagsfulltrúa dags. 18. desember 2014 samþykkt.

18.14 Hafnarstræti 17, (fsp) breyting á framhlið hússins
Lögð fram fyrirspurn Sjöstjörnunnar ehf. dags. 17. desember 2014 varðandi breytingu á framhlið hússins á lóðinni nr. 17 við Hafnarstræti. Einnig eru lagðar fram tvær tillögu THG arkitekta ehf. dags. 2. og 17. desember 2014 og umsögn Minjastofnunar Íslands dags. 4. desember 2014.

Kynna formanni umhverfis- og skipulagsráðs.

19.14 Neshagi 16, Breyting inni 1, 2-3 hæð - varaaflstöð og kælibúnaðs
Lagt fram erindi frá afgreiðslufundi byggingarfulltrúa frá 16. desember 2014 þar sem sótt er um leyfi til að breyta innra skipulagi 1. 2. og 3. hæð og koma fyrir rými fyrir kælibúnað og varaaflstöð við norðurhlið húss á lóð nr. 16 við Neshaga.
Stærð varaaflstöðvarhúss mhl. 03 er 6,0 ferm. , 13,0 rúmm. og kælibúnaðarhúss 02 er 5,3 ferm., 11,7 rúmm. Gjald kr. 9.500

Vísað til umsagnar verkefnisstjóra.

20.14 Skildinganes 2, (fsp) hækkun á nýtingarhlutfalli o.fl.
Á fundi skipulagsfulltrúa 12. desember 2014 var lögð fram fyrirspurn Aðalheiðar Atladóttur dags. 8. desember 2014 varðandi hækkun á nýtingarhlutfalli, aukaíbúð og kvöð um bifreiðageymslu á lóð nr. 2 við Skildinganes. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. desember 2014.

Neikvætt, með vísan til umsagnar skipulagsfulltrúa dags. 19. desember 2014.

21.14 Þingholtsstræti 25, (fsp) breyting á deiliskipulagi
Lögð fram fyrirspurn skrifstofu eigna og atvinnuþróunar dags. 15. desember 2014 um breytingu á deiliskipulagi lóðarinnar nr. 25 við Þingholtsstræti sem felur í sér breytingu notkun hússins úr gistiheimili í íbúðarhúsnæði.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.

22.14 Bergþórugata 1, (fsp) breyting á notkun
Á fundi skipulagsfulltrúa 12. desember 2014 var lögð fram fyrirspurn Nimit Thaiprasert dags. 9. desember 2014 um að breyta notkun íbúðarhússins á lóðinni nr. 1 við Bergþórugötu í veitingahús. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. desember 2014..

Jákvætt með vísan til umsagnar skipulagsfulltrúa dags. 19. desember 2014.

23.14 Frakkastígur 23, (fsp) - Stöðuleyfi fyrir smáhýsi
Á fundi skipulagsfulltrúa 12. desember 2014 var lagt fram erindi frá afgreiðslufundi byggingarfulltrúa frá 9. desember 2014 þar sem spurt er hvort tímabundið stöðuleyfi fáist fyrir smáhýsi í stað færanlegs vagns þar sem seldur yrði matur og drykkur á lóð nr. 23 við Frakkastíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. desember 2014.

Neikvætt, með vísan til umsagnar skipulagsfulltrúa dags. 19. desember 2014.

24.14 Garðastræti 37, rekstrarleyfi í flokki II
Á fundi skipulagsfulltrúa 5. desember 2014 var lagður fram tölvupóstur skrifstofu borgarstjórnar dags. 1. desember 2014 þar sem óskað er eftir umsögn umhverfis- og skipulagssviðs á umsókn Gam Management ehf. um rekstrarleyfi í flokki II fyrir veitingastofu Gam Management að Garðastræti 37. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 19. desember 2014.


Neikvætt, með vísan til umsagnar skipulagsfulltrúa dags. 19. desember 2014.



25.14 Hverfisgata 35, (fsp) veitingastaður í flokki I
Lögð fram fyrirspurn Vífils R. Eiríkssonar dags. 12. desember 2014 um að reka skyndibitastað/veitingastað í flokki I á jarðhæð hússins á lóð nr. 35 við Hverfisgötu. Einnig er lögð fram umsögn skipulagsfulltrúa dags. 19. desember 2014.


Jákvætt, með vísan til umsagnar skipulagsfulltrúa dags. 19. desember 2014.

26.14 Jafnasel 6, rekstrarleyfi í flokki III
Á fundi skipulagsfulltrúa 12. desember 2014 var lagður fram tölvupóstur skrifstofu borgarstjórnar dags. 10. desember 2014 þar sem óskað er eftir umsögn umhverfis- og skipulagssviðs á umsókn Ölbergs ehf. um endurnýjun rekstrarleyfis í flokki III fyrir krána Moe's Bar að Jafnaseli 6. Sótt er um veitingatíma áfengis til kl. 01:00 virka daga og til kl. 03:00 um helgar. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. desember 2014.

Jákvætt, með vísan til umsagnar skipulagsfulltrúa dags. 19. desember 2014.

27.14 Laugavegur 89-91, 91 - Íbúð 3.hæð
Lagt fram erindi frá afgreiðslufundi byggingarfulltrúa frá 16. desember 2014 þar sem sótt er um leyfi til að breyta skrifstofum á 3. hæð í íbúð ásamt geymslu í kjallara í húsi nr. 91 á lóð nr. 89 - 91 við Laugaveg.
Gjald kr. 9.500. Einnig lögð fram umsögn skipulagsfulltrúa dags. 19. desember 2014.

Ekki gerðar skipulagslegar athugasemdir við erindið með vísan til umsagnar skipulagsfulltrúa dags. 19. desember 2014.

28.14 Skólavörðustígur 2, (fsp) breyting á notkun bakhúss
Á fundi skipulagsfulltrúa var lögð fram fyrirspurn Árna Ólafs Reynissonar dags. 25. nóvember 2014 um að breyta notkun bakhúss lóðarinnar nr. 2 við Skólavörðustíg í íbúðarrými. Fyrirspurninni var frestað og er nú lögð fram að nýju. Einnig lögð fram umsögn skipulagsfulltrúa dags. 19. desember 2014.


Neikvætt, með vísan til umsagnar skipulagsfulltrúa dags. 19. desember 2014.

29.14 Smiðjustígur 13, (fsp) breyting á notkun
Á fundi skipulagsfulltrúa 28. nóvember 2014 var lögð fram fyrirspurn Friðleifs E. Guðmundssonar dags. 27. nóvember 2014 um að breyta notkun hússins á lóðinni nr. 13 við Smiðjustíg í gistiheimili í flokki II, III eða IV. Fyrirspurninni var vísað til meðferðar hjá verkefnisstjóra og er nú lögð fram að nýju. Einnig er lögð fram umsögn skipulagsfulltrúa dags. 19. desember 2014.


Neikvætt, með vísan til umsagnar skipulagsfulltrúa dags. 19. desember 2014.

30.14 Grettisgata 9A og 9B, breyting á deiliskipulagi
Lögð fram umsókn skrifstofu eigna og atvinnuþróunar dags. 19. desember 2014 varðandi breytingu á deiliskipulagi reits 1.172.2 vegna lóðanna nr. 9A og 9B við Grettisgötu. Í breytingunni felst að skilgreindar eru tvær lóðir fyrir flutningshús á borgarlandi, samkvæmt uppdr. Argos ehf. dags. 3. desember 2014.
Vísað til umhverfis- og skipulagsráðs.

31.14 Gylfaflöt 2-4, 6-8, 10-12 og 14, (fsp) breyting á deiliskipulagi
Lögð fram fyrirspurn skrifstofu eigna og atvinnuþróunar dags. 15. desember 2014 um breytingu á deiliskipulagi fyrir lóðirnar nr. 2-4, 6-8, 10-12 og 14 við Gylfaflöt sem felst í skýrari fyrirkomulagi bygginga, bílastæða o.fl.

Vísað til meðferðar hjá verkefnisstjóra.

32.14 Gylfaflöt 2-4, 6-8, 10-12 og 14, breyting á deiliskipulagi
Lögð fram umsókn Orkuveitu Reykjavíkur - Veitur ohf. dags. 17. desember 2014 varðandi breytingu á deiliskipulagi lóðanna nr. 2-4, 6-8, 10-12 og 14 við Gylfaflöt. Í breytingunni felst að skilgreina lóð fyrir dreifistöð Orkuveitu Reykjavíkur - Veitna vegna uppbyggingar á lóðunum nr. 2-4, 6-8, 10-12 og 14 við Gylfaflöt. Innan nýrrar lóðar er skilgreindur byggingarreitur fyrir dreifistöð, samkvæmt uppdr. Landslags ehf. dags. 9. desember 2014.

Vísað til meðferðar hjá verkefnisstjóra.

33.14 Sogavegur 152, Garðstofa
Lagt fram erindi frá afgreiðslufundi byggingarfulltrúa frá 16. desember 2014 þar sem sótt er um leyfi til að byggja garðstofu við suðurhlið parhúss á lóð nr. 152 við Sogaveg. Einnig er lögð fram umsögn skipulagsfulltrúa dags. 19. desember 2014.
Stækkun: 12,6 ferm., xx rúmm. Gjald kr. 9.500

Neikvætt, með vísan til umsagnar skipulagsfulltrúa dags. 19. desember 2014. Sækja þarf um breytingu á deiliskipulagi.

34.14 Sogavegur 158, (fsp) - Svalir
Á fundi skipulagsfulltrúa 5. desember 2014 var lagt fram erindi frá afgreiðslufundi byggingafulltrúa frá 2. desember 2014 þar sem spurt er hvort byggja megi svalir úr timbri og stáli, m.a. sem flóttaleið í eldsvoða við efri hæð einbýlishúss á lóð nr. 158 við Sogaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. desember 2014.

Jákvætt með vísan til umsagnar skipulagsfulltrúa dags. 19. desember 2014.

35.14 Túngata 7, Breyta vegg - girðing
Á fundi skipulagsfulltrúa 28. nóvember 2014 var lagt fram erindi frá afgreiðslufundi byggingarfulltrúa frá 25. nóvember 2014 þar sem sótt er um leyfi til að lækka núverandi lóðaveggi og hækka lóðarveggi til suðurs, steypta nýjan vegg/undirstöðu á vesturenda lóðar svo er fest ofan á lóðarveggin sérsmíðuð öryggisgirðing með rafdrifnu hliði á lóð nr. 7 við Túngötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 17. desember 2014.
Gjald kr. 9.500

Jákvætt með vísan til umsagnar skipulagsfulltrúa dags. 17. desember 2014.

36.14 Höfuðborgarsvæðið, þróunaráætlun, beiðni um upplýsingar
Lagt fram bréf samtaka sveitarfélaga á höfuðborgarsvæðinu dags. 12. desember 2014 þar sem óskað er eftir upplýsingum vegna fjögurra ára þróunaráætlun höfuðborgarsvæðisins .

Vísað til umsagnar deildarstjóra svæðis- og aðalskipulags.

37.14 Brautarholt 7, (fsp) fjölgun íbúða
Á fundi skipulagsfulltrúa 12. desember 2014 var lögð fram fyrirspurn Félagsstofnunar stúdenta dags. 10. desember 2014 um að fjölga íbúðum í húsinu á lóð nr. 7 við Brautarholt. Fyrirspurninni var vísað til meðferðar hjá verkefnisstjóra og er nú lögð fram að nýju.
Jákvætt, enda sé kröfum um bílastæði í deiliskipulagi uppfyllt.