Brekkugerði 8, Dunhagi 18-20, Eikjuvogur 27, Gerðhamrar 21, Stangarhylur 4, Veghúsastígur 9A, Ásvallagata 48, Skipholt 70, Barónsstígur 47, Hljómskálagarður, Laugavegur 56, Laugavegur 56, Hverfisgata 106, Laugavegur 70 og 70B, Laugavegur 145, Njálsgata 78, Skógarhlíð 12, Hrísateigur 14, Kleifarvegur 6, Langagerði 20, Laugavegur 105, Mávahlíð 20, Njálsgata 51, Bíldshöfði 9, Bryggjuhverfi, Skipholt 9, Smiðshöfði 1, Sóltún 1, Tangabryggja, Hringbraut Landsp., Álfsnes, Sorpa, Seltjarnarnes, endurskoðun aðalskipulags 2006-2024, Austurhöfn, reitir 1 og 2, Austurhöfn, Hlíðarendi,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

516. fundur 2014

Ár 2014, föstudaginn 14. nóvember kl. 09:15 var haldinn 516. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:


1.14 Brekkugerði 8, (fsp) stækkun húss
Lögð fram fyrirspurn Halldórs Guðmundssonar dags. 10. nóvember 2014 varðandi stækkun hússins á lóðinni nr. 8 við Brekkugerði, samkvæmt uppdr. THG Arkitekta ehf. dags. 10. nóvember 2014.

Vísað til meðferðar verkefnisstjóra.

2.14 Dunhagi 18-20, (fsp) bygging húss
Lögð fram fyrirspurn D 18 ehf. dags. 11. nóvember 2014 um að byggja tveggja hæða hús fyrir stúdentaíbúðir aftan við núverandi hús á lóð nr. 18-20 við Dunhaga.
Frestað.
Umsækjandi hafi samband við embætti skipulagsfulltrúa.


3.14 Eikjuvogur 27, (fsp) tvær íbúðir
Lögð fram fyrirspurn Halldóru Harðardóttur dags. 13. nóvember 2014 um hvort leyfilegt yrði að byggja tvíbýlishús á óbyggðri einbýlishúsalóð nr. 27 við Eikjuvog.





Vísað til meðferðar hjá verkefnisstjóra.

4.14 Gerðhamrar 21, (fsp) - Tvær íbúðir
Á fundi skipulagsfulltrúa 7. nóvember 2014 var lagt fram erindi frá afgreiðslufundi byggingarfulltrúa frá 4. nóvember 2014 þar sem spurt er hvort leyft yrði að skrá sem tvær íbúðir einbýlishús á lóð nr. 21 við Gerðhamra. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 10. nóvember 2014.

Neikvætt með vísan til umsagnar skipulagsfulltrúa, dags. 10. nóvember 2014.


5.14 Stangarhylur 4, (fsp) breyting á notkun
Lögð fram fyrirspurn Öldu Guðbjörnsdóttur dags. 13. nóvember 2014 um að breyta efri hæð hússins á lóðinni nr. 4 við Stangarhyl í íbúðarhúsnæði.

Vísað til meðferðar hjá verkefnisstjóra.

6.14 Veghúsastígur 9A, málskot
Lagt fram málskot Guðrúnar Fanneyjar Sigurðardóttur arkitekts f.h. Þórðar Birgis Bogasonar dags. 10. nóvember 2014 vegna neikvæðrar afgreiðslu skipulagsfulltrúa frá 31. október 2014 um að rífa húsið á lóðinni nr. 9A við Veghúsastíg og byggja nýtt.

Vísað til umhverfis-og skipulagsráðs

7.14 Ásvallagata 48, (fsp) uppbygging
Lögð fram fyrirspurn Páls Hjaltasonar dags. 30. október 2014 varðandi uppbyggingu á lóðinni nr. 48 við Ásvallagötu, samkvæmt ódags. tillögu Einnig er lögð fram umsögn skipulagsfulltrúa dags. 14. nóvember 2014.

Jákvætt, sbr. þó skilyrði og leiðbeiningar sem fram koma í umsögn skipulagsfulltrúa dags. 14. nóvember 2014

9.14 Skipholt 70, (fsp) hækkun húss og breyting á notkun
Lögð fram fyrirspurn Teiknistofunnar Arkitektar ehf. dags. 12. nóvember 2014 varðandi hækkun hússins á lóðinni nr. 70 við Skipholt um eina inndregna hæð ásamt breytingu á notkun annarrar hæðar hússins úr atvinnuhúsnæði í íbúðir/gistiheimili, samkvæmt tillögu Teiknistofunnar arkitektar dags. 11. nóvember 2014.

Vísað til umsagnar verkefnisstjóra.

10.14 Barónsstígur 47, (fsp) - Vínveitingar 1.hæð
Á fundi skipulagsfulltrúa 7. nóvember 2014 var lagt fram erindi frá afgreiðslufundi byggingarfulltrúa frá 4. nóvember 2014 þar sem spurt er hvort leyft yrði að selja léttvín í borðsal á 1. hæð í tengslum við rekstur Hostel B47 í Heilsuverndarstöðinni á lóð nr. 47 við Barónsstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 10. nóvember2014.

Umsögn skipulagsfulltrúa dags. 10. nóvember 2014, samþykkt.

11.14 Hljómskálagarður, tímabundið áfengisveitingaleyfi
Lagður fram tölvupóstur skrifstofu borgarstjórnar dags. 5. nóvember 2014 þar sem óskað er eftir umsögn umhverfis- og skipulagssviðs á umsóknum Sirkus Íslands um tækifærisleyfi og tímabundið áfengisveitingaleyfi í Hljómskálagarði dagana 4-10 desember 2014 frá kl. 19:30 til kl. 22:30 og dagana 11-14 desember 2014 frá kl. 19:30 til kl. 22:30 í tilefni af jólakabarett Sirkus Íslands. Einnig er lögð fram umsögn skipulagsfulltrúa dags. 12.nóvember 2014
Jákvætt með vísan til umsagnar skipulagsfulltrúa dags. 12. nóvember 2014

12.14 Laugavegur 56, (fsp) - Rekstrarleyfi fl.2
Lagt fram erindi frá afgreiðslufundi byggingarfulltrúa frá 4. nóvember 2014 þar sem spurt er hvort rekstrarleyfi fáist fyrir (veitingasölu) í flokki II þar sem búið er að afturkalla tvö leyfi á þessu svæði og pláss er í kvótanum fyrir veitingasölu í húsi á lóð nr. 56 við Laugaveg. Einnig er lagður fram tölvupóstur Olivers Pálmasonar f.h. L56 ehf., R101 ehf. og Djús ehf. dags. 13. nóvember 2014 þar sem erindi er dregið til baka.

Erindi dregið til baka, sbr. tölvupóst dags. 13. nóvember 2014.

13.14 Laugavegur 56, (fsp) notkun húss
Lögð fram fyrirspurn L56 ehf. dags. 13. nóvember 2014 varðandi notkun hússins á lóðinni nr. 56 við Laugaveg, samkvæmt tillögu Stáss arkitekta ódags.

Vísað til umsagnar verkefnisstjóra.

14.14 Hverfisgata 106, (fsp) jarðhýsi
Á fundi skipulagsfulltrúa 7. nóvember 2014 var lögð fram fyrirspurn Random ark ehf. dags. 3. nóvember 2014 um að byggja jarðhýsi á baklóð að Hverfisgötu 106, samkvæmt uppdrætti Random ark ehf. dags. október 2014. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 14. nóvember 2014..

Jákvætt, sbr. þó skilyrði og leiðbeiningar sem fram koma í umsögn skipulagsfulltrúa dags.14. nóvember 2014.

15.14 Laugavegur 70 og 70B, (fsp) uppbygging
Á fundi skipulagsfulltrúa 31. október 2014 var lögð fram fyrirspurn Sigurjóns Sigurgeirssonar og Sigurgeirs Sigurjónssonar dags. 28. október 2014 varðandi uppbyggingu á lóðunum nr. 70 og 70B við Laugaveg, samkvæmt uppdr. Adamssonar ehf. dags. 27. október 2014.

Vísað til umsagnar Minjastofnunar.

16.14 Laugavegur 145, (fsp) viðbygging
Lögð fram fyrirspurn Kjartans Rafnssonar dags. 12. nóvember 2014 um að byggja við húsið á lóðinni nr. 145 við Laugaveg.

Vísað til meðferðar hjá verkefnisstjóra.

17.14 Njálsgata 78, Hæð og ris
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 6. maí 2014 þar sem sótt er um leyfi til að byggja steinsteypta hæð og ris með kvistum á götuhlið, byggja svalir á garðhlið og innrétta tvær nýjar íbúðir í fjölbýlishúsi á lóð nr. 78 við Njálsgötu. Einnig lögð fram umsögn skipulagsfulltrúa dags. 15. maí 2014. Erindi var grenndarkynnt frá 9. október til og með 7. nóvember 2014. Eftirtaldir aðilar sendu athugasemdir: Stefán Geir Þórisson hrl. f.h. Eddu Ólafsdóttur dags. 28. október 2014 og 5. nóvember 2014, Berglind Guðmundsdóttir dags. 29. október 2014, Elín Sighvatsdóttir dags. 2. nóvember 2014, Brynjar Kristinsson dags. 5. nóvember 2014 og Pétur Gautur Svavarsson dags. 6. nóvember 2014. Einnig lagt fram bréf stjórnarformanns Þ11 ehf. dags. 13. nóvember 2014.
Stækkun: xx ferm., xx rúmm. Gjald kr. 9.500

Vísað til umsagnar verkefnisstjóra.

18.14 Skógarhlíð 12, (fsp) fjölgun bílastæða
Á fundi skipulagsfulltrúa 7. nóvember 2014 var lögð fram fyrirspurn Teiknistofu arkitekta Gylfa Guðjónssonar og félaga ehf. dags. 6. nóvember 2014 varðandi fjölgun bílastæða á og við lóðina nr. 12 við Skógahlíð, samkvæmt uppdr. Teiknistofu arkitekta Gylfa Guðjónssonar og félaga ehf. dags. 30. október 2014. Fyrirspurninni var vísað til meðferðar hjá verkefnisstjóra og er nú lögð fram að nýju, ásamt umsögn skipulagsfulltrúa dags. 12. nóvember 2014.

Umsögn skipulagsfulltrúa, dags. 12. nóvember 2014, samþykkt.

19.14 Hrísateigur 14, Breyting á deiliskipulagi
Að lokinni grenndarkynningu er lögð fram að nýju umsókn Norðureyjar ehf. dags. 10. september 2014 varðandi breytingu á deiliskipulagi Teigahverfis vegna lóðarinnar nr. 14 við Hrísateig. Í breytingunni felst breyting á byggingarreit lóðar, samkvæmt uppdr. Hildar Bjarnadóttur ark. ódags. Tillagana var grenndarkynnt frá 7. október til og með 4. nóvember: Eftirfarandi aðilar sendu athugasemdir: Ásdís Jóhannesdóttir dags. 20. október 2014, húsfélagið að Hrísateig 12 dags. 3. nóvember 2014 og Atli Freyr Þórðarson og Ásdís María Rúnarsdóttir dags. 4. nóvember 2014. Að lokinni kynningu barst athugasemd frá Aðalheiði Gísladóttur og Guðmundi Ö. Bergþórssyni dags. 6. nóvember 2014.

Vísað til umhverfis-og skipulagsráðs

20.14 Kleifarvegur 6, (fsp) tvær íbúðir
Lögð fram fyrirspurn Kristófers Ólafssonar dags. 11. nóvember 2014 um að breyta einbýlishúsi á lóð nr. 6 við Kleifarveg í tvær íbúðir. Einnig lögð fram umsögn skipulagsfulltrúa dags. 14. nóvember 2014.

Jákvætt með vísan til umsagnar skipulagsfulltrúa dags. 14. nóvember 2014.

21.14 Langagerði 20, Viðbygging/sólskáli
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 23. september 2014 þar sem sótt er um leyfi til að byggja sólskála með steinsteyptum sökkli við húsið á lóð nr. 20 við Langagerði. Einnig er lögð fram umsögn skipulagsfulltrúa dags. 1. október 2014. Erindi var var grenndarkynnt frá 9. október til og með 7. nóvember 2014. Engar athugasemdir bárust.
Samþykki frá Langagerði 18 dags. 14 september 2014 fylgir. Stækkun: XX ferm., XX rúmm. Gjald kr. 9.500

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


22.14 Laugavegur 105, (fsp) viðbygging
Á fundi skipulagsfulltrúa 7. nóvember 2014 var lögð fram fyrirspurn Gunnlaugs Jónassonar dags. 6. nóvember 2014 um að byggja við húsið á lóðinni nr. 105 við Laugaveg, samkvæmt uppdr. G og G arkitektúr dags. 6. nóvember 2014. Fyrirspurninni var vísað til meðferðar verkefnisstjóra og er nú lögð fram að nýju, ásamt umsögn skipulagsfulltrúa dags. 10. nóvember 2014.

Neikvætt, með vísan til umsagnar skipulagsfulltrúa dags. 10. nóvember 2014.

23.14 Mávahlíð 20, Þak/þakíbúð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. september 2014 þar sem sótt er um leyfi til að hækka þakhæð, koma kvistum, þaksvölum og breyta ósamþykktri íbúð í risi í samþykkta íbúð í húsinu á lóð nr. 20 við Mávahlíð. Sbr. erindi sem samþykkt var 13. ágúst 1981. Erindi var grenndarkynnt frá 9. október til og með 7. nóvember 2014. Engar athugasemdir bárust.
Stækkun : XX ferm., XX rúmm. Gjald kr. 9.500

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


24.14 Njálsgata 51, breyting á deiliskiplagi
Að lokinni grenndarkynningu er lögð fram að nýju umsókn Söru Hlín Marti Guðmundsdóttur dags. 26. september 2014 um breytingu á deiliskipulagi reits 1.191, Njálsgötureits. Í breytingunni felst lítil stækkun á skúr á baklóð húss númer 51 við Njálsgötu, samkvæmt uppdr. Krads arkitekta dags. 16. september 2014 og samþykkti nágranna. Tillagan var grenndarkynnt frá 9. október til og með 7. nóvember 2014. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar

25.14 Bíldshöfði 9, (fsp) breytt uppbygging á lóð
Á fundi skipulagsfulltrúa 10. október 2014 var lögð fram fyrirspurn Dap ehf. f.h. eigenda dags. 9. október 2014 varðandi breytta uppbyggingu á lóðinni nr. 9 við Bíldshöfða s.s. skiptingu lóðar, breytta notkun og stækkun á byggingarreit, samkvæmt tillögu Dap ehf. dags. 9. október 2014. Einnig er lögð fram greinargerð Dap ehf. dags. 9. október 2014. Fyrirspurninni var vísað til meðferðar hjá verkefnisstjóra og er nú lagt fram að nýju, ásamt umsögn skipulagsfulltrúa dags. 12. nóvember 2014..

Neikvætt með vísan til umsagnar skipulagsfulltrúa dags. 12. nóvember 2014.

26.14 Bryggjuhverfi, breyting á deiliskipulagi
Að lokinni auglýsingu er lögð fram að nýju umsókn Björns Ólafs arkitekts f.h. Arcus ehf. dags. 19. júní 2014 varðandi breytingu á deiliskipulagi Bryggjuhverfis vegna lóða við Tangabryggju og Naustabryggju. Í breytingunni felst breyting á byggingarreitum, bílastæðum, innkeyrslum o.fl., samkvæmt lagfærðum uppdr. Björns Ólafs arkitekts dags. 3. september 2014. Einnig er lögð fram greinargerð Björns Ólafs ark. og Arcus ehf. dags. 23. júní 2014.
Tillagan var auglýst frá 26. september til og með 7. nóvember 2014. Eftirtaldir aðilar sendu athugasemdir: Sveinn Magnússon dags. 2. október 2014 og íbúasamtök Bryggjuhverfis dags. 6. nóvember 2014. Einnig er lögð fram bókun Hverfisráðs Grafarvogs frá 28. október 2014.

Vísað til umsagnar verkefnisstjóra.

27.14 Skipholt 9, (fsp) breyting á notkun
Lögð fram fyrirspurn Rafns Guðmundssonar dags. 11. nóvember 2014 um að breyta atvinnuhúsnæði á lóðinni nr. 9 við Skipholt í íbúðarhúsnæði. Einnig er lögð fram umsögn skipulagsfulltrúa 13. nóvember 2014.

Neikvætt með vísan til umsagnar skipulagsfulltrúa dags. 13. nóvember 2014.


28.14 Smiðshöfði 1, Endurnýjun - BN029012
Lagt fram erindi frá afgreiðslufundi byggingarfulltrúa frá 11. nóvember 2014 þar sem sótt er um leyfi til að innrétta húsvarðaríbúð á 2. hæð (sjá BN029012 sem samþykkt var 4. maí 2004) og koma fyrir svölum á milli mhl. 02 og 01 og flóttasvölum á austurgafl á atvinnuhúsi á lóð nr. 1 við Smiðshöfða.
Útskrift úr gerðabók embættisafgreiðslufundar skipulagsfulltrúa frá 27. júní 2014 fylgir erindinu ásamt umsögn skipulagsfulltrúa dags. 27. júní 2014. Einnig fylgir tölvupóstur frá hönnuði dags. 19. september þar sem gerð er grein fyrir svölum og aftur þar sem hún gerir grein fyrir flóttasvölum. Gjald kr. 9.500 + 9.500

Ekki eru gerðar athugasemdir við erindið.

29.14 Sóltún 1, (fsp) neðanjarðar sorpgámar
á fundi skipulagsfulltrúa 24. október 2014 var lögð fram fyrirspurn Kanon arkitekta ehf. f.h. Mánatúns hf. dags. 22. október 2014 varðandi staðsetningu neðanjarðar sorpgáma sunnan nýbyggingar á lóð nr. 1 við Sóltún, samkvæmt uppdr. Kanon arkitekta ehf. dags. 22. október 2014. Fyrirspurninni var vísað til meðferðar hjá verkefnisstjóra og er nú lögð fram að nýju, ásamt umsögn skipulagsfulltrúa dags. 13. nóvember 2014.

Jákvætt, með vísan til umsagnar skipulagsfulltrúa dags. 13. nóvember 2014.

30.14 Tangabryggja, framkvæmdaleyfi
Lögð fram umsókn ÞG verktaka ehf. um framkvæmdaleyfi vegna færslu á grjóthleðslu við enda Tangabryggju utar ásamt fyllingu til að rýma til fyrir göngustíg milli væntanlegrar byggingar að Tangabryggju 24 og grjótvarnarinnar, samkvæmt tillögu ódags.

Vísað til Faxaflóahafna og Samgöngustjóra til umsagnar.

31.14 Hringbraut Landsp., Eiríksgata 36 - Bráðabirgða skrifstofuhúsnæði
Lagt fram erindi frá afgreiðslufundi byggingarfulltrúa frá 11. nóvember 2014 þar sem sótt er um leyfi til að byggja skrifstofurými til bráðabirgða, mhl. 42, úr gámaeiningum á þrem hæðum með valmaþaki við norðurhlið tengibyggingar milli E og G álmu Landspítalans á lóð nr. 36 við Eiríksgötu.
Stærðir: 481,3 ferm., 1.523 rúmm. Gjald kr. 9.500

Ekki eru gerðar athugasemdir við erindið.
Samræmist deiliskipulagi.


32.14 Álfsnes, Sorpa, breyting á deiliskipulagi
Á fundi skipulagsfulltrúa 31. október 2014 var lagt fram bréf Skipulagsstofnunar dags. 24. október 2014 þar sem gerð er athugasemd við birtingu auglýsingu í B-deild Stjórnartíðinda. Erindinu var vísað til meðferðar hjá verkefnisstjóra og er nú lagt fram að nýju.

Vísað til umsagnar verkefnisstjóra og til umsagnar skrifstofu sviðssjtóra.

33.14 Seltjarnarnes, endurskoðun aðalskipulags 2006-2024, skipulags- og matslýsing
Lagt fram bréf skipulagsfulltrúa Seltjarnarness dags. 5. nóvember 2014 þar sem óskað er eftir umsögn skipulagsfulltrúa á skipulags- og matslýsingu fyrir endurskoðun aðalskipulags Seltjarnarness 2006-2024.

Vísað til umsagnar deildarstjóra Aðalskipulags.

34.14 Austurhöfn, reitir 1 og 2, (fsp) fella niður kvöð
Á fundi skipulagsfulltrúa 3. október var lögð fram fyrirspurn PK-Arkitekta ehf. dags. 5. september 2014 varðandi breytingu á deiliskipulagi Austurhafnar vegna reita 1 og 2. Í breytingunni felst að fella niður kvöð um inndregna jarðhæð við Tryggvagötu. Fyrirspurninni var vísað til meðferðar hjá verkefnisstjóra og er nú lögð fram að nýju, ásamt umsögn skipulagsfulltrúa dags. 14. nóvember 2014.

Umsögn skipulagsfulltrúa dags. 14. nóvember 2014, samþykkt.

35.14 Austurhöfn, (fsp) breyting á deiliskipulagi
Lögð fram fyrirspurn Auro Investments ehf. dags. 13. nóvember 2014 um að hækka hluta af byggingarreitnum vegna þakbars og fækka bílastæðum, samkvæmt uppdr. Teiknistofunnar Arkitektar ehf. dags. 13. nóvember 2014. Einnig er lagt fram bréf Teiknistofunnar Arkitektar ehf. dags. 13. nóvember 2014.

Kynna formanni umhverfis- og skipulagsráðs.

36.14 Hlíðarendi, framkvæmdaleyfi
Lögð fram umsókn Jóns Valgeirs Björnssonar f.h. Samráðs- og samhæfingarhóps vegna uppbyggingar og framkvæmda við Hlíðarenda um framkvæmdaleyfi vegna uppbyggingu vega o.fl., samkvæmt uppdr. Mannvits dags. 31. október 2014.

Vísað til umsagnar Heilbrigðiseftirlitsins og samgöngustjóra.