Brekkustígur 10, Reitur 1.151.5, Smiðjustígur 10 og 12 og Klapparstígur 16, Þórunnartún 4 (áður Skúlatún 4), Bergþórugata 14A, Fríkirkjuvegur 7 og Laufásvegur 12, 14 og 16, Hallgrímstorg 3 / Hnitbjörg, Laugavegur 12B og 16, Óðinsgata 1, Skólavörðustígur 45, Austurberg 3, Ártúnsbrekka, Blikastaðavegur 2-8, Sturlugata 5, Barónsstígur 5, Hraunbær 102, Laugardalur, Þróttur, Reykjavíkurvegur 35, Sporhamrar 3, Suðurlandsbraut 10, Mávahlíð 8, Njálsgata 12, Skeggjagata 3, Kvosin, Landsímareitur, Síðumúli 32, Sogavegur 3, Þingvað 21, Fáfnisnes 11, Frakkastígur 8, Lækjargata 2A, Tryggvagata 20, Vífilsgata 3, Njálsgata 78, Reykjavíkurflugvöllur, Arnarhóll,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

494. fundur 2014
Ár 2014, föstudaginn 6. júní kl. 09:15 var haldinn 494. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.14 Brekkustígur 10, Hækka mæni - bæta við kvistum
Lagt fram erindi frá afgreiðslufundi byggingarfulltrúa frá 3. júní 2014 þar sem sótt er um leyfi til að hækka mæni og bæta við kvistum á íbúðarhús á lóð nr. 10 við Brekkustíg.
Stækkun: xx ferm., xx rúmm. Gjald 9.500

Vísað til meðferðar hjá verkefnisstjóra.
2.14 Reitur 1.151.5, Smiðjustígur 10 og 12 og Klapparstígur 16, (fsp) færsla á lóðarmörkum o.fl.
Lögð fram fyrirspurn Franks Pitt f.h. Klapparstígs 16 ehf. dags. 5. júní 2014 varðandi færslu á lóðarmörkum lóðanna nr. 10 og 12 við Smiðjustíg, færslu á innkeyrslu að bakhlið lóðarinnar nr. 16 við Klapparstíg og stækka fyrirhugaða nýbyggingu á lóð nr. 10 við Smiðjustíg.

Vísað til meðferðar hjá verkefnisstjóra.
3.14 Þórunnartún 4 (áður Skúlatún 4), breyting á deiliskipulagi
Að lokinni auglýsingu er lögð fram að nýju umsókn Skúlatúns 4 ehf. dags. 8. janúar 2014 varðandi breytingu á deiliskipulagi reits 1.220.0 vegna lóðarinnar nr. 4 við Þórunnartún. Í breytingunni felst aukning á byggingarmagni, samkvæmt lagfærðum uppdr. Gunnlaugs Jónassonar ark. dags. 13. mars 2014. Einnig er lagt fram skuggavarp dags. 13. febrúar 2014. Tillagan ar auglýst frá 9. apríl 2014 til og með 28. maí 2014. Eftirtaldir aðilar sendu inn athugasemdir: Jón S. Karlsson dags. 4. apríl 2014, Fosshótel Reykjavík ehf. dags. 24. mars 2014 og 21. maí 2014, Höfðahóteli dags. 21. maí 2014, eigendur og leigjendur að Þórunnartúni 2 dags. 21. maí 2014 og Höfðatorg ehf. dags. 28. maí 2014. Einnig er lagt fram bréf Apex lögfræðiþjónustu f.h. eiganda Þórunnartúns 4 dags. 27. maí 2014 varðandi framkomnar athugasemdir. Erindinu var vísað til meðferðar verkefnisstjóra .

Vísað til umhverfis- og skipulagsráðs.
4.14 Bergþórugata 14A, (fsp) - Hækka þak - kvistir
Á fundi skipulagsfulltrúa 2. júní 2014 var lagt fram erindi frá afgreiðslufundi byggingarfulltrúa frá 27. maí 2014 þar sem spurt er hvort leyft yrði að hækka mæni um 35 cm og byggja þrjá kvisti á hvorri hlið fjölbýlishúss á lóð nr. 14A við Bergþórugötu. Erindinu var vísað til meðferðar hjá verkefnisstjóra og er nú lagt fram að nýju. Einnig lögð fram umsögn skipulagsfulltrúa dags. 6. júní 2014.

Með vísan til umsagnar skipulagsfulltrúa dags. 6. júní 2014 eru ekki gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið á eigin kostnað, sbr. þó skilyrði og leiðbeiningar í umsögn. Tillagan verður grenndarkynnt þegar hún berst.
5.14 Fríkirkjuvegur 7 og Laufásvegur 12, 14 og 16, (fsp) breyting á deiliskipulagi
Á fundi skipulagsfulltrúa 2. júní 2014 var lögð fram fyrirspurn Listasafns Íslands varðandi breytingu á deiliskipulagi lóðanna nr. 7 við Fríkirkjuveg, Listasafn Íslands, og 12, 14 og 16 við Laufásveg. Í breytingunni felst sameining lóða, stækkun á byggingarreit, breyting á nýtingarhlutfalli o.fl., samkvæmt uppdr. verkfræðistofunnar Möndull ehf. dags. 28. apríl 2014. Fyrirspurninni var vísað til meðferðar hjá verkefnisstjóra og er nú lögð fram að nýju. Einnig lagðir fram minnispunktar skipulagsfulltrúa dag. 6. júní 2014.

Vísað til meðferðar hjá verkefnisstjóra.
6.14 Hallgrímstorg 3 / Hnitbjörg, (fsp) viðbygging
Lögð fram fyrirspurn Listasafns Einars Jónssonar dags. 3. júní 2014 varðandi einnar hæðar viðbyggingu við Listasafn Einars Jónssonar. Einnig er lögð fram greinargerð dags. 2. júní 2014 og umsögn Minjasafns Reykjavíkur dags. 4. nóvember 2010.

Vísað til meðferðar hjá verkefnisstjóra.
7.14 Laugavegur 12B og 16, (fsp) sameining lóða o.fl.
Lögð fram fyrirspurn Sigurðar Einarssonar dags. 4. júní 2014 varðandi sameiningu lóðanna nr. 12B og 16 við Laugaveg ásamt aukningu á nýtingarhlutfalli, samkvæmt tillögu Batterísins dags. 31. janúar 2014.

Vísað til umsagnar verkefnisstjóra.
8.14 Óðinsgata 1, breyting á deiliskipulagi
Að lokinni grenndarkynningu er lögð fram að nýju umsókn Þuríðar Ottesen dags. 3. apríl 2014 varðandi breytingu á deiliskipulagi reits 1.181.0 vegna lóðarinnar nr. 1 við Óðinsgötu. Í breytingunni felst að heimilt verði að portbyggja húsið að Óðinsgötu 1, hækka þak og byggja á húsið svalir og kvisti í samráði við Minjastofnum og borgarminjavörð, samkvæmt uppdr. K.J. hönnunar ehf. dags. 19. mars 2014. Einnig er lögð fram umsögn Minjastofnunar Íslands dags. 18. mars 2014 og umsögn Minjasafns Reykjavíkur dags. 10. apríl 2014. Tillagan var grenndarkynnt frá 5. maí til og með 2. júní 2014. Eftirtaldir aðilar sendu inn athugasemdir: 8 húseigendur og leigutakar að Skólavörðustíg 16A dags. 2. júní 2014, Hafdís Perla Hafsteinsdóttir dags. 2. júní 2014 og Marvins Ívarssonar f.h. Riverside dags. 3. júní 2014..

Vísað til umsagnar verkefnisstjóra.
9.14 Skólavörðustígur 45, veitingaleyfi í garði hótels Leifs Eiríkssonar
Á fundi skipulagsfulltrúa 2. júní 2014 var lögð fram fyrirspurn Sigurbjargar Sigurbjörnsdóttur dags. 23. maí 2014 varðandi veitingaleyfi í garði hótels Leifs Eiríkssonar að Skólavörðustíg 23. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 2. júní 2014..

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 2. júní 2014.
10.14 Austurberg 3, breyting á deiliskipulagi
Lögð fram tillaga umhverfis- og skipulagssviðs varðandi breytingu á deiliskipulagi Breiðholts 3, vestur- og miðdeild, vegna lóðarinnar nr. 3 við Austurberg. Í breytingunni felst að komið er fyrir einnar hæðar byggingarreit sunnan við Íþróttarhús, heimilt er að koma fyrir millipalli og bílastæðum á lóð fækkar, samkvæmt deiliskipulagsuppdrætti Arkís dags. 4. apríl 2014 og skýringaruppdrætti dags. 8. apríl 2014.

Vísað til umhverfis- og skipulagsráðs.
11.14 Ártúnsbrekka, aðstaða til skíðagöngu við skíðasvæðið
Á fundi skipulagsfulltrúa 2. júní 2014 var lagt fram bréf Þórodds F. Þóroddssonar f.h. Skíðagöngufélagsins Ulls dags. 27. maí 2014 um aðstöðu til skíðagöngu við skíðasvæðið í Ártúnsbrekku. Erindinu var vísað til meðferðar hjá verkefnisstjóra og er nú lagt fram að nýju.

Ekki eru gerðar skipulagslegar athugasemdir við erindið.
Sækja þarf um framkvæmdaleyfi.
12.14 Blikastaðavegur 2-8, (fsp) skipulag
Á fundi skipulagsfulltrúa 25. apríl 2014 var lögð fram fyrirspurn Landslaga slf. f.h. Korputorgs ehf. dags. 22. apríl 2014 um hvort starfsemi verslunarkeðju samræmist skipulagi lóðarinnar nr. 2-8 við Blikastaðaveg. Ef ekki er spurt hvort fallist verði á breytingu og hvaða málsmeðferð þurfi. Fyrirspurninni var vísað til umsagnar verkefnisstjóra og skrifstofu sviðsstjóra.

Vísað til umhverfis- og skipulagsráðs.
13.14 Sturlugata 5, hænsnahald
Lagt fram bréf Heilbrigðiseftirlits Reykjavíkur dags. 4. júní 2014 þar sem óskað er eftir umsögn skipulagsfulltrúa á umsókn Norræna hússins að Sturlugötu 5 um leyfi til að halda 4 hænur við Norræna húsið í fjóra mánuði. Óskað er eftir að umsögn berist eigi síðar en 18. júní nk.
Ekki gerðar skipulagslegar athugasemdir við erindið.
14.14 Barónsstígur 5, Gistiheimili
Lagt fram erindi frá afgreiðslufundi byggingarfulltrúa frá 27. maí 2014 þar sem sótt er um leyfi til þess að byggja svalir á suðausturhlið og innrétta gistiheimili í rými 0201 á annarri hæð hússins á lóðinni nr. 5 við Barónsstíg.
Fyrirspurnarerindi sama efnis sem fékk jákvæða afgreiðslu byggingarfulltrúa þann 25. febrúar 2014 fylgir erindinu, einnig samþykki meðeigenda fyrir rekstri gistiheimilis og vegna byggingar svala fylgir erindinu. Gjald kr. 9.500

Samþykkt að grenndarkynna framlagða tillögu fyrir hagsmunaaðilum að Barónsstíg 3 og 3a og Hverfisgötu 99A. 101 og 101A.
15.14 Hraunbær 102, breyting á deiliskipulagi
Að lokinni grenndarkynningu er lögð fram að nýju umsókn Margrétar H. Indriðadóttur dags. 11.. apríl 2014 varðandi breytingu á deiliskipulagi Árbæjar vegna lóðarinnar nr. 102C við Hraunbæ. Í breytingunni felst breyting á notkun hússins, samkvæmt uppdr. H3 arkitekta dags. 10. apríl 2014. Tillagan var grenndarkynnt frá 5. maí til og með 2. júní 2014. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
16.14 Laugardalur, Þróttur, vínveitingaleyfi
Lagður fram tölvupóstur skrifstofu borgarstjórnar dags. 4. júní 2014 þar sem óskað er eftir umsögn umhverfis- og skipulagssviðs á umsókn VSG eigna ehf. um tímabundið vínveitingaleyfi fyrir sólstöðuhátíð hjá Þrótti í Laugardal daganna 20 og 21 júní 2014 frá kl.11: - 04:00 og 22. júní 2014 frá kl. 11: - til 01:00. Einnig er fyrirliggjandi umsókn Solstice Productions ehf. um tímabundið vínveitingaleyfi 20. - 23. júní 2014 frá kl. 12:00 til kl. 01.00 á sama svæði. Jafnframt er lögð fram ný umsagnarbeiðni VSG eigna ehf. um eftirfarandi vínveitingarleyfi á Sólstöðuhátíðinni: 20. júní 2014: frá kl. 11:00-04:30 í skautahöll, 21. júní 2014: frá kl. 11:00- kl.01:00 á útisvæði, 21. júní 2014: frá kl. 11:00 - 04:30 í skautahöll, 22. júní 2014: frá kl. 11:00 - 01:00 á útisvæði og 22. júní 2014: 11:00 - 01:00 í skautahöll. Einnig lögð fram umsögn skipulagsfulltrúa dags. 5. júní 2014.


Umsögn skipulagsfulltrúa dags. 5. júní 2014 samþykkt.
17.14 Reykjavíkurvegur 35, Bílskúr - færsla á byggingareit
Lagt fram erindi frá afgreiðslufundi byggingarfulltrúa frá 3. júní 2014 þar sem sótt er um leyfi til að byggja steinsteyptan bílskúr við einbýlishús á lóð nr. 35 við Reykjavikurveg.
Stærð: 44,7 ferm., 166 rúmm. Gjald kr. 9.500

Samþykkt að grenndarkynna framlagða tillögu fyrir hagsmunaaðilum að Reykjavíkurvegi 31 og 33 og Hörpugötu 1 og 3.
18.14 Sporhamrar 3, (fsp) - Alþjóðlegur skóli
Lagt fram erindi frá afgreiðslufundi byggingarfulltrúa frá 3. júní 2014 þar sem spurt er hvort breyta megi núverandi verslunarhúsnæði og innrétta það fyrir alþjóðlegan skóla fyrir 30 nemendur á aldrinum frá 6-15 ára.

Vísað til meðferðar verkefnisstjóra.
19.14 Suðurlandsbraut 10, (fsp) - Veitingahús
Lagt fram erindi frá afgreiðslufundi byggingarfulltrúa frá 3. júní 2014 þar sem spurt er hvort leyfi fengist til að innrétta í mhl. ? rými ?? veitingarstað í húsinu á lóð nr. 10 við Suðurlandsbraut .

Ekki eru gerðar skipulagslegar athugasemdir við erindið.
20.14 Mávahlíð 8, Kvistir
Lagt fram erindi frá afgreiðslufundi byggingarfulltrúa frá 3. júní 2014 þar sem sótt er um leyfi til að innrétta íbúðarrými og eldhús og byggja kvisti á norður- og suðurhlið til samræmis við kvisti á vestari helming parhúss á lóð nr. 8 við Mávahlíð. Einnig lögð fram umsögn skipulagsfulltrúa dags. 6. júní 2014.
Erindi fylgir samþykki eins meðlóðarhafa dags. 25. maí 2014 og bréf umsækjenda dags. 26. maí 2014. Stækkun: 10,2 rúmm. Gjald kr. 9.500

Umsögn skipulagsfulltrúa dags. 6. júní 2014 samþykkt.
21.14 Njálsgata 12, Hækka þak - kvistir
Lagt fram erindi frá afgreiðslufundi byggingarfulltrúa frá 3. júní 2014 þar sem sótt er um leyfi til að hækka þak og byggja tvo kvisti á fjölbýlishús á lóð nr. 12 við Njálsgötu.
Erindi fylgir samþykki meðlóðarhafa dags. 12. apríl 2014. Stækkun: 44,5 ferm., 52 rúmm. Gjald kr. 9.500

Vísað til meðferðar hjá verkefnisstjóra.
22.14 Skeggjagata 3, Sameina eignir - reyndart.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 15. apríl 2014 þar sem sótt er um samþykki fyrir núverandi innra fyrirkomulagi og leyfi til þess að sameina tvær íbúðareignir í eina eign og byggja svalir á austurhlið annarrar hæðar hússins á lóðinni nr. 3 við Skeggjagötu. Einnig er lögð fram umsögn skipulagsfulltrúa dags. 22. apríl 2014. Erindi var grenndarkynnt frá 5. maí til og með 2. júní 2014. Eftirtaldir aðilar sendu inn athugasemdir: Gísli Óskarsson dags. 31. maí 2014.
Einn eigandi er að húsinu. Ný skráningartafla fylgir erindinu. Gjald kr. 9.500

Vísað til umsagnar verkefnisstjóra.
23.14 Kvosin, Landsímareitur, breyting á deiliskipulagi
Lögð fram umsókn ASK Arkitekta ehf. dags. 28. apríl 2014 varðandi breytingu á deiliskipulagi Kvosarinnar vegna Landsímareits. Í breytingunni felst breyting á skipulagsskilmálum.

Vísað til meðferðar hjá verkefnisstjóra.
24.14 Síðumúli 32, 3.hæð - Volcano Design - breytingar
Lagt fram erindi frá afgreiðslufundi byggingarfulltrúa frá 3. júní 2014 þar sem sótt er um leyfi til að breyta áður samþykktu erindi, BN047203 þannig að komið verður fyrir nuddaðstöðu og hreyfisal á 3. hæð vesturenda og flóttastiga á vesturhlið frá 3. hæð niður á bílaplan hússins á lóð nr. 32 við Síðumúla.
Gjald kr. 9.500

Samþykkt að grenndarkynna framlagða tillögu fyrir hagsmunaaðilum að Síðumúla 34.
25.14 Sogavegur 3, Byggja yfir port - köld geymsla
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að byggja yfir port við fiskbúðina á lóð nr. 3 við Sogaveg, samkvæmt uppdr. K.J. hönnun ehf. dags. 19. mars 2014. Erindi var grenndarkynnt frá 16. apríl til 14. maí 2014. Athugasemdir sendu: Baldur Ingi Jóhannsson dags. 28. apríl 2014, Rannveig Jónsdóttir dags. 7. maí 2014 og Steinbergur Finnbogason og Hrafnhildur Valdimarsdóttir dags. 13. maí 2014.

Vísað til umhverfis- og skipulagsráðs.
26.14 Þingvað 21, (fsp) stækkun byggingarreits
Á fundi skipulagsfulltrúa 2. júní 2014 var lögð fram fyrirspurn Steins Guðjónssonar dags. 27. maí 2014 varðandi stækkun byggingarreits á lóð nr. 21 við Þingvað skv. uppdrætti Bent Larsen Fróðasonar dags. 27. apríl 2014. Einnig lögð fram greinargerð hönnuðar dags. 27. apríl 2014. Fyrirspurninni var vísað til meðferðar verkefnisstjóra og er nú lögð fram að nýju ásamt umsögn skipulagsfulltrúa dags. 6. júní 2014.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 6. júní 2014.
27.14 Fáfnisnes 11, (fsp) viðbygging
Lögð fram fyrirspurn Elínar Þóroddsdóttur ark. f.h eigenda að Fáfnisnesi 11 varðandi viðbyggingu við húsið á lóðinni nr. 11 við Fáfnisnes, samkvæmt tillögu dags. 6. júní 2014. Einnig er lögð fram greinargerð Elínar Þórólfsdóttur og Þórólfs Óskarssonar dags. 6. júní 2014.

Ekki eru gerðar skipulagslegar athugasemdir við erindið.
28.14 Frakkastígur 8, Fjölbýlishús ATH. ekki samþ. fyrr en búið er að ganga frá lóðamálum
Á fundi skipulagsfulltrúa 16. maí 2014 var lagt fram erindi frá afgreiðslufundi byggingarfulltrúa frá 13. maí 2014 þar sem sótt er um leyfi til að byggja 1. og 2. áfanga nýbygginga á svokölluðum Frakkastígsreit, Hverfisgötu 58-60, mhl. 02, steinsteypt fimm hæða fjölbýlishús með fimmtán íbúðum á efri hæðum, verslun og þjónustu á jarðhæð og bílakjallara og mhl. 03, Laugavegur 41A, fjögurra hæða fjölbýlishús með átta íbúðum á sameinaðri lóð nr. 8 við Frakkastíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 5. júní 2014.
Meðfylgjandi er greinargerð um algilda hönnun dags. 5. maí 2014, orkurammi dags. 1. maí 2014, umsögn Minjastofnunar dags. 8. maí 2013, greinargerð hönnuðar um skipulagsskilmála dags. 20. og 27. maí 2014 og bílastæðabókhald, ódagsett. Stærð mhl.02: 3.027,3 ferm., 9.522,5 rúmm. Stærð mhl.03: 959,5 ferm., 3.107,9. Samtals: 3.986,8 ferm., 12.630,4. Gjald kr. 9.500

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 5. maí 2014.
29.14 Lækjargata 2A, rekstrarleyfi í flokki II
Lagður fram tölvupóstur skrifstofu borgarstjórnar dags. 3. júní 2014 þar sem óskað er eftir umsögn umhverfis- og skipulagssviðs á umsókn Rustik ehf. um rekstrarleyfi í flokki II fyrir Matstofuna að Lækjargötu 2A.

Vísað til umsagnar verkefnisstjóra.
30.14 Tryggvagata 20, rekstrarleyfi í flokki III
Lagður fram tölvupóstur skrifstofu borgarstjórnar dags. 3. júní 2014 þar sem óskað er eftir umsögn umhverfis- og skipulagssviðs á umsókn TG 20 ehf. um rekstrarleyfi í flokki III fyrir skemmtistaðinn Glaumbar að Tryggvagötu 20.
Vísað til umsagnar verkefnisstjóra.
31.14 Vífilsgata 3, (fsp) - Lyfta þaki - sólskáli
Á fundi skipulagsfulltrúa 2. júní 2014 var lagt fram erindi frá afgreiðslufundi byggingarfulltrúa frá 27. maí 2014 þar sem spurt er hvort leyft yrði að hækka þak á parhúsi á lóð nr. 3 við Vífilsgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 5. júní 2014..

Neikvætt, með vísan til umsagnar skipulagsfulltrúa dags. 5. júní 2014.
32.14 Njálsgata 78, Hæð og ris
Á fundi skipulagsfulltrúa 9. maí 2014 var lagt fram erindi frá afgreiðslufundi byggingarfulltrúa frá 6. maí 2014 þar sem sótt er um leyfi til að byggja steinsteypta hæð og ris með kvistum á götuhlið, byggja svalir á garðhlið og innrétta tvær nýjar íbúðir í fjölbýlishúsi á lóð nr. 78 við Njálsgötu. Erindinu var vísað til umsagnar verkefnisstjóra. Einnig lögð fram umsögn skipulagsfulltrúa dags. 15. maí 2014.
Stækkun: xx ferm., xx rúmm. Gjald kr. 9.500

Samþykkt að grenndarkynna framlagða tillögu fyrir hagsmunaaðilum að Njálsgötu 76, 77, 79, 80, 81 og Bergþórugötu 53 og 55, þegar uppdrættir hafa verið lagfærðir, með vísan í umsögn skipulagsfulltrúa dags. 15. maí 2014.
33.14 Reykjavíkurflugvöllur, nýtt deiliskipulag
Lagt fram bréf skipulagsstofnunar dags. 28. apríl 2014 með ábendingum vegna framsetningu gagna Einnig lagt fram bréf skipulagsstofnunnar dags. 4. júní 2014 þar sem ekki er gerð athugasemd við auglýsingu í b-deild.

Lagt fram.
34.14 Arnarhóll, (fsp) fánastangir
Á fundi skipulagsfulltrúa 16. maí 2014 var lögð fram fyrirspurn Framkvæmdasýslu ríkisins dags. 13. maí 2014 um að reisa fánastangir á borgarlandi. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 6. júní 2014.

Neikvætt, með vísan til umsagnar skipulagsfulltrúa dags. 6. júní 2014.