Bergstaðastræti 73, Fiskislóð 43, Langholtsvegur 43, Sóleyjargata 15, Hafnarstræti 20/Læk5, Laugavegur 12B, Laugavegur 77, Sjafnargata 11, Lækjargata 6A, Skólavörðustígur 43, Sogavegur 73-75, Tjarnargata 12, Veghúsastígur 7, Lambasel 8, Eddufell 2-8, Melhagi 20-22, Reykjavíkurvegur 33, Safamýri 15, Grettisgata 9, Völvufell 11, Hverfisgata 101, Klettagarðar 11, Langholtsvegur 181, Miklabraut 70, Vesturbrún 16, Aðalstræti 7, Ármúli 2, Borgartún 18, Sogavegur 3, Vallarstræti 4, Aragata 12, Friggjarbrunnur 53, Skyggnisbraut 2-4, Hólavallagata 3, Nesvegur 76, Pósthússtræti 1, Sjafnargata 3, Vatnagarðar 38, Ánanaust 8, Brekknaás 9, Krókháls 13,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

486. fundur 2014
Ár 2014, föstudaginn 4. apríl kl. 09:27, hélt skipulagsfulltrúi Reykjavíkur 486. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir, Marta Grettisdóttir og Helena Stefánsdóttir. Eftirtaldir embættismenn kynntu mál á fundinum: Hildur Gunnarsdóttir, Hildur Gunnlaugsdóttir, Halldóra Hrólfsdóttir, Margrét Þormar, Guðlaug Erna Jónsdóttir, Helga Lund, Björn Ingi Edvardsson og Borghildur Sörley Sturludóttir. Ritari var Harri Ormarsson
Þetta gerðist:

1.14 Bergstaðastræti 73, Bílskúr
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að byggja tvöfaldan staðsteyptan bílskúr á suðaustur hluta og koma fyrir nýrri innkeyrslu inn á lóð nr. 73 við Bergstaðastræti.
Fyrirspurn BN046947 dags. 7. jan. 2014 fylgir. Stærð bílskúrs er: 71,4 ferm., 219,9 rúmm. Gjald kr. 9.500

Samþykkt að grenndarkynna framlagða tillögu fyrir hagsmunaaðilum að Bergstaðastræti 71, 74, 74a, og 75 og Fjölnisvegi 8 og 10.
2.14 Fiskislóð 43, Gistihús fl.3
Á fundi skipulagsfulltrúa 14. mars 2014 var lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að breyta skrifstofubyggingu í gistihús (gististað) í flokki III á lóð nr. 43 við Fiskislóð. Erindinu var frestað og er nú lagt fram að nýju. Einnig er lagt fram bréf LEX dags. 2. apríl 2014.
Stærðir: 2272,3 ferm., 7697,6 rúmm. Lóðarstærð 3687 ferm. nýtingarhlutfall 0,6. Gjald kr. 9.500

Frestað
Umsókninni er vísað til meðferðar í yfirstandandi deiliskipulagsvinnu á svæðinu. Bréfi LEX dags. 2. apríl 2014 er vísað til meðferðar skrifstofu sviðsstjóra.
3.14 Langholtsvegur 43, (fsp) stækkun húss
Lögð fram fyrirspurn Batterísins arkitekta ehf. dags. 2. apríl 2014 varðandi stækkun hússins á lóðinni nr. 43 við Langholtsveg, samkvæmt frumdrögum Batterísins arkitekta ehf. dags. 1. apríl 2014. Einnig er lagt fram bréf Ernu Magnúsdóttur forstöðumanns Ljóssins dags. 25. febrúar og samþykki lóðarhafa dags. 26. mars 2014.
Ekki eru gerðar athugasemdir við að fyrisrpyrjandi láti vinna tillögu að breytingu á deiliskipulagi í samræmi við erindið, á eigin kostnað.
4.14 Sóleyjargata 15, Kvistur
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að byggja kvist á austurhlið tvíbýlishúss á lóð nr. 15 við Sóleyjargötu.
Stækkun: xx rúmm. Gjald kr. 9.500

Samþykkt að grenndarkynna framlagða tillögu fyrir hagsmunaaðilum að Sóleyjargötu 17 og Fjólugötu 17, þegar samþykki meðeigenda liggur fyrir.
6.14 Hafnarstræti 20/Læk5, Framlenging á stöðuleyfi - BN041399
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um framlengingu á tímabundnu leyfi fyrir svölum og eldvarnarstiga frá þeim á atvinnuhúsi á lóðinni Hafnarstræti 20/Lækjartorg 5.
Gjald kr. 9500

Ekki eru gerðar athugasemdir við að leyfi verði framlengt um eitt ár.
7.14 Laugavegur 12B, (fsp) breyting á deiliskipulagi
Á fundi skipulagsfulltrúa 1. nóvember 2013 var lögð fram fyrirspurn Batterísins arkitekta ehf. dags. 1. nóvember 2013 varðandi breytingu á umfangi, útlínum og hæðarfjölda hússins á lóðinni nr. 12B við Laugaveg ásamt lækkun á nýtingarhlutfalli, samkvæmt tillögu Batterísins arkitektar ehf. dags. 31. október 2013. Einnig er lögð fram umsögn Minjasafns Reykjavíkur dags. 29. nóvember 2013 og umsögn Minjastofnunar dags. 18. febrúar 2014 um tillöguna. Jafnframt er lagt fram bréf Batterísins arkitekta ehf. dags. 31. janúar 2014 ásamt skissum dags. 31. janúar 2014. Fyrirspurnin er nú lögð fram að nýju ásamt umsögn Minjasafns Reykjavíkur dags. 27. febrúar 2014. Einnig lögð fram umsögn skipulagsfulltrúa dags. 1. apríl 2014,

Jákvætt með vísan til umsagnar skipulagsfulltrúa dags. 1. apríl 2014.
8.14 Laugavegur 77, (fsp)
Lögð fram fyrirspurn Dap ehf. dags. 3. apríl 2014 varðandi breytingu á deiliskipulagi, samkvæmt uppdr. Dap ehf. ódags.

Vísað til umsagnar verkefnisstjóra.
9.14 Sjafnargata 11, (fsp) - Köld geymsla við enda á bílskúr
Lagt fram erindi frá afgreiðslufundi byggingarfulltrúa frá 1. apríl 2014 þar sem spurt er hvort leyfi fengist til að steypa kalda geymslu í framhaldi af erindi BN046679 við vesturenda bílskúrs og myndi bílskúrinn færast 2 metra austur á lóð nr. 11 við Sjafnargötu.

Ekki er gerð athugasemd við erindið. Byggingarleyfisumsókn verður grenndarkynnt berist hún.
10.14 Lækjargata 6A, rekstrarleyfi í flokki III
Lagður fram tölvupóstur skrifstofu borgarstjórnar dags. 27. mars 2014 þar sem óskað er eftir umsögn skipulagsfulltrúa á umsókn Fyrirtækisins Alderaan ehf. um rekstrarleyfi í flokki III fyrir skemmtistaðinn Lavabarinn að Lækjargötu 6A.
Vísað til umsagnar verkefnisstjóra.
11.14 Skólavörðustígur 43, (fsp) - Veitingarekstur og aðrar breytingar
Lagt fram erindi frá afgreiðslufundi byggingarfulltrúa frá 1. apríl 2014 þar sem spurt er hvort leyft yrði að starfrækja veitingastað í húsi (matshluta 02) á lóðinni nr. 43 við Skólavörðustíg.

Vísað til umsagnar verkefnisstjóra.
12.14 Sogavegur 73-75, (fsp) rekstur leik- og grunnskóla o.fl. á lóð 75
Á fundi skipulagsfulltrúa 7. mars 2014 var lögð fram fyrirspurn Hjallastefnunnar ehf. dags. 6. mars 2014 um að reka leik- og grunnskóla í húsinu á lóðinni nr. 75 við Sogaveg, þrengja götu, gera bílastæði á ská á núverandi gangstétt fyrir framan húsið ásamt hljóðmön eða hljóðvegg við Miklubraut. Fyrirspurninni var vísað til umsagnar verkefnisstjóra. Einnig lögð fram umsögn heilbrigðiseftirlits Reykjavíkur dags. 1. apríl 2014 og umsögn skipulagsfulltrúa dags. 3. apríl 2014.

Neikvætt með vísan til umsagnar heilbrigðiseftirlits Reykjavíkur dags. 1. apríl 2014 og umsagnar skipulagsfulltrúa dags. 3. apríl 2014. Staðsetningin hentar ekki vegna mikillar hávaða- og loftmengunar frá bílaumferð m.v. óbreyttar aðstæður sbr. framangreindar umsagnir.
13.14 Tjarnargata 12, rekstrarleyfi í flokki II
Lagður fram tölvupóstur skrifstofu borgarstjórnar dags. 27. mars 2014 þar sem óskað er eftir umsögn á umsókn Tjarnarbíós ehf. um rekstarleyfi í flokki II að Tjarnargötu 12. Einnig lögð fram umsögn skipulagsfulltrúa dags. 3. apríl 2014.

Umsögn skipulagsfulltrúa dags. 3. apríl 2014 samþykkt.

14.14 Veghúsastígur 7, rekstrarleyfi í flokki IV
Lagður fram tölvupóstur skrifstofu borgarstjórnar dags. 26. mars 2014 þar sem óskað er eftir umsögn skipulagsfulltrúa á umsókn RR hótels um breytingu á rekstarleyfi ú flokki III í flokk IV að Veghúsastíg 7.

Vísað til umsagnar verkefnisstjóra.
15.14 Lambasel 8, (fsp) skipting í tvær íbúðir
Á fundi skipulagsfulltrúa 28. mars 2014 var lögð fram fyrirspurn Þórdísar Jóhannsdóttir Wathne dags. 25. mars 2014 um að skipta húsinu á lóðinni nr. 8 við Lambasel í tvær íbúðir. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4. apríl 2014.
Neikvætt, með vísan til umsagnar skipulagsfulltrúa dags. 4. apríl 2014.
Samræmist ekki deiliskipulagi svæðisins.
16.14 Eddufell 2-8, 8 - Fjölbýlishús
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að rífa syðsta hluta 2. hæðar og byggja þrjár hæðir ofan á núverandi hús, innrétta fjölbýlishús með nítján íbúðum og bílgeymslu fyrir þrettán bíla í húsi nr. 8 á lóð nr. 2-8 við Eddufell.
Niðurrif: xx ferm., xx rúmm. Stækkun: xx ferm., xx rúmm. Gjald kr. 9.500

Vísað til umsagnar verkefnisstjóra.
17.14 Melhagi 20-22, bréf
Lagt fram bréf Gests Rúnarssonar dags. 1. apríl 2014 varðandi fyrirhugaðan veitingahúsarekstur á lóðinni nr. 20-22 við Melhaga.
Vísað til umsagnar verkefnisstjóra.
18.14 Reykjavíkurvegur 33, (fsp) - Kvistur
Á fundi skipulagsfulltrúa 21. mars 2014 var lagt fram erindi frá afgreiðslufundi byggingarfulltrúa frá 18. mars 2014 þar sem spurt er hvort leyft yrði að byggja kvist á austurhlið (götuhlið) hússins nr. 33 við Reykjavíkurveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 3. apríl 2014.

Jákvætt með vísan til umsagnar skipulagsfulltrúa dags. 3. apríl 2014. Byggingarleyfisumsókn verður grenndarkynnt berist hún.
19.14 Safamýri 15, (fsp) - Viðbygging norðurhlið
Á fundi skipulagsfulltrúa 21. mars 2014 var lagt fram erindi frá afgreiðslufundi byggingarfulltrúa frá 18. mars 2014 þar sem spurt er hvort leyft yrði að byggja viðbyggingu á norðurhlið, 1. og 2. hæð fjölbýlishúss á lóð nr. 15 við Safamýri. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagfulltrúa dags. 3. apríl 2014.

Neikvætt, með vísan til umsagnar skipulagsfulltrúa dags. 3. apríl 2014. Lóðin telst fullbyggð og samræmist því fyrirspurnin ekki deiliskipulagi.
20.14 Grettisgata 9, breyting á deiliskipulagi
Lögð fram umsókn Frón íbúða ehf. dags. 21. mars 2014 varðandi breytingu á deiliskipulagi reits 1.172.2 vegna lóðarinnar nr. 9 við Grettisgötu. Í breytingunni felst stækkun á byggingarreit, aukningu á nýtingarhlutfalli og hækkun á risi, samkvæmt uppdr. Arkþings ehf. dags. 21. mars 2014. Ásamt uppdráttum af skuggavarpi.

Samþykkt að grenndarkynna framlagða tillögu fyrir hagsmunaaðilum að Grettisgötu 2, 2A, 4, 6, 7 og 8, Klapparstíg 35, 35A og 40 og Laugavegi 26.
21.14 Völvufell 11, (fsp) breyting á notkun
Á fundi skipulagsfulltrúa 21. mars 2014 var lögð fram fyrirspurn Sæmundar Sæmundssonar dags. 11. mars 2014 varðandi breytingu á notkun hússins á lóðinni nr. 11 við Völvufell. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3. apríl 2014.

Neikvætt, með vísan til umsagnar skipulagsfulltrúa dags. 3. apríl 2014. Samræmist ekki landnotkun.
22.14 Hverfisgata 101, (fsp) - Kvistur
Á fundi skipulagsfulltrúa 28. mars 2014 var lagt fram erindi frá afgreiðslufundi byggingarfulltrúa frá 25. mars 2014 þar sem spurt er hvort leyft yrði að hækka ris og byggja kvisti á þakhæð hússins nr. 101 við Hverfisgötu. Til vara er spurt hvort leyfi fengist til þess að setja kvisti á húsið án þess að hækka rishæðina. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 3. apríl 2014.


Frestað, með vísan til umsagnar skipulagsfulltrúa dags. 3. apríl 2014. Afla þarf umsagna Minjastofnunnar Íslands og Minjaverndar Reykjavíkur.
23.14 Klettagarðar 11, breyting á deiliskipulagi
Á fundi skipulagsfulltrúa 28. mars 2014 var lögð fram umsókn Faxaflóahafna sf. dags. 21. mars 2014 varðandi breytingu á deiliskipulagi Klettasvæðis vegna lóðarinnar nr. 11 við Klettagarða. Í breytingunni felst stækkun á byggingarreit og hækkun á nýtingarhlutfalli, samkvæmt uppdr. Ask arkitekta ehf. dags. 12. mars 2014. Umsókninni var frestað og er nú lögð fram að nýju.

Samþykkt að grenndarkynna framlagða tillögu fyrir hagsmunaaðilum að Klettagörðum 9 og 13.
24.14 Langholtsvegur 181, (fsp) - Bílastæði
Lagt fram erindi frá afgreiðslufundi byggingarfulltrúa frá 1. apríl 2014 þar sem spurt er hvort leyft yrði að breikka innkeyrslu og fjölga bílastæðum úr einu í þrjú við einbýlishús á lóð nr. 181 við Langholtsveg.
Einnig lögð fram umsögn skipulagsfulltrúa dags. 4. apríl 2014.
Neikvætt, með vísan til umsagnar skipulagsfulltrúa dags. 4. apríl 2014. Samræmist ekki deiliskipulagi.
25.14 Miklabraut 70, (fsp) - Kvistur
Lagt fram erindi frá afgreiðslufundi byggingarfulltrúa frá 1. apríl 2014 þar sem spurt er hvort leyfi fengist til að stækka þrjá kvisti á norðurhlið, stækka þrjá kvisti og koma fyrir svölum á einum af þeim á suðurhlið og fá að breyta risi í íbúð á lóð nr. 70 Miklabraut.
Íbúðarskoðun byggingarfulltrúa dags. 12. nóvember 2002 fylgir erindinu.


Vísað til umsagnar verkefnisstjóra.
26.14 Vesturbrún 16, Bílskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 18. febrúar 2014 þar sem sótt er um leyfi til að byggja bílskúr norðan við fjölbýlishús á lóð nr. 16 við Vesturbrún. Erindi var grenndarkynnt frá 3. mars til og með 31. mars 2014. Engar athugasemdir bárust.
Erindi fylgir samþykki meðlóðarhafa. Stærð: 41,6 ferm., 147,5 rúmm. Gjald kr. 9.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

27.14 Aðalstræti 7, Endurbætur og viðbygging
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að endurbæta og byggja við friðuð hús við Aðal- og Vallarstræti skv. deiliskipulagi sem samþykkt var í júlí 2013 fyrir íbúðir og þjónustustarfsemi, framkvæmd þessi er fyrsti hluti uppbyggingar á Landsímareit á lóð nr. 7 við Aðalstræti.
Meðfylgjandi er bréf verkfræðings dags. 28. mars 2014. Stærðabreytingar. Gjald kr. 9.500

Vísað til umsagnar verkefnisstjóra.
28.14 Ármúli 2, (fsp) viðbygging
Á fundi skipulagsfulltrúa 28. mars 2014 var lögð fram fyrirspurn Arkitektur.is ehf. dags. 25. mars 2014 um að byggja stakstætt hús á lóðinni nr. 2 við Ármúla, samkvæmt teikningum mótt. 1. apríl 2014. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3.apríl 2014.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 3. apríl 2014.
29.14 Borgartún 18, Breyting við alalinngang, útigeymsla o.fl.
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að breyta áður samþykktu erindi BN046872 þannig að 1. hæð er endurinnréttuð að fullu, í kjallara er öryggisgeymsla stækkuð, biðsvæði breytt, byggt er utan um hraðbanka að norðanverðu, komið er fyrir kaldri útigeymslu/ sorp á suðvestur horni úr léttum byggingarefnum á húsinu á lóð nr. 18 við Borgartún.
Stækkun: 20,9 ferm., 83,6 rúmm. Gjald kr. 9.500

Vísað til umsagnar verkefnisstjóra.
30.14 Sogavegur 3, Byggja yfir port - köld geymsla
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að byggja yfir port við fiskbúðina á lóð nr. 3 við Sogaveg.
Stækkun: 103,5 ferm., 326 rúmm. Gjald kr. 9.500

Vísað til meðferðar hjá verkefnisstjóra.
31.14 Vallarstræti 4, Endurbætur og viðbygging
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að endurbæta og byggja við friðuð hús við Aðal- og Vallarstræti skv. deiliskipulagi sem samþykkt var í júlí 2013 fyrir íbúðir og þjónustustarfsemi, framkvæmd þessi er fyrsti hluti uppbyggingar á Landsímareit á lóð nr. 7 við Aðalstræti.
Meðfylgjandi er bréf verkfræðings dags. 28. mars. 2014. Stærðabreytingar. xxxx Gjald kr. 9.500

Vísað til umsagnar verkefnisstjóra.
32.14 Aragata 12, bílastæði
Á fundi skipulagsfulltrúa 28. mars 2014 var lagt fram bréf Hildar Hafstað f.h. lóðarhafa dags. 14. mars 2014 varðandi nýtt bílastæði á lóðinni nr. 12 við Aragötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 24. mars 2014.

Neikvætt, með vísan til umsagnar skipulagsfulltrúa dags. 24. mars 2014.
33.14 Friggjarbrunnur 53, Skyggnisbraut 2-4, (fsp) byggingarmagn, íbúðafjöldi o.fl.
Á fundi skipulagsfulltrúa 28. mars 2014 var lögð fram fyrirspurn Skyggnisbrautar 2-6 ehf. dags. 27. mars 2014 varðandi byggingarmagn, íbúðafjölda og bílastæði á lóðinni nr. 53 við Friggjarbrunn og 2-4 við Skyggnisbraut. Fyrirspurninni var vísað til umsagnar verkefnisstjóra .
Frestað. Fyrirspyrjandi hafi samband við embættið.
34.14 Hólavallagata 3, (fsp) útfærslur á þaki
Lögð fram fyrirspurn Hólavalla Fjárfestingafélags ehf. dags. 4. apríl 2014 varðandi útfærslur á þaki hússins nr. 3 við Hólavallagötu.
Vísað til umsagnar verkefnisstjóra.
35.14 Nesvegur 76, Tengibygging
Lagt fram erindi frá afgreiðslufundi byggingarfulltrúa frá 1. apríl 2014 þar sem sótt er um leyfi til að byggja tengibyggingu úr áli og gleri á steyptum undirstöðum milli íbúðarhúss og vinnustofu (bílskúrs) auk smávægilegra útlitsbreytinga á einbýlishúsi á lóð nr. 76 við Nesveg.
Stækkun: XX ferm., XX rúmm. Gjald kr. 9.500

Vísað til umsagnar verkefnisstjóra.
36.14 Pósthússtræti 1, Dreifistöð / Spennistöð
Á fundi skipulagsfulltrúa 28. mars 2014 var lagt fram erindi frá afgreiðslufundi byggingarfulltrúa frá 25. mars 2014 þar sem sótt er um leyfi til að byggja dreifistöð/spennistöð úr steinsteypu fyrir Orkuveitu Reykjavíkur á lóð nr. 1 við Pósthússtræti. Erindinu var frestað og er nú lagt fram að nýju.
Stærðir 23,8 ferm., 105,7 rúmm. Gjald kr 9.000

Frestað. Umsækjandi hafi samband við embættið.
38.14 Sjafnargata 3, (fsp) viðbygging
Á fundi skipulagsfulltrúa 28. mars 2014 var lögð fram fyrirspurn Dap ehf. dags. 27. mars 2014 um að byggja við austurhlið hússins á lóðinni nr. 3 við Sjafnargötu, samkvæmt uppdr. Dap ehf. dags. 27. mars 2014. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 4,. apríl 2014.

Jákvætt með vísan til umsagnar skipulagsfulltrúa dags.4. apríl 2014. Byggingarleyfisumsókn verður grenndarkynnt berist hún.
39.14 Vatnagarðar 38, Bréf skrifstofu borgarstjórnar
Lagður fram tölvupóstur skrifstofu borgarstjórnar dags. 11. mars 2014 ásamt tillögu skrifstofu eigna- og atvinnuþróunar dags. 7. mars 2014 vegna lóðarinnar nr. 38 við Vatnagarða. Erindinu er f.h. borgarráðs vísað til umsagnar skipulagsfulltrúa. Óskað er eftir að umsögn berist innan 14 daga. Einnig lögð fram umsögn skipulagsfulltrúa dags. 4. apríl 2014.

Umsögn skipulagsfulltrúa dags. 4. apríl 2014 samþykkt.
40.14 Ánanaust 8, breyting á deiliskipulagi
Lögð fram umsókn SORPU bs. dags. 1. apríl 2014 varðandi breytingu á deiliskipulagi reits 1.089.8 vegna lóðarinnar nr. 8 við Ánanaust. Í breytingunni felst stækkun á byggingarreit fyrir endurvinnsluhús og aukningu á byggingarmagni, samkvæmt uppdr. Arkþings ehf. dags. 1. apríl 2014.
Vísað til umhverfis- og skipulagsráðs.
41.14 Brekknaás 9, Áður gerðar breytingar
Á afgreiðslufundi byggingarfulltrúa 7. mars 2014 var lagt fram erindi frá afgreiðslufundi byggingarfulltrúa frá 4. mars 2014 þar sem sótt er um samþykki á áður gerðum breytingum innanhúss, m.a. innrétting á verslun, móttöku fyrir hestaleigu, hestakerruleigu, kaffistofu í flokki II og dýralæknaráðgjöf í Dýraspítala Watsons á lóð nr. 9 við Brekknaás. Erindinu var vísað til umsagnar verkefnisstjóra og er nú lagt fram að nýju.
Umsögn skrifstofu sviðsstjóra dags. 24. febrúar 2014 fylgir erindinu.
Gjald kr. 9.500

Ekki eru gerðar skipulagslegar athugasemdir við erindið.
42.14 Krókháls 13, breyting á deiliskipulagi
Að lokinni auglýsingu er lögð fram að nýju umsókn Orkuveitu Reykjavíkur dags. 15. nóvember 2013 varðandi breytingu á deiliskipulagi Grafarlæk-Stekkjarmóa-Djúpadals vegna lóðarinnar nr. 13 við Krókháls. Í breytingunni felst að kvöð um lagnir sem nú er norðan/vestan við lóðina verði færð austur/suður fyrir lóðina, samkvæmt uppdr. Landmótunar dags. 13. nóvember 2013. Tillagan var auglýst frá 27. janúar til og með 10. mars 2014. Eftirtaldir aðilar sendu inn athugasemdir: Áslaug Katrín Aðalsteinsdóttir dags. 10. mars 2014.

Vísað til umhverfis- og skipulagsráðs.