Borgartún 28, Austurstræti 12, Lágholtsvegur 15, Reitur 1.154.3, Barónsreitur, Bugðulækur 17, Sóleyjargata 27, Norðlingabraut 16, Sogavegur 3, Úlfarsárdalur, Arnarholt, Brekknaás 9, Verndunarsvæði vatnsbóla, Bergstaðastræti 73, Eirhöfði 12, Frakkastígur 8, Þverholt 15-21, Þverholt 15-21, Þverholt 15-21, Þverholt 15-21, Þverholt 15-21, Bryggjuhverfi, Bræðraborgarstígur 10, Fiskislóð 43, Grettisgata 2, Hverfisgata 78, Laugavegur 12B, Laugavegur 86-94, Norðurstígur 5, Óðinsgata 1, Vesturgata 30, Vesturgata 64, Þórsgata 6, Bergþórugata 6B, Hraunbær 102, Hrísateigur 19, Hverfisgata 41, Laugavegur 42, Skipholt 15, Sogavegur 73-75, Þórsgata 13, Kjalarnes, Melavellir,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

482. fundur 2014
Ár 2014, föstudaginn 7. mars kl. 09:00, hélt skipulagsfulltrúi Reykjavíkur 482. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir. Eftirtaldir embættismenn kynntu mál á fundinum: Borghildur Sturludóttir, Hildur Gunnarsdóttir, Hildur Gunnlaugsdóttir, Lilja Grétarsdóttir, Björn Ingi Edvardsson, Margrét Þormar og Halldóra Hrólfsdóttir. Ritari var Harri Ormarsson.
Þetta gerðist:

1.14 Borgartún 28, (fsp) breyting á deiliskipulagi
Á fundi skipulagsfulltrúa 28. febrúar 2014 var lögð fram fyrirspurn HEK ehf. dags. 6. febrúar 2014 varðandi breytingu á deiliskipulagi Kirkjutúns vegna lóðarinnar nr. 28 við Borgartún. Í breytingunni felst að byggja íbúðar- og þjónustuhúsnæði, auka byggingarmagn, fjölga hæðum um eina og byggja bílageymslu neðanjarðar, samkvæmt tillögu Zeppelin ehf. dags. 5. febrúar 2014.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við fyrirspurnina, á eigin kostnað. Tillagan verður auglýst þegar hún berst.
2.14 Austurstræti 12, (fsp) - Austurstr. 12-14 - Útiveitingar v/Vallarstræti
Lagt fram erindi frá afgreiðslufundi byggingarfulltrúa frá 25. febrúar 2014 þar sem spurt er hvort leyft yrði að breyta fyrirkomulagi á útiveitingasvæði í Vallarstræti framan við hús nr. 12 og 14 á lóð nr. 12 við Austurstræti.

Frestað.
Umsækjandi hafi samband við embætti skipulagsfulltrúa.
3.14 Lágholtsvegur 15, leiðrétting á stærð lóðar
Lagt fram bréf Svanlaugar Rósar Ásgeirsdóttur og Xavier Rodriguez dags. 4. mars 2014 það sem óskað er eftir leiðréttingu á stærð lóðarinnar nr. 15 við Lágholtsveg á núgildandi deiliskipulagi.

Vísað til umsagnar verkefnisstjóra.
4.14 Reitur 1.154.3, Barónsreitur, (fsp) nýta lóð
Lögð fram fyrirspurn Þorgríms Þórarinsson dags. 4. mars 2014 um tímabundna notkun á reit 1.154.3, Barónsreitur.

Frestað.
Fyrirspyrjandi hafi samband við embættið.
5.14 Bugðulækur 17, endurnýja handrið
Að lokinni grenndarkynningu er lagt fram erindi frá afgreiðslufundi byggingarfulltrúa frá 21. janúar 2014. Sótt er um leyfi til að endurnýja óleyfishandrið, sbr. erindi BN041643 sem synjað var, á þaki bílskúrs á lóð nr. 17 við Bugðulæk. Erindi var grenndarkynnt frá 29. janúar til og með 26. febrúar 2014. Eftirtaldir aðilar sendu inn athugasemdir: Kristinn Kristinsson f.h. húsfélag Rauðalækjar 18 dags. 10. febrúar 2014.
Meðfylgjandi er bréf eigenda ódagsett og samþykki meðeigenda dags. 8. maí 2011. Útskrift úr gerðabók embættisafgreiðslufundar skipulagsstjóra frá 20. maí 2011 fylgir erindinu ásamt fyrri umsögn skipulagsstjóra dags. 25. febrúar 2011. Gjald kr. 8.000


Vísað til umsagnar verkefnisstjóra.
6.14 Sóleyjargata 27, Fjölga gistiherbergjum - móttaka
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til þess að grafa frá austurhlið kjallara og jafnframt fjölga gistiherbergjum úr sjö í átta í gistiheimili í flokki II á lóð nr. 27 við Sóleyjargötu.
Gjald kr. 9.500

Vísað til umsagnar verkefnisstjóra.
7.14 Norðlingabraut 16, (fsp) breyting á aðalskipulagi
Lagt fram bréf Guðmundar Kristinssonar dags. 20. febrúar 2014 varðandi breytingu á aðalskipulagi lóðarinnar nr. 16 við Norðlingabraut. Í breytingunni felst breytt notkun lóðarinnar. Einnig lögð fram umsögn skipulagsfulltrúa dags. 5. mars 2014.

Neikvætt, með vísan til umsagnar skipulagsfulltrúa dags. 5. mars 2014.
8.14 Sogavegur 3, (fsp) - Port - köld geymsla
Á fundi skipulagsfulltrúa 21. febrúar 2014 var lagt fram erindi frá afgreiðslufundi byggingarfulltrúa frá 18. febrúar 2014 þar sem spurt er hvort leyfi fengist til að loka port á vesturhlið og útbúa ca. 100 ferm kalda geymslu sem mun verða B rými og færa sorpið að austurhlið hússins á lóð nr. 3 við Sogaveg. Erindinu var vísað til meðferðar hjá verkefnisstjóra. Einnig lögð fram umsögn skipulagsfulltrúa dags. 5. mars 2014.

Umsögn skipulagsfulltrúa dags. 5. mars 2014 samþykkt.
9.14 Úlfarsárdalur, bréf
Lagt fram bréf Gísla Gíslasonar og Arneyjar Einarsdóttur dags. 3. mars 2014 varðandi endurskipulagningu og endurúthlutun lóða í Úlfarsárdal.

Vísað til umsagnar verkefnisstjóra.
10.14 Arnarholt, Heilsuhótel
Á fundi skipulagsfulltrúa 28. febrúar 2014 var lagt fram erindi frá afgreiðslufundi byggingarfulltrúa frá 25. febrúar 2014 þar sem sótt er um leyfi til að innrétta "heilsuhótel" í flokki III, þar sem áður var sjúkrahús í Arnarholti á Kjalarnesi. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 7. mars 2014.
Gjald kr. 9.500

Jákvætt með vísan til umsagnar skipulagsfulltrúa dags. 7. mars 2014.
11.14 Brekknaás 9, Áður gerðar breytingar
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um samþykki á áður gerðum breytingum innanhúss, m.a. innrétting á verslun, móttöku fyrir hestaleigu, hestakerruleigu, kaffistofu í flokki II og dýralæknaráðgjöf í Dýraspítala Watsons á lóð nr. 9 við Brekknaás.
Umsögn skrifstofu sviðsstjóra dags. 24. febrúar 2014 fylgir erindinu.
Gjald kr. 9.500

Vísað til umsagnar verkefnisstjóra.
12.14 Verndunarsvæði vatnsbóla, framkvæmdaleyfi á Gvendarbrunnasvæðinu
Á fundi skipulagsfulltrúa 3. janúar 2014 var lögð fram umsókn Orkuveitu Reykjavíkur dags. 2. janúar 2013 um framkvæmdaleyfi til að bora nýja vinnsluholu á Gvendarbrunnasvæðinu. Einnig er lögð fram mynd af staðsetningu vinnsluholu og verklýsing ódags. Umsókninni var vísað til umsagnar Heilbrigðiseftirlits Reykjavíkur og er nú lögð fram að nýju ásamt umsögn Heilbrigðiseftirlits Reykjavíkur dags. 21. janúar 2014 ásamt drögum að starfsleyfi fyrir Orkuveituna.
Erindi var samþykkt á afgreiðslufundi skipulagsfulltrúa 5. febrúar 2014 með vísan til 2. mgr. 12. gr. samþykkar um umhverfis- og skipulagsráð og með fyrirvara um meðmæli Skipulagsstofnunar. Erindi er nú lagt fram að nýju ásamt bréfi skipulagsstofnunar dags. 26. febrúar 2014.

Frestað.
13.14 Bergstaðastræti 73, (fsp) bílskúr og bílskýli
Lögð fram fyrirspurn Þingvangs ehf. dags. 4. mars 2014 um að byggja tvöfaldan bílskúr ásamt bílskýli bakatil á lóðinni nr. 73 við Bergstaðastræti, samkvæmt uppdr. Arkþings ehf. dags. 4. mars 2014.

Ekki er gerð athugasemd við erindið. Byggingarleyfisumsókn verður grenndarkynnt berist hún.
14.14 Eirhöfði 12, (fsp) breyting á notkun o.fl.
Á fundi skipulagsfulltrúa 28. febrúar 2014 var lögð fram fyrirspurn Hafsteins Kristjáns Halldórssonar dags. 24. febrúar 2014 um að breyta skrifstofurými í tvær íbúðir í húsinu á lóðinni nr. 12 við Eirhöfða og setja svalir á suðurhlið hússins með hringstiga niður á pall á annarri hæð, samkvæmt uppdrætti K.J. hönnun ehf. dags. 15. janúar 2014. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. mars 2014.

Neikvætt, með vísan til umsagnar skipulagsfulltrúa dags. 7. mars 2014.
15.14 Frakkastígur 8, (fsp) færsla á byggingarmagni
Lögð fram fyrirspurn Úti og inni arkitekta sf. dags. 20. febrúar 2014 varðandi færslu á byggingarmagni innan lóðarinnar nr. 8 við Frakkastíg. Einnig er lögð fram greinargerð og minnisblað Úti og inni arkitekta sf. dags. 19. febrúar 2014 ásamt teikningum dags. febrúar 2014. Einnig lögð fram umsögn skipulagsfulltrúa dags. 7. mars 2014.

Umsögn skipulagsfulltrúa dags. 7. mars 2014 samþykkt.
16.14 Þverholt 15-21, Þverholt 15 - bílgeymsla, mhl.11
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að byggja tveggja hæða bílgeymslu, mhl. 11, fyrir á lóð nr. 15-21 við Þverholt.
Erindi fylgir brunahönnun frá VSI dags. 25. febrúar 2014, greinargerð vegna hljóðvistar dags. í febrúar 2014 og útreikningur á varmatapi. Stærð: K-1, 2.212,7 ferm., K00, 2.215,4 ferm., K01, 5,7 ferm. Samtals 4.433,8 ferm., 14.775 rúmm. Gjald kr. 9.500

Vísað til umsagnar verkefnisstjóra.
17.14 Þverholt 15-21, Einholt 12 - fjölbýlishús
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að byggja steinsteypt fjögurra hæða fjölbýlishús, Einholt 12, mhl. 09, á lóð nr. 15-21 við Þverholt.
Erindi fylgir brunahönnun frá VSI dags. 25. febrúar 2014, greinargerð vegna hljóðvistar dags. í febrúar 2014 og útreikningur á varmatapi. Stærð: Kjallari 280,3 ferm., 1. hæð 476,9 ferm., 2. hæð 508,4 ferm., 3. hæð 543,2 ferm., 4. hæð 523,3 ferm. Samtals 2.332,1 ferm., 7.462,2 rúmm. Gjald kr. 9.500

Vísað til umsagnar verkefnisstjóra.
18.14 Þverholt 15-21, Þverholt 23 - fjölbýlishús, mhl.05
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að byggja fjögurra hæða steinsteypt fjölbýlishús með 22 íbúðum, þverholt 23, mhl. 05, á lóð nr. 15-21 við Þverholt.
Erindi fylgir brunahönnun frá VSI dags. 25. febrúar 2014, greinargerð vegna hljóðvistar dags. í febrúar 2014 og útreikningur á varmatapi. Stærð: Kjallari 423,3 ferm., 1. hæð 538 ferm., 2., 3. og 4. hæð 576,6 ferm.
Samtals: 2.691,1 ferm., 8.391,2 rúmm. B-rými: ??? ferm. Gjald kr. 9.500

Vísað til umsagnar verkefnisstjóra.
19.14 Þverholt 15-21, Einholt 10 - Fjölbýlishús, mhl.08
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að byggja steinsteypt 5 hæða fjölbýlishús með 22 íbúðum, Einholt 10, mhl.08, á lóð nr. 15-21 við Þverholt.
Erindi fylgir brunahönnun frá VSI dags. 25. febrúar 2014, greinargerð vegna hljóðvistar dags. í febrúar 2014 og útreikningur á varmatapi.Stærð: Kjallari -1 60,4 ferm., Kjallari 316,6 ferm., 1. hæð 484,2 ferm., 2. hæð 537,5 ferm., 3. og 4. hæð 574,4 ferm., 5. hæð 405,5 ferm. Samtals 2.953 ferm., 8.953,6 rúmm. Gjald kr. 9.500

Vísað til umsagnar verkefnisstjóra.
20.14 Þverholt 15-21, Þverholt 19-21/Einholt 8 - fjölbýlishús
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að byggja steinsteypt fimm hæða fjölbýlishús með 60 íbúðum í þremur stigahúsum, Einholt 8, mhl.07, Þverholt 19, mhl.03, Þverholt 21, mhl. 04, á lóð nr. 15-21 við Þverholt.
Erindi fylgir brunahönnun frá VSI dags. 25. febrúar 2014, greinargerð vegna hljóðvistar dags. í febrúar 2014 og útreikningur á varmatapi. Stærð mhl.04: Kjallari -1, 57,7 ferm., Kjallari 448,9, 1. hæð 494,2 ferm., 2., 3. og 4 hæð 595,9 ferm. Samtals: 3.075,3 ferm., 9.450,7 rúmm. Stærð mhl.07: Kjallari -1, 48,2 ferm., Kjallari 197,9 ferm., 1. hæð 542,5 ferm., 2. hæð 560,8 ferm., 3. og 4. hæð 595,2 ferm., 5. hæð 400,3 ferm. Samtals: 2.920,1 ferm., 8.739,8 rúmm. Stærð mhl.03: Kjallari -1, 163,3 ferm., Kjallari, 205,8 ferm., 1. hæð 289,8 ferm., 2. hæð 288,2 ferm., 3. og 4. hæð 332,7 ferm., 5. hæð 354 ferm. Samtals: 1.966,5 ferm., 5.953,4 rúmm. Gjald kr. 9.500

Vísað til umsagnar verkefnisstjóra.
21.14 Bryggjuhverfi, hugmyndasamkeppni um deiliskipulag
Lagt fram bréf skrifstofu borgarstjóra dags. 27. febrúar 2014 þar sem erindi Bryggjuráðs, íbúasamtaka Bryggjuhverfis, dags. 18. febrúar 2014, um áskorun til borgarstjórnar um að auglýsa hugmyndasamkeppni um deiliskipulag Bryggjuhverfis er f.h. borgaráðs vísað til umsagnar umhverfis- og skipulagssviðs.

Kynna formanni umhverfis- og skipulagsráðs.
22.14 Bræðraborgarstígur 10, Breyting - hækkun á risi - BN044237
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 7. janúar 2014 þar sem sótt er um leyfi til að hækka ris þannig að hægt verði að nota það til íveru í einbýlishúsi á lóð nr. 10 við Bræðraborgarstíg. Einnig er lögð fram umsögn Minjastofnunar Íslands dags. 13. janúar 2014. Erindi var grenndarkynnt frá 23. janúar til og með 20. febrúar 2014. Athugasemdir sendu: Hólmfríður Garðarsdóttir og Guðrún Ara Arason, dags. 20. janúar 2014.
Sjá erindi BN044237 sem samþykkt var 3. júlí 2012. Stækkun: 43,1 ferm., 71,2 rúmm. Gjald kr. 9.000

Vísað til umhverfis- og skipulagsráðs.
23.14 Fiskislóð 43, Gistihús fl.3
Lagt fram erindi frá afgreiðslufundi byggingarfulltrúa frá 4. mars 2014 þar sem sótt er um leyfi til að breyta skrifstofubyggingu í gistihús (gististað) í flokki III á lóð nr. 43 við Fiskislóð.
Stærðir: 2272,3 ferm., 7697,6 rúmm. Lóðarstærð 3687 ferm. nýtingarhlutfall 0,6. Gjald kr. 9.500

Vísað til umsagnar verkefnisstjóra.
24.14 Grettisgata 2, 2B - Gistiheimili
Á fundi skipulagsfulltrúa 21. febrúar 2014 var lagt fram erindi frá afgreiðslufundi byggingarfulltrúa frá 18. febrúar 2014 þar sem sótt er um leyfi til þess að breyta íbúðarhúsi í gistiheimili í flokki II fyrir allt að tíu gesti í húsi nr. 2B, matshluta 02, á lóðinni nr. 2 við Grettisgötu. Móttaka gististaðarins verður staðsett í gistiheimilinu að Grettisgötu 2A, sömu eigendur eru að báðum húsunum. Samþykki meðlóðarhafa dags. í desember 2013 fylgir erindinu. Gjald kr. 9.500
Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4. mars 2014..


Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 4. mars 2014.
25.14 Hverfisgata 78, breyting á deiliskipulagi
Að lokinni auglýsingu er lögð fram að nýju umsókn Hverfis ehf. dags. 5. varðandi breytingu á deiliskipulagi reits 1.173.0 vegna lóðarinnar nr. 78 við Hverfisgötu. Í breytingunni felst að byggðar verði þrjár hæðir ofan á hús sem stendur í bakgarði ásamt leyfi til að hafa hótel eða gistiheimili á lóðinni, samkvæmt uppdr. Gunnlaugs Jónassonar ark. dags. 5. desember 2013. Tillagan var auglýst frá 17. janúar til og með 28. febrúar 2014. Eftirtaldir aðilar sendu inn athugasemdir: Guðfinna J. Guðmundsdóttir hdl. f.h. Vesturgarðs ehf. dags. 27. febrúar 2014.

Vísað til umsagnar verkefnisstjóra.
26.14 Laugavegur 12B, (fsp) breyting á deiliskipulagi
Á fundi skipulagsfulltrúa 1. nóvember 2013 var lögð fram fyrirspurn Batterísins arkitekta ehf. dags. 1. nóvember 2013 varðandi breytingu á umfangi, útlínum og hæðarfjölda hússins á lóðinni nr. 12B við Laugaveg ásamt lækkun á nýtingarhlutfalli, samkvæmt tillögu Batterísins arkitektar ehf. dags. 31. október 2013. Einnig er lögð fram umsögn Minjasafns Reykjavíkur dags. 29. nóvember 2013 og umsögn Minjastofnunar dags. 18. febrúar 2014 um tillöguna. Jafnframt er lagt fram bréf Batterísins arkitekta ehf. dags. 31. janúar 2014 ásamt skissum dags. 31. janúar 2014. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn Minjasafns Reykjavíkur dags. 27. febrúar 2014.
Vísað til umhverfis- og skipulagsráðs.
27.14 Laugavegur 86-94, (fsp) - Stækkun - 4.hæð
Á fundi skipulagsfulltrúa 28. febrúar 2014 var lagt fram erindi frá afgreiðslufundi byggingarfulltrúa frá 25. febrúar 2014 þar sem spurt er hvort leyft yrði að stækka 4. hæð til vesturs í fjölbýlishúsi á lóð nr. 86-94 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 4, mars 2014..

Neikvætt, með vísan til umsagnar skipulagsfulltrúa dags. 4. mars 2014.
28.14 Norðurstígur 5, (fsp) nýbygging
Lögð fram fyrirspurn THG Arkitekta ehf. dags. 28. febrúar 2014 um að byggja sex litlar tveggja herbergja íbúðir á lóðinni nr. 5 við Norðurstíg og fella niður kröfu um tvö bílastæði í bílskúr, samkvæmt uppdr. THG Arkitekta ehf. dags. 6. febrúar 2014.

Vísað til umsagnar verkefnisstjóra.
29.14 Óðinsgata 1, (fsp) - Portbyggja hús - breyta kvistum
Á fundi skipulagsfulltrúa 21. febrúar 2014 var lagt fram erindi frá afgreiðslufundi byggingarfulltrúa frá 18. febrúar 2014 þar sem spurt er hvort portbyggja megi hús, breyta kvistum og færa svalir á suðurgafl hússins á lóð nr. 1 við Óðinsgötu. Erindinu var vísað til meðferðar hjá verkefnisstjóra og er nú lagt fram að nýju. Einnig lögð fram umsögn skipulagsfulltrúa dags. 6. mars 2014.

Jákvætt með vísan til umsagnar skipulagsfulltrúa dags. 6. mars 2014.
30.14 Vesturgata 30, (fsp) uppbygging á lóð
Á fundi skipulagsfulltrúa 28. febrúar 2014 var lögð fram fyrirspurn Hafnarstrætis 1 ehf. dags. 24. febrúar 2014 varðandi uppbyggingu á lóð nr. 30 við Vesturgötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 5. mars 2014..

Umsögn skipulagsfulltrúa dags. 5. mars 2014 samþykkt.
31.14 Vesturgata 64, heimild til útgáfu lóðarleigusamnings
Lagður fram tölvupóstur skrifstofu borgarstjórnar dags. 4. mars 2014 þar sem erindi skrifstofu eigna og atvinnuþróunar varðandi heimild til útgáfu lóðarleigusamnings að Vesturgötu 64 er vísað f.h. borgarráðs til yfirferðar borgarlögmanns og skipulagsfulltrúa Reykjavíkurborgar.

Vísað til meðferðar hjá verkefnisstjóra.
32.14 Þórsgata 6, bréf
Á fundi skipulagsfulltrúa 21. febrúar 2014 var lagt fram bréf Guðmundar Kristinssonar dags. 14. febrúar 2014 þar sem farið er fram á að vinna við gerð deiliskipulags reits 1.184.2 verði hraðað eins og mögulegt er, eða á annan hátt verði séð til þess að hægt verði að hefja uppbyggingu á lóð nr. 6 við Þórsgötu án frekari tafa. Einnig er óskað eftir skýrum svörum varðandi fyriráætlanir Reykjavíkurborgar vegna þessa máls. Lagðar eru fram umsagnir Minjastofnunar dags. 6. febrúar 2014 og borgarminjavarðar, dags. 13.febrúar 2014. Erindinu var vísað til umsagnar verkefnisstjóra og er nú lagt fram að nýju ásamt bréfi skipulagsfulltrúa dags. 6. mars 2014.

Bréf skipulagsfulltrúa dags. 6. mars 2014 samþykkt.
33.14 Bergþórugata 6B, (fsp) heimagisting, svalir o.fl.
Á fundi skipulagsfulltrúa 28. febrúar 2014 var lögð fram fyrirspurn Random ark ehf. dags. 24. febrúar 2014 varðandi heimagistingu í húsinu á lóðinni nr. 6B við Bergþórugötu ásamt byggingu svala á suðurhlið hússins og grafa frá Kjallara, samkvæmt tillögu Random ark ehf. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 7. mars 2014.

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 7. mars 2014.
Bent er á að leita þarf umsagnar Minjastofnunar Íslands, sbr. 30. gr.laga nr. 80/2013 um menningarminjar.
34.14 Hraunbær 102, (fsp) - 102C - Breyta í íbúðarhúsnæði
Lagt fram erindi frá afgreiðslufundi byggingarfulltrúa frá 28. janúar 2014 þar sem spurt er hvort leyfi fengist til að breyta efri og neðri hæð atvinnurýmis 0001 og 0101 í íbúð í húsinu á lóð nr. 102C við Hraunbæ. Ljósmyndir fylgja. Einnig lögð fram umsögn skipulagsfulltrúa dags. 27. febrúar 2014.

Neikvætt, með vísan til umsagnar skipulagsfulltrúa dags. 27. febrúar 2014.
35.14 Hrísateigur 19, (fsp) - Breyta í íbúðarhúsnæði
Á fundi skipulagsfulltrúa 21. febrúar 2014 var lagt fram erindi frá afgreiðslufundi byggingarfulltrúa frá 18. febrúar 2014 þar sem spurt er hvort leyft yrði að breyta verslunarrými 0102 á 1. hæð í íbúð í húsi á lóð nr. 19 við Hrísateig. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsstjóra dags. 6. mars 2014.

Neikvætt, með vísan til umsagnar skipulagsfulltrúa dags. 6. mars 2014.
36.14 Hverfisgata 41, (fsp) aukning á nýtingarhlutfalli o.fl.
Á fundi skipulagsfulltrúa 24. janúar 2014 var lögð fram fyrirspurn Arnar Þórs Halldórssonar dags. 22. janúar 2014 varðandi byggingu 4-5 hæða gistiheimili/hostel á lóðinni nr. 41 við Hverfisgötu með móttöku á jarðhæð ásamt kaffi-/veitingahúsi. Einnig er óskað eftir endurskoðun á bílastæðaþörf. Fyrirspurninni var vísað til umsagnar verkefnisstjóra.
Kynna formanni umhverfis- og skipulagsráðs.
37.14 Laugavegur 42, (fsp) - 42B - Kaffihús fl.2
Á fundi skipulagsfulltrúa 21. febrúar 2014 var lagt fram erindi frá afgreiðslufundi byggingarfulltrúa frá 18. febrúar 2014 þar sem spurt er hvort leyft yrði að starfrækja kaffihús í notkunarflokki II í húsinu nr. 42B á lóðinni nr. 42 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 6. mars 2014.

Jákvætt með vísan til umsagnar skipulagsfulltrúa dags. 6. mars 2014.
38.14 Skipholt 15, (fsp) - Gistihús
Lagt fram erindi frá afgreiðslufundi byggingarfulltrúa frá 4. mars 2014 þar sem spurt er hvort leyft yrði að breyta verslunarrými 0103 í gistihúsnæði á fyrstu hæð hússins á lóðinni nr. 15 við Skipholt.

Vísað til umsagnar verkefnisstjóra.
39.14 Sogavegur 73-75, (fsp) rekstur leik- og grunnskóla o.fl. á lóð 75
Lögð fram fyrirspurn Hjallastefnunnar ehf. dags. 6. mars 2014 um að reka leik- og grunnskóla í húsinu á lóðinni nr. 75 við Sogaveg, þrengja götu, gera bílastæði á ská á núverandi gangstétt fyrir framan húsið ásamt hljóðmön eða hljóðvegg við Miklubraut.

Vísað til umsagnar verkefnisstjóra.
40.14 Þórsgata 13, breyting á deiliskipulagi
Lagt fram erindi Karls Sigfússonar dags. 11. október 2012 varðandi breytingu á deiliskipulagi Þórsgötureits vegna lóðarinnar nr. 13 við Þórsgötu samkvæmt uppdrætti Bjarna Snæbjörnssonar ark. dags. 8. desember 2011. Einnig er lagður fram úrskurður úrskurðarnefndar umhverfis- og auðlindamála frá 31. janúar 2014. Úrskurðarorð: Máli þessu er vísað frá úrskurðarnefndinni.


Vísað til umhverfis- og skipulagsráðs.
41.14 Kjalarnes, Melavellir, breyting á deiliskipulagi
Að lokinni auglýsingu er lagt fram að nýju erindi Matfugls ehf. dags. 8. desember 2011 varðandi breytingu á deiliskipulagi jarðarinnar Melavellir á Kjalarnesi. Í breytingunni felst fjölgun alifuglahúsa á lóðinni, skv. uppdrætti dags. 15. febrúar 2012. Einnig er lögð fram umhverfisskýrsla verkfræðistofunnar Efla dags. 15. febrúar 2012. Auglýsing stóð frá 23. apríl til 6. júní 2012. Eftirtaldir aðilar sendu athugsemdir: Ásthildur Skjaldardóttir og Birgir Aðalsteinsson dags. 30. maí 2012, Ásgeir Harðarson formaður f.h. Íbúasamtaka Kjalarness dags. 6. júní 2012, Ásgeir Harðarson dags. 6. júní 2012 og Sigríður Pétursdóttir formaður hverfisráðs Kjalarness dags. 6. júní 2012. Einnig er lögð fram bókun frá fundi hverfisráðs Kjalarness þann 14. júní 2012 og umsögn Heilbrigðiseftirlits Reykjavíkur dags. 4. júlí 2012. Einnig er lögð fram umsögn skipulagsstjóra dags. 9. júlí 2012. Jafnframt er lagður fram úrskurður úrskurðarnefndar umhverfis- og auðlindamála frá 31. janúar 2014. Úrskurðarorð: Kærumáli þessu er vísað frá úrskurðarnefndinni.

Vísað til umhverfis- og skipulagsráðs.