Elliðaárdalur, Mjódalsvegur 3, Súðarvogur 16, Súðarvogur 44-48, Tindstaðir Innri 125758, Úlfarsá, Verndunarsvæði vatnsbóla, Eirhöfði 8 - Breiðhöfði 15, Eirhöfði 2-4, Logafold 118, Vættaborgir 67-69, Aðalstræti 6, Barónsstígur, Sundhöllin, Bræðraborgarstígur 1, Frakkastígur 6A, Grettisgata 2B, Grettisgata 51, Hverfisgata 112 og 114, Ingólfsstræti 2A, Laugavegur 51, Suðurgata 18, Garðastræti 17, Hraunbær 102, Snorrabraut 27-29, Lautarvegur 2-16, Lautarvegur 14 og 16, Suðurlandsbraut 2, Eggertsgata 2-34, Fálkagata 2, Laufásvegur 70, Úlfarsbraut 50-56, Brautarh 10-14/Skiph, Ferjuvogur 2, Vogaskóli, Háagerði 22, Höfðatorg,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

477. fundur 2014
Ár 2014, föstudaginn 31. janúar kl. 09:20, hélt skipulagsfulltrúi Reykjavíkur 477. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Lilja Grétarsdóttir, Björn Ingi Edvardsson, Guðlaug Erna Jónsdóttir og Helga Lund. Ritari var Erna Hrönn Geirsdóttir.
Þetta gerðist:

1.14 Elliðaárdalur, kaffihús
Lagt fram bréf skrifstofu borgarstjóra dags. 8. ágúst 2013 ásamt erindi Sæmundar H. Sæmundssonar og Stellu Halldórsdóttur um kaffihús í Elliðaárdal. Einnig er lögð fram umsögn skipulagsfulltrúa dags. 29. janúar 2014 og uppdr. Plúsarkitekta ehf. dags. 10. október 2013.

Neikvætt með vísan til umsagnar skipulagsfulltrúa dags. 29. janúar 2014.
2.14 Mjódalsvegur 3, (fsp) bygging húss og fóstrun á landsvæði
Á fundi skipulagsfulltrúa 17. janúar 2014 var lögð fram fyrirspurn Brynjars Halldórssonar og Halldórs Lárussonar dags. 13. janúar 2014 varðandi byggingu frístundahúss á lóð nr. 3 við Mjódalsveg ásamt fóstrun á nærliggjandi landsvæði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. janúar 2014.

Neikvætt, með vísan til umsagnar skipulagsfulltrúa dags. 31. janúar 2014.
3.14 Súðarvogur 16, Breyta í íbúðir
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 21. janúar 2014 þar sem sótt er um leyfi til að breyta 2. og 3. hæð í íbúðir og setja svalir og stiga á vesturhlið iðnaðarhússins á lóðinni nr. 16 við Súðarvog. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. janúar 20 14.
Gjald kr. 9.500

Neikvætt, með vísan til umsagnar skipulagsfulltrúa dags. 31. janúar 2014.
4.14 Súðarvogur 44-48, Skipta í tvær eignir
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 21. janúar 2014 þar sem sótt er um leyfi til að skipta eign 0303 í tvær eignir 0203 og 0303, báðar eignir verða íbúð með vinnustofu, stigi milli hæða felldur út og inngangur í íbúð/vinnustofu breytist í útliti í nr. 46 í húsi á lóð nr. 44-48 við Súðarvog. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. janúar 2014.
Meðfylgjandi er bréf arkitekts dags. 14. janúar 2014 og óundirritað samþykki meðeigenda.

Neikvætt, með vísan til umsagnar skipulagsfulltrúa dags. 31. janúar 2014.
5.14 Tindstaðir Innri 125758, (fsp) - Minkahús
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 17. september 2013 þar sem spurt er hvort byggja megi minkahús á jörðinni Innri Tindstaðir á Kjalarnesi. Einnig er lögð fram umsögn Heilbrigðiseftirlits Reykjavíkur dags. 20. janúar 2014.
Kynna formanni umhverfis- og skipulagsráðs.
6.14 Úlfarsá, framkvæmdaleyfi
Lögð fram umsókn Guðmundar B. Friðrikssonar f.h. stjórnar Veiðifélags Úlfarsár dags. 6. desember 2013 um framkvæmdaleyfi sem felst í að fleygja úr klöpp neðst í árfarvegi Úlfarsár til að auðvelda uppgöngu laxfiska í ánni. Einnig er lögð fram umsögn Veiðimálastofnunar dags. 7. maí 2013, Umhverfisstofnunar 14. júní 2013, náttúruverndarnefnda Mosfellsbæjar dags. 23. október 2013, Reykjavíkurborgar dags. 28. október 2013 og Heilbrigðiseftirlits Reykjavíkur dags. 1. nóvember 2013. Jafnframt er lagt fram leyfi Fiskistofu dags. 25. nóvember 2013 og Landeigenda dags. 28. október og 1. nóvember 2013 fyrir framkvæmdinni.

Vísað til umhverfis-og skipulagsráðs.
7.14 Verndunarsvæði vatnsbóla, framkvæmdaleyfi á Gvendarbrunnasvæðinu
Á fundi skipulagsfulltrúa 3. janúar 2014 var lögð fram umsókn Orkuveitu Reykjavíkur dags. 2. janúar 2013 um framkvæmdaleyfi til að bora nýja vinnsluholu á Gvendarbrunnasvæðinu. Einnig er lögð fram mynd af staðsetningu vinnsluholu og verklýsing ódags. Umsókninni var vísað til umsagnar Heilbrigðiseftirlits Reykjavíkur og er nú lögð fram að nýju ásamt umsögn Heilbrigðiseftirlits Reykjavíkur dags. 21. janúar 2014 og drögum að starfsleyfi fyrir Orkuveituna.

Vísað til umhverfis-og skipulagsráðs
8.14 Eirhöfði 8 - Breiðhöfði 15, Eirhöfði 2-4, breyting á deiliskipulagi
Að lokinni grenndarkynningu er lögð fram að nýju umsókn Norðurfara dags. 28. nóvember 2013 varðandi breytingu á deiliskipulagi Ártúnshöfða vegna lóðanna að Eirhöfða 8, Breiðhöfða 15 og Eirhöfða 2-4. Breytingin gengur m.a. út á breyttar innkeyrslur fyrir lóðirnar, skv. uppdr. Landslags ehf. dags. 25. nóvember 2013. Tillagan var grenndarkynnt frá 18. desember 2013 til og með 29. janúar 2014. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
9.14 Logafold 118, málskot
Lagt fram málskot Ellerts Más Jónssonar móttekið 17. janúar 2014 vegna neikvæðrar afgreiðslu byggingarfulltrúa frá 3. desember 2013 um að byggja sólstofu við suðurhlið hússins á lóð nr. 118 við Logafold.

Vísað til umhverfis-og skipulagsráðs
10.14 Vættaborgir 67-69, málskot
Lagt fram málskot Ellerts Más Jónssonar móttekið 17. janúar 2014 vegna afgreiðslu byggingarfulltrúa frá 9. apríl 2013 um að byggja glerskála á svölum parhúss nr. 67 á lóðinni nr. 67-69 við Vættaborgir.

Vísað til umhverfis-og skipulagsráðs
11.14 Aðalstræti 6, málskot
Lagt fram málskot Reita fasteignafélags hf. dags. 27. janúar 2014 vegna neikvæðrar afgreiðslu skipulagsfulltrúa frá 13. desember 2013 varðandi breytingu á þakhæð hússins á lóð nr. 6 við Aðalstræti, samkvæmt uppdr. Arkís arkitekta ehf. dags. 10. desember 2013. Einnig er lagt fram skuggavarp Arkís arkitekta ehf. dags. 28. janúar 2014.

Vísað til umhverfis-og skipulagsráðs
12.14 Barónsstígur, Sundhöllin, breyting á deiliskipulagi
Lögð fram tillaga umhverfis- og skipulagssviðs varðandi breytingu á deiliskipulagi Heilsuverndarreits vegna lóðarinnar nr. 43 við Barónsstíg. Í breytingunni felst stækkun á byggingarreit og aukningu á byggingarmagni, samkvæmt uppdr. Hornsteina arkitekta ehf. dags. 23. janúar 2014.

Frestað
13.14 Bræðraborgarstígur 1, (fsp) breytt notkun
Lögð fram fyrirspurn HD verk ehf. dags. 23. janúar 2014 varðandi breytta notkun á jarðhæð hússins að Bræðraborgarstíg 1 úr verslun og leikskóla í gistiheimili, skv. uppdrætti Eon arkitekta dags. 15. janúar 2013. Einnig lögð fram greinargerð hönnuða dags. 23. janúar 2014.

Kynna formanni umhverfis- og skipulagsráðs.
14.14 Frakkastígur 6A, breyting á deiliskipulagi
Á fundi skipulagsfulltrúa 24. janúar 2014 var lögð fram umsókn Zeppelin arkitekta f.h. Landslagna ehf. dags. 22. janúar 2014 varðandi breytingu á deiliskipulagi Skuggahverfis vegna lóðarinnar nr. 6A við Frakkastíg. Breytingin gengur m.a. út á að stækka stigahús sunnan á húsinu og byggja tveggja hæða viðbyggingu í sundinu norðan við gamla húsið, skv. uppdráttum dags. 21. janúar 2014. Umsókninni var vísað til meðferðar hjá verkefnisstjóra og er nú lögð fram að nýju.

Samþykkt að grenndarkynna framlagða tillögu fyrir hagsmunaaðilum að Frakkarstíg 5, 6b og Lindargötu 46, 46a, 48 og 50.
15.14 Grettisgata 2B, breyting á notkun bakhúss
Lögð fram umsókn G2A ehf. dags. 27. janúar 2014 varðandi breytingu á notkun bakhússins á lóðinni nr. 2B við Grettisgötu. Einnig er lagt fram samþykki meðlóðarhafa dags. 20. desember 2013.

Ekki eru gerðar skipulagslegar athugasemdir við erindið. Umsækjanda er bent á að sækja þarf um byggingarleyfi.
16.14 Grettisgata 51, (fsp) viðbygging
Á fundi skipulagsfulltrúa 17. janúar 2014 var lögð fram fyrirspurn Róshildar Jónsdóttur dags. 16. janúar 2014 um að byggja neðanjarðar vinnustofu norðan við húsið á lóðinni nr. 51 við Grettisgötu ásamt viðbyggingu á einni hæð fyrir stigahús og vinnustofu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. janúar 2014.

Neikvætt með vísan til umsagnar skipulagsfulltrúa dags. 30. janúar 2014.
17.14 Hverfisgata 112 og 114, sameining lóða, nýbygging
Á fundi skipulagsfulltrúa 30. nóvember 2012 var lögð fram fyrirspurn Björns Emilssonar dags. 29. nóvember 2012 um að sameina lóðirnar nr. 112 og 114 við Hverfisgötu og að hin sameinaða lóð yrði auðkennd sem lóð nr. 31 við Snorrabraut. Einnig lagðir fram uppdrættir Björns Emilssonar dags. 15. ágúst 2012 að stækkun húsa nr. 112 og 114 við Hverfisgötu. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 8.janúar 2014.

Neikvætt, með vísan til umsagnar skipulagsfulltrúa dags.8. janúar 2014.
18.14 Ingólfsstræti 2A, (fsp) - Lyftuhús, glerbygging á svölum 3.hæðar
Lagt fram erindi frá afgreiðslufundi byggingarfulltrúa frá 21. janúar 2014 þar sem spurt er hvort byggja megi lyftuhús og glerskála sunnan megin á þaksvölum þriðju hæðar Gamla Bíós á lóð nr. 2A við Ingólfsstræti.

Ekki er gerð athugasemd við erindið. Byggingarleyfisumsókn verður grenndarkynnt berist hún.
19.14 Laugavegur 51, (fsp) - Atvinnuhúsnæði í íbúðir
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 21. janúar 2014 þar sem spurt er hvort leyft yrði að byggja svalir á bakhlið og innrétta tvær íbúðir á þriðju hæð húss á lóð nr. 51 við Laugaveg. Erindinu var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 31. janúar 2014.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
20.14 Suðurgata 18, (fsp) - Þrjú bílastæði
Lagt fram bréf frá afgreiðslufundi byggingarfulltrúa frá 28. janúar 2014 þar sem spurt er hvort leyft yrði að breyta fyrirkomulagi og staðsetja þrjú bílastæði á framlóð hússins nr. 18 við Suðurgötu.

Vísað til umsagnar verkefnisstjóra.
21.14 Garðastræti 17, breyting á deiliskipulagi Grjótaþorps
Lögð fram tillaga umhverfis- og skipulagssviðs dags. 22. janúar 2014 varðandi breytingu á deiliskiplagi Grjótaþorps vegna lóðanna nr. 17 og 17a við Garðastræti. Í breytingunni felst að sameina lóðirnar í eina lóð, Garðastræti 17 í samræmi við samþykkt umhverfis- og skipulagsráðs þann 11. september 2013 með vísan í greinargerð byggingarfulltrúa frá 14. desember 2012.

Samþykkt að grenndarkynna framlagða tillögu fyrir hagsmunaaðilum að Garðastræti 15 og 17 og Mjóstræti 4 og 6.
22.14 Hraunbær 102, (fsp) - 102C - Breyta í íbúðarhúsnæði
Lagt fram bréf frá afgreiðslufundi byggingarfulltrúa frá 28. janúar 2014 þar sem spurt er hvort leyfi fengist til að breyta efri og neðri hæð atvinnurýmis 0001 og 0101 í íbúð í húsinu á lóð nr. 102C við Hraunbæ.
Ljósmyndir fylgja.

Vísað til umsagnar verkefnisstjóra.
23.14 Snorrabraut 27-29, (fsp) - Breyta kaffihúsi í gistiheimili
Lagt fram bréf frá afgreiðslufundi byggingarfulltrúa frá 28. janúar 2014 þar sem spurt er hvort breyta megi kaffistofu í gistiheimili á 1. hæð í húsi á lóð nr. 27-29 við Snorrabraut.

Vísað til umsagnar verkefnisstjóra.
24.14 Lautarvegur 2-16, (fsp) fjölgun íbúða
Lögð fram fyrirspurn Jónasar Ólafssonar dags. 16. janúar 2014 varðandi fjölgun íbúða í húsunum á lóðunum nr. 2-16, samkvæmt uppdr. Úti og inni arkitekta. Einnig er lagt fram samþykki meðlóðarhafa móttekið 30. janúar 2014. Einnig er lögð fram umsögn skipulagsfulltrúa dags. 29. janúar 2014.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 29. janúar 2014.
25.14 Lautarvegur 14 og 16, (fsp) tveggja hæða hús með tveimur íbúðum
Lögð fram fyrirspurn Guðjóns S. Marteinssonar dags. 29. janúar 2014 varðandi byggingu tveggja hæða húss á lóðunum nr. 14 og 16 við Lautarveg með tveimur íbúðum. Einnig er lögð fram umsögn skipulagsfulltrúa dags. 29. janúar 2014.


Neikvætt með vísan til umsagnar skipulagsfulltrúa dags. 29. janúar 2014.
26.14 Suðurlandsbraut 2, breyting á deiliskipulagi
Lögð fram umsókn Reita I ehf. dags. 29. janúar 2014 varðandi breytingu á deiliskipulagi lóðarinnar nr. 2 við Suðurlandsbraut. Í breytingunni felst hækkun á nýtingarhlutfalli, fækkun á bílastæðum og að gera grasmanir við lóðarmörk, innan og utan lóðar, samkvæmt uppdr. T.ark dags. janúar 2014.

Vísað til meðferðar hjá verkefnisstjóra.
27.14 Eggertsgata 2-34, 12-14 - Útigeymslur - áður gert
Lagt fram erindi frá afgreiðslufundi byggingarfulltrúa frá 28. janúar 2014 þar sem sótt er um leyfi fyrir tveimur þegar byggðum útigeymslum, mhl. 25 og mhl. 26, úr timbri fyrir útiáhöld og leiktæki við hús nr. 12-14 á lóð nr. 2-34 við Eggertsgötu.
Stærðir: mhl. 25, 17ferm., 53,5 rúmm., mhl. 26, 17 ferm., 53,5 rúmm. Samtals: 34,0 ferm., 107,0 rúmm. Gjald kr. 9.500

Ekki eru gerðar athugasemdir við erindið. Samræmist deiliskipulagi.
28.14 Fálkagata 2, (fsp) - Viðbygging 1.hæð
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 21. janúar 2014 þar sem spurt er hvort leyft yrði að stækka verslun til suðurs og koma fyrir eldtraustri sorpgeymslu á lóð nr. 2 við Fálkagötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 31. janúar 2014.

Jákvætt með vísan til umsagnar skipulagsfulltrúa dags. 31. janúar 2014.
29.14 Laufásvegur 70, Klæðning Breyting úti
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 21. janúar 2014 þar sem sótt er um leyfi til að koma fyrir nýrri klæðningu, sbr. bréf um óleyfisframkvæmd dags. 28. október 2013, á hluta framhliðar einbýlishússins á lóð nr. 70 við Laufásveg. Erindinu var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 29. janúar 2014.
Gjald kr. 9.500

Neikvætt, með vísan til umsagnar skipulagsfulltrúa dags. 29. janúar 2014.
30.14 Úlfarsbraut 50-56, Raðhús
Lagt fram bréf frá afgreiðslufundi byggingarfulltrúa frá 28. janúar 2014 þar sem sótt er um leyfi til að byggja staðsteypt raðhús á tveimur hæðum, fjórir matshlutar með innbyggðum bílgeymslum á lóð nr. 50-56 við Úlfarsbraut.
Stærðir: Mhl. 01 185,9 ferm., 577 rúmm. Mhl. 02 184,8 ferm., 573,7 rúmm. Mhl. 03 184,8 ferm., 573,7 rúmm. Mhl. 04 185,9 ferm., 577 rúmm.
Samtals 741,4 ferm., 2.301,4 rúmm. Gjald kr. 9.500

Ekki eru gerðar skipulagslegar athugasemdir við erindið.
31.14 Brautarh 10-14/Skiph, Skipholt 11-13 - Viðbygging
Á fundi skipulagsfulltrúa 24. janúar 2014 var lagt fram erindi frá afgreiðslufundi byggingarfulltrúa frá 21. janúar 2014 þar sem sótt er um leyfi til að byggja þrjár hæðir ofan á eldra hús og innrétta 20 íbúðir í ofanábyggingunni, 1. hæð verður verslun og kjallari verður innréttaður sem geymslur og bílgeymslur fyrir sex bíla í Skipholti 11-13 á lóðinni Brautarh 10-14/Skiph. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 31. janúar 2014.
Erindi fylgir varmatapsútreikningur dags. 12. janúar 2014. Stækkun: 2. hæð xx ferm., 3. hæð xx ferm.. 4. hæð xx ferm. Samtals xx ferm. xx rúmm. Gjald kr. 9.500

Neikvætt. Samræmist ekki deiliskipulagi, sbr. umsögn skipulagsfulltrúa dags. 31. janúar 2014.
32.14 Ferjuvogur 2, Vogaskóli, breyting á deiliskipulagi
Á fundi skipulagsfulltrúa 24. janúar 2014 var lagt fram erindi umhverfis- og skipulagssviðs, frumathugana mannvirkjagerðar, varðandi breytingu á deiliskipulagi Vogaskóla. Breytingin felur í sér að byggingarreitur fyrir skólann er stækkaður og byggingarmagn skólahúsnæðis er aukið. Fallið er frá því að minnka bílakjallara og fækka bílastæðum á lóðinni samkvæmt uppdrætti Glámu -Kím dag. 21. janúar 2014.
Vísað til umhverfis-og skipulagsráðs
33.14 Háagerði 22, (fsp) - Bílskúr
Lagt fram bréf frá afgreiðslufundi byggingarfulltrúa frá 28. janúar 2014 þar sem spurt er hvort leyfi fengist til að byggja 54 ferm. bílskúr á lóð nr. 22 við Háagerði. Einnig er lögð fram umsögn skipulagsfulltrúa dags. 31. janúar 2014.
Teikning á A4 blaði fylgir

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 31. janúar 2014.
34.14 Höfðatorg, breyting á deiliskipulagi
Lögð fram umsókn Höfðatorgs ehf. dags. 23. janúar 2014 varðandi breytingu á deiliskipulagi Höfðatorgs. Í breytingunni felst lækkun á bílastæðakröfu ef um hótelstarfsemi verði að ræða, og breyting á lóðarmörkum samkvæmt uppdr. PK - arkitekta ehf. dags. 23. janúar 2014.

Vísað til umhverfis-og skipulagsráðs