Freyjubrunnur 3-5, Grundargerði 7, Mjölnisholt 12-14, Skyggnisbraut 26-30, Stórhöfði 29-31, Dugguvogur 23, Fossagata, Gilsárstekkur 8, Njálsgata 33B, Víðimelur 35, Öldugata 28, Grandavegur 47, Hólavallagata 3, Höfðabakki 9, Stórhöfði 34-40, Hrísateigur 14, Bergstaðastræti 27, Bergstaðastræti 73, Hverfisgata 57, Hverfisgata 61, Skógarhlíð 10, Veghúsastígur 7, Þórunnartún 4 (áður Skúlatún 4), Reykjavíkurborg, Sogavegur 73-75, Gamla höfnin - Vesturbugt, Arnarholt 221217, Fossvogurinn, Krókháls 13, Reykjavíkurborg, Útilistaverk, Verndunarsvæði vatnsbóla, Birkimelur, blómatorgið, Bræðraborgarstígur 1, Hverfisgata 12, Ingólfstorg, Laugavegur 77, Reitur 1.131, Nýlendureitur, Tryggvagata 16, Reitur 1.171.3, Laugavegs- og Skólavörðustígsreitir,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

473. fundur 2014
Ár 2014, föstudaginn 3. janúar kl. 09:20, hélt skipulagsfulltrúi Reykjavíkur 473. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Helena Stefánsdóttir. Eftirtaldir embættismenn kynntu mál á fundinum: Guðlaug Erna Jónsdóttir, Gunnar Sigurðsson, Lilja Grétarsdóttir, Hildur Gunnarsdóttir, Halldóra Hrólfsdóttir, Björn Ingi Edvardsson og Margrét Þormar. Ritari var Björgvin Rafn Sigurðarson.
Þetta gerðist:

1.14 Freyjubrunnur 3-5, Færa þvottahús, útitröppur, nýjar svalir á 1. hæð og lóð lækkuð
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um leyfi til að færa þvottahús og fjarlægja eldvarnarvegg á milli geymslukjallara og íbúðar í mhl. 01 rými 0001, koma fyrir svölum á 1. hæð á íbúðum í mhl. 01 og 02 lækka og aðlaga lóð til samræmis við aðliggjandi lóðir og koma fyrir staðsteyptum útitröppum sitt hvoru megin við húsið á lóð nr. 3-5 við Freyjubrunn. Gjald kr. 9.000

Vísað til umsagnar verkefnisstjóra.
2.14 Grundargerði 7, Anddyri
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 12. nóvember 2013 þar sem sótt er um leyfi til þess að breyta innra fyrirkomulagi og byggja anddyri við norðurhlið hússins á lóðinni nr. 7 við Grundargerði. Erindi var grenndarkynnt frá 20. nóvember til og með 18. desember 2013. Engar athugasemdir bárust.
Samþykki nágranna í húsum nr. 9 við Grundargerði og nr. 41 við Akurgerði (á teikn.) fylgir erindinu. Útskrift úr gerðabók embættisafgreiðslufundar skipulagsfulltrúa frá 11. október 2013 fylgir erindinu ásamt umsögn skipulagsfulltrúa dags. 10. október 2013. Umsögn burðarvirkishönnuðar dags. 26. september 2013 fylgir erindinu. Stækkun: Íbúð 4,1 ferm. og 13,0 rúmm. Gjald kr. 9.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
3.14 Mjölnisholt 12-14, breyting á deiliskipulagi
Að lokinni auglýsingu er lögð fram að nýju umsókn Gunnars S. Óskarssonar dags. 5. september 2013 varðandi breytingu á deiliskipulagi Hampiðjureits vegna lóðarinnar nr. 12-14 við Mjölnisholt. Í breytingunni felst að draga úr stöllun hæða ásamt breytingu á skilmálum um bílastæði, samkvæmt uppdr. Teiknistofunnar GSÓ ehf. dags. 4. september 2013. Tillagan var auglýst frá 8. nóvember til og með 20. desember 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
4.14 Skyggnisbraut 26-30, breyting á deiliskipulagi
Að lokinni auglýsingu er lögð fram að nýju umsókn Jóns Hrafns Hlöðverssonar dags. 16. október 2013 varðandi breytingu á deiliskipulagi Úlfarsárdals vegna lóarinnar nr. 26-30 við Skyggnisbraut. Í breytingunni felst fjölgun íbúða, nýtingu þakrýmis, færslu keyrslurampa fyrir bílakjallara og fl., samkvæmt uppdr. Mansard - teiknistofunnar ehf. dags. 15. október 2013. Tillagan var auglýst frá 8. nóvember til og með 20. desember 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
5.14 Stórhöfði 29-31, (fsp) ofanábygging
Lögð fram fyrirspurn Arkís arkitekta ehf. dags. 18. desember 2013 um að byggja tengibyggingu ofan á núverandi millibyggingu.

Vísað til umsagnar verkefnisstjóra.
6.14 Dugguvogur 23, Vinnustofa - íbúð
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um leyfi til að breyta skrifstofurými 0305 í vinnustofu listamanns með búsetumöguleika fyrir einstakling eða par sbr. fyrirspurn BN046386 og byggja svalir á suðausturhlið húss á lóð nr. 23 við Dugguvog.
Meðfylgjandi eru samþykktir meðeigenda. Gjald kr. 9.000

Vísað til umsagnar verkefnisstjóra.
7.14 Fossagata, breyting á skilmálum deiliskipulags norðan Fossagötu
Lögð fram tillaga skipulagsfulltrúa Reykjavíkur varðandi breytingu á skilmálum deiliskipulags norðan Fossagötu. Í breytingunni felst að skilmálum fyrir bílgeymslur hvað varðar þakhalla verður breytt, samkvæmt tillögu skipulagsfulltrúa Reykjavíkur dags. 30. desember 2013.

Samþykkt að grenndarkynna framlagða tillögu fyrir hagsmunaaðilum að Skerplugötu 1-11 og Fossagötu 3, 5, 11 og 13.
8.14 Gilsárstekkur 8, stækkun og breytingar
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um leyfi til þess að breyta innra fyrirkomulagi, breyta bílgeymslu í móttökuherbergi og byggja ofan á svalir á annarri hæð hússins á lóðinni nr. 8 við Gilsárstekk.
Stækkun xx Gjald kr. 9.000

Vísað til umsagnar verkefnisstjóra.
9.14 Njálsgata 33B, breyting á deiliskipulagi
Að lokinni grenndarkynningu er lögð fram að nýju umsókn PK-Arkitekta ehf. dags. 7. mars 2013 varðandi breytingu á deiliskipulagi Njálsgötureits 1, 1.190.0, vegna lóðarinnar nr. 33B við Njálsgötu. Í breytingunni felst stækkun á byggingarreit samkvæmt uppdr. PK-Arkitekta ehf. dags. 7. mars 2013, breyttur 24. júní 2013. Tillagan var grenndarkynnt að 29. apríl til og með 29. maí 2013. Athugasemdir og ábendingar bárust. Guðný Sveinbjörnsdóttir dags. 6. maí 2013, Hörður Torfasonar f.h. húsfélagsins Njálsgötu 35 dags. 7. maí 213, Ásta Stefánsdóttir dags. 17. maí 2013 og íbúar Grettisgötu 34 dags. 25. maí 2013. Tillagan var grenndarkynnt að nýju frá 22. október til og með 19. nóvember 2013. Eftirtaldir aðilar sendu athugasemdir: Hörður Torfason f.h. íbúa að Njálsgötu 35 dags. 11. nóvember 2013, íbúar að Grettisgötu 34 dags. 19. nóvember 2013 og Rebekka Sigurðardóttir dags. 20. nóvember 2013.


Vísað til umhverfis- og skipulagsráðs.
10.14 Víðimelur 35, (fsp) breyting á notkun
Lögð fram fyrirspurn Guðmundar Bergmann Jónssonar dags. 16. desember 2013 um að breyta iðnaðarhúsnæði á lóðinni nr. 35 við Víðimel í íbúðarhúsnæði.

Vísað til umsagnar verkefnisstjóra.
11.14 Öldugata 28, Stækkun til norðurs og vesturs
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 1. október 2013 þar sótt er um leyfi til að byggja viðbyggingu við norðurhlið, kjallara, tvær hæðir og ris, stækka anddyrisviðbyggingu á vesturhlið og gera svalir á þaki hennar og byggja bílskúr með verönd og garði á þaki við austurhlið einbýlishúss á lóð nr. við Öldugötu. Tillagan var grenndarkynnt frá 27. nóvember til og með 27. desember 2013. Eftirtaldir aðilar sendu athugasemdir: Áróra Pálsdóttir, dags. 30. nóvember 2013, Eiríkur Dór Jónsson og Áróra Pálsdóttir dags. 18. desember 2013 og Eva Gestsdóttir, Ásta B. Jónsdóttir og Einar I. Halldórsson eigendur að Bárugötu 33 dags. 27. desember 2013.
Niðurrif: Fastanr. 200-1547 mhl. 70 merkt 0101 bílskúr 1931 17,4 ferm., viðbygging norður 11 ferm. Viðbygging til norðurs: 76,6 ferm., xx rúmm. Viðbygging til vesturs: 7 ferm., xx rúmm. Bílskúr: 30,7 ferm., xx rúmm. Samtals stækkun 114,3 ferm., xx rúmm. Gjald kr. 9.000

Vísað til umsagnar verkefnisstjóra.
12.14 Grandavegur 47, Íbúð í eign 0104
Á fundi skipulagsfulltrúa 29. nóvember 2013 var lagt fram erindi frá afgreiðslufundi byggingarfulltrúa frá 26. október 2013 þar sem sótt er um leyfi til þess að innrétta íbúð í rými 0104 sem nýtt hefur verið sem aðstaða fyrir sjúkraþjálfara á fyrstu hæð hússins á lóðinni nr. 47 við Grandaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 12. desember 2013.
Gjald kr. 9.000

Neikvætt, með vísan til umsagnar skipulagsfulltrúa dags. 12. desember 2013.
13.14 Hólavallagata 3, (fsp) hækkun á þaki o.fl.
Á fundi skipulagsfulltrúa 6. desember 2013 var lögð fram fyrirspurn Dap arkitekta dags. 5. desember 2013 varðandi hækkun á þaki hússins á lóðinni nr. 3 við Hólavallagötu, setja tvo kvisti götumegin og tvo garðmegin ásamt inndregnum svölum og nýjum inngangi og fjölgun íbúða í kjallara, samkvæmt uppdr. Dap arkitekta dags. 4. desember 2013 greinargerð dags. 5. desember 2013. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 3. janúar 2014.

Umsögn skipulagsfulltrúa dags. 3. janúar 2014 samþykkt.
14.14 Höfðabakki 9, Breytingar á lóð
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um leyfi til að breyta áður samþykktu erindi BN046249 þannig að komið er fyrir um 5 m háum stuðlabergssúlum í 10 cm djúpri tjörn í kring um súlurnar við innkeyrsluna og setja á þær merki fyrirtækjanna sem eru með aðsetur á lóðinni nr. 9 við Höfðabakka. Gjald kr. 9.000

Vísað til umsagnar verkefnisstjóra.
15.14 Stórhöfði 34-40, Skemma - áður gert
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um samþykki á þegar byggðri skemmu úr stálgrind sem er klædd með báruáli, mhl. 07, á lóðarhluta lóðarinnar Stórhöfða 34-40.
Stærðir: 662,6 ferm., 4.770 rúmm. Gjald kr. 9.000

Vísað til umsagnar verkefnisstjóra.
16.14 Hrísateigur 14, (fsp) - Íbúðir
Lagt fram erindi frá afgreiðslufundi byggingarfulltrúa frá 17. desember 2013 þar sem spurt er hvort innrétta megi fimm íbúðir í húsinu á lóð nr. 14 við Hrísateig. Einnig er lögð fram umsögn skipulagsfulltrúa dags. 3. janúar 2014.

Umsögn skipulagsfulltrúa dags. 3. janúar 2014 samþykkt.
17.14 Bergstaðastræti 27, (fsp) - Klára byggingu húss
Lagt fram erindi frá afgreiðslufundi byggingarfulltrúa frá 17. desember 2013 þar sem spurt er hvort ljúka megi byggingu fjölbýlishúss úr steinsteypu skv. samþykktum teikningum frá 1945, fyrsti áfangi er þegar byggður, á lóðinni nr. 27 við Bergstaðastræti. (Timburhús á lóðinni verði flutningshús og því fundinn staður í samráði við borgaryfirvöld).

Vísað til umsagnar verkefnisstjóra.
18.14 Bergstaðastræti 73, (fsp) - Bílgeymsla
Lagt fram erindi frá afgreiðslufundi byggingarfulltrúa frá 17. desember 2013 þar sem spurt er hvort leyft yrði að byggja nýja tvöfalda bílgeymslu með tengigangi yfir í einbýlishús á lóð nr. 73 við Bergstaðastræti. Einnig er lögð fram umsögn skipulagsfulltrúa dasg. 29. desember 2013.

Umsögn skipulagsfulltrúa dags. 29. desember 2013 samþykkt.
19.14 Hverfisgata 57, (fsp) - Kvistur - lyfta
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem spurt er hvort leyft yrði að innrétta íbúð á rishæð (4.h.) og koma fyrir lyftuturni að norðurhlið hússins nr. 57 við Hverfisgötu. Erindinu var vísað til umsagnar verkefnisstjóra.

Frestað. Umsækjandi hafi samband við embætti skipulagsfulltrúa.
20.14 Hverfisgata 61, (fsp) - Aðkoma bílageymslu
Á fundi skipulagsfulltrúa 15. nóvember 2013 var lagt fram erindi frá afgreiðslufundi byggingarfulltrúa frá 12. nóvember 2013 þar sem spurt er hvort leyft yrði að breyta aðkomu að fyrirhugaðri bílgeymslu í kjallara hússins nr. 61 við Hverfisgötu. Erindinu var vísað til umsagnar verkefnisstjóra.

Frestað. Umsækjandi hafi samband við embætti skipulagsfulltrúa.
21.14 Skógarhlíð 10, (fsp) notkun húss
Lögð fram fyrirspurn Arkís arkitekta ehf. dags. 10. desember 2013 varðandi notkun hússins á lóðinni nr. 10 við Skógarhlíð. Einnig lögð fram umsögn skipulagsfulltrúa dags. 2. janúar 2014.

Jákvætt með vísan til umsagnar skipulagsfulltrúa dags. 2. janúar 2014.
22.14 Veghúsastígur 7, (fsp) gluggar
Á fundi skipulagsfulltrúa 13. desember 2013 var lögð fram fyrirspurn Kristjáns Guðmundssonar dags. 10. desember 2013 um að koma fyrir gluggum á útvegg hússins á lóðinni nr. 7 við Veghúsastíg sem er á lóðarmörkum lóðarinnar nr. 28-32 við Lindargötu. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 13. desember 2013.

Samþykkt að grenndarkynna framlagða tillögu fyrir hagsmunaaðilum að Veghúsastíg 5 og 9, Lindargötu 26, 28, 30, 32 og Vatnsstíg 9a.
23.14 Þórunnartún 4 (áður Skúlatún 4), (fsp) hækkað nýtingarhlutfall
Á fundi skipulagsfulltrúa 29. nóvember 2013 var lögð fram fyrirspurn Gunnlaugs Jónassonar ark. f.h. Skúlatún 4 ehf., dags. 28. nóvember 2013 ásamt greinargerð s.d. varðandi hækkun á nýtingarhlutfalli á reitnum 1.220.0 í samræmi við uppdrætti Teikningar.is, dags. 25. nóvember 2013 að stækkun húss á lóð nr. 4 við Þórunnartún. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 2. janúar 2014.

Neikvætt, með vísan til umsagnar skipulagsfulltrúa dags. 2. janúar 2014.
24.14 Reykjavíkurborg, óleyfileg búseta
Lagt fram bréf Slökkviliðstjóra Höfuðborgarsvæðisins dags. 18. desember 2013 þar sem óskað er eftir fundi vegna óleyfilegrar búsetu í atvinnuhúsnæði borginnar. Einnig eru lögð fram minnisblöð Slökkviliðs Höfuðborgarsvæðisins dags. 20. september 2013 og 17. desember 2013. Jafnframt er lögð fram fundargerð 125. stjórnarfundar Slökkviliðs Höfuðborgarsvæðisins frá 18. október 2013 ásamt kortlagningu ódags.

Lagt fram.
25.14 Sogavegur 73-75, (fsp) breyting á landnotkun
Á fundi skipulagsfulltrúa 6. desember 2013 var lögð fram fyrirspurn Sigríðar Guðmundsdóttur dags. 2. desember 2013 varðandi breytingu á landnotkun í aðalskipulagi Reykjavíkur 2010-2030. Fyrirspurninni var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. desember 2013.

Umsögn skipulagsfulltrúa samþykkt.
26.14 Gamla höfnin - Vesturbugt, breyting á deiliskipulagi
Lagt fram bréf skipulagsstofnunar dags. 13. desember 2013 þar sem gerðar eru athugasemdir við að birta auglýsingu í B-deild Stjórnartíðinda o.fl.
Vísað til umsagnar skrifstofu sviðsstjóra.
27.14 Arnarholt 221217, (fsp) - Breyting á innra skipulagi
Á fundi skipulagsfulltrúa 22. nóvember 2013 var lagt fram erindi frá afgreiðslufundi byggingarfulltrúa frá 19. nóvember 2013 þar sem spurt er um og óskað er eftir nýrri umsögn skipulagsfulltrúa vegna nýrrar túlkunar á hlutverki starfsmannahúss sbr. erindi BN046140 við fyrrverandi sjúkrastofnun á Arnarholti. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. desember 2013.

Umsögn skipulagsfulltrúa dags. 27. desember 2013 samþykkt.
28.14 Fossvogurinn, útivistarsvæði fyrir sjósundiðkendur og siglingarklúbba
Á fundi skipulagsfulltrúa 13. desember 2013 var lagt fram erindi Sjósunds og sjóbaðsfélags Reykjavíkur dags. 26. apríl 2013 varðandi útivistarsvæði fyrir sjósundiðkendur og siglingarklúbba með hraðatakmörkum í Fossvoginum á hafsvæði milli Reykjavíkur og Kópavogs. Einnig er lögð umsögn ÍTR dags. 14. maí 2013 og umsögn Samgöngustofu dags. 27. nóvember 2013. Erindinu var vísað til umsagnar verkefnisstjóra.

Vísað til umhverfis- og skipulagsráðs.
29.14 Krókháls 13, breyting á deiliskipulagi
Á fundi skipulagsfulltrúa 22. nóvember 2013 var lögð fram umsókn Orkuveitu Reykjavíkur dags. 15. nóvember 2013 varðandi breytingu á deiliskipulagi Grafarlæk-Stekkjarmóa-Djúpadals vegna lóðarinnar nr. 13 við Krókháls. Í breytingunni felst að kvöð um lagnir sem nú er norðan/vestan við lóðina verði færð austur/suður fyrir lóðina, samkvæmt uppdr. Landmótunar dags. 13. nóvember 2013. Umsókninni var vísað til meðferðar hjá verkefnisstjóra.
Vísað til umhverfis- og skipulagsráðs.
30.14 Reykjavíkurborg, tennisaðstaða
Lagt fram bréf íþrótta- og tómstundasviðs dags. 13. desember 2013 vegna svohljóðandi samþykktar íþrótta- og tómstundaráðs s.d.: "Íþrótta- og tómstundaráð þakkar starfshópi ÍTR, ÍBR og tennisdeildanna fyrir mikla og góða vinnu við skýrslu um aðstöðumál tennisíþróttarinnar í Reykjavík.
Íþrótta - og tómstundaráð telur að á grundvelli skýrslunnar geti borgaryfirvöld mótað framtíðarstefnu í gerð mannvirkja fyrir tennisíþróttina bæði fyrir afreksfólk og til æfingar í einstökum hverfum.
Íþrótta- og tómstundaráð óskar eftir því að umhverfis- og skipulagssvið leggi mat á þær tillögur sem snúa að tennisvöllum í Laugardal og Fossvogi og tennishúsi við hlið mannvirkja TBR.
Óskað er eftir að matið taki til bæði skipulagsforsendna og kostnaðar við framkvæmdir og rekstur og að ráðið fái greinargerð frá USK um málið fyrir 1. febrúar nk.
ÍTR verði falið að ræða við eigendur Egilshallar um tennisvelli við Egilshöll."

Vísað til meðferðar hjá verkefnisstjóra.
31.14 Útilistaverk, eftir Kaivalya Torpy
Lagt fram bréf Guðnýjar Jónsdóttur dags. 28. desember 2013 varðandi listaverk í landi Lundar í Kollafirði.

Verkefnastjóra falið að svara erindinu.
32.14 Verndunarsvæði vatnsbóla, framkvæmdaleyfi á Gvendarbrunnasvæðinu
Lögð fram umsókn Orkuveitu Reykjavíkur dags. 2. janúar 2013 um framkvæmdaleyfi til að bora nýja vinnsluholu á Gvendarbrunnasvæðinu. Einnig er lögð fram mynd af staðsetningu vinnsluholu.

Vísað til meðferðar hjá verkefnisstjóra.
33.14 Birkimelur, blómatorgið, (fsp) breyting á byggingarreit
Lögð fram fyrirspurn Blómatorgsins ehf. dags. 19. desember 2013 varðandi breytingu á lögun byggingarreits lóðarinnar nr. 3 við Birkimel, Blómatorgið, samkvæmt uppdr. Magnúsar Skúlasonar ark. dags. 8. desember 2013.

Vísað til umhverfis- og skipulagsráðs.
34.14 Bræðraborgarstígur 1, Gistirými - 1.hæð
Á fundi skipulagsfulltrúa 13. desember 2013 var lagt fram erindi frá afgreiðslufundi byggingarfulltrúa frá 10. desember 2013 þar sem sótt er um leyfi til þess að innrétta gistiheimili með sjö herbergjum og gistiaðstöðu fyrir 14 gesti á fyrstu hæð atvinnu- og íbúðahússins á lóðinni nr. 1 við Bræðraborgarstíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. desember 2013.
Umsækjandi er eigandi að öllu húsinu. Gjald kr. 9.000

Neikvætt, með vísan til umsagnar skipulagsfulltrúa dags. 20. desember 2013.
35.14 Hverfisgata 12, Veitingastaður
Á fundi skipulagsfulltrúa 13. desember 2013 var lagt fram erindi frá afgreiðslufundi byggingarfulltrúa frá 10. desember 2013 þar sem sótt er um leyfi til að innrétta veitingahús í flokki III teg. A fyrir 130 gesti í húsi á lóð nr. 12 við Hverfisgötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 3. janúar 2014.
Umsögn skipulagsfulltrúa dags. 28. nóvember 2013 (vegna fyrirspurnarerindis BN046792) fylgir erindinu ásamt yfirlýsingu hönnuðar um hljóðvist dags. 9. desember 2013. Gjald kr. 9.000

Umsögn skipulagsfulltrúa dags. 3. janúar 2014 samþykkt.
36.14 Ingólfstorg, (fsp) glerhús yfir torgið
Á fundi skipulagsfulltrúa 13. desember 2013 var lögð fram fyrirspurn Árna Björns Guðjónssonar dags. 10. desember 2013 varðandi byggingu húss á Ingólfstorgi ásamt greinargerð dags. nóvember 2013. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 20. desember 2013.

Neikvætt, með vísan til umsagnar skipulagsfulltrúa dags. 20. desember 2013.
37.14 Laugavegur 77, Breyting kjallara, stækkun 1.hæðar og innri breytingar á 2. 3. og 5.hæð
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um leyfi til að færa fram útvegg inndreginnar 1. hæðar og skipta henni í fjögur verslunarrými, koma fyrir hringstiga á þak útbyggingar 1. hæðar og breyta innra skipulagi kjallara, 1., 2., 3. og 5 hæðar í húsi á lóð nr. 77 við Laugaveg.
Stækkun: 44,2 ferm., 992,8 rúmm. Gjald kr. 9.000

Ekki eru gerðar skipulagslegar athugasemdir við erindið.
38.14 Reitur 1.131, Nýlendureitur, breyting á deiliskipulagi
Lagt fram bréf skipulagsstofnunar dags. 12. desember 2013 þar sem gerðar eru athugasemdir við að birta auglýsingu í B-deild Stjórnartíðinda ofl.

Vísað til umsagnar skrifstofu sviðsstjóra.
39.14 Tryggvagata 16, Útisalerni - Hljómskálagarður
Lagt fram erindi frá afgreiðslufundi byggingarfulltrúa frá 17. desember 2013 þar sem sótt er um leyfi til að staðsetja útisalerni í Hljómskálagarðinum til móts við Bragagötu, 10 metra frá gangstétt við Sóleyjargötu.

Ekki eru gerðar skipulagslegar athugasemdir við erindið.
40.14 Reitur 1.171.3, Laugavegs- og Skólavörðustígsreitir, breyting á deiliskipulagi lóðanna nr. 4 og 6 við Laugaveg og 3 við Skólavörðustíg
Að lokinni auglýsingu er lögð fram að nýju umsókn skrifstofa eigna og atvinnuþróunar dags. 2. október 2013 varðandi breytingu á deiliskipulagi reits 1.171.3 vegna lóðanna nr. 4 og 6 við Laugaveg. Í breytingunni felst m.a. að húsið Skólavörðustígur 3 á lóðinni nr. 4 við Laugaveg fái sérstaka skilgreinda lóð samkvæmt uppdrætti Teiknistofu arkitekta Gylfa Guðjónssonar og félaga ehf. dags. 02. október 2013. Tillagan var auglýst frá 8. nóvember til og með 20. desember 2013. Engar athugasemdir bárust. Einnig er lagt fram bréf Hverfisráðs miðborgar dags. 29. nóvember 2013 þar sem ekki er gerð athugasemd við tillöguna.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.