Aðalstræti 9, Fiskislóð 27, Laugavegur 18, Sléttuvegur 1-3, Hafnarfjörður, aðalskipulag, Njálsgata 33B, Suðurlandsbraut 8 og 10, Sigtún 38 og 40, Tangabryggja 14-24, Almannadalur, Fossvogurinn, Gufunes, skemmtigarður, Kjalarnes, Fitjakot, Laugavegur 22A, Starhagi, Útilistaverk, Deildarás 4, Eirhöfði 8 - Breiðhöfði 15, Eirhöfði 2-4, Flókagata 67, Grandavegur 47, Laufásvegur 19, Veghúsastígur 7, Aðalstræti 6, Bræðraborgarstígur 1, Hverfisgata 12, Ingólfstorg, Arnargata 10, Álfheimar 49, Furugrund, Ingólfsgarður, Brokey, Útilistaverk, Ægisíða,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

472. fundur 2013
Ár 2013, föstudaginn 13. desember kl. 10:30, hélt skipulagsfulltrúi Reykjavíkur 472. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrú Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Margrét Þormar, Gunnar Sigurðsson, Lilja Grétarsdóttir, Hildur Gunnarsdóttir, Haraldur Sigurðsson og Björn Ingi Edvardsson. Ritari var Harri Ormarsson
Þetta gerðist:

1.13 Aðalstræti 9, (fsp) - Veitingastaður
Á fundi skipulagsfulltrúa 6. desember 2013 var lagt fram erindi frá afgreiðslufundi byggingarfulltrúa frá 3. desember 2013 þar sem spurt er hvort leyft yrði að innrétta veitingastað í rými 0101 þar sem á samþykktum uppdráttum er gerð grein fyrir leiktækjasal á fyrstu hæð hússins nr. 9 við Aðalstræti. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags.12. desember 2013.

Jákvætt með vísan til umsagnar skipulagsfulltrúa dags. 12. desember 2013.
2.13 Fiskislóð 27, (fsp) aukning á byggingarmagni
Lögð fram fyrirspurn K.J. hönnunar dags. 12. desember 2013 varðandi aukningu á byggingarmagni lóðarinnar nr. 27 við Fiskislóð, samkvæmt uppdr. K.J. hönnunar dags. 10. desember 2013.

Vísað til umsagnar verkefnisstjóra.
3.13 Laugavegur 18, Breyta úr flokki I í flokk II
Á fundi skipulagsfulltrúa 6. desember 2013 var lagt fram erindi frá afgreiðslufundi byggingarfulltrúa frá 3. desember 2013 þar sem sótt er um leyfi til að breyta notkun rýmis á annarri hæð úr veitingastað í flokki I í flokk II í húsinu á lóðinni nr. 18 við Laugaveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags.12. desember 2013..
Gjald kr. 8.500

Jákvætt með vísan til umsagnar skipulagsfulltrúa dags. 12. desember 2013.
4.13 Sléttuvegur 1-3, breyting á deiliskipulagi
Lögð fram umsókn Húsnæðisfélags S.E.M dags. 12. desember 2013 varðandi breytingu á deiliskipulagi neðan Sléttuvegar vegna lóðarinnar nr. 1-3 við Sléttuveg. Í breytingunni felst fjölgun íbúða úr 20 í 21 og fækkun bílastæða úr 20 í 17, samkvæmt uppdr. VSÓ Rágjöf dags. 4. desember 2013.

Vísað til umsagnar verkefnisstjóra.
5.13 Hafnarfjörður, aðalskipulag, endurskoðun aðalskipulags Hafnarfjarðar 2005-2025
Á fundi skipulagsfulltrúa 15. nóvember 2013 var lagt fram bréf Hafnarfjarðarbæjar, dags. 11. nóvember 2013 ásamt tillögu að endurskoðun aðalskipulags Hafnarfjarðar 2005-2025. Tillagan ásamt greinargerð og umhverfisskýrslu er send til kynningar og umsagnar skv. 35. gr. skipulagslaga nr. 123/2010. Erindinu var vísað til umsagnar hjá verkefnisstjóra aðalskipulags og er nú lagt fram að nýju ásamt minnisblað SSH varðandi umsögn fagráðs svæðisskipulagsnefndar dags. 11. desember 2013.

Vísað til umhverfis-og skipulagsráðs
6.13 Njálsgata 33B, breyting á deiliskipulagi
Að lokinni grenndarkynningu er lögð fram að nýju umsókn PK-Arkitekta ehf. dags. 7. mars 2013 varðandi breytingu á deiliskipulagi Njálsgötureits 1, 1.190.0, vegna lóðarinnar nr. 33B við Njálsgötu. Í breytingunni felst stækkun á byggingarreit samkvæmt uppdr. PK-Arkitekta ehf. dags. 7. mars 2013, breyttur 24. júní 2013. Tillagan var grenndarkynnt að nýju 29. apríl til og með 29. maí 2013. Athugasemdir og ábendingar bárust. Guðný Sveinbjörnsdóttir dags. 6. maí 2013, Hörður Torfasonar f.h. húsfélagsins Njálsgötu 35 dags. 7. maí 213, Ásta Stefánsdóttir dags. 17. maí 2013 og íbúar Grettisgötu 34 dags. 25. maí 2013. Tillagan var grenndarkynnt frá 22. október til og með 19. nóvember 2013. Eftirtaldir aðilar sendu athugasemdir: Hörður Torfason f.h. íbúa að Njálsgötu 35 dags. 11. nóvember 2013, íbúar að Grettisgötu 34 dags. 19. nóvember 2013 og Rebekka Sigurðardóttir dags. 20. nóvember 2013.


Vísað til umsagnar verkefnisstjóra.
7.13 Suðurlandsbraut 8 og 10, (fsp) stækkun húsa
Á fundi skipulagsfulltrúa 6. desember 2013 var lögð fram fyrirspurn Alark arkitekta ehf. F.h. Eik fasteignafélags dags. 4. desember 2013 varðandi stækkunarmöguleika húsanna á lóðunum nr. 8 og 10 við Suðurlandsbraut, samkvæmt uppdr. Alark Arkitekta ehf. dags. 26. september 2013. Fyrirspurninni var vísað til meðferðar verkefnisstjóra og er nú lögð fram að nýju. Einnig lögð fram umsögn skipulagsfulltrúa dags. 13. desember 2013.

Umsögn skipulagsfulltrúa samþykkt.
8.13 Sigtún 38 og 40, (fsp) uppbygging
Lögð fram fyrirspurn Íslandshótels slf. dags. 10. desember 2013 varðandi uppbyggingu á lóðunum nr. 38 og 40 við Sigtún. Einnig er lögð fram tillaga Atelier Arkitekta hf. dags. í september 2013.

Vísað til meðferðar hjá verkefnisstjóra.
9.13 Tangabryggja 14-24, Breyting á fyrstu hæð
Lagt fram erindi frá afgreiðslufundi byggingarfulltrúa frá 10. desember 2013 þar sem sótt er um leyfi til að breyta innra fyrirkomulag atvinnuhúsnæðis á fyrstu hæð hússins á lóðinni nr. 14-16 við Tangabryggju.
Sjá einnig erindi BN045775. Gjald kr. 9.000

Ekki gerðar skipulagslegar athugasemdir við erindið, Vakin er athygli á að óheimilt er að innrétta íbúðir á jarðhæð.
10.13 Almannadalur, (fsp) skráning lögheimilis
Lögð fram fyrirspurn Bjarna Jónssonar f.h. félags hesthúsaeigenda í Almannadal dags. 11. desember 2013 varðandi skráningu lögheimilis á efri hæðum hesthúsa í Almannadal. Einnig er lögð fram yfirlýsing Hestamannafélagsins Fákur dags. 18. nóvember 2013.

Vísað til umsagnar skrifstofu sviðsstjóra.
11.13 Fossvogurinn, útivistarsvæði fyrir sjósundiðkendur og siglingarklúbba
Á fundi skipulagsfulltrúa 10. maí 2013 var lagt fram erindi Sjósunds og sjóbaðsfélags Reykjavíkur dags. 26. apríl 2013 varðandi útivistarsvæði fyrir sjósundiðkendur og siglingarklúbba með hraðatakmörkum í Fossvoginum á hafsvæði milli Reykjavíkur og Kópavogs. Erindinu var vísað til umsagnar ÍTR og siglingamálastofnunnar og er nú lagt fram að nýju ásamt umsögn ÍTR dags. 14. maí 2013 og umsögn Samgöngustofu dags. 27. nóvember 2013.

Vísað til umsagnar verkefnisstjóra.
12.13 Gufunes, skemmtigarður, (fsp) móttökuhús o.fl.
Lögð fram fyrirspurn Fjörefli ehf. dags. 12. desember 2013 um að reisa móttökuhús á svæði skemmtigarðsins merkt U5 í Gufunesi til hliðar við bílastæði á inngangssvæði, stækka afnotasvæði lítillega á norðurmörkum og breyta umferðarfyrirkomulagi, samkvæmt uppdr. Landark dags. 10. desember 2013.

Vísað til umsagnar heilbrigðiseftirlits Reykjavíkur.
13.13 Kjalarnes, Fitjakot, niðurrifsheimild
Á fundi skipulagsfulltrúa 22. nóvember 2013 var lagður fram tölvupóstur Ingibjargar R Þengilsdóttur og Jóns Jóhanns Jóhannssonar dags. 19. nóvember 2013 varðandi niðurrifsskilmála á einbýlishúsi í Perluhvammi í landi Fitjakots á Kjalarnesi. Einnig er lagt fram bréf Ingibjargar R Þengilsdóttur og Jóns Jóhanns Jóhannssonar dags. 4. nóvember 2013. Erindinu var vísað til umsagnar skipulagsfulltrúa og er nú lagt fram að nýju ásamt umsögn skipulagsfulltrúa dags. 13. desember 2013.

Umsögn skipulagsfulltrúa dags. 13. desember 2013 samþykkt.
14.13 Laugavegur 22A, útiveitingar
Lagður fram tölvupóstur skrifstofu borgarstjórnar dags. 6. desember 2013 þar sem óskað er eftir umsögn umhverfis- og skipulagssviðs á umsókn Fyrirtækisins SEGA, sem rekur vínveitingarstaðinn Scandinavian Restaurant að Laugavegi 22A, um tímabundið útiveitingaleyfi á Laugavegi.

Ekki gerðar skipulagslegar athugasemdir við erindið.
15.13 >Starhagi, breyting á deiliskipulagi
Lögð fram tillaga Teiknistofunnar Storð ehf. varðandi breytingu á deiliskipulag Starhaga vegna aðflugsljósa fyrir Reykjavíkurflugvöll, samkvæmt uppdr. Teiknistofunnar Storð dags. 12. desember 2013.
Vísað til umhverfis-og skipulagsráðs
16.13 Útilistaverk, eftir Kaivalya Torpy
Á fundi skipulagsfulltrúa 6. desember 2013 var lögð fram fyrirspurn Guðnýjar Jónsdóttur dags. 18. nóvember 2013 um að reisa 13,35 metra hátt og 9,36 metra breitt listaverk eftir Kaivalya Torpy tileinkað friði í landi Mógilsár í Kollafirði. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. desember 2013..

Neikvætt, með vísan til umsagnar skipulagsfulltrúa dags. 12. desember 2013.
17.13 Deildarás 4, (fsp) - Séríbúð á jarðhæð
Lagt fram erindi frá afgreiðslufundi byggingarfulltrúa frá 10. desember 2013 þar sem spurt er hvort leyft yrði að útbúa séríbúð á jarðhæð einbýlishússins nr. 4 við Deildarás.
Um er að ræða íbúð fyrir fatlaðan einstakling.
Einnig lögð fram umsögn skipulagsfulltrúa dags. 12. desember 2013.

Umsögn skipulagsfulltrúa dags. 12. desember samþykkt.
18.13 Eirhöfði 8 - Breiðhöfði 15, Eirhöfði 2-4, breyting á deiliskipulagi
Á fundi skipulagsfulltrúa 6. desember 2013 var lögð fram umsókn Norðurfara dags. 28. nóvember 2013 varðandi breytingu á deiliskipulagi Ártúnshöfða vegna lóðanna Eirhöfði 8 - Breiðhöfði 15 og Eirhöfði 2-4. Breytingin gengur m.a. út á breyttar innkeyrslur fyrir lóðirnar, skv. uppdr. Landslags ehf. dags. 25. nóvember 2013.

Samþykkt að grenndarkynna framlagða tillögu fyrir hagsmunaaðilum að Eldshöfða 1, 23 og 18.
19.13 Flókagata 67, Bílskúr - stækkun - endurnýjun á þaki
Á fundi skipulagsfulltrúa 29. nóvember 2013 var lagt fram erindi frá afgreiðslufundi byggingarfulltrúa frá 26. nóvember 2013 þar sem sótt er um leyfi til að byggja við og hækka þakið á bílskúrnum á lóð nr. 67 við Flókagötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. desember 2013.
Stækkun: 18.3 ferm., 76,2 rúmm. Gjald kr. 9.000

Neikvætt með vísan til umsagnar skipulagsfulltrúa dags. 9. desember 2013
20.13 Grandavegur 47, málskot
Lagt fram málskot Vík Lögmannsstofu ehf. dags. 10. desember 2013 vegna neikvæðrar afgreiðslu skipulagsfulltrúa frá 4. október 2013 um breytingu á notkun hluta hússins á lóðinni nr. 47 við Grandaveg.

Vísað til umhverfis-og skipulagsráðs
21.13 Laufásvegur 19, (fsp) - Breyta í íbúðir - 1.hæð
Á fundi skipulagsfulltrúa 29. nóvember 2013 var lagt fram erindi frá afgreiðslufundi byggingarfulltrúa frá 26. nóvember 2013 þar sem spurt er hvort leyft yrði að breyta skrifstofu á jarðhæð í tvær íbúðir í húsi á lóð nr. 19 við Laufásveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 9. desember 2013.
Ljósmyndir fylgja

Jákvætt með vísan til umsagnar skipulagsfulltrúa dags. 9. desember 2013.

22.13 Veghúsastígur 7, (fsp) gluggar
Lögð fram fyrirspurn Kristjáns Guðmundssonar dags. 10. desember 2013 um að koma fyrir gluggum á útvegg hússins á lóðinni nr. 7 við Veghúsastíg sem er á lóðarmörkum lóðarinnar nr. 28-32 við Lindargötu.

Vísað til umsagnar verkefnisstjóra.
23.13 Aðalstræti 6, (fsp) breyting á þakhæð
Lögð fram fyrirspurn Reita fasteignafélags hf. dags. 11. desember 2013 varðandi breytingu á þakhæð hússins á lóðinni nr. 6 við Aðalstræti, samkvæmt uppdr. Arkís arkitekta ehf. dags. 10. desember 2013.

Neikvætt, með vísan til umsagnar skipulagsfulltrúa dags. 14. ágúst 2013, sbr, erindi SN130331.
24.13 Bræðraborgarstígur 1, Gistirými - 1.hæð
Lagt fram erindi frá afgreiðslufundi byggingarfulltrúa frá 10. desember 2013 þar sem sótt er um leyfi til þess að innrétta gistiheimili með sjö herbergjum og gistiaðstöðu fyrir 14 gesti á fyrstu hæð atvinnu- og íbúðahússins á lóðinni nr. 1 við Bræðraborgarstíg.
Umsækjandi er eigandi að öllu húsinu. Gjald kr. 9.000

Vísað til umsagnar verkefnisstjóra.
25.13 Hverfisgata 12, Veitingastaður
Lagt fram erindi frá afgreiðslufundi byggingarfulltrúa frá 10. desember 2013 þar sem sótt er um leyfi til að innrétta veitingahús í flokki III teg. A fyrir 130 gesti í húsi á lóð nr. 12 við Hverfisgötu.
Umsögn skipulagsfulltrúa dags. 28. nóvember 2013 (vegna fyrirspurnarerindis BN046792) fylgir erindinu ásamt yfirlýsingu hönnuðar um hljóðvist dags. 9. desember 2013. Gjald kr. 9.000

Vísað til umsagnar verkefnisstjóra.
26.13 Ingólfstorg, (fsp) glerhús yfir torgið
Lögð fram fyrirspurn Árna Björns Guðjónssonar dags. 10. desember 2013 varðandi byggingu húss á Ingólfstorgi ásamt greinargerð, dags. nóvember 2013.

Vísað til umsagnar verkefnisstjóra.
27.13 Arnargata 10, breyting á deiliskipulagi
Að lokinni grenndarkynningu er lögð fram að nýju umsókn Einars Kristins Hjaltested dags. 25. október 2013 varðandi breytingu á deiliskipulagi Fálkagötureits vegna lóðarinnar nr. 10 við Arnargötu. Í breytingunni felst að byggja við húsið, samkvæmt uppdr. Andrésar Narfa Andréssonar dags. 23. október 2013. Umsókninni var frestað og vísað til meðferðar verkefnisstjóra og er nú lögð fram að nýju. Tillagan var grenndarkynnt frá 13. nóvember til og með 11. desember 2013. Eftirtaldir aðilar sendu athugasemdir: Guðrún E. Andradóttir og Gunnlaugur Ingvarsson dags. 11. desember 2013 og 8 eigendur/leigjendur í húsi nr. 23A við Fálkagötu dags. 11. desember 2013.

Vísað til umsagnar verkefnisstjóra.
28.13 Álfheimar 49, Aðstaða fyrir metanafgreiðslu
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 5. nóvember 2013 þar sem sótt er um leyfi til að koma fyrir metanafgreiðslu sem samanstendur af tveimur 24 feta gámafletum klæddum með dúk á grind með metanhylkjum og gám sem inniheldur metanpressu innan steyptra veggja á þrjá vegu en metandælan verður austasta dælan undir skyggni við eldsneytisafgreiðslustöð á lóð nr. 49 við Álfheima. Erindi var grenndarkynnt frá 13. nóvember til og með 11. desember 2013. Engar athugasemdir bárust.
Meðfylgjandi er brunahönnunarskýrsla frá Eflu dags. október 2013. Stærðir stækkun: mhl. 03, A og C rými, 90 ferm., 234 rúmm. Gjald kr. 9.000. Einnig er lögð umsögn skipulagsfulltrúa dags. 7. nóvember 2013.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
29.13 Furugrund, (fsp) - Smáhýsi
Á fundi skipulagsfulltrúa 6. desember 2013 var lagt fram erindi frá afgreiðslufundi byggingarfulltrúa frá 3. desember 2013 þar sem spurt er hvort byggja megi 50-60 ferm. smáhús til viðbótar 125 ferm. einbýlishúsi og 80 ferm. bílskúr á 3.137 ferm. lóð með landnúmeri 175989 við Furugrund á Kjalarnesi. Erindinu var vísað til umsagnar verkefnisstjóra.
Vísað til umhverfis-og skipulagsráðs.
30.13 Ingólfsgarður, Brokey, bréf hafnarstjóra
Á fundi skipulagsfulltrúa 15. nóvember 2013 var lagt fram bréf hafnarstjóra dags. 8. nóvember 2013 varðandi bókun stjórnar Faxaflóahafna sf. s.d. vegna tillögu VA arkitekta, ódags. að deiliskipulagi á Ingólfsgarði vegna félagsaðstöðu Brokeyjar o.fl. Einnig lagt fram minnisblað hafnarstjóra dags. 4. nóvember 2013. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. nóvember 2013.

Umsögn skipulagsfulltrúa dags. 20. nóvember 2013 samþykkt.
31.13 Útilistaverk, listaverkagjöf CCP
Lögð fram fyrirspurn CCP hf. dags. 6. desember 2013 varðandi staðsetningu á listarverkagjöf CCP hf. til Reykjavíkurborgar. Einnig er lagður fram tölvupóstur Ívars Kristjánssonar f.h. CCP hf. dags. 5. desember 2013
Vísað til umhverfis-og skipulagsráðs
32.13 Ægisíða, (fsp) - Færanlegt kaffihús
Á fundi skipulagsfulltrúa 6. desember 2013 var lagt fram erindi frá afgreiðslufundi byggingarfulltrúa frá 3. desember 2013 þar sem spurt er hvort staðsetja mætti færanlega kennslustofu nálægt Grímsstaðavör við Ægisíðu og nýta húsnæðið sem kaffihús. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 12. desember 2013..

Neikvætt, með vísan til umsagnar skipulagsfulltrúa dags.12. desember 2013.