Bæjarflöt 9-11, Síðumúli 30, Sóleyjargata 29, Lambhagavegur 23, Sturlugata 5, Norræna Húsið, Laugavegur 12B, Tjarnargata 35, Hólavallagata 3, Hverfisgata 103, Kjalarnes, Grundarhverfi - Vallargrund, Laugavegur 28, Háskóli Íslands, lóðamál, Eddufell 8, Laugavegur 64, Reitur 1.171.3, Laugavegs- og Skólavörðustígsreitur, Háteigsvegur 25, Elliðabraut 12, Vesturgata 3, Betri Reykjavík, Betri Reykjavík, Ármúli 1,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

466. fundur 2013

Ár 2013, föstudaginn 1. nóvember kl. 09:30 var haldinn 466. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:


1.13 Bæjarflöt 9-11, (fsp) lóð
Lögð fram fyrirspurn Gagnaöryggis ehf. dags. 18. september 2013 um breytingu á deiliskipulagi fyrir lóðina nr. 9-11 við Bæjarflöt. Einnig lögð fram umsögn skipulagsfulltrúa dags. 31. október 2013.

Neikvætt, með vísan til umsagnar skipulagsfulltrúa dags. 31. október 2013.

2.13 Síðumúli 30, lóðarstækkun
Lögð fram umsókn Lýsingar hf. dags. 17. október 2013 um stækkun lóðarinnar nr. 30 við Síðumúla til austurs, samkvæmt uppdr. Alark arkitekta ehf. dags. 16. október 2013. Erindið var lagt fram á fundi skipulagsfulltrúa 18. október en var ranglega skráð að umrædd stækkun væri til austurs en um er að ræða stækkun til vesturs og leiðréttist það hér með.

Vísað til umhverfis- og skipulagsráðs.

3.13 1">Sóleyjargata 29, (fsp) - Br.fjórbýli - bílageymsla
Lagt fram erindi frá afgreiðslufundi byggingarfulltrúa frá 29. okt. 2013 þar sem sótt er um leyfi til þess að skipta einbýlishúsi í fjórar íbúðir, byggja bílgeymslu og stigahús að austurhlið, bæta við svölum á fyrstu og annarri hæð og byggja viðbyggingu á þakhæð hússins nr. 29 við Sóleyjargötu.

Vísað til umsagnar verkefnisstjóra.

4.13 Lambhagavegur 23, (fsp) stækkun lóðar o.fl.
Lögð fram fyrirspurn Helga Hafliðasonar dags. 31. október 2013 varðandi stækkun lóðarinnar nr. 23 við Lambhagaveg til austurs ásamt breytingu á byggingarreit, samkvæmt tillögu dags. 30. október 2013.

Vísað til meðferðar hjá verkefnisstjóra.

5.13 Sturlugata 5, Norræna Húsið, útilistaverk
Lagt fram bréf Katrínar Ragnars, dags. 25. október 2013 varðandi leyfi fyrir vatnslistaverki/innsetningu vestan megin við Norræna húsið að Sturlugötu 5. Umsögn skipulagsfulltrúa dags. 1. nóvember 2013 lögð fram.

Jákvætt með vísan til umsagnar skipulagsfulltrúa dags. 1. nóvember 2013.

6.13 Laugavegur 12B, (fsp) breyting á deiliskipulagi
Lögð fram fyrirspurn Batterísins arkitekta ehf. dags. 1. nóvember 2013 varðandi breytingu á umfangi, útlínum og hæðarfjölda hússins á lóðinni nr. 12B við Laugaveg ásamt lækkun á nýtingarhlutfalli, samkvæmt tillögu Batterísins arkitektar ehf. dags. 31. október 2013.

Vísað til umsagnar verkefnisstjóra.

7.13 Tjarnargata 35, lagt fram bréf
Lagt fram erindi frá afgreiðslufundi byggingarfulltrúa 15. október 2013 þar sem sem lagt var fram bréf Valtýs Sigurðssonar hrl. dags. 9. október 2013 varðandi leiðbeiningar um bílastæði á lóðinni nr. 35 við Tjarnargötu. Einnig lagt fram bréf skrifstofu sviðsstjóra dags. 23. október 2013.

Bréf skrifstofu sviðsstjóra dags. 23. október 2013 samþykkt.

8.13 Hólavallagata 3, (fsp) hækkun á þaki o.fl.
Lögð fram fyrirspurn Dap ehf dags. 31. október 2013 varðandi hækkun á þaki hússins á lóðinni nr. 3 við Hólavallagötu, byggja viðbyggingu með svölum og fjölga íbúðum, samkvæmt uppdr. Dap arkitekta dags. 28. október 2013.

Vísað til umsagnar verkefnisstjóra.

9.13 Hverfisgata 103, breyting á deiliskipulagi
Að lokinni auglýsingu er lögð fram að nýju umsókn Plúsarkitekta dags. 12. júlí 2013 varðandi breytingu á deiliskipulagi reits 1.154.4 vegna lóðarinnar nr. 103 við Hverfisgötu. Breytingin felur í sér byggingu hótels, samkvæmt uppdr. Plúsarkitekta ehf. dags. 17. júlí 2013. Tillagan var auglýst frá 13. september til og með 25. október 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.

10.13 Kjalarnes, Grundarhverfi - Vallargrund, breyting á deiliskipulagi
Á fundi skipulagsfulltrúa 25. október 2013 var lögð fram umsókn Orkuveitur Reykjavíkur dags. 22. október 2013 varðandi breytingu á deiliskipulagi Grundarhverfis á Kjalarnesi, Í breytingunni felst að afmarka lóð fyrir spennustöð, samkvæmt uppdr. Orkuveitu Reykjavíkur dags. 17. október 2013. Umsókninni var frestað og er nú lögð fram að nýju.

Frestað.

11.13 Laugavegur 28, (fsp) veitingaleyfi í flokki III
Á fundi skipulagsfulltrúa 18. október 2013 var lögð fram fyrirspurn Söru Axelsdóttur dags. 17. október 2013 varðandi veitingaleyfi í flokki III í húsinu á lóð nr. 28 við Laugaveg. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 30. október 2013.

Ekki gerðar skipulagslegar athugasemdir við erindið með vísan til umsagnar skipulagsfulltrúa með þeim skilyrðum sem framkoma í umsögn skipulagsfulltrúa dags. 30. október 2013.

12.13 Háskóli Íslands, lóðamál, samkomulag Reykjavíkurborgar og Háskóla Íslands
Lagt fram bréf skrifstofu eigna og atvinnuþróunar dags. 30. október 2013 ásamt drögum að samkomulagi Reykjavíkurborgar og Háskóla Íslands dags. 30. október 2013 um afmörkun landspilda/byggingarreita, lóðarmörk og nýtingu lóða sem Háskóli Íslands hefur til umráða úr borgarlandi Reykjavíkur á háskólasvæði austan og vestan Suðurgötu, í Vatnsmýri og við Skildinganeshóla. Samningsdrögin eru send embættinu til umsagnar.

Vísað til meðferðar hjá verkefnisstjóra.

13.13 Eddufell 8, (fsp) stækkun húss
Lögð fram fyrirspurn Guðna Pálssonar dags. 30. október 2013 um stækkun hússins nr. 8 við Eddufell, skv. skissu.

Vísað til umsagnar verkefnisstjóra.

14.13 Laugavegur 64, (fsp) - Matsölustaður
Lagt fram erindi frá afgreiðslufundi byggingarfulltrúa frá 29. okt. 2013 þar sem spurt er hvort leyft yrði að innrétta matsölustað með vínveitingaleyfi í verslunarhúsnæði á fyrstu hæð hússins nr. 64 við Laugaveg.

Vísað til umsagnar verkefnisstjóra.

15.13 Reitur 1.171.3, Laugavegs- og Skólavörðustígsreitur, Breyting á skilmálum deiliskipulags
Að lokinni auglýsingu er lögð fram að nýju tillaga umhverfis- og skipulagssviðs varðandi breytingu á skilmálum deiliskipulags reits 1.171.3, Laugavegs - og Skólavörðustígsreits. Í breytingunni felst að gera megi minniháttar breytingar á húsum samkvæmt tillögu umhverfis- og skipulagssviðs dags. 23. ágúst 2013. Tillagan var auglýst frá 13. september til og með 25. október 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar

16.13 Háteigsvegur 25, (fsp) - Lyfta þaki - Svalir
Lagt fram erindi frá afgreiðslufundi byggingarfulltrúa frá 29. okt. 2013 þar sem spurt er hvort leyfi fengist til að lyfta þakinu og setja svalir suðurhlið 2 hæðar í fjölbýlishúsinu á lóð nr. 25 við Háteigsveg.

Vísað til umsagnar verkefnisstjóra.

17.13 ">Elliðabraut 12, (fsp) breyting á notkun
Á fundi skipulagsfulltrúa 18. október 2013 var lögð fram fyrirspurn Ásgeirs Arnar Hlöðverssonar dags. 15. október 2013 varðandi breytingu á notkun hússins á lóðinni nr. 12 við Elliðabraut.
Kynna formanni umhverfis- og skipulagsráðs.

18.13 Vesturgata 3, bréf vegna afgreiðslu máls BN046636
Lagt fram bréf Guðna Pálssonar ark. dags. 29. október 2013 varðandi leyfi til að breyta verslunarhúsnæði í veitingastað í flokki II á lóðinni nr. 3 við Vesturgötu. einnig er lögð fram umsögn skipulagsfulltrúa dags. 1. nóvember 2013.

Jákvætt með vísan til umsagnar skipulagsfulltrúa dags. 1. nóvember 2013,

19.13 Betri Reykjavík, setja upp falleg vatnslistaverk á torg og í garða
Lagt fram bréf menningar- og ferðamálasviðs dags. 16. október 2013 vegna svohljóðandi afgreiðslu menningar- og ferðamálaráðs frá 14. október 2013 á erindi af samráðsvefnum Betri Reykjavík dags. 30. september 2013 í flokknum Menning og listir - setja upp falleg vatnslistaverk á torg og í garða: "Þessi ábending verður send til umhverfis- og skipulagssviðs til að hafa í huga við framtíðarhönnun torga og garða. Benda má á þær áherslur í menningarstefnu Reykjavíkurborgar að listamenn hafi aðkomu að mótun mannvirkja á vegum borgarinnar og að stuðlað sé með ýmsum hætti að listsköpun í opinberu rými."


20.13 Betri Reykjavík, gosbrunna/vatnslistaverk á hringtorg
Lagt fram bréf menningar- og ferðamálasviðs dags. 16. október 2013 vegna svohljóðandi afgreiðslu menningar- og ferðamálaráðs frá 14. október 2013 á erindi af samráðsvefnum Betri Reykjavík dags. 31. maí 2013 í flokknum Menning og listir - gosbrunna/vatnslistaverk á hringtorg: "Þessi ábending verður send til umhverfis- og skipulagssviðs til að hafa í huga við framtíðarhönnun torga og garða. Benda má á þær áherslur í menningarstefnu Reykjavíkurborgar að listamenn hafi aðkomu að mótun mannvirkja á vegum borgarinnar og að stuðlað sé með ýmsum hætti að listsköpun í opinberu rými.
Þrjú listaverk er að finna á hringtorgum í Reykjavík, Foldagná eftir Örn Þorsteinsson sem staðsett er á hringtorgi fyrir utan Foldaskóla í Grafarvogi, verk Rafael Barrios við Borgartún og verkið Fyrir stafni sem er á hringtorgi fyrir framan vöruhótel og skrifstofur Eimskips í Sundahöfn."


21.13 Ármúli 1, Breyting á lóð
Á fundi skipulagsfulltrúa 11. október 2013 var lagt fram erindi frá afgreiðslufundi byggingarfulltrúa frá 8. október 2013 þar sem sótt er um leyfi til að byggja nýja spennistöð í norðvesturhorni lóðar í stað annarrar í kjallara hússins, til að fella niður nýsamþykktan stoðvegg að Háaleitisbraut og breyta fyrirkomulagi lóðar, en við það fækkar bílastæðum um þrjú, sjá erindi BN045986 og BN046276, verslunar- og skrifstofuhúss á lóð nr. 1 við Ármúla. Erindinu var vísað til umsagnar verkefnastjóra og er nú lagt fram að nýju ásamt umsögn skipulagsfulltrúa dags. 16. október 2013. Einnig er lögð fram yfirlýsing Orkuveitu Reykjavíkur dags. 25. október 2013.
Bílastæði á lóð eftir breytingu samtals 89. Spennistöð: 20,9 ferm., 72,1 rúmm. Gjald kr. 9.000

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.