Álfheimar 49, OLÍS, Eirhöfði 8 - Breiðhöfði 15, Faxaskjól 12, Hverfisgata 59, 61 og Frakkastígur 6B, Pósthússtræti 13, Skólavörðustígur 6, Skólavörðustígur 40, Tindar 3, Einholt-Þverholt, Frakkastígsreitur 1.172.1, Grensásvegur 62, Háagerði 59, Laugavegur 66-68, Sölvhólsgata 11, Vesturás 31-39, Vesturbrún 22, Blönduhlíð 9, Hólmsheiði, Hesthúsabyggð - Almannadalur, Jónsgeisli 37, Þingvað 19, Ægisíða 52, Krosshamrar 5, Laugavegur 34A og 36, Húsahverfi svæði C,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

454. fundur 2013
Ár 2013, fimmtudaginn 1. ágúst kl. 09:10, hélt skipulagsfulltrúi Reykjavíkur 454. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Björn Axelsson og Marta Grettisdóttir . Eftirtaldir embættismenn kynntu mál á fundinum: Valný Aðalsteinsdóttir, Helga Lund, Hildur Gunnlaugsdóttir, Guðlaug Erna Jónsdóttir og Gunnar Sigurðsson. Ritari var Harri Ormarsson.
Þetta gerðist:

1.13 Álfheimar 49, OLÍS, breyting á deiliskipulagi
Að lokinni auglýsingu er lögð fram að nýju umsókn Olíuverzlunar Íslands hf. dags. 17. maí 2013 varðandi breytingu á deiliskipulagi lóðarinnar nr. 49 við Álfheima. Í breytingunni felst að koma fyrir aðstöðu fyrir metanafgreiðslu á lóðinni, samkvæmt uppdr. Ask. Arkitekta ehf. dags. 16. maí 2013. Auglýsing stóð yfir frá 12. júní til 24. júlí 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
2.13 Eirhöfði 8 - Breiðhöfði 15, (fsp) hlið
Lögð fram fyrirspurn Norðurfara, dags. 22. júlí 2013, varðandi m.a. hlið að lóðunum Eirhöfði 8 - Breiðhöfði 15 og Eirhöfði 2-4. Erindinu var vísað til meðferðar verkefnisstjóra 26. júlí 2013 og er nú lagt fram að nýju. Einnig lögð fram umsögn skipulagsfulltrúa dags. 31. júlí 2013.


Umsögn skipulagsfulltrúa dags. 31. júlí 2013 samþykkt.
3.13 Faxaskjól 12, Viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 4. júní 21013 þar sem sótt er um leyfi til að byggja viðbyggingu úr timbri við norðurhlið, geymsluskúra í norðvesturhorni lóðar, breyta innra skipulagi og breyta í einbýlishús tvíbýlishúsi á lóð nr. 12 við Faxaskjól. Erindi var grenndarkynnt frá 14. júní til og með 12. júlí 2013. Eftirtaldir aðilar sendu inn athugasemdir: Jón Ólafur Ísberg dags. 25. júní 2013, Oddný Yngvadóttir dags. 2. júlí 2013 og Inga Rós Ingólfsdóttir og Hörður Áskelsson dags. 10. júlí 2013.
Stækkun húss: 32 ferm., xx rúmm. Geymsluskúrar: 6,7 ferm., xx rúmm. Gjald kr. 9.000

Vísað til umsagnar verkefnisstjóra.
4.13 Hverfisgata 59, 61 og Frakkastígur 6B, breyting á deiliskipulagi
Lögð fram að nýju umsókn Hverfils ehf. dags. 10. maí 2013 varðandi breytingu á deiliskipulagi reits 1.152.5 vegna lóðanna nr. 59 og 61 við Hverfisgötu og 6b við Frakkastíg. Í breytingunni felst sameining lóða, bygging bílkjallara og loka undirgöngum samkvæmt uppdr. Plúsarkitekta ehf. dags. 2. maí 2013. Erindi var í auglýsingu frá 14. júní til 25. júlí 2013. Eftirtaldir aðilar sendu athugasemdir: Helgi S. Gunnarsson og Ragnheiður Lárusdóttir dags. 19. júlí 2013, Landslagnir ehf., dags. 23. júlí 2013, Þóra Andrésdóttir , dags. 25. júlí 2013. Helgi S. Gunnarsson og Ragnheiður Lárusdóttir afturkalla sína athugasemd með bréfi, dags. 29. júlí 2013. Einnig lagt fram bréf hverfisráðs miðborgar, dags. 23. júlí 2013.

Vísað til umsagnar verkefnisstjóra.
5.13 Pósthússtræti 13, (fsp) Kaffihús
Lagt fram erindi frá afgreiðslufundi byggingarfulltrúa frá 30. júlí 2013.Spurt er hvort leyft yrði að starfrækja gallerí og kaffihús í flokki II á jarðhæð hússins á lóðinni nr. 13-15 við Pósthússtræti.

Vísað til umsagnar verkefnisstjóra.
6.13 Skólavörðustígur 6, (fsp) breytt notkun
Lögð fram fyrirspurn Brekkugerði 19 ehf., dags. 29. júlí 2013, um hvort leyft verði að hafa veitingastað að Skólavörðustíg 6. Einnig lögð fram greinargerð Þorleifs Eggertssonar ark., dags. 29. júlí 2013.

Vísað til umsagnar verkefnisstjóra.
7.13 Skólavörðustígur 40, (fsp) veitingarekstur
Lögð fram fyrirspurn Andra Björns Björnssonar, dags. 31. júlí 2013, um hvort leyft sé að vera með veitingahús á Skólavörðustíg 40.
Vísað til umsagnar verkefnisstjóra.
8.13 Tindar 3, (fsp) Breytt notkun
Lagt fram erindi frá afgreiðslufundi byggingarfulltrúa frá 30. júlí 2013. Spurt er hvort leyft yrði að breyta alifuglahúsi í íbúðarhús á lóðinni Tindar 3 á Kjalarnesi.

Vísað til umsagnar verkefnisstjóra.
9.13 Einholt-Þverholt, deiliskipulag
Að lokinni hagsmunaaðilakynningu er lögð fram að nýju tillaga að deiliskipulagi samkvæmt uppdrætti og greinargerð Ask arkitekta dags. 26. júní 2013. Einnig lagður fram skýringaruppdráttur dags. 26. júní 2013. Svæðið afmarkast af Einholti, Háteigsvegi, Þverholti og Stórholti. Tillagan var hagsmunaaðilakynnt frá 5. til 18. júlí 2013. Athugasemdir og ábendingar sendu: Sigurður A. Sigurðsson og Árný L. Sigurðardóttir, dags. 8. júlí 2013, Þórarinn Hauksson dags. 9., 10. og 12. júlí 2013, Eygló Guðjónsdóttir og Magnús Steinarsson dags. 18. júlí 2013.

Vísað til umhverfis-og skipulagsráðs
10.13 Frakkastígsreitur 1.172.1, breyting á deiliskipulagi
Lögð fram umsókn dags. 10. maí 2013 varðandi breytingu á deiliskipulagi Frakkastígsreits, reitur 1.172.1. Í breytingunni felst tilfærsla á byggingarlínum, hækkun húsa og göngukvöð felld niður, samkvæmt uppdr. Teiknistofunnar Traðar dags. 23. maí 2013. Einnig er lögð fram greinargerð ódags. og umsagnir Minjastofnunar Íslands dags. 8. maí 2013.
Tillagan var auglýst frá 12. júní til og með 24. júlí 2013. Eftirtaldir aðilar sendu inn athugasemdir: Leigumáli ehf., dags. 23. júlí 2013, Anna Þórisdóttir, dags. 24. júlí 2013.
Lagður fram tölvupóstur Hverfisráðs Miðborgar dags. 23. júlí 2013 varðandi framlengingu á athugasemdafresti.
Vísað til umsagnar verkefnisstjóra.
11.13 Grensásvegur 62, lóðarafmörkun
Lagt fram bréf borgarstjóra f.h. borgarráðs, dags. 24. júlí 2013 ásamt erindi framkvæmdastjóra rekstrarsviðs Landspítala, dags. 8. júlí 2013 varðandi lóðarafmörkun Grensásdeildar Landspítala.
Vísað til meðferðar hjá verkefnisstjóra.
12.13 Háagerði 59, (fsp) færsla bílskúrs
Lögð fram fyrirspurn Valtýs Trausta Harðarsonar, dags. 26. júlí 2013, varðandi færslu bílskúrs á lóð nr. 59 við Háagerði skv. skissu.

Vísað til umsagnar verkefnisstjóra.
13.13 Laugavegur 66-68, breyting á deiliskipulagi
Lögð fram umsókn L66-68 fasteignafélags, dags. 30. júlí 2013 varðandi breytingu á deiliskipulagi reits 1.174.2 vegna lóðar nr. 66-68 við Laugaveg skv. uppdrætti Adamsson ehf., dags. 26. júlí 2013. Breytingin tekur til texta um notkun og starfsemi í skilmálum.
Vísað til umhverfis-og skipulagsráðs
14.13 Sölvhólsgata 11, breyting á deiliskipulagi
Lögð fram umsókn Listaháskóla Íslands, dags. 25. júlí 2013, varðandi breytingu á deiliskipulagi Stjórnarráðsreits vegna lóðar nr. 11 við Sölvhólsgötu skv. uppdráttum xx, dags. Breytingin gengur út á staðsetningu bráðabirgðahúsa til kennslu.

Samþykkt að grenndarkynna framlagða tillögu fyrir hagsmunaaðilum að Skuggasundi 3, Sölvhólsgötu 7-9 og 13, Skúlagötu 4 og Lindargötu 7, þegar uppdrættir hafa verið lagfærðir.
15.13 Vesturás 31-39, (fsp) Nr. 31, steypa kjallara
Lagt fram erindi frá afgreiðslufundi byggingarfulltrúa frá 30. júlí 2013. Spurt er hvort leyft yrði að byggja við kjallara til suðurs, innrétta þar í herbergi og bað og gera verönd á þaki viðbyggingar við raðhús nr. 31 á lóðinni nr. 31-39 við Vesturás.

Vísað til umsagnar verkefnisstjóra.
16.13 Vesturbrún 22, Sólskáli
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 18. júní 2013 þar sem sótt er um leyfi til að byggja úr timbri og gleri með koparklæddu timburþaki óeinangraðan og óupphitaðan blómaskála á þaki bílskúrs við einbýlishús á lóð nr. 22 við Vesturbrún. Grenndarkynning stóð yfir frá 27. júní til 25. júlí 2013. Engar athugasemdir bárust.
Stærðir stækkun: 14,4 ferm., 37,3 rúmm. Gjald kr. 9.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

17.13 Blönduhlíð 9, Lagnakjallari
Lagt fram erindi frá afgreiðslufundi byggingarfulltrúa frá 30. júlí 2013. Sótt er um leyfi til að byggja lagnakjallara undir bílgeymslu, sbr. erindi BN044180, ásamt tröppum með austurhlið við fjölbýlishúsið á lóð nr. 9 við Blönduhlíð.
Stærðir stækkun: 35,8 ferm. og 84,8 rúmm. brúttó.
Gjald kr. 9.000

Vísað til umsagnar verkefnisstjóra.
18.13 Hólmsheiði, Hesthúsabyggð - Almannadalur, breyting á deiliskipulagi
Að lokinni auglýsingu er lögð fram að nýju tillaga umhverfis- og skipulagssviðs varðandi breytingu á skilmálum deiliskipulags Hólmsheiði, hesthúsabyggðar í Almannadal. Í breytingunni felst að heimilt verði að byggja litlar svalir á húsgöflum á öllum gerðum húsa við Almannadal, samkvæmt tillögu umhverfis- og skipulagssviðs dags. 17. apríl 2013. Tillagan var auglýst frá 11. júní til og með 26. júlí 2013.. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
19.13 Jónsgeisli 37, (fsp) - Svalir - útiskýli - pallur
Lagt fram erindi frá afgreiðslufundi byggingarfulltrúa frá 30. júlí 2013. Spurt er hvort leyft yrði að byggja svalir, útiskýli og steyptan pall við einbýlishús á lóð nr. 37 við Jónsgeisla.


Vísað til umsagnar verkefnisstjóra.
20.13 Þingvað 19, Einbýlishús
Lagt fram erindi frá afgreiðslufundi byggingarfulltrúa frá 30. júlí 2013. Sótt er um leyfi til að byggja einbýlishús með innbyggðri bílgeymslu, neðri hæð er byggð úr forsteyptum einingum og efri hæð úr timbri á lóð nr. 19 við Þingvað.
Jafnframt er óskað eftir að áður samþykkt erindi BN040298 verði fellt úr gildi. Einnig lögð fram umsögn skipulagsfulltrúa dags. 31. júlí 2013.
Stærð: 1. hæð bílgeymsla 36,5 ferm., íbúð 180,3 ferm., skyggni, 30,4 ferm(B-rými), 2. hæð íbúð 54,2 ferm.
Samtals: 271 ferm., 936,2 rúmm.
B-rými 30,4 ferm, xx rúmm.
Gjald kr. 9.000

Neikvætt, með vísan til umsagnar skipulagsfulltrúa dags. 31. júlí 2013.
21.13 Ægisíða 52, (fsp) Stækka svalir
Lagt fram erindi frá afgreiðslufundi byggingarfulltrúa frá 30. júlí 2013. Spurt er hvort leyft yrði að breyta og stækka svalir á 2. og 3. hæð fjölbýlishúss á lóð nr. 52 við Ægisíðu. Einnig lögð fram umsögn skipulagsfulltrúa dags. 31. júlí 2013.

Jákvætt með vísan til umsagnar skipulagsfulltrúa dags. 31. júlí 2013.
22.13 Krosshamrar 5, breyting á deiliskipulagi
Að lokinni grenndarkynningu er lögð fram að nýju umsókn Atla M. Agnarssonar dags. 29. maí 2013 varðandi breytingu á deiliskipulagi Hamrahverfis vegna lóðarinnar nr. 5 við Krosshamra. Í breytingunni felst stækkun hússins, samkvæmt uppdr. Teiknistofunnar Rúm dags. 28 maí 2013. Tillagan var grenndarkynnt frá 10. júní til og með 10. júlí 2013. Eftirtaldir aðilar sendu athugasemdir: Jón Kristjánsson dags. 27. júní 2013.
Vísað til umhverfis-og skipulagsráðs
23.13 Laugavegur 34A og 36, (fsp) breyting á deiliskipulagi
Á fundi skipulagsfulltrúa 12. júlí 2013 var lögð fram fyrirspurn Kolefna ehf. dags. 11. júlí 2013 varðandi byggingu á baklóðum húsanna á lóðunum nr. 34A og 36 við Laugaveg, samkvæmt tillögu Arkþings ehf. ódags.
Kynna formanni umhverfis- og skipulagsráðs.
24.13 Húsahverfi svæði C, breyting á skilmálum vegna húsagerðar E8 og E9
Lögð fram að nýju tillaga umhverfis- og skipulagssviðs dags. 12. desember 2012 br. 23.maí 2013 að breytingu á skilmálum deiliskipulags "Húsahverfi Grafarvogur III svæði C" ,vegna húsagerðarinnar E8, E9 og útbyggingum. Breytingin felst í því að heimilt hámarks byggingarmagn er hækkað og heimildum til útbyggingar breytt. Tillagan var kynnt íbúum og öðrum hagsmunaaðilum á fundi 21. maí 2013.
Erindi var auglýst frá 12. júní til 24. júlí 2013. Eftirtaldir aðilar sendu athugasemdir: Lex lögmannsstofa f.h. eigenda að Suðurhúsum 2, dags. 18. júlí 2013.

Vísað til umsagnar verkefnisstjóra.