Arnarholt, Esjuhlíðar, Höfðatorg, Kárastígur 1/Káratorg, Kjalarnes, Norðurkot, Kjalarnes, Norðurkot, Vatnsveituv. Fákur, Ölfus/Grafningur, Seltjarnarnes, Ármúli 1, Depluhólar 8, Framnesvegur 44, Hólmsland, Nesvegur 44, Kirkjuteigur 9, Skólavörðustígur 5, Aðalstræti 6, Jafnasel 1-3, Laugavegur 66-68, Laugavegur 77, Tryggvagata 16, Bólstaðarhlíð 47, Háteigsskóli, Mávahlíð 2, Sólheimar 20, Sporhamrar 3, Suðurlandsbraut 2, Sölvhólsgata 11, Bæjarflöt 1-3, Hagamelur 67, Lautarvegur 10-12, Suðurlandsbraut 68-70, Bankastræti 12, Grjótháls 7-11, Súðarvogur 36, Þverholt 20, Jórufell 2-12,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

450. fundur 2013
Ár 2013, föstudaginn 5. júlí kl. 09:20, hélt skipulagsfulltrúi Reykjavíkur 450. embættisafgreiðslufund sinn til afgreiðslu mála án staðfestingar umhverfis- skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Björgvin Hrafn Sigurðsson. Eftirtaldir embættismenn kynntu mál á fundinum: Björn Ingi Edvardsson, Gunnar Sigurðsson, Margrét Þormar, Lilja Grétarsdóttir og Helga Lund. Ritari var Marta Grettisdóttir.
Þetta gerðist:

1.13 Arnarholt, Fjölga íbúðum í mhl 04
Lagt fram erindi frá afgreiðslufundi byggingarfulltrúa frá 2. júlí 2013 þar sem sótt er um leyfi til að fjölga íbúðum úr fjórum og fjórtán einstaklingsherbergjum í ellefu íbúðir í fyrrverandi starfsmannahúsi, matshluta 04, einnig er sótt um leyfi til að byggja sorpskýli og barnavagna- og reiðhjólageymslur á lóð í Arnarholti á Kjalarnesi.
Meðfylgjandi er bréf aðalhönnuðar dags. 24.6. 2013. Gjald kr. 9.000

Vísað til umsagnar verkefnisstjóra.
2.13 Esjuhlíðar, farþegaferja í Esju
Lagt fram bréf borgarstjóra f.h. borgarráðs vegna afgreiðslu borgarráðs 27. júní 2013 á erindi verkfræðistofu Jóhanns Indriðasonar dags. 24. júní 2013 þar sem óskað er eftir þremur tilteknum lóðum undir mannvirki í hlíðum Esju vegna fyrirhugaðrar farþegaferju. Borgarráð vísaði erindinu til umsagnar hjá umhverfis- og skipulagssviði, skrifstofu eigna- og atvinnuþróunar og menningar- og ferðamálasviði. Einnig lagt fram bréf verkfræðistofu Jóhanns Indriðasonar ehf. dags. 19. júní 2013.

Vísað til umsagnar verkefnisstjóra.
3.13 Höfðatorg, Listaverk
Lagt fram erindi frá afgreiðslufundi byggingarfulltrúa frá 2. júlí 2013 þar sem sótt er leyfi til að steypa undirstöður undir listaverk á hringtorginu Höfðatorgi við Borgartún, Katrínartún.

Ekki eru gerðar skipulagslegar athugasemdir við erindið samanber samþykkt umhverfis- og skipulagsráðs frá .16. janúar 2013.
4.13 Kárastígur 1/Káratorg, útiveitingar
Lögð fram umsókn Þuríðar Sverrisdóttur dags. 2. júlí 2013 um tímabundið leyfi fyrir útiveitingar á Káratorgi. Einnig lögð fram umsögn skipulagsfulltrúa dags. 5. júlí 2013.

Umsögn skipulagsfulltrúa dags. 5. júlí 2013 samþykkt.
5.13 Kjalarnes, Norðurkot, afmörkun spildu
Lögð fram umsókn Sigurbjörns Hjaltasonar dags. 10. júní 2013 um að afmarka spildu innan jarðarinnar Norðurkot á Kjalarnesi.

Vísað til meðferðar verkefnisstjóra.
6.13 Kjalarnes, Norðurkot, (fsp) einbýlishús
Lögð fram fyrirspurn Karenar Rei Pease dags. 22. mars 2013 varðandi byggingu einbýlishúss í landi Norðurkots á Kjalarnesi. Einnig er lögð fram greinargerð um stefnu aðalskipulags Reykjavíkur um landbúnaðarsvæði, þróun byggðar í dreifbýli. Einnig er lögð fram umsögn skipulagsfulltrúa dags. 5. júlí 2013.

Neikvætt, með vísan til umsagnar skipulagsfulltrúa dags. 5. júlí 2013.
7.13 Vatnsveituv. Fákur, (fsp) - Stækka hesthús
Á fundi skipulagsfulltrúa 28. júní 2013 var lagt fram erindi frá afgreiðslufundi byggingarfulltrúa frá 25. júní 2013 þar sem spurt er hvort leyfi fengist til að stækka hesthús til vesturs þannig að komið verður fyrir taðþró á fyrstu hæð og setustofu og kaffi/eldhúsaðstöðu á annarri hæð hesthússins Faxaból 9 hús 2 á lóðinni Vatnsveituvegur, Fákur. Erindinu var vísað til meðferðar hjá verkefnisstjóra og er nú lagt fram að nýju.

Vísað til umsagnar stjórnar hestamannafélagsins Fáks. Óskað er eftir að umsögn liggi fyrir 26. júlí nk.
8.13 Ölfus/Grafningur, deiliskipulag
Lagður fram tölvupóstur skipulags- og byggingarfulltrúa sveitarfélagsins Ölfusar dags. 28. júní 2013 þar sem kynnt er tillaga að deiliskipulagi fyrir aksturskennslusvæði og vélhjólaakstursbrautir við Bolaöldur á Ölfusi. Einnig er lögð fram greinargerð dags. 3. júní 2013 og uppdr. Landmótunar dags. 3. júní 2013.

Vísað til umsagnar heilbrigðiseftirlits Reykjavíkur. Óskað er eftir að umsögn liggi fyrir 19. júlí nk.
9.13 Seltjarnarnes, deiliskipulag Lambastaðahverfis
Á fundi skipulagsfulltrúa 1. mars 2013 var lagt fram tölvubréf skipulags- og byggingafulltrúa Seltjarnarness dags. 26. febrúar 2013 þar sem óskað er eftir umsögn skipulagsfulltrúa á tillögu að deiliskipulagi Lambastaðahverfis á Seltjarnarnesi dags. 14. september 2009 síðast breytt 5. nóvember 2012. Einnig er lögð fram greinargerð og skilmálar dags. 14. september 2009 síðast breytt 5. nóvember 2012. Einnig er lögð fram umsögn skipulagsfulltrúa dags. 18. apríl 2013 og umsögn og svör Skipulags- og mannvirkjanefndar Seltjarnarness dags. 12. júní 2013.

Vísað til umhverfis-og skipulagsráðs.
10.13 Ármúli 1, breyting á deiliskipulagi
Á fundi skipulagsfulltrúa 28. júní 2013 var lögð fram umsókn Á1 ehf. dags. 28. júní 2013 varðandi breytingu á deiliskipulagi lóðarinnar nr. 1 við Ármúla. Í breytingunni felst aukning á byggingarmagni o.fl., samkvæmt uppdr. Bj. Snæ arkitektar dags. 18. júní 2013.
Samþykkt að grenndarkynna framlagða tillögu fyrir hagsmunaaðilum að Ármúla 1a, 2 og 4.
11.13 Depluhólar 8, Reyndarteikning
Lagt fram erindi frá afgreiðslufundi byggingarfulltrúa frá 2. júlí 2013 þar sem sótt er um samþykki á reyndarteikningu og nýrri skráningartöflu fyrir íbúðarhús á lóð nr. 8 við Depluhóla.
Meðfylgjandi er bréf hönnuðar dags. 23.4. 2013 og óundirrituð yfirlýsing vegna kaupa á húseigninni dags. 30.12. 2012. Gjald kr. 9.000

Vísað til umsagnar verkefnisstjóra.
12.13 Framnesvegur 44, Endurnýjun - BN038787
Á fundi skipulagsfulltrúa 7. júní 2013 var lagt fram erindi frá afgreiðslufundi byggingarfulltrúa frá 4. júní 21013 þar sem sótt er um leyfi til að endurnýja erindið BN038787 samþykkt 25. nóv. 2008, þar sem sótt var um að breyta verslun og vörugeymslum á 1. hæð og í kjallara í íbúð sbr. fyrirspurn BN033690 dags. 4.4.2006 í húsi á lóð nr. 44 við Framnesveg. Einnig lögð fram umsögn skipulagsfulltrúa dags. 28. júní 2013.
Samþykki meðeigenda ódags. fylgir. Gjald kr. 9.000

Neikvætt með vísan til umsagnar skipulagsfulltrúa dags. 28. júní 2013.
13.13 Hólmsland, (fsp) niðurrif, nýbygging
Lögð fram fyrirspurn Rafnkels Sigurðssonar dags. 4. júlí 2013 um hvort byggja megi nýtt hús í stað eldra á lóðinni Hólmsland.

Vísað til umsagnar verkefnisstjóra.
14.13 Nesvegur 44, Svalir og áðurgerðar breytingar
Á fundi skipulagsfulltrúa 28. júní 2013 var lagt fram erindi frá afgreiðslufundi byggingarfulltrúa frá 18. júní 2013 þar sem sótt er um samþykki fyrir áður gerðum breytingum á innra fyrirkomulagi og leyfi til þess að síkka glugga og byggja svalir á austurhlið hússins á lóðinni nr. 44 við Nesveg. Erindinu var frestað og er nú lagt fram að nýju.
Gjald kr. 9.000

Samþykkt að grenndarkynna framlagða tillögu fyrir hagsmunaaðilum að Nesvegi 46 og 50 og Kaplaskjólsvegi 62 og 64.
15.13 Kirkjuteigur 9, (fsp) - Bæna- og samkomustaður
Á fundi skipulagsfulltrúa 21. júní 2013 var lagt fram erindi frá afgreiðslufundi byggingarfulltrúa frá 18. júní 2013 þar sem spurt er hvort leyft yrði að nýta sem bæna- og samkomustað kjallaraíbúð hússins nr. 9 við Kirkjuteig. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 27. júní 2013.
Húsið er allt í eigu sama aðila.

Umsögn skipulagsfulltrúa dags. 27. júní 2013 samþykkt.
16.13 Skólavörðustígur 5, Stækka svalir
Á fundi skipulagsfulltrúa 28. júní 2013 var lagt fram erindi frá afgreiðslufundi byggingarfulltrúa frá 25. júní 2013 þar sem sótt er um leyfi til stækkunar svala á suð-vesturhlið hússins á lóðinni nr. 5 við Skólavörðustíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 5. júlí 2013.
Meðfylgjandi er bréf arkitekts dags. 9.6. 2013, umsögn Minjastofnunar Íslands dags. 13.6. 2013 og umsögn Minjasafns Reykjavíkur dags. 20. júní 2013. Gjald kr. 9.000

Neikvætt, með vísan til umsagnar skipulagsfulltrúa dags. 5. júlí 2013.
17.13 Aðalstræti 6, (fsp) breyting á þakhæð
Lögð fram fyrirspurn Reita 1 ehf. dags. 2. júlí 2013 varðandi breytingu á þakhæð hússins á lóðinni nr. 6 við Aðalstræti. Einnig lögð fram umsögn Minjastofnunar Íslands dags. 15. mars 2013 og umsögn Minjasafns Reykjavíkur dags. 3. apríl 2013.

Kynna formanni umhverfis- og skipulagsráðs.
18.13 Jafnasel 1-3, breyting á deiliskipulagi
Lögð fram tillaga umhverfis- og skipulagssviðs dags. 3. júlí 2013 varðandi breytingu á deiliskipulagi Jafnasels vegna lóðarinnar nr. 1-3 við Jafnasel. Í breytingunni felst að stækka lóðina, samkvæmt uppdr. umhverfis- og skipulagssviðs dags. 3. júlí 2013.
Vísað til umhverfis-og skipulagsráðs.
19.13 Laugavegur 66-68, (fsp) breyting á notkun og innra skipulagi
Lögð fram fyrirspurn R 101 ehf. dags. 28. júní 2013 varðandi breytingu á notkun og innra skipulagi hússins á lóðinni nr. 66-68 við Laugaveg, samkvæmt uppdr. Adamssonar ehf.-arkitektastofu.

Vísað til umsagnar verkefnisstjóra.
20.13 Laugavegur 77, (fsp) stækkun
Lögð fram fyrirspurn Guðmundar O. Víðissonar dags. 4. júlí 2013 um að stækka jarðhæð hússins nr. 77 við Laugaveg.

Vísað til umsagnar verkefnisstjóra.
21.13 Tryggvagata 16, Biðskýli
Lagt fram erindi frá afgreiðslufundi byggingarfulltrúa frá 2. júlí 2013 þar sem sótt er um tímabundið leyfi fyrir fjögur biðskýli við Sæbraut/Kalkofnsveg.
Gjald kr. 9.000

Vísað til umhverfis-og skipulagsráðs.
22.13 Bólstaðarhlíð 47, Háteigsskóli, breyting á deiliskipulagi
Lögð fram tillaga umhverfis- og skipulagssviðs að breytingu á deiliskipulagi lóðarinnar nr. 47 við Bólstaðarhlíð, Háteigsskóli. Í breytingunni felst að koma fyrir byggingarreit fyrir tvær færanlegar kennslustofur ásamt tengigangi, samkvæmt uppdr. umhverfis- og skipulagssviðs dags. 5. júlí 2013.

Vísað til umhverfis-og skipulagsráðs.
23.13 Mávahlíð 2, (fsp) - Bilskúr
Lagt fram erindi frá afgreiðslufundi byggingarfulltrúa frá 2. júlí 2013 þar sem spurt er hvort leyft yrði að byggja bílskúr á lóðinni nr. 2 við Mávahlíð. Jafnframt er spurt um stærð og staðsetningu bílskúrsins. Einnig lögð fram umsögn skipulagsfulltrúa dags. 4. júlí 2013.

Jákvætt, með vísan til umsagnar skipulagsfulltrúa dags. 4. júlí 2013.
24.13 Sólheimar 20, (fsp) - Ofanábygging
Lagt fram erindi frá afgreiðslufundi byggingarfulltrúa frá 2. júlí 2013 þar sem spurt er hvort leyft yrði að hækka um eina hæð þríbýlishús á lóð nr. 20 við Sólheima. Einnig er lögð fram umsögn skipulagsfulltrúa dags. 4. júlí 2013.
Erindi fylgir jákvæð umsögn frá skipulagsfulltrúa dags. 17. september 2002.

Neikvætt með vísan til umsagnar skipulagsfulltrúa dags. 4. júlí 2013.
25.13 Sporhamrar 3, (fsp) breyting á notkun
Á fundi skipulagsfulltrúa 28. júní 2013 var lögð fram fyrirspurn Þingvangs ehf. dags. 10. júní 2013 varðandi breytingu á deiliskipulagi þar sem spurt er hvort fjarlægja megi verslunar og þjónustuhúsið og byggja íbúðir með verslun og þjónustu á lóðinni nr. 3 við Sporhamra. Fyrirspurninni var frestað og er nú lögð fram að nýju. Einnig lögð fram umsögn skipulagsfulltrúa dags. 26. júní 2013.

Umsögn skipulagsfulltrúa dags. 26. júní 2013 samþykkt.
26.13 Suðurlandsbraut 2, Breyting úti - grasmanir
Á fundi skipulagsfulltrúa 21. júní 2013 var lagt fram erindi frá afgreiðslufundi byggingarfulltrúa frá 18. júní 2013 þar sem sótt er um leyfi til að gera grasmanir, færa skilti, setja upp vegvísa og breyta bílastæðum á lóð nr. 2 við Suðurlandsbraut. Erindinu var vísað til umsagnar verkefnisstjóra.
Bréf frá hönnuði dags. 11. júní 2013 fylgir. Gjald kr. 9.000

Kynna formanni umhverfis- og skipulagsráðs.
27.13 Sölvhólsgata 11, (fsp) bráðabirgðakennslustofur
Lögð fram fyrirspurn Listaháskóla Íslands dags. 1. júlí 2013 um að staðsetja bráðabirgðakennslustofur á lóðinni nr. 11 við Sölvhólsgötu, samkvæmt uppdr. S.G. hús hf. dags. 30. júní 2013. Einnig er lagt fram bréf Fjármála- og efnahagsráðuneytisins dags. 26. júní 2013.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við fyrirspurnina, á eigin kostnað. Tillagan verður grenndarkynnt þegar hún berst.
28.13 Bæjarflöt 1-3, (fsp) bílastæði
Lögð fram fyrirspurn sölufélags garðyrkjumanna dags. 27. júní 2013 um bílastæði á borgarlandi aftan við lóðina nr. 1-3 við Bæjarflöt skv. uppdrætti Gingi dags. feb. 2013.

Vísað til umsagnar verkefnisstjóra.
29.13 Hagamelur 67, (fsp) vínveitingaleyfi
Lögð fram fyrirspurn Björn B. Þorlákssonar dags. 28. júní 2013 varðandi vínveitingaleyfi í húsinu á lóðinni nr. 67 við Hagamel.

Vísað til umsagnar verkefnisstjóra.
30.13 Lautarvegur 10-12, (fsp) fjölgun íbúða
Lögð fram fyrirspurn Hannesar Jónssonar dags. 4. júlí 2013 um að fjölga íbúðum hússins á lóðunum nr. 10-12 við Lautarveg.

Vísað til umsagnar verkefnisstjóra.
31.13 Suðurlandsbraut 68-70, bréf
Lögð fram fyrirspurn Grundar - Markar ehf. dags. 6. júní 2013 varðandi sameiningu lóðannar nr. 68 og 70 við Suðurlandsbraut ásamt stækkun lóða og aukningu á byggingarmagni.

Vísað til umsagnar verkefnisstjóra.
32.13 Bankastræti 12, (fsp) - Framlengja þak - eldhús, bað
Lagt fram erindi frá afgreiðslufundi byggingarfulltrúa frá 2. júlí 2013 þar sem spurt er hvort leyft yrði að lyfta þaki yfir suðausturhluta hússins á lóðinni nr. 12 við Bankastræti.

Vísað til umsagnar verkefnisstjóra.
33.13 Grjótháls 7-11, breyting á deiliskipulagi vegna lóðarinnar nr. 9
Að lokinni grenndarkynningu er lagt fram að nýju erindi Kolefna ehf. dags. 2. maí 2013 varðandi breytingu á deiliskipulagi Hálsahverfis vegna lóðarinnar nr. 7-11 við Grjótháls. Í breytingunni felst stækkun á byggingarreit lóðarinnar nr. 9 við Grjótháls, samkvæmt uppdr. Arkþings ehf. dags. 22. apríl 2013. Tillagan var grenndarkynnt frá 23. maí til og með 21. júní 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
34.13 Súðarvogur 36, (fsp) - Hækka þak - svalir
Lagt fram erindi frá afgreiðslufundi byggingarfulltrúa frá 2. júlí 2013 þar sem spurt er hvort leyft yrði að hækka þak að hluta og stækka þar með vinnustofu á 3. hæð í húsi á lóð nr. 36 við Súðarvog.

Neikvætt með vísan til eldir umsagnar skipulagsstjóra dags. 12. janúar 2006.
Bent skal á að vinna við gerð hverfisskipulags borgarhlutans er hafin þar sem meðal annars verða skoðaðir möguleikar á byggingarheimildum fyrir einstök svæði.
35.13 Þverholt 20, (fsp) hækkun húss
Lögð fram fyrirspurn Ydda arkitekta ehf. dags. 27. júní 2013 varðandi hækkun hússins á lóðinni nr. 20 við Þverholt, samkvæmt uppdr. Ydda arkitekta ehf. dags. 27. júní 2013. Einnig er lögð fram umsögn skipulagsfulltrúa dags. 4. júlí 2013.

Umsögn skipulagfulltrúa dags. 4. júlí 2013 samþykkt.
36.13 Jórufell 2-12, veggmynd á hús nr. 2-12
Lögð fram tillaga Theresu Himmer dags. í júlí 2013 að veggmynd á hús nr. 2-12 við Jórufell.

Vísað til umhverfis-og skipulagsráðs.