Austurhöfn, Búðavað 1-3, Seltjarnarnes, Skipholt 15, Fannafold 63, Haukdælabraut 98, Flókagata 1, Freyjugata 1, Laugavegur 77, Lindargata 28-32, Njálsgötureitur 3, Holtavegur 11, Kjalarnes, Norðurgrund 1, 3, 5 og 7, Klapparstígur 26, Snorrabraut 58, Sogamýri, Sogamýri, Suðurlandsbraut 2, Sörlaskjól 56, Vesturbrún 22, Asparfell 2-12, Hamarsgerði 8, Kirkjuteigur 9, Laufásvegur 10, Nesvegur 44, Samtún 38, Grandavegur 47, Guðrúnargata 8, Hafnarstræti 20/Læk5, Víðimelur 62, Laugardalur, Hamravík 10, Landspítali Háskólasjúkrahús Hringbraut,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

448. fundur 2013
Ár 2013, föstudaginn 21. júní kl. 09:15, hélt skipulagsfulltrúi Reykjavíkur 448. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Hildur Gunnlaugsdóttir, Margrét Þormar, Lilja Grétarsdóttir, Guðlaug Erna Jónsdóttir, Gunnar Sigurðsson, Björn Ingi Edvardsson og Valný Aðalsteinsdóttir. Ritari var Harri Ormarsson.
Þetta gerðist:

1.13 Austurhöfn, (fsp) bílakjallari
Lögð fram fyrirspurn Pálmars Kristmundssonar arkitekts dags. 20. júní 2013 varðandi bílakjallara á Austurhöfn.
Verkefnastjóra falið að svara.
2.13 Búðavað 1-3, Viðbygging og fl.
Lagt fram erindi frá afgreiðslufundi byggingarfulltrúa frá 18. júní 2013 þar sem sótt er um leyfi til að byggja við báðar íbúðir mhl. 01 og 02 þannig að anddyrið stækkar, setja glugga á austurhlið og breyta innra fyrirkomulagi í mhl. 01 í parhúsinu á lóð nr. 1-3 við Búðavað. Einnig er lögð fram umsögn skipulagsfulltrúa dags. 21. júní 2013.
Stækkun: mhl. 01 stækkar um 9,8 ferm., XXXrúmm.
mhl. 02 stækkar um 9,8 ferm., XXX rúmm.
Gjald kr. 9.000
Neikvætt, með vísan til umsagnar skipulagsfulltrúa dags. 21. júní 2013.
3.13 Seltjarnarnes, Kolbeinsstaðamýri, lýsing
Skipulags- og byggingarfulltrúi Seltjarnarness óskar eftir umsögn umhverfis- og skipulagssviðs á lýsingu Ask Arkitekta ehf. dags. maí 2013 vegna deiliskipulags Kolbeinsstaðamýrar á Seltjarnarnesi.
Vísað til umhverfis-og skipulagsráðs.
4.13 Skipholt 15, (fsp) breyting á notkun
Lögð fram fyrirspurn 105 fasteigna ehf. dags. 18. júní 2013 um að breyta atvinnuhúsnæði í gistiheimili. Einnig er lögð fram umsögn skipulagsfulltrúa dags. 21. júní 2013.
Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags. 21. júní 2013.
5.13 Fannafold 63, bréf
Lagt fram bréf Landslaga dags. 4. júní 2013 varðandi breytingu á deiliskipulagi Foldahverfis, 3. áfanga, vegna lóðarinnar nr. 63 við Fannafold.
Vísað til meðferðar hjá verkefnisstjóra og skrifsstofu sviðstjóra.
6.13 Haukdælabraut 98, (fsp) - Breyta þaki
Lagt fram erindi frá afgreiðslufundi byggingarfulltrúa frá 18. júní 2013 þar sem spurt er hvort leyft yrði að byggja hús með valmaþaki á lóðinni nr. 98 við Haukdælabraut.
Bréf hönnuðar dags. í júní 2013 ásamt fylgir erindinu ásamt uppdráttum af fyrirhuguðu húsi.
Vísað til umsagnar verkefnisstjóra.
7.13 Flókagata 1, (fsp) - Reisa tjaldskýli
Lagt fram erindi frá afgreiðslufundi byggingarfulltrúa frá 18. júní 2013 þar sem spurt er hvort leyft yrði að reisa sóltjald á lóð og koma fyrir nýrri aðkomu að lóðinni nr. 1 við Flókagötu. Einnig lögð fram umsögn skipulagsfulltrúa dags. 21. júní 2013.
Neikvætt, samræmist ekki rammaskilmálum fyrir Norðurmýri sbr. umsögn skipulagsfulltrúa dags. 21. júní 2013.
8.13 Freyjugata 1, (fsp) - Gera íbúðir á 3. hæð
Á fundi skipulagsfulltrúa 14. júní 2013 var lagt fram erindi frá afgreiðslufundi byggingarfulltrúa frá 11. júní 2013 þar sem spurt er hvort leyft yrði að breyta þakformi og útbúa íbúð eða íbúðir á þakhæð (4.hæð) hússins nr. 1 við Freyjugötu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. júní 2013.
Neikvætt, með vísan til umsagnar skipulagsfulltrúa dags. 19. júní 2013.
9.13 Laugavegur 77, (fsp) breyting á deiliskipulagi
Lögð fram fyrirspurn Guðmundar Oddar Víðissonar dags. 6. júní 2013 varðandi skiptingu lóðarinnar nr. 77 við Laugaveg, breytingu á nýtingarhlutfalli, bílastæðamál o.fl. Einnig lögð fram greinargerð Dap arkitekta ódags. og skissur dags. 30. maí 2013.
Kynna formanni umhverfis- og skipulagsráðs.
10.13 Lindargata 28-32, breyting á deiliskipulagi
Lögð fram umsókn L28 ehf. dags. 21. júní 2013 varðandi breytingu á deiliskipulagi Skúlagötusvæðis vegna lóðanna nr. 28, 30 og 32 við Lindargötu. Í breytingunni felst sameining lóða, dýpkun á byggingarreit o.fl., samkvæmt uppdr. Vinnustofunnar Þverá ehf. dags. 20. júní 2013.
Kynna formanni umhverfis- og skipulagsráðs.
11.13 Njálsgötureitur 3, deiliskipulag
Að lokinni forkynningu er lögð fram tillaga að nýju umhverfis- og skipulagssviðs dags. 17. maí 2013 að deiliskipulagi reits 1.190.3, Njálsgötureits. Skipulagssvæðið afmarkast af Njálsgötu, Barónsstíg, Bergþórugötu og Vitastíg. Tillagan var kynnt frá 5. júní til og með 19. júní 2013. Eftirtaldir aðilar sendu inn ábendingar og athugasemdir: Sigurður Kristinsson dags. 4. júní 2013 og Gunnar Sigurðsson dags. 18. júní 2013. Einnig er lagður fram tölvupóstur Svanhildar Thors dags. 18. júní 2013 þar sem óskað er eftir framlengingu á fresti til að senda ábendingar og athugasemdir til 25. júní 2013.
Samþykkt að framlengja athugasemdafrest til 25. júní 2013.
12.13 Holtavegur 11, breyting á deiliskipulagi
Að lokinni auglýsingu er lagt fram erindi umhverfis- og skipulagssviðs, frumathugana mannvirkja deildar að breytingu á deiliskipulagi Þróttarsvæðis vegna lóðarinnar Holtavegur 11. Í breytingunni felst að koma fyrir færanlegri kennslustofu skv. uppdr. dags. 19. mars 2013. Tillagan var auglýst frá 26. apríl til og með 12. júní 2013. Eftirtaldir aðilar sendu athugasemdir: Sólveig Lind Ásgeirsdóttir dags. 31. maí 2013 og Ragnheiður Ásta Þorvarðardóttir dags. 31. maí 2013.
Vísað til umsagnar verkefnisstjóra.
13.13 Kjalarnes, Norðurgrund 1, 3, 5 og 7, breyting á deiliskipulagi
Að lokinni auglýsingu er lögð fram tillaga umhverfis- og skipulagssviðs að breytingu á deiliskipulagi Grundarhverfis vegna lóðanna nr. 1, 3, 5 og 7 við Norðurgrund á Kjalarnesi. Í breytingunni felst afmörkun nýrra byggingarreita, breyting á húsgerð o.fl., samkvæmt uppdr. umhverfis- og skipulagssviðs dags. 27. mars 2013. Tillagan var auglýst frá 26. apríl til og með 12. júní 2013. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar.
14.13 Klapparstígur 26, útiveitingar
Lögð fram umsókn Centerhotel Plaza Klapparstíg 26 dags. 13. júní 2013 um leyfi til útiveitinga bak við hótelið á jaðri Hjartartorgs. Einnig lögð fram umsögn skipulagsfulltrúa dags. 21. júní 2013.
Samþykkt með vísan til umsagnar skipulagsfulltrúa dags. 21. júní 2013.
15.13 Snorrabraut 58, bréf
Lagt fram bréf Heilbrigðiseftirlits Reykjavíkur dags. 18. júní 2013 þar sem óskað er eftir umsögn skipulagsfulltrúa um umsókn um hænsnahald á lóð hjúkrunarheimilisins Droplaugarstaða, Snorrabraut 58. Einnig lögð fram umsögn skipulagsfulltrúa dags. 21. júní 2013.
Umsögn skipulagsfulltrúa dags. 21. júní 2013 samþykkt.
16.13 Sogamýri, breyting á aðalskipulagi
Að lokinni auglýsingu er lagt fram til endursamþykktar erindi umhverfis- og skipulagssviðs dags. 21. nóvember 2012 varðandi breytingu á aðalskipulagi Sogamýrar. Í breytingunni felst breytt landnotkun, samkvæmt uppdr. umhverfis- og skipulagssviðs dags. 14. september 2012. Tillagan var auglýst frá 26. apríl til og með 12. júní 2013. Engar athugasemdir bárust.

Vísað til umhverfis-og skipulagsráðs.
17.13 Sogamýri, breyting á deiliskipulagi
Að lokinni auglýsingu er lagt fram til endursamþykktar erindi umhverfis- og skipulagssviðs dags. 21. nóvember 2012 varðandi breytingu á deiliskipulagi Sogamýri. Breytingin felur í sér þrjár nýjar lóðir austan lóðanna við Suðurlandsbraut 68-70, ásamt hliðrun á göngustíg, samkvæmt uppdrætti umhverfis- og skipulagssviðs dags. 21. nóvember 2012. Tillagan var auglýst frá 26. apríl til og með 12. júní 2013. Engar athugasemdir bárust.

Vísað til umhverfis-og skipulagsráðs.
18.13 Suðurlandsbraut 2, Breyting úti - grasmanir
Lagt fram erindi frá afgreiðslufundi byggingarfulltrúa frá 18. júní 2013 þar sem sótt er um leyfi til að gera grasmanir, færa skilti, setja upp vegvísa og breyta bílastæðum á lóð nr. 2 við Suðurlandsbraut.
Bréf frá hönnuði dags. 11. júní 2013 fylgir. Gjald kr. 9.000

Vísað til umsagnar verkefnisstjóra.
19.13 Sörlaskjól 56, (fsp) bílskúr
Lögð fram fyrirspurn Aðalbjörns Þórólfssonar dags. 14. júní 2013 um að byggja tvöfaldan bílskúr á lóðinni nr. 56 við Sörlaskjól, skv. meðfylgjandi rissi.
Vísað til umsagnar verkefnisstjóra.
20.13 Vesturbrún 22, Sólskáli
Lagt fram erindi frá afgreiðslufundi byggingarfulltrúa frá 18. júní 2013 þar sem sótt er um leyfi til að byggja úr timbri og gleri með koparklæddu timburþaki óeinangraðan og óupphitaðan blómaskála á þaki bílskúrs við einbýlishús á lóð nr. 22 við Vesturbrún.
Stærðir stækkun: 14,4 ferm., 37,3 rúmm. Gjald kr. 9.000
Samþykkt að grenndarkynna framlagða tillögu fyrir hagsmunaaðilum að Vesturbrún 20, 24 og 39.
21.13 Asparfell 2-12, veggmynd á gafl nr. 12
Lagt fram bréf menningar- og ferðamálasviðs dags. 18. júní 2013 ásamt erindi safnstjóra Listasafns Reykjavíkur dags. 4. júní 2013 um tillögu að veggmynd fyrir gafl á húsi nr. 12 á lóðinni Asparfell 2-12 í samræmi við samþykkt borgarráðs frá 2. maí 2013 um fjölgun listaverka í opinberum rýmum í Breiðholti.
Vísað til umhverfis- og skipulagsráðs.
22.13 Hamarsgerði 8, (fsp) lóð fyrir bílskúr
Á fundi skipulagsfulltrúa 17. maí 2013 var lögð fram fyrirspurn Guðmundar R. Óskarssonar dags. 14. maí 2013 varðandi lóð fyrir bílskúr fyrir húsið að Hamarsgerði 8. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 21. júní 2013.
Neikvætt, með vísan til umsagnar skipulagsfulltrúa dags. 21. júní 2013.
23.13 Kirkjuteigur 9, (fsp) - Bæna- og samkomustaður
Lagt fram erindi frá afgreiðslufundi byggingarfulltrúa frá 18. júní 2013 þar sem spurt er hvort leyft yrði að nýta sem bæna- og samkomustað kjallaraíbúð hússins nr. 9 við Kirkjuteig.
Húsið er allt í eigu sama aðila.

Vísað til umsagnar verkefnisstjóra.
24.13 Laufásvegur 10, (fsp) - Kvistur og svalir
Lagt fram erindi frá afgreiðslufundi byggingarfulltrúa frá 18. júní 2013 þar sem spurt er hvort leyft yrði að byggja kvist og svalir á vesturhlið (bakhlið) hússins á lóðinni nr. 10 við Laufásveg.
Erindi svipaðs efnis var samþykkt 9. apríl 1987 en komst ekki í framkvæmd.
Vísað til umsagnar verkefnisstjóra.
25.13 Nesvegur 44, Svalir og áðurgerðar breytingar
Lagt fram erindi frá afgreiðslufundi byggingarfulltrúa frá 18. júní 2013 þar sem sótt er um samþykki fyrir áður gerðum breytingum á innra fyrirkomulagi og leyfi til þess að síkka glugga og byggja svalir á austurhlið hússins á lóðinni nr. 44 við Nesveg.
Gjald kr. 9.000
Vísað til umsagnar verkefnisstjóra.
26.13 Samtún 38, (fsp) - Bílskúr
Á fundi skipulagsfulltrúa 14. júní 2013 var lagt fram erindi frá afgreiðslufundi byggingarfulltrúa frá 11. júní 2013 þar sem spurt er hvort byggja megi bílskúr sbr. umsögn skipulagsfulltrúa dags. 27.mars 2007 við íbúðarhús á lóð nr. 38 við Samtún. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 18. júní 2013.
Neikvætt, með vísan til umsagnar skipulagsfulltrúa dags. 18. júní 2013.
27.13 Grandavegur 47, (fsp) fjölgun íbúða o.fl.
Á fundi skipulagsfulltrúa 14. júní 2013 var lögð fram fyrirspurn Ásmundar Jóhannssonar dags. 7. júní 2013 varðandi fjölgun íbúða í húsinu á lóðinni nr. 47 við Grandaveg og breytingu á notkun kjallara, samkvæmt uppdr. Arko sf. dags. í maí 2013. Fyrirspurninni var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. júní 2013.
Neikvætt, með vísan til umsagnar skipulagsfulltrúa dags. 20. júní 2013.
28.13 Guðrúnargata 8, (fsp) hækkun húss, bygging bílskúrs o.fl.
Á fundi skipulagsfulltrúa 7. júní 2013 var lögð fram fyrirspurn Eyglóar S. Stefánsdóttur dags. 6. júní 2013 varðandi hækkun hússins á lóðinni nr. 8 við Guðrúnargötu, byggingu bílskúra, stækkun svala o.fl. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 19. júní 2013..
Umsögn skipulagsfulltrúa dags. 19. júní 2013 samþykkt.
29.13 Hafnarstræti 20/Læk5, Spilasalur
Lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til þess að innrétta spilasal með 40 spilakössum á fyrstu hæð verslunar- og skrifstofuhússins Hafnarstræti 20 á lóðinni Hafnarstræti 20/Læk5.
Samþykki f.h. eiganda hússins (á teikningu) fylgir erindinu. Gjald kr. 9.000
Vísað til umhverfis-og skipulagsráðs.
30.13 Víðimelur 62, Hækkun á risi
Á fundi skipulagsfulltrúa 14. júní 2013 var lagt fram erindi frá afgreiðslufundi byggingarfulltrúa frá 11. júní 2013 þar sem sótt er um leyfi til að hækka ris, byggja tvo kvisti og svalir á fjölbýlishús á lóð nr. 62 við Víðimel. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 20. júní 2013..
Stækkun: xx ferm., xx rúmm. Gjald kr. 9.000
Umsögn skipulagsfulltrúa dags. 20. júní 2013 samþykkt.
31.13 Laugardalur, safnfrístund
Lögð fram drög að tillögu umhverfis- og skipulagssviðs dags. 20. júní 2013 að safnfrístund í Laugardal fyrir nemendur í Laugarnesskóla og Langholtsskóla.
Kynna formanni umhverfis- og skipulagsráðs.
32.13 Hamravík 10, breyting á deiliskipulagi
Lögð fram tillaga umhverfis- og skipulagssviðs varðandi breytingu á deiliskipulagi Víkurhverfis vegna lóðarinnar nr. 10 við Hamravík, Kelduskóli. Í breytingunni felst að sameina leikvallarlóð í norðri og skólalóð og setja þar upp boltagerði, samkvæmt uppdr. umhverfis- og skipulagssviðs dags. 14. júní 2013.
Vísað til umhverfis-og skipulagsráðs.
33.13 Landspítali Háskólasjúkrahús Hringbraut, breyting á deiliskipulagi
Lögð fram umsókn Landspítalans dags. 21. júní 2013 varðandi breytingu á deiliskipulagi eldri hluta Landspítalalóðarinnar við Hringbraut. Í breytingunni felst aukning á byggingarmagni fyrir bráðalyftu, samkvæmt uppdr. Kanon arkitekta ehf. dags. 21. júní 2013.
Vísað til umhverfis-og skipulagsráðs.