Kvosin, Landsímareitur, Kambavað 1-3, Klettagarðar 12, Álfheimar 49, OLÍS, Borgartún, Einholt-Þverholt, Rauðarárholt v/ Brautarholt 7, Baldursgata 30, Hólavallagata 3, Njálsgötureitur 3, Óðinsgata 9, Skerplugata 3, Spítalastígur 8, Eldshöfði 10, Kjalarnes, Mógilsá, Klettagarðar 13, Köllunarklettsvegur, Súðarvogur, Kjalarnes, Vallá, Austurbrún 6, Bárugata 4, Hverfisgata 103, Hamarsgerði 8, Laugavegur 96, Úlfarsbraut 6-8,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

443. fundur 2013
Ár 2013, föstudaginn 17. maí kl. 09:20, hélt skipulagsfulltrúi Reykjavíkur 443. embættisafgreiðslufund sinn til afgreiðslu mála án staðfestingar umhverfis- og skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Hildur Gunnlaugsdóttir, Margrét Þormar, Björn Ingi Edvardsson og Gunnar Sigurðsson. Ritari var Harri Ormarsson.
Þetta gerðist:

1.13 Kvosin, Landsímareitur, breyting á deiliskipulagi Kvosarinnar
Að lokinni auglýsingu er lögð fram að nýju tillaga Ask arkitekta að breytingu á deiliskipulagi Kvosin - Landsímareitur dags. 20. febrúar 2013. Í breytingunni felst breytt uppbygging á reitnum samkvæmt deiliskipulagsuppdráttum 1 og 2 og ásamt skýringaruppdrætti. Skipulagssvæðið afmarkast af Aðalstræti, Vallarstræti, Thorvaldsenstræti og Kirkjustræti. Tillagan var hagsmunaaðilakynnt til og með 6. mars 2013. Athugasemdir og ábendingar bárust. Tillagan var auglýst frá 10. apríl til og með 23. maí 2013. Eftirtaldir aðilar sendu athugasemdir: Bolli Héðinsson dags. 2. maí 2013, Helgi Þorláksson dags. 8. maí 2013, Áshildur Haraldsdóttir 14. maí 2013, Hermann 15. maí 2013, Þorfinnur Sigurgeirsson dags. 15. maí 2013, Baldvin Ottó Guðjónsson dags. 15. maí 2013, Laufey Herbertsdóttir dags. 16. maí 2013, Steingrímur Gunnarsson dags. 16.maí 2013, Ragnheiður Ólafsdóttir dags. 16. maí 2013, Egill Jóhannsson dags. 16. maí 2013, Helga Helgadóttir dags. 16. maí 2013, Aldís Yngvadóttir dags. 16. maí 2013, Sigrún Guðmundsdóttir dags. 16. maí 2013. Einnig er lagður fram Tölvupóstur Þóru Andrésdóttur dags. 11. maí 2013 og Björn B. Björnssonar f.h. Bin hópsins dags. 16. maí 2013 þar sem óskað er eftir framlengingu á athugasemdarfresti.

Samþykkt að framlengja athugasemdafrest til 30. maí 2013 með fyrirvara um samþykki umhverfis- og skipulagsráðs.
Vísað til umhverfis- og skipulagsráðs.
2.13 Kambavað 1-3, (fsp) stækkun á lóð
Lögð fram fyrirspurn Kristins Ragnarssonar dags. 7. maí 2013 varðandi stækkun lóðarinnar nr. 1-3 við Kambavað.
Erindinu er vísað til umsagnar Minjastofnunnar og borgarminjavarðar.
3.13 Klettagarðar 12, (fsp) stækkun húss
Lögð fram fyrirspurn Byr Fasteignasölu ehf. dags. 24. apríl 2013 varðandi stækkun hússins á lóðinni nr. 12 við Klettagarða. Einnig lögð fram umsögn skipulagsfulltrúa dags. 17. maí 2013.

Jákvætt með vísan til umsagnar skipulagsfulltrúa dags. 17. maí 2013.
4.13 Álfheimar 49, OLÍS, breyting á deiliskipulagi
Lögð fram umsókn Olíuverzlunar Íslands hf. dags. 17. maí 2013 varðandi breytingu á deiliskipulagi lóðarinnar nr. 49 við Álfheima. Í breytingunni felst að koma fyrir aðstöðu fyrir metanafgreiðslu á lóðinni, samkvæmt uppdr. Ask. Arkitekta ehf. dags. 16. maí 2013.

Vísað til umhverfis-og skipulagsráðs.
5.13 Borgartún, breytt götumynd og bílastæðamál
Lagt fram bréf Sigurjónssonar Pálssonar framkvæmdastjóra rekstrarsviðs og Gunnar Jóakimssonar forstöðumanns eignaumsýslu f.h. Arions banka hf. dags. 6. maí 2013 varðandi breytingar á götumynd og bílastæðamál við Borgartún.

Vísað til meðferðar samgöngudeildar.
6.13 Einholt-Þverholt, deiliskipulag
Lögð fram drög að lýsingu Ask arkitekta dags. í maí 2013 vegna deiliskipulags á reitnum Einholti-Þverholti. Í lýsingunni koma fram áherslur, upplýsingar um forsendur, fyrirliggjandi stefnu og fyrirhugað skipulagsferli. Svæðið afmarkast af Einholti, Háteigsvegi, Þverholti og Stórholti.

Vísað til umhverfis-og skipulagsráðs.
7.13 Rauðarárholt v/ Brautarholt 7, breyting á deiliskipulagi
Að lokinni auglýsingu er lögð fram breyting á deiliskipulagi Rauðarárholts v/ lóðarinnar nr. 7 við Brautarholt dags. 16. nóvember 2012. Í breytingunni felst að horfið er frá atvinnustarfsemi/ stofnun á lóðinni nr. 7 við Brautarholt, en þess í stað rísi á lóðinni byggingar sem hýsi litlar íbúðir / einingar fyrir stúdenta samkvæmt uppdrætti Arkþing dags. 16. nóvember 2012. Einnig er lagður fram skýringaruppdráttur dags. 16. nóvember 2012. Tillagan var hagsmunaaðilakynnt og stóð til 23. janúar 2013. Athugasemdir og ábendingar bárust. Tillagan var auglýst frá 27. mars til og með 13. maí 2013. Eftirtaldir aðilar sendu athugasemdir: Jón Ágúst Ragnarsson dags. 29. apríl 2013, Snorri Waage dags. 1. maí 0213, Símon S. Wiium dags. 8. maí 2013, Friðjón Bjarnason og Hrafnhildur Valdimarsdóttir dags. 9. maí 2013, Húsfélag Ásholti 2 - 42 dags. 9. maí 2013, Friðjón Bjarnason og Hrafnhildur Valdimarsdóttir dags. 9. maí 2013, Anna E. Ásgeirsdóttir dags. 10. maí 2013, Ingibjörg Pétursdóttir dags. 12. maí 2013, Húsfélagið Brautarholti 8 dags. 12. maí 2013, Iðnmennt, Heiðar Ingi Svansson dags. 12. maí 2013, Bjarni M. Jónsson og Þóra dags. 12. maí 2013, T.ark f.h. eigenda að Brautarholti 6, 3 hæð ásamt rekstraraðilum á sömu hæð dags. 13. maí 2013, íbúar að Ásholti 20 dags. 13. maí 2013, Hvíta húsið dags. 13. maí 2013, 44 íbúar og aðstandendur húsfélagsins Ásholti 2-42 mótt. 13. maí 2013, Ása S. Atladóttir dags. 14. maí 2013 og Finnbogi Sveinbjörnsson dags. 16. maí 2013.
Vísað til umsagnar verkefnisstjóra.
8.13 Baldursgata 30, (fsp) - Kvistur, þakgluggar
Á fundi skipulagsfulltrúa 26. apríl 2013 var lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að byggja kvist á vesturhlið, koma fyrir þakglugga á norðurhlið og breikka dyr út á svalir rishæðar fjölbýlishúss á lóð nr. 30 við Baldursgötu. Erindinu var frestað og er nú lagt fram að nýju ásamt umsögn skipulagsfulltrúa dags. 17. maí 2013.

Ekki gerð athugasemd við erindið, sbr. þó skilyrði og leiðbeiningar sem fram koma í umsögn skipulagsfulltrúa dags.17. maí 2013.
9.13 Hólavallagata 3, (fsp) - Gistiheimili/heimagisting
Á fundi skipulagsfulltrúa 10. maí 2013 var lagt fram erindi frá afgreiðslufundi byggingarfulltrúa frá 7. maí 2013 þar sem spurt er hvort leyft yrði að starfrækja gistiheimili eða heimagistingu í húsinu nr. 3 við Hólavallagötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 15. maí 2013.
Bréf hönnuðar dags. 26. apríl 2013 fylgir erindinu. Virðingargjörð dags. 1. maí 1942 fylgir erindinu.

Jákvætt með vísan til umsagnar skipulagsfulltrúa dags. 15. maí 2013. Sækja þarf um byggingarleyfi vegna reksturs gistiheimilis sem yrði grenndarkynnt.
10.13 Njálsgötureitur 3, deiliskipulag
Lögð fram tillaga umhverfis- og skipulagssviðs dags. 17. maí 2013 að deiliskipulagi reits 1.190.3, Njálsgötureits. Skipulagssvæðið afmarkast af Njálsgötu, Barónsstíg, Bergþórugötu og Vitastíg.


Vísað til umhverfis-og skipulagsráðs.
11.13 Óðinsgata 9, Fjölga íbúðum og breyta útliti
Lagt fram erindi frá afgreiðslufundi byggingarfulltrúa frá 14. maí 2013 þar sem sótt er um leyfi til þess að fjölga íbúðum úr tveimur í fjórar og breyta útliti götu- og bakhliðar fjölbýlishúss á lóð nr. 9 við Óðinsgötu.
Umsögn skipulagsfulltrúa dags. 20. mars 2013 fylgir erindinu.
Gjald kr. 9.000

Samþykkt að grenndarkynna framlagða tillögu fyrir hagsmunaaðilum að Freyjugötu 1, Óðinsgötu 7, 9b, 10 og 12, Þórsgötu 2 og Spítalastíg 2.
12.13 Skerplugata 3, (fsp) - Bilskúr
Lagt fram erindi frá afgreiðslufundi byggingarfulltrúa frá 14. maí 2013 þar sem spurt er hvort heimilt sé að byggja tvöfaldan bílskúr sem í brúttó ferm verður 56 ferm á stærð á lóð nr. 3 við Skerplugötu.

Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
13.13 Spítalastígur 8, (fsp) hækkun bakbyggingar
Lögð fram fyrirspurn Egg arkitekta ehf. dags. 16. maí 2013 varðandi hækkun bakbyggingar hússins á lóðinni nr. 8 við Spítalastíg.

Vísað til umsagnar hjá verkefnisstjóra.
14.13 Eldshöfði 10, (fsp) geymsluhúsnæði
Lögð fram fyrirspurn Eignarhaldsfélagsins Partur ehf. dags. 14. maí 2013 varðandi byggingu geymsluhúsæðis á lóðinni nr. 10 við Eldshöfða.

Frestað.
Vísað til meðferðar hjá verkefnisstjóra.
15.13 Kjalarnes, Mógilsá, (fsp) þjónustumiðstöð
Á fundi skipulagsfulltrúa frá 25. janúar 2013 var lögð fram fyrirspurn Pjeturs Árnasonar dags. 22. janúar 2012 um að byggja þjónustumiðstöð í landi Mógilsár á Kjalarnesi. Einnig lögð fram yfirlýsing dr. Aðalsteins Sigurgeirssonar forstöðumanns rannsóknarstöðvar skógræktar - Mógilsá ódags og bréf Fjármála- og efnahagsráðuneytisins dags. 7. mars 2013. Jafnframt lögð fram umsögn skipulagsfulltrúa dags. 17. maí 2013.

Umsögn skipulagsfulltrúa dags. 17. maí 2013 samþykkt.
16.13 Klettagarðar 13, breyting á deiliskipulagi
Að lokinni grenndarkynningu er lagt fram erindi N1 hf. dags. 2. apríl 2013 varðandi breytingu á deiliskipulagi Klettasvæðis vegna lóðarinnar nr. 13 við Klettagarða. Í breytingunni felst að gerð er ný innkeyrsla, samkvæmt uppdr. Úti og inn sf. dags. 12. mars 2013. Tillaga var grenndarkynnt frá 10. apríl til og með 8. maí 2013. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
17.13 Köllunarklettsvegur, uppbygging
Lagt fram bréf Hannesar Sigurðssonar sérfræðings Fullnustueigna/Hömlur ehf. dags. 20. mars 2013 varðandi samstarf um gerð nýs skipulags við Köllunarklettsveg.

Frestað.
Vísað til meðferðar hjá verkefnisstjóra.
18.13 Súðarvogur, mótun skipulags
Lagt fram bréf Hannesar Sigurðssonar sérfræðings Fullnustueigna/Hömlur ehf. dags. 18. mars 2013 varðandi samstarf um gerð nýs skipulags við Súðarvog.

Frestað.
Vísað til meðferðar hjá verkefnisstjóra.
19.13 Kjalarnes, Vallá, (fsp) hænsnahús
Lögð fram fyrirspurn Stjörnugrís hf. dags. 17. maí 2013 varðandi byggingu hænsnahúss í landi Vallá á Kjalarnesi.

Frestað.
Vísað til meðferðar hjá verkefnisstjóra.
20.13 Austurbrún 6, (fsp) breyting á deiliskipulagi
Lögð fram fyrirspurn Félagsbústaða hf., dags. 16. maí 2013, vegna nýbyggingar á lóð nr. 6 við Austurbrún skv. uppdr. Ask arkitekta, dags. 14. maí 2013. Hugmyndin er að koma fyrir á lóðinni sérbýli, 6 íbúðum auk stoðrýma sem þeim fylgja.

Frestað.
Vísað til meðferðar hjá verkefnisstjóra.
21.13 Bárugata 4, (fsp) - Atvinnustarfsemi
Á fundi skipulagsfulltrúa 3. maí 2013 var lagt fram erindi frá afgreiðslufundi byggingarfulltrúa frá 30. apríl 2013 þar sem spurt er hvor leyft yrði að skrá sem atvinnuhúsnæði tvær íbúðir á fyrstu og annarri hæð hússins nr. 4 við Bárugötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 14. maí 2013.
Ekki er gerð athugasemd við erindið með vísan til umsagnar skipulagsfulltrúa dags. 14. maí 2013 . Byggingarleyfisumsókn verður grenndarkynnt berist hún.
22.13 Hverfisgata 103, (fsp) - Hótel
Á fundi skipulagsfulltrúa 10. maí 2013 var lagt fram erindi frá afgreiðslufundi byggingarfulltrúa frá 7. maí 2013 þar sem spurt er hvort leyft yrði að byggja hótelbyggingu sem er tvöfaldur kjallari og fjórar hæðir með 100 herbergjum og aðstöðu fyrir 198 næturgesti á lóðinni nr. 103 við Hverfisgötu. Erindinu var vísað til umsagnar hjá verkefnisstjóra .
Stærð byggingarinnar er 1025 fermetrar fyrir utan kjallara.

Kynna formanni umhverfis- og skipulagsráðs.
23.13 Hamarsgerði 8, (fsp) lóð fyrir bílskúr
Lögð fram fyrirspurn Guðmundar R. Óskarssonar dags. 14. maí 2013 varðandi lóð fyrir bílskúr fyrir húsið að Hamarsgerði 8.

Vísað til umsagnar hjá verkefnisstjóra.
24.13 Laugavegur 96, (fsp) - Íbúð 2. hæð
Lagt fram erindi frá afgreiðslufundi byggingarfulltrúa frá 14.maí 2013 þar sem spurt er hvort breyta megi ónotuðu skrifstofurými á 2. hæð, 0201, í íbúð eins og gert var við rými 0301 í húsi á lóð nr. 96 við Laugaveg.

Ekki er gerð athugasemd við erindið.
25.13 Úlfarsbraut 6-8, (fsp) færsla á byggingarreit
Lögð fram fyrirspurn Elvars Hermannsonar dags, 16. maí 2013 varðandi færslu á byggingarreit lóðarinnar nr. 6-8 við Úlfarsbraut. Einnig lögð fram umsögn skipulagsfulltrúa dags. 17. maí 2013,

Neikvætt, með vísan til umsagnar skipulagsfulltrúa dags. 17. maí 2013.