Freyjugata 38, Grjótháls 7-11, Hólmgarður 34, Láland 18-24, Suðurhlíðar 9, Klettaskóli, Vesturhús 2, Ystibær 5, Fossvogurinn, Heiðmörk, Vatnsendakrikar, Hólmsheiði, fangelsislóð, Smábýli 5, Fluggarðar 23, Klettagarðar 12, Bárugata 23, Efstaleiti 5, Grundarstígur 10, Hafnarstræti 20/Læk5, Hringbraut 92, Laugavegur 22/Klapparstígur 33, Stekkjarbakki 2, Tryggvagata 13, Barmahlíð 43, Bárugata 4, Grensásvegur 22, Kambsvegur 22, Mávahlíð 42, Njarðargata 25, Bergstaðastræti 52, Reitur 1.13, Nýlendureitur, Þrastargata 7, Ægisíða 119, Álfsnes, Sorpa,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

441. fundur 2013
Ár 2013, föstudaginn 3. maí kl. 09:25, hélt skipulagsfulltrúi Reykjavíkur 441. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir, Marta Grettisdóttir. Eftirtaldir embættismenn kynntu mál á fundinum:, Hildur Gunnlaugsdóttir, Lilja Grétarsdóttir, Björn Ingi Edvardsson, Margrét Þormar, Valný Aðalsteinsdóttir og Haraldur Sigurðsson. Ritari var Harri Ormarsson
Þetta gerðist:

1.13 Freyjugata 38, (fsp) tvöfaldur bílskúr
Á fundi skipulagsfulltrúa 26. apríl 2013 var lögð fram fyrirspurn Kristínar Jóhannesdóttur dags. 19. apríl 2013 um að byggja tvöfaldan bílskúr á lóðinni nr. 38 við Freyjugötu. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 2. maí 2013.

Ekki er gerð athugasemd við erindið með fyrirvara um útfærslu á stærð og staðsetningu með vísan til umsagnar skipulagsfulltrúa dags. 2. maí 2013.. Byggingarleyfisumsókn verður grenndarkynnt berist hún.
2.13 Grjótháls 7-11, breyting á deiliskipulagi vegna lóðarinnar nr. 9
Lagt fram erindi Kolefna ehf. dags. 2. maí 2013 varðandi breytingu á deiliskipulagi Hálsahverfis vegna lóðarinnar nr. 7-11 við Grjótháls. Í breytingunni felst stækkun á byggingarreit lóðarinnar nr. 9 við Grjótháls, samkvæmt uppdr. Arkþings ehf. dags. 22. apríl 2013.

Frestað.
Umsækjandi hafi samband við embætti skipulagsfulltrúa.
3.13 Hólmgarður 34, breyting á deiliskipulagi
Að lokinni grenndarkynningu er lagt fram að nýju erindi Alark arkitekta ehf. dags. 12. febrúar 2013 varðandi breytingu á deiliskipulagi Bústaðahverfis vegna lóðarinnar nr. 34 við Hólmgarð. Í breytingunni felst að byggja ofan á húsið, skv. uppdrætti Alark arkitekta ehf. dags. 7. febrúar 2013. Tillagan var grenndarkynnt frá 25. febrúar til og með 25. mars. 2013. Eftirtaldir aðilar sendu inn athugasemdir: Ásta Guðjónsdóttir dags. 12. mars 2013 og Björg Jóhannesdóttir, Ómar Axelsson, Hrefna Markúsdóttir og Bára Sigurríksdóttir dags. 25. mars 2013. Einnig er lögð fram umsögn skipulagsfulltrúa dags. 30. apríl 2013.

Vísað til umhverfis-og skipulagsráðs
4.13 Láland 18-24, breyting á deiliskipulagi
Á fundi skipulagsfulltrúa 18. apríl 2013 var lagt fram erindi Stefaníu Sigfúsdóttur og Gísla Vals Guðjónssonar dags. 17. apríl 2013 varðandi breytingu á deiliskipulagi Fossvogshverfis, svæði 3, vegna lóðarinnar nr. 18-24 við Láland. Í breytingunni felst stækkun á byggingarreit, samkvæmt uppdr. VA arkitekta ehf. dags. 17. apríl 2013.
Samþykkt að grenndarkynna framlagða tillögu fyrir hagsmunaaðilum að Lálandi 14. 16. 18, 20 og 24, þegar uppdrættir hafa verið lagfærðir.
5.13 Suðurhlíðar 9, Klettaskóli, breyting á deiliskipulagi
Að lokinni auglýsingu er lögð fram tillaga umhverfis- og skipulagssviðs dags. í október 2012 varðandi breytingu á deiliskipulagi Suðurhlíða vegna lóðarinnar nr. 9 við Suðurhlíð (Klettaskóla). Í breytingunni felst uppbygging á lóðinni m.a. breyting á byggingarreit, aukning á byggingarmagni og því að gert er ráð fyrir boltagerði á lóðinni samkvæmt uppdrætti OG arkitekta dags. 22. október 2012. Tillagan var auglýst frá 12. nóvember til og með 24. desember 2012. Eftirtaldir aðilar sendu athugasemdir: Skarphéðinn Óskarsson og Valgerður Björnsdóttir dags. 14. desember, Elín G. Helgadóttir dags. 15. desember, Hafdís E. Ingvarsdóttir dags. 19. desember 2012 Björk Georgsdóttir dags. 19. desember 2012, Georg Georgsson og Bylgja Óskarsdóttir dags. 19. desember 2012, Jón Pétur Jónsson dags. 20. desember 2012, Tryggvi Pétursson og Þóra Margrét Pálsdóttir dags. 21. desember 2012. Einnig er lagt fram tölvubréf íbúasamtaka 3. hverfis, Hlíða, Holta og Norðurmýrar dags. 21 desember 2012 þar sem óskað er eftir framlengingu á athugasemdafresti. Á fundi skipulagsfulltrúa þann 21. desember 2012 var athugasemdarfrestur framlengdur til 15. janúar 2013. Að lokinni framlengingu sendu eftirtaldir aðilar athugasemdir: Hulda Anna Arnljótsdóttir og Ágúst Hjörtur Ingþórsson dags. 21. desember 2012, Björn Valdimarsson f.h. Næði ehf. dags. 23. desember 2012 og Guðmundur Viggósson, Líney Þórðardóttir og Margrét Guðmundsdóttir dags. 24. desember 2012. Á fundi skipulagsstjóra 21. desember var samþykkt að framlengja frest til að skila inn athugasemdum til 15. janúar 2013. Eftirtaldir aðilar sendu inn athugasemdir: Skarphéðinn Óskarsson og Valgerður Björnsdóttir dags. 3. janúar 2013, Ágúst Ingþórsson f.h. íbúa við Suðurhlíð ásamt greinargerði dags. 15. janúar 2013, Sigurbjörg A. Símonardóttir f.h. íbúa að Beykihlíð 8 dags. 15. janúar 2013, Birgir Viðar Halldórsson dags. 12. og 13. febrúar 2013. Einnig er lagt fram tölvubréf Sigurbjargar A. Símonardóttur dags. 26. febrúar 2013 þar sem óskað er eftir að athugasemdafrestur verði framlengdur. Frestur framlengdur til og með 19. mars 2013. Eftirtaldir aðilar sendu athugasemdir: Þóra M. Pálsdóttir og Tryggvi Pétursson dags. 5. mars 2013, íbúar að Beykihlíð 4 dags. 5. mars 2013 ásamt afriti af yfirlýsingu íbúa við Suðurhlíð og Birgir Viðar Halldórsson dags. 6. mars 2013.

Kynna formanni umhverfis- og skipulagsráðs.
7.13 Vesturhús 2, Geymsla - áður gert
Lagt fram erindi frá afgreiðslufundi byggingarfulltrúa frá 30. apríl 2013 þar sem sótt er um áður gerða stækkun undir bílageymslu mhl. 02 þar sem það rými verður notað sem geymsla á lóð nr. 2 við Vesturhús.
Stækkun bílageymslu: 50,4 ferm., 245,1 rúmm.
Gjald kr. 9.000

Vísað til umsagnar hjá verkefnisstjóra.
8.13 Ystibær 5, (fsp) stækka kjallara
Lögð fram fyrirspurn Guðfinnu E. Thordarson dags. 24. apríl 2013 varðandi stækkun kjallara hússins á lóðinni nr. 5 við Ystabæ, samkvæmt uppdr. Arkhússins ehf. dags. 3. apríl 2013. Einnig lögð fram umsögn skipulagsfulltrúa dags. 3. maí 2013,

Neikvætt, með vísan til umsagnar skipulagsfulltrúa dags.3, maí 2013.
9.13 Fossvogurinn, útivistarsvæði fyrir sjósundiðkendur og siglingarklúbba
Lagt fram erindi Sjósunds og sjóbaðsfélags Reykjavíkur dags. 26. apríl 2013 varðandi útivistarsvæði fyrir sjósundiðkendur og siglingarklúbba með hraðatakmörkum í fossvoginum á hafsvæði milli Reykjavíkur og Kópavogs.

Vísað til meðferðar hjá verkefnisstjóra.
10.13 Heiðmörk, Vatnsendakrikar, framkvæmdaleyfi
Á fundi skipulagsfulltrúa 26. apríl 2013 var lagt fram að erindi Orkuveitu Reykjavíkur dags. 4. apríl 2013 um framkvæmdaleyfi vegna safnæða og rafstrengja frá Kaldavatnsborholu VK2 Vatnsendakrika í Heiðmörk ásamt umsögn heilbrigðiseftirlits Reykjavíkur dags. 18. apríl 2013. Erindinu var vísað til meðferðar hjá verkefnisstjóra og er nú lagt fram að nýju.

Vísað til umhverfis-og skipulagsráðs
11.13 Hólmsheiði, fangelsislóð, framkvæmdaleyfi
Lagt fram erindi Orkuveitu Reykjavíkur dags. 21. febrúar 2013 um framkvæmdaleyfi vegna lagningar á vatnsveitu- og hitaveitulögnum frá Almannadal og Reynisvatnsheiði auk háspennustrengs að fangelsi Hólmsheiði, samkvæmt uppdr. Verkís hf. dags. 4. febrúar 2013. Einnig er lögð fram greinargerð Minjasafns Reykjavíkur dags. apríl 2013 varðandi skráningu menningarminja á lóð fangelsis og aðveitu.

Vísað til umhverfis-og skipulagsráðs
12.13 Smábýli 5, Einbýlishús
Á fundi skipulagsfulltrúa 26. apríl 2013 var lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til að byggja steinsteypt einbýlishús, mhl. 01 með timburþaki og torfhleðslum á þaki og veggjum og bílskúr með geymslu og sorpgeymslu, mhl. 02 úr timbri á steyptum undirstöðum og sömuleiðis með torfhleðslum sbr. erindi BN031094 samþ. 10.5. 2005 á lóðinni Smábýli nr. 5 á Kjalarnesi, landnúmer 125869. Erindinu var vísað til umsagnar hjá verkefnisstjóra og er nú lagt fram að nýju ásamt umsögn dags. 2. maí 2013.
Stærðir: einbýlishús 105,4 ferm., 383,1 rúmm. Bílskúr 32 ferm., 93,4 rúmm. Samtals 137,4 ferm., 476,5 rúmm. Gjald kr. 9.000

Umsögn skipulagsfulltrúa dags. 2. maí samþykkt.
13.13 Fluggarðar 23, (fsp) bílaleiga
Lögð fram fyrirspurn Haldar ehf. dags. 2. maí 2013 um að afmarka lóð að Fluggörðum 23 fyrir bílaleigu.

Vísað til umsagnar hjá verkefnisstjóra.
14.13 Klettagarðar 12, (fsp) stækkun húss
Lögð fram fyrirspurn Byr Fasteignasölu ehf. dags. 24. apríl 2013 varðandi stækkun hússins á lóðinni nr. 12 við Klettagarða.

Umsækjandi hafi samband við embætti skipulagsfulltrúa.
15.13 Bárugata 23, Viðbygging
Að lokinni grenndarkynningu er lagt fram að nýju erindi frá afgreiðslufundi byggingafulltrúa frá 29. janúar 2013. Sótt er um leyfi til að byggja viðbyggingu við suðausturhlið einbýlishúss á lóð nr. 23 við Bárugötu. Einnig er lagt fram tölvubréf Ragnhildar Tryggvadóttur dags. 4. mars 2013 þar sem óskað er eftir framlengingu á athugasemdarfresti. Erindi var grenndarkynnt frá 8. febrúar til og með 20. mars 2013. Athugasemd barst frá Ragnheiði Tryggvadóttur dags. 4. mars 2013.
Jafnframt er erindi BN044211 dregið til baka. Stækkun: 43,1 ferm., 125 rúmm.Gjald kr. 9.000 + 11.250

Vísað til umsagnar hjá verkefnisstjóra.
16.13 Efstaleiti 5, breyting á deiliskipulagi
Á fundi skipulagsfulltrúa 26. apríl 2013 var lagt fram erindi Byggiðnar - Félags Byggingarmanna dags. 19. apríl 2013 varðandi breytingu á deiliskipulagi lóðarinnar nr. 5 við Efstaleiti. Í breytingunni felst aukning á nýtingarhlutfalli vegna viðbyggingar, Samkvæmt uppdr. Teiknistofunnar Traðar ehf. dags. 24. apríl 2013.
Vísað til umhverfis-og skipulagsráðs
17.13 Grundarstígur 10, Veitingastaður í flokki ll
Lagt fram erindi frá afgreiðslufundi skipulagsfulltrúa frá 30. apríl 2013 þar sem sótt er um leyfi til að breyta veitingastað út flokki I í flokk II, tegund kaffihús, í Hannesarholti á lóð nr. 10 við Grundarstíg.
[Gjald kr. 9.000

Vísað til umsagnar hjá verkefnisstjóra.
18.13 Hafnarstræti 20/Læk5, Spilasalur
Á fundi skipulagsfulltrúa 26. apríl 2013 var lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til þess að innrétta spilasal með 40 spilakössum á fyrstu hæð verslunar- og skrifstofuhússins Hafnarstræti 20 á lóðinni Hafnarstræti 20/Læk5. Erindinu var vísað til umsagnar hjá verkefnisstjóra. Samþykki f.h. eiganda hússins (á teikningu) fylgir erindinu. Gjald kr. 9.000

Frestað.
19.13 Hringbraut 92, Breyta í einbýlishús
Lagt fram erindi frá afgreiðslufundi byggingarfulltrúa frá 30. apríl 2013 þar sem sótt er um leyfi til að skrá sem eina íbúð, rífa stiga við suðurhlið og byggja nýjan ásamt nýrri útihurð við austurhlið íbúðarhússins á lóðinni nr. 92 við Hringbraut.
Umsögn Minjasafns Reykjavíkur dags. 26. apríl 2013 fylgir erindinu.
Gjald kr. 9.000

Samþykkt að grenndarkynna framlagða tillögu fyrir hagsmunaaðilum að Hringbraut 94 og 96 og Bræðraborgarstíg 52.
20.13 Laugavegur 22/Klapparstígur 33, (fsp) veitingaleyfi
Lögð fram fyrirspurn Guðfinns Sölva Karlssonar dags. 24. apríl 2013 varðandi tvö aðskilin veitingaleyfi í húsinu á lóðinni nr. 22 við Laugaveg.

Ekki gerðar skipulagslegar athugasemdir við erindið.
23.13 Stekkjarbakki 2, (fsp) - Akrein norðan þvottastöðvar (Löður)
Á fundi skipulagsfulltrúa 18. apríl 2013 var lagt fram erindi frá afgreiðslufundi byggingarfulltrúa frá 16. apríl 2013 þar sem spurt er hvort leyft yrði að gera aðkomuakrein norðan bílaþvottastöðvar á lóðinni nr. 2 við Stekkjarbakka. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 2. mai. 2013.

Neikvætt, með vísan til umsagnar skipulagsfulltrúa dags.2. mai 2013.
24.13 Tryggvagata 13, breyting á deiliskipulagi
Lagðar fram til kynningar hugmyndir Arkþings dags. apríl 2013 að breytingu á deiliskipulagi vegna uppbyggingar lóðarinnar nr. 13 við Tryggvagötu.



Kynna formanni umhverfis- og skipulagsráðs.
25.13 Barmahlíð 43, (fsp) - Hækka þak 43-45
Lagt fram erindi frá afgreiðslufundi byggingarfulltrúa frá 30. apríl 2013 þar sem spurt er hvort leyft yrði að hækka þak og innrétta íbúðarherbergi í risi fjölbýlishússins á lóð nr. 43-45 við Barmahlíð. Einnig lögð fram umsögn skipulagsfulltrúa dags. 2. maí 2013.

Ekki er gerð athugasemd við erindið með vísan til umsagnar skipulagsfulltrúa dags. 2. maí 2013. Byggingarleyfisumsókn verður grenndarkynnt berist hún.
26.13 Bárugata 4, (fsp) - Atvinnustarfsemi
Lagt fram erindi frá afgreiðslufundi byggingarfulltrúa frá 30. apríl 2013 þar sem spurt er hvor leyft yrði að skrá sem atvinnuhúsnæði tvær íbúðir á fyrstu og annarri hæð hússins nr. 4 við Bárugötu.

Vísað til umsagnar hjá verkefnisstjóra.
27.13 Grensásvegur 22, (fsp) stækkun húss
Á fundi skipulagsfulltrúa 18. apríl 2013 var lögð fram fyrirspurn Samasem ehf. dags. 17. apríl 2013 varðandi stækkun hússins á lóðinni nr. 22 við Grensásveg út fyrir lóðarmörk Grensásvegar 22, 24 og 26, samkvæmt uppdr. Almennu verkfræðistofunnar dags. apríl 2013. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 3. maí 2013.

Neikvætt, með vísan til umsagnar skipulagsfulltrúa dags.3. maí 2013.
28.13 Kambsvegur 22, Kvistur
Á fundi skipulagsfulltrúa 26. apríl 2013 var lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til að byggja tvo kvisti og breyta innra skipulagi í þakhæð fjölbýlishúss á lóð nr. 22 við Kambsveg. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 2. mai 2013.
Stækkun: 27,5 rúmm. Gjald kr. 9.000 + 2.475

Samþykkt að grenndarkynna framlagða tillögu fyrir hagsmunaaðilum að Kambsvegi 19.21.23, 20 og 24.
29.13 Mávahlíð 42, Svalir
Á fundi skipulagsfulltrúa 26. apríl 2013 var lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til þess að byggja svalir inn í þak hússins á lóðinni nr. 42 við Mávahlíð. Erindinu var vísað til umsagnar hjá verkefnisstjóra.
Sjá einnig fyrirspurnarerindi BN042749 sem fékk jákvæða afgreiðslu 29. mars 2011. Samþykki meðeigenda og eigenda húss nr. 44 við Mávahlíð (á teikn.) fylgja erindinu. Gjald kr. 9.000

Frestað.
Umsækjandi hafi samband við embætti skipulagsfulltrúa.
31.13 Njarðargata 25, breyting á deiliskipulagi
Að lokinni grenndarkynningu er lagt fram að nýju erindi umhverfis- og skipulagssviðs varðandi breytingu á deiliskipulagi 1.185.6 vegna lóðarinnar nr. 25 við Njarðargötu. Í breytingunni felst aukning á nýtingarhlutfalli o.fl., samkvæmt uppdr. Magnúsar Jenssonar dags. 14. mars 2013. Tillagan var grenndarkynnt frá 2. apríl til og með 1. maí 2013. Eftirtaldir aðilar sendu athugasemdir: Helena Óladóttir og Theodór Welding dags. 24. apríl 2013, Margrét Harðardóttir dags. 29. apríl 2013, Skrifstofan ehf. Stefán Sigtryggsson dags. 1. maí 2013, Jón Arnar Árnason f.h. 2 eigenda að Nönnugötu 16 dags. 1. maí 2013, Gunnar Guðmundsson og Margrét Kristinsdóttir dags. 2. maí 2013 og Harpa Njáls f.h. eigenda að Nönnugötu 14 dags. 29. apríl 2013.

Vísað til umsagnar hjá verkefnisstjóra.
32.13 Bergstaðastræti 52, (fsp) færsla á lóðarlínu
Lögð fram fyrirspurn Kötlu Smith Henje f.h. húsfélagsins Bergstaðastrætis 52 dags. 30. apríl 2013 varðandi færslu á lóðarlínu Bergsstaðastrætis 52 við Bragagötu í samræmi við lóðarlínu Laufásvegar 47.

Vísað til meðferðar hjá verkefnisstjóra.
33.13 Reitur 1.13, Nýlendureitur, breyting á deiliskipulagi
Lögð fram drög að tillögu umhverfis- og skipulagssviðs varðandi breytingu á deiliskipulagi Nýlendureits, reitur 1.13. Í breytingunni felst breyting á afmörkun o.fl., samkvæmt drögum að tillögu umhverfis- og skipulagssviðs dags. apríl 2013.

Vísað til umhverfis-og skipulagsráðs
34.13 Þrastargata 7, Einbýlishús - niðurrif
Lagt fram erindi frá afgreiðslufundi byggingarfulltrúa frá 30. apríl 2013 þar sem sótt er um leyfi til að rífa hús og byggja nýtt einbýlishús, ein hæð og ris, burðarvirki úr timbri, klætt aluzinki á steyptum sökkli á lóð nr. 7 við Þrastargötu.
Erindi fylgir umsögn Minjastofnunar Íslands dags. 14. mars 2013 og Minjasafns Reykjavíkur dags. 4. apríl 2013. Niðurrif: 51,5 ferm. Nýbygging: 1. hæð 62 ferm., 2. hæð 51,8 ferm. Samtals 113,8 ferm., 291,4 rúmm. Gjald kr. 9.000

Ekki eru gerðar athugasemdir við erindið. Samræmist deiliskipulagi.
35.13 Ægisíða 119, (fsp) - Sólhýsi og sólpallur
Lagt fram erindi frá afgreiðslufundi byggingarfulltrúa frá 30. apríl 2013 þar sem spurt er hvort leyft yrði að byggja sólhýsi við suðurhlið þríbýlishúss á lóð nr. 119 við Ægisíðu.

Vísað til umsagnar hjá verkefnisstjóra.
36.13 Álfsnes, Sorpa, bréf Umhverfisstofnunar
Á fundi skipulagsfulltrúa 18. apríl 2013 var lagt fram bréf Umhverfisstofnunar dags. 9. nóvember 2012 varðandi skipulagsáætlanir og framkvæmdaleyfi fyrir urðunarstað Sorpu bs. Álfsnesi. Einnig er lagt fram bréf Umhverfisstofnunar til Heilbrigðiseftirlits Reykjavíkur dags. 10. apríl 2013.
Frestað.