Vesturgata 57A, Elliðavatnsblettur 3, Grundarhverfi, Smábýli 5, Heiðmörk, Vatnsendakrikar, Vallá 125762, Úlfarsfell, Freyjugata 38, Hlíðargerði 13, Hólmsheiði, fangelsislóð, Rituhólar 7, Skeifan 15, Faxaskjól 12, Frakkastígur 9, Hverfisgata 53 og 55 Vatnsstígur 8 og 10b, reitur 1.152.5, Óðinsgata 3, Reitur 1.132.0, Norðurstígsreitur, Friggjarbrunnur 18, Kambsvegur 22, Mávahlíð 42, Rauðalækur 14, Úlfarsbraut 76, Ofanleiti 2, Krókháls, Reitur 1.230, Bílanaustreitur, Frakkastígsreitur 1.172.1, Hlíðarendi, Landspítali Háskólasjúkrahús Hringbraut, Sævarhöfði 33, Baldursgata 30, Efstaleiti 5, Einarsnes 76, Hafnarstræti 20/Læk5, Lindargata 28-32, Mörkin 8, Skólavörðustígur 8, Snorrabraut 27, Starmýri 2,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

440. fundur 2013
Ár 2013, föstudaginn 26. apríl kl. 09:15, hélt skipulagsfulltrúi Reykjavíkur 440. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Björn Axelsson, Ágústa Sveinbjörnsdóttir og Helena Stefánsdóttir Eftirtaldir embættismenn kynntu mál á fundinum:, Margrét Þormar, Björn Ingi Edvardsson, Hermann Georg Gunnlaugsson, Valný Aðalsteinsdóttir, Hildur Gunnlaugsdóttir, Gunnar Sigurðsson og Haraldur Sigurðsson. Ritari var Einar Örn Thorlacius.
Þetta gerðist:

1.13 Vesturgata 57A, (fsp) - Endurbyggja bílskúr
Á fundi skipulagsfulltrúa 12. apríl 2013 var lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort endurbyggja megi og endurnýja frá grunni úr steypu og timbri og færa frá lóðarmörkum, geymslu (áður bílskúr) á lóðinni nr. 57A við Vesturgötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 26. apríl 2013.

Neikvætt, með vísan til umsagnar skipulagsfulltrúa dags. 26. april 2013.
2.13 Elliðavatnsblettur 3, Reyndarteikningar mhl. 01
Á fundi skipulagsfulltrúa frá 11. janúar 2013 var lagt fram erindi frá afgreiðslufundi byggingarfulltrúa frá 8. janúar 2013 þar sem sótt er um samþykki á reyndarteikningu af sumarhúsi (mhl. 01) á lóð nr. 3 við Elliðavatnsblett. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 26. apríl 2013. Stækkun: ?? ferm., ?? rúmm.Gjald kr. 8.500 + ??.
Umsögn skipulagsfulltrúa dags. 26. april 2013 samþykkt.
3.13 Grundarhverfi, (fsp) aðstaða fyrir fjarskiptabúnað
Lögð fram fyrirspurn Fjarskipta hf. dags. 16. apríl 2013 varðandi aðstöðu fyrir fjarskiptabúnað við Grundarhverfi á Kjalarnesi.
Vísað til umsagnar hverfisráðs Kjalarness. Umsagnar óskað fyrir 22. maí 2013.
4.13 Smábýli 5, Einbýlishús
Lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til að byggja steinsteypt einbýlishús, mhl. 01 með timburþaki og torfhleðslum á þaki og veggjum og bílskúr með geymslu og sorpgeymslu, mhl. 02 úr timbri á steyptum undirstöðum og sömuleiðis með torfhleðslum sbr. erindi BN031094 samþ. 10.5. 2005 á lóðinni Smábýli nr. 5 á Kjalarnesi, landnúmer 125869.
Stærðir: einbýlishús 105,4 ferm., 383,1 rúmm. Bílskúr 32 ferm., 93,4 rúmm. Samtals 137,4 ferm., 476,5 rúmm. Gjald kr. 9.000

Vísað til umsagnar hjá verkefnisstjóra.
5.13 Heiðmörk, Vatnsendakrikar, framkvæmdaleyfi
Lagt fram erindi Orkuveitu Reykjavíkur dags. 4. apríl 2013 um framkvæmdaleyfi vegna safnæða og rafstrengja frá Kaldavatnsborholu VK2 Vatnsendakrika í Heiðmörk ásamt umsögn heilbrigðiseftirlits Reykjavíkur dags. 18. apríl 2013.

Vísað til meðferðar hjá verkefnisstjóra.
6.13 Vallá 125762, (fsp) - Hænsnahús
Lagt fram erindi frá afgreiðslufundi byggingarfulltrúa frá 23. apríl 2013 þar sem spurt er hvort byggja megi 60 metra langt og 18 metra breitt hænsnahús á Vallá á Kjalarnesi.

Vísað til meðferðar hjá verkefnisstjóra.
7.13 Úlfarsfell, (fsp) fjarskiptamastur
Á fundi skipulagsfulltrúa 18. apríl 2013 var lögð fram fyrirspurn Fjarskipta hf. dags. 17. apríl 2013 varðandi uppsetningu á 40 m. háu fjarskiptamastri á Úlfarsfelli. Fyrirspurninni var vísað til meðferðar hjá verkefnisstjóra og er nú lögð fram að nýju.

Kynna formanni umhverfis- og skipulagsráðs.
8.13 Freyjugata 38, (fsp) tvöfaldur bílskúr
Lögð fram fyrirspurn Kristínar Jóhannesdóttur dags. 19. apríl 2013 um að byggja tvöfaldan bílskúr á lóðinni nr. 38 við Freyjugötu.

Vísað til umsagnar hjá verkefnisstjóra.
9.13 Hlíðargerði 13, Endurbygging og stækkun
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 5. mars 2013 þar sem sótt er um leyfi til að rífa forstofu og kvisti og endurbyggja og hækka mæni þaks, endurbyggja kvisti og byggja viðbyggingu og svalir á vesturhlið einbýlishúss á lóð nr. 13 við Hlíðargerði. Einnig lögð umsögn skipulagsfulltrúa dags. 8. mars 2013. Erindi var grenndarkynnt frá 20. mars til og með 22. apríl 2013. Engar athugasemdir bárust.
Niðurrif: 5,8 ferm., 27,6 rúmm. Stækkun: 1. hæð 7 ferm., 18,9 rúmm., 2. hæð 6,3 ferm., 70,5 rúmm. Samtals 13,3 ferm., 89,4 rúmm. Gjald kr. 9.000 + 55.350

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

10.13 Hólmsheiði, fangelsislóð, breyting á deiliskipulagi
Lagt fram erindi Framkvæmdasýslu ríkisins dags. 15. apríl 2013 varðandi breytingu á deiliskipulagi Hólmsheiði, fangelsislóðar. Í breytingunni felst að afmarkaður er byggingarreitur fyrir dreifistöð á lóð, samkvæmt uppdr. Arkís ehf. dags. 5. apríl 2013.
Vísað til umhverfis- og skipulagsráðs.
11.13 Rituhólar 7, breyting á deiliskipulagi
Að lokinni grenndarkynningu er lagt fram að nýju erindi Viðars Ólafssonar dags. 8. apríl 2013 varðandi breytingu á skilmálum deiliskipulags Breiðholts 3, Hólahverfi, norðurdeild vegna lóðarinnar nr. 7 við Rituhóla. Í breytingunni felst hækkun á byggingarmagni, samkvæmt tillögu Á stofunni arkitektar ehf. dags. 21. mars 2013. Tillagan var grenndarkynnt frá 17. apríl til og með 17. maí 2013 en þar sem samþykki hagsmunaaðila barst 19. apríl 2013 er erindi nú lagt fram að nýju.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
12.13 Skeifan 15, (fsp) uppbygging
Lögð fram fyrirspurn Vesturgarða ehf. dags. 8. apríl 2013 varðandi uppbyggingu á lóðinni nr. 15 við Skeifuna, samkvæmt uppdr. +Arkitekta ehf. dags. 8. apríl 2013.
Kynna formanni umhverfis- og skipulagsráðs.
13.13 Faxaskjól 12, (fsp) viðbygging
Á fundi skipulagsfulltrúa 18. apríl 2013 var lögð fram fyrirspurn Leifs B. Dagfinnssonar dags. 16. apríl 2013 varðandi viðbyggingu við húsið á lóðinni nr. 12 við Faxaskjól. Fyrirspurninni var vísað til meðferðar hjá verkefnisstjóra og er nú lagt fram að nýju ásamt umsögn skipulagsstjóra dags. 26. apríl 2013.

Ekki er gerð athugasemd við erindið. Byggingarleyfisumsókn verður grenndarkynnt berist hún.
14.13 Frakkastígur 9, (fsp) - Breyta í íbúðir
Lagt fram erindi frá afgreiðslufundi byggingarfulltrúa frá 23. apríl 2013 þar sem spurt er hvort leyft yrði að breyta skrifstofuhúsnæði í tvær til þrjár íbúðir á lóðinni nr. 9 við Frakkastíg. Einnig er lögð fram umsögn skipulagsfulltrúa dags. 26. apríl 2013.

Jákvætt með vísan til umsagnar skipulagsfulltrúa dags. 26. apríl 2013.
15.13 Hverfisgata 53 og 55 Vatnsstígur 8 og 10b, reitur 1.152.5, (fsp) breyting á deiliskipulagi
Lögð fram fyrirspurn Argos ehf. f.h. eigenda Vatnsstígs 8 ehf. dags. 21. mars 2013 varðandi breytingu á deiliskipulagi Skuggahverfis reitur 1.152.5 vegna lóðanna nr 53 og 55 við Hverfisgötu og nr. 8 og 10b við Vatnsstíg. Í breytingunni felst aukið byggingarmagn og stækkunarmöguleikum innan lóðar samkvæmt uppdrætti Argos ehf. dags. 13. mars 2013.

Kynna formanni umhverfis- og skipulagsráðs.
16.13 Óðinsgata 3, (fsp) færsla á byggingarreit.
Lögð fram fyrirspurn Andrésar N. Andréssonar dags. 23. apríl 2013 varðandi færslu á byggingarreit bílskúrs. Einnig lögð fram umsögn skipulagsfulltrúa dags. 24. apríl 2013.

Neikvætt, með vísan til umsagnar skipulagsfulltrúa dags. 24. apríl 2013.
17.13 Reitur 1.132.0, Norðurstígsreitur, breyting á deiliskipulagi
Lögð fram tillaga umhverfis- og skipulagssviðs varðandi endurskoðun deiliskipulags Norðurstígsreits vegna lóðanna að Vesturgötu 24, Nýlendugötu 5a, 7 og 9 (Hlíðarhús), Tryggvagötu 4-6 og Norðurstíg 5, samkvæmt uppdr. umhverfis- og skipulagssviðs dags. 18. apríl 2013.

Samþykkt að kynna tillögu fyrir hagsmunaaðilum á Norðurstígsreit.
18.13 Friggjarbrunnur 18, (fsp) fjölgun íbúða o.fl.
Á fundi skipulagsfulltrúa 18. apríl 2013 var lögð fram fyrirspurn Mansard - Teiknistofunnar ehf. dags. 15. apríl 2013 um að fjölga íbúðum í húsinu á lóðinni nr. 18 við Friggjarbrunn og koma fyrir fimm bílastæðum í innbyggðum bílskúrum. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 26. april 2013.

Umsögn skipulagsfulltrúa dags. 26. apríl 2013 samþykkt.
19.13 Kambsvegur 22, Kvistur
Lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til að byggja tvo kvisti og breyta innra skipulagi í þakhæð fjölbýlishúss á lóð nr. 22 við Kambsveg.
Stækkun: 27,5 rúmm. Gjald kr. 9.000 + 2.475

Vísað til umsagnar hjá verkefnisstjóra.
20.13 15">Mávahlíð 42, Svalir
Lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til þess að byggja svalir inn í þak hússins á lóðinni nr. 42 við Mávahlíð.
Sjá einnig fyrirspurnarerindi BN042749 sem fékk jákvæða afgreiðslu 29. mars 2011. Samþykki meðeigenda og eigenda húss nr. 44 við Mávahlíð (á teikn.) fylgja erindinu. Gjald kr. 9.000

Vísað til umsagnar hjá verkefnisstjóra.
21.13 Rauðalækur 14, Svalir
Lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til að setja upp svalir úr galvaniseruðu stáli á suðausturhlið fyrstu, annarrar og þriðju hæðar hússins á lóðinni nr. 14 við Rauðalæk.
Tölvubréf hönnuðar dags. 17. apríl 2013 fylgir erindinu.
Umsögn skipulagsfulltrúa (vegna fyrirspurnar) dags. 11. mars 2013 fylgir erindinu. Yfirlýsing burðarvirkishönnuðar (á teikn.) og ný skráningartafla fylgja erindinu ásamt útskrift úr gerðabók embættisafgreiðslufundar skipulagsfulltrúa frá 12. apríl 2013. Gjald kr. 9.000.

Vísað til meðferðar hjá verkefnisstjóra.
22.13 Úlfarsbraut 76, (fsp) svalir
Á fundi skipulagsfulltrúa 18. apríl 2013 var lögð fram fyrirspurn Mansard - teiknistofunnar ehf. dags. 15. apríl 2012 varðandi byggingu svala við húsið á lóðinni nr. 76 við Úlfarsbraut, samkvæmt tillögu Mansard - teiknistofunnar ehf. dags. 13. apríl 2013. Fyrirspurninni var vísað til meðferðar hjá verkefnisstjóra og er nú lögð fram að nýju.
Ekki eru gerðar skipulagslegar athugasemdir við erindið, enda verði ekki gert ráð fyrir súlum undir svölum.
23.13 Ofanleiti 2, (fsp) hjóla- og sorpgeymsla
Á fundi skipulagsfulltrúa 18. apríl 2013 var lögð fram fyrirspurn Regins A1 ehf dags. 17. apríl 2013 varðandi byggingu einnar hæðar hjólageymslu og sorpgeymslu á lóðinni nr. 2 við Ofanleiti, samkvæmt uppdr. Arkís ehf. dags. 17. apríl 2013. Fyrirspurninni var vísað til meðferðar hjá verkefnisstjóra og er nú lögð fram að nýju.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.
24.13 Krókháls, (fsp) lega Reykjaæða
Lögð fram fyrirspurn Orkuveitu Reykjavíkur dags. 17. apríl 2013 um að kvöð sem nú er um legu Reykjaæða verði flutt að Krókhálsi.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.
25.13 Reitur 1.230, Bílanaustreitur, bréf
Á fundi skipulagsfulltrúa 12. apríl 2013 var lagt fram bréf Steinunnar Bjarnadóttur f.h húsfélagsins Mánatúni 3-5 dags. 5. apríl 2013 varðandi endurskoðun deiliskipulags suður byggingarreitsins á Bílanaustreit, reitur 1.230. Einnig er lagt fram bréf Steinunnar Bjarnadóttur f.h. húsfélagsins Mánatúni 3-5 dags. 3. nóvember 2013. Erindinu var vísað til umsagnar hjá verkefnisstjóra og er nú lagt fram að nýju ásamt umsögn umhverfis- og skipulagssviðs dags. 23. apríl 2013.

Umsögn umhverfis- og skipulagssviðs dags. 23. apríl 2013 samþykkt. Ekki því tekin frekari afstaða til erindisins.
26.13 Frakkastígsreitur 1.172.1, (fsp) breyting á deiliskipulagi
Á fundi skipulagsfulltrúa 15. mars 2013 var lögð fram fyrirspurn Vatns og lands ehf. dags. 8. febrúar 2013 um breytt deiliskipulag Frakkastígsreits. Tillagan gengur m.a. út á að fella niður kvöð um óstaðbundna gönguleið á milli Laugavegar og Hverfisgötu, tilfærslu á byggingarlínum innan reits o.fl., samkv. tillögu Teiknistofunnar Traðar dags. 8. janúar 2013.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samráði við embætti skipulagsfulltrúa, á eigin kostnað.
27.13 Hlíðarendi, (fsp) námsmannaíbúðir
Á fundi skipulagsfulltrúa 15. mars 2013 2013 var lagt fram bréf Knattspyrnufélagsins Vals dags. 7. mars 2013 um uppbyggingu námsmannaíbúða á skipulagssvæði Hlíðarenda í Vatnsmýri. Erindinu var vísað til meðferðar verkefnisstjóra aðalskipulags og verkefnastjóra skipulagsfulltrúa og er nú lagt fram að nýju.

Vísað til endurskoðunar aðalskipulags.
28.13 Landspítali Háskólasjúkrahús Hringbraut, (fsp) bráðalyfta
Lögð fram fyrirspurn Landspítalans dags. 18. apríl 2013 varðandi byggingu lyftuturns og tengingu milli hjartaþræðingar á 0. hæð og 2. hæðar í C og D álmu spítalans, samkvæmt uppdrætti THG arkitekta dags. 11. apríl 2013.

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.
29.13 Sævarhöfði 33, starfsleyfi
Á fundi skipulagsfulltrúa 22. mars 2013 var lagt fram bréf heilbrigðisfulltrúa dags. 5. mars 2013 með beiðni um umsögn vegna útgáfu starfsleyfis fyrir vélaverkstæði Björgunar við Sævarhöfða 33. Einnig er lagt fram bréf Björgunar dags. 4. mars 2013. Erindinu var vísað til meðferðar hjá verkefnisstjóra aðalskipulags og er nú lagt fram að nýju.

Vísað til umhverfis-og skipulagsráðs.
30.13 Baldursgata 30, (fsp) - Kvistur, þakgluggar
Á fundi skipulagsfulltrúa 12. apríl 2013 var lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að byggja kvist á vesturhlið, koma fyrir þakglugga á norðurhlið og breikka dyr út á svalir rishæðar fjölbýlishúss á lóð nr. 30 við Baldursgötu. Erindinu var vísað til umsagnar hjá verkefnisstjóra og er nú lagt fram að nýju.

Frestað. Umsækjandi hafi samband við embætti skipulagsfulltrúa.
31.13 Efstaleiti 5, breyting á deiliskipulagi
Lagt fram erindi Byggiðnar - Félags Byggingarmanna dags. 19. apríl 2013 varðandi breytingu á deiliskipulagi lóðarinnar nr. 5 við Efstaleiti. Í breytingunni felst aukning á nýtingarhlutfalli vegna viðbyggingar, Samkvæmt uppdr. Teiknistofunnar Traðar ehf. dags. 24. apríl 2013.

Vísað til meðferðar hjá verkefnisstjóra.
32.13 Einarsnes 76, breyting á deiliskipulagi
Að lokinni grenndarkynningu er lagt fram erindi Daníels B. Sigurgeirssonar dags. 13. mars 2013 varðandi breytingu á deiliskipulagi Einarsness vegna lóðarinnar nr. 76 við Einarsnes. Í breytingunni felst hækkun á þaki og að byggja við húsið til norðurs, samkvæmt uppdr. Teiknistofunnar HR ehf. dags. 12. mars 2013. tillagan var grenndarkynnt frá 25. mars til og með 23. apríl 2013. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
33.13 Hafnarstræti 20/Læk5, Spilasalur
Lagt fram erindi frá afgreiðslufundi byggingarfulltrúa frá 23. apríl 2013 þar sem sótt er um leyfi til þess að innrétta spilasal með 40 spilakössum á fyrstu hæð verslunar- og skrifstofuhússins Hafnarstræti 20 á lóðinni Hafnarstræti 20/Læk5.
Samþykki f.h. eiganda hússins (á teikningu) fylgir erindinu. Gjald kr. 9.000

Vísað til umsagnar hjá verkefnisstjóra.
34.13 Lindargata 28-32, breyting á deiliskipulagi
Lagt fram erindi L28 ehf. dags. 9. apríl 2013 varðandi breytingu á deiliskipulagi Skúlagötusvæðis vegna lóðanna nr. 28, 30 og 32 við Lindargötu. Í breytingunni felst stækkun á byggingarreit og niðurfellingu bílastæða, samkvæmt uppdr. Vinnustofunnar Þverá dags. 5. apríl 2013. Einnig er lagt fram minnisblað skipulagsfulltrúa dags. 17. apríl 2013.

Vísað til umhverfis- og skipulagsráðs þegar uppdrættir hafa verið lagfærðir til samræmis við minnisblað skipulagsfulltrúa dags. 17. apríl 2013.
35.13 Mörkin 8, (fsp) áhaldahús
Lögð fram fyrirspurn Viðars Helga Guðjohnsen dags. 18. apríl 2013 varðandi byggingu áhaldahúss á lóðinni nr. 8 við Mörkina.

Vísað til umsagnar hjá verkefnisstjóra.
36.13 Skólavörðustígur 8, (fsp) - Veitingahús
Á fundi skipulagsfulltrúa 4. apríl 20013 var lagt fram erindi frá afgreiðslufundi byggingarfulltrúa frá 26. mars 2013 þar sem spurt er hvort leyft yrði að breyta veitingaverslun í veitingahús í flokki II fyrir 18 gesti í húsi á lóð nr. 8 við Skólavörðustíg. Erindinu var vísað til umsagnar hjá verkefnisstjóra og er nú lagt fram að nýju.

Ekki eru gerðar skipulagslegar athugasemdir við erindið.
37.13 Snorrabraut 27, (fsp) - Bar/hótel/íbúðir
Á fundi skipulagsfulltrúa 18. apríl 2013 var lagt fram erindi frá afgreiðslufundi byggingarfulltrúa frá 16. apríl 2013 þar sem spurt er hvort leyft yrði að starfrækja veitingastað í flokki II eða í flokki III á fyrstu hæð hússins nr. 27 á lóðinni nr. 27-29 við Snorrabraut. Jafnframt er til vara spurt hvort leyft yrði að reka hótelíbúðir í sama húsnæði. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 22. apríl 2013. Bréf hönnuðar dags. 9. apríl 2013 fylgir erindinu.

Umsögn skipulagsfulltrúa dags. 22. apríl 2013 samþykkt.
38.13 Starmýri 2, (fsp) - 2C Stúdioíbúðir
Lagt fram erindi frá afgreiðslufundi byggingarfulltrúa frá 23. apríl 2013 þar sem spurt er hvort leyft yrði að breyta atvinnuhúsnæði í íbúðir á fyrstu hæð húss nr. 2C á lóðinni nr. 2 við Starmýri.

Vísað til umsagnar hjá verkefnisstjóra.