Auglýsingaskilti, Ljósvallagata 20, Njálsgata 78, Þrastargata 7, Spítalastígur 8, Lindargata 28-32, Efstaleiti 5, Eggertsgata, stúdentagarðar, Freyjugata 38, Gunnarsbraut 40, Heiðargerði 16, Kambsvegur 18, Rauðalækur 14, Laugavegur 28C, Reitur 1.230, Bílanaustreitur, Þingholtsstræti 21, Borgartún 8-16, Bólstaðarhlíð 52-56, Kleppsvegur 104, Krosshamrar 5, Rituhólar 7, Skeifan 15, Suðurhlíðar 9, Klettaskóli, Blikastaðavegur 2-8, Breiðholtsbærinn, Nauthólsvík, Öskjuhlíð, Ásatrúarfélagið, Frakkastígsreitur 1.172.1, Staðahverfi, Aðalstræti 7, Baldursgata 30, Bárugata 23, Eddufell 8, Hestháls 10, Hverfisgata 20, Hverfisgata 57, Laugavegur 53B, Laugavegur 55, Þorragata 1, Álfheimar 74, Vesturgata 57A, Garðabær,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

438. fundur 2013
Ár 2013, föstudaginn 12. apríl kl. 09:10, hélt skipulagsfulltrúi Reykjavíkur 438. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsfulltrúa Borgartúni 12 - 14, 2. hæð, Stardalur. Fundinn sátu: Björn Axelsson og Marta Grettisdóttir. Eftirtaldir embættismenn kynntu mál á fundinum: Ágústa Sveinbjörnsdóttir, Guðlaug Erna Jónsdóttir, Margrét Þormar, Lilja Grétarsdóttir, Björn Ingi Edvardsson, Hildur Gunnlaugsdóttir, Valný Aðalsteinsdóttir og Haraldur Sigurðsson. Ritari var Harri Ormarsson
Þetta gerðist:

1.13 Auglýsingaskilti, (fsp) uppsetning á 3 stöðum
Lögð fram fyrirspurn Ivan Milenkovic dags. 25. mars 2013 varðandi uppsetningu á rafrænum auglýsingaskiltum á þremur stöðum í borginni, við Hörpu, við Sæbraut og á Miklatúni. Einnig lögð fram umsögn skipulagsfulltrúa dags. 10. apríl 2013.

Neikvætt, með vísan til umsagnar skipulagsfulltrúa dags. 10. apríl 2013.
2.13 Ljósvallagata 20, Svalir 2. og 3. hæð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 26. febrúar 2013 þar sem sótt er um leyfi til þess að fjarlægja núverandi svalir á annarri hæð og í framhaldi byggja svalir á annarri og þriðju hæð. Jafnframt er gerð grein fyrir núverandi innra fyrirkomulagi íbúða 0201 og 0301 í húsinu á lóðinni nr. 20 við Ljósvallagötu. Erindi var grenndarkynnt frá 7. mars til og með 8. apríl 2013. Engar athugasemdir bárust.
Samþykki meðeigenda í húsi dags. 06.03.2012 fylgir erindi. Samþykki eins meðeiganda (tölvubréf frá BNA) dags. 21.06.2012 fylgir erindi. Samþykki nágranna í húsum nr. 18 og 22 við Ljósvallagötu dags. 07.05.2012 fylgir erindi ásamt útskrift úr gerðabók embættisafgreiðslufundar skipulagsstjóra frá 29. júní 2012 og umsögn skipulagsstjóra dags. 28. júní 2012. Ný skráningartafla fylgir erindinu. Gjald kr. 8.500


Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

3.13 Njálsgata 78, (fsp) - Kvistir -samþ.íb.í risi
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að byggja kvisti á norðurhlið, hækka og lengja kvist á suðurhlið og fá samþykkta íbúð á rishæð hússins nr. 78 við Njálsgötu.

Vísað til umsagnar hjá verkefnisstjóra.
4.13 Þrastargata 7, (fsp) niðurrif o.fl.
Lögð fram fyrirspurn Dap ehf. dags. 8. apríl 2013 varðandi niðurrif hússins á lóðinni nr. 7 við Þrastargötu og byggingu nýs, samkvæmt uppdr. Dap ehf. dags. 2. apríl 2013.

Vísað til umsagnar hjá verkefnisstjóra.
5.13 Spítalastígur 8, (fsp) ofanábyggingin
Lögð fram fyrirspurn Egg arkitekta ehf. dags. 11. apríl 2013 um að byggja eina hæð ofan á húsið á lóðinni nr. 8 við Spítalastíg.

Vísað til umsagnar hjá verkefnisstjóra.
6.13 Lindargata 28-32, breyting á deiliskipulagi
Lagt fram erindi L28 ehf. dags. 9. apríl 2013 varðandi breytingu á deiliskipulagi Skúlagötusvæðis vegna lóðanna nr. 28, 30 og 32 við Lindargötu. Í breytingunni felst stækkun á byggingarreit og niðurfellingu bílastæða, samkvæmt uppdr. Vinnustofunnar Þverá dags. 5. apríl 2013.

Kynna formanni umhverfis- og skipulagsráðs.
7.13 Efstaleiti 5, (fsp) viðbygging
Á fundi skipulagsfulltrúa 22. mars 2013 var lögð fram fyrirspurn Byggiðn - Félags Byggingamanna dags. 11. mars 2013 um að byggja við húsið á lóðinni nr. 5 við Efstaleiti, samkvæmt uppdr. Teiknistofunnar Traðar dags. 12. desember 2012 og skýringarmynd dags. 5. mars 2013. Fyrirspurninni var frestað og er nú lögð fram að nýju.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.
8.13 Eggertsgata, stúdentagarðar, breyting á deiliskipulagi
Á fundi skipulagsstjóra 28. september 2012 var lagt fram erindi Arkís f.h. Félagsstofnunar stúdenta dags. 20. september 2012 um breytingu á deiliskipulagi stúdentagarða við Eggertsgötu, skv. uppdrætti dags. 20. september 2012. Sótt er um að afmarka byggingareiti fyrir byggingar við Eggertsgötu 2-34 og Suðurgötu 121 og einnig að heimilt verði að starfrækja leikskóla á 1. hæð Eggertsgötu 30-32. Erindinu var frestað og er nú lagt fram að nýju.

Samþykkt að grenndarkynna framlagða tillögu fyrir hagsmunaaðilum að Skerplugötu 1, 2 og 3, Reykjavíkurvegi 40-46 og 50 og Fossagötu 3.
9.13 Freyjugata 38, (fsp) - Bílskúr
Á fundi skipulagsfulltrúa 5. apríl 2013 var lagt fram erindi frá afgreiðslufundi byggingarfulltrúa frá 26. mars 2013 þar sem spurt er hvort leyft yrði að byggja bílskúr fyrir íbúð annarrar hæðar hússins á lóðinni nr. 38 við Freyjugötu. Einnig er spurt um stærð og staðsetningu bílskúrsins ef leyfi fengist til þess að byggja hann. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 10. apríl 2013.

Ekki er gerð athugasemd við erindið með vísan til umsagnar skipulagsfulltrúa dags. 10. apríl 2013. Samþykki meðlóðarhafa áskilið. Byggingarleyfisumsókn verður grenndarkynnt berist hún.
10.13 Gunnarsbraut 40, (fsp) - Stækkun og endurnýjun á þaki
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að hækka þak og innrétta íbúðarrými í fjölbýlishúsi á lóð nr. 40 við Gunnarsbraut.

Vísað til umsagnar hjá verkefnisstjóra.
11.13 Heiðargerði 16, (fsp) - Viðbygging
Lagt fram erindi frá afgreiðslufundi byggingarfulltrúa frá 12. apríl 2013 þar sem spurt er hvort leyft yrði að að stækka viðbyggingu út fyrir byggingarreit eins og sýnt er á meðfylgjandi skissum af einbýlishúsi á lóð nr. 16 við Heiðargerði.

Vísað til umsagnar hjá verkefnisstjóra.
12.13 Kambsvegur 18, (fsp) - Íbúð jarðhæð
Á fundi skipulagsfulltrúa 5. apríl 2013 var lagt fram erindi frá afgreiðslufundi byggingarfulltrúa frá 26. mars 2013 þar sem spurt er hvort leyft yrði að innrétta tvær litlar íbúðir í verslunarrými á jarðhæð íbúðar- og atvinnuhúss á lóð nr. 18 við Kambsveg. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 9. apríl 2013.

Neikvætt, með vísan til umsagnar skipulagsfulltrúa dags. 9. apríl 2013.
13.13 Rauðalækur 14, Svalir
Lagt fram erindi frá afgreiðslufundi byggingarfulltrúa frá 9. apríl 2013 þar sem sótt er um leyfi til að setja upp svalir úr galvaniseruðu stáli á suðausturhlið fyrstu, annarrar og þriðju hæðar hússins á lóðinni nr. 14 við Rauðalæk.
Umsögn skipulagsfulltrúa (vegna fyrirspurnar) dags. 11. mars 2013 fylgir erindinu. Yfirlýsing burðarvirkishönnuðar (á teikn.) og ný skráningartafla fylgja erindinu.
Gjald kr. 9.000

Neikvætt, ekki fallist á svalir úr stáli. Vísað er til umsagnar skipulagsfulltrúa dags. 11. mars 2013.
14.13 Laugavegur 28C, Breyting inni - flóttaleiðir
Á fundi skipulagsfulltrúa 4. apríl 2013 var lagt fram erindi frá afgreiðslufundi byggingarfulltrúa frá 26. mars 2013 þar sem sótt er um leyfi til að innrétta gistiskála í flokki II fyrir 10 gesti (sem rekinn yrði í tengslum við farfuglaheimili á Laugavegi 28) í einbýlishúsi á lóð nr. 28C við Laugaveg.
Gjald kr. 9.000

Ekki gerðar skipulagslegar athugasemdir við erindið. Leita þarf umsagnar Minjastofnunnar íslands.
15.13 Reitur 1.230, Bílanaustreitur, bréf
Lagt fram bréf Steinunnar Bjarnadóttur f.h húsfélagsins Mánatúni 3-5 dags. 5. apríl 2013 varðandi endurskoðun deiliskipulags suður byggingarreitsins á Bílanaustreit, reitur 1.230. Einnig er lagt fram bréf Steinunnar Bjarnadóttur f.h. húsfélagsins Mánatúni 3-5 dags. 3. nóvember 2013.

Vísað til umsagnar hjá verkefnisstjóra.
16.13 Þingholtsstræti 21, Pallur, útitröppur og útihurðir
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 19. febrúar 2013 þar sem sótt er um leyfi til að byggja pall við norðausturhlið, gera nýjar dyr úr hjólageymslu á götuhæð, skipta í tvær íbúðir og færa til upprunalegs horfs útlit einbýlishúss á lóð nr. 21 við Þingholtsstræti. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 1. mars 2013. Erindi var grenndarkynnt frá 7. mars til og með 8. apríl 2013. Engar athugasemdir bárust.
Erindi fylgir umsögn Minjasafns Reykjavíkur og Minjastofnunar Íslands dags. 15. febrúar 2013. Gjald kr. 9.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

17.13 Borgartún 8-16, (fsp) - B1 Veitingahús 1.h.
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að starfrækja veitingahús í flokki III (en til vara í flokki II) á fyrstu hæð hússins nr. 16 á lóðinni nr. 8-16 við Borgartún.
Jafnframt er spurt um aðstöðu fyrir veitingastaðinn til útiveitinga sunnan hússins.

Ekki gerðar skipulagslegar athugasemdir við að heimilaður verði veitingastaður í flokki III með opnunartíma til 23:00 á virkum dögum en til kl. 01:00 aðfararnætur föstudaga, laugardaga og sunnudaga. Sækja þarf um byggingarleyfi og leyfi til útiveitinga.
18.13 Bólstaðarhlíð 52-56, (fsp) - Íbúðir jarðhæð
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að færa þvottaaðstöðu inn í hitaklefa og innrétta tvær íbúðir í rýmum sem eru merkt "straustofa, þvottavél, þurrkklefi og óráðstafað", alls u.þ.b. 90 fermetrar á jarðhæð fjölbýlishúss á lóðinni nr. 52-56 við Bólstaðahlíð.
Í húsinu yrðu samtals 28 íbúðir eftir breytinguna. Bílastæði á lóð eru 28 talsins.

Ekki gerðar skipulagslegar athugasemdir við erindið. Sækja þarf um byggingarleyfi.
19.13 Kleppsvegur 104, (fsp) - Bílskúr
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort samþykki fengist fyrir áður gerðum bílskúr í suðvesturhorni lóðar og jafnframt hvort leyft yrði að stækka um helming sama bílskúr á lóð nr. 104 við Kleppsveg. Einnig lögð fram umsögn skipulagsfulltrúa dags. 11. apríl 2013.

Með vísan til umsagnar skipulagsfulltrúa er ekki gerð athugasemd við að áður gerður skúr verði samþykktur, enda verði sótt um byggingarleyfi. Ekki er fallist á stækkun hans.
20.13 Krosshamrar 5, (fsp) stækkun húss o.fl.
Á fundi skipulagsfulltrúa 4. apríl 2013 var lögð fram fyrirspurn Atla Más Agnarssonar dags. 27. mars 2013 um að stækka húsið á lóðinni nr. 5 við Krosshamra og breyta húsinu úr einbýlishúsi með auka íbúð í parhús, samkvæmt uppdr. Teiknistofunnar Rúm dags. 23. mars 2013. Einnig er lagt fram samþykki meðlóðarhafa dags. 24. mars 2013. Fyrirspurninni var vísað til umsagnar hjá verkefnisstjóra .
Neikvætt. með vísan til fyrri umsagna vegna sambærilegrar fyrirspurnar.
21.13 Rituhólar 7, breyting á deiliskipulagi
Lagt fram erindi Viðars Ólafssonar dags. 8. apríl 2013 varðandi breytingu á skilmálum deiliskipulags Breiðholts 3, Hólahverfi, norðurdeild vegna lóðarinnar nr. 7 við Rituhóla. Í breytingunni felst hækkun á byggingarmagni, samkvæmt tillögu Á stofunni arkitektar ehf. dags. 21. mars 2013.

Samþykkt að grenndarkynna framlagða tillögu fyrir hagsmunaaðilum að Rituhólum 2, 4, 5 og 9.
22.13 Skeifan 15, (fsp) uppbygging
Lögð fram fyrirspurn Vesturgarða ehf. dags. 8. apríl 2013 varðandi uppbyggingu á lóðinni nr. 15 við Skeifuna, samkvæmt uppdr. +Arkitekta ehf. dags. 8. apríl 2013.

Vísað til umsagnar hjá verkefnisstjóra.
23.13 Suðurhlíðar 9, Klettaskóli, breyting á deiliskipulagi
Að lokinni auglýsingu er lögð fram tillaga umhverfis- og skipulagssviðs dags. í október 2012 varðandi breytingu á deiliskipulagi Suðurhlíða vegna lóðarinnar nr. 9 við Suðurhlíð (Klettaskóla). Í breytingunni felst uppbygging á lóðinni m.a. breyting á byggingarreit, aukning á byggingarmagni og því að gert er ráð fyrir boltagerði á lóðinni samkvæmt uppdrætti OG arkitekta dags. 22. október 2012. Tillagan var auglýst frá 12. nóvember til og með 24. desember 2012. Eftirtaldir aðilar sendu athugasemdir: Skarphéðinn Óskarsson og Valgerður Björnsdóttir dags. 14. desember, Elín G. Helgadóttir dags. 15. desember, Hafdís E. Ingvarsdóttir dags. 19. desember 2012 Björk Georgsdóttir dags. 19. desember 2012, Georg Georgsson og Bylgja Óskarsdóttir dags. 19. desember 2012, Jón Pétur Jónsson dags. 20. desember 2012, Tryggvi Pétursson og Þóra Margrét Pálsdóttir dags. 21. desember 2012. Einnig er lagt fram tölvubréf íbúasamtaka 3. hverfis, Hlíða, Holta og Norðurmýrar dags. 21 desember 2012 þar sem óskað er eftir framlengingu á athugasemdafresti. Á fundi skipulagsfulltrúa þann 21. desember 2012 var athugasemdarfrestur framlengdur til 15. janúar 2013. Að lokinni framlengingu sendu eftirtaldir aðilar athugasemdir: Hulda Anna Arnljótsdóttir og Ágúst Hjörtur Ingþórsson dags. 21. desember 2012, Björn Valdimarsson f.h. Næði ehf. dags. 23. desember 2012 og Guðmundur Viggósson, Líney Þórðardóttir og Margrét Guðmundsdóttir dags. 24. desember 2012. Á fundi skipulagsstjóra 21. desember var samþykkt að framlengja frest til að skila inn athugasemdum til 15. janúar 2013. Eftirtaldir aðilar sendu inn athugasemdir: Skarphéðinn Óskarsson og Valgerður Björnsdóttir dags. 3. janúar 2013, Ágúst Ingþórsson f.h. íbúa við Suðurhlíð ásamt greinargerði dags. 15. janúar 2013, Sigurbjörg A. Símonardóttir f.h. íbúa að Beykihlíð 8 dags. 15. janúar 2013, Birgir Viðar Halldórsson dags. 12. og 13. febrúar 2013. Einnig er lagt fram tölvubréf Sigurbjargar A. Símonardóttur dags. 26. febrúar 2013 þar sem óskað er eftir að athugasemdafrestur verði framlengdur. Frestur framlengdur til og með 19. mars 2013. Eftirtaldir aðilar sendu athugasemdir: Þóra M. Pálsdóttir og Tryggvi Pétursson dags. 5. mars 2013, íbúar að Beykihlíð 4 dags. 5. mars 2013 ásamt afriti af yfirlýsingu íbúa við Suðurhlíð og Birgir Viðar Halldórsson dags. 6. mars 2013.
Kynna formanni umhverfis- og skipulagsráðs.
24.13 Blikastaðavegur 2-8, breytt deiliskipulag vegna gagnavers
Lagt fram bréf Skipulagsstofnunar dags. 27. mars 2013 þar sem gerð er athugasemd við birtingu auglýsingar í B-deild Stjórnartíðinda.

Vísað til meðferðar hjá verkefnisstjóra.
25.13 Breiðholtsbærinn, minnisvarði um kirkju
Lögð fram fyrirspurn Gunnars S. Óskarssonar f.h. Rótarýklúbbs Reykjavíkur - Breiðholts dags. 26. mars 2013 um að reisa stein til minningar um kirkju í Breiðholti fyrir ofan rústir gamla Breiðholtsbæjarins. Einnig er lagt fram bréf Minjastofnunar Íslands dags. 19. mars 2013. Einnig lögð fram umsögn skipulagsfulltrúa dags. 10. apríl 2013.

Ekki gerð athugasemd við erindið með vísan til umsagnar skipulagsfulltrúa. dags. 10. apríl 2013.
26.13 Nauthólsvík, breyting á deiliskipulagi
Lögð er fram tillaga umhverfis- og skipulagssviðs varðandi breytingu á deiliskipulagi Nauthólsvíkur. Í breytingunni felst að ákvæði um stríðsminjasafn er fellt niður en í stað þess verði ákvæði um að húsin verði fyrir veitingarekstur eða aðra starfsemi og þjónustu sem fellur að nýtingu útivistarsvæði og starfsemi í Nauthólsvík, samkvæmt uppdr. Landmótunar dags. 10. apríl 2013.

Vísað til umhverfis-og skipulagsráðs.
27.13 Öskjuhlíð, Ásatrúarfélagið, breyting á deiliskipulagi
Lagt fram erindi Ásatrúarfélagsins dags. 4. apríl 2013 varðandi breytingu á deiliskipulagi Öskjuhlíðar vegna lóðar Ásatrúarfélagsins. Í breytingunni felst breyting á byggingarreit og lóðarmörkum ásamt fækkun bílastæða, samkvæmt uppdr. Landmótunar sf. dags. 3. apríl 2013.

Vísað til umhverfis-og skipulagsráðs.
28.13 Frakkastígsreitur 1.172.1, (fsp) breyting á deiliskipulagi
Á fundi skipulagsfulltrúa 15. mars 2013 var lögð fram fyrirspurn Vatns og lands ehf. dags. 8. febrúar 2013 um breytt deiliskipulag Frakkastígsreits. Tillagan gengur m.a. út á að fella niður kvöð um óstaðbundna gönguleið milli Laugaveg og Hverfisgötu, tilfærsla á byggingarlínum innan reits o.fl., samkv. tillögu Teiknistofunnar Traðar dags. 8. janúar 2013.

Frestað.
Fyrirspyrjandi hafi samband við embættið.
29.13 Staðahverfi, bréf skipulagsstofnunar
Á fundi skipulagsfulltrúa 22. mars 2013 var lagt fram bréf Skipulagsstofnunar dags. 18. mars 2013 ásamt bréfi umhverfis- og auðlindaráðuneytisins dags. 14. febrúar 2013 þar sem farið er fram á að Skipulagsstofnun leiðbeini Reykjavíkurborg um nauðsyn þess að breyta deiliskipulagi fyrir Staðarhverfi vegna þeirrar ákvörðunar Reykjavíkurborgar að grunnskóli Staðahverfis skuli aðeins þjónusta hluta grunnskólabarna, samanber rökstuðningi ráðuneytisins í bréfi. Skipulagsstofnun beinir því til skipulagsyfirvalda Reykjavíkurborgar að breyta skipulagsskilmálum deiliskipulags er varðar grunnskóla Staðahverfis. Erindinu var vísað til meðferðar hjá verkefnisstjóra og er nú lagt fram að nýju.

Vísað til meðferðar skrifstofu sviðsstjóra.
30.13 Aðalstræti 7, Útiveitingar
Lagt fram erindi frá afgreiðslufundi byggingarfulltrúa frá 18. mars 2013 þar sem sótt er um leyfi til að vera með útiveitingar fyrir 64 gesti til kl. 23:00 (flokkur II) á Ingólfstorgi frá maí til september á vegum Stofan Cafe á lóð nr. 7 við Aðalstræti. Einnig lögð fram umsögn skipulagsfulltrúa dags. 8. apríl 2013.
Gjald kr. 9.000

Ekki eru gerðar skipulagslegar athugasemdir við erindið með vísan til umsagnar skipulagsfulltrúa dags. 8. apríl 2013.
31.13 Baldursgata 30, (fsp) - Kvistur, þakgluggar
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að byggja kvist á vesturhlið, koma fyrir þakglugga á norðurhlið og breikka dyr út á svalir rishæðar fjölbýlishúss á lóð nr. 30 við Baldursgötu.

Vísað til umsagnar hjá verkefnisstjóra.
32.13 Bárugata 23, Viðbygging
Að lokinni grenndarkynningu er lagt fram að nýju erindi frá afgreiðslufundi byggingafulltrúa frá 29. janúar 2013. Sótt er um leyfi til að byggja viðbyggingu við suðausturhlið einbýlishúss á lóð nr. 23 við Bárugötu. Einnig er lagt fram tölvubréf Ragnhildar Tryggvadóttur dags. 4. mars 2013 þar sem óskað er eftir framlengingu á athugasemdarfresti. Erindi var grenndarkynnt frá 8. febrúar til og með 20. mars 2013. Athugasemd barst frá Ragnheiði Tryggvadóttur dags. 4. mars 2013.
Jafnframt er erindi BN044211 dregið til baka. Stækkun: 43,1 ferm., 125 rúmm.Gjald kr. 9.000 + 11.250

Frestað. Óskað er eftir skuggavarpi.
33.13 Eddufell 8, hækkun nýtingarhlutfalls o.fl.
Á fundi skipulagsfulltrúa 4. apríl 2013 var lagt fram erindi skrifstofu borgarstjóra dags. 3. apríl 2013 ásamt erindi Guðmundar Sigurðssonar dags. 29. janúar 2013 um að endurskoða tillögu KRark dags. 20. nóvember 2011 um að hækka nýtingarhlutfall og breikka byggingarreit efri hæða hússins, stækkun stigahúss og að fella burt stöllun efri hæða hússins á lóðinni nr. 8 við Eddufell. Erindinu var vísað til meðferðar hjá verkefnisstjóra og er nú lagt fram að nýju ásamt umsögn skipulagsfulltrúa dags. 9. apríl 2013.

Neikvætt, með vísan til umsagnar skipulagsfulltrúa dags. 9. apríl 2013.
34.13 Hestháls 10, (fsp) stæði fyrir hópbifreiðar
Lögð fram fyrirspurn Kristjáns M. Baldurssonar framkvæmdastjóra Hópferðamiðstöðvarinnar ehf. dags. 26. mars 2013 varðandi stæði fyrir hópbifreiðar á svæði norðan við lóðina nr. 10 við Hestháls. Einnig er lögð fram umsögn skipulagsfulltrúa dags. 11. apríl 2013.

Neikvætt, með vísan til umsagnar skipulagsfulltrúa dags. 11. apríl 2013.
35.13 Hverfisgata 20, (fsp) kaffihús
Lögð fram fyrirspurn Dóru Takefusa dags. 11. apríl 2013 um að reka kaffihús á lóðinni nr. 20 við Hverfisgötu.

Vísað til umsagnar hjá verkefnisstjóra.
36.13 Hverfisgata 57, Ljúka við byggingu húss
Lagt fram erindi frá afgreiðslufundi byggingarfulltrúa frá 9. apríl 2013 þar sem sótt er um leyfi til þess að byggja úr steinsteypu tvær hæðir og rishæð ofan á hús sem nú er ein hæð og kjallari á lóðinni nr. 57 við Hverfisgötu. Einnig lögð fram umsögn skipulagsfulltrúa dags. 10. apríl 2013.
Eftir breytinguna verða sex íbúðir í húsinu.
Ný skráningartafla fylgir erindinu. Stærð: Fjölbýlishús xx ferm. og xx rúmm. Gjald kr. 8.500 + xx.


Umsögn skipulagsfulltrúa dags. 10. apríl 2013 samþykkt.
37.13 Laugavegur 53B, (fsp) - Kaffihús
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að breyta verslunarrými (rými 0101) í kaffihús á jarðhæð hússins nr. 53B við Laugaveg.
Bréf fyrirspyrjanda dags. 5 apríl 2013 fylgir erindinu.

Ekki gerðar skipulagslegar athugasemdir við erindið.
38.13 Laugavegur 55, (fsp) - Útiveitingar
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort leyft yrði að útbúa aðstöðu til útiveitinga við veitingastað á baklóð hússins nr. 55 við Laugaveg. Jafnframt er spurt um hámarksfjölda gesta á veitingastaðnum og hvort koma mætti fyrir ferðasalernum við staðinn yfir sumartímann. Einnig er lögð fram umsögn skipulagsfulltrúa dags. 10. apríl 2013.

Með vísan til umsagnar skipulagsfulltrúa dags. 10. apríl 2013 eru ekki gerðar skipulagslegar athugasemdir við leyfi til útiveitinga til kl. 22:00 á kvöldin Ekki er fallist á staðsetningu ferðasalerna á lóðinni.
39.13 Þorragata 1, Viðbygging - BN044332
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 5. mars 2013 þar sem nýjum teikningum er vísað til skipulagsfulltrúa vegna leyfi til að rífa skúrbyggingu og byggja steinsteypta tveggja hæða viðbyggingu við leikskólann Sælukot á lóð nr. 1 við Þorragötu. Erindi var grenndarkynnt frá 11. mars til og með 11. apríl 2013. Engar athugasemdir bárust.
Niðurrif: 6,4 ferm., 13,7 rúmm. Viðbygging: 248,7 ferm., 647,1 rúmm. Gjald kr. 9.000 + 58.239

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar með fyrirvara um að engar athugasemdir berist í dag.
Vísað til fullnaðarafgreiðslu byggingarfulltrúa.

40.13 Álfheimar 74, (fsp) gistiheimili
Lögð fram fyrirspurn Ask Arkitekta ehf. dags. 11. apríl 2013 varðandi gistiheimili á 2. hæð hússins á lóðinni nr. 74 við Álfheima. Einnig er lögð fram umsögn skipulagsfulltrúa dags. 11. apríl 2013.

Ekki gerðar athugasemdir við erindið með vísan til umsagnar skipulagsfulltrúa dags. 11. apríl 2013.
41.13 Vesturgata 57A, (fsp) - Endurbyggja bílskúr
Lagt fram erindi frá afgreiðslufundi byggingarfulltrúa frá 9. apríl 2013 þar sem spurt er hvort endurbyggja megi og endurnýja frá grunni úr steypu og timbri og færa frá lóðarmörkum, geymslu (áður bílskúr) á lóðinni nr. 57A við Vesturgötu.

Vísað til umsagnar hjá verkefnisstjóra.
42.13 Garðabær, samráðs- og upplýsingafundur
Lagt fram bréf skipulagsstjóra Garðabæjar dags. 21. mars 2013 þar sem boðað er til samráðs- og upplýsingafundar vegna breytingar á aðalskipulagi Garðabæjar sem nær til skógræktarsvæðis í Sandahlíð og til Heiðmerkur innan Garðabæjar og tillögu að deiliskipulagi sem nær til sama svæðis. Einnig er lögð fram tillaga Garðabæjar og Landslags ehf. dags. 14. febrúar 2013.

Vísað til meðferðar verkefnisstjóra aðalskipulags.