Hlíðarendi, Bugðulækur 17, Háagerði 12, Háaleitisbraut 29-35, Rauðalækur 14, Kjalarvogur 10, Tryggvagata 16, Héðinsgata 10, Dofraborgir 3, Hlíðargerði 13, Húsahverfi svæði C, Hádegismóar 1-3, Hólmgarður 34, Kvosin, Landsímareitur, Laugarnesvegur 47, Aðalstræti 9, Baldursgata 18, Hverfisgata 12, Hverfisgata 19, Hverfisgata 78, Njarðargata 25, Lækjargata 8, Kjalarnes, Mógilsá, Álfheimar 49, bensínstöð Olís, Baldursgata 30, Bauganes 31A, Bauganes 40, Bárugata 23, Hafnarstræti 20/Læk5, Háteigsvegur 17, Skólavörðustígur 1A, Blikastaðavegur 2-8, Hörpugata 14, Sundlaugavegur 30, Tryggvagata 13, Engjateigur 7,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

434. fundur 2013
Ár 2013, föstudaginn 8. mars kl. 09:20, hélt skipulagsfulltrúi Reykjavíkur 434. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Björn Axelsson, Marta Grettisdóttir og Helena Stefánsdóttir. Eftirtaldir embættismenn kynntu mál á fundinum:, Ágústa Sveinbjörnsdóttir, Guðlaug Erna Jónsdóttir, Lilja Grétarsdóttir, Margrét Þormar, Hermann Georg Gunnlaugsson og Björn Ingi Edvardsson. Ritari var Harri Ormarsson.
Þetta gerðist:

1.13 Hlíðarendi, (fsp) námsmannaíbúðir
Lagt fram bréf Knattspyrnufélagsins Vals dags. 7. mars 2013 um uppbyggingu námsmannaíbúða á skipulagssvæði Hlíðarenda í Vatnsmýri.
Frestað.
Vísað til meðferðar skipulagsfulltrúa.
2.13 Bugðulækur 17, (fsp) handrið
Á fundi skipulagsfulltrúa 1. mars 2013 var lögð fram fyrirspurn Ragnheiðar Hauksdóttur dags. 20. febrúar 2013 um leyfi fyrir handrið á þaki bílskúrsins á lóðinni nr. 17 við Bugðulæk. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 8. mars 2013.

Neikvætt með vísan til umsagnar skipulagsfulltrúa dags. 8. mars 2013.
3.13 Háagerði 12, Viðbygging til austurs
Á fundi skipulagsfulltrúa 1. mars 2013 var lagt fram erindi frá afgreiðslufundi byggingarfulltrúa frá 26. febrúar 2013 þar sem sótt er um leyfi til að byggja tveggja hæða viðbyggingu við austurhlið og til að breyta innra skipulagi í einbýlishúsi á lóð nr. 12 við Háagerði. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 7. mars 2013.
Útskrift úr gerðabók embættisafgreiðslufundar skipulagsfulltrúa frá 1. febrúar 2013 fylgir erindinu ásamt umsögn skipulagsstjóra dags. 22. maí 2012. Erindi fylgir fsp. dags. 25. september 2012. Stækkun: 41,5 ferm., 137,9 rúmm. Gjald kr. 9.000 + 12.411

Ekki er fallist á erindið með vísan til umsagnar skipulagsstjóra dags. 7. mars 2013.
4.13 Háaleitisbraut 29-35, (fsp) nuddstofa
Lögð fram fyrirspurn Danielu I. Gunnarssonar dags. 7. mars 2013 varðandi nuddstofu í kjallara hússins nr. 35 á lóðinni nr. 29-35 við Háaleitisbraut. Einnig er lagt fram samþykki meðlóðarhafa dags. 10. febrúar 2013.
Ekki gerð athugasemd við erindið. Sækja þarf um byggingarleyfi.
5.13 Rauðalækur 14, (fsp) - Endurb.og stækka svalir
Lagt fram erindi frá afgreiðslufundi byggingarfulltrúa frá 5. mars 2013 þar sem spurt er hvort leyft yrði að endurbyggja og stækka svalir á suðausturhlið fyrstu, annarrar og þriðju hæðar hússins nr. 14 við Rauðalæk.

Vísað til umsagnar hjá verkefnisstjóra.

6.13 Kjalarvogur 10, (fsp) reisa skemmu
Lögð fram fyrirspurn Hringrásar hf. dags. 3. janúar 2013 um að reisa skemmu á eldri grunni samsíða húsi á lóðinni nr. 10 við Kjalarvog, samkvæmt uppdr. Verkfræðistofunnar Bjarg ehf. dags. 15. október 2012 br. 7. desember 2010. Einnig er lögð fram umsögn Faxaflóahafna dags. 6. febrúar 2013. Einnig lögð fram umsögn skipulagsfulltrúa dags. 7. mars 2013.

Neikvætt, með vísan til umsagnar skipulagsfulltrúa dags. 7. mars 2013.
7.13 Tryggvagata 16, Breyting - 4. og 5. hæð
Á fundi skipulagsfulltrúa 1. mars 2013 var lagt fram erindi frá afgreiðslufundi byggingarfulltrúa frá 26. febrúar 2013 þar sem sótt er um leyfi til að breyta þaki, setja kvisti með skúrþaki á báðar hliðar, svalir á suðurhlið og innrétta íbúðir á 4. og 5. hæð íbúðar- og atvinnuhúss á lóð nr. 16 við Tryggvagötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 6. mars 2013.
Erindi fylgir þinglýst eignaskiptayfirlýsing dags. 15. september 2005 og samkomulag eigenda Tryggvagötu 16 (ekki þinglýst), dags. 7. desember 2004 og fsp. dags. 20. nóvember 2012. Stækkun: xx ferm., xx rúmm. Gjald kr. 9.000 + xx

Umsögn skipulagsfulltrúa dags. 6. mars 2013 samþykkt.
8.13 Héðinsgata 10, áfangaheimili
Lögð fram að nýju umsókn Spörvars líknarfélags Reykjavíkur dags. 24. janúar 2013 ásamt greinargerð, þar sem óskað er eftir undanþágu frá aðalskipulagi vegna búsetu í húsnæði að Héðinsgötu 10. Einnig lögð umsögn skipulagsfulltrúa dags. 8. mars 2013.

Ekki gerð athugasemd við erindið með vísan til skilyrða í umsögn skipulagsfulltrúa dags. 8. mars 2013. Sækja þarf um byggingarleyfi.
9.13 Dofraborgir 3, (fsp) bílskúr
Á fundi skipulagsfulltrúa 22. febrúar 2013 var lögð fram fyrirspurn Jóns Sigurðar Pálssonar dags. 18. febrúar 2013 um að bílskúr á lóðinni nr. 3 við Dofraborgir verði sameinaður íbúð og nýr bílskúr byggður, samkvæmt uppdr. VA Arkitekta ódags. Fyrirspurninni var frestað og er nú lögð fram að nýju ásmt umsögn skipulagsfulltrúa dags. 8. mars 2013.

Neikvætt, með vísan til umsagnar skipulagsfulltrúa dags. 8. mars 2013.
10.13 Hlíðargerði 13, Endurbygging og stækkun
Lagt fram erindi frá afgreiðslufundi byggingarfulltrúa frá 5. mars 2013 þar sem sótt er um leyfi til að rífa forstofu og kvisti og endurbyggja og hækka mæni þaks, endurbyggja kvisti og byggja viðbyggingu og svalir á vesturhlið einbýlishúss á lóð nr. 13 við Hlíðargerði. Einnig lögð umsögn skipulagsfulltrúa dags. 8. mars 2013.
Niðurrif: 5,8 ferm., 27,6 rúmm.
Stækkun: 1. hæð 7 ferm., 18,9 rúmm., 2. hæð 6,3 ferm., 70,5 rúmm. Samtals 13,3 ferm., 89,4 rúmm. Gjald kr. 9.000 + 55.350

Samþykkt að grenndarkynna framlagða tillögu fyrir hagsmunaaðilum að Sogavegi 82, 84 og 86 og Hlíðargerði 12, 14, 15 og 16.
11.13 Húsahverfi svæði C, breyting á skilmálum vegna húsagerðar E8 og E9
Að lokinni auglýsingu er lögð framað nýju tillaga umhverfis- og skipulagssviðs dags. 12. desember 2012 að breytingu á skilmálum deiliskipulags "Húsahverfi Grafarvogur III svæði C" ,vegna húsagerðarinnar E8 og útbyggingum. Breytingin felst í því að heimilt hámarks byggingarmagn er hækkað og heimildum til útbyggingar breytt. Tillagan var auglýst frá 21. janúar til og með 4. mars 2013. Eftirtaldir aðilar sendu inn athugasemdir: Arngunnur Jónsdóttir og Helgi Rúnar Rafnsson dags. 25. febrúar 2013

Vísað til umsagnar hjá verkefnisstjóra og skrifsstofu sviðsstjóra.
11.13 Hádegismóar 1-3, (fsp) sameining lóða, uppbygging á lóð
Lögð fram fyrirspurn Garra ehf. dags. 6. mars 2013 um sameiningu lóða 1 og 3 við Hádegismóa og uppbyggingu á lóðinni skv. skissum Arkþings ódags. Einnig lögð fram umsögn skipulagsfulltrúa dags. 7. mars 2013.
Ekki gerð athugasemd við erindið með vísan til umsagnar skipulagsfulltrúa dags. 7. mars 2013.
12.13 Hólmgarður 34, (fsp) fjölgun íbúða
Á fundi skipulagsfulltrúa 1. mars 2013 var lögð fram fyrirspurn Pegason slf. dags. 22. febrúar 2013 um fjölgun íbúða í húsinu á lóðinni nr. 34 við Hólmgarð, samkvæmt uppdr. Gingi Teiknistofunnar dags. 22. janúar 2013. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 7. mars 2013.

Neikvætt, með vísan til umsagnar skipulagsfulltrúa dags. 7. mars 2013.
13.13 Kvosin, Landsímareitur, breyting á deiliskipulagi Kvosarinnar
Að lokinni hagsmunaaðilakynningu er lögð fram að nýju tillaga Ask arkitekta að breytingu á deiliskipulagi Kvosin - Landsímareitur dags. 25. janúar 2013.
Í breytingunni felst breytt uppbygging á reitnum samkvæmt deiliskipulagsuppdráttum 1 og 2 og ásamt skýringaruppdrætti. Skipulagssvæðið afmarkast af Aðalstræti, Vallarstræti, Thorvaldsenstræti og Kirkjustræti. Tillagan var í kynningu til og með 6. mars 2013. Eftirtaldir aðilar sendu inn athugasemdir/ábendingar: Bolli Héðinsson dags. 3. mars 2013 og Bin hópurinn ódags.. Einnig eru lögð fram tölvubréf Þóru Andrésdóttur dags. 4. mars 2013, Guðríðar Öddu Ragnarsdóttur dags. 5. mars 213 og skrifstofu Alþingis dags. 6. mars 2013 þar sem óskað er eftir framlengingu á athugasemdarfresti.

Samþykkt að framlengja hagsmunaaðilakynningu til 13. mars 2013.
14.13 Laugarnesvegur 47, Breyting - BN044459
Lagt fram erindi frá afgreiðslufundi byggingarfulltrúa frá 5. mars 2013 þar sem sótt er um leyfi til að breyta áður samþykktu erindi BN04459 þannig að húsið stækkar þar sem bætt verður við kaldri geymslu undir anddyri, innréttað verður gufubað og sturta í hluta bílgeymslu, glugga og hurð breytt, sett verður vængjahurð á bílageymslu og stiga breytt úr steyptum í timburstiga í húsinu á lóð nr. 47 við Laugarnesveg.
Stækkun frá áður samþykktu er: 12,1 ferm., 28,5 rúmm. Gjald kr. 9.000 + 2.565

Vísað til umsagnar hjá verkefnisstjóra.
15.13 Aðalstræti 9, (fsp) - Breyta í íbúðir
Lagt fram erindi frá afgreiðslufundi byggingarfulltrúa frá 5. mars 2013 þar sem spurt er hvort leyft yrði að innrétta 5-6 íbúðir á 2. hæð í íbúðar- og atvinnuhúsi á lóð nr. 9 við Aðalstræti.

Vísað til umsagnar hjá verkefnisstjóra.
16.13 Baldursgata 18, Rishæð - breyting
Að lokinni grenndarkynningu er lagt fram að nýju erindi frá afgreiðslufundi byggingarfundi frá 22. janúar 2013 þar sem sótt er um leyfi til þess að breyta innra fyrirkomulagi á fyrstu og annarri hæð, fjarlægja glugga og byggja kvisti á þakhæð hússins á lóðinni nr. 18 við Baldursgötu. Erindi var grenndarkynnt frá 31. janúar til og með 28. febrúar 2013. Eftirtaldir aðilar sendu inn ábendingu: Elín R. Sigurðardóttir dags. 1. mars 2013.
Umsögn Minjastofnunar Íslands dags. 17. janúar 2013 fylgir erindinu.
Gjald kr. 9.000

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

17.13 Hverfisgata 12, (fsp) hótelíbúðir
Lögð fram fyrirspurn Þórðar Bogasonar f.h. R.R. hótel ehf. dags. 6. mars 2013 um hvort heimilt yrði að reka hótelíbúðir í húsi nr. 12 við Hverfisgötu.

Vísað til umsagnar hjá verkefnisstjóra.
18.13 Hverfisgata 19, (fsp) - Viðbygging
Lagt fram erindi frá afgreiðslufundi byggingarfulltrúa frá 5. mars 2013 þar sem spurt er hvort leyft yrði að byggja viðbyggingu, timburgrind klædd dökkgráu zinki, fyrir vörumóttöku og vinnu við leikmyndir ofan á smíðaverkstæði við austurhlið Þjóðleikhússins á lóð nr. 19 við Hverfisgötu.

Kynna fomanni umhverfis- og skipulagsráðs.
19.13 Hverfisgata 78, bréf Nordik lögfræðiþjónustu
Lagt fram bréf Nordik lögfræðiþjónustu dags. 22. febrúar 2013 varðandi breytingu á deiliskipulagi reits 1.173.0 vegna lóðar nr. 78 við Hverfisgötu.

Vísað til umsagnar skrifsstofu sviðsstjóra.
20.13 Njarðargata 25, Ofanábygging
Á fundi skipulagsfulltrúa 22. febrúar 2013 var lagt fram erindi frá afgreiðslufundi byggingarfulltrúa frá 19. febrúar 2013 þar sem sótt er um leyfi til að byggja hæð úr timbri og klæða að utan með bárujárni einbýlishús á lóð nr. 25 við Njarðargötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 7. mars 2013.
Stækkun: 34,8 ferm., 242,3 rúmm. Gjald kr. 9.000 + 21.807

Ekki eru gerðar athugasemdir við unnin verði tillaga að breytingu á deiliskipulagi í samræmi við erindið með vísan til umsagnar skipulagsfulltrúa dags. 7. mars 2013. Tillagan verður grenndarkynnt.
21.13 Lækjargata 8, (fsp) breyting á deiliskipulagi, stækkun húss
Lögð fram fyrirspurn Zeppelin arkitekta f.h. Lækjar ehf. dags. 6. mars 2013 ásamt bréfi dags. 26. feb. 2013, um breytingu á deiliskipulagi Pósthússtrætisreits vegna aukins byggingarmagns fyrir Lækjargötu 8. Einnig lagðar fram tölvumyndir og uppdrættir Zeppelin arkitekta dags. 6. mars 2013.

Frestað.
Vísað til meðferðar hjá verkefnisstjóra.
22.13 Kjalarnes, Mógilsá, erindi Janus endurhæfingar ehf.
Á fundi skipulagsfulltrúa 1. mars 2013 var lagt fram erindi Janus endurhæfingar ehf. dags. 21. febrúar 2013 um leyfi fyrir uppsetningu húss í landi Rannsóknarstöðvar skógræktar ríkisins við Mógilsá. Um er að ræða samstarfsverkefni Janus endurhæfingar, Rannsóknarstöðvar skógræktar ríkisins og Landbúnaðarháskólans í Svíþjóð vegna náttúrutengdrar atvinnuendurhæfingar fyrir einstaklinga með streitutengda geðræna sjúkdóma. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsfulltrúa dags. 8. mars 2013.

Með vísan til umsagnar skipulagsfulltrúa dags. 8. mars 2013 eru ekki gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað.
23.13 Álfheimar 49, bensínstöð Olís, (fsp) metanafgreiðsla
Lögð fram fyrirspurn Olíuverzlunar Íslands hf. dags. 4. mars 2013 um hvort leyft verði að koma fyrir metanafgreiðslu með tilheyrandi búnaði á Olísstöðinni Álfheimum 49 skv. uppdrætti Ask arkitekta dags. 28. febrúar 2013.

Vísað til umsagnar hjá verkefnisstjóra.
24.13 Baldursgata 30, Matshl.03 Íb.2. hæð
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 15. janúar 2012 þar sem sótt er um leyfi til þess að breyta atvinnuhúsnæði á annarri hæð í íbúð, koma fyrir svölum á suðurhlið og breyta gluggum á norðurhlið hússins (matshl. 03) á lóðinni nr. 30 við Baldursgötu. Erindi var grenndarkynnt frá 31. janúar til og með 28. febrúar 2013. Engar athugasemdir bárust.
Samþykki meðeigenda í matshl. 03 dags. 15. nóvember 2012 og 06. janúar 2013 (tölvupóstur) fylgir erindinu. Umsögn skipulagsstjóra dags. 28. september 2012 (v. fyrirspurnar) fylgir erindinu. Gjald kr. 8.500

Samþykkt með vísan til viðauka um embættisafgreiðslur skipulagsfulltrúa við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

25.13 Bauganes 31A, Einbýlishús
Lagt fram erindi frá afgreiðslufundi byggingarfulltrúa frá 5. mars 2013 þar sem sótt er um leyfi til að byggja einbýlishús, hæð og ris úr forsteyptum samlokueiningum á lóð nr. 31A við Bauganes.
Stærð: 1. hæð 127,1 ferm., 2. hæð 105 ferm.
Samtals 232,1 ferm., 743,6 rúmm.
Gjald kr. 9.000 + 66.924

Vísað til umsagnar hjá verkefnisstjóra.
26.13 Bauganes 40, (fsp) - Hækka þak og setja kvist
Lagt fram erindi frá afgreiðslufundi byggingarfulltrúa frá 5. mars 2013 þar sem spurt er hvort hækka megi ris um 1 meter og byggja kvist á suðurhlið einbýlishúss á lóð nr. 40 við Bauganes.

Vísað til umsagnar hjá verkefnisstjóra.
27.13 Bárugata 23, Viðbygging
Lagt fram erindi frá afgreiðslufundi byggingafulltrúa frá 29. janúar 2013. Sótt er um leyfi til að byggja viðbyggingu við suðausturhlið einbýlishúss á lóð nr. 23 við Bárugötu. Einnig er lagt fram tölvubréf Ragnhildar Tryggvadóttur dags. 4. mars 2013 þar sem óskað er eftir framlengingu á athugasemdarfresti.
Jafnframt er erindi BN044211 dregið til baka.
Stækkun: 43,1 ferm., 125 rúmm.Gjald kr. 9.000 + 11.250

Samþykkt að framlengja athugasemdafrest til 20. mars 2013.
28.13 Hafnarstræti 20/Læk5, (fsp) - Spilasalur
Á fundi skipulagsfulltrúa 1. mars 2013 var lagt fram erindi frá afgreiðslufundi byggingarfulltrúa frá 26. febrúar 2013 þar sem spurt er hvort leyft yrði að innrétta spilasal í rýmum 0101, 0103 og 0105 á jarðhæð verslunar- og skrifstofuhúss á lóðinni Hafnarstræti 20/Læk5.
Kynna formanni umhverfis- og skipulagsráðs.
29.13 Háteigsvegur 17, (fsp) - Svalir
Lagt fram erindi frá afgreiðslufundi byggingarfulltrúa frá 5. mars 2013 þar sem spurt er hvort leyft yrði að byggja svalir annað hvort á suðausturhlið eða á suðvesturhlið annarrar hæðar hússins nr. 17 við Háteigsveg.

Vísað til umsagnar hjá verkefnisstjóra.
30.13 Skólavörðustígur 1A, málskot
Lagt fram málskot Nostrum design dags. 6. mars 2013 vegna neikvæðrar afgreiðslu embættisfundar skipulagsfulltrúa frá 1. mars 2013 á fyrirspurn Nostrum um veitingarekstur að Skólavörðustíg 1a. Einnig lagt fram bréf Nostrum design dags. 6. mars 2013 ásamt ljósmyndum.

Vísað til umhverfis- og skipulagsráðs.
32.13 Blikastaðavegur 2-8, breytt deiliskipulag vegna gagnavers
Að lokinni auglýsingu er lagt fram að nýju erindi Arkís dags. 16. maí 2012 ásamt uppdrætti dags. 20. apríl 2012 um breytingu á deiliskipulagi að Blikastaðavegi 2-8. Breytingin felst í því að lóðin verði skilgreind sem verslunar, þjónustu og athafnasvæði og afmarkaðir verða 3 nýir byggingareitir á lóðinni. Tillagan var auglýst frá 21. janúar til og með 4. mars 2013. Engar athugasemdir bárust.



Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
33.13 Hörpugata 14, Viðbygging
Lagt fram erindi frá afgreiðslufundi byggingarfulltrúa frá 5. mars 2013 þar sem sótt er um leyfi til að byggja við til vesturs anddyri og stigahús ásamt samþykki á aður gerðum og fyrirhuguðum breytingum innanhúss og á geymsluskúr á lóð við parhúsið á lóð nr. 14 við Hörpugötu.
Meðfylgjandi er bréf arkitekts dags. 15.2. 2013,
Stærðir stækkun: xx ferm., xx rúmm.
Gjald kr. 9.000 + xx

Vísað til umsagnar hjá verkefnisstjóra.
34.13 Sundlaugavegur 30, breyting á deiliskipulagi
Að lokinni auglýsingu er lagt fram að nýju erindi framkvæmda- og eignasviðs dags. 14. desember 2012 varðandi breytingu á deiliskipulagi Laugardals vegna lóðarinnar nr. 30 við Sundlaugarveg. Í breytingunni felst að byggja tveggja hæða varðturn ofan á núverandi búningsaðstöðu Laugardalslaugarinnar, samkvæmt uppdr. Landslags ehf. dags. 12. desember 2012. Tillagan var auglýst frá 21. janúar til og með 4. mars 2013. Engar athugasemdir bárust.

Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar
35.13 Tryggvagata 13, breyting á deiliskipulagi
Lagðar fram til kynningar hugmyndir Arkþings dags. mars 2013 að breytingu á deiliskipulagi vegna uppbyggingar lóðarinnar nr. 13 við Tryggvagötu.

Kynna formanni umhverfis -og skipulagsráðs.
36.13 Engjateigur 7, (fsp) fjölgun bílastæða
Á fundi skipulagsfulltrúa 22. febrúar 2013 var lögð fram fyrirspurn Arkís Arkitektar ehf. dags. 21. febrúar 2013 um að endurskipuleggja og fjölga bílastæðum á lóðinni nr. 7 við Engjateig ásamt fjölgun bílastæða í götunni, samkvæmt uppdr. Arkís arkitekta ehf. dags. 21. febrúar 2013. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa dags. 8. mars 2013.

Neikvætt, með vísan til umsagnar skipulagsfulltrúa dags. 8. mars 2013.